روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟! }..

[يادنيا ارحميني]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

يعطيج العافيه حبيبتي
كملي ناطرينج

 

[غــلآهاا غير]

يسلمووو حبيبتي نااااااااااااااطرينج

 

[6amni bs]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

واي لا يارب ماتتزوج ريم
يعطيج العافيه
ناطرينج

 

[أم جديله !]

Up
up
up
up
up
up

 

[taboolaaaa]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

حياتي انا اليوم خلصت روايتج الجزء الاول وحدددددهااااااا ابداع ماشالله
ووصلت لي هالجزء واهنيج على اسلوبج بصراحه وايد يشوق ..
كملي حياتي ناطرينج
بس بقوولج رايي بالجزأين اذا خلصتي الروايه بعد اذنج ..
لاني بقوول رايي بكل شخصيه عجبتني
وتسلمين ياقلبي عالروايتين :d

 

[~ FOOSY ~]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

ناااااااااااااطرييين

 

[gala q8]

رد: رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسي

حياتي انا اليوم خلصت روايتج الجزء الاول وحدددددهااااااا ابداع ماشالله
ووصلت لي هالجزء واهنيج على اسلوبج بصراحه وايد يشوق ..
كملي حياتي ناطرينج
بس بقوولج رايي بالجزأين اذا خلصتي الروايه بعد اذنج ..
لاني بقوول رايي بكل شخصيه عجبتني
وتسلمين ياقلبي عالروايتين :d

فدييييييييييييتج يا قلبي .. وحياتي انتي و اكيد رايج يهمني فديتج ..

وصصصصصصج وايد ونستيني و لو مو انتوا مشجعيني انزل الروايات ..

جان انا الحين ما طلعت هالاسلوب :23_asmilies-com:


فديتج والله






بنات سامحوني امس ما كتبت بس والله قاعده احاول كثر ما اقدر اني اخذ لاب اخوان و انزل لكم الروايه ..

سامحوني :ssssso:

 

[أم جديله !]

لـاعادي حبي

 

[gala q8]

البارت الثالث عشر

...
عبدالعزيز و خالد راحوا و وصلوا بيت جابر ..

جابر و ماه و اخته قاعدين يشربون شاي ..

دخلوا عبدالعزيز و خالد بعد مالقوا الباب مفتوح ..

عبدالعزيز معصب مسك جابر من بجامته : اسمعني يا كلـ... انا سكت عنك واااااااايد .. و طااال صبري و خلاص ما عاد فيني اي صبر مستعد ادخل السجن بسبتك .. و يوم من الايام لو اشوفك تماديت راح اذبحك يا ...

خالد وخر عبدالعزيز و الفلوس بإيد خالد .. راج عند ابوه و قط الفلوس على صدر ابوه و قال : للاسف انك ابوي .. والرجوله ما تنقاس بالفلوس .. و امي و ريم انا المسؤول عنهم .. واتمنى اني ما اشوفك مره ثانيه بحياتنا .. المره اللي طافت صابتك إصابه خفيفه .. لكن المره اليايه .. تأكد اني راح اذبحك ..


طلعوا عبدالعزيز و خالد ..


ووصلوا البيت ..

لقوا ريم و مريم و نوره بالصاله ..


نوره : شسويتوا ؟؟
خالد طالع عبدالعزيز : ماكو شيء ..بس تفاهمنا معاه و يينا ..
مريم شهقت : ذاك المره ولدي هالمره ولدي و اخوي ..
ريم : انتوا اكيد فيكم شيء .. ابوي منو يقدر يكلمه .. الحين يقدر يقدم بلاغ عنكم انكم تهجمتوا عليه بالبيت
نوره : اي والله صاجه ريم .. استغفر الله و اتوب إليه ..


...


و مر اليوم على خير ..

...


وصااااااار باجر ...

و من الصبح ..


شيلاء قامت من النوم الساعه 6 الصبح .. قامت و نزلت المطبخ ..

راحت تسوي لها شاي و ودها تقعد بالحديقه الكبيره .. لان والجو قام يصير بارد و شكله فصل الشتا ياي ..

اول ما لفت .. تفاجأت ان عبدالعزيز موجود و حاط ايده اليمنه فوق اليسره و رافع حاجبه و مبتسم على جنب ..

شيلاء : بسم الله .. خرعتني
عزوز : ههههههه .. وليش ؟؟ شنو شايفه جدامج ؟؟ ترى انا عزوز .. حبيبج ( و غمز لها )
شيلاء ابتسمت و لفت ويها : زين يا استاذ اطلع خلني اشرب على راحتي
عزوز قرب منها شوي : اقول صبي لي شاي .. ابي اشرب عطشان
شيلاء : ههههههههه .. عطشان ؟! الناس لي عطشت تشرب ماي مو جاي ..
عزوز : لجل عينج اشرب اللي تبينه .. حتى لو لبن
شيلاء : ههههههه .. اشفيك ؟؟ ترى مو جذيه الرومانسيه هههههههههه
عزوز : هههههههه .. زين قولي لي .. شلي مقعدج ؟؟
شيلاء : ماكو .. بس خايفه
عزوز قعد فوق الطاوله : من ؟!
شيلاء : من اهلي .. اقصد .. عمتي منيره و اختي و اخواني .. و عمي راشد ..
عزوز : اها .. لا تخافين .. ترى ما يعضون ..
شيلاء : ههههههه .. عزوز كلمني عنهم ؟!
عزوز : والله .. انا ما اعرفهم عدل .. بس .. سالم يكلمني عنهم ... امم .. عمته منيره خوش وحده و تحب اعيال اخوها و لولوة شوي نسره مع لكل و مغروره و تطلقت من زوجها قبل جم اسبوع .. و اخوه سامي مهتم بشغل عمه .. امم .. سالم انسان طيب و متفهم و شوي مغرور بس طيب .. راشد عمهم و اصغر واحد من عمامهم .. راشد خوش انسان .. واللي اعرفه انه كان يحب وحده بجنون و دورها من سنين بس ماكو فايده لي الحين ما لقاها .. وبس
شيلاء : ما ادري ليش كنت رافضه وجودهم معاي بحياتي و بدنياي .. بس الحين احس لا ,, احس انهم من دمي و روحي .. ولازم اعرفهم و اتقرب منهم ..
عزوز : لا تخافين يا شيلاء كلنا معاج ..

...


صارت الساعه 9 ..

شيلاء تبخر الصاله ..

و نوره و مريم قاعدين بالصاله و ريم و نوير يروحون يشوفون الغدا ..
و طبعــــــــآ و طبعـــــــــــــآ المينونه ندى بالمطبخ تاكل ..

نوير : انتي هي .. خلاص عاد وجع بسك اكل .. اكلتي اكل الناس كله .. وش خليتي للمعازيم ؟؟
ندى : انا بفهم ؟ ذا بفلوس ابوك ولا إيش ؟؟ يا الله اطلعي برا المطبخ خليني اكل براحتي ..
نوير : اوووف منك .. ما تهمك دراستك كثر ما يهمك الاكل ..

...

بالصاله .. نوره تطالع الابتسامه بويه شيلاء : شيلاء يمه تعالي
شيلاء : لبيـه يمه ..
نوره : انتي مستانسه من قرارج هذا ؟؟
شيلاء : اي يمه .. انا مستانسه و ما ابي شيء غير اني اتعرف عليهم .. بس امانه ما ابي اعيش غير هالبيت هذا .. انا ما ابي ابتعد عنكم يمه ..
نوره لمت شيلاء : والله يا يمه .. محد ياخذج برا هالبيت حتى لو تزوجتي بخليج بهالبيت ..

...

و دخلوا المعازيم ..


دخلت منيرة و راها لولوة و راخا سامي و وراها سالم ..


نوره لحد الحيد ساكته ..


لمن دخل راشد ..

بدى ذكريات قديمه تطلع ..


لمن شالت شيلاء و لقى نوره شايله شيلاء و تبجي .. و تذكرت انه اخو سعد ..


والصـــــــــــــــــــدمه الكبرى ..


ان سعد دخــــــــــــــــل معاهم ..



شيلاء بدت اعروق دمها تمشى و تحس ان جسمها بارد ..

و حاسه انها راح تموت و هي مو عارفه منو ابوها ؟ و منو عمها ؟؟ و منو اخوانها .. طبعا غير لولوة .. و عمتها منيره ..


منيره مبتسمه : هذا سامي اخو شيلاء الكبير

وشيلاء تطالعه و البسمه ما فارقت شفاتها ..

منيره : و هذا سالم .. اخوها الاصغر واحد

شيلاء ودها ترتمي باحضانهم ..

منيره : و هذي منيره اكيد تعرفها

شيلاء كانت تطمح ان تكون عندها اخت .. و تهتم فيها و تقول كل اسرارها

منيره : و هذا راشد عمها

شيلاء انطقت بصوت خفيف و دمعت عيونها : عمي .. ( مو مصدقه ان عندها عم ) ..


و راشد يطالع نوره حلمه .. اللي لحد الحين ما اكتمل ..

و منيــــــــره طالعـــــــت سعد وقالت : و هذا .. ابوها


و هذي صدمه شيلاء ..

شيلاء بصوت عالي و قامت تدمع عيونها : أ .. أبــــــوي .. أبـــــــــــــــــــوي ؟!


شيلاء فجأة .. طاحت .. لان صدمت عمرها تشوف ابوها بعد 19 سنه من ولادتها ..



...


عند جابر ..


جابر بداره يكلم نفسه : انا شلون سويت جذيه .؟؟ و هدمت حياتي ؟؟ بنتي و ولدي و زوجتي و بيتي .. كل هذا عشان ارضي امي ؟؟ امي اللي طول عمرها تسميني خروفها .. امي اللي ما عمرها حسستني اني ريال البيت .. وله هدى .. اللي طول عمرها ترفع صوتها علي .. اهيا صح اختي الكبيرة بس مو معناتها انها تتحكم فيني .. انا لازم اسامح مريم و خالد و ريم ..


( طلع من الغرفه و نزل عند امه .. )


جابر بصراخ : يمــــــــــــه .. هدى ..


امه و اخته بالصاله مع خطيب هدى ..


جابر نزل لقاهم : انا بروح حق مريم و اتأسف على كل شيء سويته لها
هدى : نعم ؟؟ تروح حق مريوم ام السحور و تتأسف لها ؟؟ ليش يا ماما انت مو ريال ؟؟
جابر راح عند هدى و طقها طراق : يا كلبـ .. شكلي ما ربيتج عدل ..
امه بصراخ : جابر .. احترم نفسك هذي اختك الكبيره
جابر : يمه لو سمحتي خليني اربيها
امه : وليش تربيها ؟؟ حاس نفسك ريال ؟؟
جابر طالع امه : انا ريال و غصبن على الكل .. والحين .. بروح عند مريم ام خالد .. حبيبت قلبي اللي ما عرفت اقدرها .. ولا عرفت احطها فوق العين والراس و على كل شيء سويته فيها ,,


اخذ مفتاح السياره

...


بعد ساعه .. قعدت شيلاء اللي كانت نايمه بالسرير ..


نوره : بسم الله عليج يا يمه ..
شيلاء ’: ااي .. شصاير ؟؟
منيره : يا يمه خرعتينا عليج .. ماكو شيء بس انتي طحتي علينا فجأه .. و خلينا سالم يساعدنا و يشيلج و نومج بالسرير ..



رن فون مريم ..


مريم : الوو .. اي نعم ؟ شنـــــــــــــو ؟!


...

 

[Tom ♥ Jerry]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

.



واااي تكسر الخآطر شيلآء !
مشكورة حياتي ع البارت و آن شاء الله جابر بتعدل و يصير خوش ريال !

 

[M!U-M!U]

امبيه منو داق فون اللي نوره اخترعت


مشكوره وناطرينج حبيبتي

 

[أم جديله !]

مشكوره حبيبتي على البارت

اتوقع ان مريم راح ترجع لجابر

وشيلـاى فديتها تكسر الخاطر

 

[يادنيا ارحميني]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

عندي احساس انه جابر راح يتعدل .
ومريم بتردله..
وشيلاء ياحياتي تعور القلب..
وفديتها ندووش تونس هالبطه
وفديت صاحبة الروايه احلاهم
ناااااااااااااااااااااااااااااااااااااااااطرينج

 

[gala q8]

رد: رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسي

.

واااي تكسر الخآطر شيلآء !
مشكورة حياتي ع البارت و آن شاء الله جابر بتعدل و يصير خوش ريال !

العفوا فديتج .. الله يعافيج يا قلبي :hjy5jewf:

امبيه منو داق فون اللي نوره اخترعت


مشكوره وناطرينج حبيبتي

العفوا فديتج والله .. إن شاء الله راح انزل البارت الحين

مشكوره حبيبتي على البارت

اتوقع ان مريم راح ترجع لجابر

وشيلـاى فديتها تكسر الخاطر

إن شاء الله يتعدل ..

فديتج

عندي احساس انه جابر راح يتعدل .
ومريم بتردله..
وشيلاء ياحياتي تعور القلب..
وفديتها ندووش تونس هالبطه
وفديت صاحبة الروايه احلاهم
ناااااااااااااااااااااااااااااااااااااااااطرينج

يا حياتي والله يفداج الكوون .. يا قلبي

 

[غــلآهاا غير]

رؤووعـــه البااارت مشكووووره حبووووبه نااااااااااااااطرينج

 

[gala q8]

البارت الرابع عشر والاخير :33_1185028183:


...

مريم راحت تتكلم على جنب ..

و شيلاء و نوره و ريم و نوير و ندى و حنان كلهم راحوا الصاله عند ابو شيلاء و اخوانها و عمتها واختها ..

عند البنات ..


لولوة : لا .. انا بالنسبه لي بعتبر شيلاء اختي من امي و ابوي .. مو كافي اللي جرالها ..
نوره : والله انج اصيله يا لولوة ..
ابو شيلاء ( سعد ) : نوره انتي الاصيله .. ما ادري شقول ؟ انتي اللي ربيتي بنتي و حفظتيها مثل الدانه عندج ...

...

عند مريم تتكلم بالفون .. و صكرت فجأه .. وراحت عندهم وهي بالكرسي المتحرك ..

وقالت : نوره ..
نوره : هلا مريم .. شفيج ؟؟
مريم : ابي اروح المستشفى ..
نوره : جابر .. سوا حادث ..

خالد و ريم قاموا مكانهم .. يطالعون بعض و شافوا بعدها عمتهم نوره ..

نوره كانت جامده .. و خاصه انها امنعتهمن الروحه عند ابوهم بهالفتره ..

نوره شافت شيلاء و حالتها مع اهلها .. وقالت : خالد وريم روحوا عند ابوكم ..

بعدها عبدالعزيز و ريم و خالد و مريم راحوا المستشفى ..

...


وياليتهــــــــــم ما راحوا..



شافوا جابر ..

اللــــــي طول عمـــــــره ..


كــــــــــــان جبروته على اعياله و زوجته بـس ..

اليـــــــــــوم .. موجود .. على الفــراش .. و متشـــــــلل ..


ريم تطالع ايوعا وتبجي : يبــآآ ..

و مريم اللي اول ما شافته تذكرت ايامهم الحلوة ..

جابر متشلل: عن طريق الحادث اللي سواه .. و كان دايس حيل يبي يلحق على اعياله و طاف الحمرا ..

جابر تنزل دمعه من عينه .. و يأشر على مريم بإيده .. و كأنه يقوللها تعال ..

ريم تكلم امها و هي تبجي : يما .. ابوي يبيج تقريب يمه ..
مريم قربت بالكرسي المتحرك و هي تبجي ..

جابر بصوت خفيف : مريم ..

مريم بصوت خفيف و هي تدمع عيونها و تقول له يا قلب مريم ..
جابر يتكلم بتعثر .. وبالغصب تطلع منه الحرف : سامحيني يا الغاليه ... انا ظلمتج وايد .. شوفي ربي شسوى فيني
مريم تبجي : لا يا الغالي .. مسامحتك يا بو خالد .. يابو عيالي ..
ريم راحت يم ابوها وباست راسه : يبا سامحنا على اللي سويناه معاك ..
خالد باس ايد ابوه و راسه : انا بروح اكلم الدكتور ..



...


عند نوره و شيلاء و لولوة و منيره و حنان و ندى و نوير ..

منيرة و لولوة : احنا لازم نروح الحين ..
نوره : تووو الناس
منيره : لا وين تو الناس .. انتي تدرين عندنا اشغال الشركه و لازم نروح نشتغل وله بنخشر وايد هههههههه
الكل : ههههههه ...

لولوة : اقول خالتي نوره ..
نوره : ههههه .. خالتج ؟؟ ترى انا كبرج ههههههه ..
لولة : هههه .. خلاص ما اابي اكبرج ..
نوره : ههههه ..
لولوة : عن اذنج .. بس ممكن ناخذ شيلاء معانا تنام ..و تتعرف عليناو على بيتنا .. ما نبيها تتغرب و هي عندها بيت ..
نوره تطالع شيلاء ..

وشيلاء نزلت راسها و بعدها طالعت نوره و قالت : خليني اروح لهم اليوم .. و اتعرف عليهم اكثر
نوره ماكانت تبي توافق .. بس ..


بـــــــــــس هذي بنتهم ..

نوره : اوكي ..
شيلاء و ندى صعدوا يزهبون اغراضها ..

...


عند خالد : يعني مو ممكن يتعالج ؟؟
الدكتور : في كتير تعالجوا من الشلل النصفي .. بس يحتاج لنفسيه زينه ..
خالد : لا حول ولا قوه إلا بالله .. زين .. نقدر ناخذه عندنا البيت ؟؟
الدكتور : حاليا لا مو ممكن .. بس نحتاج لفحوصات .. وبعدها نشوفه ..
خالد : اوكي .. عن اذنك ..


...


عند نوره و شيلاء و لولوة و منيره ..


عند الباب .. شيلاء خلت الخدم يشيلون اغراضها ..

نوره تمسح على راس شيلاء : حطي بالج على نفسج و قبل لا تنامين اتصلي علي و تلحفي عدل .. و لا تنسين اقري القران قبل لا تنامين .. وسورة الكرسي و المعوذات .. و امانه يا منيره لحفي شيلاء عدل .. تكفين .. هذي امانه عندج .. ترى اول مره تبات برا االبيت من دوني

منيره : لا تخافين يا نوره شيلاء على العين والراس ..

لولوة : يا الله مع السلامه يا ام شيلاء ..

نوره تمنت تكون مختفيه بس عشان تلحق على شيلاء و تشوف حياتها فـ بيت اهلها ..


...

مـــــــــــرت ايام..

و اسابيع

و اشهـر

...

شيلاء قامت تنام كل يوم في بيت نوره بس يوم خميس و جمعه قامت تنام عند بيت ابوها سعد ..

و صارت زواره بين العايلتين كل خميس ..

و راشد لي الحين يشوف نوره .. اللي حبها تغيرت .. و كبرت ..و احلووت ..

و جابر رجع بعد ما دخل المستشفى بعدها بـ 3 ايام .. و عاش عند مريم و اعياله في بيت خارجي غير بيت نوره ..

و ام جاير و هدى ما يعرفون اخبار ولدهم كلش .. ولا مهتمين اصلا ..

و حنان و بناتها واحمد .. سافراو السعوديه ..


...



يـــــــــــــــــــوم الخميس ..


بالبـــــــــــــر ,,


عبدالعزيز قاعد يم نوره : يا الهل كلمي ابوها .. بسرعه
نوره : هههههه .. صير ثقيل واي ..
عبدالعزيز : اوووف .. انتي ما تدرين احبها .. يا نوره احبهـــــــآ ..

نوره تتكلم و كل اهل سعد موجود .. و طبعا نوره و عبدالعزيز و مريم و ريم و خالد و جابر موجودين .

نوره : يا بو سامي ..
سعد ( بو سامي ) : هلا يا ام شيلاء
نوره : احنا طالبين ايد بنتي شيلاء منك .. حق اخوي العزيز .. عبدالعزيز ..
سعد : يه يه ,, والنعم والله .. والنعم ..

شيلاء تطالع الارض و مستحيه ..

سالم و سامي مستانسين : اي والله والنعم ..
سعد : بس تدرين ناقصنا راي العروس ..

شيلاء ويها احمر .. جان تنحاش من الخيمه .. و ركضت ريم وراها ..


و عبدالعزيز طالع سالم و طلعوا ..

عند ريم و شيلاء ..

ريم : هههههههههههه .. شكلج خطيررر ..

عند عبدالعزيز و سالم ..

سالم : ياخطير .. طلعت حاط العين عليها ,, و انا رفيجك ليش ما قلت لي ؟؟ ههههههههههه

عند ريم وشيلاء ..
شيلاء : بس عاد لا تضكين .. امبيه .. عزوز غبي ان ساء الله ما يقول جدام امي و ابوي و اخوانيو عمتي و خالتي .. انه يبيني ..


عند عبدالعزيز و سالم ..

بدالعزيز : خلاص عاد ... سلوم انا احبها .. وابيها .. والله ا1بح اي واحد يتقدم لها .. والله احبها ..

...




بعد جم يوم ..

املجوا ..

...


عند عبدالعزيز و شيلاء قاعدين على البحر ..

عبدالعزيز حاط راسه على حظن شيلاء : تتذكرين قبل .. لمن اتهاوش معاج ههههه ..
شيلاء : تتذكر لمن حطيت الفلفل بوجبتك لمن كان عمرك 15 سنه هههههه ..
عبدالعزيز : تتذكرين لمن كنا نسولف بالمطبخ ههههههه ..


...


و قاموا يتذكرون كل شيء ..



لحظــــــــه ستوب .. عفوا عضوات .. انا ما خلصت ..


خل نرجع عند عبدالعزيز وشيلاء .. دقيقهـ


شيلاء : عزوز شرايك بمنتدى كويتيات اللي كله ادخل له ..
عزوز : اي شفيه ؟؟ اللي كل مره تمدحينهم لي ؟
شيلاء : عندي كاتبه تحب تكتب روايات .. اسمها gala q8 ودها تكتب ورايتنا شرايك ؟؟
عبدالعزيز قام من حظنها : اقول انقلعي .. لا لا .. لا تكتب ..
شيلاء : اوووف ليش ؟؟
عبدالعزيز : اخاف يغارون منا هههههه ..
شيلاء : لا والله ؟! .. ترى بصراحه اهيا كتبتها و الحين البنات قاعدين يقرون روايتنا
عبدالعزيز : انتي من صجج ؟؟
شيلاء : يس .. يا الله قوم خل نرد البيت امي قاعده تتصل ..
عزوز : يا الله .


...



اتمنى انها تعجبك الروايه وسامحوني على القصور ..
احبكم > gala q8 <


بنات ادعوا لي .. عندي امتحانات مأجله .. اتمنى انكم تدعون لي ان ربي يوفقني .. فديتكم :33_1185028183:


ابي اشكر كل وحده قرت روايتي و حتى لو دخلت قرت بارت و طلعت ..

 

[غــلآهاا غير]

وآآآآو روااااااااييييتج جوناااااااااااان يالغلا رؤووعـــه والنهااايه أرووووووع وللحمدلله الله عطاهم على قد نيتهم والله القصصه أبدااااااااااع مآآادري شقووول عشاان أوفيييج حقج لكن أبدعتي ومشكووره على كل التعب اللي تغبتييه عشاان تطلع الروآآيه بهالشكل والأسلوووب المبدع منهااا للإعلى حبيبتي ونااااااطرييينج برووااياات 2 إنشألله

 

[أم جديله !]

يعطيييييييييييييييييييييييييييييييييييييييييييييييييييييييييييييييييييييج الف الف الف عافيه

والله يوفقج ووانشالله تنجحين بالامتحانات

وسلمي على شيلـاء

 

[MeeMeeYoo_2]

حسااافه ليش خلصت





الله يوفق الكل

بس هذي رواية حقيقيه ولا من الخيال ؟


موفقه انشالله


يسلموووو

 

[gala q8]

وآآآآو روااااااااييييتج جوناااااااااااان يالغلا رؤووعـــه والنهااايه أرووووووع وللحمدلله الله عطاهم على قد نيتهم والله القصصه أبدااااااااااع مآآادري شقووول عشاان أوفيييج حقج لكن أبدعتي ومشكووره على كل التعب اللي تغبتييه عشاان تطلع الروآآيه بهالشكل والأسلوووب المبدع منهااا للإعلى حبيبتي ونااااااطرييينج برووااياات 2 إنشألله

فديتج والله هذا من ذوقج يا قلبي:eh_s(22): << اخجلتيني << برا :23_asmilies-com:


يا حياتي إن شاء الله راح انزل الروايه اليايه احلى بإذن الله