روايتي آآآآآه من الأجانب

[قمر جنها]

حياكم الله جميعا

انوونه حبي سووري عالتأخير توني مخلصة البارت

 

[قمر جنها]

هلا هنوءه ههههه صار لي من زمان لاقيتج

انا سعيده فيج حياج

 

[قمر جنها]

الجزء الحادي عشر

​

(جلس على السرير , و بدور تقف امامه , و تسأله): شصار بدر ؟, مو عادتك!, انت هادي بالك طويل !, و ما تتضايق بسهوله !, شصار اللي انت تضايقت جذي و قمت تصارخ و طلقتها ,,, انتو تحبون بعض ...


بدر: بدوره ,,, انا حبيتها , هي حبت فلوس ابوووي , ظلت طول الوقت مرتجيه اني اخذ من ابوي فلوس و انا مو راضي , حتى عيال ما تبي تييب مني , الا تشتري جنطه بسعر مهول , عشان اصير بنظرها قادر اصرف عليها , تفاجأت انها تاخذ منع حمل ...


(تفاجأت بدور): صج!!!


بدر: اي والله صج ...


بدور: ليش يعني انا مو فاهمه ...


بدر: تحب المظاهر بدوره , و مرافجه بنات اكباريه الا تبي تصير نفسهم , و ما تبيني افتح قراج عشان فشله , و ما تبي تدش تشتري الا من اماكن غاليه , يعني بدوره (تنفس بعمق و بقهر يقتل قلبه بالتدريج) مو قادر اتكلم(اغمض بدر عيناه , وضع يده على جبينه و صار يتنفس بأنين)...


(خافت بدور و صارت تتمعن ببدر لبرهة ثم قالت): سوري بدر , انا ضايقتك؟(كانت على وشك البكاء)..


(تغير صوت بدر حيث اصبح مائلا الى الحزن): لا تخافين بدوره (بكت بدور بكاءا شديدا , رفع يده من على جبينه و نظر اليها , فرآى بدر وجهها الملائكي قد اصفر خوفا , فنهض من مكانه , وقف و مسكها من كتفيها) بدوره , لا كتكوته لا , (ازداد بكاءها و انينها و هي تنظر اليه , تلاقت عيناهما , فضمها الى صدره , ابتعدت بدور عنه و جرت الى الباب) بدوره كتكوته , انا آسف , مادري شلون سويت جذي , بس تكفين سكتي , ما ارضى اشوفج متضايقه , ولأني متضايق بعد , اسف على كل حال بدور...



بدور: انا ابي اروح , اخاف امي تدورني ما تلاقيني ..


بدر: ميخالف , لا تزعلين مني بدور ...


(لم تجب بدور , فتحت باب الغرفة و خرجت تبكي)...


(دخلت بدور لغرفتها و تقول في نفسها): مستحيل ازعل منك بدر , انا زعلانه انك متضايق و خايفه عليك ...

@@@@@@@@@@


(في اليوم التالي , عند فهد بالشركة)...


دانة: استاذ فهد متأخر اليوم!!


جوري: اي تخيلي , عاد انا قلبي يعورني , ان شالله زين ما فيه شي ...


(دخل فهد على الفور و القى التحية)...


فهد: السلام عليكم ..


دانه و جوري: و عليكم السلام ...


فهد: جوري خلصتي الاوراق اللي عطيتج اياها ...


جوري: لا استاذ , اتصلوا اللي


(قاطعها فهد قائلا): انتي شنو , شنو هالبرود , شنو هالتقصير , تبين اخصم عليج الحين(كانت جوري تنظر لفهد , و تكاد تشكو منه اليه)...


(حاولت جوري السكوت الا انها لم تستطع ان تخبئ جرحها عن فهد هذه المره): استاذ فهد(ذرفت دموعها امامه) انت وايد تبهدلني , انا مقصره !! , ولا لانك حاس فيني احبك تعاملني جذي ...


(حدق فهد بجوري , و صار ينظر اليها باحتقار قائلا): شنو؟ احنا بمكان عمل , واذا ودج تصيرين سخيفه و تتكلمين عن الحب , روحي انتي و السخيف الثاني , و حبو بعض عالبحر , دانه , خلصي الاوراق ...


(رفعت جوري جوالها): الووو , هلا ماما , ما فيني شي , اي قصدج سالم ال... , اي خلاص قولي لهم موافقه , (صارت دانه تحدق بجوري)اي عادي اطلع من وظيفتي , اي صج يما صج موافقه , اوكي يما اوكي حبيبتي , مع السلامه ..


(قالت دانه باستغراب): يا مينونه , من صجج موافقه عليه!! عود , لو يايب عيال جان بنته كبرج , و بعدين عقيم , ان شالله حادج عالظيم , و بعدين انتي ...


(قاطعتها جوري): دانو , تكفين بسج حنة , ما خليتي شي حق امج , جنج خالتي غالية بالضبط , انا خلاص مليت , انا اطلع من هني , و هذا رجل اعمال كبير كل منو يعمل حسابه , يعني ما راح يخلي علي قاصر , بلا حب بلا زفت , جان من البدايه , بس انا سخيفه , نفس ما قال , سخيفه (حملت حقيبتها) يالله باي...



دانه: جوريو شفيج ؟ تعوذي من ابليس ...


جوري: اعوذ بالله من ابليس , بس ماني قاعده....


(ذهبت جوري , مضى الوقت , فنادى فهد بجهاز المناداة على مكتب جوري): جوري ...


(اجابت دانه): استاذ فهد , جوري مو هني طلعت ...


فهد: وين راحت هذي...


(صارت دانه تكذب): هي اتصلو عليها البيت و طلعت فجأه...


فهد: تعالي عندي المكتب ...


دانه: ان شالله (توجهت للمكتب خائفة , طرقت باب المكتب)..

​

​

​

 

[قمر جنها]

دانه: ان شالله (توجهت للمكتب خائفة , طرقت باب المكتب)..


فهد: دشي , (دخلت) اللي بعرفه , شفتيها طلعت , ليش ما تقولين ,


دانه: لانها الصرااحه (سكتت)..


فهد: الصراحه شنو ؟


دانه: امم , خالتي اتصلت , اقصد امها دقت عليها , بخصوص اللي متقدم لها وو


فهد: دانه تحجي عدل مالي خلق افلام ...


دانه: والله , الله يشهد على كلامي , ما يبيها تشتغل , ف اطلعت ,,


فهد: شنو متقدم لها , ليش كاتبه عقد ويانا , ما تدري انها راح تدفع اذا طلعت ...


دانه: قلت لها بس مو راضيه , تقول عادي...


(اخذ فهد نفس عميق , سكت لبرهه ثم قال): المهم , دانه , ابوي كلمني يبي وحده منكم عنده , لان مسوي عقد مع شركه اسبانيه , و كلمني يبي وحده منكم , انا قلتله عن جوري , بس بما ان خطيب حضرتها ما يبيها تشتغل , ف ابيج تفكرين , و هناك بيعطيج معاش ازيد من عندي هني..


دانه: عادي ..


فهد: خلاص ماشي , باجر تروحين شركة الوالد بالديره ..


دانه: شنو اسم الشركة ؟


فهد: هذا الكرت (اعطاها كرت شركة والده) هذا الكرت , اتصلي عليهم يدلونج...


دانه: ان شالله ...


@@@@@@@@@@@@@@


(في منزل انيق جدا , كانت ام دانه تحضر الغداء , دخلت دانه قائلة): قوه ام حمود ...


ام دانه: هلا , شسالفة جوري ياية لي تبجي ...


دانه: مديرنا لسانه طويل , و حده مينون شغل , زفها و هي تحبه , عصبت , و اتصلت على خالتي عاليه تقول لها انها موافقه على الشيبه اللي متقدم لها ...


ام دانه: شنو؟! لا يكون اللي ما اييب عيال ...


دانه: اي تخيلي , كله من خالتي , كله لانه غني , عند روحها ما راح يخلي عليها قاصر , يما لا تنسيني الخبر السعيد , لجيتيني بجوريو الخبله ...


ام دانه: بس ماما دندونه , شفيج تتحجين عن بنت خالتج جذي!! شسالفتج ؟ شنو الخبر السعيد...


دانه: مديري عرض علي اروح شركة ابوه لاني اعرف اسباني , و ابوه متعاقد مع شركه اسبانيه , فبينقلني عنده...


ام دانه: لا والله مو سعيد...


دانه: ليش يما ؟ بالعكس...


ام دانه: ان شالله يحدج تطلعين من دوامج و انتي تعلمتي على الشغل , و ما تدرين مديرج شلون صاير ...


دانه: يما ابو مديري صاحب الشركه , راح يكون هو مديري , لا وشركته باسمه , مجموعة شركات علي القاسم...


(تفاجأت ام دانه قائلة): شنو ؟ ابوه علي القاسم؟


دانه: اي يما , ليش؟!!


ام دانه: شلون صاير؟ شلون..


دانه: يما شفيج اختبصتي , شنو شلون شكله قصدج؟


ام دانه: ايي ...


دانه: كا صورته على الكرت ...


(اخذت ام دانه الكرت , و صارت تدقق بالصوره و قالت): اي ولله هو , الله يذكره بالخير...


دانه: اي شفيه يما ؟ خرعتيني...


ام دانه: ما في شي , كان معاي بالدوام قبل , بس سمعي , مو تقعدين تقولين له امي تعرفك علبو واسطه ...


دانه: لا يما من صجج!! استحي اصلا ...


@@@@@@@@@@@@


(في منزل علي)...


(دخل بدر المطبخ قائلا): عميمه (رآى بدور تقف هناك) بدوره ! عميمه وينها ؟


بدور: طبخت و راحت تتسبح , قالت لي اسوي السلطه و انجب الغدا...


(ضحك بدر قائلا): عبالي انتي اللي مسويه الغدا !! بس همن يعطيج العافيه , السلطه شكلها يحمص , يا حلات الكتكوته , سوري على اللي سويته امس...


(وضعت بدور يدها على فمها قائلة): اششش بدر , لا تسمعك امي ...


(تابع الضحك): اوكي اوكي , نجبي لي ها ...


بدور: صج؟ صج راح تاكل بدر؟


بدر: اي صج ! ليش غريبه يعني ؟


بدور: اي الصراحه , انت ما تاكل كلش ...


بدر: لان ارتحت , ذهني صفا من الغم , افتكيت ....


بدور: طلقتها ؟


بدر: ايي , و دزيت مهرها مع ورقة الطلاق , قصدي مؤخرها...


بدور: الله يعوضك بدر , انت تستاهل كل خير...


(في غرفة حور و حمد)...


حور: حمد , خنطلع ...


حمد: اقول , مالي خلقج ترى ...


حور: ليش حمد؟ والله امي درت لما شافتني ارجع ...


حمد: بس بس بس , الله يلوع جبدج , سكتي بس ...

حور: حمد ! انت مو مستانس انه بيي لنا ياهل ؟


حمد: على شنو استانس , و انا شدراني انه اللي ببطنج ولدي انا ؟


حور: حمد !! انا عمري ما حبيت غيرك ..


حمد: و انتي لازم تحبين عشان تحملين ؟! (مسك حمد حور من كتفيها بقوه) و اذا ابووي صدقكم , انا ما تطوف علي ..


(دفعها و خرج , كان حمد يحدث حور باشمئزاز و احتقار)...

يتبع....​

 

[قمر جنها]

ان شالله يعجبكم البارت

انتظر مشاركاتكم و توقعاتكم

 

[معي احلى]

القصه المجزئه تعب




بانتظار االباقي


دمتي بكل الود

 

[قمر جنها]

هلا عزيزتي


اقري رواياتي اللي بالتوقيع مخلصين

 

[قمر جنها]

انووونه منتظرتج عزيزتي

 

[معي احلى]

اندمجت مع هذه لو بقرأ الباقيات بنفس الوقت .. بتشوش ..



حفظك ربي بانتظار الاجزاء الباقيه باقرب وقت .. ولاتنتظري اي تفاعل مع اي احد حطي واحد بعد واحد متشووووووووووقه اعرف النهايه ويارب ماتكون حزينه تكون نهاية طيبه >> هههه اتشرط

 

[قمر جنها]

هلا عزيزتي

اطمئي ان شالله تعجبج النهاايه

 

[قمر جنها]

اعني اطمئني

 

[قمر جنها]

:bbbiu::eh_s(11)::eh_s(11):وينج انوونتي وينج هنوءه وينكم بنيات ؟؟

بانتظاركن

 

[معي احلى]

ماعليك الا يجو البنات الذي تناديهم وغيرهم .. غير الزوار بس كملي الروايه ^_^



نظام البرتات هذا .. زي الحلقات حق المسلسل .. <<ترفع الضغط ..




على فكرة .. لو بايدي قصه .. اقرأها .. ممكن اتهور واشوف النهاية قبل مااكملها .. والمسلسل اشوف الحلقات من النت حق النهايه .. بس مع روايات منتدى كويتيات كيف اعمل ... هههههههههههه

 

[قمر جنها]

ههههههههههههههه

 

[انوار الكوويت]

سورى حياتي بس طولت عليج

 

[انوار الكوويت]

دوم هالضحكه يارب

 

[Ms.romanceya]

يالله كملي ...
عجييبة الرواآيهـ
اتوؤقع بدر رح يحب بدور
و حمد رح يحب حور
و جوري رح تتزوج الشيبة على قولت دانه
بعدين تتطلقه و يمكن يحبها فهد
​

 

[انوار الكوويت]

رفع لعيونج

 

[قمر جنها]

حبايبي شويه انزل البارت

 

[انوار الكوويت]

ناطرينج يا غلا