روايتي الثانية: حجـــــابي حببنــي فيـكـ بقلمي:q8ia 3z

[q8ia 3z]

شكرا للجميع

في قارئات نيو

حياكم ربي

 

[الكويت داري]

سلامات حبوبه ما تشوفين شر ان شاءالله

 

[Combtaitya]

يلا ماعليه .,

نااطريييييييينج ع الوعد بااااجر .,

حمستيييييييييييييييييييييييني

up up up up up up up up up up up ​

 

[zger_tiya]

ماتشووفين شر ياقلبي ..
ناطريينج باجر ع احر من الجمر ..

 

[zger_tiya]

ماتشووفين شر ياقلبي ..
ناطريينج باجر ع احر من الجمر ..

 

[Jroo7]

up up up

​

 

[fo0oshey2]

رد : روايتي الثانية: حجـــــابي حببنــي فيـكـ بقلمي:q8ia 3z

حبيبتي مـآتشوفين شر :eh_s(22):
وبـآنتظار البـآرت

 

[q8ia 3z]

روايتي الثانية : حجابي حببني فيك
للكـاتبه :q8ia 3z
الجزء : الثالث عشر

بعد الست الشهور الي مرت الكل تغير خصوصا علاقة سارة وعبدالله الي صاروا يوميا اتصال مع بعض وياخذون اخبار بعض
سارة بزعل : مو طبيعي انت صار لك ست شهور وانت تقول لي مفاجئة بابا خلاص لا تزورني
عبدالله : هههههههههههههههههه سارونه والله ما فضيت
سارة : ما حبك ما حبك
عبدالله واهوا يعدل شعره : عن الدلع اوص يلا
سارة : جب
عبدالله : لا تخليني اعضج
ساره : مولت عليك
عبدالله : بس يلا بيبيتي صاير السانج طويل اليوم
سارة : تستاهل
عبدالله : هههههههههههههههه ترى بمجع شعرج
سارة : اي بس شاطر بالطق
عبدالله : شخبار ابوج وامج
ساره : بخير الله يسلمك
عبدالله : ان شاء الله امور الجامعة تمام
سارة : اي الحمدالله ولو انه موادهم غثيثه
عبدالله: شدي حيلج ما اوصيج
سارة : اوكي لا تاكل هم
عبدالله : عفيه عالشاطره



عند لمار وجاسم :
لمار : هذي ملفاتك بس في ملف ما فهمته
جاسم يطالع الملفات : اي واحد
مدت له لمار واحد من ملفاتها
جاسم طالع الملف : تعالي
راحت له لمار
جاسم : قعدي يمي خن اشرح لج
لمار اقعدت يمه هاديه
جاسم : شوفي اهذا تلخيصه يصير على رسم
لمار : شلون يعني
جاسم : راح اوضح لج .. قعد جاسم يرسم خطوط وعفيسه ويفهم بلمار
لمار : مافهمت
جاسم رد يشرح
لمار : ماااااااافهمت
جاسم : ههههههههههههههههههههههههههههه
لمار : لاتضحك
جاسم كشر : زين
لمار امسكت ضحكتها
جاسم : خلاص هالملفات علي
لمار : مشكور
جاسم العفوا
دش عبدالرحمن وركض على جاسم ضمه
جاسم : يا حلات البطل
لمار : حمني روح قلبي احنا نشتغل
عبدالرحمن يطالع جاسم
جاسم : مالك شغل فيها
لمار : هاه
جاسم قعد يلعب مع حمني وسوالف وضحك ولمار قاعده يمه وساكته
جاسم : ممكن بدال هالفضاوه يا لمورتي تعدلين لي الملفات
لمار : زين
وتقعد لمار تضبط الملفات وعيونها على عبدالرحمن اخوها واهوا قاعد بحضن جاسم كان خاطرها تكون مكانه
دخل صالح وقعد يهلي ويرحب في جاسم ومستااااانس وماعنده سالفه ومو معارض على جلوسهم بروحهم بالعكس يشجع
صالح : شلونك طال عمرك
جاسم بنرفزه لانه ما يحبه : زين
صالح : ان شاء الله لمار مبيضتها
جاسم : مو مقصره
صالح : تبيني اساعدكم ترى ما عندي مانع ابدا
جاسم بقرف : لا مشكور مو بحاجة احد عساك عالقوة
صالح : انا اخليكم عيل مع شغلكم ومع السلامه
جاسم : الله يسلمكم
طلع صالح من البيت ولا جنه بنته مع رجال غريب ببيت بروحهم < اللهم لك الحمد تدرون انه الخمر ولحم الخنزير يذبح بالانسان صفة الغيره والخوف على العرض فاحمدوا ربكم انه الاسلام حرمه <

لمار : شفت
جاسم لف عليها وشاف دموعها نزل عبدالرحمن ولف جسمه كله لها : ليش هالدموع يا عيون جاسم ليش هالبجي
لمار : ابوي مو مهتم فيني طلع وخلاني معاك بروحنا بروحنا
جاسم : روحي انا جاسم مو من امس تعرفيني
لمار بجت : لا ولو تظل رجال غريب عني
جاسم : انتي الي تبينه بسويه تبيني اطلع
لمار اسكتت
جاسم : اروح خلاص الخدامة عندج بالبيت من جبتها لج وانا مرتاح انا بسوي الي يريحج
لمار : بس ابي احد يحسسني انه مهتم فيني يحن علي
جاسم : الله يسامحج وانا مو مكفي وموفي معاج
لمار تمسح دموعها : الا
جاسم : خلاص عيل
لمار اسكتت ما اقدرت تقول له لمني بحضنك خلني بدفاك .. مو من حقها ..
جاسم حاس فيها وعارف اساسا اهيا شنو تبي وهذا الي مذوبه : نكمل ملافاتنا ولا بعدين لين تروقين
لمار : لا نكمل ونخلصهم
جاسم : شرايج نطلع مكان نتمشى
لمار : لا ابوي يذبحني اذا عرف
جاسم : انا اكلمه لج ولا يهمج
لمار : اوكي بس مالي شغل يزفك

جاسم اتصل على صالح وكلش ما صدق خبر قاله روح انت ولمار وعبدالرحمن
طالعها : وافق ابوج قومي البسي يلا
قامت لمار فرحانه البست ولبست عبدالرحمن وراحت شافت جاسم بالسياره يطقطق بالتلفون
لمار: تاخرت عليك
جاسم : لا ابدا
لمار : مشكور ما ادري شلون اطلع من جزاك
جاسم : لا تقولين هالكلام
لمار اركبت ورى وتنظر جاسم يحرك
جاسم يطالعها بكل هدوء : لا والله
لمار : شو
جاسم : تنكتين
لمار : هههههههههههه اشفيك
جاسم : تعالي جدام
لمار بحيى : لا
جاسم ذاب: تعالي
لمار : مابي
جاسم : خلصيني لمار
لمار قامت من مكانها وراحت له جدام
جاسم قرقر يغازلها شوي : نور هالمكان والله
لمار اسكتت
جاسم : ياااااااااا ربي على الي يستحون
لمار : ترى انزل
جاسم : هههههههههههه بسكت .. كنت بتغزل فيج شوي
فرفروا جاسم وعبدالرحمن ولمار بالكويت كلها



عند محمد ورشا :
محمد : واذا
رشا : شنو واذا بجيك الشقه
محمد : اعقلي يلا ماكو
رشا: حمودي ما ابي اسافر مع اهلي
محمد : الا بتسافرين
رشا : غصب
محمد : اي غصب شبيقولون الناس مجذبه على اهلها قايلت لهم بروح لرفيجتي و البنت طالعه نايمه عند رفيجها 3 ايام مجنونه انتي
رشا : ما هموني ما هموني
محمد : ما هموج انتي يهموني انا اعقلي اعقلي
رشا : مابي قول ما تبيني
محمد : يا رشا يا عمري يا قلبي الي تسوينه غلط
رشا : بس انا ابيك
محمد : وانا ابيج
رشا : بس عيل خلاص
محمد : لا مو خلاص
رشا : شوف راح اجيك رضيت ولا انرضيت انا بنام عندك
محمد : رشا
رشا : كيفي
محمد : طيب مثل ماتبين بس لا غلطنا انتي تتحملين
رشا : اي اتحمل
محمد : طيب ابي ابتسامه
رشا : وانت خليت فيها ابتسامه .. انت صاير ماتبيني ولاتبي قربي
محمد : هبله انتي هبله انا احلم باليوم الي اكون فيه قربج
رشا : مو واضح عليك
محمد : مو لازم اوضح
رشا : حمودي
محمد : كله
رشا : والله احبك
محمد : انا اموت فيج
رشا : اجيك ولالا
محمد : تعالي يا روح محمد تعالي
رشا : هههههههههههههه كنت ادري انك بتوافق
محمد : هههههههه دلوعه



سكرت رشا التلفون فرحانه دشت عليها امل معصبه
امل : منو محمد
رشا طاح قلبها : انتي من امتى اهنيه
امل بصرخه : اقول لج منو محمد
رشا : تتسمعين هاه
امل : رشا اكلمج ردي علي
رشا : مالج شغل
امل : لا لي شغل
رشا : انتي مو امي ولا ابوي
امل : انا اختج الكبيره
رشا : ما هميتيني وثاني مره لا تسمعين عيب
امل راحت لرشا وصفعتها طراق : متواعده معاه هاه
رشا : من سمح لج تمدين ايدج
امل اصرخت : ردي
رشا بجت : كيفي انا حره
امل : وجعه وجعه انتي ناويه على موتنا
رشا : مالج خص انا اعيش حياتي مثل ما ابي انا كبيره مو بنت بالثانويه
امل: انتي جاهل وقاعده تحفرين قبرج بأيدج الي تسوينه لا ربي يرضاه ولا رسوله انتي ماتخافين من ربج ماكو قلب احساسج ميت ولا شنو
رشا : يووووووووووووووووووه وانتي فاتحه لي محاضره دينيه
امل : جب ولا كلمه طلعه من هالبيت ماكو
رشا : فيج خير منعيني
امل : امنعج .. واحرمج .. واقلب الدنيا على راسج
رشا : الي ما تطولينه بأيدج واصليه برجلج
امل : تهددين
رشا بصراخ :برى
امل : لا والله
رشا راحت افتحت الباب ,, وطلعت امل واهيا تتحلف فيها


راحت رشا دقت على محمد وقالت له
محمد : بعد عمري هدي
رشا : قهرتني لوعت جبدي تصرخ علي وتصفعني جني جاهل عمره سنه
محمد : ما عليه حبي ما عليه اختج ما تنلام عبالها انا مثل باجي الشباب
رشا : بس انت مو مثلهم
محمد : روحي فهميها عاد .. حبي الي عنده مثل هالاخت يبوس راسها
رشا : لا والله بعد ما هزأتني ومسحت فيني بالقاع ابوس راسها
محمد : واذا قلت لج عشان حمودي
رشا : اسفه
محمد : حبي هذا من خوفها عليج يلا عاد لا تزعليني منج
رشا : موبي
محمد : روحي وقولي لي و لاتطلعين منها الا واهيا راضيه اهيا مالها غيرج
رشا : طيب حبيبي
محمد : فديت العاجل انا
رشا استحت : اعشقك
محمد : اموت فيج
سكرت رشا من محمد

راح لغرفة امل الي تبجي من خوفها على اختها
رشا : ممكن ادخل
دخلت امل ما طالعتها راحت لها رشا باست راسها : اسفه على قلة ادبي معاج
امل ما تحملت على طول ضمت اختها
رشا بجت
امل : انا بموت من خوفي عليج
رشا : والله محمد مو مثل الباجي
امل : كلهم نفس الطينه
رشا : الا محمد
امل : تنسينه
رشا : لا
امل : الا
رشا : مابي انا جايه اعتذر واروح
امل : يا رشا هالشباب والله ما يرضونهم على خواتهم ولله
رشا : بس انا احبه واهوا يحبني
امل : يجذب عليج لو يحبج جان ما كلمج طق الباب
رشا : الا يحبني ما همني كلامكم احنا مرتاحين جذي انا جايه اعتذر واطلع
امل : كلن عقله براسه و يعرف خلاصه
راحت رشا عن امل
رشا دقت على محمد وبلغته بلي سوته
محمد : والله ماكو مثل حبيبتي
رشا : لجل العين تكرم مدينه
محمد : فديتج
رشا : حمودي صار لي اسبوعين ما شفتك
محمد : وانا بعد حدي مشتاق
رشا : اهلي بيسافرون الاسبوع الجاي اجيك
محمد : بتنورين والله
رشا اضحكت : بوقف لك بالبلعوم
محمد : قاعد لج انا
رشا ومحمد : هههههههههههههههههههههههه
رشا : بسود لك عيشتك
محمد : بالعكس
رشا : طيب ان ما طفرتك
محمد : وريني يلا
رشا : طيب انطر علي شوي
محمد : ههههههههههههههه حدج ماخذه بخاطرج علي
رشا : اي احسن اقولك بجيك تقول لي الناس والعالم
محمد : هههههههههههههههه

عبدالله بالشركه الصبح :
جاسم : يا اخي مو معقول مو معقول
عبدالله متنرفز : والحل
جاسم : كل مناقصاتنا ماخذهم عمك ما يتعرض الا لشركتنا ليش ليش شجاه منا
عبدالله معصب : الحشيمة لبوي ولا هذا مو وجه حشيمه
طق الباب ودخل فهد : هذا الملف الي طلبته طال عمرك
عبدالله : مشكور فهد
فهد : العفو تامر على شي
عبدالله : لا مشكور
فهد : العفو
عبدالله : تعال يا جاسم شرف اقرى جم مناقصه ماخذهم منا
راج جاسم ووقف ورى كرسي عبدالله : يا رحمن رحمتك كل هذا
عبدالله : انا انفضحت بالسوق تفشلت من العالم .. كل من مر قال طالعوه هذا الي عمه ماخذ كل مناقصاته قص وجهي
جاسم : هذا يبيله طراق على بوكسات
عبدالله : يا رب طول لي بالي
دق تلفون عبدالله وطلع جاسم
عبدالله بضيق : الو
سارة بدلع : مرحبا
عبدالله : هلا وغلا
ساره : اشفيك عبادي صوتك موع اجبني
عبدالله : من عمي
سارة : رد ياخذ مناقصات
عبدالله: اي ما ادري انا شسوي
سارة : روح تفاهم معاه اقعد معاه قعدة رجال
عبدالله : كلمته والله كلمته فهمته مو راضي مو راضي جنج تحاجين طوفه
سارة : يا ربي منه ما عليه عبودي وسع صدرك
عبدالله : اسف نسيت اسالج شلونج
سارة : زعلانه
عبدالله : ليش سارونه
سارة : قلت بتزورنا وما زرتنا
عبدالله : ان شاء الله قررررريب
سارة : متى
عبدالله : باجر
ساره : هاه
عبدالله : هههههههههههه اي بدت عطلتنا راس السنه وبنسافر كلنا لكم
ساره : وناسه
عبدالله : حده مشتاق لج
ساره اسكتت
عبدالله بشوق : فاقدج حيل
سارة بقمت حياءها
عبدالله : ساره
ساره بصوت هادي : نعم
عبدالله احبج : اشفيج سكتي
ساره : .....
عبدالله : ههههههههههههه وا حلاتنا نستحي
سارة : ..........
عبدالله : يا لبيييييييييييييييييييييييييييييييه
ساره : ترى اسكر
عبدالله بزعل : شقلت
سارة واهيا مستانسه : لا تقول هالكلام
عبدالله : ليش
ساره : انت مو حبيبي
عبدالله بعصبيه : عيل منو حبيبج
ساره : ما عندي
عبدالله : يعني صدقني ماكو بالجامعه
سارة : انا رايحة ادرس مو ادورلي حبيب
عبدالله : اي عدل شاطره
ساره : هههههههههههههههههههه
عبدالله : هذا الي ناقص يكون لج حبيب
ساره : واذا
عبدالله : اعدمه
ساره بفرح : ليش ماسوى شي
عبدالله : لا والله
ساره : شذنبه المسكين
عبدالله : ليش يحبج بس انا
ساره :..............
عبدالله : سارة انا احبج
ساره : .........
عبدالله: واموت من غيرتي علييج
ساره طااااااااااااايره من الفرح :...
عبدالله : ما اتحمل بعادج ..
ساره ولا انا :...
عبدالله : انتي روحي .. وقلبي وكياني وكلي
ساره : عبدالله
عبدالله : عيونه كله
ساره : عيب
عبدالله : يااااااااااااااااااا حلاتهم والله
ساره : خلاص ترى اسكر
عبدالله : احبج
ساره : مع السلامه
عبدالله : تعالي
ساره : شتبي
عبدالله : تتزوجيني
ساره : هاااه
عبدالله بشوق : تتزوجيني ..؟


علي يسكر جنطته ويحذف روحه عالفراش : وناسه ريماس باجر معاي بالطياره
يا ربي بموت من الوناسه معاي معاااااي الغاليه معاي


ريماس وريتاج
ريتاج تحط لها ماسك لبشرتها : اي معانا بيت عمي غانم
ريماس : ما ادري رشا ليش ماتبي تروح
ريتاج : يقولون بتنام ببيت رفيجتها
ريماس : شنو هذول عادي عندهم
ريتاج : و الله ما ادري
ريماس : احنا شلي غيرنا كنا حيل مع بعض
ريتاج : الدنيا و الزمن ما قصروا
ريماس : حيل مشتاق لجمعاتنا وسوالفنا
ريتاج : اي والله ..
ريماس بتفكير : حلوة ساره
ريتاج: اي ما شاء الله عفويه
ريماس : حيل عبدالله معاها دايما تلفونات
ريتاج : عادي يعتبرها اخته
ريماس : مالت عليج يا الهبله
ريتاج : اشفيج
ريماس : شنو اخته .. حبيبتي خلج مثلي فطينه
ريتاج بمصخره : وشلي شفتيه يا الفطينه
ريماس : تتمصخرين
ريتاج : لا اضحك .. اي اتمصخر
ريماس : حبيبتي يا عمري عبدالله يموت بساره يحبها
ريتاج : و ساره
ريماس : تحبه
ريتاج تصفق : عاشت كونان عاشت
ريماس بعصبيه : ريتاج ترى ما احب احد يتمصخر علي وخصوصا لمن اكون شادة حيلي بالموضوع
ريتاج : بالله انتي من صجج تتكلمين
ريماس : اي من صجي هالمواضيع هذي فيها ضحك
ريتاج : انا اقول ريماس نامي احسن لج عشان بكره يجي بسرعه وتشوفين عليوي وفيكينا من هالموضوع
ريماس : انا من صجي باجر بيبين كل شي وراح اقولج وراح اذكرج
ريتاج عطتها نظره : حمد الله وشكر نامي
ريماس حطت راسها عالفراش : عبدالله يحب ساره وساره تحب عبدالله معقوله فهيدان ما في حياته بنت لازم اكتشف < متحمسه


ببيت غانم :
رشا : اي ما ابي
ام علي : اكيد
رشا : اي ما ابي اسافر
ام علي : ترى الكل مسافر
رشا : عليهم بالعافيه
ام علي : تندمين باجر
رشا : لا ما اندم بس مامي
ام علي : عيوني
رشا : دقوا علي
ام علي : ان شاء الله
رشا : بتسافرون الصبح
ام علي : اي تعالي عطيني بوسه ما ابي ازعجج من نومج
باست رشا امها وراحت لدار علي
علي منسدح عالفراش : تفضل
دشت رشا : اعليوي تروح وترد بالسلامه
سلمو على بعض : الله يسلمج
رشا : ريما سمعاكم
علي ابتسم : اي معانا
رشا : ايوا ايوا اشوفك نايم مبجر
علي : هههههههههههههه
رشا : تتهنون يلا انا اخليك تنام
راحت رشا عن علي ونام علي ..


عند لمار وجاسم :
جاسم : لمار خن اوديج الطبيب احنا بويد اند وابوج بالمزرعه م واهني
لمار : لا اتحمل يعطيك العافيه
جاسم لمن لف بيطلع سمع شي طاح وراح لف لقى مار مغمى عليها صكت فيه فيها الدنيا
جاسم : ميررررررري
ميري جت تركض : نعم بابا
جاسم : شيلي عبدالرحم سوي نوم انا يبي ودي ماماا مستشفى
ميري بخوف : شنو فيه
جاسمم طننشها وشال لمار وركض عالمستشفى
جاسم برى ينطر الدكتور
طلع الدكتور : عفوا انت زوجها
جاسم : لا شنو فيها
الدكتور : ماكو البنيه تعبانه شوي لا اكثر ولا اقل
جاسم : من شنو طاحت
الدكتور : ضغوط نفسيه ومو مهتمه بصحتها
جاسم : يعطيك العافيه دكتور
دخل جاسم عليها لقاها متمدده على السرير ووجها اصفر راح لها وقعد السرير ومسك ايدها الثلج وحطها بين ايدينه الدافيات : سلامتج يا عمري مليووووون سلامه
لمار بجت : تعبانه
جاسم يمسح دموعها : انا يمج لمار انا معاج
لمار : اه يا ربي رحمتك ما اقدر اتحمل
جاسم قرب لها رفع جسمها بهدوء
لمار تطالعه ودموعها مليانه وجهها : تتزوجيني
لمار انصدمت : هاه
جاسم : روحي انا احبج
لمار : ...
جاسم : انا مو قاعد العب معاج ولا اتسلى لمار احبج احب طيبتج تأسرني براءتج
لمار بجت بحرقة : انت ناسي انا بنت منو وانت ولد منو
جاسم : لا مو ناسي بس انا ابيج وابي اكون عندج
لمار : انا ما ارضاها عليك تاخذ لك بنت سكير والام حاذفه عيالها ورايحه حتى لو كنت اموت اموت عليك
جاسم : مجنونه
لمار طالعته : هاه
جاسم : جب
لمار : جاسم
جاسم : اي جب شعندج .. انتي تفهمين شنو يعني احبج ولا المرض منسيج
لمار : لا انا الدنيا وعتني وكبرتني 100 سنه عن عمري
جاسم : مالت .. < قرب جاسم لمار لحضنه
لمار تحوال تبعد عنه مع انه قربه مناها
جاسم شد ايدها على ظهرها ولصق فيها بحيث انها مستحيل تبعد عنه لو يصير ما يصير : اوووووووووص يلا يا الدلوعه قال بنت منو قال
لمار اهني تمسكت فيه بجت بحضنه : جااااسم
جاسم : دلعيني لمورتي
لمار : جسومي
جاسم : اي جذي
لمار : احبك موت
جاسم : وانا اكثر فراق ماكو زواج اكو
لمار ارتاحت حيل ...

انتظروني بالجزء الجاي واحدااث السفره كلها عبدالله وساره.. رشا ومحمد .. لمار وجاسم .. والاهم علي وريماس .. ومنو الرجال الي بيطلع بحية ريتاج ؟؟

انتظروني بالجزء الرابع عشر

 

[q8ia 3z]

كنت كاتبه احداث السفره بهالبارت وصار طويل حيل واختي شارت علي اخلي احداث السفره ببارت بروح

احلى وارتب بالاحداث

يعطيكم العافيه

 

[q8ia 3z]

الذين تشاهدون محتوى الموضوع الآن : 6 ( العضوات 3 والزائرات 3)
‏q8ia 3z, ‏nandoshia, ‏الكويت داري

منورين جميعا

 

[الكويت داري]

مشكورة عالبارت

 

[q8ia 3z]

العفو قلبو منوره

 

[الزين كله فيها]

مشكوره حبيبتي على البارت الحلو و ناطرينج :>

 

[هنووفوو]

الباااااارت حلوووو
رشا هذي خبله باعتها مره وحده االله يهديها
يسلموووو

 

[البارونه*_^رونه]

علي مااحبه اوف


رشاااا يعني ماتعقلييين ليش؟! راايحتله بريولج ؟

ان شاءالله محمد يطلع خووش شي ويقعد مؤدب اتمنى من كل قلبي مع انه ما وراااا ويهه >>هع

واخيرررررررررررا عبدالله قالهاا هييييااااااااااااااا وناااسه كنااري اسم الله عليهم

ولماار مسكينه

وجااسم جنتل ناايسووو


ييسلموو حبيبتي


ناطرينج

 

[MeeMeeYoo_2]

يعطيج العافييه

 

[غــلآهاا غير]

وااااااااااااااااااااااااااااااااااااو ابداااااااااااااااااااااااااااااااع يعطييييييييييج العافييه حبووووووووووووبه نااااطرييينج بالبارت الـجـآي يسسسلـموو حبووبـه

 

[دبة زمانها]

وه وأخيرا كل واحد اعترف ...
الف الصلاة و السلام عليك يا حبيب الله محممممممد كللللللللللوووووش....
و رشا يحليلها حدها خبله شنو هذا صج باعتها !!؟
و علي شكله بيتعدل عن قريب ..***
ننطرج مع البااارت ... و سلامات و يعطيج العافيه و ما تشوفين شر ..#}
لا يوقف لا يوقف لا يوقف لا يوقف لا يوقف *

 

[6amni bs]

رد : روايتي الثانية: حجـــــابي حببنــي فيـكـ بقلمي:q8ia 3z

رشااااااااااااااا مو من صجها @@
يعطيج العاافيه حبيبتي
ناطرينج

 

[mac7noon5-m]

توني اطيح على الروايه الحلوه

روووعه قليل عليهااا

اولا تشكراات كبييره لج الان القصه و لا اروع



و الثاانيه كل شخصيه حبييتهااا بصراااحه


و كل شخصيه لهاا جانب حلو و جانب سلبي



الا علي ما احبه و لا اكره <<< شعور متناقض



مره يكسر خاطري و مره لا



سااروون هيااااااااا اخييرااا الله يتمم عليهم و توافق



و بعد لمار يا حليلهاا واايد تعضبت انشاء الله يعوضهاا





و ناااااااااااااااااسه بااجر خميييس



يعطيج ١٠٠٠٠٠ عافيه و ما قصرتي