روايتي الثانية ...(( ضاعت حياتي بلحظة )) ... قصة واقعية .. ReRez

[The purple]

ولكم باك ريريز

يمكن انا الشخص الوحيد اللي مع منال

روان مصختها تضيحه وتضحيه

ومنال صج مو ياهل تقدر روان تفهمها إن بدر كان بيخطبها وهيك بدون ماتطيح من عينها لأنها اختها الكبيره

شكرًا ~

واخوج بيحوشه بيات شتوي من البنات

 

[W.GLAM]

Thnx ReRez ba3aaad chabdee

7ayatee alpart raw3aaaaa 7ayatee men kther mata3agna feech nabeech dayman ma3ana o fgadnach lama g6a3tee latez3leen men kalam albanat tara l2nhoom fagdenech o yaboonech

Rawan kasraa 5a6reee o men wain 6la3atlhaa Manal allah yaster 3alaiha

 

[3rbawia 7lwa]

:j013:

حراام هاذي روان ليش تسوي بجاسم و منال جذي

:23_asmilies-com:

منال مسكينة في سن المراهقة و امها ميتة و تشوف اختها تخون ريله اشلون ما تتاثر حراام انا واقفة معاها

روان صليرة تبط الجبد ودي اطقها

 

[{*مشكلتي قلبي*}]

ياااااارب متى تنزل
يا حبي لج يا ريريزه هع ه للدلع هع

 

[صباح الليل]

الذين تشاهدون محتوى الموضوع الآن : 30 ( العضوات 16 والزائرات 14)
‏صباح الليل, ‏تماره88, ‏joory-82, ‏jtbnmk, ‏ladeen, ‏M!sS roo7 alm!sk, ‏nalrashidster, ‏رؤى الحلوة, ‏over love, ‏uae_2009, ‏عثمان حبي, ‏USA-Girl, ‏W.GLAM, ‏كويتية و النعم, ‏كندوره سبرايز

 

[carrot^cake]

يعطيج العافيه
على البارتات

 

[رفاعية19]

احس فجر حبت بدر!!!!!!


يعطيج العافية

 

[هاناا]

وناااااااااااااااااااااااااسة

ريريز

حسيت ردت روحي من شفت البارتات

ترى ناطرين البارتات اليايه

و بليييييييييييييييييز لا تطولين علينا

:eh_s(21):

 

[jtbnmk]

يعطيج العافيه حبيبتي
بس منال مصختها ليش خايفه من اختها خل توقفها عند حدها

 

[ღa7La TeaCHeRღ]

الذين تشاهدون محتوى الموضوع الآن : 40 ( العضوات 17 والزائرات 23)
‏ღa7La TeaCHeRღ, ‏ارجوانيات, ‏D3laa, ‏fllaa, ‏joory-82, ‏ladeen, ‏Miss Mysterious, ‏NaB'9 QaLBi, ‏nalrashidster, ‏رؤى الحلوة, ‏Queen-J, ‏Queen66, ‏Strawberry Shortcake, ‏عثمان حبي, ‏USA-Girl, ‏عطر الورددد

 

[oranGe~Girl]

يعطييج العافية ريريز

واااااااااي وااااااي ياكرهي منال ليش جذي

تبط الجبد وياشين الياهل لي مسك عليج شي أوووووف

وأرجع اقول يعطيج ألف عافيه

 

[Low_Fat]

قووووه
<< مرسول الغرام
اقصد مرسول ريريزي :weight_lift:
تقولكم انا مخلصه البارت من زمان بس ناطره اخوها ينام وتنزله لكم
حدددددي ابي اعرف اشبيصير مع فجر وبدر


ومشكووره ذا بيبي على الدعوه وايد عجبتني :$
والعروسه الضايقه ادعي الله يخلينا حق بعض عشان اييبلكم اخبارها ان صارلها ظرف وغابت عن المنتدى

 

[اوراد العشق]

مستخدمين موجودين حالياً يشاهدون الموضوع: 31 (11 أعضاء و20 ضيوف)
اوراد العشق, احلى نــونــه, D3laa, M!sS roo7 alm!sk, Miss Mysterious, nalrashidster, Queen66, SofT GirL, Strawberry Shortcake, عثمان حبي, USA-Girl


نــااااااااااااطريـــنـج ريرررريــززز

 

[Mazyoona]

؛



.


بنااات بلييز

مو كل ساع حاطينلنا

"الذين تشاهدون الموضوع الآن ........... "

عللقوا عالبارت و بس


صدقوووني بنااات اذا تميتوا جذي المشرفه بتغلق القصه


.


.​

 

[ReRez]

قووووووووووووووووووووووووه جكجكجكجكجكجكجكجك اخووي ناااااااااااااااااااااااااااااااااااااااااااااااام

^_^

مشكورين بنات فرررررررررررردا فرررررررردا والله ودددددي اعلق على وحده وحده لأن تعليقاتكم ظحكتني خخخخخ

بس ماعندي وقت لأن بعد ما اخوي نام اطلعتلي اختي الاكبر مني تبي الوصله فبنزل البارت عالسريع واطلع

المهم بس بعلق تعليق سريييع على البنات اللي واقفين مع منال واللي يقول احسن زين تسوي بروان صراحه صدمتوني

ليش يعني ؟؟ لو اختكم الصغيره تهددكم بهالطريقه ؟ شيكون موقفكم .. عموووما الراي رايكم وماقدر اغيره بس استغربت
قلت لازم اعلق لوول ماعرف اسكت :×

يللا بنزل البارت وعادي مزيونه انتي و البنات حطو اللي تبون لأن كلها 3 بارتات واشطـّب عالقصه واعتزل الغرام خخخخخخ

 

[ReRez]

** البارت السابع والعشرون **

منال : مافيه شي اسلوبي .. وحجاب ماراح اتحجب واذا حاولتي تجبريني راح اقول حق جاسم اشياء كنت خاشتها بقلبي
روان : ( بطلت عينها من الصدمه ) اشتقصدين ؟؟
منال : ( خذت كتابها وقامت ) انتي ادرى ( خلتها واصعدت فوق )
روان : ( منصدمه وتمت قاعده مكانها تستوعب اللي صار )

- بعد 10 دقايق اصعدت فوق وراحت غرفة منال –

روان : ( تتكلم واهي مخنوقه ) تهدديني يا منال؟؟!!! انا اللي تخليت عن دنيتي كلها عشان خاطركم .. اتعامليني بهالطريقه ؟ نسيتي اني اكبر منج ؟
منال : يعني الكبيره عادي تغلط والصغيره المفروض تسكت وتطوّف؟؟
روان : ( اقعدت يمها عالسرير ) منال انتي بعدج صغيره على هالسوالف بس بقولج .. انا هالشاب كنت اعرفه بالجامعه .. وكان بيخطبني بس توفو اهلي الله يرحمهم واضطريت ارجع و اخلي كل شي وراي .. وتزوجت جاسم وكل هذا عشانكم
منال : تره جاسم يسواه ألف مره
روان : ( تنرفزت ) وشكو هذا باللي قلته ؟
منال : ( معصبه ) اللي اعرفه ان بسبتج جاسم انطق .. واهو مسكين طيب ويعاملنا احسن من معاملتج لنا
روان : انا قصرت عليكم بشي ؟
منال : ممكن تطلعين لأني بنام ؟
روان : ( عصبت وغصب ماسكه نفسها ) شوفي منول انا بخليج الحين بس ان سمعتج اتكلميني بقلة ادب مره ثانيه والله ماتلومين الا نفسج
منال : ( بطنازه ) شنو يعني بتطقيني ؟؟!!
روان : اي اذا تماديتي معاي اكثر راح اضطر امد ايدي عليج
منال : ادري انتي تكرهينـّا لأن احنا اللي خربنا حياتج

( روان حست بحرقه بقلبها و بغت تتكلم بس ماعرفت شترد .. جان تخليها وتطلع )
---
- غرفة فجر .. عالمسنجر .. -

Fjo0oOo0o :
اشلون دراستك حق الامتحان ؟
Feel happy :
والله درست وايد بس على الله الدكتور يحلم بيدة يدته
Fjo0oOo0o :
شنو يعني ؟؟ مافهمت
Feel happy :
الدكتور يستخف دمه .. يقول اذا حلمت بيدة يدتي راح أسهل عليكم الامتحان
Fjo0oOo0o :
واااي يا ملاقته
Feel happy :
اوف من قلب
Fjo0oOo0o :
عندي فلم رعب ودي اشوفه بس متردده
Feel happy :
ليش
Fjo0oOo0o :
مادري خايفه
Feel happy :
هههههههههه الحمدلله والشكر
Fjo0oOo0o :
اشفيك ليش ؟
Feel happy :
ميعني بالله من جابرج اتشوفينه
Fjo0oOo0o :
لا انت ماتدري انا بسرعه اخاف ومرات بعد ما اشوف الفلم اقعد شهر كامل ما انام بالظلمه كله مبطله الليت بس مادري ليش احب اشوف الرعب
Feel happy :
والله انج فلم .. يعني دام انتي خوافه اشلج بالرعب خليج عالكوميدي وبس .. حتى الاكشن موزين عليج
Fjo0oOo0o :
ههههههههههههه اشدعوه حرام عليك عاد مو لهالدرجه

( رن تلفون فجر وكانت المتصله روان )

Fjo0oOo0o :
برب شوي داقين علي
Feel happy :
ومنو يدق عليج هالحزه ؟ الوقت متأخر
Fjo0oOo0o :
وحده من رفيجاتي عندنا امتحان باجر واكيد بتسأل سؤال.. المهم برب
Feel happy :
تيت
--
فجر : الو هلا روّون
روان : قاعده ؟
فجر : اي
روان : ضايق خلقي وايد
فجر : اشصار بعد ؟
روان : منال اوصلت فيها الدرجه انها تهددني
فجر : نعم نعم نعم ؟؟!!!!! هددتج ؟؟
روان : اي والله تهدد انها بتقول حق جاسم اللي تعرفه
فجر : زين ليش ؟؟!!
روان : اقولج بعدين اذا شفتج
فجر : خلاص اوكي باجر ايي عندج واتقوليلي
روان : اوكي اخليج الحين
فجر : روان .. لاتحاتين شي
روان : اوكي باي
فجر : مع السلامه ( سكرت الخط )

- ردت حق المسنجر –

Fjo0oOo0o :
باك
Feel happy :
احلى ولكم .. ها خلصتي من رفييييييييييجتج ؟؟
Fjo0oOo0o :
وليش جذي ماد الكلمه ؟؟ جنك مو مصدق ؟
Feel happy :
مادري احساسي يقول
Fjo0oOo0o :
لا احساسك غلط .. وانا ما اكلم
Feel happy :
احسلج
---

- الساعه 5 الفير –
( جاسم دش الغرفه لقى روان توها خلصت صلاة )

جاسم : ( يبدل ملابسه واهو ساكت )
روان : ( انسدحت ) اشلونك
جاسم : تمام
روان : دوم يارب
جاسم : ( انسدح وعطاها ظهر )
روان : زعلان مني ؟
جاسم : اي
روان : واذا قلتلك آسفه
جاسم : ( لف عليها ) يعني بتسوين اللي ابيه ؟
روان : ( اسكتت مده ) فكرت بكلامك ولقيت ان معاك حق
جاسم : يعني راح اتييبيلي ياهل ؟
روان : ( ابتسمت وماردت عليه )
جاسم : ( يبتسم ) فديت هالابتسامه

( قرب منها ... )
---

- العصر .. بيت ابو محمد –

فجر : ( لابسه وبتطلع ) يمه بروح حق روان
ام محمد : روحي يمه بس لا تتأخرين
فجر : ان شاءالله ( باستها واطلعت )

( بالطريج رن تلفون فجر – رقم خارجي - )

فجر : مكالمه ؟؟ منو يدق علي من بره ؟
فجر : ( ردت ) الو ؟
بدر : الو اشلونج فجر ؟
فجر : منو ؟
بدر : اشفيج مخترعه ؟ انا بدر
فجر : ( منصدمه لأن داق ) هلا بدر اشلونك ؟
بدر : هلا فيج .. شكلج طالعه ؟
فجر : اي والله رايحه حق روان
بدر : ( سكت )
فجر : الو ؟
بدر : معاج .. كنت متضايق وماشفتج شابكه قلت بدق
فجر : اشفيك ليش متضايق ؟
بدر : يعني .. غربه و ضيقة خلق .. وطلعات الربع ماقمت اتقبلها
فجر : ليش ؟
بدر : يعني ونساتهم بالخرابيط وبس
فجر : عيل خلك بالبيت لا تطلع
بدر : هذا اللي مسويه بس ضاق خلقي .. وقمت افكر بروان وايد بس انا وعدتها ما ادز لها شي
فجر : اي زين تسوي .. وخلاص بدر لازم تنساها وتعيش حياتك
بدر : والله الغربه شينه
فجر : اي والله .. الله يعينك

( اوصلت بيت روان و طفت السياره بس تمت قاعده داخلها وتسولف مع بدر تقريبا 10 دقايق )

بدر : مشكوره انج سمعتيني وخليتيني اطلـّع ربع اللي فيني
فجر : الحين كل هذا بس الربع ؟؟
بدر : اي والله يمكن اقل بعد
فجر : خلاص عيل متى ماتبي دق أو اشبك وطلـّع كل اللي داخلك
بدر : اذا رجعتي البيت تقدرين تشبكين
فجر : اي ماراح اطول ساعتين بالكثير وارجع
بدر : اوكي عيل ناطرج
فجر : دير بالك على نفسك
بدر : وانتي بعد ديري بالج على نفسج وعلى كل شخص يعز عليج
فجر : ( افهمت قصده ) بدير بالي عليها لا تحاتي .. مع السلامه

- سكرت التلفون من بدر ودقت على روان –

فجر : الو روان انا عند الباب
روان : اوكي كاني نازلتلج
--

- بطلت لها الباب –
روان : ( لمت فجر ) ولهت عليج وايد
فجر : انا اكثر والله .. جاسم موجود ؟
روان : لا رايح بيتهم فيه اجتماع عائلي
فجر : حق شنو بالله ؟؟
روان : انسولف بالحوش يعني ؟
فجر : اي الشمس بديعه بس ييبي حب وخل نفرش اهني ونقعد
روان : اقول دشي لا اخليج اهني وادخل انام

( دشو الصاله )

روان : امشي نصعد غرفتي احسن
فجر : وين اخوانج ؟
روان : نايمين
فجر : احسن لأني لو شفت منال اتوقع جان عطيتها كف
روان : ( تنهدت ) الله يعيني عليها
---

- بيت ابو جاسم –

( وصل حسن من البحرين )
- بالصاله قاعدين ابو جاسم وجاسم وحسن –

ابو جاسم : انا ناديتك عشان اصلح بينكم لأن الطلاق ابغض الحلال ومحد يبيه حق اعياله
حسن : عمي انا معاك بهالحجي بس اهي مو راضيه تسمعني
جاسم : انا ماقدر اقولك لا تتزوج عليها لأن هذا حقك .. بس اهي مايرضيها هالشي
حسن : ادري يا جاسم بس شاسوي ؟ انا ابّي اعيال يشيلون اسمي
ابو جاسم : واذا تزوجت راح تعدل بينهم ؟
حسن : اكيد عمي و ماراح اقصر عليها بأي شي
ابو جاسم : عيل انا رايح اناديها

( دشت هلا عليهم )
هلا : مايحتاي يبه .. اهو يعرف شنو بقول
ابو جاسم : تعوذي من ابليس يا بنيتي وقعدي كلمي ريلج .. انا وجاسم بنطلع ونخليكم تاخذون راحتكم
هلا : ( ساكته )
- جاسم وابو جاسم اطلعو وخلوهم –

حسن : قعدي اشفيج واقفه ؟
هلا : ( اقعدت )
حسن : هلا تدرين اني ماقدر اعيش من غيرج .. بس شاسوي والله ودي اشوف اعيالي وامي ودها تشوفهم قبل لا تموت
هلا : ( ساكته وعيونها دمعت )
حسن : ( مسك ايدها )
هلا : ( اسحبت ايدها منه ) روح تزوج وييبلها حفيد .. بس انا ماراح ارجع معاك وهذا اخر راي عندي
حسن : والله ماراح اقصر عليج بشي .. اهي بس عشان تييب لي عيال وانتي بتمـّين على طول الغالية
هلا : ( دموعها انزلت ) آسفه بس والله ماقدر
حسن : انا رايح انام بفندق اسبوع واتمنى تفكرين عدل بهالوقت
هلا : لا حسن .. روح عفيه مابي افكر اكثر من جذي
حسن : متأكده ؟
هلا : اي
حسن : خلاص عيل ( باس راسها ) تحملي بروحج
// بالكويتي يعني ديري بالج على نفسج //
هلا : ان شاءالله
- خلاها وطلع -
---

- غرفة روان –

فجر : بسألج سؤال جاوبيني بصراحه
روان : اوكي سألي
فجر : بدر شنو بالنسبه لج الحين ؟
روان : ( تضايقت شوي ) ماضي وقطيته وراي من آخر مكالمه بينا
فجر : وجاسم ؟
روان : ( تبتسم ) جني بديت احبه
فجر : ( استانست ) صج ؟؟!!!
روان : اي الحمدلله
فجر : حبيتيه عدل عدل ؟؟
روان : اعزه حييل بس احس ان توني بديت احبه
فجر : الله يخليكم حق بعض
روان : آمين بس انا خايفه من منال
فجر : اشلون هددتج هالحيوانه ؟
روان : عمي قالي اقولها تتحجب .. ويوم قلتلها قالتلي مابي واذا اجبرتيني راح اقول اللي اعرفه حق جاسم
فجر : ( معصبه ) ماعطيتيها طراق يسويلها مسح ذاكره ؟
روان : فجر جم مره اقولج اذا كنت متضايقه لا تتغشمرين معاي
فجر : والله ما اتغشمر كان المفروض اتطقينها عشان لا تتمادى اكثر
روان : انا هددتها بهالشي وادري اللي سويته غلط ماكان المفروض اقولها جذي
فجر : لا عيل المفروض اتخلينها تتمادى وتقل ادبها وباجر تطقج بعد
روان : لو انتي مكاني شتسوين .. غير الطق طبعا
فجر : أول بقولج شي بس مابي اخوفج
روان : شنو ؟
فجر : عمر المراهقه حيل صعب .. ومو ضامنين السانها خصوصا لو حاولتي تفرضين سلطتج عليها .. حتى لو بعد جم سنه
روان : اشلون يعني
فجر : يعني لا سمح الله لو صار أي شي بعد سنه او سنتين .. مثلا كلمت صبي او اغلطت أي غلط وزفيتيها وحاولتي تمنعينها يمكن تمسكج من الايد اللي تعورج وتهددج انها تقول حق جاسم وبهالطريقه تخليج ساكته وماتقدرين تمنعينها من أي شي
روان : ( خافت ) لا لا ماتوقع منول تسوي جذي
فجر : اذا اهي من هالعمر تجرأت وهددتج .. تبين باجر لي راهقت عدل بتسكت وتخليج تتحكمين فيها ؟
روان : زين يعني شسوي ؟
فجر : لو كنت مكانج اقول حق جاسم وما اخليها تمسك علي أي شي
روان : ( انصدمت ) اقوله ؟؟؟!!!
فجر : اي قوليله عيل تخلينها تلعب بأعصابج متى مابغت ؟
روان : اشلون اقوله اخاف يطلقني ؟
فجر : انتي ييبيها بطريقه عدله .. بس المهم انها تطلع منج مو من غيرج
روان : مادري خايفه والله
فجر : روّون اختج حتى لو اعتذرت لج الحين .. صدقيني باجر لي بغت اتمشي اللي براسها بتتذكر انها ماسكه عليج ممسك .. فكري عدل بكلامي وسوي اللي يريحج .. انا تأخرت لازم اروح
روان : تو الناس
فجر : لا والله لازم اروح اييلج وقت ثاني
روان : لحظه بعطيج شي
فجر : شنو ؟
روان : ( راحت بطلت الكبت وطلعت الدبدوب اللي عطاها اياه بدر )
فجر : ( اتطالعها )
روان : اخذيه سوي فيه اللي تبين مابي اخليه عندي
فجر : ( خذته منها ) احسلج
روان : اوكي خل اوصلج تحت ( قامت اتوصلها لي الباب )
--
- بيت ابو جاسم –

( هلا اصعدت فوق واهي تبجي )
ام جاسم : ( توها طالعه من غرفتها ) اشصار وين حسن ؟؟
ابو جاسم : راح
ام جاسم : وهلا ؟
ابو جاسم : حسن قال انها مارضت ترجع معاه وبيدز لها اورقة طلاقها مثل ما اطلبت
ام جاسم : ( اشهقت ) بروح اشوفها
جاسم : يمه الحين نفسيتها تعبانه لحد يكلمها بهالموضوع الله يكون بعونها
ام جاسم : ( اقعدت تبجي ) عين حاشتج يا بنيتي ولا انتي اشناقصج عن اللي يخلفون
ابو جاسم : قولي الحمدلله على كل حال .. غيرها حالهم اسوء
---

- فجر اوصلت بيتها واصعدت غرفتها واشبكت .. بس مالقت بدر شابك .. انطرته لي الليل يالله شبك .. على طول دشت عليه -

Fjo0oOo0o :
وينك ماشبكت ؟؟؟ نطرتك وايد
Feel happy :
كان ضايق خلقي رحت اتمشى
Fjo0oOo0o :
عسى ارتحت ؟
Feel happy :
يعني .. مو وايد
Fjo0oOo0o :
لا لا اليوم انا قاعده معاك لي الصبح وبخليك اتفضفضلي وانا اسمعك
Feel happy :
اسمعك ؟؟ يعني نغزه عشان افتح المايك ؟
Fjo0oOo0o :
ههههههههههههههه لا والله ماقصدت بس بطله ماقول لأ
Feel happy :
انتي بعد بطليه
Fjo0oOo0o :
اوكي

( افتحوا المايك واقعدو يسولفون.. و فجر اضحكت وايد لأن اسلوب بدر كان يونس ودمه خفيف )
- مرت ساعتين كاملين و بدر فصل لأن يبي ينام .. و اهي سكرت اللاب توب ونزلته عالارض –

( انسدحت تفكر ودموعها انزلت )
فجر : ادري انه كان حبيبج بس مادري شاللي صايرلي .. صعبه اصارحج .. وبنفس الوقت مو حابه اخش عنج اني حبيـــــــته
--------------------------------------------------------

قوه بنات ..
فجر تبي تعرف اللي سوته غلط ولا عادي ؟ واتقول المشاعر مو بيد الشخص و موذنبها انها حبته .. وتقولكم حطو في بالكم ان روان متزوجه ولها حياتها الخاصه وبدر صار ماضي بالنسبه لها ..

---

ورساله مني انا ReRez عفيه بنات كل وحده تجاوب على كلام فجر .. ولا تنسون

باجر سبت يعني مايحتاي اذكركم ان عندي اوف ..

احبكم .. وتره القصه بنهيها عالبارت ال30 مثل بنتي البجر ( الفتاة الهاربه )
ومشكوووووووورييييييين
Love U All

 

[ReRez]

مرسووووووووووول الغرااااااااااااااام فديييييييت قلبج ^_^

طيران يايتلج مسنجر على الله القاج .. لأ بعد شوي بياخذون الوصله مني

 

[joory-82]

يعطيج العافيه يسلمو على البارت

 

[Mazyoona]

؛




.




يسلموووو قلبووو برد و بعللق بعد شوي

 

[ReRez]

بنات اشفيكم علقو عاااد ابي الرد عالسؤاااال تره ازعل عليكم