روايتي وطن عمري(أحبك لا تقول اشلون)بقلمي

[3thab 2lroo7]

يسلمو حبيبتي

هدى حياتي انشالله تتشافه بس لازم امها ما تزوجها فرضن قامت تتذكر بعدين راح تنصدم

فيصل حرام يجرح حصه حتى لو ما يحبها قهرني والله

عبدالعزيز مبدع يقول حق بنته روحي رافجي شيخخ >>>>>>خخخخخخخخ ايدور ربع حق بنته


بانتضارج قلبو

 

[zizo0ou-x3]

Waiting you

 

[**BESTGIRL**]

متى تنزلين الباارت اصوول

 

[**BESTGIRL**]

اب
اب
اب
لعنونج

 

[Shine~Flower]

اصوول اليوم في بارت ؟ واذا في متى ?

 

[RooRoo ^_^ Q8]

اصولهـــ فيــ اليومـــ بارتـــــــ ؟؟ واذا فيـــــ متىـــــــ؟؟

 

[دبة زمانها]

اخخخخخخخذي راااااحتج ..:/
خو برمضان همم مسلسلات و برامج عادي أنا عن نفسي عادي لو السنه اليايه ...:d
يلاااا ننطرررررررج ...**
عاشت اصووؤل و عاآشت اصووؤل و عاآشت اصووؤل و عاااشت اصوؤل و عاآشت اصول و عاآشت اصول ..
و لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف ....~

 

[NO TEKANA]

اصووول فيييي باااارت اليووم ؟؟!!!

 

[sweet gairl]

وييييــ÷ــ عااادي اصلن اخذي رااحتج حياتي بس اهم شي لا تختصرين و ناطرين الباارت

 

[*بنوته*]

يلآ بليز متى تحطين بارت ؟
نآطريينج ,‘​

 

[miss 3yara]

حبايبي البارت خلصت من كتابته ها تبون انزله الحين

 

[فتاة الكئابه]

اي اي بليييز اصووول نبيه الحين

 

[miss 3yara]

يالله بس اعدل البارت وجي وانزله على طول

 

[فتاة الكئابه]

يالله ناطرينج

 

[miss 3yara]

~البارت التاسع عشر~​

ـــــــــــــــــــــــــــــــــــــــــــــــ​

ام هدى غمزت له​

شيخة قامت ونزلت نفنوفها :يالله حصة نمشي​

حصة قامت وحطت نظارتها على شعرها:يالله​

شيخة وحصة:يالله مع السلامة​

ام هدى: الله يسلمكم حياكم الله​

وطلعو حصة وشيخة من الغرفة​

شيخة:امبييه من صجهم بيزوجونها غضب​

حصة:اصلا حبيبتي مبين امها موهينه​

ــــــــــــــــــــــــــــــــــ​

يوسف:هدوي تاكلين ادويتج ؟​

هدى بصوت هادي:اي​

ام هدى قامت وشاقة الحلج:انا نازله تحت شوي وارد...وطلعت بره الغرفة​

يوسف حط ايده على ايدها:هدويتي انا يوسف حبيبج تذكرين قبل يوم كنا نبني احلامنا ويا بعض تذكرين لما ترسمين يهال وبيت وام وابو تقولين هذولا انا وياك وهذا بيتنا وهذولا عيالنا​

هدى خافت وخرت ايدها عن ايده حيل:انا ما اعرفك اصلا​

يوسف ابتسم:انشالله بتذكريني وبتعرفيني لما اترد لج الذاكرة​

ــــــــــــــــــــــــــــــــــ​

يوسف ولد خالة هدى عمره 27 سنة وقتها يعني قصدي ب2008 :p ترى احنا ليلحين ب2008(انا كل مساعه قاعده اقولكم متعمده)امم بأختصار نسخة من احمد ايراج :p وهو دكتور نفسي​

ـــــــــــــــــــــــــــــــــــــ​

لورا تلم امها حيل:نورت الكويت يا احلى ام​

ام لورا توخر عن لورا:هبيبتي(حبيبتي) يالله الهين(الحين)وديني الشكة(الشقه)​

لورا تدز جنطة امها LV بأيد والايد الثانية لامه امها:يالله الحين ​

وصلو السياره امها ركبت ولورا حطت الجنطة بالدبة بعدين ركبت​

لورا:ها ماما شنسوي الحين​

ام لورا:دقي على خالد وعزميه عالعشا اليوم​

لورا :اوكي...وطلعت فونها ودقت على خالد​

خالد بنفسيه:الو​

لورا بدلع:هلا بحبيبي هلا بدنيتي هلا بعمري​

خالد بقلبه والله عارفت لي الجلبة!!:هلا حيااتي هلا بلوروتي​

لورا:حبيبي ولهانه عليك​

خالد:انا بعد والله​

لورا:انزين امي توها واصلة الكويت وعازمتك عالعشا اشرايك​

خالد شق الحلج:فوووقة​

ــــــــــــــــــــــــــــــــــــــــــ​

(الصدفة)​

زينة اخت ضاري ابلة وتدرس مشاري بعد وام فيصل الناظرة بنفس المدرسة​

وصلت غرفة الناظرة الي اهيا ام فيصل طقت الباب ودشت​

زينة:السلام​

ام فيصل:وعليكم السلام هلا ابلة زينة بغيتي شي حبيبتي​

زينة:اي والله ابلة اماني تعبانه حدي وبغيت ارجع البيت ارتاح والحمدالله اليوم بس كان عندي حصتين الحصة الاولى والثانيه والحين ماعندي شي​

ام فيصل:توكلي على الله وماتشوفين شر ​

زينة ابتسمت:الشر ما ييج ابلة اماني...وطلعت بره لبست نظارتها الشمسيه​

الحارس وقف:ايه يا ابلة زينة خارجه(طالعه)مبجر اليوم​

زينة:اي والله يا بو فريده تعبانه شوي​

الحارس:سلامات​

زينة لقت ضاري واقف بسيارته دخلت السياره:واي امبيه جونا موصج​

ضاري:زيون هذي المدرسة ام شيخة ناظرة فيها​

زينة انصدمت:احلف يعني ابلة اماني تصير ام شيخة​

ضاري:اي​

زينة:وناسة​

ضاري:الحمدالله والشكر​

زينة:واي ضاري اعزم شيخة على بيتنا على يوم​

ضاري:تصدقين يبيله !! بس جنه فشله​

زينة:هاو لا فشلة ولا شي انا احاجيها​

ضاري مستانس حده لان كل واحد من اهله متشوق يشوف هالشيخة​

ـــــــــــــــــــــــــــــــــــــــــ​

الساعة 2 الظهر عالغدا​

بوفيصل:امونه​

ام فيصل:هلا حبيبي​

بوفيصل:شفتي بوخالد الي كله قبل اسولف لج عنه​

ام فيصل:اي اشفيه​

بوفيصل:اليوم يايني ويا ولده خالد المكتب يحليلهم خوش ناس والله​

حصة طالعت شيخة​

شيخة:لا يبا خالد ويانا بالجامعه راعي بنات واخلاقه كلش موزينه​

فيصل:وانتي اشدراج عنه؟​

شيخة:هاو !! معروف بالجامعه ​

بوفيصل:اممم عيل بابا لاتقربون صوبه انتي وحصة دام اخلاقه موزينه وراعي بنات على قولتج​

حصة وشيخة:انشالله​

مشاري:يما اليوووم ابلة زينة حطت لي نجمة على ايدي​

ام فيصل:صج شاطر وليدي عاد زينة هذي من احسن المدرسات عندي مشالله عليها كاملة والكامل الله​

فيصل:بعد خطبيها حقي :p​

ام فيصل:لا اكبر منك بعدين انت خلاص مختارت لك وخاصة...وطالعت حصة​

حصة استحت وقعدت تقلب الشوكة بالباستا​

فيصل تنرفز​

 

[miss 3yara]

الساعة 8 بالليل​

ام لورا:خالد وصل روهي (روحي)بطلي الباب​

لورا:اوكييي..وراحت بطلت الباب اول ماشافت خالد لمته حيييل:هلا حبييييبيييي ولهانه عليك بو وليدان​

خالد حط ايده على شعرها:موكثري حبيبتي...تعالي..ومسكها من خصرها وشالها ودشو الشقة وصكر الباب​

وام لورا تطالعهم ومستانسه حدها:هلا هبيبي خالد​

خالد حذفها عالقنفه وراح باس ام لورا على خدها ​

لورا بدلع:تحذفني عالقنفه هااا​

خالد:اي تستاهلين...وقعد يمها​

لورا حطت راسها على جتفه:واي حياتي جد جد ولهانه عليك​

خالد:حبيبتي انتي ​

ـــــــــــــــــــــــــــــــــــــــــــــــــ​

بمطار الكويت الدولي​

ريم:هااااي​

فيصل انصدم لما شافها:ريووم​

ريم:اي اشفيك ​

فيصل:واشحقة قاطة الشيلة والعباية​

ريم:بس !!​

فيصل:انزين بسرعه روحي حق اهلج​

ريم:لاتخاف اهما ليلحين قاعدين يطلعون الجناط قلت ايي اشوفك بسرعه​

فيصل ابتسم:محلوه​

ريم:حتى انت محلو​

فيصل:فديتج​

ريم :يالله حبيبي انا ماشيه الحين تبي شي​

فيصل:سلامتج توصلون الفندق دقي علي​

ريم:اوكي حبيبي باي و لاتحاجي حصة اوكي​

فيصل بقلبه استغفرالله:انشاللللللله ​

ــــــــــــــــــــــــــــــــــــــــــــ​

ومرو جم شهر ودشينا ب2009​

ـــــــــــــــــــــــــــــــــــــــــــــــ​

1-1-2009​

ــــــــــــــــــــــــــــــــــــــــــــــ​

لندن​

ـــــــــــــــــــــــــــــــــــــــــــــــــــ​

الساعة 6 الصبح​

ـــــــــــــــــــــــــــــــــــــــــــــــــــ​

شيخة وصوتها كله نوم وقالت بتعب:اوووه حصوووه صكري المنبه خوو عطلة ماصدقنا على الله نبي اناام​

حصة:بس قومي اليوم بنفتر لندن كلها​

شيخة طالعتها بطرف عين:ليش تونا يايين لندن احنا !! امس تعبنا بحفلة راس السنة خليني انام يرحم امج​

حصة حذفتها بالمخده:مالت عليج زين​

شيخة صرخت:نامييييي...رن فون شيخة على اغنية رويشد الي نساك انساه شالته بدون لاتشوف منو:الووو​

ضاري يضحك:ها نايمه حياااتي​

شيخة:ضاري ابي انااااااااام​

ضاري:ياالله قووومي الاوضاع بلندن حدها موصج​

شيخة:اليوم اشفيكم موجنه صار لنا سنة بلندن​

ضاري:اي بعد اشعليج الاولى عالدفعه وصرتي مشهورة بالجامعه ومن قدنا صرنا سنة ثانيه وكلها سنتين ونتزوج​

شيخة:​

ضاري:شيوخه؟..علا صوته:شييييييييييييخة​

شيخة:هااااا قسمن بالله مصدعه حدي​

ضاري:شيخوه ويهد يالله قوومي دلعتج واايد​

شيخة:ابي انااام​

ضاري:ترى والله ايي شقتكم ايرج من كشتج..قومي​

شيخة:اففف زين​

حصة بصوت عالي:زين تسوي فيها​

شيخة:اكلي تبن انتي الثانيه​

ضاري:بيييه انتي لحد يكلمج وانتي توج قاعده من النووم يالله روحي غسلي وصلي الفير بعدين نزلو انا ناطركم تحت باي​

ـــــــــــــــــــــــــــــــــــــــــــــــــــــــــــــ​

نروح عند لورا الي كانت نايمة يم خالد !!!​

اي لورا سحرت خالد وصار بخاتم بصبعا لورا الحين اخر سنة بالجامعه وخالد الحين سنة ثالثه نجح واخيرا وكانو حيل حيل متمادين ويا بعض !!!​

خالد:حبيبتي لورا يالله قومي​

لورا تحس بثقل براسها:مادري حبيبي مالي خلق واحس بلوعة جبد​

خالد:قومي اوديج الطبيب قبل لانروح الجامعه​

لورا قامت من الفراش وكانت خايفه من الي فبالها:أي اوكي​

 

[miss 3yara]

بالكويييت​

الساعة 11 الظهر تقريبا بتوقيت الكويت​

عند هدى ويوسف المخطوبين قاعدين بالحديقة ناويين اول ماترد لهدى الذاكرة بيسوون الملجة والعرس مع بعض هدى كانت تدريجيا ترد لها الذاكرة​

يوسف:هاا حبيبتي هذيلا منو​

هدى ابتسمت:حصة وشيخة رفيجاتي​

يوسف:وهذا؟​

هدى عفست ويها:ابوي...ونقلب مودها و وخصوصا ان ابوها السبب بكل شي قعد يصير لها​

يوسف:اسف هدى​

هدى:عن اذنك يوسف​

يوسف:وين بتروحين؟​

هدى:بدش بيتنا​

يوسف:بيي معاج​

هدى:اوكي​

ــــــــــــــــــــــــــــــــــــــــــــــــــ​

ام فيصل داشة البيت مستانسه حدها وكانت مومصدقة لقت فيصل منسدح عالقنفه نايم​

ام فيصل:فصييل قووم قوووم​

فيصل:اووه يما خليني انام ​

ام فيصل:نامت عليك طوفة قووم​

فيصل:استغفرالله كاني قمت ​

ام فيصل وهي مستانسه حدها:انااا حااامل بيصير عندكم اخو ولا اخت ​

فيصل يفرك عيونه:ها​

ام فيصل:هاو اشفيك​

فيصل:اخاف يما غلطانين؟​

ام فيصل تقعد عالقنفه:هاو وليش غلطانين ​

فيصل:يما انتي بس كبرتي @@​

ام فيصل:جب زين كبرت توني حبيبي بالاربعينات وبعدين كا في حريم دشو الخمسين وحملو خو هذا شي من الله حلوه كبرتي وبعدين حبيبي مومبين علي الكبر​

فيصل@​

ام فيصل:فصوول لا تقول حق ابووك بسويها مفاجأه اوكي​

فيصل:انزين ويرحم امج ييبي بنيه هالمره​

ام فيصل:اقول انا صديقتك تحاجيني جذي حلايه هالويه وبعدين انا مو بأيدي شي كل شي بيد الله واخوك ميشو قعد ولا ليلحين نايم​

فيصل:نايم ليلحين​

ام فيصل:وحمود حبيبي​

فيصل:منو حمود@@​

ام فيصل كفخته على جفته:ابووووك طيح الله حظك ​

فيصل:نااايم​

ام فيصل:وانت اشحقة نايم بالصالة​

فيصل:أشدراني قعدت اقرا الجريدة ماوعيت الا وانا نايم​

ام فيصل:اي بعد عطله​

فيصل:يااريت عطلة راس السنة طول السنة​

ام فيصل:مادري على منو طالع بهالرباده(يعني بهالكسل)​

ولا بوفيصل نازل:احم احم ​

ام فيصل:هلا هلا بنظر عيني هلا بعين السيح هلا بحياتي​

فيصل يطالع امه وجي ويها -_-​

بوفيصل :هلا هلا اماني​

ام فيصل:تبيني اسوي لك الريوق حبيبي؟​

بوفيصل:لا بس باقي ساعتين عالغدا..وقعد عالقنفه​

ام فيصل قعدت يمه:اقول حبيبي​

بوفيصل:هلا دنيتي​

فيصل:يبا يما بسكم مغازل بينكم مراهق​

ام فيصل:جب وينك وين المراهقه باجر بيصير عمرك 23 ​

بوفيصل:خليج منه بس ها حياتي اشفيج​

ام فيصل:بيصير عندنا new baby​

بوفيصل:هاا @@​

ام فيصل بوناسه:ايي انااا حاامل​

بوفيصل:حلفيي @@
ام فيصل:والله​

فيصل:اشفيكم تحسسوني جنه اول ياهل بييكم ترى احنا يما 3 وبيينا شخص رابع​

ام فيصل حذفته بالكوشية:انت اذلف دارك​

بوفيصل مسكها:حبيبتي هدي اعصابج انتي حامل​

ام فيصل تحط ايدها على بطنها:اي بعد مابي يصير شي بولدي​

فيصل:يما اذا بنيه سميها ريم​

ام فيصل:والله ماعوووزك​

بوفيصل:عاد بهالمناسبة اليوم بنتغدى بره​

ام فيصل:لا كوماري طابخة مطبق زبيدي ورق عنب وسلطة وشوربة عدس​

بوفيصل:عيل خلاص نخليها عشا​

 

[miss 3yara]

ــــــــــــــــــــــــــــــــــــــــــــــــــــــ​

عبدالعزيز :قوة دكتوره سلمى​

سلمى:اهلا دكتور عبدالعزيز​

عبدالعزيز:بغيت تحاليل اماني عيسى ال.........​

سلمى:اي لحظة الحين اطلعهم حقك​

بعد 5 دقايق​

سلمى:تفضل​

عبدالعزيز ابتسم لها:يعطيج العافيه دكتورة ...ولما شاف التحاليل انصدم وبقلبه:حاامل !! لا هدمت كل شي كنت بسويه ​

ولا اماني داشة المستشفى ركض :يبااا يباا​

عبدالعزيز:وحطبة شيايبج انتي هني​

اماني:معقوله يبا تنسى هاليوم​

عبدالعزيز:اشفيه اليوم ؟اليوم راس السنة​

اماني: و اليوم عيدميلادي كملت 16​

عبدالعزيز:اووه راح عن بالي...وبيطلع بوكه​

اماني تمسك ايده:يبا مابي شي بس ابيك وياي يباا انت حييل هاملني موقاعد تحسسني انك ابوي كلش بالبيت ما اشوفك الا الفير وقليل ماتطلعني كله الخدامه الي مجابلتني والله لو ماعندنا سايق واطلع جان الله اعلم بحالي ​

عبدالعزيز نزل راسه​

اماني:يبا انت صاير كل تفكيرك بهذي الي اسمها اماني !! لي هالدرجة تحبها !! حتى انا سميتني عليها !! يبا انت صاير مراهق بالخمسين !!​

عبدالعزيز صكها كف​

اماني انصدمت شافت ابوها من فوق لي تحت ومشت​

ـــــــــــــــــــــــــــــــــــــــــــــــ​

لندن​

ـــــــــــــــــــــــــــــــــــــــــــــــــ​

لورا انصدمت:حااامل !!! لا هالياهل لازم يطيح​

خالد:ها حبي اشفيج ​

لورا طالعت خالد:خالد انا حامل​

خالد:شنو@@اشلون@@​

لورا:لااا والله شنو اشلون !! شوف حبيبي راح تزوجني يعني راح تزوجني الحين انا بطيح هالياهل بس انا اتخرج وانطرك سنة بعدين تعال اخطبني من اميي​

ـــــــــــــــــــــــــــــــــــــــــ​

بالهايد بارك​

ـــــــــــــــــــــــــــــــــــــــــــ​

ضاري وشيخة وحصة وشوق وعبدالله كلهم متربعين وقاعدين عالارض​

عبدالله:اخييه اخر سنة واتخرج​

شوق:انا بطحس:p​

شيخة:كااك مسكينة يالله احنا ب2011 نتخرج​

عبدالله: عاد انا لما ارد الكويت بحر ضويري​

ضاري:مالت عليك تحرني على شنو تعالو صج بتردون الكويت بعطلة عيد الوطني؟؟​

حصة:احنا بنشوف اذا ماكو اهني عندنا امتحانات ولاشي بنرد الكويت ​

شيخة:اي والله عاد اهلي كل سنة جليعه وطبعا الوضع مووصج​

ضاري:شيوخ​

شيخة:هلا ​

ضاري:شقصدج بالوضع موصج على قولتج​

شيخة:قصدي ان وناسة وجي​

ضاري:لا والله​

عبدالله:وانت كله ظالم البنيه​

حصة:اي والله​

ضاري قام ومسك ايد شيخة وقومها​

شيخة:واي مصعت ايدي​

وهما يمشون​

ضاري:دنيتي​

شيخة:عيونها​

ضاري:جم ياهل تبين لما نتزوج​

شيخة:1​

ضاري:شنووو 1 لاحبيبتي انا ناوي على 10 @@​

شيخة:نعم حبيبي@@ قالولك مكينة تفرييخ​

ضاري:ماشي ام حمود​

شيخة:فديتك​

ضاري:لا لا جي اروح وطي انا :$​

شيخة:مالت اعشقك يا المينون​

ـــــــــــــــــــــــــــــــــــــــــ​

الكويت​

ـــــــــــــــــــــــــــــــــــــــــ​

الساعة 8 بالليل​

ـــــــــــــــــــــــــــــــــــــــ​

بوفيصل:وفصيل ليش مايبي ايي ويانا​

ام فيصل:بعد ماتعرف ولدك​

مشاري:وناسه ماما يعني بيصير عندنا بيبي العب وياه واغني له​

ام فيصل:اي ماما...وصرخت:حمووووووووووووود ​

ــــــــــــــــــــــــــــــــــــــــ​

انتهى البارت توقعاتكم​

 

[RooRoo ^_^ Q8]

ثينكس على البارت
اتوقع ام شيخه تنادي حموووووووووووووود على قولتها عشان ينزل او شي جذي
وخالد ولورا لا تعليق وييييييييييييييييييييييييع
وشيخه وضاري هههههههههههههههههههههههه الله يخليهم حق بعض
عبدالعزيز خل يعطي نفسه كف مو يعطي حق بنته
واماني بنت عبدالعزيز ونااااااااسه عقبال 1000000 سنه يعني هذا اب 2008
وثيييييييييييييييييييييييييييييييييينكس واااااااااااااااااايد اصولهــ

 

[miss 3yara]

بنات نسيت اعدل شغله​

بالسيارة
بوفيصل:وفصيل ليش مايبي ايي ويانا



ام فيصل:بعد ماتعرف ولدك



مشاري:وناسه ماما يعني بيصير عندنا بيبي العب وياه واغني له



ام فيصل:اي ماما...وصرخت:حمووووووووووووود



ــــــــــــــــــــــــــــــــــــــــ

​