المهم نرجع لابطالنا اللي بدوا بالتجول في المدينة
بدر : اسماء شنو تبين تلعبين ؟
اسماء رفعت حاجبها اليمين : عفوا شقلت .؟ يمكن انا اتخيل .. شصاير بالدنيا وخلاك تعاملني جذي
بدر : مو عشانج .. عشان ابري ذمتي عند ربي لانج الحين على ذمتي
اسماء : والطق اللي قبل هم عشان تبي ذمتك
بدر : انتي لا تستفزيني وانا ما راح امد ايدي عليج
اسماء سكتت لانها تبي تستانس ماتبي تعكر مزاجها
بدر : امشي بلعبج قطار عجيب
وراحوا للعبه اللي يقصدها بدر
اسماء خافت : بدر مو لازم نلعب هاللعبه
بدر عرف انها خايفة : لا لا هذي حلوه يلا ( وسحبها قبل لا يسمع ردها )
وبدت اللعبــــــــــــــــــــــــــــــــــــــــــــــــــــة
اسماء : ليش ركبتني انا مابي هاللعبه
بدر : جربيها ماراح تخسرين شي
اسماء : بــ .. اااااااااااااااااااااااااااااااااااااااااااااااااااااااااااااه يا مامااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
بدر ميت من الضحك : ههههههههههههههههههههههههههههههههههههههههه
اسماء : الله يااااااااااااااااااااااااااااااخذك ااااااااااااااااااااااااااه ابي مامااااااااااااااااااااااااااااااااا
بدر : يالخوافه فتحي عيونج عشان تستانسين
اسماء : اسكت اسسسكت ااااااااااااااااااااااااااه ابي ااااااااااااااااااااه انززززللللللللللللللللللللللللللللللللللل
بدر : اول مره ادري انج خوافه
واسماء تبي تعانده جان تفتح عيونها وشافت جدامهم نزله تخرررررررررررع تخررررررررررررررررررع ( انا شخصيا مجربه هاللعبة راح صوتي من كثر ماصارخت )
ولا شعوريا تمسكت بذراع بدر بقووووووه ودفنت راسها بذراعه
بدر ما استغرب هالحركه لانه صج النزله تخرع حيييل
اسماء : وااااااااااااااااااااااااااااااااااااااااااي بمووووت يماااااااااااااااااااااااا ااااااااااااااااااااااااااه واي واااااااااااي خلاااااااااااااااااااااص بنزل ااااااااااااااااااااااااااااااه
بدر متوتر من قربها ومو قادر يضبط حاله ( شفيني ؟ )
وخلصـــــــــــــــــــت اللعبه
بدر كان مكانه عند الباب يعني اهوا ينزل اول .. بس اسماء ما نطرته .. نطت فوق ريوله وانحاشت برا
بدر يضحك : ماتبين جنطتج ؟
اسماء : لاااااااااااااا مابيك ولا ابيها
بدر سمع كلامها وثواني ولا اهوا جدامها ويهمس باذنها : ماتبينها كيفج بس انا ماراح تفتكين مني لاخر عمرج
اسماء من سمعت كلامه حست برجفه بكل جسمها ( شلون اقعد معاه طول عمري !!)
وبعدها مشوا بصمت ولعبوا جم لعبة
وشافوا ناس لابسين شخصيات كرتونية
بدر : تعال نصور مع ميكي وميني ماوس
اسماء ( تخاااااااااااف من هاالشخصيات ): لا ماله داعي
بدر : امشي يلاااا
اسماء : بدر تكفه مابي .. انت صور
بدر : لا انا ابيج انتي تصورين
اسماء شوي وتبجي : بدر والله اخاف تكفه
بدر : تخافين من ميكي ماوس
اسماء : لاااا بس ما احب جذي يعني شخص يلبس شخصية كرتونية
بدر يسحبها : امشي نكسر هالخوف
اسماء تحاول تسحب ايدها : بدر لا لا الله يخليك بدررر ماااابي
بس بدر ولا جنه يسمع
وصار ترتيبهم ( ميني ماوس \ اسماء \ بدر \ ميكي ماوس )
اسماء تحاول قد ما تقدر تبعد عن ميني
وميني تقرب منها عشان الصوره تطلع احلى
بس ميني قربت حيييييييل من اسماء وكانت بتمسكها
بس اسماء كانت اسرع منها وضمت بدر
بدر وقف مثل الصنم من حركتها (اسماء اول مره قريبة منه لهالدرجه وقاعد يحس بذراعها تلفها على ظهره وراسها دفته بصدره وريحه عطرها اللي فجرت كل خليه بجسمه .. توتر من قربها وحاول يبعدها عنه )
اسماء ماصدقت صوروا جان تنحاش
وبعدها طلعوا من الحديقة وراحوا قعدوا في احدى الساحات في وقت متأخر وكانات هالساحات شبه فاضية الا من بعض العشاق o_-
هدووووووووء وكل واحد سرحان بعالمه
بدر كان وده يعرف قصتها بس هالشي اهوا الشي الوحيد اللي مايصير بالغصب
اما اسماء كانت سرحانه تعيد شريط حياتها من طلعت على هالدنيا وتقارن بين حياتها قبل لا يطلع فيها بدر وحياتها بعد ما طلع لها وفرض نفسه فيها ( وتنهدت تنهيده طالعه من قلب وبصوت مسموع )
بدر : شسالفه هالتنهيده
اسماء الي ماسمعت وقالت بصوت عبالها مو مسموع : كل شي صار صدفــــــــــــــــــــــــــــــــــــــــــــــــــــــــــــــــــــــــــــــــــــــــــــة
بدر : شنو اللي صار صدفه ؟
اسماء انتبهت : هاا ؟ لا ولا شي
بدر طوف بمزاجه : الا اسماء اقول
اسماء تطالع لبعيييييد : شنو
بدر : احم .. ودي اعرف قصتج
اسماء : غريبة تطلب !! انت العاده تأمر
بدر : الا بهالشي .. واتمنى انج تحترمين طلبي
اسماء : انت ماسويت شي يخليني احترم طلبك .. انت كل طلباتي ترفضها وهذا طبعا غير عاملتك اللي تحلم فيها كل زوجه ( قالتها باستهزاء )
بدر : افهم من كلامج ماراح تقولين لي
اسماء : هذي خصوصيات .. وماحب احد يتدخل فيها .. ورجاء لا تتكلم بشي انت ماتعرفه بس بمجرد انك سمعت جم شغله (لمن كان يقول لها يا بنت الفاجره )
فـــــــــــــــــــــــــي الكويت
فجر : اوووف يا هند بموت من القهر .. بدر الحين ماخذ بنت الفقر شهر عسل وانا عافني
هند : ماااالت عليها طاح حظها اهيا وياه
فجر بحقد : اي والله طاح حظه ولا انا بنت الــ ... يفضل بنت الشوارع علي
هند : وانتي ان شاء الله ناويه تسكتين عنها
فجر بنظره شيطانية : مو انا اللي استسلم .. بدر لي وراح اخذه ماراح اخليه لها لو على قص رقبتي
هند بتشجيع : اي كفووو هذي فجر اللي اعرفها .. الا ماقلتي لي شراح تسوين ؟
فجر : كل شي بوقته حلووووو
نرجع لمعاريسنـــــــــــــــــــــــــــــآآآآآآآآآآآآآآآآ
طول الاسبوع مر عليهم هادي مع تحسن ملحوظ بمعاملة بدر لاسماء و خلص شهر العسل و رجعوا للكويت
ومرت الايم على نفس الروتين
اسماء بغرفه وبدر بغرفه.. وماكان يدور بينهم اي حوار يذكر
الوجبات الثالث تحت مع باجي العايله
اسماء زادت علاقتها مع بشاير و نوره .. واما فجر و هند كانت تتجنب تقعد معاهم بنفس المكان
وفــــــــــــــــــي احد الايام
اسماء قاعده تحت وكان البيت فاضي .. وبعد فتره دخل خالد بروحه المرحه و ويهه البشوش اللي يجبر الكل انه يبتسم
خالد : قوه يا زوجه ماي برذر
اسماء : ههههههه هاي .. ترا مو لازم كل هاللفه قول اسماء وخلاص
خالد : اولا يا حرم اخوي المصون لمن يقولون قوه يردون الله يقويك مو هاي
اسماء تفشلت : هههه عاد انا شدراني
خالد : وثانيا عادي لو تبيني اقولج اسماء بقولج
اسماء بابتسامه حلوه : اي احسن
خالد :وانتي شلونج مع العايله ؟ يعني خذيتي عليهم ؟ وبالنسبه للبنات منوا كثر وحده حبيتيها ؟ ومنو اللي ماتواطنينها ؟ و ..
اسماء تقاطعه : ويييييييييت !! خل ارد على هالاسئلة اول .. العايله الحمدلله حبيتهم وااااايد واهما حبوني .. ومثل ما تقولون طاحت الميانه هههههههه اما البنات اكثر وحده حبيتها بشاير واهيا بحسبه اختي ونوره بعد و ....
خالد يقاطعها : نورو !! ديري بالج منها تراها قثيييييييييثة
اسماء تضحك لانه بشاير قالت لها عن العداوه الابديه بينها وبين خالد : عاد شنو تحش فيك
خالد : اسماء مسرع ما عرفتي هالكلمات (يحشون \ طاحت الميانه )
اسماء : الله يخلي بيشوو كل يوم تعطيني درس باللهجه الكويتية
خالد : ونرجع لنورو .. هالخايسه والله مو محلله
اسماء دخلت جو مع خالد ..لانه خالد شخصيته حلوه ويدخل القلب بسرعه بعكس بدر ( سبحان الله شلون صاروا اخوان .. بشاير وخالد يهبلوووون مثل ابوهم اما بدر مغرور ورافع خشمه على شنو مادري!! طالع على حيزبونه امه.. يا حليلها البقره الحلوب صج اشتقت لها واشتقت لـ لاانا ااه يا لانا بمووت من الشوق و الرئيس والبنات و لندن وشوارع لندن و جون ومطعمنا اللي دايما نروح له وحتى لساهر اشتقت .. لانهم جزء من حياتي ويمكن الجزء السعيد منها حتى لو كانوا موز ينين معاي .. بس ما احس هناك بالغربه بعكس هني و اصلا ....)
قطع تفكيرها صوت خالد : ياااهووووو نحن هنا
اسماء : هاا شقلت ؟!!
خالد : وين وصلتي ؟
اسماء تنهدت : وصلت لـ لندن
خالد : اشتقتي لها ؟
اسماء تحس براحه لما تسولف مع خالد وحست انها ودها تفضفض عشان ترتاح : اي حييييييييييييييييييييييييييييييييييل
خالد : اسماء ترا انا مااعرف عنج شي .. انتي طول عمرج بلندن عدل ؟
اسماء : اي انا من ولدت ما طلعت منها
خالد : بس انتي كويتية ليش عايشه برا ؟
اسماء توهقت شتقول له ( وتوها بترقع ولا تسمع ..)
....: ماشاء الله داشين جو
اسماء بلعت ريجها هالصوت مسبب لها رعب
