روايتي آآآآآه من الأجانب

[ندى البديع]

متابعه ..

 

[انوار الكوويت]

ناطرين

 

[قمر جنها]

الجزء الثاني عشر

​

(دفعها و خرج , كان حمد يحدث حور باشمئزاز و احتقار)...


(جلست حور تنظر للباب بعد خروجه و تبكي)....


(حور تبكي تتحدث مع نفسها): انا ليش حظي جذي ...


(في غرفة المعيشة , كانت مريم تجهز الافطار , بينما نزل حمد من الطابق العلوي غاضبا من الوضع الذي وضع نفسه به)...


مريم: حمد ,(لم يجبها) حمد يمه ...


(حمد و كأن هناك أحدا أوقظه من النوم): هلا عمتي ...


مريم: شفيك يمه ...


حمد: ما فيني شي , مو نايم ,(تابع مسيره ليخرج)...


مريم: تعال حمد ! تريق ...


حمد: مابي عمتي مابي...


مريم: انزين , مرتك وينها , حور وينها ما تبي تتريق ...


(أومأ حمد بيده قائلا): مادري عنها , عندج فوق سأليها ...(خرج)


(قالت مريم متسائلة): شفيه هذا , ما يندرى متهاوشين؟ (صارت تتمتم) مادري شفيهم عيال اخوي؟!


(دخل علي حينها قائلا): صباح الخير , شفيهم عيال اخوج , شفيج تحاجين روحج ...


مريم: مادري , ما مدانا درينا ان حمد متزوج , الحين اشوفه ماله خلقها...


(غضب علي و قال): شنو شنو؟ ماله خلقها ! شمسوي هذا؟


(مريم باستغراب): اقول له مرتك وينها , حور وينها ما تبي تتريق , يأشر لي بيده جنه يكش ذبانه و يقول مادري عنها , عندج فوق سأليها !!



علي: خيولي ...


(في غرفة حمد , كانت حور تبكي بصمت تام , طرق الباب): حور , حور يبه (استلقت حور على السرير و تغطت كليا بالبطانيه , دخل علي يبحث عنها) حور , حور يبه وينج ؟ (سمع علي صوت انينها , جلس على السرير) حور يبه , انا ادري انج قاعده , سولفي لي , انتي زينه , مضايقج حمد ولا لأ (ظلت حور مختبئه فرفع علي الغطاء عنها) حور يبه شفيج متضايقه ,(كانت تبكي بصمت ولا تجيب , تفاجأ بها علي عندما ارتمت على صدره تبكي بحرقه و أنين) حوريه ببا , انتي بنيتي الصغيرونه , نزلي تحت يسألون عنج , خايفين على القطيييو اللي ببطنج , اللي نبي يطلع حلو نفسج , ما نبي جيكر و عفش نفس حميد ..


(صارت حور تضحك , فتابع علي): ايي , ضحكي , شفيج يبه , قوليلي لا تخافين , مضايقج حمد؟ ..


(أومأت برأسها تنكر , لكي لا تغضب حمد منها): لا


علي: انزين , امج لي الحين معصبه عليج ؟..


(أومأت برأسها ايضا تقول): لا ...

علي: خلاص , حلو , يالله قومي معاي تحت ...


حور: وين؟


علي: تعالي تريقي , ابي اشوف ويه بنيتي الحلو , اوكلها و اوكل اللي بكرشتها و اكل ...(ابتسم لها فابتسمت) يالله ببا , يالله حوريه ...



(أنزل علي حور الى الأسفل , أجلسها على طاولة الطعام)...


(قبلت حور مريم على رأسها): هلا حوريه(نظرت مريم , انتبهت لتوها على الكدمات) شفيه ويهج حبيبتي ...


(ارتبكت حور فهي لا تريد لاحد ان يعلم ما حدث , اجاب علي مريم بهدوء): حادث مع ام جاسم , و تعورت ...


مريم: حبيبتي بنيتي ...

(تناول علي الافطار و نهض قائلا): مريم , ما اوصيج بنيتي اليديده ...


(ضحكت مريم و قبلت حور و اجابت): لا توصي حريص(صارت تنادي) سانتي سانتي (توجهت للمطبخ)...


(ذهب علي للحمام و غسل يديه و اسنانه بعد الافطار , ثم استعد ليخرج)...


(التحقت به حور قائلة): عمي ..


علي: ها يبه ..


حور: ميخالف تطلعني ..


علي: اطلعج , بس مو اليوم , لان عندي شغل بالشركه , بس اكدش بدوره تطلعج , اي اكدشها بتستانس هي بعد , زين جذي؟ ..


حور: ايي , مشكور عمي ..(قبلت يده)..

​

 

[قمر جنها]

حور: ايي , مشكور عمي ..(قبلت يده)..


(كان علي يرى بحور طفله ينقصها الحنان والاهتمام , يشفق عليها لانه يعلم ان ولده حمد صلب القلب و المشاعر , علي يقول في نفسه): الله يستر عليج يا حور من حمدو , و يا خوفي ليكون قاعد يقثج , و انتي مو راضيه تتكلمين..



@@@@@@@@@@@@

(ركب علي المركبه قائلا): شصار على فهد ؟ خل اتصل عليه ...


(اتصل علي بولده فهد): يالله يا يبه رد , مو وقتك مشغول الحين (أجاب فهد) , الوو هلا يبه , فهد يا يبه علقتني , شصار على البنيه اللي امها اسبانيه؟, طلعت !!, حجي فاضي!! , ليش يعني ؟ طرشت لي الاسبانيه الثانيه , هي اسبانيه ولا امها ؟ (ضحك)هي و امها و تتحجى كويتي جذي , خلاص ماشي , الظاهر هي و اخوانها مولودين هني , و يتحجون كويتي , والام و الابو رطينه ..



@@@@@@@@@@@@@


(وصل علي الشركة , كان ام دانه تقف على ناصية الطريق , نزل علي من مركبته وهي تتأمل به قائلة): ويييه علي ,, اياااام , الله يوفقك , ولد حلال تستاهل كل خير , تستاهل انك توصل للي وصلته ,(صارت تأنب نفسها) شفيني جني مراهقه قاعده اطالعه , خل امشي ...


@@@@@@@@


(علي في مكتبه دق جهاز المناداة): استاذ علي ..


علي: هلا ساره ..


ساره: في وحده اسمها دانه تبي تشوفك , تقول من طرف الاستاذ فهد ولدك...


علي: ايي ايي , دخليها ...


(دخلت دانه المكتب)...


دانه: السلام ..


علي: و عليكم السلام (ابتسم) اهلا , حيا الله الاسبانيه ...


(ضحكت دانه بتهذيب): اهلا سيد علي ...


علي: قعدي دانه , حياج الله (جلست دانه , نهض علي و جلس بالكرسي المقابل لها) , دانه , في شركه اسبانيه انا متعاقد معاهم , و لما دريت انج تتكلمين اسباني , قلت تيين عندي , طبعا انا مابي اجذب عليج , الشغل عندي متشعب اكثر من فهد ولدي , بس معاشج راح يكون ضعفين , لاني عارف طبيعة الشغل عندي , ابيج تفكرين بالموضوع ...


دانه: ايي استاذ علي , كلمني استاذ فهد و انا من امس مفكره , و عجبني عرضكم...


علي: خلاص عزمتي ..


دانه: ايي ..

علي: يالله , الله يبشرج بالخير , يالله يبه دانه , روحي حق ساره , خل تشرح لج جزء من الشغل (دخل حسن , التفت علي للباب) حسن !! ها شيايبك ؟


حسن: ايي ياي ,(انتبه بان دانه الفتاة التي أعجبته من ذي قبل , ظل سارحا ينظر اليها)...


(كان علي ينظر لحسن منتظرا ان يكمل حديثه , عندما وجده سارحا بدانه كلمه بصوت عال بعض الشيء): حسن خليك معااي انا ..

 

[انوار الكوويت]

سوري قمر بس الحين ما اقدر اكمل مخي مقفل من الدراسه
ان شاء الله اقراه باقرب وقت

 

[قمر جنها]

حسن: ها !! لا انا ياي اداوم ...


(خرجت دانه من المكتب)...


علي: اي تداوم , روح يللي ياي تداوم , روح ورا دانه حق ساره تشرح لكم اثنينكم ...



حسن: اووكي ...


(خرج حسن خلف دانه قائلا): لحظه ساره , عيديلي الشرح..


ساره: بامكانك استاذ حسن تنتظر , لاني بديت مع دانه , ما ابيها تتشتت ...


حسن: ليش تتشتت ؟, التكرار يعلم الشطار ...


(كانت دانه تنظر لحسن بأنه أسخف من في الحياة)...

يتبع...​

 

[قمر جنها]

ان شالله انوونتي الحلوه ,,, موفقه

 

[انوار الكوويت]

امين


عاد لا تكتبين وايد عشان ما اتعب

 

[انوار الكوويت]

اب
اب
اب

 

[قمر جنها]

ورود ورديه
كــويــتــيــة

كويتيات رد: روايتي آآآآآه من الأجانب

متابعه ..​

حياج حبووبه

 

[قمر جنها]

ورود ورديه
كــويــتــيــة

كويتيات رد: روايتي آآآآآه من الأجانب

متابعه ..​

سلامتج حبي , هذا اخر شي انزله اليوم و باجر اكمل


مع السلامه حبي


م

 

[انوار الكوويت]

خلاص الحين قمور ارتاحي تعبناج احنا

 

[قمر جنها]

انوار الكوويت
كــويــتــيــة ذهــبــيــة

كويتيات رد: روايتي آآآآآه من الأجانب

امين


عاد لا تكتبين وايد عشان ما اتعب​

سلامتج حبووبه من التعب التقي معاج في الغد

 

[قمر جنها]

ان شالله

الى اللقاء في الغد يا صديقتي

 

[انوار الكوويت]

الله حافظج ويحميج
يا صقيقتي

 

[قمر جنها]

انوونه

تتابعين قصه حلوه هني بالمنتدى اقراها وقت فراغي؟؟؟

 

[انوار الكوويت]

ما فهمت
انا الحين اقرا بس قصتج وقصه عوبه

 

[قمر جنها]

حلوه القصه تنصحيني فيها اقراها؟؟؟

 

[معي احلى]

عندي فكره .. اعملي زي mbc جيبي حق الاسبوع كله بجزء واحد .. بس مش الاعاده ههههههههههه حلقات جديده ..


سريع .. يالله ادخل بالجو وان الجزء خلص ..

 

[قمر جنها]

ههههههههههههههه