روايتي الثانية: حجـــــابي حببنــي فيـكـ بقلمي:q8ia 3z

[دبة زمانها]

بعد عمري ما قصرتي فديتج عل التعليق السنع .. :rerrerek:


منوووووره :eh_s(7)::eh_s(7):

يا حياتي انتي .. ولو جم كويتيه عندنا و هذا الواجب و كا يوفيج بعد
منور بكاتبته
احم احم اليوم ثلاثاء :$
عااشت كويتيه .. عاشت كويتيه .. عاشت كويتيه .. عاشت كويتيه ..
و لا يوقف لا يوقف لا يوقف لا يوقف ....~

 

[q8ia 3z]

روايتي الثانية : حجابي حببني فيك
للكـاتبه :q8ia 3z
الجزء : العشرون


مرت على الاحداث الي فاتت 4 شهووور ..


ساره وعبدالله عرسهم بعد يومين والكل محتاس .. خصوصا انه ساره صارت بآخر شهر ما ترد على عبدالله ومستحيه منه لانها عروس < توها تستقبل لوووول < وعبدالله متنرفز من هالشي !! على اساس انه المفروض من وجهة نظره انه يتقربون اكثر مو يبعدون ..


عند لمار وجاسم .. ام لمار رافعة قضية تطالب بحضانة بنتها .. لكن جاسم كسب القضية وقالوا انه الولي عليها جاسم لانه زوجها .. والبنت لمن تتزوج تتبع الزوج مو حضانة الام !! والي يساعد جاسم انه لمار ما تبي امها .. وعلاقتهم حيل قوية ..


عند رشا ومحمد .. طبعا رشا من ذاك اليوم واهيا تبجي كل ما تذكرت شوق على السرير تصييييييح قهر والم .. وتتحسر على عمرها .. وشلون سلمت نفسها له واهوا يلعب على عشر غيرها ... كرهت غباءها .. جرءتها .. خيانة اهلها < تو الناس ...!!!

محمد من بعدت عنه رشا .. من اخر موقف .. طلعت من الصاله وراحت لبيتهم واهوا يتألم على سرير حتى ما مرت عليه وشافته ... كاااااااااره عمره حسه ضاعت من ايده .. ضل يتصل فيها ويتصل ويدز مسجات .. بس ما ترد .. !


عند ريتاج ويوسف .. ملكوا .. وخذوا ارقام بعض بس ولا واحد اتصل في الثاني من 3 شهور .. ريتاج خايفه منه ومن مخططاته .. ويوسف كاره الزواج بكبره . وريتاج زوتها عليه بعد ... !!!


عند ريماس وعلي .. كل يوم عن الثاني تكبر اشواقهم لبعض وعلي تيغير للأحسن .. طبعا لخاطر ريماس فقط لا غير ... عنده الناس لو تحترق فستين الف داهيه الا ريماس المهم ما يصير لها شي ..

وريماس كل يوم والثاني تشتكي لريتاج عن شوقها له .. وما تصدق خبر اذا شافته وقعدت تسولف معاه سوالف حتى لو على اتفه شي .. المهم تسمع صوته .. وتحس بوجوده ..



عبدالله يطق الباب على ريماس ..
ريماس : تفضل
عبدالله : السلام عليكم
ريماس : اهلا وعليكم السلام
عبدالله بضيق راح وقعد عالسرير وتنهدت
ريماس : افا افا ... اشفيه معرسنا
عبدالله بضيق : ريماس ابوس راسج اتصلي على ساره فاقدها وربي موت
ريماس بهيام : يا ويل قلبي
عبدالله بزعل : اسم الله عليج من الويل
ريماس : ولاك انت معرررررررس لا تتضايق .. شوف كوكولوووووليش .. حتى طالع الزينه .. شكلها يونس .. وريحة البخور والناس رايحه راده .. عرررررررس عررررس .. ايووو رقص ووناسه
عبدالله : اقول اتصلي لي على ساره بسمع صوتها بس بتطمن عليها
ريماس : عبود ترى جد جد البنت مو فاضيه
عبدالله : تفضالي مالي شغل
ريماس : عبدالله لا تصير برز ..
عبدالله طالعها بنظره ..
ريماس : اسفه مو قصدي بس جد مو فاضيه
عبدالله : ليش بالله
ريماس : البنت وراها اشغالها
عبدالله : يا سلام
ريماس : اي مراويح مشاغل و صوالين وسوقه
عبدالله : شنو عاد كل يوم
ريماس : اي .. غير مشاوير النفنوف الابيض هذا بروحه سالفه
عبدالله : شدعوه عليكم
ريماس : مثلا فصت بدله لازم ترد للمحل ثاني مره عشان تسوي لها بروفه وتقاوسها عدل .. ترى جد جد مو فاضين
عبدالله : مو ذنبي انتوا الي حطيتوا على روسكم كل هالغثى ولا شزينه العرس .. نفنوف ابيض وشوية اغراض تخلصينهم بيوومين وان كثرت بأسبوع
ريماس : احلف بس .. شنو اسبوع ولاك ما يكفي
عبدالله : مشكلتكم مو مشكلتي
ريماس : عبيد لا ترفع ضغطي
عبدالله : دقي لي على ساره
ريماس : زين زين بس يمكن البنت مشغوله خن اشوفها لك
عبدالله : والله مسكبه فيني بالمره .. عفية قلب ما اشتاقت لي
ريماس : ههههههههههههه وربي انشغلت البنت انت بعد لازم تراعيها
عبداللعد : مراعيها مراعيها .. بس اتصلي
ريماس : من عيوني يا قلبي عالحب



ريماس اتصلت واول ما قالت ساره الو عبدالله ما تحمل وسحب الفون من ريماس وطلع برى ..
عبدالله بشوق : السلام عليكم
ساره بصدمه : عبدالله .. هلا وعليكم السلام
عبدالله : شلونج
ساره : زينه وانت
عبدالله : لا والله .. تسأليني عن اخباري يهمج يعني
ساره حسته زعلان : اكيد يهمني اذا عبودي ما همني منو بيهمني
عبدالله : قصي قصي علي بهالكلام
ساره: هههههههههه و من صج
عبدالله : لو ولهانه علي مثل ما تقولين جان رفعتي السماعه علي وعرفتي اخباري مو كل ما اتصلت سكبتي فيني
ساره بحيى : لاني عروسه
عبدالله ذاب : يا سلام .. عروسه توج تستقبلينوانا اقعد احترق في شوقي
ساره : ويه اسم الله عليك
عبدالله : ما ادري عنك
ساره : حبيبي اسفه بس ما يصير اكلمك
عبدالله : الا الا الا يصير ... وتراني زعلان ..
ساره : حقك علي اسفه
عبدالله : وينج
ساره : ببيتنا
عبدالله : اطلعي لي ولهت عليج
ساره بصدمه : ما يصير
عبدالله : الا الا الا وغير جذي ما ارضى .. ترى ما احضر عرسج < يستهبل
ساره : هههههههههههههههههههههههههه يدرون المعرس ما يحصلونه
عبدالله : ساره .. بتطلعين ولالا
ساره : ما اقدر عندي الصالونه
عبدالله : تنطر شوي ما راح يضرها بشي
ساره : عبود يشفيك المره وراها زباين مو بس فاضيت لي
عبدالله : لالالا شكلج تبيني احترق بشوقي
ساره : حبيبي خلاص وعد اكلمك اليوم بليل لمن اخلص من كل اشغالي .. وربي لاتغرف لك واراضيك
عبدالله : ا ياي لازم تراضيني لاني زعلان
ساره : من عيوني
عبدالله : تسلم لي عيونج .. يلا حياتي ما اعطلج
ساره : فديت قلبك تامر على شي
عبدالله : سلامت قلبج ورضاج ..
ساره : الله يسلمك ..
عبدالله : تراني بنطرج بالليل
ساره : اوكي حبيبي

 

[q8ia 3z]

عند ريماس وريتاج :
دش عبدالله .. : مشكوره رموس هاج فونج
ريماس : العفو
عبدالله لف على ريتاج السرحانه : رتوج
ريتاج لفت لعبدالله : هلا ..
عبدالله : شخبارج مع يوسف
ريتاج شوي تنحت بعدين قالت : تمام
عبدالله شك : يتصل فيج
ريتاج : اي كل يوم كل دقيقه < جذاااابه يا ريتاج @@
ريماس تطق على راسها من ورى عبدالله يعني الله يا الجذب << لووووووووول
عبدالله : وشلونه معاج .. يضايقج بشي صار بينكم شي
ريتاج : لالا ابدا ابدا
عبدالله : الله يتمم عليج بخير .. يلا عيل مع السلامه
ريتاج الله يسلمك



طلع عبدالله من الدار مني .. ريماس تكلمت مني

ريماس : الله اكبر عليج الله اكبر
ريتاج بكل هدوء : شنو شفيج شصاير
ريماس : من متى كلمتي يوسف هاه .. من متى
ريتاج : كيفي يابنت .. انا حره اجذب ولالا .. ذنبي على جنمبي
ريماس : ريتاجو يا الخبله لا ينقلب جذبج فوق راسج بعدين
ريتاج : لالالا ما عليج اتدبر اموري وقتها
ريماس : اخاف انتي د.فيل وانا ما ادري .. ؟!
ريتاج : ولين بدينا بالاستهبال البايخ
ريماس معصبه : لانه الي سويته غلط .. ما الله بجابرج تقومين تجذبين على عبدالله
ريتاج : عيل شتبيني اقوله بالله
ريماس بهدوء : ما تكلمنا مع بعض .. بكل اختصار .. ما اتصل علي .. تبيني اتصل فيه .. مستحيل
ريتاج : شنوووووووووووو من صجج انتي
ريماس : اي من صجي اتغشمر معاج انا
ريتاج : عشان يقوم يتصل على يوسف ويقوله
ريماس بلا مبالاه : واذا يعني خليه يدق
ريتاج : عشان يقول هذي ميته علي .. يخسى يحلم بس
ريماس : عيل بلغيه الحين اخاف عبدالله يسأل يوسف .. تراج ما تعرفين عبدالله .. اذا ما تأكد بنفسه ولا ما يرتاح
ريتاج منصدمه : شتبيني اقوله .. ؟
ريماس : قولي له انه انتي قلتي لعبدالله انج على اتصال معاه و اموركم تمام ..
ريتاج : لا والله !!!!!!!
ريماس : اي والله .. صدقيني لو عرف عبدالله انج تجذبين عليه ما راح يصير فيج خير .. ترى عبدالله طفارته الجذب
ريتاج بضيق : ما ابي احسسه اني قاطه وجه عليه
ريماس راح واقعدت يمها : انتي لا تقولين له شي بالعكس بيني له انه انتي ما تبينه بس بتسكتين اهلج انه اموركم تمام .. وانه ما يدق عليج ..
ريتاج : بكتب بمسج مستحيل اكلمه
ريماس : اوكي يلا
ريتاج افتحت تلفونها وقالت : بسم الله
ريماس : اووووله كل هذا خوف
ريتاج : شعبالج .. يوسف هذا .. هذا الي بغى يخطفني بالمطار
ريماس تطبطب على كتف اختها : ما عليج ما عليج .. انا يمج < !!!
ريتاج : الله لا يحرمني منج يا احلى اخت في هالدنيا ..



ريتاج دزت مسج ليوسف ..

< السلام عليكم .. شلونك يوسف .. اذا اسألك عبدالله وحب يتطمن على علاقتنا .. قول تمام .. لاني قلت له انك تكلمني دايم وامورنا تمام .. مع السلامه .. ريتاج <


ريماس : عاشت اختي عاشت رتوج
ريتاج : اعجبج افا عليج من يكون يوسف هذا ..


يوسف بالديوانيه قرى الكلام وانصدم .. يا حليلها محدده العلاقه بعد !
اتصل يوسف عليها ..
ريتاج اخترعت : وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااي رمووووووووووووووووووووس لحححححقي علاااااااااااااااااااااااااااااااااااااي
ريماس انقزت من مكانها : اشفيج شصاااير اهدي
ريتاج : الحيـ ,,, يتصل
ريماس بقوه : ردي عليه .. جعميه .. سفلي فيه .. اخذي حقج
ريتاج : هاه
ريماس : انا معاج .. بهذليه يلا
ريتاج خذت نفس : صح صح كلامج

 

[q8ia 3z]

ريتاج معصبه : نعم
يوسف .. حمدالله وشكر هذي شفيها .. بهدوء : السلام عليكم
ريتاج : وعليكم السلام .. خير
يوسف موسع صدره : شلونج ريتاج
ريتاج : زينه اخلص
يوسف هاه !! شفيها هالخبله : طقيني بعد
ريتاج خافت لانه نبرته الهاديه على العصبيه : خير متصل
يوسف : شلي كاتبته بالرساله
ريتاج : والله اضن اني كاتبه عربي

وريماس لاصقه اذنها بالتلفون وتقول لريتاج شتقول < مو صج ههههههههههههههههه

يوسف : اسمعيني ريتاج .. تراج مو جاهل بنت والي كبرج عندهم جهال
ريتاج استحت ..
يوسف عرف انها استحت واسكتت : هالكلام الي كتبتيه ماله داعي .. انا فهمت مقصدج تبيني ادق عليج بين فتره وفتره عشان اعرف اخبارج < يجذب بيشوف ردت فعلها
ريتاج : لالالالالا ما اشوف رقمك يطلع بتلفوني فاهم
يوسف : ههههههههههههه عيل اسمحيلي انا ما اقدر اجذب
ريتاج : يوه منك .. زين مره بالشهر
يوسف : مو بكيف جانا احدد اليوم الي ابيه والوقت الي يعجبني
ريتاج : عشتوووووو عشتوووووو يوسف افندي
يوسف كتم ضحكته : جنها جنها طنازه
ريتاج : لالالالا حشى والحشى عن الف يمين
يوسف : اي عدل تسنعي
ريتاج بعصبيه : انا متسنعه من قبل لا اشوف وجهك انت فاهم
< ريماس تعلمها وتزيد حماسها لوووووول <
يوسف بهدوء : قصري صوتج لا اقص السانج
ريتاج : !!!!!!!!!!!!!!!!!!
يوسف : ثمني كلامج ولا ترفعين صوتج علي .. انا يوسف يا ريتاج
ريتاج طالعت رماس واعيونها غورقت : قلت لج قلت لج حرامي بس ماصدقتيني
يوسف سمعها : اي حرامي

ريتاج افصلت عليه : عبالك ما اعرف اللاعيبك يا الخطاف
يوسف : !!!!!!!!!!
ريتاج : ا ياي يا الحرامي .. كنت بتخطني وانا ما اعرف كنت ضايعه بالمطار .. هاااه يوسفو < ركزووو لووول < ها يوسفووو .. تذكر ولا اذكرك .. من وقفت ببلعومي عشان توديني لأهلي لعلمك لعلمك .. انا كاشفه كل الاعيبك .. ودك تخطفني بس الناس يمينك يسارك .. فقلت لنفسك شلون اخطفها .. فما حصلت حل الا انك تستدرجني !!
يوسف : ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه من صجج انتي ولا تستهبلين ههههههههههههههههههههههه
ريتاج : يكون بعلمك ترى ريماس لها علم وبكل شي يعني دير بالك معاي مفهوم ...
يوسف : انا بالمطار حبيت اساعدج مو اخطف جبا الهبله
ريتاج هدت شوي ..
يوسف يدري انه جمال ريتاج يفتن ومزيونه بس حب يكسرها شوي لانها ارفعت ضغطه : بعدين لو بخطف ... بخطف لي وحده مزيونه شقرا مو انتي هههههههههه ولو بخطفج .. جان خطفتج بالسوبر ماركت ياحظي !! ميت عليج انا ..
ريتاج نست الموضوع بكبره وركزت على هالشي : قصدك انا مو حلوه ......... !!
يوسف حسها تأثرت حيل : اي صحيح انج حلوة بس مو ذاك الزود .. فلا تاخذين على نفسج مقلب
ريتاج تغورقت دموعها : بس الكل يقول انا حلوة
يوسف : يعني تبينهم يقولون لج انتي جيكره .. ما يصير
ريتاج بجت : مع السلامه
يوسف ههههههههههههه : الله يسلمج


يوسف .. احسن عقاب لج عشان ما ترفعين صوتج علي ، وريماس طبعا تهدي في ريتاج الي انصدمت من اول شخص يقول عنها جيكره !!



عند لمار وجاسم :
لمار : مالي شغل تهد شغلك وتجيني الحين
جاسم يطالع لمار من ورى دريشة البيت ويجذب : انا ما اقدر عندي اجتماع
لمار : ما صارت كل اجتماع .. وربي ان ما جيت لزعل وهذاني قلت .. صكرت التلفون زعلانه واقعدت عالقنفه ..
جاسم على طول دش البيت : السلام عليكم
لمار اخرعت : بسم الله الرحمن الرحيم
جاسم يضمها : اضحك معاج كنت بالحديقه بشوف ردت فعلج
لمار تتمسك فيه اكثر : الله يسامحك جذي يسوون بالمشتاقين
جاسم يبوس ارقبتها : اتغشمر معاج حبيبتي
لمار : جاسم حبيبي بطلب منك طلب
جاسم : امري تدللي تدلعي
لمار تلعب بزرارا واهوا ضامها بيدينه : ابي اروح عرس عبدالله .. والله والله ما اقو لانا منو والله
جاسم باس شفايفها : لا تكثرين حلف
لمار : ابي ار.. وح
جاسم يبعد عن شفايفها : ان شاء الله عمري
لمار بشوية زعل : اكيد انت ما راح توديني
جاسم : السواق موجود .. ولا تعالي بسيارتج
لمار : اي عشان محد يعرف اني زوجتك ..
جاسم يضمها بحنان : حياتس قلت لج مسألة وقت
لمار : صار لنا 10 شهور بالتمام والكمال .. ما صارت وقت
جاسم : نطري علي شوي
لمار : لي متى
جاسم بعد عنها متضايق : مع السلامه
لمار ضمته من ورى : لا تروح
جاسم : هالموضوع منرفزني ..
لمار : حقك علي .. بس كان خاطري اوقف مع اهلك .. والكل يشوفني ويقول هذي مرت جاسم هذي مرت جاسم .. مو هذي من بنته وشجايبها العرس
جاسم باس راسها : ادري وربي ادري
لمار : دامك تدري ليش تزعل عيل
جاسم : متضايق من حالي مو قادر انفذ لج اسهل طلب
لمار ظمته بحنان : فديت طيبت قلبك وربي
جاسم : احبج لمار .. احبج
لمار : اموت فيك عسى ربي لي يخليك ..
جاسم : ولا يحرمني منج حياتي ..

 

[q8ia 3z]

عند محمد ورشا :
محمد اتصل على رشا : الوووو
رشا : خير خير تراك زعجتني كل شوي داق وتاليتها
محمد : 3 شهور ما شفتج ولا سمعت صوتج الا شوي.. اشتقت لج
رشا : لالالا ضج تو الناس
محمد : رشا محتاجج
رشا : روح لشوق .. روح لها
محمد : طفايه رشا كفايه قلت لج ما في قلبي غيرج
رشا : ولين بسك جذب بسسسسسسسسسسس
محمد بصرخه : ماااااااااااااا اجذب ماااااااااااا اجذب
رشا : الا جذاب .. و خاين .. وغدار .. !
محمد بألم : تعالي لي ابيج
رشا : اسفه .. انساني
محمد : شلون انسى روحي شلون
رشا : الي جاب رشا جاب غيرها
محمد : بس انا احبج
رشا : قبل كنت احن عليك بالزواج الحين لو تخطبني برفض .. الي شفته منك مو شويه مو شويه
محمد : رشا .. تعوذي من بليس
رشا : اعوذ بالله منك يا بليس
محمد : انا ولهان عليج وابيج .. وانت ما ولهتي علي
رشا : .............
محمد : وربي وربي كنت على علاقه وياج انتي وشوق بس .. لكن الحين ابيج انتي ما ابي غيرج ..
رشا : .........
محمد : رشووووووووووووووووووووووي ابييييييج حسي فيني ابي حضنج .. ابي دفاج
رشا : اسفه .. يلا تامرني على شي قبل لا اصكر
محمد : اي اي
رشا : شنو ..؟
محمد : لو بوسه وحده بس
رشا : اسفه ..
محمد : امواااااااااااااااااااااااااااااااااااااااااااااااااااااااااااااااااه
رشا : بوستك ما ابيها و يلا يلا مع السلامه ...!!
محمد بضيق : الله يسلمج




رشا طبعا .. من اول ما صار الموقف الي هز العلاقه واهيا متأثره حيا .. لكن بدت تحن لايام محمد .. خصوصا انه قلبها قلب وسكرت الخط خافت تشتاق له اكثر ..
محمد قعد يدعي الله انها تحن عليه ..

الصبح طالعه ريماس رايحة المدرسه خصوصا انها 4 ثانوي وما باقي شي عالفاينل وشافت علي بسيارته يحوس .. على ما يطلع عبدالله .. ترددت تروح له ولالا .. اخر شي استقوت وراحت تطق على الجام .. وعلي كان يرتب اوراقه واخر شخص يفكر انه ممكن يشوفه في هالوقت ريماس ..

لف علي وانصدم .. ريماس ما تحملت شكله وانفجرتن ضحك فتح علي الدريشه مبتسمه : صباح الخير .. اقدر اعرف شلي مخليج منفجره ضحك جذي
ريماس مستحيه : صباح النور يا هلا .. اي والله شكلك وانت تطالعني منصدم يضحك
علي : هههههههههههه اي شاطره بس للطنازه عند وجهك في هالمواضيع
ريماس : شنسوي بعد .. العرق
علي يطالع جنطتها : رايح للمدرسه
ريماس تستهبل : لا السوق
علي : ههههههههههههههههههه رموس لا تحطين علي عاد
ريماس : ما ادري عن سؤالك !! يعني بالله وين رايحه ؟
علي : خلاص سحبته .. عندج امتحان
ريماس بضيق : ا ياي عندي ولازم عندي غصب عندي ..
علي : ههههههههههههههههههه وسعي صدرج
ريماس : الله كريم واخلص
علي : هاه شنو امتحان
ريماس بقرف : ييييع قواعد عربي
علي : الله شحلاته العربي وربي يجنن بس ما ادري ليش ما تحبونه
ريماس : قلت قواعد
علي : واحلى شي في العربي القواعد
ريماس : لالا لالا في هذي صدقت
علي : جان جيتيني ادرسج
ريماس ياااااا ليت : ههههههه تخيل
علي : اطلعج فاهمه
ريماس : ما ضنتي
علي : جربي
ريماس ودي : ان شاء الله بامتحان الفاينل
علي بغمزة عين : الشهري اقرب
ريماس استحت : يلا باي باي السايق وصل
علي بشوق : عن العياره السايق من زمان اهني
ريماس يييييييييي حط علي الحين بخلي وجهي الوان اشكال : تامر علي شي
علي : اي اي ..
ريماس : شنو
علي : بوسه
ريماس يحيى ومعصبه :علي
علي بضيق : قلت تاااامر
ريماس : سحبت كلمتي
علي بزعل < عيار هههههههههه : عيل لا تقولينها
ريماس : هههههههههههه ان شاء الله .. مع السلامه
علي بجديه : ديري بالج على نفسج
ريماس : ان شاء الله
علي : وانتبهي مع المدرسه وخلي القرقه عني
ريتاج بصرخه : يلا رموووووووووووووووووووووووس
علي يصارخ عليها : الناس تسلم
ريتاج : السلام عليكم قوه علي شلونك
علي يطالع ريماس : ما شاء الله حده مستعجله جمعتهم كلهم .. ريماس اضحكت .. يطالع ريتاج ويرفع صوته .. وعليكم السلام الله يقوج بخير ربي يسلمج وانتي
ريتاج : زينه .. يلا ريماس احاااااجي منو
علي : روحي يا معوده لا تطقج الحين بروحي ما ابي احد يمس شعره من شعرج
ريماس يحيى ذوب علي : مع السلامه
علي : احبج
ريماس راحت وتحس نفسها ثقيله والسياره بعيده .. مع انه السياره اقريبه كلها جم خطوه .. علي يطالع ريماس ويدعي من كل قلبه .. الله يحفظج لي ويخليج ..


انطروني بالجزء 21 زواج عبدالله وساره .. وشبيصير مع ريتاج ويوسف .. محمد ورشا .. ريماس و علي .. لمار وجاسم .. q8ia 3z

 

[q8ia 3z]

امبيه مو صج ... اسجل اسمي وادخل الصفحه .. يروح ارد اسجل اسمي مره ثانيه ... تعذبت


والبارت كله رسالتك قصيره !! شسالفه

تعبيت والله :/

 

[q8ia 3z]

منووووووووووووورين جميعا

البارت بأذن الله يوم الجمعه

عشان الي عنده امتحانات ما ينطر ^-^

 

[q8ia 3z]

يا حياتي انتي .. ولو جم كويتيه عندنا و هذا الواجب و كا يوفيج بعد
منور بكاتبته
احم احم اليوم ثلاثاء :$
عااشت كويتيه .. عاشت كويتيه .. عاشت كويتيه .. عاشت كويتيه ..
و لا يوقف لا يوقف لا يوقف لا يوقف ....~

بعد عمررررررررري فديتج انا


اموووووووووووووواه

هاج حقج :eh_s(7):

 

[Zozαĺiиaђ]

ههههههههههههههههههههههههههههههه والله نكته ريتااج لووول

رشا الله يستر عليهاااا

علي و ريماس يشوقووون حدهم .. الله يخليهم لبعض

و جاسم انشالله متى نااااوي يقووول حق اهله شناطر يعني :/


يعطيييييج العاااااافيه و ناااطرين الباااارت الياي =) *

 

[miss 3yara]

كويتية عز مثل مايصير معاي !!!

 

[q8ia 3z]

حــساآاآفهـ وين البــآارت اليومـ ... ​

شــنوو مـآاكو بـااآارت ؟؟!؟ ​

لآ يوقـف
لآ يوقـف
لآ يوقـف
لآ يوقـف
لآ يوقـف
لآ يوقـف
لآ يوقـف
لآ يوقـف
لآ يوقـف
لآ يوقـف
لآ يوقـف

!؟​

لجل العين تكرم مدينه :eh_s(7):
بس انا انزلهم هالحزة :ggdw:

 

[عفت طآريك]

نزلي بآرت اطول < يعني صآيدتهآ ههههههههههههههههههههه
فديتج نآطرينج على رآحتج يآلغلآ ..

 

[كوين74]

حبيبتي إنتي يا قلبي نبي بعد بارت ​

واااااااااااااااااااااي يحلاة عبدالله و سارونه الله يحفظهم من العين ​

والله يستر على رشا <<<<<<<<<<< بس أتوقع محمد يروح و يخطبها ....... جني أحلم ​

 

[zger_tiya]

ثانكس ع البارت العجيب ..
ننطرج

 

[zger_tiya]

ثانكس ع البارت العجيب ..
ننطرج

 

[Zouz.xP]

وااااي ونــاسه سـاره و عبدالله يشوقون .. ​

كـسر خآاطري حمـــووود << لوول اهم شي حمـود
آن الله غفور رحـيم آانشالله بس رشـآآ تـسآامحــه

وو ريمـآاس و عـلي [ آنزين لـيش مـايخطـبهآ ويتـزوجـون لمـن تخلـص ريمــآااس الثناويـه .. ! ]

لوووول ريتـــآآآآآج مووووو مممنن صجــهآا وووواآآآااي انــاآآ آاتووقع رح يحـّبـون بعـض وآآآااايييييد .... ~~~

يـآالله آنشالله خيـر و نآاطرين البـــاآارت لآآ يوقـــف

لآآ يوقـــف
لآآ يوقـــف
لآآ يوقـــف
لآآ يوقـــف​

 

[Zouz.xP]

لجل العين تكرم مدينه :eh_s(7):
بس انا انزلهم هالحزة :ggdw:

لقـد تم اضافـه مواعـيد تنزيل [حبيبـتنآا كويـتيه عز] للبارتـات :eh_s(4):

لوول يسلمو قلبوو كل ثلاثه و خمــيسس آانا بنطرج ع'لى هذي آلسـاعه :eh_s(15)::eh_s(7):​

 

[P!NKia]

نااااطرين العرس واتوقع الكل يسال عن لمار
بالعرس ويعطيج العافيه

 

[الكويت داري]

مشكورة

 

[6amni bs]

البااااارتات عجيييييبه حدها
يعطيج العافيه حبيبتي
ناطرين