روايتي الثانية: حجـــــابي حببنــي فيـكـ بقلمي:q8ia 3z

[m-3atboha]

رد : روايتي الثانية: حجـــــابي حببنــي فيـكـ بقلمي:q8ia 3z

بليييييييييز نبيه الييوم

 

[6amni bs]

رد : روايتي الثانية: حجـــــابي حببنــي فيـكـ بقلمي:q8ia 3z

نااااطريييييييييييييين الباااااااااااارت

 

[معاناة قلبي]

رد : روايتي الثانية: حجـــــابي حببنــي فيـكـ بقلمي:q8ia 3z

waiting

 

[q8ia 3z]

رد: رد : روايتي الثانية: حجـــــابي حببنــي فيـكـ بقلمي:q8ia 3z

الحمدالله الحمدالله قبل لا اقرا القصه رحت ع الصفحه الاخيره او جفتها مو مكمله اششوه اني ما قريته ولا تعلقت مع هالبنات المساكين

اولا اهلا وسهلا فيج

ثانيا انا مو مثل غيري من الكاتبات الي يعلقون البنات ويعطونهم سكب < يمكن صارت فيج فمشكلتج لا تحطين الكاتبات كلهم واحد :eh_s(4):

لو قريتي قصتي الاولى والايام جان عرفتي اني ما اعلق احد واصابع ايدج مو سوى :eh_s(6):

قريتها ولا لا .. انتي حره حياتي !!

عموما حياج الله يا (اممم غمااااازه :eh_s(6)


ياااا ام غمااااازه غمااااازه :eh_s(6):

 

[q8ia 3z]

^^^^

اشوه ترى القصه مو معلقه
الحمدلله ترى القصه مستمره الكاتبه مو معطتنا طاف

واحنا يالمساكين بهالقصه مو مساكين لان الروايه ماشيه صح

يااااااااااااااافديتج والله

امووواه على خدج :eh_s(21):


:aha: << حقج

 

[q8ia 3z]

بنات نورتوووا


فديتكم

 

[عاشقة البحر 93]

نورتوا والله

توم وجيري

عاشقة البحر

غلاها غير

طمني بس



ربي مايحرمني من تواصلكم

النور نورج يالغالية ولا يحرمنا منج

لايوقف
لايوقف
لايوقف

 

[MeeMeeYoo_2]

يااااااااااااااافديتج والله:d

امووواه على خدج :eh_s(21):


:aha: << حقج

استحي ترى _shh_:

 

[bebesh]

رد : روايتي الثانية: حجـــــابي حببنــي فيـكـ بقلمي:q8ia 3z

امبييييييييه لا لا أنا ما اقدر على جذيه القصه حدهاااااااا عجيبه ومو صج نبي بعد بارت بليييييز ترى خصوصا ورنا امتيحانات وعلمي وبيله مجااابل الله يعينا *

 

[q8ia 3z]

استحي ترى _shh_:

فديتج والله :eh_s(6):

 

[q8ia 3z]

رد: رد : روايتي الثانية: حجـــــابي حببنــي فيـكـ بقلمي:q8ia 3z

امبييييييييه لا لا أنا ما اقدر على جذيه القصه حدهاااااااا عجيبه ومو صج نبي بعد بارت بليييييز ترى خصوصا ورنا امتيحانات وعلمي وبيله مجااابل الله يعينا *

الله يوفقكم

انا البارت انزله كل خميس واذا بنزله مبجر اقولكم

عشان تدرسون ويصير عندكم وقت

حياج الله منوره

 

[miss 3yara]

يعطيج العافية حبيبتي :d
وانا ترى ضد نظام كل خميس نظام والله ترى انتي جي قاعده تظلمين الروايه واايد

 

[الزين كله فيها]

ما شا الله روايتج حلوه
يعطيج العافيه و ناطرينج بالبارت الياي :>

 

[P!NKia]

اتوقع ساره تكرهه عبدالله بالبدايه وتعانده وعقب يصير بينهم حب

 

[فتاة الكئابه]

رواااااااااااااايتج واااااااايد حلوه انتظرج بالبارت الثاني

 

[q8ia 3z]

حبايبي حياكم الله


بنات انا والله مراعية انه في بنات عندهم اختبارات

وعشان جذي بينزل مره بالاسبوع الي ماتلحق تقراه اليوم

تقراه بكره او جذي



والله مراعيتكم .. لمن كنت بنزله مرتين بالاسبوع
رفيجاتي قالوا حرام غيرج عنده اختبارات



عشان جذي كل خميس بإذن الله











ابي تعليقاتكم بليز ..

 

[q8ia 3z]

روايتي الثانية : حجابي حببني فيك
للكـاتبه :q8ia 3z
الجزء : الثالث

بريطانيا – مطار هيثرو – الفجر :
وصل عبدالله المطار .. واهوا يسحب شنطته وتعبان ومو نايم .. شاف عمه من بعيد وابتسم
عبدالله : السلام عليكم
ابو سارة ضم عبدالله : وعليكم السلام ياهلا
عبدالله يقوي مسكته بعمه : كيف الحال.؟
ابو سارة مبتسم : بخير ونعمه وانت
عبدالله : دوم ان شاء الله عسى ربي ما يغير عليك .. ازقح
ابو ساره وعبدالله طلعوا من المطار .. : هاه شخبار ابوك وامك والاهل كلهم
عبدالله : تمام .. مشتاقين لك
ابو سارة : تشتاق لهم العافيه هاه عسى السفره مريحه
عبدالله : اي الحمدالله
ابو ساره : عبدالله احس اني ضغطت عليك لمن قلت لك تسافر لي ..
عبدالله يقاطعه : عمي كانك تبيني ما ازعل منك سكر هالسيره .. وين ضغطت علي الله يهداك.. اشتهيت السفره وجيت لك
ابو سارة : بس علي كان بيجي وانت ..
عبدالله : عمي يطولي عمرك .. انا ما عليَ من علي ..
ابو سارة ابتسم : يشهد ربي ان لو عندي ولد ما عزيته يا عبدالله كثرك ...
عبدالله ابتسم : تسلم يا الغالي .. وانا ولدك ولا عندك شك
ابو ساره : ابدا ما عندي

وبعد الطريق وصلوا للبيت ..
ابو سارة يفتح الباب: حياك الرحمن في بيتي
عبدالله : الله يحيك ويبجيك ويخلي راعي هالبيت
ابو ساره وعبدالله : ههههههههههههههههه
ابو سارة :البيت بيتك لا تستحي بروح انادي عايشه ..
ابو سارة بصوت عالي: عااااااااااااااايشه
عايشه : نعم
ابو سارة : تعالي انتي وساره .. سلمو على عبدالله
انزلت عايشه ببتسامه : تو مانور البيت
عبدالله ابتسم : منور بأهله
عايشه : شلونك عبدالله
عبدالله : بخير ولله الحمد وانتوووا
عايشه : بخيير ..
ابو سارة : اقول عايشه وين سارة
عايشه : نايمه ببيت رهف رفيجتها
عبدالله تنح .. هذي وين عايشه! قال ايش نايمه ببيت رفيجتها .. يا حلو لو .. خوش والله!!!!!؟
ابو سارة كان يبي يشوف ردت فعله .. ولمن شاف شكل عبدالله عرف 100% انه بنته راح تتربى هالاسبوع عدل ^-^
ابو سارة كاتم الضحكة : اها ..
عايشه : يلا عادل قوم ود الولد غرفته خله يرتاح
عبدالله بقهر مايدري ليش وده يعطي سارة الي ما شافها الا مره وعمرها 6 شهور طراق.. : لا ما عليج مني مرتاح
ابو سارة : يلا عبود قوم معاي
قام عبدالله وراح لغرفته الي مقابله غرفة سارة
ابو سارة : شرايك ..!
عبدالله : عمي لا يكون شاري الاثاث!!!!!!
ابو سارة : لا هذا كان حق اخوا عايشه دايما ينام اهني والحين صار لهم من انتقلوا واهوا ما يجي غرفته الا من وين لي وين
عبدالله ابتسم : اقووول الغرفه حدها شبابيه
ابو سارة ارتاح : المهم انها عجبتك
عبدالله : وشلون ما تعجبني ..؟؟
ابو سارة : عبدالله .. ترا هذي غرفتي انا وعايشه .. وهذيك غرفة سارة .. وهذي الصاله مجكلمه على قدنا وهذا الحمام .. اوكي
عبدالله ببتسامه : اوكي
راح ابو سارة وعبدالله متونس على جو البيت حيل هادي .. وهذا الي يحبه عبدالله طالع الشارع هدوووووووء
عبدالله : ياحلو الجو .. يونس ..
نام عبدالله وحيله مهدود .. وارتااااااااااااااح

الصبح الساعه 10 ..
سارة اوصلت البيت ولفت على رهف الي كانت واقفه عند باب بيتهم < ابيوتهم اقبال بعض < وبصرخه قالت < : خلاااااااااااااااااااااااااص وصلت روحي
وصكرت الباب بسرعه وازعااااااااااااااااااااااااااااااااج
< طبعا امها وابوها متعودين لكن عبدالله ... لا !!!
عبدالله بطل عيونه مخترع : اعوووووذ بالله شنو هذا
عبدالله طالع الساعه .. 10 الصبح قام فتح شنطته و طلع فوطته وحب يروح لشركة عمه ... بطل باب غرفته وسمع صوت بالمطبخ < عباله عايشه طنش وراح للحمام تسبح وطلع لداره < طلع له لبس رسمي ... واحتار بالكرفته ..
عبدالله : يا حلوج يا يمه فدييييييييتج .. وينج ابي ذوقج
اختار عبدالله وحده ولبسها ... تعطر وخذا جاكيته اسود طويل و شنطته العمليه فيها اوراق مهمه ... وطلع من غرفته .. وكان جماله موووو معقول وراد شعره لورى وشكله رسمي .. ومع الازعاج .. حد نظرته ويشمي وكأنه معصب ..
طبعا خن اوصف لكم شكل سارة < لا بسه بيجامه بنفسجيه فاتحه وفاله الشعر وشكلها كيووووت < واهلها نسوا يعلمونها بقدوم عبدالله .. طبعا لانها طلعت وما علمتهم وثانيا لانه ما عندها تلفون نقال!!!
سارة كانت طبعا كالعادة تقرقع بالاغراض وتطبل .. وفجأه اسكتت وسمعت خطوات احد قاعد ينزل من الدرج وهالنزله السريعه مو نزلت امها وابوها بالدوام جان تاخذ لها سكينه وتوقف اقبال باب المطبخ
سارة : ياااااربي منو هذا
عبدالله و اول ما لف وشافها عطاها ظهره عباله وحده انجليزيه من شعرها الاشقر
سارة انصدمت عبالها واحد مضيع بالعنوان!
سارة تكلمه انجليزي على اساس انها ما عرفته < خن اترجم خخخخخ
سارة : عفوا من انت
عبدالله : انا عبدالله .. من انتي ؟
سارة : ماذااااااااا .. من انت وماذا تريد ..؟
عبدالله : عذرا من انتي؟
سارة : هذا بيتنا وتسألني من انا
عبدالله بصدمه : سارة!
سارة تنحت < طالع هالانجليزي ما شاء الله يعرف عربي : اي سارة بس منو انت < الاجانب ما يقولون ساره .. يقولن سيرا ههههههههههههههههه
عبدالله يتحجى معاها كويتي: انا عبدالله ولد عمج حمود
سارة انصدمت !
عبدالله : انا بروح للصاله على ماتروحين فوق وياليت ثاني مره احجابج يكون عليج! لاني بتم 3 ايام اهني!
سارة : ومن قال انا متحجبه
عبدالله انصدم ولف عليها : شنووو!
سارة : انا مو متحجبه
عبدالله :ليش مو مسلمه ..؟ ماتدرين انه فرض ..؟
سارة : الا مسلمه مو انت الي تعلمني ديني
عبدالله يحليها تزف وترفع صوتها .. يا ليل الليل خل اكل شي واروح ما بقى شي : سوي لي فطور بسرعه
سارة : لحظة شيظمني انك ولد عمي
عبدالله بحده : انا حرامي جاي اخذ جم شغله من البيت واروح زين جذي!
سارة انحاشت لتلفون الصاله .. عبدالله سوى له كوفي وطلع
سارة : يارب يرد يارب ..
ابو سارة :الووو
سارة : يبا في واحد بالبيت
ابو سارة ابتسم : اي عبدالله
سارة تطالعه بخوف : يقول انه ولد عمي وانت تقول انه عمامنا ما يبونا
ابو سارة : بابا هذا عبدالله ولد عمج حمود .. ابوه اهوا الوحيد الي كان راضي بالزواج .. وبعدين لولا ابوه جان ماتزوجت انا وامج ..
سارة : اها
ابو سارة : شعندج داقه؟
سارة : لا بس كنت بستفسر
ابو سارة :يلا الحين مضطر اسكر
سارة : باي
ابو ساره : بايات
سارة طالعت عبدالله ...
عبدالله كان يشرب الكوفي بهدوء وما يطالعها
< عبدالله مرت عليه ذكرى لمن كان عمر سارة ست شهور وكانت تمسك خشمه وتجره ... ابتسم ..<
سارة تطالع عبدالله وجه شعره جسمه جماله هيبته وقفته ..
سارة بينها وبين نفسها .. كشششششششششخه عندي ولد عم ولا كشخه بعد ... ياااااي وناسه بتشيحط فيه
عبدالله خلص الكوفي .. وخذ شنطته وطلع
اما سارة ما تدري متى يجي العصر وتقول لأمينه ورهف هالخبر الي عندها بمليوووون
راح عبدالله لعمه بالشركه وعرفه عالموظفين
عبدالله بستفسار: عمي هذا مو جنه رأفت
ابو سارة فخووور بعبدالله : اي رأفت
عبدالله : الي يشتغل عند عمي غانم قبل صح
ابو سارة : برافو عليك .. ملاحظه حلوة
ابتسم عبدالله : اعجبك
ابو سارة : بسوي اجتماع وحالا
عبدالله : ليش
ابو سارة : بظمن مستقبل بنتي
عبدالله انصدم : شنو!!!!!!
سوى ابو سارة اجتماع .. وعرف الاداره على عبدالله وقال انه بيمسك مكانه لثلاث ايام < والحقيقه لسبوع كامل ^-^
تعرف فيها عبدالله عالموظفين واشغالهم .. واهوا قاعد يفرفر بالاوراق .. ناداه عمه عادل
ابو سارة : عبدالله خل هالاوراق ابيك بشغله مهمه
عبدالله : نعم عمي
ابو سارة بهدوء: عبدالله انت تحبني عدل
عبدالله : افا عليك عمي اكييييييييييد
ابو سارة نزل راسه وشاف الاوراق: عيل وقع على هالاوراق و انت ساكت ..
عبدالله خذا الاوراق :شنوووووووووووو لا مستحيل
ابو سارة كان كاتب الحلال والفلوس كلها لسارة < شي طبيعي لانها بنته < بس المشكله انه الوكيل عليهم عبدالله.. يعني ما تسحب سارة ولا فلس الا بموافقة عبدالله .. لكن عبدالله ماله حق في فلوسها ولا يقدر ياخذ من فلوسها دينار .. وكاتب انه الشركات والعقارات بتكون من بعد موته لعبدالله والربح متقاسم بينه وبين ساره
ابو سارة : وقع يا عبدالله وريحني
عبدالله : لاااااااا عمي مالي حق بشركاتك وعقاراتك لبنتك ولزوجها ان شاء الله .. اهم الاولى فيهم
ابو سارة بضيق : اسمعني يا عبدالله .. بنتي وانت تدري بحالها من بعدي ومن بعد امها .. وين تروح محد معترف فيها من عمامك .. يعني <وقال بألم < مصيرها بيكون لبريطاني .. ابوك اهوا الوحيد الي كان راضي في الزواج هذا وبعد عمر طويل بيموت .. وما ظنتي بيكون مرحب فيها .. ويمكن تحاول تزوركم بس بتنطرد مثل ما انطردت واهي صغيره .. يا عبدالله انا خااااااااااااااااااااايف واحاتيها واحاتي مستقبلها ما ارفض لها طلب وافرحها لاني عارف الي راح تمر فيه من بعدي انا وامها ...
عبدالله حز بخاطره عمه وحزنه مستعد يضحي بروحه ولا يشوف هالحزن وقف وراح لعمه .. وظمه : افا يا عمي جذي بتزعلني منك .. وانا وين رحت .. تراني موجود .. وماراح اقطع فيها بزورها ان شاء الله .. وبخليها تتعرف على خواتي واهلي .. واذا على الاوراق انا بوقع بس لا تزعل
ابو سارة : تسلم يا عبدالله خابرك ما راح تردني
وقع عبدالله عالاوراق .. وصار الوكيل العام لشركات وعقارات عمه .. يعني الكل بالكل...
والكل هنى عبدالله بالوكاله الي حصل عليها قام رأفت واتصل على غانم
رأفت : الو السلام عليكم يا افندم
ابو علي : هلا وعليكم السلام رأفت
رأفت : ازيك يا باشا عامل ايه
ابو علي : بخييييير وانت
رأفت : الحمدالله

< رأفت مصري * الشخص يعبر عن نفسه مو بلده للأهميه بس * كان سكرتير لغانم .. يشتغل بالفلوس كثر ماتعطيه يشتغل .. غانم كان يعرف اخبار الشركه اول بأول من مناقصات وارباح وغيره تمر فيه الشركه كان رأفت يرسل له تقرير اسبوعي عن الشركه واحوالها ... وكانت الشركه ممتازه وادخالها الشهري قوي حيل .. سوى رأفت اختلاس للشركه عشان غانم *اقول لكم ياكل الاخضر واليابس* وعلى طول ارسل لغانم الاختلاس .. وغانم طبعا كافأه.. اكتشف عادل الاختلاس الي صار بشركته .. وانصدم من التقارير وكاميرات المراقبه الي حاطهم بالسر انه رأفت موَل هالفلوس لغانم اخوووه وسكت وبلعها وتضايق حييييل .. بس قال حرام يمكن محتاج ومن هالشي ... لكن ما انكر انه تضايق حيل من هالتصرف وانهزت الثقه بينهم <
ابو علي : هاه رأفت فيه اخبار جديده
رأفت : اه يا عمي .. اسمع هو عبدالله ابنو لعمي حمود ..
ابو علي : اي شفيته عبدالله
رأفت : عينو الباشا عادل الوكيل العام والرسمي لشركه والعقارات والمناقصات .. وده كووولو لعبدالله .. وبتصدئ انه حلال مس سارة اصبح بتاعوو.. هوا الوكيل عليهم
ابو علي جنه احد معطيه طرااااااااق :شنوووووو! ومتى صار هالكلام
رأفت : النهار ده
ابو علي : مااااااااشي يا رأفت تبي شي
رأفت : لا مش عاوز حاجه ربنا ما يحرمنيش منك ..
ابو علي : مع السلامه
رأفت : مع الف سلامه


دق ابو علي على علي
علي بصوت كله نوم : الووو
ابو علي : قووووووووم قامت عليك القيامه ... انت نايم وغيرك يلعب بالحلال يا غبي
علي بهدوء: شصاير!
ابو علي : عمك سجل كل الحلال لعبدالله
علي انصدم وبقق عيونه : شنو
ابو علي :تعال خلصني انا بالشركة
علي بقهر : اوكي هذاني عندك

علي اشتب ضو كان طول هالمده يتصل بعمه ويعرف اخباره عشان بس ياخذ الحلال او يترك له شي... ماتوقع عمه بيكشت فيه ويعطي الحلال لعبدالله
علي : ماااااااااشي يا عبدالله انا اوريك ..


بريطانيا – بيت ابو سارة
دخل عبدالله مع عمه البيت وكان الغدا زاهب ..
عايشه : احط الغدا
ابو سارة : اي حطيه .. ونادي سارة
عايشه : بس سارة نايمه
ابو سارة : خل تقوم وتتغدى
عايشه : ما وصلت الا اليوم الساعه 10 الصبح
ابو ساره : والساعه 1 الضهر خل تقوم تتغدى
راحت عايشه تقعد سارة
عايشه : قووووومي ابوج تحت
ساره وراسها تحت المخده : قولي له نايمه
عايشه تشيل الفراش : ابوج ملزم اليوم تنزلين تتغدين
سارة : يمه بلييييييييييييز بنام
عايشه : بتقومين ولا اكب الماي على راسج
سارة : قمت قمت
نزلت عايشه وتصادفت مع عبدالله عالدرج
عايشه : تغدى وبعدها نام
عبدالله ابتسم : طيب بتبدل وانزل
عايشه ابتسمت :بسرعه
راح عبدالله وشاف جدامه سارة طالعه من غرفتها وبعدها اقعدت عن باب الحمام وحطت يدها على راسها ونااااااامت
عبدالله خاف .. راح لها : ساره فيج شي!
سارة استحت ورفعت راسها : لا
عبدالله مايدري ليش حس بحراره : وشلي مقعدج عند الباب ؟؟؟
سارة ابتسمت واهي متفشله :فيني نوم !
عبدالله مستغرب : والي فيه نوم يقعد عند باب الحمام .. ! يا معوده عبالي تعبانه
راح عبدالله وطنش فيها دخل الغرفه .. وسارة بعدين استقبلت انها تكلم لها واحد كل الي تعرف عنه انه عبدالله وولد عمها ... تنحت ودخلت الحمام بسرعه .. تغسلت واركضت لدارها ولبست لها تريلنغ ونزلت تحت
عبدالله كان لابس دشداشه للنوم لانه بيتغدى وينام
ابو سارة : شخباري دشداشه
عبدالله : شنسوي بعد تعودت بسرعه افصخها قبل لا انام
ابو سارة : ههههههههههههههه
سارة كانت مستحيه وبهدوء : يبا
ابو سارة : هلا
سارة : ممكن تعطيني الكريدت كارد
ابو سارة : ليش
سارة : بروح السوق بشتري لي كذا شغله
ابو سارة : طيب .. عاااااااايشه عطي بنتج بطاقتها
عايشه : اوكي
ابو سارة :عبدالله هاك السويج خله عندك .. واستعمل السيارة
عبدالله .. خذا سويج السياره : ان شاء الله
سارة : يبا متى سفرتك
ابو ساره : اليوم العصر
سارة قربت لأبوها زياده : جم يوم بتاخذ
ابو سارة : 3 ايام
سارة بنص عيون : اكيد
ابو سارة :اي اكيد
سارة ابتسمت : الحمدالله ماراح تطول
ابو سارة : وليش
ساارة : اخاف .. البيت ما فيه احد
ابو سارة ببتسامه : لا ما عليج عبدالله موجود واهوا الي بياخذ مكاني يعني اهوا الآمر الناهي
عبدالله بنظرة تحدي : اكيد بكون الآمر الناهي
ابو سارة فهم حركته وستانس : اي اكيد
عبدالله .. اوريج يا سويره عيل اكو بنت ترد لبيتها بوجه الصبح ..
سارة كانت تبتسم .. ولا تدري شلي ينتظرها
سارة : يبا ترا بشتري تلفون نقال اوكي
ابو سارة : اوكي
عايشه : يلا الغدا زاهب
تغدوا .. وطلع عبدالله فوق ووراه طلعت سارة .. لانها ما نامت
عبدالله اول ما دخل غرفته الا وسارة تقاطعه
سارة بصوت ناعم ومستحيه حييييييييييييييييييييل : عبدالله
عبدالله كان ماسك باب غرفته لف عليها : نعم
سارة : ممكن اخذ شغله من غرفتك
عبدالله : اي عادي
سارة دخلت الغرفه واركضت افتحت الدرج الثالث طلعت الالبوم ..
عبدالله : اي شي ثاني!
سارة : لا شكرا
عبدالهه واهوا يسكر الباب : عفوا
سارة ضمت الالبوم لانه كان فيه صورها ... وكانت خايفه على صورها وماتذكرته الا عالغدا


العصر سافر ابو سارة .. وعبدالله صلى العصر ونزل تحت
عبدالله : سافر
عايشه : اي سافر
قعدت سارة .. توضت وصلت وانزلت تحت : سافر
عايشه اضحكت : اي سافر
سارة : شلي يضحك
عايشه : اشكالكم انتي وعبدالله روووعه
عبدالله طالع سارة وسارة طالعته !!
عبدالله : شفيني ماكو احلا مني
سارة : عدل كلامك ماكو احلا مني
عبدالله طالعها ورفع له حاجب
سارة اركضت فوق البست جينز سكيني فاتح .. وبدي بيج .. وجاكيت اسود .. خذت جنطتها وتأكدت من وجود بطاقتها وطلعت
عبدالله كان وقتها بالحمام اول ما طلع .. شاف عايشه.. والبيت هدوء
عايشه : انا بروح لبيت ام خالد
عبدالله : ومنو ام خالد
عايشه : ام رهف
عبدالله بضحكة : وشتطلع رهف خن اعرف خالد عشان اعرف رهف هههههههههه
عايشه اضحكت : ام رهف .. رهف صديقة سارة الي توها طلعت معاها لسوق
عبدالله تنح: ليش اهي طلعت لسوق!!!!!!!!!
عايشه مستغربه : اي
عبدالله بعصبيه : متى
عايشه : توه
عبدالله طلع فوق وراح لبس عالسريع وطلع.. كان لابس جينز ازرق دارك .. وبلوزه صفرا وفوقه بلوفر رصاصي
وطلع على طول .. واهوا يسوق شاف الكوفي شوب والناس والعالم برا والزحمة السيارات والاشارة حمرا
لف عبدالله نظره و شاف بنت عمه سارة سوالف وضحك! وقاعد ماخذه راحتها عالاخر.. عصب عبدالله وصفط على جنب وراح لطاولتها
سارة : اي اقولج ولد عمي جانا بالبيت
عبدالله قاطعها ... وهدوء قال :السلام عليكم
رهف وامينه انصدموا ..
رهف بعفويه : ياحلاته
سارة بفرح : بنات اعرفكم ولد عمي .. عبود
عبدالله هاه !! من متى طيحتي الميانه قال ايش عبوووود!
< طبعا يتحلطم بينه وبين نفسه
رهف :تشرفنا
امينه : اي صح تشرفنا < تنحت
عبدالله ماسك نفسه لا يصفعها طراق على هالجينز الضيييييييق والبدي الي لاصق عالجسم وعيون الشباب عليها .. والجاكيت عالكرسي < ما الومهم جسمها تحطيم ^-^ ومن حق عبدالله يغار <
عبدالله : سارة تعالي معاي ابيج
امينه : سارة
سارة لفت على امينه : هلا
امينه بستفسار: انتي مو تقولين امج مطرودة من بيت جدج وعمامج لو تمشين جدامهم مايعرفونج .. شلون يطلع عبدالله هذا بين يوم و ليله
عبدالله انصدم .. شعرف امينه بلي صاير بالعايله
سارة تغورقت عيونها بالدموع : بس هذا ولد عمي والله
امينه نزلت راسها : اوكي صدقتج
رهف داسة على رجل امينه .. عشان تسكت
سارة راحت وعبدالله وراها : روحي عند سيارة ابوج
سارة اركبت جدام وعلى طول انفجرت بجي
عبدالله معصب اولا على لبسها .. ثانيا طلعتها بدون استأذان لو يصير فيها شي جان اكلها .. ثالثا شعرف امينه بمشاكل عايلتهم!!!!
عبدالله : ممكن اعرف على اي اساس رايحة بدون استأذان
سارة : مالي خلق لك خلك ساكت
عبدالله بعصبيه : ساااااااره بطلي عيونج عدل انا عبدالله مو طرطوووور .. اقسم بالله العلي العظيم ان طلعتي ثاني مره من غير ما تستأذنين مو احسن لج مفهووووم
ساره كانت غرقانه بجي وعبدالله زودها
عبدالله : وهاللبس هذا تنسينه
سارة : بس هذا لبسي وحريتي الشخصيه مالك حق فيها
عبدالله : حريتج في بيتج .. انا ببيتكم ما ابي اشوف هاللبس فاهمه .. لاسافرت بكيفج
سارة طنشت فيه وكملت بجي !
وصلت سارة للبيت وركضت على دارها تبجي
عبدالله كان قاعد بالصاله

امينه ورهف كانوا بطريق رايحين لسارة
رهف : زودتيها امينه حيل زودتيها
امينه : والله انا كنت مستغربه والله مو قصدي اجرح مشاعرها كنت استفسر ماهقيت انها بتنهار
رهف : البنت كانت طايره من الفرح بولد عمها الي ما ادري شلون طلع لها ! ومو مصدقه من الفرحه والوناسه.. وانتي خربتي عليها
ثواني الا جرس البيت يرن .. راح عبدالله وفتح الباب.. عبدالله عرفهم .. بضيق : تفضلوا
رهف : دام فضلك
امينه : ممكن تنادي لنا سارة
عبدالله : اوكي
راح عبدالله ووقف اقبال بابها ولمن بغى يدق الباب سمع انينها .. انفطر قلب عبدالله ودق الباب
عبدالله بهدوء : سارة
سارة مطنشه
عبدالله يرفع صوته : سااااااااااااااره
سارة بهدووء : نعم
عبدالله : رفايجج يبونج تحت
ساره : قولهم نايمه
عبدالله : بطلي الباب
ساره : مابي
عبدالله : يلا عشان خاطري .. ولو ادري انه مالي خاطر عندج
سارة بهدوووء وسؤال غييييييييير متوقع : عندك خوات؟
عبدالله مستغرب : اي
ساره : شساميهم
عبدالله : ريتاج وريماس توأم و رؤى
ساره : جم اعمارهم
عبدالله : 16 و رؤى 3سنين
سارة اخنقتها العبره .. يا ليت عندي خوات
عبدالله استغرب من الهدوء : ساره بطلي الباب
ساره بصوت مخنوووق : تكفى عبدالله قولهم نايمه
عبدالله كسرت خاطره سارة : طيب
نزل عبدالله : كسرت عليها الباب ومو راضي تبطل ..
رهف : متضايقه
عبدالله ولييييييييين هذول شيفهمهم اني مو متعود على البنات بروحي ما قعدت مع امل ورشا بنات عمي يبوني اقعد معاهم : اي
رهف وامينه قامو : ممكن تتأسف لها عنا احنا
عبدالله : ان شاء الله

طلعوا رهف وامينه ... وعبدالله قعد بالصاله .. بتصير احداث بالبارت الرابع احداث مهمه .. بتدور حول عبدالله وسارة .. شنو بيصير ..؟ شلون عبدالله بيتحكم بعصبيته ..؟ انتظروني بالبارت الرابع q8ia 3z

 

[MeeMeeYoo_2]

waiting

thanx

 

[Sara.M]

البارررت وايد قصير ,. يعني راح ننطر البارت الياي لي يوم الخميس !! عموووومااا .. يسلمو ويعطيج العافيه

 

[Tom ♥ Jerry]

رد : روايتي الثانية: حجـــــابي حببنــي فيـكـ بقلمي:q8ia 3z

.


مشكووووووووورة ع البارت :*