روايتي الثانية : حجابي حببني فيك
للكـاتبه :q8ia 3z
الجزء : الرابع
الكويت – بيت بو علي:
ابو علي : هاه لقيت حجز لبريطانيا
علي : اي يبا لقيت لي حجز
ابو علي : متى ان شاء الله ..؟
علي : باجر الصبح الساعه 6
ابو علي : اسمعني انت الحين فلست من الفلوس .. ونقطت ضعف عمك بنته .. حاول تسيطر عليها بنت البريطانيه الـ.. وحاول قد ما تقدر تكسب قلبها ... عشان تكسب فلوسها
علي بوقاحه : ماعليك يبا .. خل الباقي علي
الكويت بيت بو حمود :
ريماس : يما صار لنا يومين ما رحنا للحلقة < مجالس ذكر وقران
ام عبدالله : والله يا يمه تحملي هالثلاث الايام هذي على ما يرد عبدالله ويوديج
ريتاج : يمه انا اشتقت للبنات عفيه يمه انا راضيه بروحه مع تاكسي
ام عبدالله : انتي ما تدرين انه عبدالله ما يحب التكاسي
ريماس : بس عبود مو هني يما تكفييييييييييييييين
فهد واهوا داخل : السلام عليكم
الكل :وعليكم السلام
فهد : شفيكم ليش مبوزين ؟
ريماس : بروح للحلقه امس فاتتني وشكلها اليوم بتفوتني
فهد : ليش مارحتوا
ريتاج : ومنو بيودينا
رؤى تبجي : ماما دمعيه < جمعيه ^-^
ام عبدالله : ولييييييييييين شدبره الحين
ريماس بقهر : جيبوووو لي عبووووووووووووووود
فهد : والله ما عندكم سالفه! .. خن اشوف خالي جويسم
ام عبدالله : اسمه جاسم شنو جويسم هذي بعد! هذا وانت ما عندك الا خال واحد
< جاسم دايما مع عبدالله .. لكن جاسم اكبر من عبدالله بـ5 شهور .. تفكيرهم واحد .. تربيتهم وحده .. سلوكهم واحد .. اسلوبهم واحد .. مايقدرون على فراق بعض كلش ..<
فهد ضحك ودق على خاله
جاسم واهوا غرقان من نوم : الوووووووو
فهد بضحكة :ياااااااا حبك للنوم انت كله نايم
جاسم بضيق: وليييييييييييييين هذا الي بيصكني عين!
فهد : ههههههههههههههههههه ما شاء الله .. شلونك
جاسم : بخير وانتوا
فهد : تمام .. اقول جسووم عفيه خواتي عندهم حلقه اليوم تقدر توديهم ولالا
جاسم : اوغي اوغي .. شكلكم اليوم عرفتوا قيمة عبدالله
فهد بشوق : اي حده
جاسم : نص ساعه وانا عندكم ..
بريطانيا – بيت بو سارة ..
سارة قاعده بغرفتها ومو راضية تطلع .. عبدالله بداره يسولف مع ربعه بالمسن < وعليه بيجامته وماخذ راحته عالاخر و لون البيجامه رصاصي فاتح وفيها سنفور < يكلمهم عالكام وميت ضحك ...
قامت سارة وتسبحت .. صلت لها ركعتين وحست بالراحه البست لها جينز سكيني ازرق دارك وبدي ابيض < ما توب < ولفت عليها سكارف احمر وحمره حمرا .. وطلعت من دارها ..
راحت لدار عبدالله ودقت الباب
قام عبدالله وفتح الباب : هلا سارة
سارة منزله راسها : ممكن اروح
عبدالله ربع ايدينه : وين؟
سارة : السوق
عبدالله : ومو ملاحظة لبسج
سارة بدت تعصب : شفيه لبسي
عبدالله : عندج جاكيت احمر
سارة : اييييييييه
عبدالله : لبسيه
سارة : مابي مو حلو عليه
عبدالله : سارة مالي خلق اعكر مزاجي
سارة تنرفزت : ما راح البس جاكيت .. والي بتسويه سوه
عبدالله عصب وراح صكر الكام عشان ربعه لا يسمعونه
ورد لقاها تنزل من الدرج ..
عبدالله بصرخه : ساااااااااااارة
ساره بغى يوقف قلبها لفت عليه : خييييييييير
عبدالله مسكها وسحبها من ايدها وبحده قال : ودج تسمعينها ..!
سارة بخوف : شنو
عبدالله بعصبيه : اجااااااابتي ..
سارة غورقت اعيونها : اجابة شنو
عبدالله : رفضي بلبسج
سارة بخوف بس كابرت : شنوووو
عبدالله بعصبيه : يغريني !! ارتحتي
سارة جنه احد صافعها طراق
عبدالله بقمة عصبيته : اذا ما عندج احد ينبهج تراني موجود وانا ما ابي عيون الشباب عليج فهمتي .. روحي البسي جاكيتج وخلصيني
سارة هدت ايده وراحت بهدوووء فوق البست جاكيتها ونزلت لقت عبدالله قاعد بالصاله ومبين عليه معصب ومتوتر ويهز برجله وايده على شفايفه يحركم بتوتر
ولمن جت بتطلع قال لها عبدالله بدون ما يلتفت لها : مع منو بتطلعين؟
سارة بهدوء : رهف وامينه ..
عبدالله : 9 انتي بالبيت
سارة عصبت : شنوووووووووووووو 9 دجاجه انا اذا ساعه 6 الحين .. مااااااااايمدي!
عبدالله وقف وراح لها رفع حاجب : 8 وانتي اهني .. اي مناقشه ثانيه بخليها 7
عصبت سارة وطالعته بغضب وطلعت وصفقت الباب وراها
عبدالله : وجعه فجرت اذني ! .. اه يا ربي احس اني تماديت بكلمتي .. بس احسن اهيا مو راضيه تفهم لين ما سمعتها ...!
عايشه دخلت البيت واهيا تطالع سارة رايحه بسرعه وشعرها يلعب من الهوى من سرعتها
عايشه تطالع عبدالله : شفيها ؟
عبدالله ببتسامه : لا ابدا ماكو شي سوء تفاهم
عايشه : اها .. عبدالله ترا باجر سارة بتسوي حفلت تخرجها وبعد اسبوع المدرسة بتنظم لها حفل كبير فياليت تكون موجود .. يعني اذا ودك
عبدالله برفعة حاجب : ضروري
عايشة نزلت راسها : يعني بتخرج بتشوف رفايجها ملتمين حولهم عايلاتهم وبناتهم .. وبنتي ما راح تلقى غيري انا وابوها .. فبخاطري تكون موجود اذا ما يضايقك هالشي
عبدالله ابتسم : اكيد ما يضايقني يا خاله بالعكس يشرفني اكون معاكم وافرح لفرحكم ..
عايشه ابتسمت : شكرا عبدالله
عبدالله : العفو ولو
<<< بالسوق <<<
سارة بضيق : اي ابوي خلاه يقعد ببيتنا على ما يرد
امينه : وااااااااااااااااااااااااااااااو ولد عمج شي
ساره .. : قال شي قال توج ما عرفتيه
رهف :ليش؟
سارة : تخيلي زفني وهاوشني عشان بروح لسوق بسكيني وبدي وعطاني محاضره وقالي البس جاكيت وغطي نفسي!
امينه ببتسامه : يغار عليج
سارة انصدمت وتبعد الفكره عنها : لالالالالالا شكووو
امينه اضحكت : اشفيج انقلبتي .. لو ماتهمينه جان قال بلعنتها .. تلبس الي تلبسه .. واااااااااااااا يا بختج فيه
سارة : لا اهوا معقد و متخلف .. الناس كلهم يلبسون جينزات وقال ايش تغريني
رهف و امينه بصراخ : لآلآلآلآلآلآلآلآلآلآلآ
امينه : بربج
سارة : والله
رهف تطالع جسم سارة : والله سويره جسم لا يعلى عليه فعلا يجذب!!
سارة خافت من رهف :رهوف شفيج لايكون بويه
امينه : ههههههههههههههههههههههههه
رهف بصدق: قام اقول الصج .. ما تلاحظين نظرات الشباب لج .. كل ما مريتي طالعي ارقبتهم شوي وتنكسر
سارة بفرح : احسن يعطيني ثقه بنفسي
رهف طالعتها بنظرة صدق : ويمكن يرميج للواطي .. انتبهي
سارة طالعت رهف : رهف!!!!
رهف : لا جد ماعليج من جسمي انا وامينه .. لا تقارنين بينا وبينج انتي جسمج واو عكسنا ... ما شاء الله حاولي شوي تسترين بلبسج سارة
ساره بعصبيه : طاع انتي لابسه جينز وبدي .. اشوف ما قلتي خن استر بلبسي
رهف : يؤؤؤؤؤؤؤؤ الغلطان الي ينصحج
سارة برفعه حاجب : قولي اساسا ما حصلتي اجابه !
امينه : ساااااااااااره شرايج بهالاسواريه حده واو
ساره : حق شنو!
امينه : طالع .. نسيتي انه باجر حفلتج ؟
سارة : يؤؤؤؤؤؤؤؤؤؤ نسيتوني
< وقعدت سارة تفرفر بالسوق لعل وعسى يعجبها اسواريه لباجر .. وحصلت واحد روووووووعه بس حيل عاري ولونه اسود خذته لانه ماااكو وقت .. وشرت لها تلفون .. وخط .. <
وصلت سارة البيت الساعه 8 وربع وكانت خايفه .. شافها عبدالله شايله كياسها وجايه ركض وسوى فيها دقة
اول ما دخلت سارة الباب شافته ..
سارة ابلعت ريجها : سوري والله ما انتبهت
عبدالله كاتم ضحكته .. وقال بعصبيه : لا والله!
سارة : صدقني ما انتبهت
عبدالله : ما انتبهتي هاه ... انا مو منبه عليج 8 انتي بالبيت هاه!
سارة : اسفه والله ما كان قصدي
عبدالله ابتسم : تعشيتي ولا بعد
سارة تنحت طالعته : لا
عبدالله : ودي اغراضج وتعالي .. بسرعه ميتين جوع
سارة ابتسمت : اوكي
اركضت وحطت اغراضها وانزلت
سارة : شريت لي تلفون
عايشه وعبدالله : مبروك
سارة اقعدت يمه وشوي وتلصق فيه : عبدالله سوه لي على ما تخلص امي من السفره
عبدالله طالعها برفعة حاجب < مستنكر قعدتها يمه ^-^ : قومي ساعدي امج وانا اسويه لج
ساره .. وليييييييييييييييين : اوكي
راحت المطبخ تتحلطم وتقلده : قومي ساعدي امج وانا اسويه لج ... وي يا ربي متى يرووووووووووووووح متى .. لو الحين مو موجود جان قاعده بالكوفي شوب ومكيفه حدي ... ووووووووووووووه!
عايشه تسمع تحلطم بنتها وميته ضحك ..
عايشه : نادي عبدالله يلا
سارة تصطنع الابتسامه : ان شاء الله
راحت واهي شوي وتكسر الارض : عبدالله العشى زاهب
عبدالله : هاج تلفونج .. وترى رقمي سيفته عندج اذا بغيتي شي دقي
سارة < تحلم اتصل فيك..؟ : انزين
عبدالله واهوا يمشي لف عليها : ترا رقمج عندي فلمى ادق عليج جاوبي اوكي .. بلا سوالف اهبال ما عرف رقمك وهالخرابيط
سارة مصيبه دعله كل شي فاهمه : انزييين
عبدالله برفعة حاجب : طقيني بعد
سارة تصنعت الابتسامه : اسفه
عبدالله عطاها ظهره ومشى ..تعشوا وراحت سارة لدارها تدق على رهف و وامينه .. سوالف لي وجه الصبح
عبدالله تعشى وحط واسه ونام وراه قعده من الصبح للشركة
الكويت – بيت بو عبدالله
ريتاج دقت تلفون على عبدالله .. يدق التلفون ويدق < عبدالله نايم
كان وقتها سارة طالعه من الحمام وتسمع صوت تلفون عبدالله .. وراحت لدراه دقت الباب ما رد .. تليقفت ودخلت
شافت عبدالله بسااااااااابع نومه ..عليه بردموا بيج بسسس
صب وجه سارة الوان واشكال من الحيى .. وشافت تلفونه .. راحت واهيا متنحه بجسمه .. شافت التلفون .. ريتاج يتصل بك .. تذكرت انها اخته ..
سارة قعدت عبدالله واهيا ميته من الحيا : عبدالله
عبدالله لا حياه لمن تنااااااااادي : ***********خخخخخخخخخخخخخ********
سارة حطت ايدها على كتفه هزته : عبدالله
عبدالله حط ايده الدافيه على ايدها وشالها من غير ما يحس: بناااااااااااااااااام
ساره ماااااااااااااااااتت خلاص ولت البنيه : تلفونك يدق من اليوم
عبدالله طنش ونام على بطنه : خيولي!!
سارة :بس مكتوب ريتاج .. اكيد اختك
عبدالله استعدل وحط وساده ورى ظهره خذا تلفون : الوووو
ساره طلعت < البنت مو بوعيها ^-^
ريتاج بجت : عبوووووووووووووودي اشتقت لك
عبدالله ابتسم واهوا مغمض عيونه : وانا بعد مشتاق لج
ريتاج : شلونك شخبارك ..
عبدالله : بخير ونعمه وانتو شلونكم بشريني عنكم
ريتاج : نسأل عنك
عبدالله : تسأل عنج العافيه ..
ريتاج : عبود الكل نايم بالبيت ظاق خلقي قلت خن اكلمك
عبدالله : متى ما حسيتي انج زهقانه رفعي التلفون ودقي انا كلي لج
ريتاج : يابعد عمري تسلم .. شكلك كنت نايم وازعجتك
عبدالله : بالعكس صوتج يريحني
ريتاج : يا حياااااااااااااااااااااااتي .. يلا ما اطول عليك تامرني بشي
عبدالله : سلامتج يا الغلا
ريتاج : الله يسلمك .. مع السلامه
عبدالله : رتووج
ريتاج : هلا
عبدالله : ديري بالج على نفسج اوغي
ريتاج : اوغي
عبدالله : سي يوو
ريتاج ببتسامه : سي يو تو
الصبح الساعه 5 ونص الفجر ... سمع عبدالله صوت دبك عالارض رايح جاي رايح جاي .. طلع عبدالله ولا سارة اقباله رايحه لدارها
عبدالله فاتح باب غرفته : ممكن اعرف سر هالازعاج
سارة واهيا مستحيه من شكله : اليوم في بارتي
عبدالله : اعرف البارتي الساعة 7 بليل يبدا مو 5 ونص الفجر!
سارة : شنو بتزهب
عبدالله واهوا يصك الباب : عرووووس ! المهم ما ابي ازعاج
سارة : اوكي
راحت لدارها وبطلت الاستشوار .. وزعج عبدالله
قام عبدالله من فراشه وراح لها طق الباب .. افتحته سارة
سارة: خير
عبدالله بضيق : مخترعين استريت
سارة : عاد مشتهيه استشوار ! شلووووووون؟
عبدالله عطاها ظهره وراح خذا فوطته و توكل على الله تسبح ولبس لبسه الرسمي .. وراح للشركه ...
مع الحوسه والعفيسه انزلت سارة للمطبخ وتشوف شلي ناقص .. حبت تستعبط على عبدالله تستانس اذا شافته معصب .. ما تحبه كلش
دقت على عبدالله الساع 9 الصبح ...
عبدالله يطالع بالاوراق وحالته حاله : الوو
سارة من سمعت صوته عرفت انه مشغول .. قامت تستعبط : قوة عبدالله
عبدالله حط راسه عالطاوله : هلا
سارة : اقول ترا اتصلت عليك لاني بروح عند السوبر ماركت بشتري شغلات للبارتي
عبدالله : انزين بس روحي ورجلج على رجل امج
سارة بدلع : مامي بزي
عبدالله ذاااااااااااااااب : عيل انثبري وانا بروح اجيب شغلاتج
سارة بتحلطم : بس محتاجتهم الحين
عبدالله : سارة
سارة مبتسمه : يس
عبدالله بحده : عمرج جربتي الطراق على خدج!!!
سارة اكتمت الضحكه : لا !
عبدالله سكر الخط على وجهها
سارة دزت له مسج : < ترا برووووح مع رهف او امينه
عبدالله رد عليها < رووووووووووووووووووووحي
سارة ماتت ضحك .. والبست على راحتها مستانسه عبدالله بشركه وخذت راحتها
راحت رهف وسارة لسووووووق ..
سارة : خخخخخخخ جننته لج
رهف : هههههههههههههههه يخرب بيت عدوج ربي رحم اعيال عمج انج ما عرفتيهم
ساره : هههههههههههههههههههههه
سارة واهيا تتمشى لفت انتباها احمد يطالع جسمها بنظرات وقحه .. عطته ظهرها
سارة : رهف خن نطلع احنا خلصنا من الاغراض
رهف : اي خلصنا .. بس خن نتمشى
سارة: لالا بنطلع
رهف : اشفيج
سارة : احمد وراااااااااااي
رهف : ولييييييييييييييييييييييييييييين .. طيب يلا
راحوا للكاشير .. ودفعت سارة .. من الكريدت كارد وطلعت
سارة كانت خاااايفه ورهف تتمشى على كيف كيفها
سارة : يلا رهف
رهف : لحظة باخذ لي نفيش
سارة : اوكي بسرعه
واحمد عيونه تلاحق سارة ..
خلصوا وراحت سارة للبيت وعلى طول بدلت وانزلت ترتب الاغراض
عايشه ببتسامه : خايفه
ساره ترقع : خايفه !!! اخاف من شنو
عايشه : بدلتي لبسج قبل لا يجي عبدالله
سارة : اخاف صج اخاف منه ما بقى الا هو .. المتخلف .. المعقد .. انا بدلت لاني مالي خلق لنجرته .. وبعدين بدلتي ضيقه وتغث
عايشه : اها !
وبعد الحوسه وترتيب .. جت بتطلع والا عبدالله داخل
عبدالله عطاها نظره على اللبس وارتاح .. زين اليوم ساتره
عبدالله : شرتي كل شي
سارة : اي خلصت
عبدالله : في شي ناقصج ؟
سارة عوع يا شينك لا مثلت دور الطيب .. وبحده قالت : لا
عبدالله طنش وراح قعد عالكنفه وبطل الكرفته وخذا له نفس : ممكن تجيبين لي ماي
سارة : ان شاء الله
راحت سارة تتأفف وجابت له ماي .. قعدوا شوي الا الجرس يرن
سارة قامت بتشوف منو لكن ايد عبدالله اسرع مسكها
عبدالله بستفسار : وين؟
سارة تطالعه ببتسامه عفويه : ماكو ببطل الباب
عبدالله : من اليوم ورايح الباب مالج دخل فيه انا ابطله
سارة بزهقه : وفرت التعب
عبدالله يتمصخر : راحتج تهمني
راح عبدالله وفتح الباب وانصدم .. كان علي اهوا الي عند الباب ...
علي واهوا كاااااااااااااااااره عبدالله .. مثل الطيبه وظمه : اهلين وسهلين بولد العم
عبدالله رفع ايدينه : هلا علي
علي : ييييييييييوووو يا الله مشتاق لك
عبدالله مو الدليل دايما تدق وتسأل : تشتاق لك العافيه
سارة انقزت وراحت للباب : منوووووو
عبدالله خاف على سارة وسحبها وراه
علي : منو هذي
عبدالله : سارة
علي : طيب خن اسلم
سارة اقمزت فلتت ايد عبدالله وطلعت بوجه علي : سلام
علي انبهر من جمالها داااااااااااااخ منها : وعليكم السلام
عبدالله شاف نظرات علي وكان هذا الي خايف منه .. سارة على نياتها .. ما تدري عن نية علي
سارة : منو انت
علي : معاج علي ولد عمج غانم
سارة جنه احد معطيها طراق للمره الثانيه : شسالفه
علي :هاه !
سارة ابتسمت : اقول يا هلا فيك تفضل
علي واهوا يدخل : دام فضلج
سارة نادت امها وجت عايشه وما كانت مرتاحه لعلي كلش واساسا كارهته بعد من ابوه الي كان رافض زواجها من عادل وعادل قايل لها عن اختلاس الي سواه غانم للشركه
علي : شلونكم شخباركم
عبدالله بملل : بخير وانت شخبارك وشخبار عمي والكل
علي : بخييييييييير والحمد الله
عبدالله سكب فيه : خاله خلص الغدا
عايشه ابتسمت فاهمه لعبدالله واهي مو اردى منه : اي .. حياكم
ساره طاااااااااااااااااااااايره فرح : علي انت شنو تشتغل ؟ <تبي تقهر عبدالله
عبدالله هاااااااااااااه ! ما سألتني قامت وسألته!!
علي ببتسامه : مدرس لغه عربيه
سارة : اها موفق
علي :اجمعين وانتي
سارة : توني متخرجه من الثانويه قبل امس
علي : مبروووووووووووووك
عبدالله بينه وبين نفسه ... طالع خذا على الجو .. مبين انه سارة قامت تميل له
سارة ابتسمت : الله يبارك فيك ..
تغدوا وعلي وساره يقرقرون
سارة : يمه
عايشه : نعم
سارة : بروح للصالون
عايشه : متى
سارة : العصر
عايشه : مع منو
ساره : بروح مع رهف
عايشه : ورهف من بيوديها
سارة : اخوها عمر
عبدالله طالعها : انا اوديج
سارة : بس بروح مع عمر
عبدالله : عمر جم عمره
سارة : 20
عبدالله : مااااااااااكووو .. انا اوديج
سارة ملت وزهقت .. قطت القفشه وراحت فوق بغضب
عايشه : مليييييييييت انا مو قادره استحمل تمردها ..
عبدالله ابتسم : وسعي صدرج عليها
عايشه : انا الي عودتها قبل كل ما قالت شي قلت اوكي يلا ميخالف .. لين فقدت السيطره عليها انا وابوها .. لا تستنكر غضبها اهيا ما تعودت انه اوامرها تنرفض .. وما تعودت انه احد يحدد ساعة رجعتها ... او تستأذن من احد ... وانه احد يتدخل بلبسها .. تعتقدك الحين انت يا عبدالله معقد .. لأنك دايما تزفها على لبسها ما تدري انه لمصلحتها ..
علي ابتسم ابتسامه خبيثه وفهم شخصية ساره .. تبي تطلع وترد ولا لأي احد حق انه يتدخل فيها .. يعني مفهوم الحريه عندها غلط !
علي .. بينه وبين نفسه .. اييييييييه يا يبا ابشر بعزك مبين عليها سهله بس لازم ابين لها بالجذب انه عبدالله معقد وخواته متأذيات منه .. اي وبعد لازم ادخل فكرة انه عبدالله متخلف ببالها .. البنت مغفله .. ماتدري انه ابوها مأمن عليها عبدالله لانه عارف انه بيحفظ بنته .. بنت الـ... تفووو على تربيتج!!! < قويه صح < .. والله لأخليج خاتم بأصبعي وبنشوووف يا عبدالله اذا ما قلبتها عليك .. و الايام جايه .. بس بنت الـ... حلو جسمها تحطيم واهي احلى .. بحياتي ماشفت بجمالها .. يااااااااااااااقلبي بس..
انتظروني بالبارت الخامس والاحداث المهمه الي بتصير
وشلون راح يتغلب علي على عبدالله .. وشلون عبدالله بيبلع علي ووجوده !! انتظروووووووووووووووني q8ia 3z
