روايتي وطن عمري(أحبك لا تقول اشلون)بقلمي

[miss 3yara]

بالكويت​

ــــــــــــــــــــــــــــــــــــــ​

فيصل بخوف:دكتور طمني​

الدكتور:والله مادري شقولك بس ابوك دش بغيبوبه وامك اجهضت الطفل ونزفت دم واايد واهي الحين محتاجه دم​

فيصل قال على طول:انا اتبرع لها فصيلة دمي نفس فصيلة دمها​

الدكتور:خلاص اوكي..وبيمشي​

فيصل قالت على طول:انزين دكتور ومشاري​

الدكتور ابتسم:مشاري الوحيد الي حالته مستقره الحمدالله مجرد جروح متفرقه بجسمه وريله نكسرت​

فيصل ارتاح:الحمدالله​

الدكتور:بس الحين انت ارتاح شويه والحين انادي لك الستتر تاخذك معاها ​

فيصل :اوكي بس دكتور بشوف مشاري​

الدكتور:انشالله بس موالحين لانه محتاج راحة شوي​

فيصل:اوكي​

الدكتور راح​

فيصل كان حاط فونه سايلنت كان بيشوفه ولايلقى ريم تدق شاله​

فيصل وهو صاكه فيه الدنيا:هلا ريم​

ريم خافت:حبيبي اشفيك​

فيصل:اهلي مسوين حادث امي جهضت الياهل ونزفت دم واايد وابوي بغيبوبه يعني بين الحيا والموت والحمدالله مشاري بس جروح وريله انكسرت​

ريم:حبيييبييي انزين متى بتكلمني ؟​

فيصل علا صوته:ترى انتي انسانه انااانيه وماتفكرين الا بنفسج اقولي جي انتي تقولين لي متى تكلمني...ذلفي ذلفي...وسده​

ولا شيخة داقه​

شيخة:هلا بأخوي هلا بحبيبي هلا بدنيتي كلها​

فيصل يبي يبين لها ان مافيه شي:هلا حبيبتي شيوخه​

شيخة:فصول اشفييك ؟​

فيصل :لا ماكو بس اشتقت لج البيت بدونج ولا شي ​

شيخة:حبيبي انزين وين امي بكلمها​

فيصل:امي نامت وياها ابوي​

شيخة:ومشاري؟​

فيصل:كلهم نايمين​

شيخة استغربت:مشاري اوكي ينام مبجر بس امي وابووي ينامون 12 كل مرة​

فيصل:ها اي هالمرة تعابه حدهم​

شيخة:امممم اشلون ريم​

فيصل:لا تييبيين طاريها​

شيخة ضحكت:انزين​

ولا يت السستر تنادي فيصل​

فيصل:يالله شيوخ انا عندي شغل بعدين اكلمج باي​

شيخة:باي​

ــــــــــــــــــــــــــــــــــــــــ​

لندن​

ــــــــــــــــــــــــــــــــــــــــ​

حصة دشت الشقة ومستانسه حدها​

شيخة:حصوه شنو شاريه​

حصة:اول شي توني شريت من ماك لاني صج يوعانه وترى طلبت لج ماك جكن ثاني شي هذا بلاك بييري​

شيخة :بلاك بيري هذا شنو بعد​

حصة:شريت بلاك بييري بولد هذا فيه مسن وبيبي ام...(وقعدت تشرح لها)​

شيخة:اللللله وناااسة عاد امس فصول شراه وقالي عنه بس كنت متنحه وعاد امي عيدميلادها باقي عليه شهرين وقال بياخذ لها​

حصة:اي انا امي قالت لي عنه علشان احاجيهم فيه وجي​

شيخة طلعت بوكها:انزين بجم خذيتيه​

حصة:شيخوه !! جب جب مابينا فلوس احنا ..(وتفصخ بالطوها)​

شيخة:مالت عليج انزين​

حصة:اقول ماجنا ملينا عالاكل على الطاوله​

شيخة وهي بالمطبخ التحضيري:اي والله ​

حصة:ييبيي جريدة وخل نقعد عالارض​

شيخة:نعم !!​

حصة قامت وراحت تتييب الجرايد وقعدت تفرشهم:بنطرج عاد انا​

ولا يرن الجرس​

حصة بصوت عالي:شيخوه روحي بطلي الباب​

شيخة لبست روبها وراحت بطلت الباب ولاضاري​

شيخة:ها حبيبي اشفييك​

ضاري:اقول شيوخ​

شيخة تطالعه وتضحك:قوول​

ضاري:عندكم اكل​

شيخة قعدت تضحك:شنوو​

ضاري:والله ثلاجتي تصفر والبوك فاضي :$​

شيخة:عاد توه حصوه شاريه من ماك​

ضاري:لا اليوم تغديت ماك اخر فلوسي قطيته عليه خلاص خلاص انام خفيف اليوم..وبيمشي​

ولاشيخة تمسك ايده:ضاري ​

ضاري:عيوونه​

شيخة بتهد ايده بس ضاري موراضي​

شيخة:اوه هد ايدي​

ضاري:غلطتج​

شيخة بدلع:ضاااري​

ضاري هد ايدها:انزين​

شيخة:خلاص انت الحين روح الشقة وانا اسوي لك عشا واييبه لك فوق شقلت ​

ضاري:خلاص ما اردج​

شيخة ضحكت:انزين بس اول بتعشا علشان يوعانه بعدين اسوي لك ​

ضاري:بعد @@ماااشي يا شيوخ​

 

[miss 3yara]

فيصل لما خلص عطوه عصير برتقال لان حس بدوخه اول ماخذو دمه بعدين راح حق مشاري​

دش عليه لقى راسه ملفوف وريله بعد وشاش بعد حاطين له​

فيصل:مشاري​

مشاري فتح عينه بصعوبه:وين امي وابوي​

فيصل:الحين بييون حبيبي​

مشاري مطالع فيصل ومتنح اول مره يحاجيه جي:انزين احنا سوينا حادث ليش تجذب علي امي وابوي ماتو​

فيصل:فال الله ولا فاالك حيوان ​

(اي هذا فيصل الاولي :P)​

مشاري شوي ويبجي:عيل وينهم​

فيصل حن قلبه عليه:ميشو حبيبي خلاص عاد امي وابوي مافيهم الا العافيه​

ـــــــــــــــــــــــــــــــــــــــــــــــ​

ام هدى:شوفي يما اول ماترد لج الذاكرة وتزوجين يوسف روحي وياه العمره​

هدى :يما بس انا مابي يوسف​

ام هدى:هدى مو انتو قبل تحبون بعض وكل العاي....هدى قاطعت كلام امها:يما انتي قلتيها ايااام قبل وخلاص الاول تحول​

ام هدى:وكلامكم الي كان بالحديقه​

هدى:اووه يما خلاص عاد قلت لج يووسف مابيييه ​

ـــــــــــــــــــــــــــــــــــــــــــ​

انتهى البارت وسامحوني اذا كان البارت شوي سخيف بس مو بأيدي تعبانه شوي J​

الاحداث الي بتصير بالبارت الياي:​

مشاري يدز الدكتورة:وخررري ماابييييج اناااا ابييي امي​

ـــــــــــــــــــــــــــــــــــ​

شيخة تبجي:حصوه نصور ولد عمي داز برودكاست اللهم اشفي حمود فيصل ال.......و اماني عيسى ال........ ومشاري حمود ال...... انا قايلة امي وابووي فيهم شي ومشاري بعددد حصة انا لازم ارد الكويت بأسرع وقت​

ــــــــــــــــــــــــــــــــــ​

ضاري:والله ماتردين الكويت بروحج​

ـــــــــــــــــــــــــــــــــ​

شوق:لحظه انت عبالك انا ميته علييك لا حبيبي وعلى فكرة انا الي يبيعني ابيعه وبرخص التراب اذا موعاجبك​

ــــــــــــــــــــــــــــــــ​

فيصل:79ooh halbc 7ag mno??​

ــــــــــــــــــــــــــــــ​

ام علي:يا يما يا ريم انتي كبرتي ودشيتي الجامعه ولد عمج ياي يخطبج وياخذج وياه امريكا تكملين دراستج هناك ها يت لج الفرصة لي عندج اشتبين بعد ​

ــــــــــــــــــــــــــــ​

ريم ميته من البجي:فيصل الحق علي اهلي بيزوجوووني غصبن علي فيصل تكفى سو اي شي تعال الدوحه انت واهلك واخطبني​

ــــــــــــــــــــــــــــــ​

خالد:ااااه رااااااااااااااسيييييييييييي​

ــــــــــــــــــــــــــــــ​

هدى:لا عاد خلاص هدى الاولية تغيرت وزواج غصب ماني متزوجه وبرد بريطانيا اكمل دراستي ​

ــــــــــــــــــــــــــــــــــ​

يوسف معصب:انتي لولاي جان ماردت لج الذاكرة​

ـــــــــــــــــــــــــــــــــــ​

لورا تبجي:ماما شسوي​

ـــــــــــــــــــــــــــــــــــ​

توقعاتكم​

 

[miss 3yara]

بداية البارت صفخة 68

 

[Sara.M]

الباررررررررررت حده قصير حبيبتي بس مشكوره لوول :$

اممم اتوقع ان ام فيصل وابو فيصل يموتون والي يبقى مشاري بس ويطلع كلام احمد رفيج فيصل صح ان ريم تلعب عليه لوووول مادري عاد .. ناطرينج :$ ​

 

[miss 3yara]

سارة ما اشوفه البارت قصير ! انزين شفتي بدايةا البارت صفحة 68 ؟

 

[Sara.M]

توني اشوف تكملة البارت ;p توقعاتي :
اكيد شيخه راح ترد الكويت ويا ضاري وحصه .. وريم راح يغصبونها اهلها و تتزوج ولد عمها ..

وفيصل ماراح يقدر يتزوج ريم لان اهله بالمستشفى وراح يبدي يحب حصه .. وبس لوول يعطيج العافيه + مشكوره عالبارت نـاطرينجـ ​

 

[DlO3aT.BabAtE]

يعطيييج العااافيه
اتووقع فصووول يهد ريييم و رح يحب حصصصه ​

 

[مجنون زعلآتك]

حصه بعد مادرت من البرودكآسست بترد الكويت هي و ضآري وحصه
هدى بترفض يووسف وترد بريطانيا تكمل درآستها
ريم الظآهر انها تلعب و بتتزوج ولد عمها وو فيصل بيحب حصصه
ووام شيخه يمكن تمووت !
ووبــس =)

 

[RooRoo ^_^ Q8]

ثينكس حياتي اصولهـ على البارت عادي بس المهم نزلتيلنا بارت مقدرين ظروفج
توقعاتي :
ام وابو شيخه يموتون ويبقى مشاري وشيخه وفيصل
ريم راح تتزوج ولد عمها >>>>>>>>>>>>>>>>> فكه احسن خل ترووح ما احبها اكرها ويع
وفيصل مايقدر يتزوج ريم عشان امه وابوه بالمستشفى ويبدا يحب حصه
وشيوخ حياتي الله يكون بعونها
وضاري وااي يحليله
ولورا يمكن مايصير تنزل الولد او شي من هذا>>>>>>>>>>>>>>>>> تو الناس توها يايه تبجي واااااي تقث
وهدى عجبتني زين تسويي اي والله امها بتزوجها غصب
ويوسف خيير شفيك معصب كيفها البنت ماتبيك غصب والله سالفه
وفيصل مرة اخرى خير انشالله حصه كيفها تدز الي تبي انت شكوو اي والله همن بالبرودكاست بلشه وياااك لوووووووووووووول
وثينكس على البارت
ولا تزعلين من توقعاتي
​

 

[miss 3yara]

يمكن توقعاتكم صح وحياكم الله
وi love q8 ردج ضحكني حياج الله حبيبتي

 

[RooRoo ^_^ Q8]

اي والله حته بالبرودكاست بلشه لووووووووووووووول احلى كلمه كتبتها لووووووووووووول

 

[فتاة الكئابه]

مشكوره على البارت حبيبتي تسلمين
توقعاتي :
حصه رح تدز برودكاست عن فيصل و فيصل يسألها عن منو
ورييم راح تتزج >>فكه
لورا يمكن ماراح تنزل الياهل
وخالد السحر راح يرووح منه
وهدى ماراح تتزوج يوسف و راح تكمل دراستها ببريطانيا

ووو
ادري وايد قرقرت على راسج
وتسلمين على البارت

 

[*بنوته*]

ريم راح يغصبونها أهلها و تتزوج ولد عمها << أحـسـن ! ..
وفيصل راح يحب حصه ..
ويمكن بو فيصل يموت ;(

وخالد راح ينفج عنه السحر ;@​

وثآنكس ع البآرت ، وبليز لا اطولين ع البارت اليآي ~​

 

[*بنوته*]

تصدقين أصوله دشيت رواياتج انصدمت ! مخلصتها بـ 6 صفحآت ..
وهالروايه 69 صفحه وللحين ;(
وهناك بس رد واحد تكملين اهني 3 أو 4 صفحات توقعات وردود البنات بعدين بآرت ;s
وآنا الحين قآع أقرا روايتج مملكة جود عجيبه

و تسلميين حبيبتي :eh_s(17):;*​

 

[Føzöø]

سلااام عليكم
يعطيج العافيه ع البارت صرااحه وااايد حلو
يا حياتي مشاري كسر خاطري والله جن حاس بأمه و ابوه يا حياتي والله
و ابو فيصل انشالله يقوم بالسلامه  اهو و ام فيصل
اممم اتوقع اذا مات ابو فيصل عبدالعزيز المليق راح ياخذ فرصته و يتقدم حق ام فيصل (< اماني >) مجرد توقع بس انشالله ما يموت ابو فيصل عشان عبدالعزيز ما ياخذ فرصته*
و اتوقع ان هدى رجعت لها الذاكره
اممم و اتوقع بعد ان ام هدى راح اتزجها يوسف قصب
و يوسف احس يحب هدى صج بس اهيه ما اتحبه 

اممم و بالنسبه حق البارت الياي :;*****
شيخة تبجي:حصوه نصور ولد عمي داز برودكاست اللهم اشفي حمود فيصل ال.......و اماني عيسى ال........ ومشاري حمود ال...... انا قايلة امي وابووي فيهم شي ومشاري بعددد حصة انا لازم ارد الكويت بأسرع وقت
ــــــــــــــــــــــــــــــــــ
ضاري:والله ماتردين الكويت بروحج
(( مني ضاري يوم درا ان شيخه راح اترد الكويت قال لها هالكلام ))
ـــــــــــــــــــــــــــــــــ
شوق:لحظه انت عبالك انا ميته علييك لا حبيبي وعلى فكرة انا الي يبيعني ابيعه وبرخص التراب اذا موعاجبك
(( و مني واضح ان عبدالله متهاوش ويا شوق و قال لها ان خلاص ما يبيها ووووووو ))
ــــــ ــــــــــــــــــــــــــ
فيصل:79ooh halbc 7ag mno??
(( مني حصه دزت الbc الي دازه ولد عم شيخه حق فيصل و قالت له السالفه ............. ))
ــــــــــــــــــــــــــــــ
ام علي:يا يما يا ريم انتي كبرتي ودشيتي الجامعه ولد عمج ياي يخطبج وياخذج وياه امريكا تكملين دراستج هناك ها يت لج الفرصة لي عندج اشتبين بعد
(( مني ام ريم تقول حق بنتخا ان ولد عمج اخطبج و جذي ووووووو ))
ــــــــــــــــــــــــــــ
ريم ميته من البجي:فيصل الحق علي اهلي بيزوجوووني غصبن علي فيصل تكفى سو اي شي تعال الدوحه انت واهلك واخطبني
(( اممم ابو ريم راح يقصب ريم ع الزواج و يقول لها ان و لد عمج لم ما يبيج ما تقدم لج مرتين و من هالكلام و رواحت ريم و قالت حق فيصل هالحجي بس فيصل ماراح يقدر ونااااسه )).
ــــــــــــــــــــــــــــــ
خالد:ااااه رااااااااااااااسيييييييييييي
(( مني خالد يوم رجعت له الذاكره اممم مني خالد هدد لورا ان ما قالت له اهو شفيه راح يسوي لها شي او يذحها وقالت له لورا كل شي ان احن مسوين لك سحر و جذي  ))
ــــــــــــــــــــــــــــــ
هدى:لا عاد خلاص هدى الاولية تغيرت وزواج غصب ماني متزوجه وبرد بريطانيا اكمل دراستي
(( امممم مني ام هدى اتوقع قاعده تقنع هدى انها تتزوج يوسف و تقولها ان الفضل و ان لولاه ما رجعت لج الذاكره و جذي بعدين امها تقول لها مو على كيفج راح تتزوجين يوسف قصب جان تقول هالكلام )).
ــــــــــــــــــــــــــــــــــ
يوسف معصب:انتي لولاي جان ماردت لج الذاكرة
(( مني اتوقع يوسف عصب لأن عرف ان هدى رجعت لها الذاكره و ارفضته احسن فكه بس كاسر خاطري احس صج يحبها  ))
ـــــــــــــــــــــــــــــــــــ
لورا تبجي:ماما شسوي
(( مني لورا تبجي لأن انفج او خلصت مدة السحر الي سوتا حق خالد
او تكون ما تقدر اتسقط او تجهظ و خالد مو راضي يتزوجها لان درا عن سالفة السحر اممم مادري !!! )).
اصوول لا تقوليم ان توقاعتي مو صح لأن صج انكسرت ايدي و انا اكتب لاا و المشكله ان انا قاعد اكتب من الآي فون بس يلاا عشانج حبيبتي
و ناطرينج قلبي مو تتأخرين

 

[ديموم *_*]

ثانكسـ تصوولـ عـ الباآرت
و اتوقع
ان ابو و ام فيصل يمكن يموتون مَـو أكيد 
وان لورا ما راح يقدرون يسوون العملية 
و الضاهر ان ريم بتزوج ولد عمها 
ومن أهني فيصل يحب حصة 
و كسر خاطري مشاري حيااتي

 

[miss 3yara]

تصدقين أصوله دشيت رواياتج انصدمت ! مخلصتها بـ 6 صفحآت ..

وهالروايه 69 صفحه وللحين ;(
وهناك بس رد واحد تكملين اهني 3 أو 4 صفحات توقعات وردود البنات بعدين بآرت ;s
وآنا الحين قآع أقرا روايتج مملكة جود عجيبه ​

و تسلميين حبيبتي :eh_s(17):;*​

حبيبتي هذي الروايات منقوله الي اخلصها على على قولتج ب6 صفحات ومملكة جود موانا الي كاتبتها :$
والله يسلمج حبي

 

[miss 3yara]

ويمكن توقعاتكم صح

 

[بنكوووو]

ناايس بارت :*
الروايه راح تخلص قبل رمضان؟

 

[Shine~Flower]

مشكوره حبيبتي ؛**