روايتي السادسه : زيــنه وحــسن (( حقيقية )) ..!!

[7sawya 3sal]

mta btnzlen el.part 7ube

 

[~نور عيني~]

وينتنغ عالبارت الياي

 

[مـ سهله ـو]

شوي وراح ينزل البارت :>

 

[حنطاويه عسل]

نبي بارت

 

[مـ سهله ـو]

مريم عصبت حيييييييييل

دقت على حسن وسفلت فيه وقامت تصارخ
ورد حسن بجمله وحده واهي

!!

(................................)



ورد عليها حسن ب : انا احبها انتو شفيكم ما تحسون مابيها لغيري فاهمه .....

!!
مريوم : حبك برص وخر عنها احسن لك

وسدته بويها وردت واهي تبجي على حالة اختها تحس بالذنب اهي السبب اهي اللي خلتها تكلمه زينه وين والحب وين توها صغيره ما عرفت الدنيا عدل !! كان هذا كل اللي في بالها ...

الدكتور قال لهلها انه لازم ترتاح ثلاث ايام بالمستشفى وتتغذى عدل .. ابوها لي الحين منصدم ومستغرب

انهيار عصبي !!

ليش !!

هاذي دلوعته منو اللي زعلها منو !!

تلفون زينه كان كله مغلق ......

ومريم ما ترد لا على حسن ولا على حموود !!

بعد ما راح الكل البيت ظلت مريم نايمه عند زيون بالمستشفى ...

زينه كانت منسدحه والسستر تبدل الدرب مالها وكانت زينه بس تبجي ودموعها اربع اربع ,,

السستر :؟ WHY ARE YOU CRYING

زينه حقرتها واهي طالعتها باستغراب وطلعت ؟؟!!!

مريم دشت وشافت حال اختها جان تصرخ : انتي شفيج مالت على هالحسن ومالت علي انا السبب انا اللي خليتج تكلمينه ياليتني ماسكتج من الاول انتي من صجج تبجين عشان هالزباله خل يولي زينه اصحي اصحي !!!!!!

http://www.4shared.com/file/84638870/634fcb8e/___-__.html?s=1

امانه عليكم تشغلونها وخلوني اسولفكم عن زيون...

لي الحين مريوم تحن عليها وتنصحها واهي تطالعها وعيونها تقول هالكلام !!!!
زينه ساكته !!
شترد شتقول تعبها أي تعبها ما يسوى عليها هالحب !!

بقلب زينه : شرد عليج شقولج اقولج اللي احبه نذل وحقير اقولج اني انهنت وايد اقولج انه زينه كبرت 40 سنه بعد !!شقولج شقولج ؟؟؟!!!!!!!

مريم ملت ونامت

وزينه ودموعها ناموا.......

**

الصبح بالمستشفى ( ....))

الدكتور : ها زينه شلونج شخبارج اليوم بسج يا يبه شالدموع ترى ما تنفعج اهم شي صحتج الله يعينج ..

وراح عنها واهي لي الحين ساكته ما تتكلم

زاروها امها وابوها واخوها عباس ...

ام زينه : ها يمه شلونج اليوم ان شاء الله طيبه

زينه : ممم زينه

عباس بغشمره : زينووووه كل هذا عشان المعرسيبه بداله الف لهدرجه ميته عليه هههههههههههه صج البنات خفاف

زينه تبتسم

عباس: يبه من باجر ادورلج بس لا تتضايقين

زينه : هههههه ويعه عباسو

بو زينه كان يطالع بنته باستغراب !!

ام زينه : يوز عن البنيه عباسو وين اختج مريم ؟

عباس : راحت تبدل هدومها وتتسبح خاست اهني هههههههه

ام زينه : انت شيايبك اطلع بره اطلع ماكو حشيمه

عباس : اصلن لا تقطين نغزات طالع طالع تبون شي يا جماعه ؟

ام زينه : روح روح أي لا تنسى تطرش حق خالاتك وعماتك عن زيون

عباس : اوكي لا توصين يالله استأذن

ام زينه قالت لهم شوي وراح ترجع لهم

وظلوا بو زينه وزينه ....

بو زينه : يبه شفيج شللي صاير لج انتي ماكنتي جذي يبه لا تخشين علي قولي لي شفيج في احد مزعلج في سالفة مضايقتج ومستحيه تقولينها لنا ؟

زينه تبجي : لا يبه مافيني شي ما ادري اتعب فجأة ؟

بو زينه : شلون يبه تتعبين بدون سبب قولي لي يا بوج ريحيني الله يريحج ترى هالشي والله زاد عن حده انا كنت بكلمج من زمان بس هالشي زاد وهالشي ترى يتعبني يا بوج

زينه : يبه مافيني شي ان شاء الله برد مثل اول ..

بوزينه : انا مراح اضغط عليج بس اذا احتجتي لحد تكلمينه انا اولهم ويالله قومي لنا بالسلامه ولهنا عليج البيت بدون ظلمه

علياااء : افا اشوف يوم تزوجت كل يوم تباركون لي لي يومكم هذا تبون الفكه وهاذي عشان ليلة وحده ولهتو عليها

كلهم لفوا عليها

بوزينه : كلكم نفس الغلاة بس زينه اكثر شوي

علياء : وينج يا ام عمار تشوفين كلام ريلج

بوزينه : ههههههه يالله انا بمشي ديري بالج على نفسج يبه

زينه : ان شاء الله ...

بعد ما راح بوزينه سلمت علياء على زينه وقامت ترتب غرفتها لان عماتها بيون لها بعد شوي ... وقامت تسولف معاها شوي وقعدت توكلها شوي ...

زينه كانت سرحانه

علياء طقت جدفها : ويعه ان شاء الله انا اسولف مع منو ؟

زينه : علياء خرعتيني مو جذي عاد

علياء : انتي شفيج واي الله ياخذ هالخبل حسن كله منه يعل ماكو حسن

زينه : عليااااء لا تقولين جذي

علياء رافعه ايدها : وتهدي اختي المينونه ...

زينه كملت سرحانها

ووصلت لولو ودانه وقعدوا يسولفون معاها ويضحكونها وكل ساعه يدعون على حسن وزينه تعصب عليها وصلت مريم وكملت الفصله شوي قاموا يخففون عليها ...

وصلوا عماتها

الحين ركزوا معاي

بنت عمتها شيماء ..

وولد عمتها علي

وعمتها ام علي

ام علي : اسم علييييج يا بنيتي عين عين عين ما صلت على النبي اعوذ بالله

ام زينه : أي والله يا ام علي بنتي مو مترقعه كل ساعه طايحه وكل ساعه تبجي ما ادري شسوي والله

ام علي : اقري عليها حبيبتي اشتري لها ماي مقري من أي شيخ جووز الله يشفيها يارب انا راح اسالج واقولج

ام زينه : أي والله تسوين خير والله ما ادري شسوي كلش مو مترقعه ولا تشوفين حالتي انا وابوها امس والله ما نمنا

ام علي : عيل علاوييي ولدي من اول ما قلت له لا ليله ليل ولا نهاره نهار تخيلي ما كلى شي وامس سهران كنا بنيي بلليل من حنته (( وكانت تطالع زينه وزينه حاقره ))

ام زينه : هههههه يا حليله ها علي شلونك يمه شخبارك ؟

علي : والله بخير عمتي احم زينه شلونج ان شاء الله مرتاحه

زينه ببرد : زينه

قربت بنت عمتها اللي اهي اخت علي شيماء ...

شيماء : ترى والله علي يحبج ويموت فيج لا تفكرين بهالغبر

زينه : اصلن كل الرياييل حقاره وزباله لا تقنعيني ... وانتي عارفه اني احب النذل الحقير (( وخنقتها العبره )) حسن

شيماء : مالت عليه زين وشخذينا منه غير التعب والله راح يضيعج

زينه : زين واللي يعافيج قصري صوتج لا احد يسمعج مالي خلق فضايح انا

شيماء : زين زين اووف بس والله ما تحصلين احسن من ولد عمتي ...

زينه سكتت ...

زينه لفت وشافت نظرات علي شوي وتاكلها ..

علي بقلبه (( ليش هالحزن بعيونج ليش والله يا زينه لا اعيشج بسعاده اذا رضيتي فيني والله احبج حسي فيني ... ))

زينه لفت ويها وقامت تسولف مع لولو وكل ساعه لولو تقول واييي شوفيه شلون يخز مو صج يحبج

زينه : جب عاااد خلاص لولو والله عورتي راسي

لولو : حرام عليج تهدين اللي يحبج وتركضين ورى الجلاب ...

زينه : حسن مو جلب

لولو : جلب ولد جلب بعد شتبين !!!

سكتت زينه

مر الوقت وراحوا عماتها والكل حتى امها وابوها وبقوا مريم ودانه كانوا يلمون الأغراض .. دانه خلصت وراحت سلمت على زينه وقالت لهم باجر بتيي مع لولو وتنام مع زينه الليله الاخير بالمستشفى ...

زينه بلليل كانت منسدحه وتبجي

مريم : اللحيييين تقولين لي شفيج خللي هالزفت عنج تعبتي وتعبتييينا والله قوولي والله صج صج ارحمني حالنا زينه تحجيييي شفييييج السالفه اكبر من سالفة الخطبه الحين تتكلمين يالله ..

زينه : مافيني شي

مريم عصبت : تحجييييييي

زينه : تعبااااااانه خلاص بنام

مريم : حبيبتي والله انا اختج وراح افهمج وانصحج قوليلي يمكن اقدر افيدج وانفعج ...

زينه : بعدين اقولج

مريم : اكيد ؟

زينه : أي

مريم : تصبحين على خير حبيبتي ...

اليوم الثالث ..

بعد الزواره والحوسه

كانوا لولو ودانه ومريم قاعدين مع زينه بلليل

واهم يسولفون

طق الباب طقتين !!

راحت دانه بطلت الباب وما شافت احد

دانه : صج ناس فراغه ويع يطقون البيبان وينحاشون ..

رد مره ثانيه وطق الباب بس هالمره قامت لولو ..

لولو بطلت الباب وطلعت شوي تشوف الممر

حسن : لولو لولو تعالي بكلمج

لولو : شتبي ويييع لك ويه انت تيي شتبي بعد تبي تموت البنت موكافي اللي صارلها من سبتك لا اشوووفك تقرب منها ياخي ماعندك كرامه مانبي نشووفك ويييع !!

حسن : نزين شوي بس بكلمها والله تعبان يومين مو شايفها حسي فيني

لولو : ارف ارف

وراحت لهم معصبه : تدرون منو اللي ياي

حسن دش بدون لا احم ولا دستور

مريم : وييييييييع كملت كملت

دانه : اوووف انا طالعه

مريم : اخذيني معاج

لولو : انا شقعدني بعد الله يعينج يا زيونه اوووف

حسن قرب يم سرير زينه مسك ايدها : ولهت عليج حبيبتي ليش قافله جهازج اهون عليج يومين ما تسمعين صوتي ؟

زينه : تعبتني والله

حسن : اسف يا قلبي سامحيني والله راح اعوضج

زينه تبجي : لا صج ما خذيت منك غير الاهانه لي متى هذا حالنا حسن لي متى انا تعبت والله تعبت ليش سويت فيني جذي ؟؟؟

حسن : الله ياخذني انزين

زينه مررت اصابعها على شفايف حسن : لا تقول هالكلام امانه .. اسم الله عليك ..

زينه بصوت كله تعب :ليش سويت فيني جذي ؟

حسن : شسوي زيون استخفيت والله مابيج تروحين مني صعبه حسي فيني انا احبج صدقيني ويالله ياقلبي الحين نامي وارتاحي وبطلي جهازج لاني حدي ولهان عليج اوك يا قلبي وتعبت من دونج ومسحي دموعج مابي اشوفها ؟

زينه : اوكي

حسن باسها على خدها : تصبحين على خير يا قلبي

زينه : وانت من اهله ,,
http://www.4shared.com/file/30449959/c71659a4/___online.html?s=1


دخلو لولو ومريم ودانه

دانه : ويع ويع انسان بلا كرامه

لولو : وصخ

مريم : حيوان

زينه لفت ويها وسوت حالها نايمه

مريم : الحين هاذي منصجها تحبه وتبيه ولي الحين تكلمه واي مو من صجها اختي مالت عليها

لولو : والله حدي متسغربه على شنو تحبه

دانه : اكرها

لولو : انا اكثر والله

وقعدوا طول الليل يحشون بحسن وزينه وزينه دموعها على خدها لمن داخت ونامت ...

قعدت الصبح ساعدتها اختها بالللبس وردت البيت ,,


اول ما وصلت

ام زينه : هلا بحبيبتي ونور عيوني والله توه نور البيت يا زينه يا قلبي لا تفكرين ولا تتعبين حبيبتي انتي والله فقدناج البيت ماله طعم بدونج

زينه : حياتي

بو زينه : يبه حطينا لج سرير بالاستقبال عشان ترتاحين عشان لا تصعدين انتي تعبانه

مريم : وعشان السياح يمرون عليج وانا علي اقص التذاكر

علياء : ههههههههه سخيفه واي

عباس : هلا هلا هلا هلا بعتوية البيت

زينه تسلم عليه وتضحك : ما تعرف تمدح عدل

عباس : لا اعرف وغمز لها

زينه : أي بس حق جمانووه

عباس : استحيييي

زينه : يمه يمه عالعياره

ويا عما ومرته وحسون الصغير وسلموا على زينه وراحت انسدحت بالفراش ... وبطلت جهازها لقت مسجات وايد وقعدت تقراها وكانوا اغلبهم من حسن وكلام حب ومسجات من رفيجاتي طمنتهم عليها ونامت شوي ...

والعصر بدوا العمات والخاللات والعمام والخوال يزورونها ...

ومنهم عمتها ام علي وعلي وشيماء ..

ام علي تسلم على زينه : ما تشوفين شر يا قلبي وسلامات حبيبتي

زينه : الله يسلمج ..

علي : ما تشوف شر زينه

زينه : مشكور الشر ما ايييك


وطول الوقت علي يخز بزينه ولولو تقط نغزات وعلى ما افتكت من نغزات شيماء اخته

زينه دق عليها حسن ردت عليه وقعدت تسولف معاه وقالت له انه اهلها عندها شوي وتدق ...

مشوا الكل ويت مريم قعدت مع زينه

مريم : يالله قولي

زينه : شقول

مريم : خلصيني ترى طولتي السالفه يمكن اقدر اساعدج اذا عن حسن بلعنته والله هذا حيوان وحقير انتي لا تيننين هديه يا زينه

زينه تبجي : ما اقدر حسي فيني انا احبه (.........) (( قامت تقول كلام وايد لمن قالت لها انها نامت معاه

مريم منصدمه : شنو !!!!!!!!!!!!!!!!

زينه تبجي : ما ادري ما حسيت بعمري

مريم تصارخ : انتي حقيره وما تستحين انتي شفيج ليش جذي زينه ليش ما قلتي لي ولايكون انتي مو بنت الحين !!!!!!

زينه : لا لا لا انا بنت ما صار أي شي تحت بس فوق

مريم : انتي حيوااااااااااانه وشلون تخلينه يجيسج زينه تعبتينا والله الله يلعن حسن ويلعن حمود بعد ياليتنا ما خليناج على راحتج

زينه : امانه خلاص والله تعبانه حدي امانه ساعديني ابي ارتاح تعبني حسن والله

مريم : الله ياخذه

زينه : تخيلي يا مريم (( وسرحت وبدت تتكلم لأول مره زينه تفكر بعقل وبدت تصحى على عمرها)) مريم تدرين .. انه قصة حبنا انا وحسن قصة حبي انا بس حسن ما يحبني حسن كان يمثل حسن كان يبي يعيش الدور بس كشكل مو بقلبه !! تدرين انه كان صايني ولاعب الدور عدل ولمن كلم اول مره استانس على الوضع وجم مره اطيح عليه وارجع اسامحه لاني خبله ومغفله اااااه يا قلبي مريووم تدرين كان يزفني 24 ساعه وانا عسل على قلبي اقول اكيد حبيبي معصب اكيييد مو قصده ... مريووم تدرين انا ما ضعفت وما صرت بهالحاله الا منه تعبني ما ادري شسوي عشان ارضيه شسوي ؟؟؟ قولي لي شسوي تدرين عشان تعرفين اني غبيه تدريييين لمن كااان يفتح الخط بلليل يعني يبي ينام على صوتي كان يخليه على فراشه ويروح الصاله يكلم بنات غيري تدرين عنده مليون تلفون اااااااااه يا قلبي دريت وساكته ليش لاني احبببببببه لاني مينووووونه بحبه !!!! خليني ارجعج شوي يا مريوم بعد تدرين لمن كان عندي امتحانات ويكون عندي دوامات مبجر يقولي حبيبتي ابي اكلمج قبل لا تنامين بس شوي وادق عليييج وانطر ساعه ساعتين !! ما يرد انطره لي 5 يدق يقولي ها سمعتي صوتي ارتحتي يالله بنات اوف حنه ويسكره وكنت اسكت وابلعهاااا تعبت لي متى يعاملني مره زين ومره جذي شسوي قولي لي ومره كنت طالعه مع بنات خالتي واهو يدري بنص الطلعه قالي ردي ابي اسولف معاج والله رديت عشانه تدرين اول ما وصلت قالي اسف حبيبتي بطلع مع ربعي يالله مره ثانيه نعوضها اااااااااااه يا مريم ....

مريم لمت اختها ونامت بحضنها ...

**

مرت ايام واسابيع تحسنت حالة زينه شوي ...

وكانت رايحه بيت يدتها ...

كالعاده بالزاويه بروحها دق عليها حسن

بتقولون بعد !!

أي بعد

لانها تحبه ...!!!!!

حسن : ها بابا وينج ؟

زينه : انا بيت يدتي حبيبي !!

حسن : ابوي انتي شقاعده تسوين ؟

زينه : ماكو عادي قاعده متملله

حسن : وين اهلج ؟

زينه : لي متى هذا حالنا انا تعبت ...!!!

حسن : اوووووووووووووووه خلاص عاااد لوعتي جبدي اوف دايم تخليني اعصب .. نزين حبيبتي انا بطلع الحين مع ربعي اذا فضيتي دقي علي واله اقولج دزي مسج احسن يالله تبين شي

زينه : سلامتك بس فالح تتهرب !!

حسن : اموووه باي حياتي

**


سكرت التلفون وسرحت

علي : ليتني اشيل الحزن اللي بعيونج

زينه التفتت عليه: هلا علي

علي : ممكن اقعد ؟

زينه : اقعد

علي : شلونج شخبارج ؟

زينه : بخير وانت ؟

علي : انا تمام ... زينه شفيج ؟ ليش هالحزن زينه انا كل ما ابي افاتحج بموضوع ما تدرين تتهربين مني ممكن اقوله

زينه : ادري ادري علي انت تحبني وتبيني بس انا احسبك اخوووي !!
علي طالعها منصدم : اخووج !!

وعفس ويهه

زينه اسكتت

علي : يقولي انا ورب الكعبه ابيييج احبج من زمااان ماكلمت ولا خربطت عشانج احبج من داخلي مابي ابين لج هالشي من قبل بس لمن شفتج بالتعب هذا قلت ودي ادش حياتها بعرف شنو فيها يمكن ماعندها احد تشكليه انا ابي اتزوجج زينه قولي اي و انا الحين ادش اقول حق امي تكلم ابوووج وربي ابوس التراب الي تمشين عليه ...

زينه : انت اخوي (( قامت ومشت بسرعه ))

((حست نفسها متخربطه لفت طالعت علي رفعت عيونها وطالعت السما نزلت راسها شافت حسن !! ))




قراءة ممتعه فديتكم :> ​

 

[DALLY]

وبعدين مع هالحسن اففففففف



ثانكس مو سهله عالبارت

 

[(سنادس)]

الله ياخذ حسن انشاللله وياخذ الساعه اللي عرفته فيها حقييييير

وزيون بعد عمري ااالله يعينج

يالله ناطرين البارت اليايي

 

[مـ سهله ـو]

اي اي سبوا طلعوا اللي بقلبكم :>

 

[» miss♥f6oum «]

يعطيج العافيه مومو ع الباارت الخطيير تسلميين :sfg:

زيوووووووووون مو من صجج تحبين هالأشكل هذي ماتسوى شي الزباااااله تكرمون أحسن منه واااااااااااي صدمني حداا صدمني بـ ( يفتح الخط بلليل يعني يبي ينام على صوتي كان يخليه على فراشه ويروح الصاله يكلم بنات غيري تدرين عنده مليون تلفون ) موو من صججه الله ياخذه ماالت عليه حتى مالت عليه هذا كفوو حب هذاا حداا خدامتنه لجمي ويخب علييه مايستااهلج زيوون ينرفزززز شلوون أنتي متحملته بلييز لاتقولين لي أحبه لأنه هالأشكاال مومالت حب :eh_s(14):

ولووولوووو : ليييش مآتعلقيين بلييز علقييي :eh_s(14):

ويعطيكم العافي زييو + موسهله حبايبي :eh_s(22):

 

[dloooo3_89]

السلام عليكم مــ سهلةــو بصراحة إسلوبج أكثر من روعة بس عليج وقفات تحرق الأعصاب كأنك تقولين غصب تكملين وهذا إن دل!!! دل على براعة الكاتبة موفقه وإلى الأمام
أما بنسبة للقصة:.
لو أنا مكان زينة أشتري راحتي وكرامتي ملعون أبو الحب إلي يذل على كل إلي عرفته تحبه ولا كم مرة حاول يتعدى حدوده إلى متى بعد ما يطيح الفاس بالراس

" بس السؤال المهم حسن فعلا يحبها ولا هي تحصيل حاصل"​

 

[كويتية و النعم]

صج صج حسن ما عنده احســــــــااس =(
يسووي سواااته و بعدين ايي يقوول احبــــــج
:23_asmilies-com: ماااال طق هالحسن
يعطييج الفين عاافية موسهلة
و يقويــــــــــــــــــــــــكم رررربي =)

 

[مـ سهله ـو]

السلام عليكم مــ سهلةــو بصراحة إسلوبج أكثر من روعة بس عليج وقفات تحرق الأعصاب كأنك تقولين غصب تكملين وهذا إن دل!!! دل على براعة الكاتبة موفقه وإلى الأمام
أما بنسبة للقصة:.
لو أنا مكان زينة أشتري راحتي وكرامتي ملعون أبو الحب إلي يذل على كل إلي عرفته تحبه ولا كم مرة حاول يتعدى حدوده إلى متى بعد ما يطيح الفاس بالراس

" بس السؤال المهم حسن فعلا يحبها ولا هي تحصيل حاصل"​

حياتي والله مشكوورة على كلامج الحلو :$ وحياج الله ​

 

[مـ سهله ـو]

يسلموووو مروركم بنات حبايبي والله يعافيكم يااارب

 

[روح الدنيا]

زينه زينه زينه

تكفين وافقي على علي تكفين شكله طيب و صج يحبج و الاقربون اولى بالمعروف


احسن من سوري ع الكلمه (( حمار القايله ))


والله مافيه شي ينحب عكسج كلج حلا


يا رب تكون النهاايه خووش نهاايه ياارب توافقين على علي



شكلنا بنسوي حمله (( وافقي على علـــــي ))

 

[روح الدنيا]

اي نسيييت


مو سهله مشكووره ع الباارت صج رووعه ماشاءالله عليج

 

[مـ سهله ـو]

حياتي العفو مشكوووره

 

[أم@الحلوين]

وااااااااي على هالحسن ما تخلص سوافه حده سخيييييييييييف الله يستر على زينه@@

مشكوره مومو عالبارت

 

[سينامون]

لووووول الله يخس ابليسج مو سهله
كثر ما قهرني حسن
و اندمجت بالقصة
تفلت عالشاشة خخخخخخ
يعطيج العافيه حبي
و ناطرين باجي القصة

 

[PorscheGirl3]

نصيحه زيون اللي باعج بيعيه هالاشكال ماتسوى صدقيني
في مليون غيره يتمنونج ماتسوه اتعبين روحج علي
يسلمو واحشني موت عل بارت
وناطرين البارت الياي

 

[foshiya]

a7ss '6'36ii ertfaa3 7daa
ambee wee3 kll le9byaan weee3
ambe la tgolen ench lel7en t7bena .. kl ma asm3 hlkelma at3b zayon
thanx mo sahla..
o zayon 7yati 7dch bda3tay bss adri mo mnch mn el7ob el3may eli kan ma5th galbch 7esbyallah 3lehm
kla ga9een 3la elbnat eli e7bonhm w9ononhm bss li daysen 3lehm tkromon yl7gonhm hathol le9byan