روايتي الثانية : حجابي حببني فيك
للكـاتبه :q8ia 3z
الجزء : السادس
سارة اركبت السياره ببتسامه وايها تقعد جدام : سلام
علي :يا هلا وعليكم السلام .. شلونج
سارة بهدوء : تمام وانت
علي :ماشي الحال .. اليوم ترا على الله وعليج
سارة : هههههههههههه اوكي
علي < يبووووووووووووووووي على الضحكة والله وطحت يا علي ولا حد سمى عليك <<
علي: شخبار خالتي
سارة استحت شوي من علي : بخير ..
وخذتهم السوالف اقعدت سارة تستفسر عن علي وخواته وامه وابوه..
سارة : بس بس هذي اهيا الحديقه ..
علي واهوا يسفط : اوكي..
انزلوا علي وساره .. واقعدت سارة تلعب ومنطشه بعبدالله الي بالبيت منسدح وحرارته مرتفعه ..
علي : غريبه عبووود رضى انج تطلعين
سارة بضحكة : اهوا ما رضى
علي :عيل شلووووووووون
سارة : نحشت عنه
علي خبله : ههههههههههههههههههه يخرب بيت عدوج
سارة : شسوي مليت وزهقت واهوا مسوي نفسه سوبرمان علي نافش ريشه
علي مكيف : ههههههههههههههههههههههههه
سارة : مكرهني بعيشتي يلا كلها اليوم وباجر وبعدها يروح .. علي
علي بهدوء ورومانسيه مززززززززززيفه : عيونه
سارة استحت حيييييييييل : امممممم متى بتروح
علي بنفس النبره : متى ما بغيتي
سارة : علي بسسسسسسسسسسسسسسسس
علي لالا سهله ان شاء الله : ههههههههههههههههههههههههه
والله ماكو عالاسبوع الجاي يمكن
سارة : طيب ممكن اطلب طلب
علي : آمريني
سارة نزلت راسها : ما يامر عليك عدو .. الاسبوع الجاي حفلة تخرجي يا ليت تكون موجود
علي : وبس
سارة ابتسمت : اي
علي يأشر على عيونه : من العين هذي قبل هذي ولا تزعلين
سارة بفرح : يسلموووووووووو علي
علي : حاضرين للطيبين
سارة اسكتت من الحيا
علي : سارونه < بدينا بالدلع < يلا خلينا نلعب
سارة : شنو من صجك!!!!!!!!!!!
علي مسكها من ايدها وجرها< قاصدها< : يلاااااااااااااااا
سارة استحت : لا علي ما احب هاللعبه اخاااااااااااف
علي بحنان مزيف : انا معاج
سارة ولت خلااااااااااااااص : اوكي
راحت سارة واقعدت يم علي واول ما بدت اللعبه مسكت بذارعه : يااااااااااااربي قلت لك ما ابي العبها مااااااااااا ابي
علي مستانس عالوضع : ههههههههههههههههههههههه
سارة .. اول ما بدت اللعبه : ياااااااااااااا مااااااااااااامااااااااااااااااااااااااااااااااااااااااااااااااااااااااااااااا وادفنت راسها ورى كتف علي .. وعلي طااااااااااااااير من الفرح..
عبدالله استغرب من الهدوء الموجود بالبيت .. قام من سريره وراح لغرفة سارة دق الباب وماترد نزل تحت سأل عايشه
عبدالله : خاله وين سارة
عايشه : راحت
عبدالله : وين
عايشه : مع علي للملاهي
عبدالله بستنكار : بس انا منبه عليها ما تطلع مع علي!
عايشه : حاولت امنعها بس ما قدرت!
عبدالله غمض عيونه وتدارك غضبه طلع معصب واتصل تلفون عليها .. سارة وقتها تلفونها بجنطتها وصوت اللعبه عالي وما تسمعه ومن صراخ العالم يمينها ويسارها وصراخها اهي نفسها بعد .. دق دق دق دق عبدالله ميت مره وما ردت
اخلصت اللعبه وانزلت اهيا وعلي وساره خايفه وماسكه يده
علي يطالع ايدها واصابعها في اصابعه < طبعا سارة عااااااااااادي عندها لانها بالملاهي اذا طلعت مع عيال خالتها البريطانيه تمسك اياديهم وفالتها .. <
سارة : احس نفسي دايخه من هاللعبه
علي يا الله هذي زوووغه جسمها ولا جسم ××× < عن سارة < : بس روووعه مو
سارة واهيا تقعد عالكرسي : اي
< دق تلفون ساره < وطلع عبدالله
سارة : الووو
عبدالله بهدوء: وينج
سارة : مع علي بالملاهي
عبدالله بنفس الهدوووء < ماقبل العاصفه< : تعالي البيت الحين
سارة طنشت فيه وحبت اتسكره : انزين باي < وسكرت الخط بوجهه
عبدالله يطالع التلفون ... مااااااااااااااااااااااااااااااااااااااااااااشي!
علي مستانس على تعامل ساره مع عبدالله بهالطريقه : امممممممم هذا عبود < يا شيخ انت من متى قمت تدلعه!
سارة : اييييييييييه
علي يطالع ساعته ومسوي نفسه محترم: يلا الساعه 9 خن نتعشى واردج للبيت
سارة بملل : تو الناس
علي ابتسم : الجايات اكثر
سارة ابتسمت .. وقت يكون عبدالله ذاااالف : ان شاء الله
راحت سارة تتعشى ومن كثر ما اتصل عبدالله واهيا مطنشه حطت صامت ..
وصل علي سارة للبيت : لا تحرميني من صوتج
سارة استحت حدددددددددددددددها : اوكي
علي : تغطي زين
سارة منزله راسها : ان شاء الله مع السلامه
علي ابتسم : الله يسلمج ويحفظج من كل شر
ادخلت سارة البيت وايها طاير من الفرح ولمن بغت تصعد الدرج وقفها صوت جمهووووري قووووووووووووووووووي
عبدالله : صباااااااااااااااااااااااااااااااااحووووو
سارة طاح قلبها ببطنها من الخوف
عبدالله واهوا في قمت العصبيه : شقلت لج اليوم
سارة خاااااافت : انا قلت لك بطلع
عبدالله بحده وصوت مرتفع : شقلت لج اليوم
سارة : لا تروحين
عبدالله بصرخه : ورحتي!!!!!!!!!!
سارة من صرخه عبدالله اخترعت وارفعت اكتوفها : ضاق خلقي
عبدالله بعصبيه : ضاق خلقج هاه .. تعرفين تكسرين كلمتي
سارة بجت: عبدالله والله
عبدالله قاطعها : جب ولا كلمه .. انا عبدالله تسكرين التلفون بوجهي اناااااااااااااااااااا
سارة تبجي وبصرخه : كيفي
عبدالله راح لها ومسكها من زندها بقووووه :لالالالا تطورات والله تعرفين ترفعين صوتج
ساره انهارت بجي : ايييييي
عبدالله :قصري صوتج لا اقطعه لج ... جدامي
سارة : آآآآآآآآآآآآآآ يمه
عايشه خاااااااااااايفه على بنتها بس اهيا قالت لها تتحمل ردة فعل عبدالله .. عبدالله مو معصب على انها طلعت بدون شوره او سكرت الخط بوجهه كل هذول مو مهمين عنده كثر خوفه عليها من علي بس اهي مو راضيه تفهم هالشي
عبدالله راح معاها فوق ودخل غرفتها ورماها بقوه عالسرير.. راح للتلفزيون وقطع الواير وخذاه
سارة راحت له واهيا مقطعه البجي وتمسكه من ايده : عبدالله شتسوي
عبدالله فلت ايده منها بعصبيه وخذا اللاب توب ..
سارة : عبدالله حراااااااااااااااام عليك
لف عليها : وين تلفونج!
سارة انصدمت : شتبي فيه
عبدالله بصرخه : وينه؟؟؟؟؟؟؟؟؟؟
طلعت له التلفون .. خذا اغراضها وراح لغرفته وحطهم فيها.. ورد لها شافها واقفه عند باب غرفتها
عبدالله .. : ادخلي داخل خلصيني
سارة : مابي
عبدالله جرها عشان تدخل لكنها تطاولت عليه وسحبت نفسها ونحاشت للدرج عبدالله ركض وراها.. ساره ما حست بنفسها الا ورجولها مو على الارض .. شالها عبدالله ,, كان ماسكها عدل .. واهيا مقطعه بجي .. وعبدالله موصل حده.........
ساره بصراخ وبجي: تكفى خلني اخر مره التووووووبه والله ما اعيدها... وخررررررررر وتقعد ترافس برجولها ..
حطها عبدالله عالسرير وقرب راسه من راسها : شوفي ترا ليما الحين وانا محترم نفسي وجلالة ربي اي كلمة تطلع منج اي صوت ورب الكعبة ما يردني شي فاهمه!
سارة طالعته بخوف .. عبدالله تذكر هالنظره .. نفسها نظرة الخوف الي كانت بعيونها من لمن كان عمرها 6 شهور نفس النظره.. نفس رجفة الشفايف .. الخشم احمر.. خدودها موردة .. جسمها الانثوي يرجف
عبدالله ذاب فيها زووود: ما ابي اسمع ولا صوووووت فاهمه ولا صوووت
سارة سااااااااااااااااااااكته تضارب شعور الخوف مع الخجل بسبب قربه
عبدالله وخر عنها واستعدل بوقفته : عقابج يومين ما تعدين هالباب ..
عبدالله كان بباله انه بيسمع معارضه لكن انصدم لمن شافها تعطيه ظهرها وشعرها متناثر بكل صوب ونعومه امسكت دبدوبها وظمته بهدوووووووووووووء ... وما ردت عليه..
طلع عبدالله من الغرفه بعد ما قفل الباب .. خذت سارة ساعه عشان تستوعب الي حصل وبدت دموعها تنزل
عبدالله راح لداره .. يا ربي والله اني كنت ميت من الخوف علشانها واهي ولا هامها والله بغيت انجن لمن ما ردت علي وطنشت .. الله ياخذك يا علي.. شسوى لها الحين من طلعت لين ردت اقص ارقبتي اذا ما كلمها بإسلوبه الوصخ .. اعرفه بيطيحها بشباكه .. الحقييييييييييييييييييير
علي بهالوقت يفكر اذا يدق ولا يثقل .. قرر يدق .. دق تلفون سارة وشاف عبدالله المتصل علي .. مسك التلفون بعصبيه وحذفه بالدرج ضل علي يدق ويدق..
علي : وجعة ابوي ان شاء الله وين هالبقره عن تلفونها .. اوووووه .. خن نشوف الحلوين
علي اتصل على رفيجته .. حيل معاها ,, بس ليما الحين ما جاب راسها واهوا يحب هالنوعيه.. اذا جاب راسها رمها ودور غيرها!
الكويت – دوانية الشباب :
محمد : السلااااااااااااااااااام عليكم
فايز : تو الناس
محمد : ههههههههههههههههههههه شخبار عينك
فايز : قلت بتعطيني بوكس خفيف مو قوي
محمد : هههههههههههههههههه لا لا لا ماكو مثل نظرتك لي
فايز : كنت حاقد عليك ما كان ببالي بتعطيني بوكس لهدرجه
محمد : شسوي عشان هالخبله تصدق لوعت جبدي 5 شهور ومو راضيه تعطيني وجه هههههههههههههه
فايز: المهم صدقت
محمد : اي حده عبالها اني ما اعرفك
فايز : هههههههههههههه عطني الكروة اشوف
محمد عطى فايز 200 دينار ..
< محمد موصي فايز رفيجه يتحرش برشا علشان اهوا يدافع عنها ويصير الجنتل مان وانه يخاف عليها طبعا بالجذب! <
الكويت – بيت ابو عبدالله
حمود< ابو عبدالله < يتكلم بالتلفون مع عادل < ابو ساره < :
حمود : يعني خلاص ابني ارضك الي يم بيتي
عادل : اي خلاص قررت استقر بالكويت بعد موت ابوي
حمود : واهل مرتك
عادل: بنزورهم بكل صيفيه
حمود : عاد لو تدري شكثر تهاوشت مع مرتي بسبة هالارض كله تقول لي ليش شريتها .. ولمنو لا يكون متزوج علي وتضمن حق مرتك الثانية وعيالك
عادل: هههههههههههههههههههههههههههه
حمود : ليما الحين محد يدري بالارض الي يمي انها لك غيري انا وانت وامي
عادل : مسكينه ام عبدالله هههههههههههههه
حمود : اي والله يلا عالعموم ببني هالارض على ما تخلص ان شاءالله تسكنونها ..
عادل : على خير ان شاء الله .. هذي عايشة تتصل علي تامر على شي
حمود : ما يامر عليك عدو انتبه على نفسك
عادل : اوكي..
<<<
بريطانيا :
عايشه : عبدالله ترا زهبت لك العشى ..
عبدالله : مشكوورة خالتي
عايشه : العفو ولو .. انا بروح انام
عبدالله : تمسين على خير
عايشه: وانته من اهله
تعشى عبدالله وغسل اغراضه وراح فوق ينام قرب من غرفة سارة سمع صوتها تبجي بهدوووء .. تركها عبدالله وقلبه يتقطع .. وراح نام
<< عند عايشه .. تكلم ابو سارة < عادل< بالتلفون..
عايشه : يا عادل انت متى بتجي!
عادل بوله : اشتقتي لي
عايشه : اكيد .. بس في الي اهم .. عبدالله قفل على سارة الباب توهم متهاوشين
عادل : هههههههههههههههههههه ليش
عايشه عصبت : شنو ليش!! وشلي يضحك !!
عادل : كنت متوقع هالشي بس قولي لي شصار
عايشه قالت له كل شي
عادل : لاااااااااا ليش تطلع اهوا مو محذرها
عايشه : ليش ماتعرف بنتك
عادل : يوووووووووووووو احس عبدالله كره البنت !
عايشه : ليش وانت شمفكر
عادل :ابيه يتولع بالبنت انتي تدرين انها مو مقبوله بمجتمعنا
عايشه اسكتت
عادل: المهم باجر بدق على عبدالله
عايشه بصدمه: ليش
عادل: بقوله اني بتأخر اسبوع
عايشه : يا ابن الحلال انسى هالفكره وتعال
عادل: لا مو قبل ما اتخلص فكرتي
عايشه : ياااااااااااااااآآآآآآآآآآآآااااااااااااااا الله منك
عادل: هههههههههههههههههههههههههههههه
عايشه : مطول يعني
عادل : اي ..
عايشه : الله يردك بالسلامه
عادل: الله يسلمج حبي
<<
الكويت :
رشا توها طالعه من الحمام اسمعت صوت تلفونها يدق .. راحت بروبها وشافت رقم محمد .. ابتسمت وردت عليه بحيا
رشا بصوت واطي : الو
محمد : لك يسلم لي الألو وصاحبته
رشا استحت زياده
محمد : شخبارج قلبوو
رشا بهدوء: تمام
محمد : حياتي والله .. ما حبيت انام الا وانا متطمن عليج من بعد الي صار ..
رشا : ماننحرم
محمد : يابووووووووووووووووووووووووووي عالدلع
رشا : هههههه وربي ما اتدلع
محمد : عسى الضحكة ما تفارقج قولي امين
رشا : اجمعين
محمد : رشاوي
رشا : هلا
محمد : احبج
رشا : محمد بس عاد من اولها
محمد : اموووت فيج
رشا زعلت : وبعدين
محمد : اهواااج
رشا :بس بس بسكر
محمد : ههههههههههههههه خلاص سكتنا
رشا : اي جذي
محمد : يؤبرني الخجلان
رشا : ما راح تبطل هالسيرة
محمد : رشا حبيبتي حسي فينا عقب الموت عطيتيني وجه
رشا : ادري
محمد : بربج تحبيني
رشا : .........
محمد: رشا جاوبيني
رشا : اي
محمد : بذمتج!!
رشا بضحكة : والله
محمد : علي ليش طايحة لي طاف وزف
رشا : ما كنت اعرفك عدل
محمد < لقاها حجه وزعل : يا سلام
رشا : محمد زعلت
محمد : لالا يلا اخليج
رشا بضيق .. ياني بقره الولد من اول يوم تضايق : حمودي
محمد ابتسم .. باين عليها سهله .. < رد عليها بفسيه : نعم
رشا : حبيبي لا تتضايق سوري
محمد : اموووووت انا يا وييييلييي على حبيبي ..
رشا .. < من كلمه رضى!! لهدرجة متعلق فيني وانا الي معطيته طاف : هههههههههههههههه
وقعدوا سوالف لوجه الفجر
<<<<
كويت بيت حمود < بوعبدالله
فهد : يلا يبا تأخرنا عالصلاه
ابو عبدالله : خلاص يا حصه < ام عبدالله< من اليوم واقولج مو متزوج عليج
ام عبدالله : ليش توه يطري عليك بنيان البيت الي يمنا قول انك متزوج وريحني .. ليش ما رضيت تبنيه الا لمن مات ابوك هاه .. خايف تقوله انك متزوج علي
ابو عبدالله ابتسم : انا بروح لصلاتي لو راد عليج ما صليت
ام عبدالله : الله اكبر ليش انا منتعتك
ابو عبدالله ضحك قرب لها وباسها : مع السلامه
اقعدت حصه تبجي المسكينه .. بتموت من الغيره متعلقه بحمود رجلها فوق ما احد يتصور تحبه وتحب الارض الي يمشي عليها .. وتبجي بس من فكرة انه متزوج وحده ثانيه ..
فهد : يبا شفيها امي
ابو عبدالله : ماكومتضايقه شوي
فهد : اها ..
<<
بريطانيا – الصبح
قعد عبدالله من النوم .. وراح للحمام ضبط امورة ولبس لبسه وطلع راح لغرفة سارة .. طق الباب وسارة نايمه
دخل ولقاها نايمه بهدوء شاف الساعه 10 وربع .. راح لها قعد عالسرير شاف ملامح وجهها وبراءته قعد يتعوذ من ابليس ويلعن بعلي
عبدالله بهدوء : سارة
سارة : ..............................
عبدالله : ساااااااااارة
سارة لفت ونامت على جنبها الثاني
عبدالله ابتسم : ساااااااااااااااااااااااااااااااااااااااااااااااره
سارة اقعدت من النوم واستعدلت لمن شافته ورفعت بلوزتها فوق ووردت اخدودها : من اذن لك تدخل
عبدالله ذااااااااااااااااب فيها : صباح النور .. يلا اخلصي علي تغسلي ..
سارة قامت وراحت جدامه عالحمام .. تغسلت وطلعت
عبدالله : على دارج
سارة ..آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه : ابوي ما اتصل ما قال لك متى بيجي
عبدالله .. لهدرجة متثيقلتني : لا
سارة دخلت غرفتها ولفت على عبدالله : لا تدخل غرفتي ما لك اذن مني
عبدالله: هههههههههههه والله انج تضحكين هههههههههه
سارة عصبت وطنشت فيه
عبدالله قفل الباب ونزل تحت جاب لها فطورها وطلع من غير ولا كلمه .. نزل عبدالله تريق .. وفجأه سمعوا صوت تلفون عبدالله يدق..
يا ترى منو الي كان متصل..؟ وشيبي من عبدالله ..؟
انتظروني بالجزء السابع..
