oo hatha part l3yoonkom 3ad abii rdod 7lwa
••
يفز حمد من نومة
حمد : آعوذ بالله من الشيطان الرجيم شهالحلم ... استغفر الله استغفر الله ... حمد كانت حالتة حاله معرق حييل و حاار ... خذة كلنكس مسح العرق
حمد : اعؤذ بالله من الشيطان حتى حق صلاة الفير ما قمت ما سمعت المنبه
دخل الحمام تكرمؤن توضأ فرش السيادة وصلى ركعتين الفير نزل تحت قال حق الخدامة تسوييلة كوفي شرب الكوفي بدل ملابسة وطلع برؤح الجامعة ..... حمد لمن شاف سيارتة استغرب تعود كل يوم يكؤن عليها وردة حمرة اليوم ما عليها تضايق حيييل لان جرح شيماء
••
بطرف ثاني عند نؤاف
نؤاف : اووف اووف منو هذا الي شاقني بنقاات من صباح الله خير
خذة البلاك بيري مالة الا يشووف خالد رفيجة دازلة ولا 20 ping
خاف نواف ان خالد يكؤن في شي دق عليه
نؤاف : شفييك شاقني بنقات يعني الواحد ما ينام
خالد : اسكت ياخوك متضايق
نؤاف : انا من اول ما عرفتك وعرفتي وانت متضايق مو شي يديد عليك
خالد : تطنز حضرتك
نواف : خويلد مقعدني من صباح الله خير وتقولي متضايق شتبي يعني خلصني شعندك شفيك متضايق بعد
خالد : شفتها يا نواف اليوم الصبح بالجمعية وهمن مارضت تاخذ الرقم شسوي فيها بالله والله اني احبها
نؤاف : وراسك خالد ايا ولد اللذين مقعدني من الصبح يا الكلب عشان هالشيفة يالخرووف ... تدري الشرهة مو عليك الشرهة علي انا الي داق عليك انت del من البيبي ويخب عليك بعد انا حمار الي ضايفك
خالد : بس ....
نواف سد الخط قبل لا يرد عليه خالد جان يصك خالد del بالــــــbbm
خالد كان كل مايروح جمعيتهم يشوف وحدة وصارلة شهر برقمها واهي مو معطيتة وي مسوية روحها ثقيلة وخالد حدة متعذب حتى اسمها مو راضية تقولة حق خالد وهذي حالتة كل ماراح الجمعية ترجاها تاخذ الرقم بس عمك أصمخ لوول
••
بطرف ثاني بعد
عند حؤر قعدت حؤر على صوت صراخ امها و آبوها ... كان بينهم مشاكل وام حور تبي الطلاق بس ابوها معاندها ومقعدها على ذمتة مو حبنا فيها بس الرياييل يحبون العناد ... نزلت حور تحت الا تشوفهم يتناجرؤن
حؤر : استغفر الله العظيم كل يؤم احنا على هالحالة
الابو : انتي جب جبج الله
حؤر : والله لو انك مؤ ابوي جان عرفت شلون آرد عليك .. يا اخي ما تبيك غصب مقعدها على ذمتك طلقها وخلنة نفتك
الام : والله انتي الي تفهمين يا بنتي مو ابوج الجلب
الابو : الجلبة امج ما بقا الا انتي تغلطين علي
حؤر :خووش خل واحدكم يسب الثاني بالله انتوا شنو خليتوا حقي انا وخواني اذا انتوا جذي شلؤن تبونة نطلع ها ؟!
الابو : اقوول انتي الثانية لا تتفلسفين لا بالطفاية اعدل ويهج حقج
حؤر : استغفر الله ربي واتوب اليه يارب فكني منهم اليوم قبل باجر متى ايي طايح الحظ يتزوجني وافتك منكم
الام : مو ية طايح الحظ نوافؤؤ بس ابوج طلع روحة بالطلبات يا عل روح ابوج تطلع اليوم قبل باجر
الابو : الله يسمع منج مع اني اشك ان دعوتج ما وصلت السقف ... على الاقل اروح عند ربي احسن من مجابل ويهج يالشيييفة وبعدين انا الي نحشت نوافؤؤ ولا بنتج من شاف ويها اخترع الصراحة ما الومه
حؤر : ( تصبرت تصبرت ) الا تعض على شفايفها حييل وتتكلم بعصبية : قسما بالله الي يذكر هالسيرة مرة ثانية وطلعني انا الغلطانة مو هذا ( تأشر على ابوها ) ... لأنحاش من البيت و بشوف الحمارة الي بتشوف ويهكم مرة ثانية انتوا ما يكفيكم انكم مفشليني بكل مكان الحين مطلعين الغلط علي ولا انت نسيت شسويت بالريال الصراحة ما الومة يهدني اذا انتوا اهلي ... الله يعيني عليكم مادري متى الله ياخذ آمانتة وأفتك منكم
••
صعدت غرفتها وقعدت تبجي حيييل
حؤر : ليش حظي جذي .. ليش وين ما اطقها عوية يا ربي ... ليش اهلي جذي ... انا شكو انا شسويت عشان يهدني آآآه آآه
كانت حوور كل ما تتضايق تبطل دفترها وتكتب ..... هالدفتر كان في كل شي عن نواف
خذت قلمها وبدت تكتب
نؤاف ليش سويت جذي كنا نحب بعض حييل ادري انه امي وابوي اذوك وايد بس انا مالي ذنب انا احبك ولي الحين احبك .... الحين لمن اشوفك احس كل شي فيني يتكلم يقول أشتقلتلك يا نواف
قلبي ولهان على حنانك وايدي مشتاقة تلمس ايدك واذوني ودها تسمع صوتك كل ليلة مثل آول ... وعقلي ما يفكر الا فييك وروحي ما تبي غيرك
شنو يفيك الندم شنو يفيد الكلام ؟!
••
اما عبدالله كان لاهي بمخططاته شلون يفرق نوف عن حمد كان قاعد مع صاحبة يوسف .. يوسف كان احقر وانذل من عبدالله بمليون مرة صج الطيور على اشكالها تقع
عبدالله : شلون يا عبدالله شلون
يوسف : بسم الله الرحمن الرحيم شفيك فجأة قمت تسولف بروحك
عبدالله : والله ياخووك شكلها نوف ماراح تسوي الخطة معاي كان كل شي سهالات تواعدة و انا اسوي روحي جاكها احطة وطقة ونخلص من هالموضوع بس الي ما تنتسمه قالت احبة ما اقدر اهدة اووف كل ما ابطل باب يتسكر قبالي مليون باب
يوسف : والله ضحكتني ليش وهذي نوف عندها قلب عشان تحب بعد يبا هذي لا تحبه ولا شي بس انت بينت لها انك تحبها واهي ما تشتهييك قالت اذا هديت حمد راح اييلي الي ألعن من حمد محشوم يا خوي بس انت برايها جذي قالت اهون عن الموضوع واسوي روحي احب حمد ... ولا هذا ينحب بعد
عبد الله : وانت ياخوي شنو تنصحني شسوي انا ابيها واحبها حيييل شسوي قولي
يوسف : كل شي سوة بروحك بدون نوف اول شي اخذ رقم حمد بعدها واعدة بأي مكان عطة أي تسجيل قديم بصوت نوف تقول انه ما تحبه وجذي راح يهدها بعدها انت تبي تتخلص منه مرة وحدة تواعدة بمكان صاد شوية نروح نجمع الربع نطقه نطقه لين يموت ونفتك منه
عبدالله : يويسف والله انك داهية على راسي حبيييب وربي
يوسف : اضبطك بعد شبزي والله
عبدالله كان تلميذ يوسف بدروس الحقارة والنذالة
••
نوف وحور وصلوا الجامعة بنفس الوقت بعدة كلاسهم ما بلش قعدوا بـــCR
نوف : وهذا الي صار يا حور تصدقين عبيد طلع يحبني
حؤر : صدمتيني الصراحة وانا اقوول هذا وين وسوالف الشرف والعرض وين ولا نسيتي بشرم الشيخ الوضع الي شفنا في
نؤف : وييع لا تلوعين جبدي
حؤر : قاعد عند المسبح ويمه بطتين هههه هذي تدهن ريلة والثانية ادهن بطنة قصب يبي يصير برونزي تذكرين الي معاه شلون يلوعون الجبد
نؤف : أي قطع بكل مكان لحم حتى اذونهم متينة
حؤر : ههه حلوة هذي اذونهم متينة
نوف : ولا نسيتي يوم شفنا بأمريكا عند باب البار كان منتهي من الخمر يمشي ويطيح بالقاع
حؤر : ههه ولا لمن تعلق فييج غصب تعالي معاي البيت والله كنتوا مصخره شلون قام يصرخ بالشارع ... تعالي يا بعد ماي هارت انتي هههه فلم عبيد بس انا مستغربة من شغلة اهو قالج ما يهمني لا عرضي ولا شرفي
نؤف : بس مهما يكون انا احسة يقول ما اغار عليج ومايهني شرفي بس عشان يقهرني لو انتي اييلج ولد خالج يقولج هالكلام ما تنقهرين والعكس صحيح لمن ولد خالج بس يشووف واحد يتحرش فييج يمسح في الأرض راح تستانسين مو .... الا ماقلتيلي شصار على امج وابوج
حؤر : سكتي والي يسلمج اليؤم قاعدة على صراخهم تقولة ما ابييك ما احبك لاعت جبدي منك واهو محنج ما يبي يطلقها
نؤف : احس ابوج ما يعاند احسه صج يحب امج
حؤر : والي يسلمج ابوي وين والحب وين اليوم سب ماما عودة ههه
نوف : أي شي شقاال
حور : امي قالتلة يالجلب الا يقولها الجلبة امج مو زين يطيح بلسان ماما عودة يكره عمرة
نوف: هههه وربي امج وابوج بلآآآآوي
حؤر : يالله يالله الكلاس بدة خن نرؤح
••
حور كانت مو منتبهة قاعدة تطلع نظارتها من الجنطة فجأة الا تحس انها دعمت بواحد رفعت راسها يوم شافتة الا يطلع نواف حست ان الدنيا تدور فيها وانها مو قادرة تتوازن صاار حر حييل على حوور ... خدودها صاروا حمر
حؤر : سوري والله ما انتبهت كنت احوس بجنطتي
نؤاف : لاعادي بس انتبهي لا تدعمين واحد غيري بعدين اخاف اروح اذبحة هههه
خلاها وراح
حؤر تمت متنحة بمكانها
نؤف : حووور حوور هييي وين رحتي اكلم منو انا
حؤر : سمعتي شقاال
نؤف : أي سمعت ترى اخوي مو بكامل قواه العقلية اليوم مشربتة حليب مخمر هههه
حؤر : لا من صجي مو قاعدة اضحك
نؤف : وانا من صجي امشي بس لا نتأخر
راحوا الكلاس
••
انشاء الله عجبكم وكان بالمستوى
بلييز توقعاتكم + رايكم + انتقاداتكم
نهاية البارت