روايتي الاوولى وحقيقيه100% انا اعرف ابطالها ((توأم روحي))

[sweet gairl]

اهاااا عرفنا
بس هم نبي بارت

 

[el7la kla]

رد : روايتي الاوولى وحقيقيه100% انا اعرف ابطالها ((توأم روحي))


البارت ال 20

ابو حمني: اصلها ........... ؟
ام حمني: اي
ابو حمني: لا لا شوفو غيرها
ام حمني: بس ليييش ؟!! اهيا خوش بنت وولدك يبيها وبنت ال ..... يعني والنعم فيهم
ابو حمني: قتلج لا يعني لا خلاااص
ام حمني: اهوه بياخذها ولا بياخذ امها !! احنا شكو بامها الله يهداك
ابو حمني: مووو لي بقيت تخطب البنت اسأل عن امها ؟!!
ام حمني: اي صح بس المقصود ان اسأل عن اخلاقها وسمعتها موو اصلها .. ويالله حتى لو اصلها ماافيها شي ترى كويتيه وحضريه ونفس مذهبنا .. بعد شنو !!!
ابو حمني(عصب): لولوه انااا قلت لا يعني لا خلااااص
ام حمني: لا حول لله

(( ابو حمني طلع وحمني راح حق امه ))

حمني: ما رضى صح ؟!!
ام حمني: اي ما رضى .. والله مادري شلون صاير ابووك هذا
حمني: لا يما عفيه حاولي انا ابيها يما تكفين ساعديني
ام حمني: والله كلمته يما وانت سمعت كل شي .. مووو راظي !
حمني: انزيييييين احنا شكو بأمها !!! والله يبط الجبد وبعدين انا بتزوج مو اهو يااااا ربي كيفيييي
ام حمني: انا بكلمه مره ثانيه وانشالله يلين راسه

...

(( اليوم الثاني ))

ابو ساره: اصار على خطبه ساره؟
ام ساره: مادري والله اسألو وماردو ليلحين.. مادقو قالو يبون ايوون ولا شي
ابو ساره: كيفهم يبا خلييهم متى مادقو دقو .. مو بايعين بنتنا احنا ولا تغصبين ساره على شي خليها تختار .. كيفها
ام ساره: انشالله

...

علي: هذا ريلج انا شاااايفه بس وييييييييين ماادري !
مريم: مادري .. ايييي اقووولك يالله متى نخطبلك ؟
علي: لا تو الناس مابي الحين
مريم: اي اي تو الناس يبي يلعب الحييين .. ماا شبع
علي: جب جب .. اساتحي على ويهج تقوليلي جذي
مريم: اذذذلف زين .. ماكو شغل استحي منك
علي: تلفونج يرن
مريم(توهقت): اي بعدين ارد
علي: منو ؟
مريم: مادري
علي: اي شوفي منووو
مريم: اممم .. هذا بدر
علي: خوو ردي
مريم(اظحكت): الوووو
علي: خبله
بدر: الووو
مريم: هههههههههههههههه
بدر: شفيج ؟
مريم(راحت غرفتها): هههههههه امبيه بدور نسييييت انك خطييبي لما رن التلفون توهقت جدام علي
بدر: هههههه هبله.. وبعدين ؟
مريم: بعدين اهوه قالي ردي شفيج هههههه
بدر: غبيه ..
مريم: ماادري عبالي نفس قبل موو مستوعبه
بدر: انزين مريوم بشوووفج بروحنا .. شنطرني لي الملجه
مريم: ماااااكو عيييب نطلع بروحنا وحنا مخطوبين خل نملج وبعدين عادي هههههه
بدر: لاااا والله وقبل لما كنا ربع عادي تطلعين معاي والحين لما صارت خطبه رسميه مو عادي؟
مريم: ههههههه ربع ويييهك !! يعني شلوووون اهلي ما يرظون نطلع بروحنا وحنا مخطوبين .. خلها عقب الملجه ليلحين ما صرت ريلي انت
بدر: جب جب ريلج غصبن عليج .. يالله روحي الجمعيه او اي مكان بشووفج
مريم: لا مااابي تبي تشوفني تعال البيت .. خلنا عقب الملجه عشان توووله علي
بدر: لااا مريوم حرام عليج والله ابييج .. والله لي الملجه الا انا ......
مريم: بس عيب .. يالله باي
بدر: بااي بعيينج .. نطري
مريم: هههههههههه يالله باااي بروح حق امي
بدر: دقي بعدين .. باي

...

ساره: شصار ؟
حمني: ما صار شي ...
ساره: امك كلمت ابوك ؟
حمني: لا ليلحين >> يبي ينطر يمكن يرضى
ساره: اممم
حمني: انشالله خيير
ساره: انشالله

...

ام مريم: ام بدر كلمتني قالت ليش ما تملجون وعقب التخرج العرس
مريم: ومن قال ابي عرس .. مااااالي خلق لووووويه ومصاريف وملاقه .. ملجه وبس ونسويها بصاله
ام مريم: يالله عااد انتي اول وحده من عيالي بتتزوج وهم خالتج ما عندها الا بدر اهوه الصبي الوحيد وتبي تسويله عرس
مريم: واااااي مااااانبي اصلا انا وبدر ماانبي قلنا بس ملجه عادي عندنا .. ليش الطواله يعني والخبه
ام مريم: لا حبيبتي بنسوي عرس وبفندق بعد
مريم: واااي يما حق التشيحط .. ماااابي خوو انا اللي بتزوج .. ابي ملجه بصاله وبس
ام مريم: مادري انا اقول حق ام بدر واشوف شتقول وبعدين اذا بس ملجه خلاص عقب التخرج لانج بتروحين عنده
مريم: اي عادي عقب التخرج عقب التخرج ننطر

...

هبه: والحين شصار ؟
ام حمني: مادري امس كلمته ومو راظي واليوم بعد بكلمه
هبه: والله ابوي ليش جذي .. حرام يكسر قلوبهم
ام حمني: اليوم بشووف

حمني: السلام عليكم
هبه وامها: وعليكم السلام
حمني: يما كلمتيه ؟
ام حمني: لا بعد شوي حبيبي

...

ام بدر: لا لا هذا ولدي الوحيد وابي اسويله عرس
ام مريم: والله تقول اهيا وبدر متفقين
ام بدر: موبكيفهم ولدي بفرح فيه
ام مريم: خلاص انتي شوفي بدر شقول
ام بدر: خلاص انا اكلمه الحين

بدر: يالله مع السلامه
ام بدر: مع السلامه حبيبتي .. تعال تعال
بدر: شنو ؟؟
ام بدر: تعال ابيك
بدر: هلا يااا قلبي انتي
ام بدر: بديير .. شنو ما تبي عرس ؟؟؟
بدر: اي يما مانبي .. بس ملجه كاافي.. يالله عاد صارلي قرن انطر ابيهاااا تيي عندي
ام بدر: روح زين انت ولدي الوحييد ابي اسويلك عرس بفندق
بدر: يماا ماابي خلاااص عاد احنا اللي بنتزوج مو انتو
ام بدر: لا حول لله .. يصير خيير يصير خير
بدر: لا لا من الحين اقولج مانبي عرس عشان اول ماتخرج نملج وتيي
ام بدر: كيفك كيفك

...

ام حمني: صل عالنبي يااا بدر .. وفرح العيال
ابو حمني: عليه الصلاة والسلام .. بس لا خلااااص لا
ام حمني: والله ماايجوز اللي تسويه
ابو حمني(صرخ): انا قلت لااااا .. حمييييييين
حمني: نعم يبا
ابو حمني: تعااال

حمني: هلا يبا
ابو حمني: يبا اسمع هالبنيه شيلها من راسك خلاص قلت لا يعني لا اختار وحده مافيها عرج ......
حمني: بس يبا اهيا مو ......... وانا باخذها ماراح اخذ امها
ابو حمني: حميييين خلااااص .. وماااابي اي وااحد يفاتحني بالموضوع مره ثانيه
حمني: بس يبا ابييها

(( ابوووه هدهم وطلع ))

حمني: يمااا ابييها ابييها ماااراح اخذ غيرها
ام حمني: شسوي يمااااا >> وتبجي
حمني: حراام عليييه والله حراام >> وطلع

...

بدر: اففف امي كلتني
مريم: اي انا بعد على سالفة العرس
بدر: لا بس قتلها ما نبي .. ملجه كاافي
مريم: اي بس مالي خلق لويه
بدر: اي يبااا مافيني صبر ابيييج
مريم: انا بعد ولهانه عليك :s
بدر: فديت الولهانه علي .............
مريم: بدر بس عاااد :s
بدر: ههههههه خلاص يبا سكتنا
مريم: ماادري شصار على سارو .. حمني كلم امه وكل شي اوكي بس ابوه كان رافض لان امها ........
بدر: اي شي ؟ وشكوو يعني يوقف نصيبهم
مريم: شدراني عنه والله حراام .. مالت عليه شنو يعني طايحين من عينه
بدر: يالله انشالله خيير
مريم: انشالله

...

ساره: شفيك حبيبي ؟؟؟
حمني: مااكو
ساره: كلمت ابوك
حمني: اي
ساره: ما رضى صح ؟
حمني: ............
ساره(تبجي): يعني خلاص ماراح نتزوج
حمني: راح اكلمه مره ثانيه ..
ساره: انت كلمته وخلاص مارظى .. حمني حاااااول تكفه
حمني: حبيبي راح احاول بس لابجين بس ماراح اخليج
ساره: حمني ابيييك انت حقي ما اتخيلك حق وحده ثانيه
حمني: حياااتي انشالله بس لااتبجين بس
ساره: انزين .. بتكلمه مره ثانيه ؟
حمني: اييي اكيييد ثانيه وثالثه وعااشره .. حبيبي انتي
ساره: انشالله

...

(( مرت 4 شهور ونفس الحاااله حمني يحااول بأبوه ومو راظي كلش ومريم قاعده تزهب حق الملجه ))

ام حمني: حبيبي لقيت وحده بنت ال .......... خووش ناس وجامعيه والحين تشتغل بالتعليم العالي
حمني(عصب): يمااااا شفيييج ؟؟ قتلج ماراح اخذ غير ساره ولاتفاتحيني بهالموضوع الا عن البنت اللي ابيها
ام حمني: زين زين

...

ام مريم: هذا حلو
مريم: لا ابي شي ناااعم .. وابي اوف وايت
ام مريم: خلاص عيل شوفي هذاك ..
مريم: اي يما هذا حلو
ام مريم: يالله توكلي عالله
مريم: يالله .. الووو
بدر: هلا حبيبتي
مريم: هلا بدر
بدر: هلا بدر! رسميه .. انتي مع منو ؟
مريم: مع امي قاعدين نشوف بدلة الملجه
بدر: صج ؟ بشوووف
مريم: هههه لا ماكوو .. بالملجه شوفها
ام مريم: منو بدر؟
مريم: اي يما .. يقول يبي يشوف النفنوف
ام مريم: هههههه لا لا خلها بالملجه احلى
مريم: ههه سمعت امي
بدر: هههه اي سمعتها .. فديت عمتي .. يالله حطي بالج
مريم: انشالله

...

((حمني وساره طالعين يتغدون مع بعض ))

ساره: حمني احنا لازم نوخر عن بعض شوي شوي عشان نتعود
حمني: شنووو نتعود ؟؟؟
ساره: يعني انت كلمت ابوك وليلحين مو راظي يعني خلاص
حمني: لا ساره انا ابيييج مااراح امل .. وبعدين مااقدر اوخر عنج مااااااااقدر احبج
ساره: انا بعد احبك ... بس شنسوي ؟
حمني: بكلمه بعد ..
ساره: ياا رب .........

...

مشاري: مبروووووك
خالد: مبروك حبيبي .. اي الحين ماكو قز نفس قبل خلااااص
بدر: الله يبارك فيكم .. اي بس ماكو شبي بالقز وحبيبتي عندي وخذيتها
مشاري: يالله الله يوفقكم
بدر: تسلم حبيبي .. الفال لكم

...

ام ساره: اي البنت توها مشتغله بالبترول .... على خير انا اشوفها واعطيكم خبر .............. مع السلامه

...

(( بليل ))

مريم: الوووو
بدر: الوووووو
مريم: هاا حبيبي
بدر: انتي حبيبي .. ها خلصتي
مريم: ههههه لايبا اي خلصت بعد بقى اشياء واايد
بدر: انزين شريتي قمصان نوم ؟
مريم: ههه
بدر: شفيييج ؟ ردي .. شريتي ؟
مريم: اي شريت
بدر: شلون صايرين يعني........
مريم: بدر :S
بدر: افف انزين ..
مريم: يالله بروح اتسبح
بدر: ايي معاج ؟
مريم: واااااااي انت شفيييك !!
بدر: هههههه خلااااص اتغشمر يالله روحي
مريم: باااي

...

ساره: هلا يما شلوونج
ام ساره: هلا حبيبتي .. تعالي يما
ساره: كااني ييت
ام ساره: اليوم وحده دقت من بيت ال ........ اخطبتج
ساره: لا يما مابي الحين
ام ساره: انزين انتي شوفي الولد .. قعدي معاه وبعدين قرري
ساره: يمااا ماااابي ماابي
ام ساره: خلاااص يمااا كييفج

ساره: حبيبي اليوم اخطبوني >> تبجي
حمني: حيااتي لاااتبجين لاتعورين قلبي .. انا بكلم عمي يكلم ابوي
ساره: حمني ابيييك
حمني: حبيبتي انتي خلاااص

...

(( مريم تخرجت ويا يوم ملجتها وساره وحمني ليييلحييين ))

مريم: وااااي خاااااااايفه
ساره: يالله عاد جب خايفه من شنوو !! جم سنه تكلمينه بالتلفون.. الحين خاايفه ؟؟!
مريم: اي بس ماادري شلون شعور مليق .. يعني خايفه ادش الصاله وجذي
ساره: عاادي عاادي
مريم: كلهم بالصاله صح ؟
ساره: اييي >> ساره مع مريم بدش معاها الصاله

حمني: الوو
ساره: الو
حمني: هلا حبيبتي
ساره: ها وينك ؟
حمني: ماكو عندنا عزيمه اليوم
ساره: اها .. انا مع مريوم الحين .. بعد شوي بدش الصاله
حمني(تظايق): مبروك
ساره(دمعت عينها): الله يبارك فيك
حمني: يالله اخليج خل ادش
ساره: اوكي

مريم: حياااتي الله يكتبه من نصييبج
ساره: انشالله

(( مريم دشت والعيون عليها وعلى سااااره كاانت وااااايد حلوه بالملجه .. والحين بدر دش ))

بدر(باس راسها): مبروك
مريم: الله يبارك فيك

(( ساره تبجي ))

ام ساره: حبيبتي بس عااد
ريم: ساارو بس عااد
ام ساره: يعني وين بتروح كل يوووم بتكون عندج نفس قبل

(( ساره كانت تبجي من الفرحه حق مريم وعلى نفسها اهيا وحمني ))

ام ساره: اي هاذي بنتي
المرا: مشالله تبارك الرحمن

مرا ثانيه: منو هاذي ؟
خالة ساره: بنت اختي

مرا ثالثه: جم عمرج حبيبتي؟
ساره: 24

...

(( بدر ومريم راحو الفندق ))

بدر: مبروك
مريم: الله يبارك فيك
بدر: قومي بدلي
مريم: انشالله
بدر: امبيه مريوم شفيج جذي مستحيه جنج اول مره تقعدين معاي بروحنا
مريم: ههه >> وااايد مستحيه
بدر: ههههه يالله يالله قومي .. تبين اساعدج ابطل النفنوف من ورى؟؟
مريم: اي بس نزل السحاب لاتسوي شي

(( بدر بطل السحاب ))

مريم(وخرت بسرعه): بس >> وراحت تبدل
بدر: ههههه ناااطرج

(( مريم بدلت ويت حق بدر))

بدر(يطالعها): ......
مريم(مستحيه): بس عاد لاطالع جذي
بدر: وااي اول مره اشووفج جذي و ......................

...

ابو حمني: انت مطرش عمك ؟
حمني: اي يبا
ابو حمني: اييي ؟؟؟؟ حميييييين خلااااص السالفه سكرها مرت تقريبا سنه ولا سنتين وانت تحن خلاااص
حمني: ابيها يبا
ابو حمني: لاااااا .......

...

(( اليوم الثاني حريييييم الدنيااااا قاعدين يدقون يخطبون ساره ))

ساره: ماااااابي
ام ساره: حبيبتي خلاااص شاللي ناقصج .. تخرجتي وشتغلتي .. بس شنووو ويااييلج ناس واااااايد انتي اختاري اي واحد تبين
ساره: مااابي يما مابي

...

(( حمني بروحه وعيونه امدمعه ويقول ))

حمني: انا جذي موقف نصيبها وابوي لو شنو ماراح يرضى .. خلاص راااح...... >> وخذا التلفون وو

حمني: الوووو

...

البااااارت خلص وبقوولكم شي انا بدمج بااارتين مع بعض ماابي اعلقكم يعني باجر البارت ال 21 وال 22الاخيييييييييييييييييير :*

 

[ليلو جبريت]

رد : روايتي الاوولى وحقيقيه100% انا اعرف ابطالها ((توأم روحي))

لا لا
مانبي الاخير حرام عليج
طوليها

 

[el7la kla]

رد : روايتي الاوولى وحقيقيه100% انا اعرف ابطالها ((توأم روحي))

لا لا
مانبي الاخير حرام عليج
طوليها

والله حبيبتي خلاص هاذي النهايه ماكو شي .. انا بدمج بارتين .. وشووفي شراح يصير

 

[أم محمد وريحانة]

جزاك الله خير بارت مرة حلو حبيبتي

سلمت يداك

 

[الريــم]

يحليلهم ليش الدنيــا جذي ,, الاهل يرفضون عشان الاصل ونحن شخصنا بالاصل نحن انولدنا ونفتخر بآهلنا ,, ليش هم يعدون الدنيا ,,

والله حدي حاسة في هالموضوع صارتلي 3 مرات سالفة الاصل والمذاهب والقبايل


سوري قصة حياتي بس جد القصة وآثرت فيني

يلا عسى ربي يرزق كل واحد فينا الريل الصالح

 

[sweet gairl]

*ي: انزيييييين احنا شكو بأمها !!! والله يبط الجبد وبعدين انا بتزوج مو اهو يااااا ربي كيفيييي



فصلت من الضحك عليها مو صج كاااااك

 

[الزين كله فيها]

امبيييييييييييييييه لااا مو من صجه شالتفكيير الناس تتقدم ما ترجع لي ورا يبط الجبد ابو حمني
مشكوره حبيبتي على البارت و ناطريينج :>

 

[rawnaq]

رد : روايتي الاوولى وحقيقيه100% انا اعرف ابطالها ((توأم روحي))

حراااام صج الله يستر ناطرينج قلبو

 

[ريمانيا]

شنو هالعقد ابو حمني قهرني ليش كذي واي انا حاسة فيهم

 

[SofT GirL]

لآآآآآ لآآ تقولين مآرآح يكونون لبعض
من الحين ببجي
مشكورة حبيبتي الله يعطيك العآفيه

 

[غروري اني كويتيه]

أنا حاسه بساره الللللللللله يعينها : (
مشكوووووره حبيبتي عالبارت وناطرين اللي بعده اللي أكيد راح يبجيني

 

[eng-khadkhad]

امس قريتها كلها ووصلت لي البارت 20 وناطرين التكمله .. مشكورة وااايد ..
بس انا وايد منصدمه ... اهلهم واااايد مخلينهم على راحتهم وااااي ما اصدق في اهل جذي ؟ انا قبل لا اتزوج واييب عيال وكنت بالجامعه امي تدق علي الف مرة وما اطلع على مزاجي مثلهم .. صج التربية تفرق من بيت ل بيت ...
وفي البدايه لما كتبتي ان اهما طلعوا مع بعض وباسوا بعض .. كتبتيها ولا كأن هالشي غرررريب على ديننا وعاداتنا وتقاليدنا !!!!!! يعني صار عادي بهالزمن البوس وانها نامت معاااه بعد !!!!!!!!!! حتى لو فوق الهدوم .. وحتى لو بيتزوجهاااا !!!! شسالفه
الله يستر على بنااااتنااااااا بس واتمنى انج تتقبلين كلامي .. انا ادري انج نقلتي الاحداث الحقيقية بس ماحبيت ما اقول الي في بالي لاني صج مصدومه

 

[6amni bs]

رد : روايتي الاوولى وحقيقيه100% انا اعرف ابطالها ((توأم روحي))

وااي حرام لااااااااااااااا انشالله يتزوجون
يعطيج العافيه حبيبتي
ناطرينج

 

[el7la kla]

رد : روايتي الاوولى وحقيقيه100% انا اعرف ابطالها ((توأم روحي))

البارت الاخييير

حمني: الوو
ساره: هلا حمني
حمني: ساره حبيبتي سمعيني .. الحين صارلي اكثر من سنه وانا احن على ابوي و الله يسامحه مو راظي وانتي الحين وااايد قاعدين ايوولج ناس
ساره(تقاطعه): انزين وبعدييييين
حمني: ساره انا ابييييج بس شسوي .. واحبج وابييلج الخير فمابي اوقف نصييبج
ساره: يعني شنووووو ؟؟؟؟؟؟؟؟؟؟؟
حمني: يعني شوفي وااحد زين من اللي اخطبوج ووافقي حبيبتي
ساره: حمني!!!!!!!!!!!!!! من صجك ؟!!! يعني كل هالمحاولات ابووك ما رظى !!! ليش جذي يسوي لييييييييييش والله حرام عليه >> تبجي
حمني: مووو راظي موو راظي
ساره(تبجي): يعني خلااااص راح نفترق
حمني(مخنووق): اذا تحبيني واافقي انتي بنت واخاف لما تكبرين اكثر محد اييلج .. ماابي اوقف نصييبج
ساره(تبجي): لااااااا حمنيييييييي لا ماااقدر اروح حق واحد ثااني حمني ماااقدر انساك
حمني: ولا انااااا بس لااازم نتعود لازم سااااره
ساره: انا اكلمه
حمني: شنووووو ؟؟ تكلمين ابووووي !! ساره حبيبتي هدي لاتبجين .. الله مو كاتب ان نكون حق بعض ووالله احبج ولا راح انساج >> يحاول يمسك نفسه
ساره(تبجييي): حمنييييي لااااا مااااابي .......... ماااقدر
حمني: ساره اذا تحبيني
ساره(تصرخ وتبجي): انت ماااتبييييني لووو تبيني جان ما قلت روحي تزوجي .. خلااااص رووح ماااااابيك >> موو من قلبها اكيييد

...

مريم: صباااااااح الخيييير
بدر: يااا صبااح الحب .. وناااسه صرتي عندي مالتي حقي بروحي
مريم: شلووونك اليوم
بدر: تمااااااااااااااااااااااااااااااااام
مريم: ههههه يالله قوووم غسل
بدر: اليوم نروح البيت
مريم: اي احسن مابي اقعد هني
بدر: اي هناك البيت بيتج بعد انا الولد الوحيد واختي متزوجه وجناح كامل حقي
مريم: حيااتي انت .. يالله قووم

...

(( ساره تبجي بغرفتها ودشت ريم عليها ))

ريم: ساره شفييييييج ؟؟
ساره(تبجي ومنهاره): رييييم انا وحمني خلاااص ابووه مو راظي نتزوج ..
ريم: حبييبتي خل يحاول
ساره: صارله اكثر من سنه واهوه يحاول موو راظي موو راظي وقالي خلاص تزوجي مابي اوقف نصييبج (تبجي) رييييم ماااقدر احببببببببه مااااقدر اعيش بدوووونه
ريم: بس ساره بس

...

ابو ساره: ليش ما تبي ؟
ام ساره: والله مادري تقول مابي الحين .. لاتشوف اللي اخطبوها ولاااا 10 حريييم
ابو ساره: خليها على راحتها
ام ساره: انشالله

(( ساره نامت من كثر البجي ورن تلفونها ))

ريم: الوو
حمني: ...........
ريم: هلا حمني انا ريم
حمني: هلا ريم .. وين ساره
ريم: ناايمه .. وااااايد بجت واااايد .. تكسر الخاطر
حمني: ريم والله مو لاني ما احبها قتلها تزوجي .. بالعكس لاني احبها قتلها ووالله قلبي متقطع وراح اتعب اذا تزوجت غيري بس شسوي مابي اوقف نصيبها
ريم: اي ادري والله فااهمه .. اذا خلاص ماكو امل خف اتصالاتك خلها تتعود على بعدك شوي .. فاهمني ؟
حمني: اي فااهم وهذا اللي قاعد احاول اسويه

...

(( بدر ومريم وصلو البيت وكانت ام بدر وام مريم موجودين ))

ام مريم(تيبب): هلاااا حبيبتي
مريم: هلاااااا يمااااا .. ولهت عليج
ام بدر(تيبب): مبروووك يماااا
بدر ومريم: الله يبارك فيكم
اخت بدر: مبروك حبيبتي
مريم: الله يبارك فيج
اخت بدر: هاااا مبرووووك يالعيااااار
بدر: ههههه الله يبارك فيك
اخت بدر(تساسره): سويت اللي براااسك .. خذييتها !
بدر: ههههه ايي افا عليييج
اخت بدر: بس ذوقك حلووو
بدر: اي حبيبتي اعجبج

...

هبه: يما والله يكسر الخاطر
ام حمني: اي يما والله مقطع قلبي .. والله مو زين على ابووج موقف نصيبهم حراام مايصير
هبه: مسكين حمني ويها صاير صبعين

حمني: السلام عليكم
ام حمني وهبه: وعليكم السلام
ام حمني: شفييك حبيبي ؟؟؟؟؟؟؟؟
حمني: تعباان يماا تعبان >>وطلع من البيت

...

مريم: لا مابي مدرسه
بدر: ها عيل شتبين ؟
ام مريم: مدرسه احسن كله عطل ومجاال كله حريم
مريم: لا مااابي .. انا english يعني كل مكان يبوني
بدر: اييي يالله طلعيلي مكاان واااحد
مريم: بقدم بوزاره او شركه بصير مترجمه
ام بدر: اي حلووو

...

(( حمني حده عصب وراح حق ابوه ))

حمني(يصرخ من القهر): والله حرااام علييييييك والله اناااا اللي بتزوج مووو انت انا كيييفي اختار اللي ابييها انا اللي بعييش معاها انت ماراح ادووملي خلاااص
ابو حمني(منصدم): حميييييييييين بسسسسسسسسس يااا جليل الحياااا اطول الساانك عشان بنت ابلييس
حمني(يصرخ): موووو بنت ابلييييييييس ساره بنت نااااس والنعم فييهم والله الله راح يحاسبكم عاللي تسويييييه >> وطلع
ام حمني>> تبجي
ابو حمني: ياااا اناااا يااا هالبنت

...

(( اليوم الثاني ))

ساره: الوو
مريم: هلاااا حيااااااااتي وااااي ولهت علييييج
ساره: هلا حبيبتي ..
مريم: شفيييج ؟!!!
ساره(تبجي): مريم خلاااص انا وحمني ................ >> وقالت لها كل شي
مريم: حياااتي انتي والله الله يسامحه ومااتدرين يمكن خيييره
ساره: مريم احببببه شلووووون كل شي بخلص وبس و... >> تبجي
مريم: حبييييبتي بس .. ماادري شقولج .....
ساره: حقيير ابووه والله حقيير
مريم: ..........

بدر: ها منو كنتي اتكلمين ؟

(( مريم تبجي ))

بدر: شفييييييييييييج !!
مريم: ابوو حمني مو راظي انهم يتزوجون .. ساره ميته من البجي والله تكسر الخاطر
بدر: لا حول لله والله مو زين ليش جذي يسوي .. ما علييه حبيبتي ماتدرين شصير بعدين .. اذا الله كاتب انهم حق بعض غصبن على ابووه بياخذون بعض
مريم(تبجي): خلاااص ساره يمكن توافق على وااحد من اللي اخطبوها ....
بدر:.............

...

(( مر شهر وحمني كان يدق على ساره مره بالاسبوع كان يضغط على نفسه عشان يتعودون على البعد وساره ماالها خلق شي حتى ماتدري عن التلفون ومرات يشوفون بعض بالدوام ))

ساره: الووو
حمني: الو
ساره(تبجي): ولهت علييك
حمني: انا بعد
ساره: تعباانه حمني
حمني(مخنوق وايد): سلامتج ... ساره اذا اتحبيني سوي اللي قتلج عليه يمكن يساعدج انج تنسيني
ساره: لوووووو شنو ما انساك حمني ماااقدر
حمني: ساااره خلااااااااص خلاااص احنا مو حق بعض >> صك التلفون وحده مقهوور وعيووونه دمعت

...

ام بدر: يماا ليش ما سافرتو ؟؟
بدر: مريم ماتبي
ام بدر: هوو !! ليش جان رحتو شهر عسل
مريم: لا خالتي انا ما احب السفر وبعدين السفر مايخلي حياتنا عسل .. احنا اللي نخليها وانشالله اياامنا كلها حلوه
بدر: فديييييييتها
مريم>> ابتسمت وستحت
ام بدر: حبيييبتي والله الله يخليكم حق بعض
بدر: اميييييييييييييييييييييين
ام بدر: بس عااااد .. البنيه استحت
بدر: كييفي مرتي
ام بدر: كيفي مرتي .. اشكبرها بحلجك موومصدق انك متزوج
بدر: يمااا شفيج علي
ام بدر: بس اسكت خل اسولف مع جنتي
بدر: انشاللله

...

(( بعد اسبوعين ))



ام ساره: اي والله هم اليوم دقت وحده وتبيها حق ولدها
ام مريم: وليلحين ما تبي ؟
ام ساره: اي ماتبي وانا ماراح اقولها عن هذا اللي اليوم لان ادري شبتقولي

(( ساره دشت عليهم ))

ساره: لا يماا موااافقه

...

ام بدر: انتو متى ناويين تييبولنا ياهل
بدر: لاااا يماااا موو الحين تو الناس
ام بدر: شنوووو !؟ لييش ؟
مريم: اي خالتي مانبي الحين
ام بدر: بكييفكم اهووو ؟؟!!
بدر: اي يماااا انا ومريم متفقين ان نقعد سنتين او 3 وبعدين نييب ياهل.. بستاانس مع مرتي وبعدين يصير خير حق الياهل
ام بدر: لاا والله شنووو سنتين 3 .. مووبكييفكم .. بشووف حفيدي
بدر: يعني اللي يسمعج يقول مااا عندج احفاد
ام بدر: جب انت .. بشوف ولدك او بنتك
مريم: انشالله خالتي
بدر: لااا شنوووو .. شنووو انشالله انتي بعد .. انا قلت بعدييين بستاانس مع حبيبتي
ام بدر: مووبكييفك
مريم: خلااااص خالتي انشالله
بدر: هاهاي انزين نشوووف منو كلمته بتمشي .. خوووو انا الاساااس يعني شنوو يماا غصب بدشين الغرفه معااي وتخليني احملها
مريم(انصدمت): بدر !!!
ام بدر: اسسستح على ويييهك
بدر: ههههههههه اي بعد شنوووو
ام بدر: جليل الحياااا بس
بدر: ههههههههههههه
مريم: ههه

...

(( يو الناس حق ساره وشافوها قعدت مع الولد ووافقو وتفقو ان بس ملجه ))

ساره: الوو
حمني: هلا والله
ساره: شلونك >>> من زمان مومكلمته
حمني: الحمدالله وانتي ؟
ساره: اليوم يو ناس وخطبوني ووافقت >> بجت
حمني(عيوونه غورقت): مبروك >> وصكه .....

...

ساره: الحمدالله
خطيبها: تبين الملجه بصاله ولا في البيت
ساره: بيت
ام ساره: خلاص انسويه ابيتنا في السردااب .. كبير وراهي
خطيبها: على راحتكم
ساره>> تفكر بحمني

...

مريم: مبروك حبيبتي
ساره: اااخ الله بارك فييج
مريم: حاولي تنسين حبيبتي
ساره: ........ انشالله >> بقت تبجي بس امسكت نفسها
مريم: تبيني اروح السوق معاج عشان تجهزين ؟
ساره: مريم مااالي خلق شي
مريم: ساره ماايصير بعد .. لازم تروحين بالله شلون بدشين بالملجه
ساره: انزين .. باخذ اجازه شهر ويمكن امدد.. ماادري والله
مريم: اي احسن >> عشان ما تشوف حمني

...

(( حمني مو قادر يسوي شي قاعد بروحه ويفكر بساره ))

...

(( بالسوق ))

ام ساره: شوفي هذا واايد حلو وناعم
ساره: امم انزين
ام ساره: يعني تبينه
ساره: اي اي
مريم: ساره جنه هذا احلى
ساره: مادري كيفكم
مريم: ساره حياااتي بس عااااد لازم تختارين وبعدين امج املاحظتج واااايد وكله تسألني
ساره: مريم مااقدر >> بجت
مريم: لا لاتبجيييين .. انشالله بتنسين والله لو مايحبج جان مافكر فيج وقال مابي اوقف نصيبج اهوه اللي عليه سواه .. خلاص يالله مسحي دموعج
ساره: انزين ....

...

(( يوووم ملجة ساااره .. دزت مسج ))

ساره: اليوم ملجتي يعني هذا اخر مسج ادزه .. حط بالك على نفسك ولاتنسى ساره اللي حبتك وانا ماراح انسااك والله انت قاعد بقلبي ومحد بياخذ مكانك .. الله يوفقك انشالله ولحد ينسيك ساااره

(( حمني قرا المسج وحده منصدم وراح حق امه ))

...

مريم: ساااره لاااااا لايخترب المكياج
ساره(تبجي): خل يخترب ابووه خرب حياااتنا كلهااااا والله حرراااام علييه الله لاايسامحه
مريم: بس حبيبتي الييوم ملجتج والناس الحين قاعدين تحت بنطرونج لازم تنسينه انتي الحين متزوجه خلاااص

...

(( ساره دشت عالنااس .. وحمني دش على امه منهااار ))

حمني(يبجي): يماااااا حبيييبتي راااحت يماااا حبييبتي تزوجت يماا ساااره تزوجت
ام حمني(اخترعت ولمته): حبييييبييي اسمالله علييييييييييك .. بس يماااا بس
حمني(يبجييييي): يمااااااا حياااتي راااحت خلاااص ملجتها اليوووووم
ام حمني(تبجي): بس يماااا حبييبي بس .. ادعي لها الله يوفقها
حمني(انهااار): يمااااا راااحت خلااااص رااحت كله من ابوووووووي فرقنا .. يمااا احبهاااااا

...

(( ساره اول ما دش المعرس انهارت وبجت ))

مريم: حبيييبتي بسسس
ساره(تبجي): مريم حمنيييي مريم ابي حمني
مريم: حياااتي بس بس

...

(( حمني ناااام بحضن امه خلته وقمت ))

ام حمني(تبجي): شوووف شصااار بولدك كله منك ان صار بولدي شي دمك مايكفيييني
ابو حمني(عصب): شنووووو ياااهل يبجي؟؟ اكيييد مسويتله شي هالبنت روحي روحي اقري على ولدج
ام حمني(تصرخ): حسبي يالله علييييك

...

(( ساره وريلها بالفندق .. ساره بدلت ))

ريلها: مبروك ساره
ساره: الله يبارك فيك
ريلها>> قرب منها
ساره: لاااا ...........

...

(( اليوم الثاني حمني قااام ودموعه على خده وقاعد بروحه بالغرفه وامه قاعده اتهدييه بس ماكو فايده ))

...

بدر: مسكيينه
مريم(تبجي): والله تكسر الخااطر امس اول مادش جان تبجي احس انها تخيلت حمني
بدر: لا حول لله .. الله يصبرهم انشالله

...

ريل ساره: يالله ساره عشان نروح الشقه
ساره: اوكي

...

ام ساره: الووو هلا حبيبتي مبرووك
ساره: الله يبارك فيج
ام ساره: وينكم؟
ساره: بالسياره رايحين الشقه

...

(( حمني قاعد بالغرفه ويقرا كل المسجات اللي من ساره وبعدين حط اغنية >> يا اغلى من روحي علي .. يااا ساارتي ودنيااا الهنااا >> كان حاطه حق ساره ))

حمني(يبجي): ولهت عليها
هبه: بس حبيبي .. الله يوفقها ووفقك
حمني: ليش جذي سوى فينا لييش ؟!!!
هبه: الله يسامحه مااتقدر تسوي شي هذا ابووك بعد

...

مريم: الووو
ساره: الوو .. مريوم ظايق خلقي
مريم: ليش حبيبتي .. ظاايقج بشي ؟؟
ساره: لا بالعكس واايد حبوووب بس انا موو راظيه اتقبله مااقدر
مريم: ميخالف حبيبتي تعودي
ساره: ولهت ....
مريم(قاطعتها): شفتي اللي تعرجبت بملجتج ؟
ساره: ههه اي

...

(( مر شهر على زواج ساره وبعد هالشهر ))

ساره(تبجي): يماا ماا ابيييه موومرتاحه معااااه يمااااا تكفيين مااا ابيييه انا تعباااانه
ام ساره: لييش يماا ليش شفييج شاللي صاااار
ساره(تبجي): بس مااااااااابيه مااابييييه

ريلها: خلااص عمي انا بطلقها .. من اول يوووم وانا احس انها ما تبيني .. واخر شي كله تتهاوش معاي واشكره قالتلي ماا ابييك
ابو ساره: صل عالنبي يبااااا ..
ساره(دشت عليهم وتبجي): لااا انا ماابيه ماااابيه >> وطاحت غشياانه

...

(( بالمستشفى ))

مريم: اسمالله عليج حبيبتي .. الحمدالله عالسلامه
ام ساره: سلامتج يما
ساره(تبجي): يبااااا تكفه ماابيه تكفه
ابو ساره: خلاص يبا .. طلقج
ساره: صج !!!
ام ساره(تبجي): اي

(( ام ساره وابوها اطلعو ومريم بالغرفه ))

مريم: ليش جذي ساره ؟؟ شفييج ؟
ساره: مريم ماااقدر مااقدر موو راظيه اتقبله كله اتخيل حمنييي .. موو قادره اشيله من راسي .. مريم ولهت عليه
مريم: عيل ليش تزوجتي .. الحين اسمج مطلقه خسرتي ..........
ساره(قاطعتها): لاااا .. مريم انا ليلحين بنت
مريم: شنوووو ؟؟!! شلوووووون ؟؟؟؟؟
ساره: اول يوم قتله ان علي الدوره وبعدين قتله ان فيني نزيف واخر شي قتله ماابيك .. اهوه زين وماقرب مني كلش بس انا مو متقبلته

(( ام ساره مظايقه وايد ومريم نادتها وقالت لها ان ساره ليلحين بنت ))

ساره: اي يما واذا مومصدقه نروح نفحص
ام ساره: عيل لييش وافقتي يمااا.. ظلمتي الريااال جذي الله راح يحاسبج عليه
...

(( طلعت ساره من المستشفى وعلى طول دقت على حمني ))

حمني(فز قلبه): الوووو
ساره(بجت لما اسمعت صوته): ااالووو
حمني: ساااره .....
ساره: عيووون ساااره قلب ساااره
حمني: ولهت علييييييج ساااره
ساره: انا بعد ... شلونك حبيبي
حمني: مو زين وانتي بعيده عني .. بس ساره شلون دااقه وانتي متزوجه ماابي ....
ساره(قاطعته): توني تطلقت
حمني(انصدم): شنوووو .. لييييييش ؟؟؟؟؟؟
ساره(تبجي): حمنييي مااقدر اعيش مع واحد ثاني موو قادره انسااك والله
حمني: حبيبتي انتي.. ليش سويتي جذي صج ابيج لي وزعلت لما تزوجتي بس والله اني ظايقت توني لما قلتي تطلقتي
ساره: حمني ابيييك انت مابي احد
حمني: انا بعد ابييج .. ساره يدتي ام ابوي توفت وابووي حاالته حاااله وتعب وااااايد
ساره: الله يرحمها .. شلون ابوك الحين؟
حمني: وااايد تعبااان نفسيته مو شي
ساره: حمني ماراح اوخر عنك مره ثانيه
حمني: وانا اوعدج الحييين راح اسوي المستحيل عشان اخذج
ساره: انا الحين مطلقه .. اهلك من اول مو راظين شلون الحين ؟!!
حمني: عااد موووبكييفهم .. بس مااراح اظيعج مرا ثانيه .. انتي لاتشوفين اشصار فيني يوم ملجتج .. والله مت وحييت
ساره: حمني انا ليلحين بنت ........ >> وقالتله السالفه

...

ام ساره: لازم انرد حق الريال كل شي لان ما دخل عليها
ابو ساره(تعبان): لا حول لله .. يالله خيره هاذي حيااتها بعد

...

(( حمني كلم امه عن ساره وفهمها كل شي وراحت حق ابوه وكلمته ))

ابو حمني(انكسر عقب وفااة امه): الله يوفقهم
ام حمني: يعني اموافق
ابو حمني: اي يبا .. خل يستانسون مع بعض العمر كله يوومين

حمني(واايد استاانس): الله يبارك فييك يبااااا
ام حمني: يما بس مو الحين نخطبها خلها بعد جم شهر خل ابوك تتعدل نفسيته و ........ >> واايد كلام قالتله
حمني: انشالله يمااا

...

مريم: صج ساارو .. يعني صج واافق.. امبيييييييييييه سبحاان الله صج صج شي مااايخطر عالباااال .. الله كااتبه من نصييبج
ساره(تبجي من الفرح): الحمدالله الحمدالله

...

(( بعد 3 اشهر حمني تقدم حق ساره وكل شي تم ))

ساره(طايره من الفرحه): مبروووك حبييبي
حمني: الله يبارك فيييج حياااتي .. انتي مبروووك
ساره: الحييين بروح احجز ونسااافر بعييييييييييد
ساره: ههههههه اووكي

...

ام ساره(تبجي): الله يحفظها .. الحمدالله عقب ما تطلقت ماقعدت يالها وااحد وانشالله يسعدها ووفقها معاه
ام مريم: انشالله حبييبتي .. مبروووك

...

مريم(تبجي): وااااي وناااسه بدر .. شفت شلون الله جمعهم مع بعض مره ثانيه
بدر: اي والله سبحان الله .. بس عاااد انتي لاااتبجيين
مريم: هههههه مستاانسه
بدر: حبيبتي انتي .. مريمووو احبج
مريم: انا بعد احبك
بدر: والله ماقدر استغنى عنج احسج توأمي انتي
مريم: الله يخليك لي

...

(( ساره وحمني سافرو ))

ساره: الله لايفرقنا
حمني: آمييين حبيبتي
ساره: تذكر شنو كنت تقولي قبل
حمني: هههه اييي كنت كله اقوولج .. ساره انتي توأم رووحي ..................

...

خلصنااااااااااااااااااااااااااااا وانشاللللله انشالله تعجبكم وماااكون قصرت معاكم وللأماانه هالقصه وااقعيه وماحذفت ولااا شي منها والحين بقووولكم ان ام مريم وام ساره اهما اللي يصيرولي وسامحووني عالقصووور .. واللي تبي تنقل القصه خل تنقلها بأسمي .. ومشكوووورين عالمتابعه :*

 

[el7la kla]

رد : رد: روايتي الاوولى وحقيقيه100% انا اعرف ابطالها ((توأم روحي))

امس قريتها كلها ووصلت لي البارت 20 وناطرين التكمله .. مشكورة وااايد ..
بس انا وايد منصدمه ... اهلهم واااايد مخلينهم على راحتهم وااااي ما اصدق في اهل جذي ؟ انا قبل لا اتزوج واييب عيال وكنت بالجامعه امي تدق علي الف مرة وما اطلع على مزاجي مثلهم .. صج التربية تفرق من بيت ل بيت ...
وفي البدايه لما كتبتي ان اهما طلعوا مع بعض وباسوا بعض .. كتبتيها ولا كأن هالشي غرررريب على ديننا وعاداتنا وتقاليدنا !!!!!! يعني صار عادي بهالزمن البوس وانها نامت معاااه بعد !!!!!!!!!! حتى لو فوق الهدوم .. وحتى لو بيتزوجهاااا !!!! شسالفه
الله يستر على بنااااتنااااااا بس واتمنى انج تتقبلين كلامي .. انا ادري انج نقلتي الاحداث الحقيقية بس ماحبيت ما اقول الي في بالي لاني صج مصدومه

ايي حبييبتي اكييييد بتقبل كلاامج وكل وحده ولها رااي .. وشكووره على مروورج وعالمشاركه :*

 

[el7la kla]

رد : رد: روايتي الاوولى وحقيقيه100% انا اعرف ابطالها ((توأم روحي))

يحليلهم ليش الدنيــا جذي ,, الاهل يرفضون عشان الاصل ونحن شخصنا بالاصل نحن انولدنا ونفتخر بآهلنا ,, ليش هم يعدون الدنيا ,,

والله حدي حاسة في هالموضوع صارتلي 3 مرات سالفة الاصل والمذاهب والقبايل


سوري قصة حياتي بس جد القصة وآثرت فيني

يلا عسى ربي يرزق كل واحد فينا الريل الصالح

اي والله الصراحه شي يبط الجبد وبهالطريقه قاعدين يوقفون نصيب عياالهم .. الله يوفق الكل انشالله

 

[الزين كله فيها]

واااي ونااااسه مبروووووك اشوه زييين قاعده على اعصابي و انا اقرا واي حده وناااااسه
مشكوووره حبيبتي على الروايه الحلوه مثلج و ناطرينج بروايه ثانيه ان شا الله و لج مستقبل :>

 

[|..ياحلاتي..|]

رد : روايتي الاوولى وحقيقيه100% انا اعرف ابطالها ((توأم روحي))

مشكووووووره حبوبه والقصه حدها روعه

ماتقصرين والله يوفقهم...


|..يسلمووو..|

 

[ToOja-_-]

القصه حدها روعه ما تمنيت انها تخلص اهئ اهئ


و مشكووره قلبي و استمري و منها للاعلى