روايتي الثالثة (( يا دنيا ارحميني )) .. قصة واقعية .. ReRez

[am_kshaa]

ناااااااااا نااااااااااااا نااااااااااااا طرينج وكلنا شووووووووووق حق القصه
لا اطولين علينا عفييييييييييه

 

[عــــــــــذوب]

متى ينزل البارت

 

[JaN JaN]

البارتات: 1 - 7 - 11 - 15 - 19

 

[JaN JaN]

لوووووووووووووووووووووووووووووووول شاللي اوحالج ان حافي ومنتف :×
بس كل شي جايز ^_^
والله يستر .. ومشكوووره بعد عمري عالرودود الحلوه وعلى كتابة صفحات البارتات *_^

هههه مادري حسيت انه يقص عليها ولا يشتغل بشركه ولا شي

بس انشالله يطلع خوش واحد

العفووو واحنا حاضرين للحلويين :d

 

[T-flower]

البارتات 1-7-11-15-19



وللحديث بقيه >>>> عشتووو يعني اسلوب

 

[ReRez]

متى ينزل البارت

الحين لأني انتهيييييييت خلاااص للحين سهرانه وبنزله عشان انام و ما احاتيكم :×

هههه مادري حسيت انه يقص عليها ولا يشتغل بشركه ولا شي

بس انشالله يطلع خوش واحد

العفووو واحنا حاضرين للحلويين :d

ان شاءالله ومشكوووره اقين على ارقام البارتات ^_^

البارتات 1-7-11-15-19



وللحديث بقيه >>>> عشتووو يعني اسلوب

ثااااااااانكس حبوو .. و لووول تعجبني مفرداتج الصعبه طالعه علي :d

 

[~RouNa~]

:$

ناااطرين :$

 

[كويتية و النعم]

ناطرينـــجــ :eh_s(21):

...

..

.

~

 

[Q8_ButterFly]

waiting :balo:

 

[بيـــشو17]

waiting

 

[ReRez]

- 6 / مشاعر مختلفة -

- راحت ندى اقعدت بالسيارة فتره طويله وقاعدة تفكر بفرح اللي تغيرت و لهت عنها .. واكثر تفكيرها راح صوب نوره –

ندى : ( بقلبها ) صج انها اختي بس عمرها ماحسستني بهالشي .. يصدف مرات بالكلية تمر من يمي وماتسلم علي .. حتى رقمي مو عندها .. والحين يوم كلمتي اطلبت فلوس!!

( رن تلفونها .. فروحه.. )

ندى : ( بصوت متضايق ) الو
فرح : وينج ؟ مريت الكافتريا مالقيتج
ندى : قاعده بالسيارة
فرح : اشعندج
ندى : جذي مالي خلق شي
فرح : زين بييلج .. باي
ندى : باي ( سكرت الخط )

- شوي ويت فرح واقعدت يمها بالسيارة –

فرح : بعد شوي عندج برمجة مو ؟
ندى : ( اتطالع ساعة التلفون ) اي بعد ربع ساعه
فرح : ( مبتسمه ) زين عيل بغيت سيارتج
ندى : ليش ؟
فرح : بطلع
ندى : بتشوفينه ؟
فرح : اي شوي ماراح اطول .. يعني بس تخلص محاضرتج تلقيني عندج
ندى : ( اسكتت و عينها عالسكان )
فرح : اشفيج ؟
ندى : ( للحين عينها عالسكان ) تعبانه وبروح البيت
فرح : توه مافيج شي وكنتي بتروحين محاضرتج
ندى : لا ماكنت بحضرها .. وخلاص نزلي بروح البيت
فرح : ( طالعتها بنظرة بعدين انزلت وسكرت الباب بقوه )

- ندى البست نظارتها الشمسية وبالطريج اقعدت تبجي حييل ماكانت تدري شالسبب وعلى شنو قاعدة تبجي بالظبط –

( اوصلت البيت امسحت دموعها وانزلت .. دشت الصالة .. لقت خدامتهم تنظف )

ندى : شيريل وين ماما ؟
شيريل : داخل غرفه
ندى : ( راحت غرفة امها .. طقت الباب ) يمه ؟
أمل : تعالي يمه
( ندى بطلت الباب لقت امها منسدحه )

أمل : ندوي مو جنج رادة مبجر ؟
ندى : ( طالعت الأرض )
أمل : ( اقعدت ) اشفيج ؟
ندى : ( راحت يمها ولمتها حيل ) احبج يمه
أمل : ( تمسح على شعرها ) اشفيج حبيبتي اشصار معاج ؟
ندى : ( اقعدت تبجي واهي لامه امها ) مادري بس تعبانه
أمل : اشفيج ؟ اشصاير ؟
ندى : مادري بس احس اني مختنقة
أمل : من شنو يا بعد عمري ؟
ندى : مادري والله مادري
أمل : اوديج حق الدكتور صالح ؟
ندى : لا
أمل : زين تبين تكلمين الدكتورة غالية ؟ (( غالية الدكتوره النفسيه ))
ندى : ( امسحت دموعها ) لا يمه مافيني شي
أمل : خلاااص دام مافي سبب عيل مابي دلع روحي بدلي ونزلي قعدي معاي
ندى : ( ابتسمت ) كنتي بتنامين ؟
أمل : لا بس دخت شوي قلت انسدح يللا بدلي وتعالي ناطرتج
ندى : اوكي
--

( اصعدت غرفتها واهي تفكر .. انا ليش دقرت فرح ؟؟ .. انا غيرانه لأن عندها احد تحبه ويحبها ؟ ولا غيرانه لأن خذاها مني ؟؟ .. بكل الحالات انا كنت انانية )

- بدلت ملابسها وانزلت اقعدت مع امها مده بعدين يه ابوها واقعدوا يتغدون –

سامي : ها اشلون الدوام معاج ؟
ندى : الحمدلله
سامي : عسى دوم
أمل : اليوم بنتك متضايقة ورادة قبل نهاية الدوام
سامي : افا .. ليش عسى ماشر يبه ؟
ندى : ( هدت القفشه وطالعة امها )
أمل : حبيبتي احنا مانبي نضغط عليج بس نبي انعرف شنو مضايقج يمكن نقدر نساعدج
ندى : صدقوني مافي شي بس شوي ضيقه يتني من غير سبب وراحت
سامي : ندوي اذا تعبتي قوليلنا على طول لا تخشين عنا الموضوع
ندى : اذا قصدك ان صارتلي نوبة.. فارتاحو والله ماصار هالشي
سامي و أمل : الحمدلله
ندى : ( قامت ) الحمدلله شبعت
أمل : ماكليتي شي
ندى : بلى الحمدلله .. يللا انا بصعد نام شوي
أمل : نوم العوافي حبيبتي
---

- غرفة فرح –

حمد : ميخالف حبيبتي دقي عليها هذي بنت خالتج والظفر مايطلع من اللحم
فرح : ادري والله .. بس اهي احرجتني .. حسستني اني طرارة وقاعدة اطر سيارتها
حمد : هذا اللي زعلج ؟؟ يبه انا اييبلج السيارة اللي تبينها انتي بس اشري
فرح : لا مشكور .. تسلم ماتقصر
حمد : شنو مشكور و تسلم ماتقصر ؟ فروح انا صارلي معاج تقريبا ثلاث اشهر بس لي متى هالرسميات يعني ؟
فرح : زين يعني لو قلتلك ييبلي جيب لكسز بتييبه لي ؟
حمد : واييبلج ابوه بعد
فرح : ( تضحك ) و منو ابوه ؟
حمد : مادري امه الله يستر عليها ما كانت خوش وحده فما عرفنا ابوه للحين
فرح : ( تضحك )
حمد : فدييت هالضحكة
فرح : ( اسكتت )
حمد : فروح
فرح : هلا
حمد : عمري جم مره اعلـّم فيج ؟ اذا قلت فروح قولي عيونها أو قولي قلبها عطيني جذي كلام هيجي مشاعري
فرح : ....
حمد : بس اشرايج بكلمة هيجي مو حلوه ؟ تره تعبت عليها
فرح : ( تضحك ) بلى اعجبتني
حمد : والله انتي اللي عجبتيني وفريتي مخي فر .. تدرين فروح ؟؟ والله ماقمت اطلع باللمبرجيني كله ياخذونها الربع والسبة اني ما احركها .. صاير ماحب اروح معاهم واتمشى عالبحر
فرح : ليش ؟
حمد : بعد خلاص رحت ولقيت اللي ابيه
فرح : شنو يعني ؟
حمد : يعني لقيتج انتي .. خلاص بعد ليش اروح اهناك
فرح : تتمشى عادي ولا يعني لازم اذا رحت اهناك تشوف بنات
حمد : عسى تنعمي عيني قبل لا افكر اشوف فيها غيرج .. فروح والله احبج
فرح : ....
حمد : وانتي ؟ ماحبيتيني ؟
فرح : ( مستحية ) مادري
-----

- غرفة ندى -
( ندى منسدحة تطالع تلفونها وتفكر بفرح )

ندى : ( بقلبها ) انا قسيت عليها ودي ادق و اراضيها .. بس انا هم زعلانة اهي ليش ماحست فيني ؟؟

--

- عند فرح –

حمد : من سوالفج عنها عرفت نوعيتها هالبنت .. خلي ندى تبعد عنها احسن
فرح : والله حاولت فيها وايد ماكو فايدة تقول رفيجتي ومالي شغل بسوالفها
حمد : اوكي ندى كيفها انا مالي شغل فيها .. بس شوفي يا فرح طلعة فيها دلال ماتطلعينها ماشي ؟
فرح : والله ماقدر امي موصيتني عليها ماترضى اخليها بروحها
حمد : شنو يعني ؟؟ وبعدين عفوا بس امج شكو ؟ و اهي ياهل عشان ماتخلينها بروحها ؟
فرح : ( توهقت وبنفس الوقت دشت ندى خط ثاني ) حمد ندى قاعدة تدق
حمد : اوكي حبيبتي ردي عليها .. اكيد بتكلمج عن اللي صار بينكم
فرح : اوكي
حمد : وبعدها على طول نامي.. وانا بعد بنام و قعديني اول ماتقومين
فرح : اوكي نوم العوافي مع السلامه
حمد : مع السلامه حبيبتي

- ردت على ندى –

فرح : هلا ندى
ندى : اشغلتج عن شي ؟
فرح : لالا ماعندي شي كنت بنام الحين
ندى : انا كنت احاول انام بس ماقدرت
فرح : ( ساكته )
ندى : فروح انتي زعلانه مني صح ؟
فرح : شوي
ندى : ادري ان تصرفي بايخ بس مادري اشفيني
فرح : اسامحج على شرط
ندى : شنو
فرح : تعالي بيتنا
ندى : فروح انتي تدريـ
فرح : مابي اسمع كلام زيادة بتيين بيتنا اسامحج ما تيين خلاص كيفج تحملي زعلي
ندى : متى ؟
فرح : اذا قمنا من النوم
ندى : خالتي بتكون موجودة ؟
فرح : ندى خلاص عاد .. بنام الحين وبقوم القاج عندي
ندى : اوكي باي
فرح : باي
---

- بعد ما قاموا من النوم راحت ندى بيت فرح وكان قلبها يدق بسرعه .. لأن اخر مرة شافت فيها امها الصجيه فاطمة .. كانت قبل لا يدامون بشهر يعني ماراحت لها تقريبا 4 أشهر –

( ندى توها دشت البيت .. لقت فاطمة قاعدة بالصالة بروحها مبين انها ناطرتها )

فاطمة : ( قامت اوقفت ) هلا ندى هلا يمه
ندى : ( راحت تسلم عليها ) هلا خالتي اشلونج
فاطمة : ( باست خدها ولمتها ) هلا يا عمري هلا حبيبتي اشلونج يمه ؟
ندى : الحمدلله
فاطمة : ( امسكت ايد ندى ) قعدي شوي .. الحين بخليج تروحين حق فرح
ندى : ( اقعدت واهي ساكته )
فاطمة : ( تنعم على شعر ندى ) اشلونج مع الدوام ؟
ندى : الحمدلله
فاطمة : سولفيلي
ندى : ( فيها بجية ) ميخالف وقت ثاني ان شاءالله الحين لازم اروح حق فرح
فاطمة : ( امسكت ايد ندى و اقعدت تبجي ) خلاص حبيبتي انا كبرت ومحد ضامن عمره مابي اموت و انتي زعلانه .. يمه انا سويت اللي سويته عشان مصلحتج انتي
ندى : ( منزله راسها وعيونها غورقت )
فاطمة : الله يخليج كلميني لا تسكتين
ندى : ( طالعت فاطمة وادموعها انزلت ) تبيني اقول سامحتج .. اوكي انا سامحتج .. والحين شنو صار ؟ ردت السنين لي ورى ؟؟ حسيت بلمة الخوات حوالي ؟؟ حسيت ان ابوي و امي مافرقو بيني وبين أي واحد من اعيالهم ؟
فاطمة : لا تقولين جذي والله قلبي قاعد يتقطع
ندى : وانا ؟؟ مافكرتي بقلبي شقاعد يصير فيه ؟؟ ( قامت بسرعه اطلعت بره البيت )
فاطمة : ( قامت ) ندى يمه تعالي لحظة

- يت فرح لقت امها قاعدة عالغنفة وتبجي –

فرح : ( لمت امها ) خلاص يمه الله يخليج لا تبجين
---

- بنفس هالوقت أمل حست بتعب ودقت على سامي ياخذها المستشفى .. راحوا وسوولها الفحوصات اللازمة –
( عند الدكتورة )

الدكتورة : ( تبتسم وتطالع أمل وسامي ) مبروك انتي حامل
أمل : ( تطالع سامي مو مستوعبة اللي اسمعته ) سامي اهي ماتدري اني ( اسكتت وطالعت الدكتورة )
سامي : عفوا دكتورة بس اكيد في غلط .. احنا صارلنا 30 سنة متزوجين وكنا نعالج والأطباء قالو ان مرتي مافيها عيال
الدكتورة : التحاليل أكدت ان المدام حامل .. بس عشان نتأكد كلنا تفضلي خل افحص عالجنين
أمل : ( بصوت عالي ) انتي شقاعدة تقولين .. انا مافيني اعيال دورتي شهر اتييني و عشرة لأ .. ماعندي الا بويضات قليلة حيل وضعيفة .. سامي قولها
سامي : ( مسك ايدها ) أمل شوي اهدي
الدكتورة : اوكي انتي اشراح تخسرين قومي معاي خل افحص عليج
سامي : حبيبتي قومي معاها

( أمل والدكتورة قامو بيروحون ورى الستارة )

أمل : تعال معاي
سامي : اوكي ( قام معاها )

- اقعدت الدكتورة تفحص عليها وتطالع الجهاز –

الدكتورة : ( ابتسمت و أشرت عالشاشة ) شوفو كا هذا الجنين .. وعمره الحين حوالي 3 أشهر
أمل : ( ماسكة ايد سامي حيل وتحس قلبها بيوقف )
سامي : دكتورة انتي متأكدة ؟؟
الدكتورة : لحظة .. سمعوا .. هذي دقات قلبة
أمل : ( اقعدت تبجي ) اشلوون ؟؟ اشلوون حامل ؟؟ دكتورة انا عمري 47 .. وكل هالسنين ماحملت معقولة الحين اكون حامل!!!
الدكتورة : مافي شي بعيد عن الله .. اذا اراد شيئا فإنما يقول له كن فيكون .. وكاهو الجنين شوفيه ( تأشر عالشاشة )
سامي : ( ماسك ايد امل وباس راسها ودموعه تنزل ) الحمدلله الف حمدلله
أمل : ( لمت سامي واهي ميته بجي ) الحمدلله والشكر لك يارب
الدكتورة : ( وخرت الجهاز وغطت بطنها ) تفضلو معاي

- راحو اقعدو عالمكتب .. و أمل للحين تبجي وسامي ماسك ايدها –

الدكتورة : انا راح اوصيج على وايد شغلات واكتبلج على كذا دوا .. واهم شي الراحه التااامة
أمل : ( بس تبجي واهي حاطه ايدها على بطنها )
سامي : ( عيونه فيها دموع ) ان شاءالله كل اللي بتوصينها عليه راح يصير
---
بنااات انا نزلته هالحزه لأني سهرانه وحييل دخت ومابي انام واحاتيكم اخاف ما اقوم عالموعد :weight_lift:
الى اللقاء مع ردودكم الحلوه

نوم العوافي انا



______________________


----


// ما أحلل أي أحد ينقل رواياتي ومايذكر اسمي ReRez //
---
ادعوووولي أتوظف وربي يشافي امي وابوي ويوفقني انا وخواتي وأهلي اجمعييييييين ياااارب

 

[~RouNa~]

@@

@@

@@

@@

اشلووووووووووووووووووووووووووووووون

@@

@@

لي الحين مصدومة !!!!!!!

اذا ولدت امل لا تتغير على ندى ! وتفرق بينها و بين بيبيها الصجي !

حرام والله ندى بعدين يصير فيها شي

ريري , نوم العوافي ان شاءالله :*

 

[cute princess]

حده يشوق البارت :$
والله يعينهم على ردة فعل ندى :\
كافي متضايقه من فرح والحين امها حامل :\ بتحس انه الكل ما يبيها :\ حرام كسرت خاطري :\
وحمد انا ليلحين حابته :eh_s(21): لوول متى ناويه تكرهيني فيه ؟ :eh_s(2):

 

[sweet_girl96]

,

حبيبتي تسلم ايدج ما تقصرين ونووم العواافي ان شاءالله

حمد ماادرب احسسه طيب وحبوب :$

اما دلالو لحد يييب طااريها غااثنتني وييع الله يغثهاا ولا السميه :rgewrg:>> يامعوده اعصاابج لا بنط لج عرج هههههههه

نااطرين البارت الياآآي

~

 

[ReRez]

يا حلويين لا تنسون ارقام البارتات فديتكم اذا راح الموضوع صفحة يديدة حطوهم ومشكوورين


1-7-11-15-19-25

 

[spongebob93]

ammby al.paaart 3jeeeeb 7adda yshaweQ .., :eh_s(2): 7arram nada takser al5aa6er
:0bee2e8d89:
mmm @@ 9damny 7amel amal .., no comment !!! .., waiting

 

[MeeMeeYoo_2]

انشالله ما يتغيرون على ندى

اهما مربينها من ولادتها ماعتقد يتغيرون

يعطيج الف الف الف عافيه حبيبتي

نوم العوافي

 

[DALLY]

اولا ثانكس عالبارت ريرررريز

ثانيا تعليقي عالشخصيات كالعاده

فاطمه:عيشتها بلاء من الله وصبرها طاعه ورضا واللي سووته بحق ندى ف لحظة ضعف ويأس ماتنلام
مشعل:هو السبب بسوء تصرفاته مع زوجته وبناته

امل وسامي:خوش زوجين الله يوفقهم حطوا ندى بعيونهم بس الخافي اعظم خصوصا ان امل الحين حامل وولد منهم اثنينهم غير عن من غيرهم <<<<خوش تعبير
اللي يعجبني ان صبر على مرته لا فكر يعرس عليها ولا فكر يطلقها


ندى:ونعم البنت ويحق لها تحس بالظلم بس خ تحط ف بالها ان ابوها الحقيقي هو السبب وان امها مالها ذنب غير انها ماكانت تقدر تتحمل مصاريفها ولا حبت تظلمها بالحياه اللي هم عايشينها واتوقع ماردها بتلتمس لها الاعذار وبترضا لان وضعها طبيعي ماتنلام واكيد ودها لو ان خواتها كانوا قراب منها اتوقع السبب ان امل مافهمت بنتها انها مو امها الحقيقيه من البدايه ولا زرعت ف داخلها ان امها فاطمه وان لازم تحبها وماتقطعها عشان تكون اكوا خطوه من فاطمه انها تقرب بناتها من ندى وبنفس الوقت مايحسون ان ندى ف مستوى مادي احسن منهم


فرح:طارت بعشقها ونست اختها اللي محتاجتها ف كل دقيقه اما صاحبها فأنا متفائله من صوبه بنسبة 70%والله الاعلم ناطرين منج الاحداث

دلال:عادي وايد مثلها والله يستر عليهم وهالشي ناتج من سوء تربيه بس مايعني ان محد يرافجها خو على نفسها وف النهايه الرفيجه السنعه ماتمشي ورا رفيجتها ف السوء يعني يا ف الصح والا بلاش كل وحده عندها عقل

وييييييتيييينغ

 

[رفيف الورد]

تسلمين يا غلاتي ريري عالبارت ونوم الصحه والعافيه بقلبج وبحياتج يا عمري يا تاج المحبه بقلوب أحبابها

حمد شكله طيب وفرح خذت قلبه وندى ما عندها سالفه تغار من فرح لأن إهبا من البدايه ما كانت تميل حق حمد كانت تطنشه

وما ينلام حمد طيب القلب وحمد شكله غالي ومن غلاه الكل يحبه لدرجه إن ربعه ما يقدرون يبتعدون عنه

ودلووول ويييع وييييييع ما نبيها الله يستر عليها

والغيره راح تصير عند ندى وتكره خالتها أمل لأنها راح إتييب لها ضنا ويحل مكانها

خوفي إن حمد يتخلى عن فرح بس لالالا يسويها ويبتعد عنها ترا نعلن الحرب ضد حمد عاد يا حمد ديربالك

 

[مياسين الحب]

تشوق مره روعه
ومبروك ل أمل