روايتي الآولى

[founkaa]

اب

اب

 

[غلآها غير]

ناطرينج

 

[قبلة مهويه]

امممممم تسلم ايدج
اب
اب
ترى ناطرينج لا تتأخرين

 

[zoqa]

a7saan 5alta5tha wyarab t'hd halzft 3azez

wai noro 5afefa 7adch ;@ =P

thnq w up ;*​

 

[غلآها غير]

اب
اب
اب

 

[غلآها غير]

اب
اب
اب

 

[غلآها غير]

؟؟؟؟؟؟؟؟؟؟

 

[قبلة مهويه]

اببببببببببببب ابب

 

[q8 knosha]

سوري يابنات على التأخير بس لاني مشغوله بسوالف العيد ولفراره
ليي فضييت انشاءالله بنزلكم البرات الياي وسووري على التأخير

 

[G!rla q8ya]

خلآاااااص عيل



ويتنق ...........




اخذي رآاااحتج *





..،،‘‘**>>

 

[G!rla q8ya]

وينج ..... ؟؟؟؟ !!!!






..،،‘‘**>>

 

[sweet.sanfoora]

اب اب


نبي بارت

 

[Reem al-h]

وااااو الروايه عجيبه واااااي ساره صج تقهر مالت عليها و نوره شهالغباء واحد من ثاني يوم تطلع وياه اضاهر ااول واحد يعطيها وبه وناطرينج

up up up up up
up up up up
up up up
up up​

 

[q8 knosha]

سوري على التأخيير بس والله ماكنت فاضيه
مزاجي كان مو مال انزل بارت حدي بزي خخخخ
انشاءالله شوي وبنزلكم بارت يديد :ggdw:

ريم لووووووووول لا حرام ترا حلوه البنت :krkrkr:

قيرلا حبيبتي لول انشاءالله شوي ومنزلته فديتج

 

[q8 knosha]

نورة كانت قاعده فوق بالطاوله تنطرهم وتلعب بتلفونها ... ساره وعبدالعزيز انزلو يطلبون .. ساره تحاول تفتح موضوع معاه​

ساره: عبدالعزيز ​

عبدالعزيز يطالعها: هلا ​

ساره: وين تشتغل؟؟ ولا تدرس؟​

عبدالعزيز يقول بقلبه "نعم شكو! شهل لقافه" : لا اشتغل ​

ساره: اممم ناايس .. انا مع نورة بنفس الكليه​

عبدالعزيز: ايه عندي خبر​

ساره: عاد يحليلها خوش بنيه ​

عبدالعزيز: ....... يبتسم​

اوصلو وطلب عبدالعزيز حقه وحق نوره وساره طلبت لها ..​

واهما صاعدين ... ساره سوت روحها انها بغت اطيح​

عبدالعزيز: اسمله عليج حطي بالج​

ساره: امبييه فشله زين ماطحت .. وتضحك وتميل راسها على جتفه​

عبدالعزيز: ... يبتسم​

اقعدو على الطاوله وسوالف وضحك وكانت ساره ماكله الجو على نوره .. نوره حييل تستحي وهذي اول تجربه لها وماكانت تسولف وايد ... رن تلفون نوره​

ولا لولوه داقه عليها .. ​

نوره اتطالع ساره: ساروه امبيه شقولها؟ اخاف تزعل عشان مادقينه عليها تيي معانا!​

ساره: من صجج! لاتردين عليها تقعد تعطيج محاضرات وتنكد علينا الجو .. ليي رديتي البيت دقي عليها وقولي لها ايي عذر وخلصنا ​

نوره تقتنع بكلام ساره .. وماترد على تلفونها​

اقعدو وعرف عبدالعزيز كل شي عن نوره واهيا هم وتعرفو على بعض اكثر واكثر​

نوره: لازم نمشي الحين صارت ساعه 10ونص​

ساره: شدعوه ترا توالناس​

نوره: وراي اقطج البيت بعد جذي راح اتأخر وايد​

عبدالعزيز: لا عدل خلاص روحو عشان لاتتأخرين .. ماحب بهل ليل تطلعين بروحج​

نوره مستانسه: ....... تبتسم​

ساره بقلبها: عشتو مادري على شنو يخاف عليها .. لاتحاتي محد بيلقيها ويه​

قامو و وصلهم لي سيارتهم وراح يركب سيارته .. واهما بالسياره نوره دخلت سويجها وقبل ماتشغل السياره تلتفت على ساره​

نوره حدها مستانسه: امبيه ساروه شفتيه حده كيوووت وسوالفه تهبل​

ساره: ايه بس ديري بالج منه ترا مبين مومضبوط​

نوره: لاحرام عليج خوش ولد​

ساره ترفع حواجبها وتطالعها: ماشالله وانتي اشدراج خوش ولد؟؟ سأليني انا عنهم ​

نوره تسكت وتحرك .. وصلت بيت ساره ​

ساره تبطل بابها: نوره ديري بالج على نفسج​

نوره: لاتوصيين​

ساره: يله حبيبتي باي​

نوره: باي​

نوره توصل البيت دشت ماكان في احد بالصاله .. وصعدت غرفتها
بدلت واقعدت اشوي على سريرها طرشت مسج حق عبدالعزيز انها وصلت
وتذكرت لولوه .. دقت عليها​

لولوه: الو​

نوره: هلا حبيبتي​

لولوه: شدعووه داقه عليج من متى توج تردين​

نوره: لا بس كنت نايمه​

لولوه: نايمه هل حزه! مو عوايدج​

نوره: تعبانه شوي​

لولوه: شفيج؟ عسى ماشر؟؟​

نوره: ماكو مصدعه .. شكنتي تبين؟؟​

لولوه: لا بس كنت بمرج اقعد عندج كنت قاعده بروحي وضايق خلقي​

نوره: وييه ماعليه حبيبتي باجر تعالي عندي ونقعد انطالع افلام ونطلب​

لولوه تفكر: اممم باجر باجر اشوف اذا ماعندي شي مريتج​

نوره: حيااج حبيبتي​

لولوه: اقولج نوروه .. سويتي اللي قالتلج اياه ساره؟؟​

نوره: شنو؟​

لولوه: يعني شنو؟؟ تستعبطيين! دقيتي على عبدالعزيز؟​

نوره تفكر اقولها ولا لا تتذكر حجي ساره:تقعد تعطيج محاضرات" : لا​

لولوه: ايه انا قلت .....​

ماكملت ولا ويتنق عند نوره .. تطالع تلفونها "ساره" داقه عليها​

نوره تقطع حجي لولوه: لولو لولو​

لولوه: هلا شفيج​

نوره: حبيبتي بروح اشوف امي قاعده تناديني شوي وكلمج​

لولوه: اوكيك ​

نوره ترد على ساره ..​

ساره: واااى بسكم بسكم ماتشبعين منه! خلج ثقيله شوي​

نوره: لاشكو موقاعده اكلمه هذي لولو​

ساره تعفس ويها: ويييه انشالله قلتي لها كل شي؟​

نوره: لا وييه مالي خلق محاضراتها على قولتج​

ساره: ايه احسن هل بنت وايد معقده الصراحه​

نوره: سااروه لاتقولين جذي عنها حرام عليج وبعديين ما ارضى عنها << على غشمره​

ساره: وييه كيفج ​

وقعدت تسولف معاها فتره وسكرو الخط .. نوره مادقت على لولوه ونستها
ودق عليها عبدالعزيز الفير وقعدت تسولف معاه ليي الصبح ​

راحت دوامها مواصله مانامت شي و اول ماوصلت دشت محاضرتها وبالبرييك كالعاده تقعد مع لولوه​

لولوه: ويينج امس يلعياره ليش مادقيتي​

نوره: وييه والله نسيت امي اقعدت تقرق على راسي على بيت خالتي وماخلصت مني الا الفير ونسيت ادق حطيت راسي ونمت​

لولوه: امبيه انتي شفيج طبيعيه! كل هذا نوم!​

نوره: لا شرايج اذا قتلج والحين دايخه حدي!​

لولوه: لوول لا لا مومن صجج​

دشت ساره مع قروبها .. وتأشر من بعيد بأييدها حق نوره تناديها​

نوره: شوي لولو خل اشوف ساروه شتبي ويايتج​

نوره تروح عند ساره وتقعد تسولف معاها...​

ساره: ها دقيتي عليه بليل؟​

نوره: لا اهوا دق على الفير​

ساره: جذاابه لووول موقتلج لاتدقين بيدق اهوا انتي بس ثقلي​

نوره تبتسم: ايه عاد وقعدننا نسولف ليي الفير تخيلي موااااصله وحدي داااااايخه​

ساره: ويييه هذا وانتي توج فبداية العلاقه وجذي ههههههه​

نوره: شفتي شلون .. زين ليش ماتيين تقعدين معانا فشله لولو بروحها​

ساره: لالا ماقدر الحين بروح مع البنات بنطلع​

نوره: اوك عيل اخليج لولو قاعده بروحها​

ساره ماعجبها الكلام: روحي لحقي عليها​

نوره تضحك: يله اكلمج انا فون​

ساره: صار​

ترد نوره وتقعد مع لولوه ويسولفون .. ​

لولوه: شتبي ساروه؟​

نوره: لا بس تسلم ماعندها سالفه​

لولوه قلبها قارصها مو مطمنه لساره: ايييه​

نوره: عاد تصدقين قاعده افكر ارد البيت تعبانه موقادره اكمل​

لولوه: من صجج؟ بتطوفج محاضرات وترا مابقي شي على الكورس هل ايام مهمه​

نوره: ادري بس دايخه ماراح استوعب شي بتعب نفسي زود على الفاضي​

لولوه تبتسم: والله كيفج .. سويي اللي يرحج ​

نوره: بروح البيت اناااام وااى ياحلات لفرااش​

ردت نوره البيت .. ​

نوره اول مادشت البيت: السلام عليكم​

الام: وعليكم السلام شرادج هل حزه؟​

نوره: وااى يما فيني نوم تعبانه امس مانمت بليل وانا اسوي هل تقرير​

الام: وييه حبيبتي شوي شوي على نفسج لاتضغطين على عمرج​

نوره: شسوي تأخرت وماسلمت التقرير وكان اليوم اخر يوم وقعدت عليه اخلصه طول الليل​

الام: روحي حبيبتي نامي ارتاحي ونقعدج على الغدا​

نوره: لايما خلوني نايمه متى ماقعدت باكلي شي​

الام: على راحتج يمه​

اصعدت نوره غرفتها وبدلت وييت على سريرها انسدحت وتغطت .. طلعت تلفونها ودقت على عبدالعزيز حاجته نص ساعه جذي وحطت تلفونها سايلنت ونامت وماقعدت الا بليل عال 8​

اول ماقعدت مدت إدها علطاوله اللي يم راسها وخذت تلفونها واطالع فيه .. داقه عليها "لولوه 3مكالمات لم يرد عليها"
ومسج من عبدالعزيز: كل هذا نوم بسج يله اشتقت اسمع صوتج .. نوره تبتسم واهيا تقرا المسج​

دقت عليه وسولفت معاه شوي وقالت له بتقوم تغسل وسكرت الخط .. بعد ماخلصت من الحمام دقت على لولوه​

لولوه: الو​

نوره: هلا لولو سوري ترا توني اقعد​

لولوه: انشالله ماتواعدين وتسحبين على!​

نوره: امبيه حبيبتي سوري والله نسييت وراحت على نوومه​

لولوه شالت بخاطرها: حصل خير​

نوره: انتي وينج الحين؟؟​

لولوه: عند بنت خالتي​

نوره: زين عيل اخليج عشان بنزل اكلي شي ماتغديت​

لولوه: اوك ... لولوه حست ان نوره حييل متغيره عليها .. حتى ماكلفت على عمرها تسألها ماراح تيين الحين؟ او تسأل عنها كانت بس بتسكر الخط​

نزلت نوره تتغدا وبعد ماصعدت مشتاقه حق عبدالعزلز وبتكلمه شافت ان لولوه داقه عليها
نوره بقلبها: اوووف هذي انشالله موكل شوي داقه .. عبالها انا فاضيتلها .. ودقت عليها​

نوره: هلا لولو​

لولوه: نوره ودي اقولج شي .. بس مادري​

نوره: شنو لولو؟؟ شفيج؟؟​

لولوه: مادري بس احسج مو على بعضج! فيج شي؟ حيل متغيره وكله موفاضيه .. اممممم امانه ماكلمتي عبدالعزيز؟؟​

نوره تعصب شوي: امبيه لولو شفيج انتي سألتيني هل سؤال من قبل .. وتدرين انج اعز رفيجاتي وتعرفين كل شي عندي واكيد بقولج لو مكلمته​

لولوه: مادري نوره بس خايفه عليج والله .. هل طريج موطريجنا انا معاج​

نوره: لاحبيبتي لاتخافين على انا ماعندي هل سوالف​

لولوه: اوك عيل اخليج شكلي ضايقتج​

نوره: اوك .. لان بطلع مع امي بعد​

لولوه: الله معاج​

نوره: باي​

نوره بعد ماسكرت الخط: اووف شهل نكديه هذا وانا موقايلتلها عنه وجذي
عيل لو تدري اكلمه جان مانخلص
بتقعد تقولي نص قصص بنات الديره اللي كلمو شصار فيهم وشماصار .. والله صدقت ساروه زين ماقتلها عنه
......................................​

بعد 4 شهوور........​

تغيرت علاقه نوره بلولوه .. صارت تدق وتسولف مع ساره اكثر
لان ساره راح تسمعها واهيا تسولف عن عبدالعزيز وتناقشها بهل مواضيع وتساعدها
قامت نادر ماتدق على لولوه الا اذا بغت شي مهم .. لولوه همم قللت اتصالاتها بنوره لان شافتها لاهيه عنها و مومعاها وكله بتسكر الخط منها
تطورت علاقتها مع عبدالعزيز وقامت كل شوي تسولف معاه وبكل وقت .. والمسجات بينهم 24ساعه
وقامت تشوفه بروحها مو لازم مع ساره وقامت تثق فيه حييل ​

 

[Reem al-h]

واااااي امبي خلاص نوره اثبتت غباءها بس خل تنفعها ساره مسكينه لولوه كسرت خاطري والله يستر من هالعبدالعزيز ولا تطولين علينا

 

[Reem al-h]

up up up up up
up up up up
up up up
up up
up​

 

[G!rla q8ya]

حرآاام لولو مسكينة


اب



اب




اب

 

[q8 knosha]

بعد شهرين يعني مر على علاقتهم 6اشهر

عبدالعزيز: اووف نوره ماتتخيلين شكثر ودي اقعد معاج فبيت واااحد

نوره: وانا اكثر بس ...

تسكت شوي

نوره: بس كل شي بيدك .. انت موقلت انك بتكلم امك؟!!

عبدالعزيز: انتي تدرين ان امي مسافره مع اختي وانشاءالله لي خلصت اختي الكورس بيردون .. وبكلمها

نوره: وااى عبدالعزيز مادري شقولك

عبدالعزيز: اووه طاعي طاعي .... خوش لقطه ها

نوره تلتفت واطالعه مع ابتسامه: ايه

بهل وقت كانو بلسينما .. وعبدالعزيز امه مومسافره بس اهوا مايفكر بنوره كزوجه .. ومايفكر انه يتزوج بالوقت الحالي

خلص الفلم وعبدالعزيز قام وطلع قبل لايفتحون الليتات وتالي نوره قامت وطلعت .. كانت تخاف لا احد من اهلها يشوفها معاه

نوره كانت تمشي ومنزله راسها وتكلم عبدالعزيز بالتلفون وكان يمشي وراها ليين يوصلها لي سيارتها

ارفعت راسها ولاتشوف اخوها احمد

نوره اخترعت وانقلب ويها وسكتت ولاكلمه .. وكان عبدالعزيز معاها على الخط

عبدالعزيز: اشفيج حبيبتي

نوره: اخوي احمد اهني

اخوها كان ياي مع ربعه خلاهم يطلبون وياي صوب نوره

عبدالعزيز: زين!! وشنو المشكله شفيج مخترعه! ترا ماراح يعرف كنتي مع منو خلج طبيعيه وقوليله قاعده تنطرين رفيجتج بالحمام

احمد: هاا نوره شتسوين هني ابروحج؟!

نوره: هلا احمد .. لا .. لا موبروحي ....رفيجتي بالحمام ناطرتها

احمد: جان نطرتيها داخل .. عالعموم خلصي وروحي البيت على طول الوقت تأخر

نوره: انشاءالله

احمد يلف على ربعه ولا اهما يايينه ويمشي معاهم لي داخل

نوره: وااى قلبي طاااح من مكانه

عبدالعزيز: ههههه سمله عليج حبيبتي

عبدالعزيز: نوره وين بتروحين الحين؟

نوره: البيت بعد وين طاع ساعه جم

عبدالعزيز: ودي اقولج شي بس اخاف تفكيرج يكون غير وتفهميني غلط

نوره: شفيك عزوز؟؟ شصاير؟

عبدالعزيز: ولاشي بس انتي تدرين انا قايل حق ابوي اني احب وحده وبتزوجها .. وابوي كلش ماعنده مانع ومتفهم .. بس قالي انطرك امك ترد وقولها

نوره تقاطعه: عزوز قول شعندك .. بلا مقدمات ترا بذبحك

عبدالعزيز: ودي تيين معاي شوي بيتنا .. اعرفج على ابوي!

نوره منصدمه من كلامه وبنفس الوقت مستانسه لان بياخذها ويعرفها على ابوه بس ماحبت انها تدش معاه بيتهم!

نوه: ..............

عبدالعزيز: شفييج حبيبتي؟

نوره: لا ماكو .. بس ..

عبدالعزيز: بس شنو؟!

نوره: بس ماحبيت الفكره

عبدالعزيز: خاايفه مني؟؟

نوره: لاطبعا انا موتوني اعرفك و لو اخاف منك ماطلعت معاك بروحنا .. وانت عارف بداية علاقتنا كانت كله رفيجتي سوير معانا

بس انا ماحبيت الفكره مادري شلون احسها موحلووه كلش

عبدالعزيز: على راحتج .. انا دايما جذي .. يسكت شوي

عبدالعزيز: حظي انا كله جذي

نوره وصلت السياره بطلت الباب وقعدت داخلها: حبيبي لاتقول جذي

عبدالعزيز كان واقف جدامها وصلها لي سيارتها: اوك نوره اخليج الحين خل اروح سيارتي

نوره مستغربه: سوو؟ وشنو يعني كلمني وانت رايح لي السياره!

عبدالعزيز: لا خل اخليج شوي .. وبرد ادق عليج

نوره: على راحتك

عبدالعزيز يلف ويهه عنها ويمشي .. نوره تشغل سيارتها وتحرك

نوره قاعده تفكر طول الطريج ... لايكون زعل!

بس انا شسوي ماكو شي بيدي

حييل صعبه ادش معاه بيتهم!

لالا ماقدر وبعدين انا خوافه

اوك اطلع معاه بس ماراح ادش معاه بيتهم ويتسكر علينا باب

كيفه خل يزعل اذا يبيني بيتقدملي

بس امه مسافره! وااى شسوي الحين

اكيد اهوا وده ياخذني اليوم قبل باجر بس امه متى بترد وتريحنااا

نوره وصلت البيت .. ودشت

نوره: السلام عليكم

امها كانت بالصاله: وعليكم السلام هلا بحبيبتي تعالي قعدي يمي

​

نوره تبتسم: هلا يمه

​

الام: تعشيتي؟ ولا اقولهم يزيدون العشا لج وليي

نوره بالها مع عبدالعزيز ما اتصل عليها: اااا مادري يما كيفج

​

الام: يله عيل قومي بدلي وتعالي نتعشا مع بعض

نوره: انشاءالله

نوره تصعد غرفتها وتقفل الباب وتقعد على سريرها .. وددقت على عبدالعزيز

نوره تنطره يشيله: امبيه هذا لييش مايرد! لايكون زعل!

نوره سكرت الخط واهيا ضايق خلقها اول مرهه عبدالعزيز يزعل منها من يوم ماكلمها .. ولا مره ما رد عليها

نوره: وااى ياربي شسوي! ماكو الا ادق على ساره اشوف حل منها

خل انزل اتعشا مع امي وعقب بدق عليها

بدلت نوره ونزلت تتعشا مع امها...

الام: ويين اخوج؟ ماشفته اليوم

نوره: توني شفته مع ربعه بالسينما

الام: ايه زين يسوي خل يغير جوو اهوا كله قاعد بالبيت

نوره: على قولتج يمه

نوره يرن تلفونها .. اتطالع الرقم

نوره قامت: الحمدالله

الام: قعدي يمه وين رايحه ماتعشيتي

نوره: لا يمه شبعت

الام تتحلطم: اييه اعيال هل وقت .. بس مطاعم اكل البيت مايعجبكم

نوره تصعد دارها وتقفل الباب عليها

​

نوره: الوو​

 

[غلآها غير]

مشكوره ع البارت
بس متى التكمله