روايتي الأولى .. خوات دنيا واقعيه رومانسيه واجتماعيه ,, دخلوا وشجعوني

[*المــــلكة*]

السلام عليكم ورحمه الله وبركاته​

​

قوووة بنات​

هذي أول روايه لي اكتبها بالقسم
ويااارب تعجبكم ويارب اسلوبي بالكتابه يعجبكم ​

​

روايه واقعيه -
بطلاتها بنتين رفيجات وأحداث القصه تدور على حياتهم وأحلامهم والمشاكل اللي مروا فيها بحياتهم -
بحط لكم أول بارت وان شاءالله اذا عجبكم ولقيت ترحيب بالروايه راح اكمل معاكم وماراح أأذيكم على ماأنزل البارتات متى ماتبون راح تلقون البارتات جاهزة​

يلا وبأسم الله ببدي ...

بارت 1​

يوم الخميس 5-4-2012
بفندق الريجنسي بالبدع الساعه 8 الصبح بدوا الناس المشتركين بالدوره يتجمعون ( دورة لتنميه الذات وتطويرها) على الساعه 9 ونص الكل كان موجود ومن ظمنهم بطلات قصتنا( حور و ليلى)
خل اقولكم عن حور,, عمرها 23 سنه متخرجه من التجاري موظفه بقطاع خاص شوي قصيره وجسمها زين على طولها وبيضه وشعرها اسود وعيونها ناعسه شوي وفيهم حور وويها تقريبا بيبي فيس حبوبه واجتماعيه وبسرعه تختلط مع الناس وتحب رفيجتها ليلى وايد ومع احداث القصه راح تعرفونها عدل
والحين نتكلم عن ليلى,,, عمرها 24 سنه متخرجه من الجامعه الأمريكيه موظفه ببنك طويله وشوي متروسه بيضه وايد وشعرها صابغته اشقر متحجبه وعيونها كبار مدورين طيبه وايد وتحب تتعلم كل شي يديد وبالقصه راح تعرفون شخصيتها عدل.

حور طلعت من بيتهم باليرموك مبجر وكانت لابسه جينز وبلوزة بيضه فوقها توينز لونه اخضر بحري وفلات نفس لون التوينز وشعرها ستريت وعدسات خضرا فاتحه ونو ميكب وركبت سيارتها جيب انفنيتي وراحت تتمشى عالبحر قبل لاتروح الدورة
عالبحر ..
... : بكلمج بكلمج دقيقه
حور : واي قطيعه فاضي من الصبح الوحده ماتقدر تتمشى على راحتتها مابي روح روح
... : تكفين بس دقيقه بطلي الدريشه
حور : نعم خير بطلتها شتبي
... : ممكن سؤال شمطلعج من الساعه 7 شعندج
حور : مع انه مالك شغل بس رايحه الفندق عندي دورة
.... : والله حرام هالعسل يقوم من الصبح عشان دورة انزين تكفين سجلي رقمي الله يخليج ترا ماراح افج عنج الا لما تدقين
حور : امبيه حددي بخاف منك يعني لا تفج عاد شسويلك وسكرت الجامه ومشت عنه
وصلت حور الفندق وكانت اول وحدة من المتدربين توصل الفندق ودقت على رفيجتها فاطمه
حور : فطوم وااي وينج تخيلي انا بروحي هني محد وصل من الربع اللي بالدوام
فاطمه : كاني كاني برا بصفط
داخل الفندق ...
حور قاعده مع رفيجاتها بالدوام ( الدوام داز حور والموظفات الدورة هذي ) تسولف معاهم ويحشون باللي رايح واللي راد
وبالكراسي اللي جدام البنات كانت قاعده ليلى بروحها وحيل مستحيه ومرتبكه كانت لابسه عبايه وحاطه ميك اب
حور : وااي فطوم تكفين شوفي هذي اللي جدامنا جنها كاسبر في احد يحط ميك اب جذي والساعه 8 الصبح !!
فاطمه : اي امبيييه قعد اطالع حدها تارسه ويهاا فاونديشن
نوف : واي مادري شلون لهم خلق يحطون كل هالمكياج من الصبح انا كريم حمايه مالي خلق احط
فيصل وسعد يوو عند البنات ..
فيصل : اوووف ابي افهم شالفايده من الدورة هذي مقعدينا من صباح الله خير على هالخرابيط
سعد : شفيك انت اسمع كلام عمك المدير وانت ساكت قالو روحوا الدورة نروح لا تقعد تتحلطم ( فيصل وسعد موظفين مع حور بالدوام)
يت وحده من المدربات حق قروب حور
يلا بنات شباب صفوا دور البنات بروح والشباب بروح عشان تدخلون القاعه
فيصل : بعد نصف دور ريال شطولي شعرضي اصف دور
حور : واااي حدي متحمسه حدي احس الدورة هذي عجيييبه
فيصل : اي طال عمرج حدها عجيبه صفي بالدور بس صفي
المدربه : يلااااا بالدور بنات شباب
طلع الدكتور اللي بيدرب المشتركين
الدكتور يوسف : اهلا صباح الخير صباح الفل ازيكم ان شاءالله قاهزين
عايز من كل بنت وشاب ينسى كل حاقه حصتلو خارق القاعه دي ويخش القاعه ودماغو صافيه مافهاش حاقه
عايزين تنقحوا ؟؟ عايزين تعيشوا حياه قديده ؟؟ عايزين تتخلصوا من كل همومكم ومشكلكم ؟؟ طب يلا غمضوا عيونكو القميله وخدوا نفس عمييئ وادخلوا بهدوء وكل واحد يروح للمكان المخصص بتاعوا
حور واقفه ورا فاطمه : ههههههه امبيه اهم شي غمضوا عيونكو القميله
فاطمه : اوووش غمضي غمضي
فيصل : أنا غلطان اللي سمعت كلامكم وييت
حور : وااي فصول لا تتحلطم صدقني راح نستانس
دخلوا المتدربين القاعه وكل واحد قعد بمكانه
وبدا الدكتور يشرح المحاضرة وبين كل درس يقدمه الدكتور كان في تمرين عملي
واحد من التمارين كان عباره عن كل اثنين يمسكون ايدين بعض ويسوون نفس المنشار عشان ينشرون همومهم ومشاكلهم
حور : واااي ملااقه محد معاي ابي احد يوقف ينشر معاي
ليلى : معاج أحد
حور : لااا انتي محد معاج خل نصير مع بعض
وبدت حور تختلط مع ليلى وبكل تمرين كانوا مع بعض وبالدورة كان لازم كل واحد يكون معاه شريك واحد مايتغير طول الثلاث ايام للدورة
وصارت ليلى شريكه حور بالدورة
ومن بعدها قاموا يشاركون حياة بعض بكل شي وبدت صداقتهم من هاليوم ....​

​

يارب يعجبكم اول بارت واذا لقيت تشجيع بكمل معاكم ان شاءالله ​

مع حبي **:eh_s(7):

 

[HaAaDoOol]

واااايي عععجججيب البااااررت كممملي حببي لا تتأخررينننن روايتججججج ابببدااااعععععع

 

[pinK-_-perry]

واااااااااااااااااي تحممممممممسسسسست حديييييييييي

كمليي كمليييييي

 

[zhoorQ8]

كملي حبي

 

[pinK-_-perry]

كملي

 

[dlo3a baba]

وناسه عجيب البارت كملي ناااطرين

 

[*المــــلكة*]

part 2 ​

أخر يوم دورة السبت 7-4-2012​

الساعه 11 الصبح ...​

ليلى وحور كانوا قاعدين يسوون تمرين مع بعض وبنص التمرين راحت ليلى بره شوي وردت وحور لهت مع البنات الثانيين​

لما ردت ليلى ..​

حور : ليلى حبيبتي شفيها عيونج جذي !!!​

ليلى : لا مافيني شي يلا خنكمل التمرين​

حور : لووله من صجج قوليلي شفيج صاير شي منو مزعلج​

ليلى : لا شوي بس تهاوشت مع امي​

حور : اممم يلا عادي حبيبتي انسي لاتزعلين احنا يايين ننسى همومنا مو نزيدها​

ليلى : اي عادي عادي يلاا خنروح حق البنات​

( ليلى بالصج راحت بره تكلم حبيبها ناصر واهو اللي ضايقها وخلاها تبجي )​

الساعه 5 ..​

دكتوور يوسف : الحمدلله انه أدرنا نخلص الدورة وانتوا استفدتوا منها وان شاءالله يارب أدرتوا تتخلصوا من همومكم وتئدروا تبدأو حياه قديده كلها أمل صفقوا لنفسكوا أويي​

الكل قام يصفق ويرقص بأخر الدورة لأنهم استانسوا وارتاحوا من كلام الدكتوروالتمارين اللي سووها​

فيصل : والله جنه بديت اقتنع بالدورة​

حور : ههههه فصول احنا خلصنا وانت ليلحين توك بتقتنع بس بذمتك بذمتك ماأستفدت​

فيصل وهو يتكلم بغرور : امبلا استفدت شويه والباجي كله اعرفه لأني انا مثقف واقرا وايد​

ليلى : حور عطيني رقمج J​

حور : اي صح ماخذينا ارقام بعض سجلي عندج​

حور : يلااا انا برووح حدي تأخرت صارت 10 ونص اشوفكم بالدوام وليلى حبيبتي انا وايد استانست معاج بالدورة وان شاءالله اشوفج​

ليلى : اي والله حبيبتي حتى انا استانسنت وتشرفت فيج وراح اكلمج ان شاءالله​

حور واهي طالعه من القاعه ...​

... : يعطيج العافيه شكلج صج تعبتي وترا انتي اللي كنتي منورة هالدورة وانا 3 ايام ايي معاكم بس عشان اشوفج​

حور : اممم مشكور والله يعافيك​

....: انزين تسجلين رقمي عشان اذا احتجتي شي من الدكتور ولا غيره انا اكون موجود وبخدمتج​

حور كان وايد عاجبها وموصدقه اصلا انه بيعطيها رقمها فسوت نفسها تفكر شوي بعدين خذته : اي خلاص اوكي عطني اياه وبصوت عالي عشان ربعي بالدوام قعد يطالعوناا وابيهم يحسون انه الوضع عادي بينا​

سجلت حور الرقم ورجعت البيت وفيصل كان واقف وراها يخزها لما خذت الرقم​

ليلى سلمت عالكل واستأذنت منهم وطلعت​

بالطريج راجعه بيتهم بغرناطه ..​

ليلى : الو حبيبي اسفه ادري تأخرت اليوم بس شسوي تونا خلصنا وعلى ماسلمت وطلعت​

ناصر : لا والله شرايج تنامين بالفندق بعد احسن اقول ردي ردي البيت خلصيني وهذي اخر مرة تقولين لي الدوام دازني دورة بلا دورة بلا خرابيط​

خل اقولكم عن ناصر :: عمره 28 سنه اسمر شوي وجسمه متروس وطويل شوي عصبي ولما يعصب يقلب الدنيا وشكاك وايد تعرف علي ليلى بعد ماخطبها من ابوها وبالقصه راح تعرفونه عدل​

نرد لحوارهم ...​

ليلى : كاني حبيبي كاني والله الحين راجعه البيت​

ناصر : يلا بشوف جدامي بتم معاج عالخط عشان بشوف اذا في احد تحرش فيج وتردين عليه ولا لا​

ليلى تضايقت منه بس تسوي نفسها عادي لأنها تحبه وايد​

بيت حور :​

حور عايشه مع امها وابوها منفصل عن امها من زمااان وخواتها ثنتين متزوجين وعندهم عيال واخوانها اثنين اصغر منها​

ام حور متقاعده من وزارة الصحه عمرها 45 عصبيه شوي بس طيبه حيل وبسرعه تسامح عيالها​

ام حور : والله زين رديتي البيت مابغت تخلص هالدورة البايخه​

حور : هههه يماا عاد والله حدها عجيبه ياليتج كنتي معاي​

ام حور : اي هذا اللي ناقص بعد اروح دورات ميانيين ( امها ماتعترف بالدورات والكتب والتنميه البشريه )​

حور : انزين يما انا حدي يوعااانه باكل وادش اتسبح وانااااام لحد يقعدني باجر عندي اووف​

راحت حور على فراشها تبي تريحح وبطلت تلفونها وتذكرت اللي عطاها الرقم​

(جراح عمره 34 سنه متزوج وعنده عيال اثنين وعيونه زاايغه ويكلم على مرته وعنده شقه)​

حور وايد تعلقت فيه لأنه جميل وايد واهي بسرعه تتعلق بأي ريال كبير لأنها محرومه من ابوها لأنه مايدري عن عياله كلش من يوم طلق ام حور​

بالوتس اب ...​

حور : قووه يعطيك العافيه​

جراح : هلا هلا نور فوني​

حور : وااي شدراك انه انا انزين انطر​

جراح : لأن ماعطيت رقمي حق احد غيرج وكنت ناطرج اصلا​

حور : انت متزوج ؟؟​

جراح : ايي , يضايقج هالشي​

حور صكت فيها الدنيا لأنه حسبالها انه سينقل​

: لا عادي ليش يضايقني الله يوفقك​

جراح : وانتي مرتبطه مع احد​

حور : لااا ومافي احد يملي عيني​

جراح : اي والله من حقج على هالجمال المفروض مو اي واحد تكلمين​

حور : عندك عيال ؟​

جراح : اي 2​

حور : ماشاءالله الله يخليهم لك واهم محظوظين وايد عندهم ابو مثلك​

جراح : تسلميين والحين صار عندي 3 عيال لأنج بتصيرين بنتي, انا بس عندي صبيان وانتي بنتي​

حور استاااانست وااايد لأنها تحب هالشعوور انه يكون في ريال كبير مسؤول عنها وحنون عليها اهي ماتبي شي من جراح بس تحب حنانه عليها وكبر سنه​

نامت حور وفي بالها اشياااء وايد​

ليلى رجعت البيت سلمت على اهلها وراحت دارها تكمل سوالفها مع ناصر​

ليلى عايشه مع امها واخوانها اصغر منا اهي البجر وابوها توفى شهر 1 – 2012​

اليوم الثاني ...​

حور تمت نايمه لي الظهر من التعب ​

ام حور : حور حور قومي يلا بحط الغدا ​

حور : اول مابطلت عينها عالتلفون ​

اففف مادزلي شي ​

حور : مساء الخير ​

جراح : هلا والله صح النوووم كل هذا نوم كنت ناطرج تقعدين ماكنت بزعجج ​

حور حدها استناست ان جراح ناطرها ​

جراح : وين بتروحين اليوم ؟ ​

حور : مادري والله توني قاعده وبروح اتغدا ​

جراح : انزين انا بروح اقعد عالبحر بريح بالي من هاللويه اللي عندي بالبيت واذا بتيين حياج انا ناطرج ​

حور : اممم خلاص انا بتغدا واقعد شوي مع اهلي بعدها اطلع واييك​

جراح : بأنتظارج ​

في بيت ليلى ...​

ليلى نشيطه ودايما تقوم مبجر حتى لو نايمه متأخر ​

ليلى : حوري مساء الخير ​

حور : هلا والله ليلى شلونج اليوم من بعد تعب امس ​

ليلى : والله الحمدلله وكاني مداومه ​

حور : اووف دوامج ماعطوج اووف اليوم ​

ليلى : لاا وين لاتنسين انا ببنك يعني الأووف بالحسرة ​

حور : ويي الله يعينج شتسوين بعد يلا اخليج بروح اتغدا ​

دق ناصر عليى ليلى : ​

ناصر : ليش اون لاين تسولفين مع منوو ​

ليلى : مع رفيجتي اللي تعرفت عليها بالدورة ​

ناصر : انزين حياتي طلعي بشوفج ​

ليلى : وااي نصوري اخاف امي ماترضى تخليني اطلع ​

ناصر : لا عادي حبيبتي روحي قوليلها بتطلعين مع رفيجتج وراح ترضى يلا انا ناطرج ترا قعد احوس عند بيتكم ​

( ناصر خطب ليلى من ابوها وابو ليلى قاله اشوف البنت واردلك خبر وابوها ماكان مقتنع بناصر وايد من بعدها تعب ابو ليلى وتوفى الله يرحمه وقبل لايتوفى ابو ليلى ناصر طلع رقم ليلى وقام يتلزق فيها وغصب طيب بيخليها تحبه وتكلمه ومن صارت ليلى تكلمه وصارت بينهم علاقه نسى موضوع الزواج وخصوصا بعد ماتوفى ابو ليلى ) ​

حور بعد ماخلصت غدا راحت دارها تفكر تروح تشوف جراح ولا لا : اممم خل اروح اقعد معاه عالبحر شنو بيصير يعني عاادي ​

وااي مادري شلبس ابي البس شي يعجبه حيل ​

راحت حور وبدلت لبست تريننق مريح للبحر ​

وهي بالطريج عالبحر لاحقها واحد وخافت يلحقها لي عندد جراح وتصير سالفه ​

حور : بطلت الدريشه لو سمحت روح انا رايحه حق اهلي ومابيهم يشوفونك لاحقني ​

الريال : خلاص خلاص اسف بمشي ​

حور وصلت عند جراح ودقت عليه ​

حور : الو قوه كاني انا وصلت انت وينك ​

جراح : كاني شفتج الحين اييج يلا نزلي ​

قعدوا جراح وحور عالبحر وتم يسألها جراح عن حياتها وشنو تحب وشنو ماتحب ​

وحور كانت اول مره جذي هاديه وساكته لما كانت تقعد يم جراح تحس بشعور عجيب وفاقدته من زماان ​

جراح : واااي انتي حلاته الواحد بس يقعد ويجابل ويهج حتى مايتكلم والله ويهج ينسي الواحد همومه ​

حور استحت ونزلت راسها ​

جراح : انزين شرايج نروح ناكل بيتزا ​

حور : انا توني ماكله بس بروح عشانك J​

مرت الايام كانت علاقه جراح بحور زينه وايد كان يقولها كلام يخليها تحس انه ملكت الدينا كلها ​

وليلى علاقتها مع ناصر نفس مااهي كل مره تطلع تشوفه واذا كلمته عن الزواج يقولها امي مو راضيه واهي مريضه مابي اتعبها بسبه هالموضوع بس ترضى راح اييج<< ططبعا هذي اكبر جذبه ​

​

بليل راح انزل لكم بارت ثاني ان شاءالله ​

وان شاءالله يعجبكم هالبارت

 

[Miss MzajeYa]

الرواية باين عليها حلوة
موفقةة حببببي
كملي حبيبتي نااطرينج

 

[Miss MzajeYa]

ناااصر حقييير
وجراح حرام عليك يعني انت متزوح وتكلم بعد

 

[Miss MzajeYa]

يعطيج العاافية ع البااارت حبيبتي

 

[Miss MzajeYa]

اب اب اب اب اب

 

[*المــــلكة*]

يعطيج العاافية ع البااارت حبيبتي

الله يعافيج حبيبتي مشكوورة على المتابعه​

 

[HaAaDoOol]

البااارررتت حححلللووو تسسسسسلم اييددچ

 

[*المــــلكة*]

بارت 3​

يوم يديد ...:eh_s(7):​

حور توها قاعده من النوم الساعه 9 ودوامها الساعه 11 ​

قاعده تبدل ملابسها عشان تروح الدوام وضايق خلقها لأنه جراح متغير عليها وصاير مايسأل عنها واهي حيل حيل متعلقه فيه ​

حور : اوووف حدي مالي خلق اداوم واروح اجابل ملاقه سعود ( سعود مسؤولها بالدوام بدون ويحب حور وناطر ياخذ الجنسيه عشان يتزوجها ) اووف شكلي ماراح اداوم وجراح مايدري عني مادري شاللي غيره شكله مل مني خل البس واروح اقعد عالبحر احسن ​

انزين خل ادزله وتس اب يمكن يرد علي ​

حور : صباح الخير جوجي ​

جراح : صباح النور هلا والله ​

حور : شلونك شخبارك اشتقت لك ​

جراح : مشغول والله بهالدنيا ​

حور : انزين جراح عفيه مشتاقتلك بشوفك اليوم ​

جراح: والله مادري اشوف اذا فضيت اقولج ​

حور : اوكي ناطرتك ​

حور لبست جينز سكيني وتي شيرت احمر وسيع شوي وفلات اسود فيه فيونكه وربطت شعرها ولبست كاب اسود وطلعت ​

واهي واقفه عند البقاله اللي يم بيتهم تشتري لها شي تشربه​

ياها واتس اب ​

جراح : حوري تبين تركبين جت اليوم ​

حور: اييي من صجججك حدي ابيي ​

جراح : خلاص عيل اليوم نأجر جت جم حور عندي ​

حور : وااي حياتي الله يخليك لي والله حدي استانست وخلاص ناطرتك ​

راحت حور الساعه 11 وقعدت عند بحر شيليز ​

وكل شوي يمرون شباب يتحرشون فيها واهي مطنشه وتلعب بتلفونها وقلبها يرقع خايفه لا يطنش جراح فيها​

زهقت وصارت الساعه 1 الظهر وجراح ماكلمها ولا دز لها شي ​

بالوتس اب ..​

حور : واااي ليلوو تخيلي جراح مواعدني نأجر جت اليوم وطنش فيني ​

ليلى : هلا حبيبتي من صجج انزين دقي عليه شوفيه وينه ​

حور : مابي مابي اتلزق ويع اذا يبي اهو بيدق ​

ليلى : انزين حبيبتي حاولي تستانسين بوقتج دامج ماخذه مرضيه اليوم لاتضيعين اليوم بالتفكير فيه ​

حور : ليلو شسوي والله ماتدرين شكثر اموت فيه الوقت اللي مايكلمني فيه احس الدنيا وااقفه ​

ليلى : حبيبتي انزين انا عندي عميل الحين شوي واكلمج ​

وتمت حور تتمشى عالبحر وتروح من واجهه لي واجهه واهي ناطره جراح ​

صارت الساعه 3 وليلحين ماكلمها ​

دزت له وتس اب ​

حور : راح اشوفك اليوم ولا لا ​

جراح : اي كاني قعد ادور على جت نأجره​

حور : انا مابي جت خلاص المهم تعال صارلي من 11 ناطرتك​

جراح : من صجج انتي طالعه من الصبح انا حسبالي انتي بالبيت انزين تعالي تعالي عند تكاا اللي يم المرينا ​

حور ماصدقت على الله وراحت ركبت سيارتها بسرعه ومن كثر مااهي دايسه دعمت سياره ريال مصري عند الأشاره ومشت عنه حتي ماالتفت عليه ​

حور : واااي ليلوووو كاني كاني رايحه اشوفه مو مصدقه نفسي ​

ليلى : حبيبتي الله يهنيج ولما تخلصين منه بكلمج ظروري​

حور واهي بالطريج دايسه ياها وتس اب ​

جراح : حبيبتي انا عندي شغل الحين ولازم اروح اشوفج بعدين ​

حور بهالحظه ماتت من القهر وحست انها لعبه بين ايده ماردت عليه وراحت عند واجهه بيتزا البحر وقعدت تبجي حيل حيل بعدها فكرت تشتري من سباغو وترد البيت ​

واهي بالطريج راده بيتهم وقاعده تاكل ومعليه عالمسجل تحاول تستانس وتنسى ​

شافت جدامها سياره كمارو سوده واهي تحب السيارات السبورت وايد ​

ماتدري شاللي خلاها تروح يم سياره الريال وتكلمه ​

داست ووصلت عند الكمارو ولا شاب قاعد يتكلم بالتلفون لما شافها سكره علطول وتم يطالعها ​

حور تأشر للريال : تسابق تسابق ​

... : بطل الدريشه , هلا والله لايمعوده لاتتحديني ​

انزين تبين تركبين السياره تجربينها ​

حور بدون تفكير : اي اي يلا خل نسفط ​

راحوا سفطوا عند اقرب مكان ونزلت حور وبيدها بطاط وبيبسي وبكل براءة راح ركبت صوب السايق والشاب نزل ركب يمها ​

حور : قووه ادري ما استحي نزلتك وركبت مكانك ​

فهد : لا عادي شدعوه لي الشرف تركبين يمي ​

...: انا فهد انتي شسمج ​

حور: واهي قعد تسوق السياره السبورت وحدها مستانسه ​

انا حور ​

فهد : ههههه دزيتي الجذبه لا صج شسمج​

حور : والله اسمي حور ​

فهد قعد يطالع حور ويحس انها مسكينه ووايد على نياتها وانه فيها شي اللي خلاها تيي تركب مع واحد غريب ماتعرفه وتتصرف بهالبراءة معاه ​

وصلوا عند سياره حور بعد ماخذوا فره​

واهي بتنزل ​

فهد : انزين لحظه شدعوه اخذي رقمي يمكن تبين تسوقين السياره مره ثانيه ​

حور عطته رقمها لأن فونها مو معاها خلته بسيارتها عطته رقمها بدون اهتمام لأن ماكانت تتوقع انها تحب واحد من بعد جراح​

كل واحد راح سيارته ​

ردت حور البيت قعدت مع اهلها ولويه يهال خواتها ونست موضوع فهد وموضوع جراح ​

قبل لاتنام ..​

فهد : قووه حور ​

حور : منو ؟​

فهد : انا فهد راعي الكمارو ​

حور : اي هلا والله ​

فهد : شنو شكلج نسيتي انج عطيتيني رقمج انزين ممكن ادق بكلمج​

دق فهد على حور ​

خل اقولكم عن فهد (عمره 25 سنه حنطاوي طوله حلو وشوي متروس لأنه ترك النادي ويدرس بأمريكا هندسه) ​

تم فهد يسولف حق حور عن نفسه وانه انسان مثقف ويحب يحل مشاكل الناس وانه عنده طموح يخلص الهندسه ويكمل ماجستير ودكتوراه ​

فهد : حور احس وراج سالفه طويله ​

حور : لا عادي ماوراي شي ​

فهد : فتحيلي قلبج وجنها اخر مكالمه بينا ​

حور قامت تسولف عن جراح وانها ودها تتزوج واحد كبر ابوها لأنها محرومه من هالشي ​

فهد : حور شرايج تغيرين حياتج ليش ماتدرسين بره الكويت ​

حور : هههه من صجك يعني منو بيرضى يخليني اسافر بروحي ​

فهد : انزين انا عندي فكرة.. انا مستعد اتزوجج ووالله ماالمسج كلش بس اتزوجج واخذج معاي امريكا تدرسين وتغيرين حياتج وتبتعدين عن كل شي هني مضايقج ​

حور راحت بأحلامها بعيد وتخيلت انه كلامه صج وانها بتروح امريكا واهي اللي كانت تحلم من زمان انها تسافر بره سنين بعدين ترجع الكويت ​

قامت تفكر معقول ايي واحد بالصدفه جذي ويشيلها من كل اللي اهي فيه ( حور عانت من امور وايد من ابوها واهل امها وصارت لها مشاكل وايد من واهي صغيره ) ​

فهد : الوو حور وين رحتي ​

حور : كاني ​

فهد : ها شقلتي ​

حور مو ماخذه الموضوع جد حسبالها فهد يجذب حاله حال الشباب : ههه فهد خلاص عاد من صجك ​

فهد : حور انا بروح الحين اتعشا وانتي فكري عدل على ماارد لج حور والله انا جاد بكلامي انا مستعد اغير لج حياتج بدون لا اخذ منج شي ​

حور: انزين اكلمك بعدين باي ​

دقت حور على ليلى وتقولها اللي صار معاها ​

حور : الوو ليلووو ماتصدقين اللي صار معاي ( وقالت لها كل اللي صارلها معاها اليوم ) ​

ليلى : والله مادري حور يمكن يكون صاج بس معقول في واحد من اول يوم يشوف وحده يقرر انه يتزوجها بس هم اقولج يمكن صاج لانظلمه ​

حور : واااي ليلوو لو كان كلامه صج تعرفين شنو راح تتغير حياتي تعرفين شنو راح ارتاح لما اروح من هني ​

ليلى : ان شاءالله حبيبتي الله يوفقج ويكتبلج اللي فيه الخير ​

نامت حور وماكلمت فهد كانت بتعطي نفسها فرصه تفكر في كل كلامه اللي قاله ​

وليلى نامت واهي متضايقه وتبجي لأنه ناصر نام وماكلمها تمت تدق عليه ومايرد عليها كللش ​

ثاني يوم ...​

قامت حور الصبح بتروح دوامها واهي تبدل دقت عليها ليلى ​

ليلى : الو حور حبيبتي شرايج نطلع اليوم انا ماخذه اجازة وبالغصب عطوني البنك اجازة ​

حور : اممم مادري ليلو انا امس غايبه بس يلا خل ادق على هالسعود واقوله اني بغيب اليوم بعد والله يعيني على محاضرته​

ليلى : انزين حوري انا ببدل الحين واطلع بنطرج بمصافط فرايديز البحر ​

حور: اوكي حبي ​

حور واهي بالطريج رايحه حق ليلى مصافط فرايديز ​

دق فهد ​

فهد : الووو صباح العسل ​

حور مستحيه منه : هلا والله صباح النور ​

فهد : وينج ؟ شكلج طالعه ​

​

حور : اي رايحه اشوف رفيجتي من تعرفت عليها ماشفتها ولا مره ​

فهد : انزييين وانا بشوفج بعد مايصير جذي ​

حور : اممم انزين عيل انا اتريق مع رفيجتي بعدها اقطها على سيارتها واييك ​

فهد : لاااا وانا منو يتريق معاي انزين عفيه حور لاتطولين علي ​

حور : ان شاءالله ​

وصلت حور عند ليلى بمصافط فرايديز ​

نزلوا من سياراتهم يسلمون على بعض ​

حور : واااي ليلى حياتي اشتقتلج ماشفتج من ايام الدورة ​

ليلى : حبيبتي حوووري مس يووو والله ​

حور : يلا تعالي معاي خنروح بسيارتي ​

تموا يتمشون عالبحر ويضحكون ومستانسين ​

حور : ها لوله وين تبين نروح ​

ليلى : خنروح كوستا المرينا انا عازمتج ​

واهم قاعدين بكوستا المرينا ​

حور : ليلى انا والله زينه مااحب المشاكل لأحد ومابي اخرب حياة جراح مع مرته بس شسوي والله احبه احبه روحي متعلقه فيه ​

ليلى : حبيبتي حور انتي ماتحبينه اتني متعلقه فيه لأنه يعوضج عن حنان ابوج اللي ماعشتي معاه ولا يدري عنج​

حور : تدرين ليلى انا صارت لي مشاكل الدنيا من لما صار عمري 12 وانا مشكله ورا الثانيه محتاجه اغير حياتي محتاجه ريال يعوضني عن كل شي ​

ليلى : والله حياتي حور انتي حلوة تهبلين وعندج شهادة واسلوب حلو مو ناقصج شي ليش تقطين نفسج على جراح عندج فهد وشكله شاريج ليش ماتعطين نفسج فرصه صح فهد صغير بس يمكن تلقين عنده كل اللي تبين ​

فهد كل شوي يدق على حور يشوفها وينها​

وناصر ماكان يدق على ليلى بهالحزة لانه كان مو فاضي لها ​

ليلى : حور حبيبتي اذا تبين نمشي خل نمشي عادي روحي شوفي فهد وانا بروح الجمعيه اييب اغراض حق امي ​

حور : خلاص خل نمشي الحين ومره ثانيه نطلع من الصبح لي المغرب ​

حور وصلت عند سياره ليلى ولقت فهد صافط يمها ​

ليلى : يلا حبيبتي ديري بالج على نفسج واالله يوفقج معاه ​

حور : امييين ​

حور صفطت سيارتها وركبت مع فهد ​

حور : قووه ​

فهد : هلا هلا نورت السياره ​

حور : ...​

فهد : والله مو مصدق انه هالقمر راكب معاي ​

حور : ..​

حور ماكانت تحس بأي مشاعر واهي مع فهد لان كانت متعلقه بجراح اللي مايدري عنها حيل ​

فهد : الحين الساعه 1 يعني نقدر نتغدا شرايج نروح مغل محل مشتهي عيش ​

حور : كيفك عادي ​

حور لازقه يم الباب وفهد بس يطالعها وسرحان فيها بهاللحظه مسك ايد حور وباسها حور خافت بس سوت نفسها عادي وطول ماافهد ماسك ايد حور ماكانت تحس بأي مشاعر اتجاهه ​

بالمطعم ...​

فهد قاعد جبال حور ويخزها حيل ​

وحور تسوي نفسها مشغوله بفونها لأنها مستحيه تحط عينها بعينه ​

طلبوا الغدا وكلوا وحور مو مهتمه بفهد كلش ​

حور واهي قاعده تاكل ياها وتس اب ​

جراح : شلونج ياعسل ​

حور : تغيرت ملامحها حيل مستانسه على خايفه ​

فهد : شفيج منو دزلج مسج وغيرج جذي ؟؟!​

حور : لا هذي ليلى رفيجتي تقولي انها وصلت البيت ​

حور : جراح ابي اشوفك عفيه ابي اكلمك ​

جراح : خلاص اوكي انا ناطرج عند المرينا انتي وينج ​

حور : انا مع رفييجتي قعد ناكل بمغل محل ​

جراح : اووو لا انتي مطوله عيل بعدين اشوفج ​

حور : ماسكه دمعتها غصب جدام فهد وماردت على جراح​

طلعوا من المطعم وفهد قعد يحاول يلطف الجو لانه شايف انه حور تعكر مزاجها ​

فهد : شرايج نروح نقعد عالبحر وتفضفضين لي ​

حور : كيفك ​

قاعدين عالبحر عند فرايديز ​

فهد حاول يخلي حور اطلع كل اللي بقلبها قالها انسدحي وسولفي قولي كل اللي تبينه وانا بقعد وماراح اطالعج كلش​

حور انسدحت عالتراب تمت تسولف وتسولف وتقول كل شي صار معاها ولما خلصت لقت فهد يقومها ويلمها حيل ​

فهد : والله والله ورب الكعبه ياحور من هاليوم انتي مسؤوله مني ماراح اخليج وراح اخطبج ونتزوج واخذج من هني وماراح اخلي احد يزعلج بعد انتي احلى بنت بهالعالم تستاهلين تعيشين احلى حياه حور انا مابي منج شي بس ابي اسعدج وبس ​

حور حست براحه مو طبيعيه بعد مافضفضت لفهد وحست انه صادق بوعده لها ​

فهد : حور انا نهايه هالأسبوع راجع امريكا بس اروح شهر عندي امتحانات وارجع لج واخطبج والله ماراح اخليج ​

حور لمت فهد حيل وقامت تبجي ....​

​

بالبارت الياي ان شاءالله راح اتكلم عن ليلى وحياتها​

مع حبي

 

[zhoorQ8]

كملي حبي

 

[pinK-_-perry]

اب اب اب اب اب اب
واي احس فهد طيب
وجراح شنو هذا قطيعه !!!
و ناصر بعد قطيعتين !! مالت عليه
المسكينه ليلى وحور بعد بس يمكن حور فهد يخفف عليها
بس ليلى ماعندها احد يخفف عليها

كملي كملللللللللللللللللللي لا يوقف :* والله عجيبه الروايه

 

[Miss MzajeYa]

وييييييييييع نااااصر وجراح شنو نظامهم
والله مساكين ليلى وحور
فهد مشاءالله علييه احسن منهم

 

[Miss MzajeYa]

يعطيييج الف عافية الصراحة الباارت عجيييب

 

[Miss MzajeYa]

اب اب اب اب اب

 

[pinK-_-perry]

اب اب اب اب اب