روايتي آآآآآه من الأجانب

[قمر جنها]

مشكوره على رفع معنوياتي

اخجلتم تواضعنا

من عيوني خاص لج قلمي

 

[انوار الكوويت]

الله وناسه تسلمييييييييييييييييين
عسل عسل هالبنت
الله يوفقج حبوبة وين ما كنتي

 

[انوار الكوويت]

اب
اب اب
اب اب اب
اب اب اب اب
اب اب اب اب اب
اب
اب
اب
اب
اب

 

[انوار الكوويت]

اب
اب اب
اب اب اب
اب اب اب اب
اب اب اب اب اب
اب
اب
اب
اب
اب​

 

[انوار الكوويت]

اب
اب اب
اب اب اب
اب اب اب اب
اب اب اب اب اب
اب
اب
اب
اب
اب ​

 

[انوار الكوويت]

اب
اب اب
اب اب اب
اب اب اب اب
اب اب اب اب اب
اب
اب
اب
اب
اب ​

 

[انوار الكوويت]

اب
اب اب
اب اب اب
اب اب اب اب
اب اب اب اب اب
اب
اب
اب
اب
اب ​

 

[انوار الكوويت]

اب
اب اب
اب اب اب
اب اب اب اب
اب اب اب اب اب
اب
اب
اب
اب
اب

​

 

[انوار الكوويت]

اب
اب اب
اب اب اب
اب اب اب اب
اب اب اب اب اب
اب
اب
اب
اب
اب ​

 

[بنت مغليهإ]

na6rtj 3la nar ..


Up Up Up Up Up

 

[قمر جنها]

[No message]

 

[قمر جنها]

[No message]

 

[قمر جنها]

الجزء العاشر​

علي: شدراني ! اخذي راي بنتج , شوفيها ترضى تشوفه , خو هي ما ترضى ...


مريم: اخوي تكفاا , هو الولد زين؟


علي: والله زين , بس بنتج ما ترضا حتى تشوف الشخص المتقدم لها ...


(قالت مريم برجاء): زين حاجها علي , هي تسمع كلامك...


(علي باصرار): اختي , الا الزواج , انتي تقولين لها , و من غير ضغط لازم , و هي تقرر توافق ولا ترفض ...


مريم: بس اخوي , ما يصير نسكت , ناس زينين ايون لها و تردهم , يمكن لو تشوف الولد الله يكتب لها/ يصير قبول , بس هي كلش , تقفلها من الاساس ,[ لا ايون , مابيهم ايون ]...


علي: ميخالف , امها سوت نفسها , مو انتي لي الحين ترفضين حسين , مع اني شايفج غلطانه برفضج ما تدخلت...


مريم: يوووه علي , انا من صجي , و انت تنكت ...



(ضحك علي قائلا): و انا من صجي بعد , شوفي , حتى انا ما حبيت احد يغصبني ما اخذ امهم , غلطان , بس عالاقل اكون انا غلطان , محد يبتلش فيني , و انا ساكت عنج , ابيج انتي يا توافقين يا ترفضين , خلي البنت ...


(تنفست مريم بعمق حينما التقت عينيها بعيني علي , فقال علي): خل اروح اختي انا , برتاح , اخاف اتعب , و ابي الدوا...


(مريم تنادي): سانتي , سانتي (اتت الخادمه) روحي ودي دوا بابا ...


(صعد علي للطابق العلوي , و جلست مريم بغرفة المعيشة و هي تقول): والله يا علي , مو مني , حسين عوي , شكبره صار , و مسوي روحه مراهق , كبرنا , يعني بهالعمر اوافق عليه(باستغراب) ...


(جاءت حور من الطابق العلوي , قالت لمريم): خالتي مريم , وين حمد ؟


مريم: مادري ؟ ما شفته , عبالي معاج فوق ....


(حور سارحة تفكر): انا اخاف يزعل , عباله اني مفتنه عليه , امي طقتني حيل / شنو اسوي...


(دخل حسن للمنزل قائلا): عميمه , ابوي ما ييه ؟


مريم: هلا حسن يمه , بلا , كاهو فوق...


(توجه حسن مباشرة لوالده)....


........
(في غرفة علي , عندما كان سارحا يتذكر)...


علي: السلام عليكم ...


سعود: يا هلا ,, ها شلوونك ؟


علي: تمام , فوق النخل ...


سعود: زين , انت من هدتك زوجتك و انت متأزم ...


علي: لقيت اللي يعوضني , هالمرره حب بيطلع من عيوني , احبها بكل تفاصيلها ..


(سعود مستغرب): اللي يعوضك !؟ و تحبها بكل تفاصيلها! منو ؟


علي: اقول لك بس توعدني ما تقول لاحد , هالمره(اومأ بيده) الوالد و الوالده بيكيفون عليها , بيستانسون هالمره , بس عساها ترضى ...


سعود: الله! اي منو عاد؟!


علي: غاليه ...


(استغرب سعود بشدة): من صجك انت بو فهيد , شلون بيستانسون ...

 

[قمر جنها]

علي: ايي يستانسون , تبين بنت ناس نفس ما اهما يبون...


سعود: علي غاليه اوربيه ...


(سخر علي من سعود): طا هذا !! اوربيه , اوربيه اسمها غاليه !!!


سعود: والله اوربيه/ ابوها اوربي و امها كويتيه...


........
(دمعت عيناه علي عندما تذكر ما حدث معه بشأن الفتاة التي أحبها , و كيف تركها قائلا): الله يذكرج بالخير وين ما تكونين...


(طرق باب غرفته , فمسح دموعه على الفور قائلا): منو ؟


حسن: انا يبا ...


علي: دش , ليش تطق الباب بعد ...


(دخل حسن مبتسما): قوه يبا(قبل رأسه)يبا ...


علي: هلا يبه ...


حسن: ابي فلوس ...


علي: حسن يبه , ماكو فلوس ...


حسن: يبا ربعي ينطروني...


علي: انا متفق معاك ان ذيك المره اخر مره اعطيك , قلت لك لازم تشوف لك دوام او تشوف لك دوام ثاني كيفك ...


حسن: يبا شبيقولون ؟ ولد علي القاسم و ما عنده فلوس !!


علي: اي ولد علي القاسم ما يشتغل اكيد ما عنده فلوس , الشي الغريب انه يكون عنده فلوس (حدق بحسن) لان علي القاسم مو دايم له , ولا دايم لاخوانه ...


حسن: بس يباا ...


علي: بس يالله بس , صرت ريال , متخرج من الجامعه صار لك سنتين , و لي الحين لا شغله ولا مشغله , ما اعتقد ولد علي القاسم محتاج واسطه عشان يشتغل , واسطته علي القاسم ...



حسن: يبا شفيك علي؟!


(قال علي بحزم): حسن , كلامي واضح , و اخوانك بعد راح احاجيهم ما يعطوونك , مصختها...


(في ساعه متأخرة من الليل/ عندما عاد فهد , رآى حور تجلس في غرفة المعيشة مع والده)...


(فهد باستغراب): حوريه!!! حيا الله من يانا , سهرانا عندنا اليوم...


علي: لازم تسهر عندنا , مرت حمد , تسهر عندنا ليش ما تسهر عندنا....


(تفاجأ فهد قائلا): شنو؟!!! لا لا مو معقوله , يبا اكيد تتقشمر ..


علي: لا صج , في احد يتقشمر بهالسوالف , متزوج و مو قايل , لين شاف زوجته حملت قال لي , قال صارت الصجيه...


فهد: طا هذا ويا راسه , بيصير ابو ويا راسه , لا لا عالبركه حوريه...


(حور منزلة رأسها مبتسمة): الله يبارك فيك ...


فهد: وينه ويا راسه خل ابارك له...


علي: مع رفيجه من فتره , يمكن جريب ايي ما يندرى عنه...


فهد: لاااا؟ خلاص , اتصل عليه هالعجيب ...


(كذب علي ليفي بوعده لحور ووالدتها , توجه فهد لغرفته فقالت حور له): مشكور عمي (طبطب علي على كتفها)....


(في غرفة بدر , في نقاش بينه و زوجته , حيث أجابها): لا تلوميني , جذي تصغريني جدامهم , ما جني ريال بنظرج ...


فجر: بدر لا تصير حساس ...


بدر: اي حساس , طايح من عينج و ما اكتفيتي , الا تطيحيني من عيون الناس بعد , على اي حال , مابي الومج , لاني اؤمن ان الريال الكامل , هو اللي يلبي كل احتياجات زوجته ...


فجر: ميخالف بدر , انا ابي اتسبح , بعدين نتناقش بهالسالفه....


(لم تكترث فجر بجرح بدر , بل جرحته اكثر بعدم اهتمامها)...


(بدر يحدث نفسه): مادري متى بتحسين فيني ...


(نهض بدر من مكانه و اصاب الكرسي الذي تضع فجر عليه حقيبتها مفتوحة بقوه , فأوقع الحقيبه ووقعوا الاغراض التي بداخلها , فقال): افف , قلبت جنطتها (صار يعيد الاغراض لداخل الحقيبة , فرآى دواءا , فقال): شنو هذا؟ هذا مو مسكن/ ولا فيتامين , معقوله فجر مريضه و مو قايله لي؟


(انتظر بدر خروج فجر من الحمام)...


بدر: فجر! انتي مريضه شي؟


(فجر باستهزاء): لا طبعا , ليش؟


(رفع بدر الدواء و سألها): عيل هذا شنو ؟


(غضبت فجر و صرخت قائلة): انت ليش متعبث بجنطتي؟


بدر: شفيج معصبه؟ ليش تصرخين؟


فجر: مو شغلك , عطني الدوا ..

بدر: ممكن تعدلين اسلوبج؟؟


فجر: ماني معدلته , عطني الدوا ...


(اعطاها بدر الدواء و خرج من الغرفة مباشرة , رآى بدر مريم فور خروجه)...


بدر: عميمه!! ما نمتي؟؟


مريم: بلا بس بروح الحمام , شفيك مو نايم ,


(نظر بدر لمريم قائلا): عميمه , شوي بحاجيج


(بعد مضي قرابة النصف ساعه , دخل بدر غرفته , وجد فجر تضع كريما مرطبا على جسمها , لطمها على وجهها)..


(غضبت فجر قائلة): انت مينون ؟


(دفعها بدر يصرخ قائلا): اي مينون اي , اي مينون على اللي ودي ابدع فيج الحين , (مسك ذراعها بقوه) تاخذين منع حمل ؟ و مخليتني مثل الاهبل ركضه ورا كل دكاترة الانجااب...

يتبع...​

 

[انوار الكوويت]

اقراه واعطيج راي

 

[انوار الكوويت]

حرااااااااااااااااااااااااام بدر يكسر الخاطر
اتوقع انه يطلق فجر ويتزوج بدور


ممكن تقولين كل واحد كم عمرة

 

[Ms.romanceya]

up up up
يالله بلييييز كملي عجييييبة الرواية ​

 

[انوار الكوويت]

قمور ناطرينج احر من الجمر

 

[قمر جنها]

هلا انوونه الحبووبه

كاتبه انا ان حمد 26

و حسن 24

فهد 28

بدر26

لما تزوج فجر عمره 20
و هي 18 متزوجها عن حب

بدور الحين 22

الحين راح انزل الجزء العاشر

 

[قمر جنها]

الجزء العاشر​

(دفعها بدر و صار يصرخ قائلا): اي مينون اي , اي مينون على اللي ودي ابدع فيج الحين , (مسك ذراعها بقوه) تاخذين منع حمل ؟ و مخليتني مثل الاهبل ركضه ورا كل دكاترة الانجااب...


فجر: هد ايدي , قاعد تعورني (ترك يدها) يا ويلك يا بدر ان طقيتني مره ثانيه , ليش تطقني ؟ شايف روحك قد انك تييب ياهل...


(عاد و دفعها قائلا): طبعا قد اني اييب ياهل , قصب عليج قد اني اييب ياهل , و انتي على بالج اني خايف منج مثلا تقولين لي يا ويلك , انا مليت من قلة ادبج , ولا مبالاتج , ولاعت جب...


(قاطعته تصرخ قائلة): حتى انا مليت , انت على بالك اني مستانسه من زواجي منك ...


(قال بدر بحزم , و دون صراخ): خلاص اخيرا اتفقنا على شي , لبسي ملابسج و طلعي من هني(استدار ليعطيها ظهره) انتي طالق ...


(صارت فجر تنظر اليه بدهشة): طلقتني بدر , اصبر , اذا ما جرجرتك بالمحاكم ...


(قاطعها قائلا بهدوء تام): تجرجريني , ليش عندج يهال تاخذين حقوقهم مني , انتي اللي اخترتي ان ما يكون عندج يهال مني , واذا عالمؤخر , راح يوصل لج مع مندوب المحكمة اللي يوصل لج ورقة الطلاق...


(كانا علي و مريم واقفان يتحدثان بالجوار فسمعا الجدال الشديد بين بدر و زوجته)...


بدر: يالله شيلي شلايلج طلعي مابي اشوف ويهج ...


(دخلا فور سماعهما بدر يطرد زوجته قائلا)...


علي: بدر يبه مو جذي , الله يرضى علييك مو جذي يا يبه...


فجر: لا عمي انا مابي اقعد , مابي اشوفه كلش , احسن ...


مريم: فجر , بدر يمه اهدوا شويه , مو جذي حل المشاكل..


(لا زال بدر يتحدث بصراخ): اي حل مشاكل , يبه عمتي , انك تحل مشكله شي , و انك تعيش مع مشكله شي ثاني , قلة ادب سكتنا , احتقار سكتنا , تقصير بالواجب سكتنا , عدم احترام جدام الناس و سكت , بس استغفال/ لا عاد , خلاص , هذي ما اعيش معاها , و اذا بتقعد الليله , انا اطلع , تاخذ منع حمل الاخت تقول اني مو كفو ياهل , و اني مقصر عليها ...


(صرخ علي): بدر , بس , انا و عمتك واقفين مو حاشمنا , قاعد اقول لك اهدى ...


(تنفس بدر بعمق صامتا محمر الوجه من شدة الغضب , و فجر تضع بعض مستلزماتها في حقيبة اليد خاصتها مستعده لتخرج)...



(علي يعترض طريق فجر): يا فجر يا يبه قعدي , ما يصير تطلعين هالحزه , اهلج شيقولون عنا , ما داريناج , قعدي فجر قعدي , يمكن نوصل حق حل ...


(فجر تصرخ قائلة): ماني قاعده , وخر عن طريجي لوو سمحت (شعر علي بدوار , و بضيق بالتنفس)...


(ذهلت مريم من فجر حينما صرخت على علي): فجر !!!!! خليتي فيها لو سمحت !!!!



(خرجت فجر فرأت بدور تقف امام باب الغرفة , قالت بدور): شصاير فجر؟


فجر: وخري عني انتي الثانيه ...


(عندما خرجت فجر تركت الباب مفتوحا , نظرت بدور للداخل , تترقب حال بدر , رأت والدتها و خالها , دخلت الغرفة , فرأت بدر يجلس على السرير واضعا يديه على جبينه , فقالت): يما ! شصاير ؟


(التفتت لبدر): بدر شفيك ؟ شصاير ؟


(لم يجبها بدر , لكن اجابتها والدتها): طلق زوجته يمه ..


(شهقت بدور مذهولة): شنووو!!!


مريم: اي والله يمه , علي ,, انت زين ؟؟...


علي: لا والله , شلون بصير زين ؟(علي يتابع حال بدر , نهض بدر على الفور يستمح من والده و يقبل رأسه) ...


بدر: انا اسف يبه , اصلح الامور اللي تبيه انا حاضر ...


علي: مريم بدوره , ميخالف , خلوني مع بدر بروحنا ...


مريم: ميخالف , بس انت زين...


علي: لا تحاتين اختي , معاي بدر ...


مريم: خلاص , يالله بدوره , يالله ماما ...


(خرجت مريم و بدور , لكن عيناها تترقب حال خالها و حال بدر)...


(جلس علي على السرير قائلا): تعال بدر يبه اقعد...


(جلس بدر فقال علي): يبه , انا مو قاعد اضغط عليك تردها , مع ذلك ابيك قوي , الريال يشد طوله ما يطيح , انا ادري انك متضايق , لان طبيعتك مسالم ما تحب العنف , عشان جذي , يمكن خيره انك اتخذت قرارك و طلقتها , لان فجر يبيلها واحد قليل ادب , وظالم نفسها , و انت يا بدر يا يبه , ان شالله , الله كاتب لك مره زينه , و اللي صار هذا مجرد اختبار , ابيك الحين تتوضا و تصلي لك ركعتين عشان تهدى شوي (كان علي يتحدث عن نفسه , لانه عاش تجربه مشابهة تماما لتجربة بدر مع والدته ,حدث علي بدر و نهض ليذهب لغرفته)..


بدر: يبا , اكيد انت زين؟


علي: زين يبه زين...


(كانت بدور تترقب عن بعد , وتقول في نفسها): ان شالله خالي ما يتعب (رأت خالها قد خرج و خلفه بدر)...


علي: يالله يبه , تصبح على خير...


بدر: و انت من اهله ...


(دخل علي غرفته , فتوجهت بدور لغرفة بدر و صارت تنقر على الباب بهدوء , فتح بدر الباب , تفاجأ قائلا): هلا بدوره!!! شفيج ...


بدور: ما فيني شي , مابي اتدخل , بس شفيه خالي , ما فيه شي , انتي شفيج ؟ انا بغير اسمج من كتكوته لي عميمه ...


(ضحكت بدور قائلة): لا اخترعت لما قالت لي امي , خفت انه يطيح...


بدر: اي قلت لج , مو كتكوته , عميمه , لا تخافين بدوره...



بدور: بلا حتى انت , شكلك تعبان , ميخالف , اقعد معاك شويه ...


بدر: اكيد , تعالي , تبين ننزل تحت ...


بدور: لا بدر , حوريه هني ...


(بدر باستغراب): اي حوريه ؟!


بدور: مرت حمد , حوريه بنت ام جاسم ...


(تفاجأ بدر قائلا): شنو!!! حمدو تزوج ؟


بدور: اي تزوج , متزوج مو قايل , لما حملت حور قال ..


بدر: غريبه , مو لايق عالشخصيه , تعالي دشي ...


بدور: انزين , اخاف امي تزفني ...


بدر: لا تزفج , انتي كتكوتي عادي ...


(دخلت للغرفة فأغلق بدر الباب)...


(جلس على السرير , و بدور تقف امامه , و تسأله): شصار بدر ؟, مو عادتك!, انت هادي بالك طويل !, و ما تتضايق بسهوله !, شصار اللي انت تضايقت جذي و قمت تصارخ و طلقتها ,,, انتو تحبون بعض!!! ...:eh_s(2):

يتبع.....​