روايتي الثالثة (( يا دنيا ارحميني )) .. قصة واقعية .. ReRez

[jtbnmk]

كاسره خاطري هل ندي
والله حرام اهيانسانه طبيعيه ليش احنه البشر جذي
وخل تعطي فرصه حق احمد يمكن تعلق فيها وينسى موضوع المرض
والاغنيه بصراحه روعه مالت يوسف العماني طول ما انا اكتب وانا اسمعها مؤثره يعطيج العافيه حبيبتي

 

[readflawer]

احييج على كتاباتك الرائعه

كنت اتابعج بصمت وانا وايد معجبه بطرحج الراقي

:eh_s(9)::eh_s(9)::eh_s(9):

بانتظارج :eh_s(17):

 

[baby johnson]

اخيييييييييييييييه حراام ندى حبييبتي
واحمد الله يهدييه
وفرررح مسكييينه ان شاءالله تولد بالسلامه ويرجع حمد وامه بالسلامه ياااااااارب
ومشاعل اوووووووف غثا غثا الحموات

 

[لن ننساك]

الله يعطييج العاافيه عاى البارتااااات روووووووووووعه مثل ساحبتها ما شاء الله لا اله الا الله


بااطه جبدي مشااعل دعله مليييقه ---- و----- و-------

امبي فصلت هههههههه


ان شاء الله احمد يرجع حق ندى
بس سؤال ما عندج نسخه ثانيه من احمد اذا لقيتي سوي قصه عني وعنه لووووووووووووول

اثبت اني صج فااصله


المهم الله يعطييج العافيه واخذي رااحتج بالكتااابه وما علييج من كلام البنات ابدا ما يخلص
عاد تدرين لين خلصتي القصه بقولون لج بس هذي القصه مو جنها قصيره ههههههه لا تلقينهم ويهه اصلا مره ثانيه بس حطي عنوان قصتج
والي متابعينج وما ياذونج دزي البارتات بالخااااص ههههههه

 

[ba6re8a]

waaaaaaaaaaaiting

 

[sweety_love2]

ناطرينج دوووووم مو يوم

 

[حور^_^]

الذين تشاهدون محتوى الموضوع الآن : 56 ( العضوات 15 والزائرات 41)
‏حور^_^, ‏şάяσή91, ‏7sawya 3sal, ‏أبيار علي ~, ‏ام بوني ونوشه, ‏cute princess, ‏انا ام حبيبتي, ‏DanDoona, ‏n7laa, ‏NaB'9 QaLBi, ‏opera, ‏Queen66, ‏R&R_83, ‏sweety_love2, ‏عثمان حبي

ناطرييييييييييييييييييين

 

[شيخهـ ..~!]

waiting ......

 

[naaanaa]

يارررررررررررررررررررب تشااافي ندى حيااااتي وربي معوره قلبي

 

[am_kshaa]

ثانكيو على البارت وايد حلو
واحمد كسر خاطرى وباط جبدى بنفس الوقت
وندى المفروض تكلمه وتشوف شنو يبى
وعندى سوال ليش عبير تحب فرح ومشاعل تكرهاا؟

 

[shayomi]

متى البارت الياي

 

[Danya =)]

مسكيينه ندى تكسر الخاطر

واكيد احمد وخر عنها من أثر الصدمه !

بس شكله يحبها ويبيها

ان شاء الله تعطيه فرصه ثانيه ..

تسلميين حياتي ريريز عالباارت

يعطيج ربي الف عافيه

 

[NaB'9 QaLBi]

wait wait
chny sma3t ench tben t5t9ren alqe9a
n3am !!! sh7ga !! laish !! ma amdana ndmej tben t5t9ren
laaaaaaaaaa o alf laaaaaa
Maaaa Raaaaaaa7 asm7lch ;@

etha ehma ma ybon yn6ron la yn6ron tra klish ma a7ad jbrhm ygron alqe9a 5al yn6ronha lma tkmel o ygronha
tra walla e7na na6ren o mo ga3den nt-thmer l2n e7na basher o kil wa7ed fena ymer ib '9rof y3ni etha e7na ma gdrna '9rfch mnu bgder
wallla ana sha59yen ash3er blestmta3 o ana agra alpart b3den y5le9 3nd 7dath mhm 3ad ander bacher bfare'3 al9ber walla y9er feeh tshweg

B3Den shnu e3tzalt al'3raam
laa 7bebty ma t3tzlen taw alnas
al7en katba mbd3a nafsk tgol b3tzel sh5lety 7ag albachii
No ReRez l tz3len mnch
plz plz keep going
o La tnsen hal 3bara

لا ترمى بالحجارة إلا الشجرة المثمرة

 

[so_what]

مادري ليش قلبي ناغزني من سفره حمد ، وان شاء حظ ندى بتعدل و تبتسم لها الدنيا ومشكووره على البارت

 

[إيمي1987]

يعطييييييييييييج العاافية ابدعتي وربي ما تقصرين ناطرينج

 

[MC ANFAL]

الذين تشاهدون محتوى الموضوع الآن : 41 ( العضوات 9 والزائرات 32)
‏MC ANFAL, ‏AL-nAyFa, ‏cute princess, ‏بنت عز وما تنهز, ‏Queen66, ‏sweet barbi, ‏sweety_love2, ‏عثمان حبي


اللهم زيد و بارك

 

[7sawya 3sal]

waaay 7bebte hal nda alla y3enha o yeshafeha bs madre laish 7asa ena a7mjd bya5th nda o ye7bha

 

[ReRez]

- 20 / اشتقت لك -

- مرت الأيام .. دشت فرح بداية الشهر التاسع .. يعني حمد صارله غايب قريب الثلاث اشهر .. والدوام صارله شهر بادي بس فرح وقفت قيدها لأنها بدت تتعب ووراها ولادة .. اما ندى فهي للحين على رايها ماتبي تتزوج .. شالت الفكرة من راسها .. وأحمد ما يسأل وايد يعني بالاسبوعين مره -

- بالليل ندى كانت نايمه رن تلفونها جان ترفعه من غير لا تشوف الرقم –

ندى : الو
أحمد : زين رديتي علي
ندى : ( استوعبت ) أحمد ؟
أحمد : ادري انج رديتي من غير لا تشوفين الرقم .. بس احلفج ماتسكرينه
ندى : خلاص احمد روح الله يوفقك .. وتره العيب مو منك انا مابي اكلم
أحمد : ندى افهميني انا انصدمت .. والله ماتوقعت انج خاشة عني سر قوي مثل هذا
ندى : شوف أحمد .. انا وحدة خلاص صرفت نظر عنك وعن كل الشباب .. ولا ابي اتزوج
أحمد : اوكي انا بعد متفق معاج انا هم مابي اتزوج .. بس ليش ماتكلميني
ندى : ( لاعت جبدها منه ) انت اشفيك ؟ ليش اتكلمني اذا ماتبي تتزوج يعني ؟
أحمد : انا مقدر شعورج الحين .. و بخليج ترتاحين بس تره انتي غالية علي ومابي اكلم الا انتي
ندى : والله هذا شي راجعلك .. الحين بكمل نومتي مع السلامة
أحمد : راح ادق عليج وقت ثاني يمكن تكونين رايقة اكثر
ندى : لا تدق
أحمد : اشوفج على خير .. باي
ندى : ( سكرت التلفون وفيها بجية واقعدت تتذكر كلام الدكتور )

الدكتور : لازم اكون صريح معاج فترة الحمل راح تزيد النوبات .. وممكن يكون الجنين حامل للمرض

(ندى اطردت الافكار من مخها و ادفنت راسها بالمخدة ودموعها تنزل واقعدت تقرى آية الكرسي و المعوذات لين ردت نامت )
---

- اليوم الثاني الساعه 9 الصبح .. فرح متمللة و موقادرة ترد تنام جان تنزل تحت –
( واهي عالدري اسمعت صوت أحمد طالع من غرفته )

أحمد : ( يتكلم بالتلفون ) وانتي ليش مو مقعدتني مبجر ؟؟ زين جذي الحين بروح متأخر بسبتج .. لو نايمه اعذرج بس قاعدة ومداومة وهم ناسيتني .. لا تقولين حبيبي لو كنت حبيبج جان ماخليتيني انام لي .... ( صوته بدى يبتعد لين طلع من البيت )
فرح : ( تمت واقفة عالدري منصدمة بعدين ردت اصعدت شقتها و انسدحت تفكر )
فرح : الله يعوضج يا ندى
---

- المغرب .. بالصالة .. قاعدين هدى ومشاعل و عبير و فرح –

فرح : ( تكلم نوره بالتلفون ) اي عادي هذي نساة .. من صجج انا يننت حمد مسكين .... ( تمت تسولف مع نوره مدة طويله وبعدها سكرت التلفون )

هدى : ( تطالعها بنظره ) اقول فرح
فرح : هلا
هدى : عفوا بس يعني لي متى ما تلبسين جناط ماركات ؟
مشاعل : ( تبتسم وتطالع فرح )
فرح : عادي أي جنطه تعجبني اخذها
هدى : لا حبيبتي بما انج حرم حمد ال... ضروري تلبسين ماركات .. وصراحة فشلتينا باستقبال احلام كان لبسج مو ذاك الزود
- احلام وحده تصير حق حمد من بعيد –

فرح : ( تضايقت حيل ) بالعكس انا شايفه ان لبسي كان حلو
هدى : يا ماما الحلو غير والراقي غير .. لازم تلبسين شي يليق فينا وتنسين حياتج الأولية وانتي في بيت اهلج
فرح : مابي انسى .. و مابي اتعود على سخافاتكم
مشاعل : ( تضحك ) سخافات ؟؟ الحين اتسمين الكشخة والماركات والرزة سخافات ؟
عبير : بنات خلاص عاد
فرح : اي اسميها سخافات
هدى : ( حطت ريل على ريل ) وانا اسمي اللي انتي فيه تخلـّف

- دش أحمد –

أحمد : السلام عليكم
الكل : وعليكم السلام
أحمد : ( قعد يم هدى ) ها وين عيالج ؟
هدى : نايمين
أحمد : يحليلهم

- رن تلفون فرح وكانت اللي داقة ندى –

فرح : ( قامت اصعدت فوق من غير لا تقول أي شي )
أحمد : ( طالعها بعدين قام دش غرفته )
هدى : ليش ماردت جدامنا ؟
مشاعل : تره هذي مو اول مره .. من سافر حمد واهي كل مايرن تلفونها تصعد فوق
هدى : تهقين تكلم ؟؟
مشاعل : مادري بس اتوقع تسويها
هدى : يا بعد عمري حمد مايستاهلها والله
---

- فوق بغرفة فرح –

فرح : ندى لاعت جبدي من هالثنتين .. خلاص ماني قادرة اتحملهم
ندى : اهدي بس لا تولدين علينا
فرح : على طاري الولادة والله متضايقه حييل فوق ما تتصورين اشلون راح اولد واهو مو موجود ؟
ندى : عادي فرح هذي امه اكيد ماراح يخليها و يرجع
فرح : و ليش مايروح أحمد شنو مو ولدها اهو بعد ؟
ندى : ( تضايقت من اسمعة اسمه )
فرح : وانتي ليش ساكته تحبينه يعني ؟
ندى : أمس كلمته
فرح : شنو ؟؟
ندى : ماكنت مستوعبة قعدني من النوم و رديت من غير لا اشوف الرقم
فرح : واشقال ؟
ندى : يبيني ارد اكلمه
فرح : خيولي لو يموت لا تردين عليه
ندى : ليش ؟
فرح : اليوم الصبح سمعته يكلم وحده
ندى : اها .. الله يهنيه معاها
فرح : ندوي انا ماقلت هالشي عشان تتضايقين .. بس ابيج تدرين ان الدنيا فيها وايد رياييل احسن من هالأحمد
ندى : ومنو قالج ان دنيتي واقفه عليه .. انا مابي اكلمه ولا ابي شي لا منه ولا حتى من غيره
فرح : زين ندى اكلمج بعدين حمد قاعد يدق
ندى : اوكي مع السلامه
----

- عند ندى –
( ندى سكرت التلفون من فرح واهي تبتسم )

ندى : يحليلك أحمد .. داق علي و اتقولي ابيج و طلعت تكلم ؟؟ .. يللا الله يوفقك

(حطت التلفون يمها و حست انها شوي وتنفجر ودها لو كانت حياتها غير .. استغفرت و بطلت اللاب توب اقعدت تتدرب على تمارين البرمجة .. صج ان مالها خلق هالمادة بس ماكان عندها أي شي تسويه و تبي تشغل نفسها بأي شي عشان لا تفكر )
----

فرح : ( تكلم حمد بالتلفون ) نومه في بيت اهلي ماتخليني الا بالعطل .. و انا خلاص ماني قادرة اتحمل خواتك اذبحوني مناشبيني على كل شي
حمد : لأنهم يحاسبونج على طلعاتج ورداتج صارو مناشبينج ؟؟
فرح : ليش تكلمني جذي ؟
حمد : خلاص فرح انا الحين مشغول بروح اشوف امي
فرح : ( تبجي ) بس عاد خلاص حرام عليك هم احنا لنا حق مو بس امك
حمد : اللهم طولج يا روح
فرح : حمد انا اشتقت لك حيل و احس اني راح اولد هاليومين متى ترد .. لهالدرجة ما ولهت علينا ؟؟
حمد : ( بعصبية ) يا فرح هذي امي .. لا تخيريني بينج وبينها
فرح : آنا ماخيرتك .. بس ارجع خل احمد ياخذ مكانك
حمد : أحمد توه متوظف مايقدر ياخذ مكاني .. وبعدين اهو مو قد المسؤولية وما اقدر اخليه اهني مايعرف شيسوي معاها.. جم مره اشرحلج
فرح : بس اهو مو ياهل وبعدين الشهر اللي طاف كان عندكم يعني يقدر ياخذ مكانك اهي امه بعد مو بس امك بروحك
حمد : ( يصرخ ) خلاص فكيني تعبت من حنتج كل يوم .. قلتلج هذي امي .. وحالتها كل ماله وتصير أسوء فهمي عاد وعن الدلع .. وبس مابي اسمع حجي زيادة ( سكره بويهها )
فرح : ( قطت تلفونها عالارض واقعدت تبجي )
---

- بعد اسبوع ( كلية الهندسة ) –
(مثل ماقلنا فرح وقفت قيدها هالكورس معنـّى اهو آخر كورس لها )

- ندى كانت تتمشى بالكلية بروحها فجأة اوقفت مو مصدقة عينها .. كانت جدامها ( دلال ) ومبين انها ضعفانه وايد .. و شعرها مسويته ذيل حصان .. عقب ماكان دايما كيرلي –

ندى : ( منصدمه تطالعها )
دلال : ( اوقفت جدامها ) ندى ...
ندى : ( ارفعت ايدها – جنها تقول خليني بحالي – وكملت طريجها )
دلال : ( امسكتها ) لحظة ندى خل اكلمج
ندى : ( اسحبت ايدها ) مابي اسمع شي وخري عني
دلال : ( اوقفت جدامها ) والله ماراح اخليج الا اذا سمعتيني
ندى : مابي اسمع شي منج كافي اللي ياني بسبتج
دلال : ندى والله اني ماقلت أي شي عنج
ندى : ( ساكته )
دلال : امشي نقعد بالسيارة واقولج كل اللي صار
ندى : مابي اعرف شي ومابي صداقتج
دلال : الله يخليج عطيني فرصة بس اقولج اللي صار وبعدها خليني
ندى : ( طالعتها مدة ) اوكي امشي السيارة
----

- بنفس هالوقت -

( فرح قاعده تتمشى بشقتها واهي تحس بألم خفيف و فجأة طاح ماي الياهل بالصالة عالرخام .. اوقفت مكانها خايفة و موعارفة شتسوي .. راحت غرفتها بتاخذ تلفونها والماي للحين يصب منها .. اول مره تشوف جذي ماي غزير .. اللي تعرفة ان الماي يصب شوي و يوقف .. بس مايها كان ينزل واهي تمشي )

فرح : ( امسكت تلفونها دقت على امها بس ماردت عليها )

- حست فجأة بألم قوي خذت تلفونها و اطلعت من غرفتها ارجعت الصالة جان تزلق بسبة الماي اللي طاح منها .. بس اشوه قبل لا تطيح امسكت بالغنفة –

فرح : ( بجت من الخوف .. وردت دقت على امها .. بعد خامس رنة ردت عليها )
فاطمة : الو هلا فرح
فرح : ( تبجي ) يمه ليش مارديتي علي .. نزل مني ماي وايد و موراضي يوقف للحين قاعد ينزل
فاطمة : اسم الله عليج .. قلتلج نامي عندي دام ريلج مو موجود
فرح : يمه اقولج للحين مو راضي يوقف ليش للحين ينزل ؟
فاطمة : اهدي يمه الماي عندج وايد وهذا شي عادي يمه لا تخافين .. مافي احد عندج يوصلج المستشفى ؟
فرح : ( تبجي ) مادري يمكن كلهم بالدوام الحين
فاطمة : زين اهدي حبيبتي .. الحين امر عليج نطريني
فرح : اوكي بسرعة ( سكرت التلفون بس ماقدرت تنطر اكثر كانت تحس بألم قوي .. البست عباية و ملفع و اطلعت من شقتها )

فرح : ( تنادي ) في احد اهني ؟؟

- انزلت شوي شوي من الدري واهي تبجي وتنادي –

فرح : أحمد .. مشاعل .. أي احد الله يخليكم
أحمد : ( طلع من غرفته و اهو بالدشداشة .. شكله توه راد من الدوام ) اشفيج ؟
فرح : ( منحرجة منه لأن الماي قاعد ينزل منها عالارض بس عالخفيف مثل ال... ) تعبانة ودني الطبيب
أحمد : ( راح يمها مسكها واهو مرتبك ) وين امج انا ماعرف واذا ولدتي بالسيارة شسوي ؟
فرح : ماراح اولد بس عفية ودني الماي كله طاح
أحمد : ( يأشر عالارض ) هذا ماي ؟
فرح : ( تصرخ ) اسكت و ودني السيارة
أحمد : اوكي بسم الله ( ركبها السيارة ومشى )
فرح : دق على حمد
أحمد : اشفيج الله يهداج نطري ان شاءالله تولدين بالسلامة بعدين نكلمه
فرح : ( واهي متألمة ) ابي حمد
أحمد : خلاص فرح لا تربكيني اكثر سكتي شوي
فرح : زين دق على امي قولها اتروح المستشفى
أحمد : ( مسك تلفونه ) جم رقمها ؟
فرح : ( نقلته الرقم )
أحمد : ( دق عليها ) الو .. خالتي ام فرح ؟ انا احمد ... اي انا ماخذها سبقينا اهناك .. مع السلامة
فرح : ( تتألم ) ها وين صارت ؟
أحمد : بالطريج لا تحاتين
فرح : ( تنفخ ) كل شي يعورني بمووت خلاص
أحمد : ( خاف ) فرح عفية لا تولدين اهني كاني وصلت صبري ثواني بس
فرح : ( بجت واهي تتألم ) ماقدر برجـّع
أحمد : لا عفية كاني دشيت المسافط
فرح : ( ماقدرت تنطر اكثر و رجعت بسيارته مكان الدواسات )
أحمد : ( بطل الدرايش واهو حيل معصب بس ماقال شي و صلها عند باب المستشفى وطق هرن يو خذوها من السيارة ودخلوها داخل )
---

- مسافط الكلية –

دلال : والله ياندى مايبت طاريج .. بس كان فيني نزيف و ماقدرت اتحمل رحت حق امي و قلتلها اني غلطت وابيها توديني المستشفى .. و طقتني وايد و انا كنت انزف فطحت غشيانه .. و عقب ماخلصنا من دوامة المستشفى كانت تصرخ ويابت طاريج .. قالت انتي السبب .. وقالت راح تفضحج بس انا مارضيت قلت لها انتي مالج شغل .. واني عرفته بروحي بس ماكانت راضية تسمع
ندى : ( ساكته )
دلال : والله يا ندى اني حاولت ادق عليج احذرج بس جهازج كله مسكر ماقدرت اكلمج
ندى : تدرين اشسوت فيني امج ؟ بسبتها دشيت المستشفى بغيبوبه
دلال : والله ماقصدت ادخلج بالموضوع كلش آسفه سامحيني
ندى : ( اسكتت )
دلال : ندى عفية سامحيني والله ماكنت قاصده
ندى : و اشصار عليج بعد مادرت امج ؟ قالت حق ابوج و اخوج ؟
دلال : لا ماقالتلهم .. تدرين ابوي لاهي مع مرته .. من طلق امي واهو مايسأل .. و اخوي مسافر يدرس صارله 3 سنين .. ( اسكتت مده ) بس هم ما اسكتت و سوت شي ثاني
ندى : اشسوت ؟

( يتبع ) ,,,

تحياتي
ⓡⓔⓡⓔⓩ

 

[المستبــده]

لا لا لااااااااااا

ريري ليش وقفتي
اتووقع زوجتهاا اي واحد اسمه ريال والسلام

بس صج قصتج اتهبل عقب ما قريت قصه ثانيه حسيت بقيمة قصتج عدل

فديتج والله

 

[beauty.n]

قووة rerez
شلونج شخبارج

صرااحه البارات اينن و احب اعلق على بعض الاشياء
فرح << قاثتني بس ماادري ليش احس جنها ياهل يعني تدري انه حمد امه تعبانه حييل و مريضه يعني جنها قعا تفرق ماادري
و ندوووي حياتي و الله انهاا كاسره خاطري و هذي دلال ردت الله يستر انشالله و ما تأذيهاا و تسويلها سوالف و احمد بعد الله يهدا ليش يلعب عليها اهيا مو ناقصه
و بس وايد قرقت D;
تقبلي مروري حبي ;***
waiting =)