روايتي الثالثة (( يا دنيا ارحميني )) .. قصة واقعية .. ReRez

[إيمي1987]

يعطييييييييييج العااافية



روووووووووووووعة

 

[ReRez]

بنات انا بخلص كل شي اليوم لأن هذا كله لازم يكون بنفس البارت بس راح يصير وايد طويل
عشان جذي خليته على بارتين

الحين البارت ال30 و بعد ساعتين او 3 ساعات انزل البارت الاخير ( 31 )

تفضلو

---

- 30 / تحررت –

بعد هاليوم تمت فرح اتدق على وليد بس مرات مايرد عليها ومرات يحوله مغلق وكانت تدزله وايد مسجات بذكر بعضهم

" سامحني ماقصدت اجرحك "
" انا ادري اني غلطانه بس انا انظلمت وايد من ريلي وماكنت قاصده اظلمك معاي "
" ريلي ماخذاني الا جم شهر بعدها قطني من غير أي سبب و انا كنت ضايعه و مختنقه و ماقصدت اعلقك معاي "
" آسفه .. قولي سامحتج خلني ارتاح .. قول أي شي بس لا تسكت "

( بس ما وصلها أي ارد .. وحالتها ردت مثل أول وكله تبجي وتعبانه نفسيا )
---

- بيت أمل –

أمل : ( دشت على ندى الغرفة ) ها يمه قاعده ؟
ندى : ( منسدحة ) اي بغيتي شي ؟
أمل : فاطمة توها دقت علي تقول ان حالة فرح مو عاجبتها وكل يوم تبجي
ندى : ( اقعدت ) اي قبل شوي كلمتها .. لازم ابوي يتصرف مع حمد
أمل : مشعل مو راضي يقول لا تتطلق ومع الايام زوجها راح يردها
ندى : بس اهي ماتبيه يعني مو غصب خلاص
أمل : اي يمه بس لاتنسين ان عندهم ولد يعني حرام يضيع بين الأثنين
ندى : اهو ولد مو بنت مايضيع عادي
أمل : هالسالفه مافيها ولد أو بنت اهو ياهل وضروري امه وابوه يمه وبعدين صج يمكن يرد حق عقله ويردها
ندى : ومرته ؟ اهو خلاص تزوج يعني ليش نذبح فرح اكثر .. ماتبيه تره مولازم
أمل : الله يهدي بالها

- يالهم عبود –

عبدالله : ماما
أمل : تعال يمه
عبدالله : ( راحلها )
ندى : ( تبتسم له ) انت خايس
عبدالله : لاااء مو خايس
ندى : بلى خايس
عبدالله : لااااااا ( قعد يبجي )
أمل : ( شالت عبود وقامت ) تستانسين تبجينه
ندى : ( تضحك ) اهو على كل شي يبجي

( انطرت امها تطلع من الغرفه جان تمسك التلفون ودقت على فرح )

فرح : ( ردت عليها وصوتها متضايق ) هلا ندى
ندى : تبين تردين حق حمد ؟
فرح : طبعا لأ ليش ؟
ندى : لأني بخلي ابوي يطلقج منه وغصبن عليج خلاص عاد لاعت جبدي وانا اشوفج تبجين
فرح : ( اسكتت )
ندى : و اذا على وليد يمكن هالشي خيره لج
فرح : بس انا جرحته
ندى : خلاص انسي .. اهم شي هذا يطلقج
فرح : و اشلون على ابوي ؟
ندى : كيفه عاد بيذبحج يعني ؟
فرح : والله مادري
ندى : بخلي ابوي يتصرف وان شاءالله يقدر يسوي شي
فرح : اخاف يقول اشياء عني و عمي يصدقه
ندى : عاد صدق او لأ .. اهم شي تتطلقين ونفتك منه .. المهم عطيني رقمه بعطيه ابوي
فرح : ( نقلتها الرقم ) والله خايفه من ابوي
ندى : خليه يصرخ يمد ايده أي شي بس المهم انتي بعدين ترتاحين .. فروح معاي خط اكلمج بعدين
فرح : اوكي مع السلامه ( سكرت التلفون )
ندى : ( ردت عالخط الثاني ) الو هلا عثمان
عثمان : منو تكلمين ؟
ندى : فرح
عثمان : فرح ولا مفرح ؟؟ اعترفي
ندى : ( تضحك ) يعني مالقيت اكلم الا مفرح ؟
عثمان : اي ليش يعني مفرح ماله رب ؟
ندى : ( تضحك )
عثمان : زين صج اشصار على فرح
ندى : اليوم بكلم ابوي اخليه يكلم ريلها .. مايصير جذي معلقها
عثمان : الله يسهل عليها ويوفقها
ندى : آمين
عثمان : و يوفقنا بعد
ندى : ( ابتسمت ) هم آمين
عثمان : اشتقت حق الدوام
ندى : ويع
عثمان : افا .. والله اشتقت له عشان اشوفج كل يوم
ندى : ( تضحك ) عبالي مشتاق حق الدراسه
عثمان : لا اشفيني مينون
ندى : لا محشوم

- واقعدو يسولفون مدة لين اسمعت ندى صوت ابوها –

ندى : عثمان ابوي وصل خل اروح اكلمه عن فرح
عثمان : اوكي سلميلي عليه
ندى : ( تضحك ) اي اوكي يوصل .. باي

( سكرت التلفون وراحت تكلم ابوها )

- بعد ماكلمته وخلصت اصعدت مره ثانيه غرفتها ودقت على فرح –

ندى : الو
فرح : هلا ندى
ندى : توني كلمت ابوي وعطيته رقم حمد قال بيكلمه الحين
فرح : ( خافت ) صج ؟
ندى : اي يمكن الحين قاعد يكلمه
فرح : الله يستر .. يارب كل شي يعدي على خير
ندى : ان شاءالله لا تحاتين
فرح : لازم اسكره الحين نواف قاعد يبجي .. طمنيني أول بأول
ندى : اوكي مع السلامه
فرح : باي
---

- عند سامي–
( يكلم حمد بالتلفون )

سامي : يعني انت الحين متزوج و هادها ببيت اهلها كل هالمده .. خلاص عيل دام ماتبيها طلقها
حمد : انا مفكر اطلقها بس مو الحين
سامي : ليش يعني ؟ تعلق البنت جذي شنو ماوراها اهل ؟ ترى نقدر بكل سهولة نشتكي عليك و نخليك تطلق غصب وتعطيها حقوقها كلها بعد
حمد : اسمحلي عمي بس ماتقدرون .. مو من صالحها انها تشتكي
سامي : بعطيك مهله تفكر يا انك تردها .. او تطلقها .. اما هالحال اللي اهي فيه ماينسكت عنه
حمد : خلاص انا راح اتفاهم معاها
سامي : اي يا حمد مايصير جذي البنت بصوب وانت بصوب
---

- بعد جم ساعه وصل حق فرح مسج من حمد –

" راح اطلقج بس مثل ماقلت تتنازلين عن المؤخر "

- فرح شافت المسج حست براحه لأنها و اخيرا راح تتحرر منه .. ردت عليه –

" موافقه "
---

- بعد اقل من ساعه دق عليها عمها سامي –

سامي : الو يبه فرح ؟
فرح : هلا عمي
سامي : انتي قايله حق حمد انج راح تتنازلين عن المؤخر ؟
فرح : اي
سامي : ليش يبه ؟ المؤخر من حقج وحق ولدج
فرح : عمي اهو موراضي يطلقني وبيعلقني بس جذي وانا كلش مو مرتاحه .. خلاص مابي فلوسه بس المهم ابي اتطلق منه
سامي : يبه المحكمه راح تطلقج منه وانا راح اساعدج بس ليش تتنازلين ؟
فرح : عمي السالفه جذي راح تطول و خلاص انا ابي اتطلق بسرعه
سامي : ماتخافين من ردة فعل ابوج
فرح : عمي انت خلص مع حمد كل شي واذا تبوني اوقع على شي قولي بس مو شرط ابوي يدري
سامي : متأكده يبه ؟
فرح : اي والله متأكده
سامي : اللي تشوفينه .. مع السلامه
فرح : مع السلامه عمي

( سكرت التلفون واهي تبتسم بس انزلت من عينها دمعة ندم مو لأنها تطلقت .. لأ كانت ندمانه على اليوم اللي اعرفت فيه حمد )
---

- مرت 3 شهور .. فرح ماصارت اتدق على وليد .. ولا اهو دق عليها من ذاك اليوم .. وندى صارت على امتحانات الفاينل –

ندى : ( تتكلم بالتلفون ) شنو ؟؟
عثمان : حبيبتي والله ادري انها مفاجأة بالنسبة لج بس والله هالشي حاب ادرسه منزمان
ندى : انت منصجك ولا تتغشمر معاي ؟
عثمان : ليش عمري ؟ مو منحقي اصير طيار ؟
ندى : بلى بس فاجأتني
عثمان : والله انا ودي منزمان بس كنت متردد والحين ربعي قاعدين يسجلون و بسجل معاهم
ندى : ( مصدومه ) يعني خلاص راح تسافر ؟
عثمان : اي بدرس بالاردن
ندى : ( ساكته )
عثمان : كل عطله راح ارجع .. وماراح اخليج صدقيني
ندى : ( من القهر طلعت اللي بقلبها ) يعني انت مو ناوي تتزوج ؟
عثمان : اذا نويت والله ماراح تكون وحده غيرج .. بس حاليا انا بكمل دراستي و اذا صرت طيار ساعتها بتفتخرين فيني اكثر
ندى : ( انزلت دموعها .. أول مره تحس انها تحب .. اهي من قبل ممكن تكون تعلقت بأحمد بس ماحبته )
عثمان : ندوي ؟
ندى : ( بصوت مخنوق ) هلا
عثمان : قاعده تبجين حياتي ؟
ندى : لأ
عثمان : صدقييني على طول بينه تلفون و نت وكل شي
ندى : الله يوفقك
عثمان : يللا عاد بسمع ضحكتج
ندى : ( اضحكت غصب )
عثمان : ولو انها مصطنعه بس مقبوله منج .. باجر حق الدوام لبسي احمر
ندى : شكو
عثمان : بس جذي خاطري اشوفج بالأحمر .. بس مو تلبسين ضيج تره ازفج جدام الناس
ندى : ( للحين متضايقه ) ان شاءالله
---

- بيت فرح –
( فرح اوصلت لها اورقة طلاقها لي البيت .. طبعا المؤخر متنازله عنه .. بس في نفقه يصرفها لهم كل شهر )

فرح : ( ماسكه اورقة طلاقها وايدها ترجف و دموعها تنزل ماتوقف )
فاطمة : ( حطت ايدها على جتف فرح ) خلاص يمه الله يعوضج ان شاءالله
فرح : ( امسحت دموعها واهي تضحك ) يمه انا مو زعلانه .. بالعكس احس برااحه

- دش عليهم مشعل –

مشعل : اشفيكم ؟
فرح : ( واهي مبتسمه ) حمد طلقني
مشعل : شنووو!!!
فرح : اي يبه طلقني واخيرا طلقني
مشعل : ( يصرخ ) تقولينها وانتي مستانسه ؟
فاطمة : خلاص يا مشعل صار اللي صار ليش تصرخ
مشعل : بنتج تطلقت واتقولين ليش اصرخ ؟
فرح : يعني عيشتي قبل كانت زينه نفس الشي كنت مطلقه مع وقف التنفيذ
مشعل : بلا تفلسف وقف تنفيذ ما وقف تنفيذ .. خلصيني عطاج المؤخر ؟
فرح : ( تطالع امها )
فاطمة : ( ارتبكت لأنهم مو قايليله انها متنازله )
مشعل : اشفيكم ساكتين ؟
فرح : انا تنازلت عنه
مشعل : ( من الصدمه عطاها طراق قوي خله اذنها تطن ) تنازلتي ؟؟
فرح : ( تصرخ ) اي وكيفي هذي فلوسي
مشعل : ( رد طقها طراق ثاني ) واتقولين كيفي بعد
فاطمة : ( امسكت ايد مشعل ) خلاص خلها حرام عليك
فرح : ( اصعدت فوق بسرعه و اقفلت عليها الباب )

- بعد ما بجت وايد وطلعت كل اللي بقلبها.. امسكت تلفونها ودزت حق وليد مسج –

" وليد .. انا تطلقت .. و مابي منك شي بس ودي اسمع صوتك .. ابوي طقني لأني تنازلت عن المؤخر مايبي يفهم ان فلوس الدنيا ماتغني عن راحة بالي .. انا كنت تعبانه وايد .. توني اليوم احس بالراحه .. الله يخليك رد علي لو حتى بمسج "

- بعد ساعه دق عليها –

فرح : ( مو مصدقه عيونها ردت عليه و دموعها تنزل ) الو ؟
وليد : ( ساكت )
فرح : وليد ؟
وليد : هلا فرح
فرح : ( بجت ) ماكنت ادري اني راح اشتاقلك هالكثر
وليد : ليش خدعتيني ؟
فرح : ماكنت قاصده .. انا كنت معلقه ولا جني متزوجه ماعرفت شقولك
وليد : اتقوليلي الصج .. مو تصدميني فجأة
فرح : ( تبجي )
وليد : ليش تبجين ؟
فرح : مادري
وليد : تطلقتي اليوم ؟
فرح : اي
وليد : وليش تنازلتي عن المؤخر ؟
فرح : لأن لو عليه يعلقني لي الأبد .. و انا خلاص مليت .. مابي فلوسه ولا ابي شي منه
وليد : و اشلون على ولدج ؟
فرح : راح يتم عندي واهو ياخذه كل ويك اند
وليد : ( ساكت )
فرح : اذا ماودك تكلمني خلاص والله راح اتفهم
وليد : سولفيلي عن كل شي
فرح : اشلون يعني ؟
وليد : يعني كل شي .. من تزوجتيه لي هاليوم
فرح : اوكي
وليد : ومن غير أي تحريف او حذف
فرح : اوكي

- تمت فرح تسولفله عن كل شي حتى موقف لندن قالته له –

وليد : هذا مو ريال
فرح : ( ساكته )
وليد : لو كان ريال جان قعد وتفاهم معاج .. وهذا وانتي رايحه لي عنده جذي صد عنج
فرح : خله الله فوقه
وليد : زين بطلبج طلب
فرح : آمرني
وليد : مايامر عليج عدو .. بس ابي اشوفج
----


البارت الأخير بعد جم ساعه ينزل وتره راح يكون طويل

الدايخ ينام

الى اللقاء

 

[العروس الضايعه]

مساء الخير ريريز
سوري حبيبتي البارتات اللي طافو ماعلقت كان عندي ظروف وماقدرت اشبك بس اشوا لحقت قبل لاتخلص القصه مع ان ضايق خلقي لان اليوم الختام
صراحه البارت عوار قلب امبي الله يعين فرح ويصبرها على مصيبتها ويارب يفرج لها من هالدعله حمد قطييييعه
وندى انشاءالله عثمان يطلع خوش واحد والله يوفقها معاه يارب
بس غلطت فرح لما ماعلمت عثمان واهو بعد غلطان لما صك السماعه بدون لايعلق امبي مومتخيله ردت فعلها حياتي والله كاسره قلبي
ريريز حبي والله راح افقد ابداعاتج بالله قولي شيصبرني مااقرا لج روايه امبي ترا صج صرت ادمان انا الحين طافني يمكن بارتين وكنت احاتي الاحداث اللي طافتني بس شسوي ظروف قاهره وترا قايله لخواتي عن روايتج وبدو يقرونها وراح الزم عليهم يعلقون ولايهمج حاظرين للطيبين
تدرين انا بروح انام وراي دوام ومابي انام وانا ابجي من النهايه اخاف بعد اذا قريتها اتحطم نفسيا ومااداوم
يالله تصبحين على خير حبيبتي

 

[~{GooShTa}~]

وااااااااااااااي حمد حقييييييييير حقيييييييييير !!!! اففف و الله مو زين اشوفه جدامي !!!!

البارت عجيب يا قلبي و ناطرين النهايه على احر من الجمر اخذي راحتج و مخمخي عدل

 

[جعفريه و أفتخر]

ناطرينج بعد عمري و تسلمين على البارت

 

[sweety_love2]

اوكي حياااااااااااااااااااااااتي ناطرينج لي الصبح ناطره ناطره

 

[alMzYona]

3jeeeeeeeeeeeeeeeeeeeeeeeeeeeeeeeeeeeeeeeeeeeB
Naaa6reeeeeeeeeeench :***
Y36eeeeeeeeeeeeeeeCh al3aFyyya :*
w Bwdeeech msaaaj 7q anamliich althhbyyya 3gob akheer part

 

[NaB'9 QaLBi]

yaaaaay nice part 7daaa mshweeeg bs fara7 ksrat kha6riiii
7amad alllah ya5thek enshalla walla bda3y 3laih eb hal lail
est'3fer alllaaah
yalla 7bebty na6retch glbii m3wrnii mabi alqe9a t5le9 ;'(

 

[العروس الضايعه]

اشوا لحقت على البارت اللي قبل الاخير
الحمدلله اللي فك فروح من هالحقير وانشاءالله ربي يعوضها بوليد شكله خوش واحد وشاريها
وندى حبيبتي بعد ماتعدلت نظرتها للزواج والحب يسافر الحبيب الله يصبرها
اكمل القصه باجر وانشاءالله النهايه مفرحه من هالبارت حسيت ان الامور راح تتعدل
good night

 

[رفيف الورد]

أنا ودي أقعد أنتظر البارت النهائي بس شكلي ما راح أندمج حزتها لأن عيوني يوعانه نوم وإن شاء الله باجر الصبح أول ما أقعد على طول على روايتج وإن شاء الله تكون نهيايه متنوعه يعني لا كلها مآسي ولا كلها صدمات وتسلمين حبيبتي عالبارت يا غلاتي وبالنسبه للتعليق عالبارت باجر راح أعلق عليه وبنطلع كل اللي بقلبنا على حمد

 

[aquamarine]

وااااااااي الصرااحه بس ودي اشووووف حوووووبة فررررررح بحمد بس هذا اللي ابيه ابيه ينطق طراااااااق أبي الله يرد عليه x(

 

[قلب^الوله]

ريزييييير بقوولج شي :>
طوول اليوم كنت قاعده اقري ضاعت حياتي بلحظه وخلصتهاا :> ويوم ييت اقرى البارت تخربط مخي هههههههههههه

وبرد علي ضاعت حياتي بلحظه وابيج تشوفين ردي بس بيكون طويل حيل ف5

وننطر اخر بارت :>

 

[*الغاليه*]

يعطيج العااافيه حبي ع هالبااارت الرررروعه شووي عليه :s142:
ندى الله يسخر لها عثمان ويطلع صج يحبهاا ويبيهااا وماتكون دراسة براا هرروب منهااا وبس <<خاايفه
وفرررح مبررروك الف الف مبررروك ع الطلااااق بنسوي حفله بهالمنااسبه
الدي جي علي لووووول
والله يعوووضج بواحد ابرك منه
ومشغل ااي شي بداال لاتااخذها بحضنك امحق ابووو هذا اللي فالح فيه التكفخ والطراقااات
:eh_s(16):
:eh_s(16):
:eh_s(16):
ماااانبي النهاايه ومااااودي تخلص الرواايه
عااادي مااطلي فيهاااا والفي من عندج
يعني بيجي اليووم اللي ما اقرأ فيه هالروااايه لااااااااااااااااااااااااا
:flower:
,,,,​

 

[so_what]

:bye22:ترى صار ساعه الحين بالضبط :eh_s(3): ، ناطرينج رزرز اخذي راحتج :bye22:

 

[هاناا]

الف مبروك طلاق فرح

شفيني كأني ينيت

ابارك طلاق

المهم الحمد لله الله فرج على فرح

و الله يفرحها و يفرح ندى

سؤال الحين عثمان ما ادري عصمان على راي كيوت شكو يدرس طيران

اهو مهندس خاطره يكمل خل يدرس ماجستير

عقول شباب الكويت دايم عويه


يسلموووووووووو ريريز

 

[rwanoo]

ساعه جم الباارت.,؟

 

[اوراد العشق]

وااااااااااااااااي فروووووووح تطلقت واخيييييييييييييرا والله اني حسيت بهالاحساس اللي يكون الاهل متضايقين انها تطلقت واهي جنـــه العـــيد عندها

وريـــريــــززززـززززز طــلـــبـــتـــــج ::: نــبي النــهـــايـــه الصـــجـــيـــه بدوووووووووووون تغيييييير ودي اعرف شصار فيهم بالصج

 

[G!RLooNa]

waaaaaaaaaaaaaaay waaaaiting men glb

 

[اوراد العشق]

انا اتــوقـــع عـثــمان يتزوج نــــدي و ولـيـد يتزوج فـــرح

 

[قلب^الوله]

وييييييييييينج بتنزلين البارت اليوم والا باجر .؟؟

انتي قلتي بعد جم ساعه

صارلج 3 ساعاااااات

مممم شكلج قاعد تكتبيينه

يعطييج العافيه طلعي كل طاقتج فييه:$

ناطريييييييييييين
صااامدووووووون
بس فيني نوم خخخ