قواج الله يا ريريز
ما تدرين اشكثر طلعت عيوني وانا اقرا من غير نظارتي << مالي خلق اقوم اييبها لووووول
القصة هذي ما عجبتني وايد لان البنات اللي فيها وايد متحررين
بغض النظر عن انه اهما واقع او خيال
يعني مثلا ندى قالت لها دلال تعالي طلعي معاي ومع ماي بوي فريند طلعت
قالت لها فرح احمد بيكلمج كلمته
فرح بعد ما كانت تكره هالسوالف صارت وحدة منهم
مادري ما حبيت التحرر اللي فيها
بس بشكل عام القصة حلوة ومعاناة ندى تكسر الخاطر وفرح رفيجتها وايد حبوبة
وام ندى الصجية كسرت خاطري بس مالها حق تسوي اللي تسويه ولا شفت ام بالدنيا تتخلى عن بنتها حتى لو كانت على بساط الفقر
الله يعين البنات الصجيين ويقوم ندى بالسلامة ودمعت عيوني لما قريت النهاية الخيالية
