سووووري على التأخيـــر غصبن علـــي
البـارت الرابـع عشــر
مرت الأيام ويوسف محتار!!مو قادر يوصلها وما يدري شلون راح يحصلها!!!! يروحلها الكويت او يستسلم للواقع؟!!!
بينه وبين نفسه: لو ظليت اهني ما راح اكون معاها!!! ولو رحت الكويت هم ما راح أقدر اكون معاها!!! يمكن بعدين اتحن وتكلمني!! يمكن تغير رايها واتييني!!! سامحيني جوى بس ما بايدي شي ويمكن مو مكتوب نكون لبعض!!! الله يوفقج جوى
مــرت أشـــهر وانقطعوا جوى ويوسف عن بعض تماما!!!
في الكليـه....ممر 9 خ أنوار وساره وفجر وجوى قاعدين يسولفون...
أنوار: اوووف من له خلق ميدتيرمااات!! درستوا شي؟؟
ساره: اي انا بلشت الصراحه
فجر: وانا بعد
ساره: أنوااروو تشيكي حبيب القلب واقف
أنوار: هاا!!!ويين؟؟
ساره: اوف اوف شوفي قاعد يطالع البنت
أنوار: لا مو قاعد يطالعها!!
ساره: امبله حده متنح فيها
أنوار: اووف ساره بس سكتي
فجر: هههههههههه اي شكله يحبهاا صح
أنوار: لا من قاال ؟؟!!
ساره: هههههههههه شفيج تصروعتي ؟؟؟ هذا وانتي ما بينج وبينه شي هههههه
أنوار: ياربي مادري متى هالانسان راح يلاحظني؟؟!!!متى راح يحس بوجودي؟!!
ساره: انتي حسسيه على الأقل او لفتي انتباهه
أنوار: لا شنو!!! وين قاعدين
فجر: الريال راح يتخرج وانتي على حطتج
أنوار: انا احس انه يحبني بس مو عارف يعبر خخخخ
ساره: هههههههه اي شكله ميت عليـــج عشان جذي متنح بالبنت
أنوار: اوووه بس عااااد مالت عليج وعليها زييين
ساره وفجر: ههههههههههههه
أنوار: يا ملقكم انتي ووياهاا
ساره: بس عااد لا تزعلين قاعدين نضحك معااج ههههههه
أنوار: بس لا تكلموني.... جوى....جوى
جوى: هلا؟؟؟
أنوار: امبييه جوى لا انتي موو صج!!! بشنوو قاعده تفكرييين؟؟؟
جوى: ولا شي!!!
أنوار: لا والله!!! تكفين بس خلاص ردي جوى اللي نعرفها بليز
فجر: اي جوى وايد متغيره وصايره واايد هااديــه وكله بعالم ثااني
جوى:..........
ساره: جوى خلاص لازم تنسينه
جوى: عبالكم بكيفي؟؟؟؟ والله مو قادره أصدق ان لحد الحين ما ياني!!!
أنوار: بس جوى عاد خلاص... شبتسوين يعني؟!!
جوى: حتى ما قام يدق كلــش ولا يسأل عني!!! شكله خلاص نساني
>>( ارجعت فتحت جهاازها اللي فيه الخط الفرنسي عقب ما حست انها حنتله حتى لو بس عشان تقرا مسجاته اذا دزلها )
فجر: يعني لي متى راح تظلين بهالحاله؟؟؟ مررت أشهرر وبعدج نفس الشي؟؟!!
جوى: اووف ترى الكلام سهلل والله...بس مو بايدي غصبن علي!! عبالكم ما حاولت أنسااه؟!! ماني قادره!!
أنوار: انزين خلاص دقي عليه شوفيه
جوى: لا شنو؟!! ما أقدر احسسه اني ضعفت
ساره: انتي ترى مو مضيعج الا هالشي!! وااايد تكابررييين!! خلاص جوى اذا انتي صج حابه تكلمينه كلميــه
جوى: انزين اممممم ابي بس على الأقل ادق اسمع صوته اتطمن عليه!!! فيصير وحده تتبرع تدق عليه من تلفونها؟!
أنوار وساره: شنو؟؟
جوى: بس تدق عليه وتقوله النمره غلط وتصكه
أنوار: انزين انتي دقي عليه من رقمج!! ما يعرفه أصلا
جوى: انزين بس وحده فيكم تكلمه عشان لان يعرف صوتي
أنوار: حتى انا اكيد يعرف صوتي
ساره: انا انا اكلمه
جوى: شفيج اشتطيتي جذي؟؟
ساره: الحين تبين أكلمه ولا شلون؟؟
جوى: اي اي...امممم امشي السياره عشان نحطه سبيكر
ساره: الحين؟؟!!
جوى: اي يلااا تكفين الحين.. يلا قوومي معاي عفيه
ساره: اممم يلا تفضلي
جوى: حبيييبتي انتييييي
أنوار: صبروا يايه معاكم
فجر: وانا بعد طبعاااا
راحوا اركبوا السياره وحطت جوى التلفون سبيـكر ودقت عليــه....
جوى: اووش يا ويلهااا لو وحده فيكم طلعت صوووت وسااروه لا توهقيــني
ساره: انزين انزين...مو قاعد يرد؟؟!!
جوى: اييي ليـــش؟؟!!!
ساره: حاولي مره ثانيه
جوى: اوووف امبيه اخاف صاير فيه شي
أنوار: يبه عادي يعني مو شرط ما رد يعني فيه شي
وحاولت ثاني وثالث مره ما رد!!!!
جوى: امبييه لاااااا راح اموووووت!!! شنوو هذا ويــنه؟؟!!
ساره: خلاص بعدين نرجع نحاول
جوى: لا لا !!! اممم خلاص نجرب اخر مره بعد
ساره: انزيـــن
يوسف: الوو!!!
جوى بس سمعت صووته شهقت كأن الروح ردت فيـها....قلبها قام يطق حيـــل وجسمها ينتفض....
يوسف باستغراب: الوو؟؟
ساره: الوو
يوسف: نعم؟؟
ساره: عفوا هذا مو رقم محمد؟!
يوسف: لا والله اختي غلطانه!!!
جوى تأشر حق ساره بمعنى تكلمي معاه بعد عشان لا يسده....
جوى كان وضعها موو طبيــعي.....تحس ما صدقت تسمع صووته وودها بس تسمعه يتكلم....
ساره: انت كويتي؟؟؟
يوسف: اي
ساره: شالصدف ادق على رقم فرنسي غلط ويطلعلي كويتي!!!
يوسف: اي والله هم انا استغربت!!
ساره: انت شسمك؟؟
يوسف: يوسف!! ليش؟؟
ساره: لا بس فضول!!! شلونك يوسف؟؟
يوسف: اااه تمام بخير!!!
ساره: دوم ياارب
يوسف: اختي بغيتي شي؟؟؟
ساره: شكلك مشغول صح؟؟
يوسف: اي والله
ساره: اها عيل اسفه اذا عطلتك
يوسف: لا عادي
ساره: واسفه على الازعاج
يوسف: لا عادي اشدعوه
ساره: ما كان قصدي
يوسف: ما صار شي اختي والله عادي
ساره: امممم اوكي يلا عيل مع السلامه
يوسف: مع السلامه
وصك الخط........
جوى قطت راسها على الكرسي: واااااااااااااي
الكل: هههههههههههههه
ساره: هههههههه يحليله صوته حلوو
جوى: اااخ صوته حلوو وشكله حلوو وكل شي فيه حلوووو
ساره: يااااااااي نفسي اشووفه
أنوار: حرره انا شفته!!
جوى: الحمدالله اهم شي انه بخير
ساره: امبيه جوى ايدج قاعده ترجف
جوى: اييي ماادري شفيــني!! من اول ما سمعت صووته اعتفست
ساره: ادق عليه بعد مره خخخخ
جوى: لا بس خلااص هاتي تلفوني!!! انزيــن عيل ليش ما قام يسأل علي؟؟!!
ساره: يمكن حق مصلحتج ومو حاب يفرض نفسه عليج
جوى: انزين لوو صج يحبني ليش لحد الحين مااا ياااني ليــش!!!
أنوار: جوى انا أقول كلميـه
فجر: اي وانا أقول جذي بعد
جوى: لا مابي خل اهوه يدق علي
ساره: اووووف انتي ماالج حلل!!! خل نشووف كبريائج هذاا بشنوو راح ينفعج!!
جوى: احس انه راح اييني يووم بنفسه
أنوار: ان شاء الله
ساره: وراح تظلين بس تنطرينه عبال ما ايي؟؟ وبعد يمكن ايي ويمكن لا؟!!
جوى: اي راح أظل أنطره لان جذي جذي ما راح أقدر أحب غيره
فجر: جد جد الله يعيـــنج
مــرت أيااام وشــهور وجوى على أمــل ان بيووم راح تشــوفه عندهااا...تشوفه داخل من باب بيتهم مع أمــه....ياااماا بجــت ليــالي عليــه وعلى حالهاا....لما حست انها خلاص كل ماله تتعب أكثرر واهيه كل يوم عن يوم تقص على نفسها وتقول متأكده راح ايينييي...اكيد راح ايينيي.... لكن مع الوقت قامت تفقد الأمل...يأســت ومشاعرها بدت تبرد اتجاهه....بدت مع الوقت تطلع من اللي اهيه فيـه....بدت تشوف نفسها وحياتها أكثـر حتى لو مهما صار يظل جزء من قلبــها ويظل ذكرى كانت يوم من الأيام حــلوه ومن أحلى ذكرياتها.....
مدرِي ليِه ؟
كثر ما أوجعني غيابه
إِلا إِني : اَحترِيه !
مدرِي ليِه؟
كثر ما اَرهقني إِنتظاره!
إِلَا إِني اَحتريه
مابي رجوعك
واعلن اليوم فرقاك
وابي النهايه
يرحم الله ,, غواليك
مابيك
وانهيت العلاقات وياك
بــعد مــرور ثــلاث سنيـــن......
ام جيهان: يمه فكري بالموضوع عدل
جيهان: يمه قلتلج لا ماابي مستحيـــل
ام جيهان : يعني حبيبتي ظل ريال ولا ظل طووفه
جيهان: اوووه يمه تررى مليــت من هالجمله!!! بس ماا راح اردله يعني ما راح اردله
أم جيهان: بس الريال دام يقول انه بعده يحبج وعمره ما نساج..شنو المانع؟؟؟
جيهان: لاا والله!!!! ياي عقب كل هالسنين يرجعني!!! ويــنه من اوول؟؟؟!! شنوو ما عندي كراامه انا؟؟!!
ام جيهان: خلاص بعد مرته وطلقهااا
جيهان: ومن قاالج انا كنت ناطرته يطلقها عشان أرجعله؟؟؟؟ خلااص اهوه خسرررني ومستيحــل افكر أرجعله
أم جيهان: يمه حبيبتي بس ابيج على الأقل تفكرين بالموضوع
جيهان بعصبيه: يمه لااا يعني لاااا
وقامت جيهان واهيه حيــل معصبــه....
جنى: هااااااي ماامي
( جنى صار عمرها 19 سـنه...كبرت ونضجت وحلوت عن اول وايد والحين تدرس في العلوم الاداريه)
ام جيـهان : هااااي....أقول شنوو هاااي هاا؟؟؟ قولي السلام مره ثانيه
جنى: ولااا تزعليـــن...الســلام مااامي ويلاا تشااااو
أم جيهان: تشااو بعينج...وين رايحه؟؟؟
جنى: قلتلج بطلع مع رفيجتي
أم جيهان: اي...انزين ما تتأخرين فاهمه ولا لا؟؟؟ يا ويـلج لو ما ييتي قبل التسع
جنى: اووكي دونت ووري مامي..بي كووول!! انتي ليش جذي كله ستريس بستريس؟!!!
أم جيهان: اقول بس وخري عن ويهي
جنى: هههههه يحليــلج يا يـمه...يلاا بــاي ( وراحت باست امها وطلعت)
شوي ولا جوى يايه....
( جــوى صار عمرها 22 سنه وتخرجت من الهندسه وقامت تشتغل..وعلى كثر الرياييل اللي تقدمولها بس كانت على طول ترفض )
جوى: قووه يمه
ام جيهان: هلا حبيبتي
جوى: يمه انا طالعه...تبين شي؟؟
ام جيهان: شنوو؟؟؟ وين رايحه انتي بعد؟؟؟
جوى: بطلع مع رفيجاتي
ام جيهان: والله راح اتيننوني انتي وخوااتج!!!
جوى: اسم الله عليـــج....ليش يمه بغيتي شي مني؟؟
ام جيهان: لا يا يمه خلاص روحي والله يرزقج ياارب بولد الحلاال اللي يستر عليــج
جوى: اووه يمه نفس الكلام كل يووم..كل يووم!!!
ام جيهان: يمه يعني خلاص لي متى؟؟ ابي أفرح فيج
جوى: يـمه زواااج لاا يعني لااا....يلاا بااااي
ام جيهان: الله يهديج انتي واختج...باي
في كافيه بالأفنيوز......
جنى: خل نشوفلنا فلـم
نوره رفيجة جنى: يلاا شوارنا!!
جنى: شفيه هالريال يبتسملنا؟؟!!
نوره: ايي!!! هذاا لؤي اللي معانا بالجامعه
جنى: هههههههه حرام اسمه لؤي!!
نوره: حرام عليج ترى طيوب
جنى: انزين والشكو يبتسملنا؟؟! انعرفه يعرفناا!!
نوره: مادري عنه!!
جنى: امبيه احس شوي وراح اييه يسلم!! امشي خل نقووم
نوره: يلاا
بالمطعم.....
أنوار: اووف مو عارفه اكل!! ذبحني هذا واهوه يخزز
جوى: حتى اللي قبالي قاعد يخزز بس كيـفه قاعده اكل وجنه العيــد
ساره: انا ليش محد قاعد يخزني!!!!
أنوار وجوى: ههههههههه
أنوار:يا حظج
ساره: ياا جمااعه شنوو هذا؟؟!! وين الرياييل؟؟!! يلا ابي ريااال!! ابي اتزووج شلووون يعني؟؟!!!
جوى: اشتبين بالزواج؟؟ عيشي حيااتج
ساره: لا بس ابيي احب....ابي اتزووج!!!
جوى: انتي ليش جذي مطفوقه؟؟؟!!والله لاحقه على الزوااج!! اشتبين فيه!!!
أنوار: ترى مالج شغل بهالمعقده!! لا تخلينها تلعب بمخج
جوى: انا مو معقده!! بس احس ان الزواج مو كل شي
أنوار وساره: ههههههههههههههه
جوى: شنووو؟؟؟ ليش تضحكون؟؟؟
ساره: لا بس سبحان مغير الأحوااال...ذكرتيني بنفسج اووول..." الحب مو كل شي" و" حياتي مو متوقفه على رياال" ومادري شنو من هالخرابيط ههههه
جوى: هههههههههههه اي صح الحب مو كل شي
أنوار: انتي تسكتين ولا كلللمه ههههههه
جوى: ههههههه اشتبون!!! ترى صجج يعني والله ما تسوى عليج تحبين واخرتها تنجرحين وتتغربلين...ماا تسووووى!!
ساره: جوى ترى موو شرررط!!!!
جوى: ادري مو شرط بس انا خلاااص كررهت الحب ولا ابي احب
أنوار: حبيبتي جوى عقب ما نخلص ذكريني اوديج الطب النفسي هههههه
ساره وجوى: ههههههههههههههه
جوى: اول كلامي كان من غير تجربه والحين هالمره عن تجرربه!! يعني هالمره من صجي
أنوار: ساروه هذي لا نفتح معاها مواضيع الحب كلش لا تعقدنا معاهااا
ساره: اييي ما ينفع
جوى: هالووو....انتي وياها قاعدين تحشوون فيني جداااميي!!!!
أنوار: جوى حبيبتي احنا خايفين عليــج
جوى: اووه لا تقعدين تصيريلي امي الحيــن!!! خايفه عليـج ويلا تزوجيي ومادري شنوو!!
ساره: امممم جوى تتوقعين شعورج هذا عشان امممم عشان لحد الحين متعلقه بحبج الأول؟؟
جوى: شنووو؟؟ شنوو؟؟شنووو؟؟؟ لا أصلا خلااص هالحب انتهى من حياتي
أنوار: اممم متأكده؟؟؟
جوى: اي اكيد متأكده!! يعني من صجكم انتو؟؟؟ الحين صارلنا حوالي ثلاث سنين وتبوني لحد الحين احبه!!
ساره: لا بس قلت ان هالشي يمكن اللي مخليج ما تبين تتزوجين!!!
جوى: لا ماله علاااقه كلش!!! انا جذي ما ابي اتزوج!! وكلش مو حابه امر باللي مرت فيه اختي...وكلش كلش ماااله علاااااقه بحبي الأول!!!
أنوار: انزين شفيج انفعلتي!!! خلاص مصدقينج
جوى: لا بس ياريت مره ثانيه ما تذكرينه!!!
ساره: شفتيييييي!! لو بعده مو مأثر فيـــج جااان عادي ذكرناه ولا ما ذكرنااه
جوى: لا بس شي قديــم وانتهى ونسيته فماله داعي تردين تفتحينه مره ثانيه
ساره: انزيـن على راحتج!!!
بعد أسبـوع في العلوم الاداريـه....
جنى: هذا رائد مادري وائل شيبي قاعد يبتسملي؟؟!!
نوره: هههههه اسمه لؤي لؤي
جنى: اي نفس الشي ما طاح الا انبطح!!
نوره: ههههههههههه
جنى: يا كرهه مادري ليش احسني موو مواطنته!!!!
نوره: حرام عليج
جنى: كاهو كااهو عذااب العاشقيناااا
نوره: ههههههههههه
جنى: وااااي حده يهبلللل...ياربي عاااجبني كل شي فيـــه
نوره: اوف جنى وايد احسه مغروور!!!
جنى: لا حبيبتي هذا لانه ثقيـــــل
نوره: شوفيه يمشي ولا يطالع احد وولا يسلم على احد!! اشدعوه!!!
جنى: اي يحليـله ...فديــته
نوره: أصلا احس ولا بنت بالكليه تارسه عيــنه!!!
جنى: اهوه لو ينتبهليي هههههه
نوره: ههههههه يلا جنى انا رايحه خلصت محاضرات
جنى: يلا اووكي باااي
نوره: بااااي
نوره مشــت رايحه المواقف واهيه ماشيه جان يناديها واحد....
لؤي: لو سمحتي...لو سمحتي
نوره: نعم؟!!!
لؤي: السلام عليكم
نوره: وعليكم السلام!!!!
لؤي: اااه بغيت بس اكلمج شوي اذا ممكن
نوره: بشنو؟؟؟
لؤي: ااااه بخصوص رفيجتج جنى
نوره: اي شفيها؟؟؟
لؤي: بسألج اهيه مرتبطه او شي؟؟
نوره: هااا؟؟؟!! ليش تسأل؟؟
لؤي: بصراحه انا معجب فيها وايد وو اممممم وودي اخطبها
نوره: هههههههههه
لؤي تفاجئ ليش قاعده تضحك!!!
لؤي:امممم انا قاعده اتكلم من صجي!!
نوره : اسفه بس عشان فاجأتني!! لا اهيه مو مرتبطه
لؤي: انزين امممم ممكن بعد أسألج عن شغله؟؟
نوره: تفضل
لؤي: ما تدرين شرايها فيني؟؟مافي مره قالت عني شي؟؟؟
نوره: هاا؟؟ امم لا... مادري!!!
لؤي: انزين ممكن بس لو تعرفين شرايها فيـني!!! عشان بس أتطمن
نوره: امممم اي اوكي اشوف
لؤي: بس طلبتج...اوعديني ما تقوليلها اني معجب فيهااا او اني سألتج عنهاا
نوره: ليش؟؟
لؤي: بس اوعديني
نوره: امممم خلاص اوعدك
لؤي: يعني حاولي تعرفين منها من غير ما تحسسينها اني طلبت منج
نوره: خلاص ولا يهمك
لؤي : مشكوره اختي وايد...مع السلامه
نوره: العفو..مع السلامه
( نوره انكسر خاطرها عليــه خصوصا قاعد يكلمها واهوه مرتبك حيــل...ما حبت تقوله شنو راي جنى الصجي فيـه عشان لا تجرح مشاعره)
في البــيت....
ام جيهان: توه كلموني ناس ولدهم يبي يخطب جوى
جيهان: صجج!! وشنو قلتيلهم؟؟
ام جيهان: قلتلهم حياهم الله وهذي الساعه المباركه
جيهان: هههههههه وي يمه انتي ما تستسملين؟؟! البنت قالت ما تبي
ام جيهان: بس خووش وااحد وولد نااس ومو قاصره شي وامه أعرفهااا اتينن حيـــل
جيهان: مادري بس ما اعتقد راح ترضى
ام جيهان: لا بقعد على راسهااا ما راح اخليها هالمره
جيهان: الله يعيــنج
دق تلفون ام جيهان....
ام جيهان: رقم غريب!!!!
جيهان: لا تردين!!
ام جيهان: لا برد اشوف منو
وردت....
ام جيهان: نعم؟؟؟
سعود: السلام عليكم....خالتي شلونج؟؟؟
ام جيهان: عفوا بس منو معاي؟؟؟
سعود: انا سعود
( سعود طليـق جيهان)
ام جيهان: هااا!!!! اي هلا
سعود: انتي دريتي من جيهان انتي قاعده احاول ارجعها ؟؟
ام جيهان: اي دريت
سعود: خالتي انا والله بعدني احبهااا حيـل وعمره ما نسيتها وكانت أكبر غلطه بحياتي اني رضيت أطلقهااا
ام جيهان: بس انت تأخرت وايد!!!
( جيهان شكت ان الموضوع يخصها وقامت تعطي امها نظرات!!)
سعود: ادري وانا غلطااان ومتحسف حيـــل
ام جيهان: مادري شقولك والله!!!
سعود: خالتي تكفين حاولي تقنعينهااا....قوليلها اني ابييهااا واحبهاااا وعمري ما راح اكرر هالغلطه
ام جيهان: انزين راح احاول معاها
سعود: مشكوره خااالتي ما قصرتي
ام جيهان: حياك الله
سعود : مع السلامه
ام جيهان: مع السلامه
جيهان: منو كنتي تكلمين؟؟؟
ام جيهان: سعود
جيهان: شنوو؟؟؟ شيبي هذا داق عليج؟؟!!
ام جيهان: جيهان حسيت ان صج متحسف ويحبج وااايد
جيهان: اوووه يممممه خلاااص قلتلج مااا ابييه ما قمت احبببه
ام جيهان: جيهان انا اقول استخيري احسن
جيهان بعصبيه: لا بس ماا ابييه يعني ماااااا ابييه..يمه انسييي شيلي هالموضوع من راااسج خلاااص بس زززهقت
وقامت جيــهان راحت غرفتهاا...
ام جيهان: الله يصبرني عليــكم
جوى توها راجعه البيت يايه من دوامها....
جوى: قوه يمه
ام جيهان: هلا
جوى : يمه شفيج؟؟
ام جيهان: اختج!!!
جوى: شفيهاا؟؟
ام جيهان: مو راضيه ترجع حق ريلهاا!؟
جوى: يمه بصراحه معاها حق!!! يعني عقب شنوو يايها الحين؟؟!!
ام جيهان: انتي عاااد لا تقعدين تشجعيينهاا؟؟!!
جوى: لا بس قاعده اقولج وجهة نظري
ام جيهان: انزين قعدي بكلمج
جوى: اووكي...ااامري
ام جيهان: سمعيني للاخر زين
جوى: انزين
ام جيهان: يمه في واحد متقدملج
جوى: اووه يممه
ام جيهان: اووص بس خليني اكمل
جوى: اووف انزين كملي
ام جيهان: ولد نااس وجامعي وعمره 29 سنه ومو قاصره شي وامه اعرفهااا خووش وحده واهيه شافتج بعرس مره ووايد عجبتيها
جوى: انزين؟؟
ام جيهان: اي فأبيج تفكرين بالموضوع
جوى: قلتلج يمه زواج ماابي الحين
ام جيهان: يعني متى؟؟؟ هاا متى؟؟؟
جوى: يمه شفيج تو النااااس
ام جيهان: الولد ما يتطووف جوى وعطيه فرصه
جوى: مابي
ام جيهان بانفعال: على الاقل استخيري
جوى بعصبيه: مابي أتزوج مابي مابي مااابي
ام جيهان انفعلت : انتووو تبوون تذبحوووني؟؟؟ ليــش ما تبوني افرح فيــكم؟؟؟ انتو عبالكم انا ما احاتي شيصير فيكم عقب ما امووت؟؟؟؟ خلووني امووت واناا مرتااحه ومتطمنه عليــكم
وقامت تبجــي حيـــل....
جوى: يمه لا تبجيـــن عفيه
ام جيهان: جوى انا كبرت...ما راح اكون موجوده بينكم لي اخر عمركم!!! راح ايي يوم واموت
جوى قامت تبجي: يمه اسم الله عليج لا تقولين عن نفسج جذي!! بعد عمر طويـل ان شاء الله
ام جيهان: جوى اذا كنتي تحبيني ريحينيي...فرحيــني لا تسوين فيني جذي!!!
وام جيهان قامت تشاهق واهيه تبجي....حتى جوى انصدمت وقلبها حسته قاعد يتقطع مو هاين عليها امهاا!! اخر مره شافتها تبجي جذي يوم وفاة أبوها!!!
جوى: يمه حبيبتي خلااص اللي تبينه اسويه بس لا تبجين عفيه
ام جيهان: يمه انا تعبت والله تعبت معاكم
جوى: خلاص يمه ما يصير خاطرج الا طيب بس لا تبجين....وخلاص خليهم اييون
ام جيهان لمت بنتهاا حيــــل وتبجي وجوى تبجي معاها.....
عقبها جوى صعدت غرفتها وصارت بس تبــجي وتبــجي...تمنت انها تموت ولا تشووف امها بهالحاله...!!!!
مرت الأيام وجوى بس تفكر وتحاتي اليوم اللي راح اييون فيــه....وأخيــرا يه اليوووم وجوى كانت حاسه بخووف موو طبيـــعي وقلبها بس يطـــق....كانت كاشــخه على الااخــــر وشكلها كان رووووعه.....
ام جيـهان: يلا جوى يلا وصلوا...جيهان روحي فتحيلهم الباب
جوى كانت مرعووووبـــه.....
ام جيهان: هلا والله هلاا بأم راشد
ام راشد : هلا فيج يا عمري
ودخل راشد ورا أمــه....شافته جوى وكان مملووح حيـــل وشكله مريــح ووايد شدها طـوله
راشد: السلام عليكم
وردوا كلهم السلام.....
ام جيهان: هذي بنتي جوى
جوى: السلام خالتي
ام راشد: اي اي اعرفهاا..اسم الله عليها..وعليكم السلام حبيبتي
راشد اول ما عرف ان هذي جــوى انغررم فيــها وبشــكلهااا....
جوى كانت طول الوقت مرتبكه وما حطت عينها بعينه....
ظلوا كلهم قاعدين يتكلمون وجوى ساكته بالياالله تتكلم....واقترحت ام راشد ان يخلون جوى وراشد بروحهم عشان يتعرفون على بعض أكثر وشوي يبعدون عنهم ويقعدون بالصاله اللي بالصوب الثاني....
( صالتهم الاستقبال عباره عن مجموعة صالات مفتوحه على بعض)
جوى اول ما اسمعت هالاقتراح تدودهت وتمنت الأرض تنشق وتبلعها...
راشد قام من مكانه وقعد بكرسي قريب منها...
راشد: شلونج؟؟
جوى: بخير
راشد: شكلج وايد مستحيه مني
جوى: ههه بصراحه اي
راشد: ههههه انتي خريجة هندسه صح؟؟
جوى: صح
راشد: انا محامي...وانتي وين تشتغلين؟؟
جوى: اشتغل بغلوبال
راشد: اهاا حلووو
وظلوا يسولفون فتره وجوى ارتاحلته أكثــر....وعجبها أسلوبه وثقته بنفسه مع ان حسته جدي وايد!!!
بعد فتره قاموا ومشــوا.....
ام جيهان: هااا؟؟؟ شرااايج فيـــه؟؟؟
جوى: اممم زيـن
ام جيهان:ها شقلتي؟؟؟ موافقه ولا لا؟؟؟
جوى:......................
تـــم الجزء الرابع عشـــر
