روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟! }..

[عسوله زوغه]

لااااااااااااااااااااا لاااااااااااااااا يووووووووووووووووقف
لا لا لا لا يووووووووووووقف

 

[أم جديله !]

بليز غلا كملي

 

[Riooma]

atwaqa3 al mofaga2a ena khalid e7eb nwaier 3ashan chetheh yaghli oboha a7mad. waiting 7bebti 7ag al part al yay

 

[توتا كويتيه]

لااااااااااااااااااااااااااااااااااااااا
ليش خلص
ننطر البارت الياي حياتي

 

[gala q8]

إن شاء الله دقايق و انزل لكم البارت

 

[gala q8]

البارت الحادي عشر ..

...


صـــــــــــآر باجر الصبح ..


نزلت شيلاء بالدري تركض .. و تنادي نوره : يمااااااااااااا ...

نوره كانت بالصاله تتفطر مع مريم و حنان و ريم و نوير ..

نوره : هاا يمه .. شفيج ؟؟
شيلاء : هوووووووب دقيقه ؟؟ اليوم جم التاريخ ؟؟
ريم : اليوم 21-2 ,, ليش شفيج .؟؟
شيلاء شهقت : وشلون ما قلتوا لي ؟؟
حنان : يما شيلاء شفيج ؟؟

يت ندى .. و هدومها كلها اعلام الكويت و ماسكه خبر إيراني الكبيره و تارستها جبن

ندى : انا اقول لكم .. ( وهي تاكل ) .. انا وش لابسه لكم الحين ؟؟
الكل يضحك على شكلها : ههههههههه

حنان : ماما ندى .. انتي شمسويه بنفسج ؟ كل اهدومج اعلام الكويت ؟؟
شيلاء : لا والله .. يعني انتوا معقوله تنسون ان اليوم الوطني قرررب .. بالله عليكم الحين هالنزغه هذي تذكر وانتوا ما تذكرون ..
ريم : اي امبييييييييه صاجه ..
مريم : عذرينا شيول .. مع خالد نسينا الفرحه ..
نوره : هههههههه .. اي والله شلون نسينا ؟؟ تدرون شلون .. قوموا كلنا خل نبدل و نروح نشتري اللي نبيه ..
حنان : هههههه .. نوروه تذكريني ايام قبل .. وااااااااي يا حلاتنا والله ..
مريم : اي والله .. خلونا نطلع و نشتري اللي نبيه و منها نطلع لنا و ناخذ فره بالكويت ..
شيلاء مستانسه . واااااااااااااااااااااااااااااااااي .. اي تكفون كل يوم فكروا جذيه خلونا نطلع كلنا .. والله حده وناسه .. واااااااي احبكم ( ركضت غرفتها ) ,,
ريم مسكت نوير : واحنا بعد بنوح نغير و نييكم .. وااااااااااي احبج خالتي نووووره .. ( راحت باستها على راسها ) اموووا .. احبج ..

ندى : اما انا .. فخلوني اكمل اكلي بالمطبخ ,.. وتالي البس .. لان ما يهمني غير بطني .
حنان : ههههههه .. روحي يا ام بطين ..


...

بعد نص ساعه .. كلهم اركبوا سياره وحده .. ( الهوندا الكبيره )
نوره و يمها مريم ..
وراهم مريم و شيلاء ..
و اخر شيء ندى و ريم نوير

ندى : اقول خاله نوره .. امسكي ذا الشريط لقيته بـ غرفه خالد و مكتوب عليه اغاني وطنيه اقول ليه ما تشغلينه لنا ..
شيلاء تخز ندى : انبيه انتي شكو تدخلين غرفه الولد و تنبشين ؟؟
الكل : هههههههه ..
ندى : مدري .. انا كنت بروح اشرب ماي.. و قلت اخذ لي فره بالغرفه .. و لقيت حاجات .. ما تتصورينها
الكل : ههههههههههه
حنان : ندوي .. خلاص عاد .. و تكفين كفينا من هالعاده السيئه اللي فيج ..
ندى : وليه يمه .. انا على كذا يوم بصير باحثه .. زي الكلاب ..
الكل : ههههههههههه ..


...

و طبعــــــــآ .. وصلوا لمحل كله باجات عن الكويت .. و خذوا اعلام و صور الشيوخ .. و غير الكبابيس و التفافيخ ..

الشيخ : جابر الاحمد الصباح ( الله يرحمه )
الشيخ : صباح الاحمد الصباح ( الله يحفظه لنا يارب )
الشيخ : نواف الصباح .. ( الله يخليه لنا يارب .. )



...


وبعدها بـ 3 ساعات .. وصلوا الافنيوز ..

ندى : يمه انا و شيلاء و نوير وريم نبي نروح ذاك المحل محنا متأخرين .. اوكي
حنان :لا .. انثبري منيه معانا ..
نوره : حنان لا تصيرين جذيه شاده وايد .. كل ما شديتي مع بناتج باجر يختربون ..
حنان : يا نوره ابوهم ما يرضى يطلعون كذا بروحهم ...
نوره : مالج شغل يا حنان .. وبعدين المحل ما يبعدنا .. ترى كاهوا قريب ..
حنان : اوووف .. خلاص بسرعه دقايق و القاكم جنبي .. يا الله ..


..

وراحوا البنات .. اربعتهم يتمشون ..

وله .. ولدين .. مملوحين .. لحقوا البنات .. واحد يبي شيلاء و الثاني يبي ريم ..

ندى تكلم شيلاء : وش يبون ذول ؟ يبون يتحرشون كذا ؟
شيلاء : اي .. بس خليهم ما ردهم بيروحوون .. خل ولون ..
ندى : لا والله .. باللهي عليك .. اجل انا اللي حوخرهم ..

ندى لفت و راحت عند الشباب ..

الشباب انصدموا .. بـ ندى .. ( و طبعا ندى كانت لابسه لبس عادي و حجاب .. طبعا بعد عناء لمن وافق ابوها .. خاصه انه قال لهم ما تتركون العباه ) ,,


ندى : وش تبون ؟
الولد الاول : وش تبون ؟؟ هههههه .. انتي من وين ؟؟
ندى : باللهـي عليك ماتدري ؟؟
الولد الثاني : انت من صجك ؟ شوف لهجتها ..
الول دالاول : ادري انا مو مينون .. زين اقول يا حلوة .. انتي اكيد تبين الرقم مو ؟!
ندى : والله .. اجل راح اعلمك كيف ابي الرقم ..


البنات يطالعون ندى .. اللي قربت من الولد الاول .. ط قته طراق جدام الكل .. و هذي وايد تحصل بالمجمعات للاسف << شايفه وايد .. ندى ابد كلش ما تتفاهم ..



شيلاء : انتي هييي .. شسويتي ؟
ندى : وش اللي سويته ؟ رجال جاي يتغزل فينا جدام الناس .. بالله نسكت عنه ؟؟ والله لا اعلمه واربيه كيف يتحرش ..
شيلاء : امشوا بس نرد عند الحريم ..


...


عند خالد وعبدالعزيز .. بالمطعم ..
خالد : هههههههههه .. من صجك ؟؟
عبدالعزيز : اي والله ..
خالد : اقول خالي ..
عبدالعزيز :اقول ليش ما تسكت .. ترى والله جد انا مليت من كلمه خالي .. تكفا عاد قول لي عزوز اسن .. ياخي صغرني شوي ..
خالد : ههههههه .. افا عليك يا بو سعود ..
عبدالعزيز : ههههههه .. بو سعود مره وحده ؟؟
خالد : اي .. انا احب هالاسم ..
عبدالعزيز : افا عليك ..اول ما ايي لي ولد بسميه سعود .. يا بو وليد هههههههه ..
خالد : هههههههه ..

رن فون عبدالعزيز .. وتفاجأ عبدالعزيز من الاتصال ..


عبدالعزيز رد : الوو .. وعليكم السلام يا هلا ... انا تمام وانت ؟؟ .. اي الحمدالله .. شنو ؟ تبي تقابلني ؟؟ ليش ؟؟ .. اهاا ..اوكي .. منو؟؟ ........ اي إن شاء الله .... اوكي .......... مع السلامه ..

خالد : شفيج ؟؟
عبدالعزيز متضايق : تدري منو اللي متصل ؟؟
خالد : منو ؟؟
عبدالعزيز : (...........)

خالد تفاجا : شنو؟؟؟؟؟؟؟؟


...

بعـــــــد ساعات ..

و

بعد المغرب .. وصلوا اببنات البيت ..

ولقوا عبدالعزيز و خالد ناطرينهم ..



نوره : اهلا .. توو ما نووور البيت ..
ندى : كلوووووووووووووليييش ..
شيلاء : انتي هييي .. شفيج ؟؟ الحمدالله والشكر
ندى : يعني كذا وناسه انهم هنا .. ههههههه
شيلاء : الحمدالله والشكر ..

عبدالعزيز : اشوا انكم كلكم موجودين ..
مريم : ليش شصاير ؟؟
عبدالعزيز : بعد سبوعين .. بيون ضيوف فبيتنا ..
نوره : و منو هالضيوف ؟؟
عبدالعزيز : سالم رفيجي .. و عمته منيره و اخته لولوة .. و اخوه الكبير سامي ..
نوره تطالع شيلاء ..

وشيلاء منصدمه .. اهلها و اخوانها بيون البيت وليش ؟؟

عبدالعزيز : بيون يوم الاحد .. تاريخ 27 -2 .. يقولون يبون يتعرفون على شيلاء اكثر .. و يبون يكونون صداقتهم معاها ..

نوره طالعت شيلاء : ماما شيلاء .. موافقه ؟؟
شيلاء تطالع جدامها .. تطالع اهلها ... بس اهيا ما تبي غير هالاهل ..اللي حموها .. و حطوها بعيونهم ..

شيلاء : يمه .. انا موافقه ..

نوره ابتسمت .. ..


.................


و مرت ايـــــــآم ..


و ايـــــــــــــــــــــــآم ..


وصار اليوم .. اللي كل اهل الكويت تفرح فيه و تستانس ..


في هاليوم .. نشعر براه حلوه ..

و تنزل دموعنا .. ببراءه ..

تنزل دمعه فرح ماهي حزن ..

والكبيرو الصغير والكل يفرح ..

والله لمن تطري اسمها << الكويت >> قلبي يوقف .. ويقول يالبيـه ..

هذي الكويت وصـلي على النبــــــــي .. هــــــــــذي ديرتنا وفيها اللي نبي ..

وهذا اهدائي بسيط مني لكم فديتكم .. والله يحفظ لنا الكويت .. >> احبكم <<



http://www.youtube.com/watch?v=yylWaMgUyzg&feature=related





و سامحوني والله ادري انه قصير .. بس والله اني مشغوله .. والحين ضروري اطلع .. و بإذن الله اكمل لكم باجر .فديتكم ..

والله احبكم :eh_s(7):



مع السـلآمه ..


:lolo:

 

[gala q8]

 

[Tom ♥ Jerry]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

.


لوووووووول وناسه و الله استانست على الصور
مشكورة حياتي ع البارت
تسلمين و تسلم ايدج :******

 

[أم جديله !]

يعطيج العافيه غلاتي

والقصه وقريت الجزء الاول حييييل حلو

ومتى يخلص الجزء الثاني عشان بنزلهم ثنينهم مع بعض

 

[البارونه*_^رونه]

يسلمووو ع البااارت الرووعه

والطرااااااااااااااااااااااااااااااااق عجييييييييييييييييييب هع

كملي حبوبه نااطرينج

 

[~ FOOSY ~]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

متاااااااااااااااابعييييينج كمممممملي نااطرينج

 

[6amni bs]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

تسلمين حبيبتي عالبارت
ناطرينج :$

 

[أم جديله !]

غلااي وينج

 

[يادنيا ارحميني]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

يالله حبي ناطرينج اليوم
لاتتأخرين علينا
وتسلم الانامل ياعسل

 

[غــلآهاا غير]

وآآآآو الباارت رؤووعـــه حبيبتي نااااااااااااااطرينج

 

[gala q8]

إن شاء الله راح انزل البارت بعد شوي سامحوني تأخؤت وايد

 

[gala q8]

البارت الثاني عشر
...

وصلوا البيت .. و ملابسهم كلها تأثر الصابون .. والكل استانس .. و ردوا البيت على الساعه 10:30 ..

دخلوا البيت .. كلهم دخلوا الصاله .. قعدوا يتذكرون لمن يرشون على بعض .. و يضحكون ..


و فجـــآه رن الجرس ..

نوره تطالع الساعه : شالسالفه منو ياي هالحزة ؟؟
حنان : ما ادري ؟ خل اقوم افتح الباب يمن احمد ..
نوره : لالا خليج .. انا بروح افتح الباب ..


نوره قامت .. فتحت الباب ..
نوره انصدمت : انت ؟

...

عند عبدالعزيز و خالد .. بالمخيم بالبر ..

عبدالعزيز و خالد و سالم ( اخو شيلاء ) و سامي ( اخو شيلاء الكبير ) .. و ربع عبدالعزيز و سالم موجودين ..

عبدالعزيز : اقووول .. ييبوا الطبول و العود خل نسهر شوي ؟!

خالد .. اي اي .. انا بعزف العود .. بروح اييبه من سيارت خالي .. ( قام و راح إييب العود ) ..

سالم : وانا بروح اييب الاًوْرقْ

خالد راح ياب العود : يا الله .. منو يعرف يعزف ؟
عدبالعزيز : ههههههههههه .. دامك ما تعرف .. ليش تتشطر و تييبه ؟؟
سامي : ههههه .. عطني إياه انا اعرف اعزف
عبدالعزيز : يا الله اعزف لنا .. ( و عزف لهم ) ..

...


عند لولوة و منيره ..


لولوة : اقول عمتي .. وين ابوي ؟؟
منيره : ابوج مع عمج راشد بالشركه ..
لولوة : اهاا .. و سامي و سالم وين هم ؟
منيره : بالمخيم .. مع ربعهم ..
لولوة : زين يمه .. شرايج دام الكل مو موجود بالبيت .. نروح نتعشا برا
منيرة تطالع الساعه : الحين الساعه 10:35 .. وين بتروحين الحين ؟
لولوة : عادي عمتي .. خوو مو اول مره .. شرايج نروح ميس الغانم اللي على البحر ..
منيره : يا الله .. امشي ,,
لولوة : دقايق ابدل و اييج .. ( قامت تلبس )
منيره : وانا بعد .. خل اروح البس ,, ( قامت بعد ) ,,

...

فــــــــي بيت نوره ..


ريم و شيلاء و ندى و ريم صعدوا وقعدوا على الدري .. و مريم و حنان واقفين بالصاله بعيد .. و نوره عند الباب ..

نوره : ولك عين اللي سويته ياي مره ثانيه ؟؟
جابر : هههههه .. والله صج .. يمه خرعتيني .. شاف مريم و قال : انتي هييي .. يا المعوقه .. باجر بيي اخذ بنتج هذي .. ريموه .. و سنعيها و لبسيها .. باجر ملجتها مع رفيجي عبدالكريم .. فاهمه ..
ريم تطالع البنات و قامت تبجي من الصدمه
مريم : اسمعني عاد .. انا ماني معوقه لاني قاعده امشي بالكرسي هذا .. و بعدين مثل ما انت قلت .. هذي بنتي .. وانا المسؤوليه عنها و انت مالك شغل فاهم ..
جابر : لا والله .. الحين انتي امها .. ؟! .. سعميني .. إذا انتي امها .. فأنا ابوها وللأسف .. و مسكي ( قط عليها جم الف ) .. و هذي باجر اشتري حق بنتج ملابس و اغراض لها .. فاهمه .. و باجر الساعه 7 باخذها منج .. يا الله .. باااي يا حلوين ..
نوره شافت الفلوس اللي قطهم بالارض و خذتهم .. و لحقته لي برا السكه .. والكل وقف عند الباب ..


نوره بصوت عالي : جابر .. جــــــــآبر

جابر لف : اووف .. نعم شتبين ؟
نوره قطت الفلوس بويه جابر : خذ فلوسك القذره يا قذر .. واحمد ربك ان الشباب مو بالبيت .. جان شفت المكان اللي انت واقف فيه .. جان دفنوك منيه .. ولا تعتقد ان احنا البنات خايفين منك .. هه .. لا والله .. احنا صج بنات . لكن عن الف ريال مثلك .. ويا الله . لا اشوفك توطوط عند البيت .. وباجر ,, بتلقانا بالمحاكم .. عشان نصفي اللي بينا .. و سالفه ريم محد يحكم فيها غير المحكمه .. و لا تنسى .. ريم توها ياهل .. ويا الله اذلف عن ويهي ..

نوره طالعته بنظره اشمئزاز .. و دخلت ..

و البنات الكل انصدم .. نور اول مره تصير جذيه ..

اما جابر .. اللي انصدم اكثر من الكل .. و صج حس بالخوف .. ما يدري من شنو هالاحساس ؟



المهم .. راح منصدم و نسى الفلوس بالارض و راح ..



...

بالمطعم ..


لولوة و منيره دخلوا المطعم ..


و بالغصب لقوا لهم طاوله ..

لولوة و جدامها منيره ..

منيره تطالع المنيو ( ورقه الطلبات ) .. و بعدها لفت على لولوة .. و مع التركيز شافت ريل لولوة معاه وحده ..

منيره: لولوة .. هذا مو زوجج معاه وحده ؟ هوو هذي مو رفيجتج ؟؟
لولوة مو قادره تلتفت .. و قامت تتلفت شوي شوي ..


وشاااااااااااااافته مره ثانيه مع رفيجتها اللي دايما معاها ..

لولوة دمعت عيونها ولفت على منيره : عمتي .. قومي خل نرد البيت .. ماني قادره اقعد دقيقه وحده..

( و قاموا ) ..



...


عند خالد و عبدالعزيز و سالم و سامي
سالم : اقول عزوز روح ييب قيتارك ازف لنا ,,,
عبدالعزيز : لا سلوم ما ابي
خالد : اقول قوم يا بو سعود ييب لنا نبي نسمع ..
عبدالعزيز ابتسم : زين يا الله .. ( و راح ياب القيتار و قام يغني لهم )

http://www.youtube.com/watch?v=WAFIvcanvvA


الكل قام يطالع عبدالعزيز خاصه ان عبدالعزيز صوته كان روعه ..

كان صوته دافئ جدا ..

و كان خفيف .. و يدخل الصوت العالي عليه ..

و صوت الجيتار الحزين .. اللي كان مأثر على الجووو ..


...


عند لولوة و منيره ..

لولوة طول الطريج تبجي ..
و منىيره اللي كانت تسوق : لولوة حبيبتي خلاص .. انا اسفه اني قلت لج انا ..انا ما كنت ابي اخليج تتضايقين ..
لولوة تبجي : لا عمتي .. انا اصلا اعرف بسوالفه .. و بسوالف هالخاينه .. حسبي الله ونعم الوكيل .. اااه يا قلبي .. كل شيء سويت له .. و كنت ادري انه يخوني مع بنات وايد .. بس ما ظنيته يخوني مع صديقتي و حبيبتي و اللي كانت بالنسبه لي اختي ..
منيره : خلاص هدي ..


...



صااااااااااار باجر ..


في بيت نوره ..

الســـــــآعه 8

البنات كلهم نايمين ..

إلا نوره بالصاله .. لابسه بجامتها وبالصاله اللي تحت .. عند المدخل .. تنطر الشباب إيون ..

عند الباب الخارجي ..

خالد وعزوز توهم داخلين ..

خالد وعزوز : ههههههههههه ..

خالد يطالع الفلوس اللي طايح عند الباب : عزوز شوف ..
عزوز اخذهم : شنو هذول ؟
خالد : سندويجه .. هههههه .. بعد شنو هذا فلوس ..
عزوز : لاو الله .. ادري انها فلوس .. بس منو قاطها منيه ؟
خالد : يمك خالتي نوره بالغلط ؟ وله وحده من الحريم ..
عزوز : ما ادري امش خل ندخل ..



دخلوا ..

عبدالعزثيز و خالد ادخلوا ..


عبدالعزيز شاف نوره : انتي ما نمتي ؟
نوره : لا .. ناطرتكم ..

(سوا ان فيه شيء مو طبيعي )

خالد : منو كان يايكم امس ؟؟
نوره : هاا ؟ وانت شدراك ان في احد ياي عندنا امس ؟؟
عبدالعزيز : من هذا ( و رفع الفلوس )

نوره : هاا .. وين لقيتوا هذا ؟
عبدالعزيز : لقيناه برا ...
نوره : اي .. امس يانا جابر .. وقط علينا هالفلوس ... و .. قال لنا انه اليوم بياخذ منا ريم .. عشان يزوجها رفيجه عبدالكريم ..

عبدالعزيز قط اغراضه .. و طلع برا البيت و خالد لحقه ..

نوره تناديهم : خالد .. عزوز تعالوا ..


...







بنات اسفه ادري البارت صغير بس والله اخوي يبي لابه .. لاني لي الحين ما قدرت اسوي لابي .. بس إن شاء الله إذا قدرت ادخل راح اكمله لكم ..

 

[sweet gairl]

تسلمين حبيبتي

 

[أم جديله !]

تسلمين حبي

 

[البارونه*_^رونه]

يسلمووو حبوبه

ناطرررررررررينج