روايتي وطن عمري(أحبك لا تقول اشلون)بقلمي

[سعودية تخقق]

البااارت؟؟؟؟؟​

 

[NO TEKANA]

متى البــــــــــارت ؟؟

 

[toutiiii <3]

متى البارت ؟!

 

[miss 3yara]

برب ببدي بكتابة البارت

 

[كويتيه كول عطول]

اوكي حبيبتي ناطرينج اخذي راحتج

 

[q8ia 3z]

عساج عالقوة ..

مشكوووره حبي عالمجهود الواضح .. :eh_s(22):




بانتظارج .. :eh_s(7):

 

[غــلآهاا غير]

نااطريين البارت أصوووله

 

[NO TEKANA]

هياااااااا بس اكتبي على السريع و خلي البااارت طــــــــــــــويـــــــــــــــــــــــــــــــــــــــل واسفه اذا راح اتعبج وياي

 

[_توتة الكتكوتة_]

Weeee3 Khalid shyabeee bithab6 ?!?!?! la akf5ah il.7een 3la 3eenah <<< shfeeha Rambo
Abdulaziz atmana mooo chithy ashkraa yba !! 3eeeb wallah 3eeb
little Amany -.- 9iiij morah'qa 3yonich zaaaa'3a LOL
Hessa a7eeba wallah eslobha 3jeeb chinha ana feha shwayat dfashah << il.e3traf bil 7aq ftheeeelah
Mshari Tra Shaika moo '3beyah wallah mahy hendya
Shaika maa b'3eeetay tgolenha MBROOOOK

waiting sweety ;;* Love you

 

[Sara.M]

ناااااااااااطرينج حبيبتي​

 

[الصمت هيبه]

ناطريييييييييييييييييييييييييييييييييييييييييييييييييييييييين​

 

[sweet gairl]

نطرييينج اصووولههـ حياااتي
و خااالد اكرهك
ضاري احبك
لووووووووووول

 

[3thab 2lroo7]

اصوله حياتي ننطرج و شتقنا لج وايد 

 

[miss 3yara]

ــــــــــــــــــــــــــــــــــــــــــــــــــــــــــــــ​

~البارت الثالث عشر~​

ـــــــــــــــــــــــــــــــــــــــــــــــــــــــــــــــ​

طلعت شيخة من الصالون وركبت السيارة ضاري انصدم من شكلها​

ضاري:يا الجلبة شمسويه بعمرج​

شيخة:شنو شكلي موحلو​

ضاري:موحلو !!! الا صايرة ملكة جمال​

شيخة:واي اشدعوه لاتبالغ انزين الحين انا كشخت ومكيجوني now وين بتوديني؟​

ضاري:مفاااجأة​

ـــــــــــــــــــــــــــــــــــــــــــــــــــــــ​

شيخة كانت لابسه نفس هالنفنوف ومغطيه جتفوفها بشال وردي ومسويه شعرها ويفي ومكياجها كان حيل خفيف(خو الاجانب كلش مايعترفون بالمكياج الثقيل وشيخة نوعيتها حيل بسيطه ماتحب الاوفر)​

​

ـــــــــــــــــــــــــــــــــــــــــــــــــــــ​

بالكويت​

فيصل يحاجي ريم بالفون​

ريم بدلع:واي فصفص عاد انا ما احب العربي والحين موفاهمه شي​

فيصل:لا يعني انا الي امووت فييه​

ريم:استغفرالله فصوولي اشرايك ما ادرس؟​

فيصل:لابتدرسين ولا ايي قطر الحين اكفخج وارد الكويت :p​

ريم:هاهاهاها ماتقدر​

فيصل يقلدها:هاهاهاها ماتقدر​

ريم:لاتقلد​

فيصل:لاتقلد​

ريم:اوووه جب​

فيصل:اوووه جب​

ريم:احبك​

فيصل:احبج​

ولا ام فيصل داشه عليه سحبت التلفون وسدته بويه ريم​

ام فيصل معصبه وتتحجى بصوت عالي:فصول انا جم مره اقوولك هالبنت هذي لاتحااجيهاااا​

فيصل:ايييي يما عطيني سبب واحد يخليج تكرهينها بهالدرجه هذيي وماتبيني اتزوجها ولاتبيني احاجيها​

ام فيصل قربت من ولدها:انا ابي لك الشي الزين ​

فيصل:وليش يما ريم شناقصها؟؟​

ام فيصل:انا ماعرفتها حت..قاطعها فيصل:كاج يما انتي قلتيها ماعرفتيها اشلون حكمتي عليها​

ام فيصل تنهدت:لاحول ولا قوة الا بالله يا يما يا فيصل انا ابي ازوجك حصة..قاطعها​

فيصل:اوهووو كلمة والثانيه حصة وحصة كرهتووووني فيهاااا​

ام فيصل:اشفيها حصة ماتقولي موكافي نعرفها ونعرف اهلها من سنين وبنين وعشرة عمر وياهم وبعدين والله يا فصول لو تلف الدنيا كلها مراح تلقى مثل حصة​

فيصل:ماكو على ريومتي​

ام فيصل:بعدددددددددددددددد!!!ريومتي...لا انت ماينفع وياك الا ابوك...وطلعت من الغرفة وقعدت بالصالة يم بوفيصل​

بوفيصل:ها اماني اشفييج ويا فصول​

ام فيصل:ولدك متعبني​

بوفيصل:شي يديد عليه من وهوا صغير وهو متعبنا​

ام فيصل:لا هالمره غير​

بوفيصل وهو يهد الجريده ويفصخ نظارته الطبيه:فهميني اشلون غيررر؟؟​

ام فيصل قالت له السالفة كلها​

بوفيصل:واشفيها يعني؟؟وخير ياطير وزوجناه وحده من بنات الخليج عادي؟​

ام فيصل:ياحموووود اشفيكم كلكم واقفين ضدي؟؟ انا اببي ازوجه حصة​

بوفيصل:خلاص انا احاجيه​

مشاري:ماما​

ام فيصل:نعم حبيبي​

مشاري:انا اتزوج حصونه :$ اهيا حلوه ولما تنام عندنا كله تقولي قصص وبعد اهيا واايد طيبه​

ام فيصل تطالع ولدها ومبتسمه:شفت حتى هالياهل يحب هالحصة..والحين يالله مشمش لعبت استانست خلصت الحين روح ييب جنطتك احل واجباتك وياك​

مشاري بدلع:ماماااا ملييييت​

((اينن ميشو *_*))​

 

[miss 3yara]

نرد لندن​

ــــــــــــــــــــــــــــــــــــــــــــــــــــــــــــــــــــــ​

شيخة:هااو ليش ظلمه..شيخة بتبطل الليتات​

ولاحصة تبطلهم وتصرخ:happy birthday shooshooo​

شيخة:وااااااااااااي حيااااتيييي....ولمتها حيييل​

ضاري متسند عالباب ويطالعهم ومبتسم​

شيخة تبجي:واي حصونتي مشكورة وايد​

حصة :شيخو والله العظيم تستاهلين اكثر وسامحيني عزمت الكل بس كلهم اعتذرو علشان هدى ​

ضاري:اصلا وجودي انا يكفي​

شيخة وخرت عن حصة ومسحت دموعها وتخصرت له:لااااااااا والله​

ضاري تخصر لها وقعد يقلدها:اي والله​

ــــــــــــــــــــــــــــــــــــــــــــــــــــــــــــ​

لورا قاعده بغرفتها وقاعده تفكر اشلون توخر خالد الي متعلق بشيخة ويبيها!! وكانت قاعده معاها بشاير​

لورا:اممم خلاص عيل مووو شيخو الحقيره بواقة الرياييل حاطه عينها على خالد وخالد حاط عينه عليها خلاص انا بصير نفسها وبحط عيني على ضاري!!​

بشاير:يا المينونه بتخسرين اشياء واااايد!!​

لورا وقفت بكل غرور وقالت باستهزاء:خلاص بشور حياتي ماصار يهمني شي​

ـــــــــــــــــــــــــــــــــــــــــــــــــــ​

الساعة 2 الفير​

شيخة قعدت من النوم راحت الصالة بتشرب ماي ولاتنصدم من شكل حصة لابسه لبس التكواندو ومسويه شعرها عجفه فرنسية​

شيخة:هيي يا المينونه اشفيج لابسه لبس التكواندو​

حصة حطت ايدها على راسها:مادري مشتهيه العب تكواندو من زمان مولاعبه​

شيخة تخصرت:مينونه وهالحزه بعد!!!!!​

حصة:واااي شيخو ماما اهني مافي شي اسمه هالحزه ​

شيخة:انزين بالله صار فيج شي!!​

حصة:لاتخافين امان هني...وبطلت باب الشقة :سي يو حبي​

شيخة:لا حصوه ينت وقعدت ​

ونزلت حصة الحديقة ​

وقعدت تتمرن او تلعب تكواندو ​

ولفت جي ولاتشوت عبدالله بالغلط​

حصة:احححح x_x​

عبدالله عصب:ويعااا عورتيني​

حصة:امبييه اسفة:$​

عبدالله قام من الارض وخزها خزه ودخل ​

حصة:الحمدالله والشكر !!! ..وكملت لعب ولاجنه :p​

ـــــــــــــــــــــــــــــــــــــــــــــــ​

بعد مرور شهرين​

كان وقتها اخر يوم امتحانات فاينل عندهم بس لحظه لحظه:p​

شيخة وضاري حبهم كل يوم يكبر وحصة لاجديد غير انها خااشة حب فيصل بقلبها وفيصل وريم ايننوووون وعبدالعزيز اختفى بهالفتره ولورا تحاول تتقرب من ضاري بس ضاري مومعطيها ويه بس ما زاااالت تموت بخالد وخالد حقده على شيخة وضاري كل يومم يزييييد وهدى ردت الكويت بتتعالج بين اهلها وناسها وشوق بدت تتقبل عبدالله كصديق بس حبيب مستحيل !​

ــــــــــــــــــــــــــــــــــــــــــــــــــــــــ​

شيخة:امبييه ضاري مومصدقه اني اسبوع الياي برد الكويت​

ضاري وهو ينسدح عالزرع:اخييه عاد والله مشتهي مجبوس الوالده​

حصة وهي ياية لهم وبأيدها عصير:ويع شنو هذا العصير يلوع الجبد​

ماوعو الا بلورا يايتهم ​

لورا:السلاام​

ضاري هو يعدل قعدته :وعليكم السلام​

لورا وهي عينها على شيخة وحصة:السلام لله​

حصة:اقول سحيلة ام الخلاجين خلصي تحجي اشعندج​

لورا وهي تتخصر وقالت بدلع:هاا امبيه انا سحيلة ام الخلاجين يا ام السعف والليف​

حصة:انا ام السعف والليف يا حمارة القايلة الي يخرعون اليهالو فيها​

لورا:وااي امبيه قتيعه(قطيعه) شهالناس ارف استغفرالله​

حصة وهي تقلد نبرة صوتها:وااي امبيه قتيعه شهالناس ارف استغفرالله ..اقول ماتنجعمين وتذلفين ويا هالقذله جنها لاحستها صخلة​

لورا تنرفزت:اقووووول يالله عاااد عطيتج ويه وايد​

شيخة:لورا احترمي نفسج لاتشوفين شي عمرج ماشفتيه​

ضاري انصدم من شيخة ​

لورا باستهزاء:والله وطلع لج السان يا شيخو​

شيخة قربت يمها:اسميي شيخة لوسمحتي​

حصة ساكته وتطالع شيخة ومتنحه​

لورا:اقول يالله ذلفي مابقى الاحثالة المجتمع ايوون يحاجوني انا​

شيخة:شسوي ياربي طالعه عليج​

ضاري عصب:يالله عاد عن الغلط وشيخة تاج على راسج انتي واشكالج​

لورا:ويع هذي تاج على راسي اناااا..وتأشر بصبعها على عمرها​

شيخة:ليش حبيبتي موتارسه عينج​

حصة:انتي اصلا لوو فيج خير جان ابوج ماتبرى منج وطلق امج​

لورا انصدمت من حصة وهيا اصلا اشدراها وانجرحت وخصوصا لما قالت:انتي اصلا لوو فيج خير جان ابوج ماتبرى منج وطلق امج...نزلت دمعتها وخلتهم وراحت ركض وزاد حقدها اكثر​

ــــــــــــــــــــــــــــــــــــــــــــــــــــــــــــــ​

الساعة 8 بالليل​

كانت شيخة واقفه تنطر حصة​

ماوعت الا بخالد مقرب صوبها ومسكها من ايدها حيل​

شيخة تبي تدزه بس موقادره وقالت بخوف:شبغيت منيييي!!!​

خالد لزق فيها:ابيج انتي!​

(بس كان في شخص قاعد يطالعهم تتوقعون منو هالشخص؟وهل بيساعد شيخة؟)​

ــــــــــــــــــــــــــــــــــــــــــــــــــــــــــــــــــ​

انتهى البارت وتوقعاتكم بليز مابي بس مشكوره ويعطيج العافيه وين البارت ابي توقعاااااات

 

[toomy]

يسلموووووو على البارت بس كان وااايد قصير ويعطيج العافيه

 

[toomy]

كان وايد حلو***

 

[miss 3yara]

بنات لحد يقول البارت قصير والله اني تعبانه وقاعده اضغط على نفسي عشانكم وانا اشوف البارت موقصير ولاطويل عادي وبليز مابي هالردود ابي توقعااااااات

 

[L.Al-kandri]

مشكوره و يعطيج العافيه
حلو البارت بس قصير شوي
اتوقع الشخص تكون لورا بس ماتساعدها
او تكون بشاير وتساعدها

 

[toomy]

اتوقع الي كان يشوفهم اهو ضاري راح يكره شيخه ويتقرب من لورا وشوق راح تحب عبدالله وحصوص راح تكره فيصل لما يردون الكويت
وحصوص راح تحب خالدوسوري مساع تخربطت سوري ويسلموووو على البارت الحلو ويعطيج العافيه