روايـتي الثانيــه ** أرهقـني انتـظاره **

[همســات حالـمه]

Hiiiiiiii hamosa i know shtgteleee ;$;$:<<chni wayed wath8a

take ur time sweety;;*

حبيبتي ولوووو اكيـــد اشتقتــــلججججج اممموواااه

ثنكسسس عمرررررري :eh_s(6):

 

[فوفو الحلووه**]

همووووووسه يالدبه ووحشتيني يلا عاد استنى البااااارت ياقلبووو واهم شي انك ارتحتي

 

[همســات حالـمه]

الله وناسه هموووووسه ردت

اي اشووووه ارررتحت ورررجعت

بس ترى توني راح ابلش بالبارت :eh_s(3):

 

[همســات حالـمه]

همووووووس ناطريييييينج

حبيبتييي ان شاء الله الحين راح ابلش بالباارت يعني يبيلي ساعتين الى ثلاث ساعات

 

[همســات حالـمه]

همووووووسه يالدبه ووحشتيني يلا عاد استنى البااااارت ياقلبووو واهم شي انك ارتحتي

هلااا والللله هلااااا

وااااي وانتي بعد وحشتيني يااا عمرررري

ان شااااء الله :eh_s(6):

 

[almynoona]

يلا حبيبتي ناطرينج ​

 

[فوفو الحلووه**]

همووووووووسه قلبي متى رااح تنزليه اليوم والا بكرا باليل عشان مااستنى

 

[همســات حالـمه]

يلا حبيبتي ناطرينج ​

:eh_s(6): :eh_s(6):

 

[همســات حالـمه]

همووووووووسه قلبي متى رااح تنزليه اليوم والا بكرا باليل عشان مااستنى

امممممم والله عمري انا قاعده اكتبه الحين واول ما اخلص منه راح انزله....فمادري أقول احسن اذا انتي ميته من النعس تنامين اخاف أتأخر عرفتي ما أبي أسهرج وايد

 

[فوفو الحلووه**]

لالالالا حبيبتي عادي اصلا مو نعسانه جالسه افرفر بالمنتديات خلاص قلبوو استنااك

 

[انسانه ثانيه]

هموووووووووووووووس

حدي متحمسه ابي اقرا

حدي ماراح انام و بنطرج

 

[NaB'9 QaLBi]

TRaaa aNa alNooM mjaFeNii bs RwaaYTCh >> 3yaaraaa ;p
enshallla alsa3a 6 etnzlenha
plz abiii feeeh action o jwa abeha t'hed rashed bs 7saita mleeq o abi b3d yousef ygol 7ag jwa q9ta ma beha trou7 mn '3air ma tdri 3ana
o abii ... bs 3aad 7aadii ma95t'ha wayed a6lab ;p

 

[^هديل الكويت^]

يس يس يس ناااااااااطرييييييييين

مشكوووووره عالقصه يالغلا

 

[انسانه ثانيه]

همووووووووووووووووس ياهمووووووووووووووس


فدييييييييتج وربي


ليلحين تكتبين ؟؟ يعطيييييييييييييييييييج الف عافيييييييييييه

لللأصح ليلحين تبدعين اتوقع تبدعين احلى و تناسبج اكثر من تكتبين

لأن حدج ابدااااااااااااااااع

احبج حدي :**

يالله ناطريييييييييييييييييييييييييييييين


تسلم ايدج من الحييييييين

 

[انسانه ثانيه]

همووووووووووووووووس قمت اصب حووووووله يالله

ابي بااااااااارت ماراح انام الا لي قريته

 

[جعدة أمي]

مبارك عليكم الشهر يا حلوين


هموووسه حبيبتي اخذي راحتج بالبارت عشان تبدعين


بس مو تطولين وايد ترى ما نصبر ​

 

[همســات حالـمه]

واااااااااي بناااااااات حدييييييي سووووووووووري بس والله بعدني ما خلصت منننه وحتى انااا تعبت بس ما راح انام الا لماا أخلص منننه!!! مادري كله يبيلي بعد ساااعه تقريـــباااا

والله سووووري بناااااااااات بس خلااص روحوا ناموا وارتاحوا حبايبي

 

[gold girl]

Laa ana bn6er tw alnaas mako noom bgraa

e5thi ra7tch bs manbi 7zn>>wala 7ala 6rar oo ytshr6 ;P

 

[اخت-اخوها]

البارت روعه بس يوسف مليق خل يقول لها ترا صج نرفزني
واهي بعد المفروض اتحدد يا راشد يا يوسف ما يصير تلعب

 

[همســات حالـمه]

< رســـــالـــه حق اللي عارف نفسه بس >

المقلدون خلفنا دائماً

من قلدني

** أكــد لي بأنني الأفضل**



البارت السـابـع عشــر

رن تلفون جــوى وقرا يوسف اسم اللي داق عليــها واستغرب....

يوسف: منو راشد؟؟؟

جوى اخترعت و اول ما مدت ايدها تبي تشيل التلفون جان ياخذه يوسف قبل...

يوسف: ها؟؟؟ منو راشد؟؟

جوى ارتبكت وما عرفت شتقوله!!!

جوى: واحد مو مهم...عطني التلفون

يوسف قام من مكانه و بانفعال قالها: شلون واحد مو مهم وداق على خطج الفرنسي بعد!!! يطلع منو راشد ها؟؟؟

جوى اسكتت وقلبها قام يطق بسرررررعه......

يوسف: قاعد أكلمج...جاوبيني

جوى: ااااه راشد....راشد يطلع.....

يوسف بدا يعلي صوته: يلا خلصي تكلمييي...منوو راشد؟؟؟ قوووولي

جوى: اااه اااه

يوسف بصراخ: قوووولي

جوى من الخوف ردت على طول: خطيبي

يوسف انصعق : شنووو؟؟؟

جوى: يوسف انا ما احبه ولا ابيه بس عشان امي رضيت فيه

يوسف قاعد يحاول يستوعب: خطيبج!!!

جوى: يوسف انا أحبك انت وبس وهذا خلاص راح اتركه

يوسف: لحظه لحظه!!! خطيبج؟؟!!! انتي انتي قلتيلي انج مو مرتبطه!!!!

جوى:.......

يوسف مصدوم: جذبتي علي؟!!!

جوى: يوسف سامحني بس خفت أقولك

يوسف ساكت مو قادر يستوعب انها مخطوبه!!!! لف وعطاها ظهره واهيه راحتله الصوب الثاني

جوى: يوسف صدقني عمري ما حبيته بس قلتلك عشان امي وافقت عليه

وحاولت تمسك ايده بس على طول شالها....

يوسف: انتي جوى...انتي تجذبين علي!!!! عيل شقاعده تسوين معاي كل هالوقت؟؟!!! قاعده تخونين خطيبج ويااااااي!!!

جوى: لا يوووسف حاول تفهمني

يوسف: أفهم شنو ولا شنو!!!!

جان يرجع يدق عليها راشد....يوسف بس رجع شاف الاسم عصب وانفعل حيـــل وحذف التلفون على الأرض بقوووه...

يوسف بعصبيه: قاااعد يدق علييييج....يبييييج!!!

ومشى عنهاا واهيه لحقته.....

جوى: يوسف...يوسف اسمعني...انا أحبك والله العظيم أحبببك وعمري ما حبيت غيررك

وقامت تنتفض وبدت تبجي....

يوسف:...................

جوى: يووسف اوووقف اسمعنييي....يوووسف تكفى لا تخليـــني

يوسف: مو قادر اشوف ويهج!!! مو قادر أصدق كلامج!!! للأسف طحتي من عيني جوى

جوى: لاا يووسف لا تقووول جذيييي

يوسف هااايــج واول مره تشوووفه بهالعصبيـــه

يوسف : بس خلاص يلا رووحي رجعييييله ناطرج بالكوييت

جوى: يووسف افهم....افهم انااا أحبببك وابيييك انت...والله أحبك...أحبك

جوى راحت جدامه عشان توقفه وامسكت ويهه عشان يطالعهااا واهوه يحاول يوخر...

يوسف: جوى بس خليني

جوى: يووسف عشانك انت أهد مليوون وااااحد....مستحيل احد راح ياخذ مكانك بيووم

يوسف: جوى خليني

جوى صارت تبجي دم بس يوسف من كثر ما اهوه معصب وحاس بغيرره موو طبيـعيه مووو متحمل المووقف ومو قادر يفكررر عدل....

جوى: يووسف خلاص شفييك؟؟ انا راح أترركه عشانك!!!

يوسف بعصبيه: انااا ظليت 3 سنين أحبج وعاااايش على ذكراااج وانتي مخطووبه!!! وتجذبين علي بعد!!!!...... ما توقعتج جذي!!!!

جوى: يوسف ليش قاعد تحسسني اني انسانه حقيره؟!!! اي انخطبت ولما ييت فرنسا ورجعت شفتك ارجعتلي كل المشاعر اللي أصلااا دايما كانت مندفنه فيــني وعمري ما نسيتك يوسف....وكنت احبك وبعدني أحبك

يوسف: جوى احتاج الحين اكون بروحي شوي

جوى: يووسف...

يوسف: جوى بس خليني اروح

جوى بدت تعصب: شوف...اسمعني زين.....انا راده الكويت باجر وعلى فكره ترى ملجتي بعد أسبوع!!! فاذا ناوي تسوي شي الحق سويه قبل

يوسف اول ما سمعها تقول " ملجتي" طلع من عيووونه شراااار...وحس انه قاعد يشب ناااار من داااااااااخل.....وعصــب أكثـــــررر وماسك نفسه لان حس اذا تكلم راح يزيــد الكلااام ويكبر وممكن يغلط عليـها.....
وظلوا واقفين ساكتين.....يطالعهااا وتطالعه....بعدين عطاها نظره ومشى....

جـوى تحطــمت بمكانها....مو مصدقه ان تركها وراااح!!!....حست ان الدنيا دارت فيها وتمنت الأرض لو تنشق وتبلعهاااا.....ظلت واااقفه بمكانها تطالعه يمشي عنها و تحاول تستوعب كل اللي صار...!!!!

يبيـك اللي ’ عيـونه ، ما قـوت تحـمل قليـل من بعـض [ عطفـه ]

يبيـك اللـي مشـى > لك ،،

أو مـشـى | بـك | أو مشـى في سكتـك حـافـي .. !

يبيـك اللـي اذا شـافـك تلعـثـم بالـ / كـلام و ينصعـب وصـفـه ،،

يبيـك اللـي يشـوفـك ‘ شـمـس ، والدنيـا ظـلام .. و دفـتـره ~ طافـي ~

امسحت دموعها ومـشت وقلبهااا كان يطق بقووووه.....

قاعده تمشي للفندق شوي شوي واهيه بحالة صدمــه من الموقف.....وتلوم نفسها على اللي صاااار وتلعن الساعه اللي انخطبت فيها.....

الفندق....

جنى: امبيييييييييه انتييي وييييييينج؟؟ ينيييت وانا أدق عليييج!!!! خل اروح أطمن امي

جوى:...............

راحت دقت على امها تقولها ان طلع جوى وصلت.....

جنى: اشوه ما قالت شي....لان كانت تحاتيج!!!... امبيه جوى شفييييج؟؟؟؟

جوى من كثر ما اهيه مصدومه صااايره بعالم ثاااني.....

جنى: جوى؟؟؟ جوووى؟؟؟

جوى فاتحه عينها على الاخر وباين عليها انها بحالة صدمه...

جنى: جوى لا تخرعيني قوليلي شفيج؟؟!

جوى بعدين لفت ويهها وطالعت اختها: يوسف عرف

جنى: عرف شنوو؟؟

جوى: اني مخطوبه

جنى: شلون عرف؟؟

جوى: شاف راشد داق علي وسألني عنه وقلتله

جنى: وييييه!!! وبعدين شصار؟؟

جوى: تركني

جنى: انزززين ما قلتليه انج تحبينه اهوه وما تحبين ذاك؟؟

جوى: اي قلتله شكثررر...بس متضايق ليش جذبت عليه!!

جنى: امممممم ترى شوفي يمكن عشان منفعل الحين بعدين لا هدا راح تقدرون تتفاهمون

جوى: اهوه في وقت أصلا عشان نتفاهم فيه!!! باجر الصبح رادين الكويت

جنى: اممم خلاص جوى لا تزعلين نفسج والمكتوب راح يصير

جوى قطت روحها على الفراش وظلت بالساعات بس تبجـــي.....

ثــاني يوم الصبــح قاموا من النوم امبجر حيــل لان طيارتهم الساعه 9:30 الصبح طلعوا من الفندق وتمنت جوى تشوفه بره الفندق بس ما لقته!!!

اركبوا التاكسي وراحوا المطاار.....كان باين عليها التعب ولابسه نظاره مغطيه نص ويهها عشان لحد يلاحظ عيونهاا...وحست ان خلااص اخسررته للأبد....

مالها خلق شي وتمشي معاهم غصــب وحيلها مهدوووود....

يوسـف قاعد في شقته ويننننن واهوه يحاول يحصـلهاا وصارله فترررره بس يدق عليها ينطرها تررد...بس ما كان في رد منهاااا!! كااان محتااااج يكلمهااا ضروووري.... ما نام من أمـــس.....

بينه وبين نفسه : ويييينهاااا!!!! ليـــش مااا تررررد!!!!

وحيــد

شارد الخيال

ومنزوي سارح

أدور اللي

يفكّر بي

ولا ألقى !

إلا سؤال ٍ ذبحني

" ليلة البآرح "

!لاراح منّي أعز الناس.. من يبقى ؟!

بعدين فجأه تذكررر انه لما عصب وانفعل حذف التلفون على الأرض!!!!

تصررروع وطلع على طووول من الشــقه وراح نهـــر الســين يمكن يلقاها اهنااك....وانصدم بس شاف التلفون على الأرض تحت الكرسي!! شال التلفون من على الأرض وبدا قلبه يطق بسررررعه..... وبعدين على طووول مشــى وراح الفندق...ما يدري السااعه جم طياارتهااا بس يمكن يصادفها برره!!

اول ما وصل دخل الفندق وسأل عنها وعطاهم مواصفاتها والرسيبشن قالوله انها مشـت....

اهنييي انهااااار وصار يركض لي بره الفندق مثل المينون....

وعلى طوووول راااح المطار على امل ان يلحق عليـــهاااا....

كااان يركض بســـررررعه ويتلفت يمين ويسار يدووورهاااا.....

بعدين بس شاف على الشاشه " الطائره المتجهه الى الكويت اقلعت" تجمد في مكانــه !!!! كان مصدوووووم ظل واقف بس يطالع الشااااشـــه ومو قاادر يستوعب ان خلاااص راااحـــت....راحــت اللي ماخذه عقلله وروووحه وتملكت كل شي فيـــه....بروحتهااا ضاعت كل أيامه وأحلاامه....واذا خسرها حس ان راح يخسر الدنيا كلهاا

حط ايدينه على رااااســـه!!! مووو عااارف شنووو يسووووي....يفكرررر شلووون يوووصلهااا!!!!

بعديـــن راح قعد على الكراسي وحاط ايدينه على ويهه و يفكررر : جووى أحبـــج....ما يصير تتزوجين غيري...انتي لييي.....بس ليييي اناااا!!!!

صار يفكرر ويفكرر شلوون ممكن يووصلهااا!!!

عليك الله .. إرحمني ذبحني , جرحي الدامي

وسيفٍ رافعه بوجهي عشان أرضيك / عانقتهـ

حبيبي صَعبه أتحَمَّل جُروحي وعظَّة إبهامي

قضى صبري وكل حَلٍ عشان الحُب ؟ جرَّبتهـ

إذا لِك يُوم مِتضايق ..؟ أنا الضِيقات أيامي

وإذا لِك يُوم تذكِرني ..؟ أنا النسيان زعَّلتهـ

وإذا جِسمِك تعَب , حتى أنا خايف مِنْ عضامي ..!!

أنا أمري إلى رَبِّي .. مِنْ الصَدمات / سَلَّمتهـ

محالٍ ألتقي بنقطه معاك .. وأنصُب خيامي

ربيعك وين يا الغالي..؟ أنا أسمع فيه ما عشتهـ

يوسف بقلبه: لازم أرووحلج الكويـــت.....انا جذي جذي ميــت بدوونج....انا بروحلج الكويت واللي يصير يصير....

قام يووسف من مكانه وراح استعلامات المطاار يسألهم عن جوازه....

( الحوار كله بالفرنسي)

يوسف: بنجور

موظف: بنجور

يوسف: امم بغيت أسأل عن شغله...انا جوازي منتهي!! ما أقدر أطلع من فرنسا الا بجواز يديد؟؟

موظف: امممم لا اهوه يسمحولك تطلع من فرنسا بنفس الجواز اللي دخلت منه بس انت رايح بلدك؟؟؟

يوسف: اي

موظف: تمام لان لو بلد ثاني ممكن يوقفونك وما يدخلونك بس اذا بلدك ممكن

يوسف: يعني مو مشكله أطلع من فرنسا بجواز منتهي؟؟

موظف: اي مو مشكله

يوسف: مشكور وايد

يوسف ارتااح ان ممكن يساافر بأسررع وقــت وراح على طووول من غير تفكيررر يحجزله تذكره حق الكووويت...موو هااامه نفسه وولا هااامه اي شي بالدنيا غير جووى....

وحجز تذكرره وما كان في حجز الا ثاني يوم الصبح....

بالطياره....

جوى طول الوقت ساكته ولابسه النظاره عشان كل شوي عيونها تدمع.....

جنى: جوى بس عورتي قلبي عليج

جوى:...................

جنى: خلااص ما تدرين يمكن راح اييج الكويت

جوى: ما ياني من قبل شاللي بخليه اييني الحين؟!

جنى: انزين بس لا تزعلين روحج خلاااص

جوى: كله مني

جنى: جوى لا تلومين نفسج بعد خلاص اللي صار صار

جوى: خلاص جنى هالمره شكله صج كل شي بينا انتهى

جنى: لا تقولين جذي خلاص ما تدرين شيصير

جوى: ملجتي بعد أسبوع جنى

جنى: يعني راح تتزوجين راشد؟؟؟

جوى: اذا ما ياني يوسف قبل هالأسبوع معناته عمره ما راح اييني

وصـلوا الكويـــت وادخلوا بيــتهم.....

راشد لخامس مره يدق وجوى ما ترد عليه بس لما ظل يصرر شالته...

راشد: انتي ويييينج؟؟؟؟؟!!!

جوى: هلا راشد...انا بالكويت

راشد: شفييييج ما تردين؟؟؟ 50 مره أدق!!!!!

جوى: اسفه ما كان يمي

راشد: خرعتيني عليج!!! انزين وامس هم دقيت على خطج الفرنسي ما تردين!!! والكويتي مغلق!! عسى ما شر؟!

جوى تذكرررت تلفونها اللي فيه خطها الفرنسي....مو متذكرره وين حطته وشصار فيه!!!

جوى: أقول راشد شوي واكلمك

راشد: اول شي قوليلي...انتي طيبه؟؟؟ فيج شي؟؟

جوى: لا راشد انا بخير ما فيني شي

راشد: انزين اشوه

جوى: اقول شوي وارد اكلمك

راشد: انزين

وقامت جوى تدور على التلفون بجنطتهااا اللي كانت شايلتها بايدهاا وبهدومهااا وينننت مو متذكره وين ودته..!!!! وافتحت الجنطه الكبيره بعد يمكن قطته داخل واهيه ما تدري,,,,وصارت واهيه قاعده تدور تبجيي من كثر ما اهيه مخنووقه
جنى دخلت عليييها لان سمعت صووت احد يرقع داخل...

جنى: شفييج؟؟؟

جوى: تلفوني..تلفوني ما شفتيه؟؟؟ اللي فيه الخط الفرنسي

جنى: لا ما شفته!!!

جوى: امبيييه مادري وييينه!؟!! نسيت وين حطيته؟!! اخاف نسيته بفرنسا!!

جنى: انزين شوي شوي ان شاء الله تلقينه....

جوى بانفعال: جنى مااافي مااافي دووورت بكل مكاااان!!!

جنى: انزين اوقفي شوي وهدي...تذكري متى اخر مره شفتيه؟؟؟

جوى: اممممم امممم اخر مره اممم....وييييييييييييييييه!!!!

جنى:شنوووو؟؟؟

جوى: يوسف كان مااسكه وبعدين احذفه على الأرض وبس بعدين نسيته وما شلته!!

جنى: ويي

جوى قامت تتنفس بصعووووبه....وبطتهااا بجــــيييي لدرجه انها قامت تشهق

ولمتهاااا جنى....بس من كثر ما كانت تبجي جوى صارت مو قادره توقف على حيلها وطاحت على ركبهااا....

جنى: جوى جوى قوومي

جوى بس تبجيي ومنهاااااره....

جنى: جوى خلااااص بس حبيتبي عفيه تكفين بس

جوى واهيه تبجي: جنى انا تعبانه

جنى: ادري يا عمرري ادريي....خلاااص جوى ميخالف بس عفيه

ومسكت اختها وودتها الفراااش وقاعده تحاول تخفف عليييهااا....جوى حطت راسها على المخده وتبجي...

جنى: خلاص حبيبتي يمكن ترجعين تشوفينه نفس اخر مره

جوى بانفعال: بس جنى خلاااص تعبنييي...أرهقنيييي...ما أقدرر جذي كل مره بين فتره وفتره ادور عليييه...هالمررره خل اهوه ايينييي ويدور عليييي

جنى: جوى انا ما ابيج تتزوجين راشد وانتي ما تبينه

جوى: جنى خلاص ما أقدر بس تعبت تعبت....ما أقدررر أظل انطررره خلاص انهد حيـــلي منه!!!

هذا الغيـآب للي خذنـا

................ عـلى ويـن ؟!

كـلٍ مع الأيـام عـاش بـ سكـاته ..

نـزعـل .. ونتضايق ونبعـد .. وبعديـن ؟

............. كـل يـدور لـه عـذر في حيـاتـه !

لو صاحبـك عن دنيتك غـآب يومين..ومنك ولا حتى آلمراسيـل جـاته

وعـادي إذا طال الجـفـا فوق × شهـرين × !

...........يمكـن يموت ومـادريت

.. بوفـاته .. !!

ثاني يوم الصبـح......

يوسـف مو قاعد يفكر عدللل....اهم شي عنده انه يطب الكويت عشان يوصلهااا...

ختم جوااازه وطلع الطيااااره واهوه مووو مصدق ان عقب 6 سنين وأخيـــراا راح يرجع الكويــــت.....

خااايـــف حيــــل وما يدري شنوو مصيــره بس موو هامـه شي غيــر ان يشوف جوى...!! يبي يوصلها بأي طريـــقه....

واهوه بالطياره اول ما صاروا فوق الكويــت لا شعوووريااا ادمعت عيووونه....اشتاااق حق الكويـــت وريحــة الكويـــت وكل شي فيهاااا....على كثرر ما اهوه مستاااانــس والفرحه مو شايلته انه راح يطب الكويـــت....مرعووووب وخااايـــف وعلى أمــل ان يقدر يطوف الجوازات ويطلع.....

وصـــل عند ختــم الجوازااات وقلبـــه يطق يطق بقوه ومتوتررر وقام يعرررق حيـــل ويحس بحررر مو طبيـــعيي....وكان باين عليه انه مرتبك وخااايف....

موظف: الحمدالله على السلامه

يوسف: اااالله يسلمك

موظف: من وين ياي؟؟

يوسف: فرنسا

موظف: جوازك منتهي لازم تجدده

يوسف: اااي ااي ادري

بعدين فجأه قلب ويه الموظـــف.....

موظف: لحظه شوي!! انت أصلا عليك منع سفرر شلون سافرت؟؟!

يوسف: شنوو؟؟!!

موظف: انت موقوف

ونادى الشرطه من بعيـــد اييونه....

يووسف اول ما سمع هالكلمه قام ينتفـــض ويووو الشرطه مسكووه....

يوسف: انا انا ما سويت شييي

الشرطي: تعال معانا

يوسف قلبه قام يطق بسررررررعه وقااام يتنفس بصعوووووبه.....

وخذووه قسم شرطة المطار وبعدين ودوه المخفر.....

جـوى طوول الوقت بس حابسه نفسها في غرفتهااا وأهلهااا قاعدين يحضرونلها كل شي حق ملجتهااا..... كانت فاقده الأمل تماما انها راح تشوف يووسف وما تدري ان حبيب قلبها بهالوقت قريب منهااااا حيــــل .....

بالمخفر.......

الضابط: انت مرتكب جريمـــه...شلون عبالك راح نخليك تدخل الكويت مرور الكرام؟؟؟

يوسف: موو انااا اللي ذبحته...والله موو انااااا

وقالهم يوسف كل القصه وما فيـــهااا

الضابط: بصماتك على السجينه اللي اذبحت الريااال وبعدين اذا كلامك صحيح ليش هربت؟؟

يوسف: قلتلك عدنان اهوه اللي مسكني السجينه وانا طايح...وطلعت من الكويت لاني خفــت ومحد كان واقف معاي

الضابط: هذا حمود وينه الحين؟؟؟

يوسف: من وقت السالفه واهوه بره الكويت ومحد يدري وينه!!!

الضابط: احنا راح ندور على حمود ونشوف اذا موجود بالكويت ولا لا واكيد راح نستدعي عدنان....بس انت راح انتم قابضين عليك ولازم نحطك بالنظاره لأن الأدله عليك قويه...!

يوسف حس ان حياااته خلااااص انتهت وأحلامه كلها ضاعت......

الضابط: تحب تدق على أحد؟؟؟

يوسف قعد يفكرر...ما يدري يدق على منوو؟؟! ما يبي يدق على أمه لان ما يرضى عليها تدخل المخفرر وخايف عليها....يدق على أخوانه؟؟؟ اخوانه عمرهم ما وقفوا معاه!! ليش الحين بيساعدونه؟؟! ابوه؟؟؟ ابوه اخر واحد يفكر يدق عليه....

يوسف: لا بس بدق على محامي

الضابط: اي طبعااا من حقك

يوسف: مشكور

وانـحط يووسف بالنــظاره واهو موو مستوعب شــي.....اول ما دخل النظاره قام بــس يبجي مو مصدق اللي قاعد يصيــرله....

مرت الأيام و وصارت في تحقيــقات وما لقوا حمود والأدله كلها كانت ضد يوسف....

المحامي : يوسف عشان اكون صريح معاك القضيه ما تبشر

يوسف: ادري

المحامي: بس ان شاء الله راح احاول كثر ما أقدر ان نقلل الحكم عليــك وما يكون اعدام

يوسف: كله واحد

المحامي : لا يوسف مو كله وااحد

يوسف: انت عبالك انا أبي مؤبد؟؟؟ لو انعدم واموت احسن بدال هالعذاب

المحامي: لا حول الله.... وهالعدنان محررف كل اللي صاار وكلامه كله مختلف عن كلامك

يوسف: اي اكيد

المحامي: انا بس ابيك تتفائل شوي

يوسف: الله كريم

يــوسف صاكه فيــه الدنيا لأن اليوم ملجــة جـوى...وحس ان خلاااص ما بأيده يسوي شــي والحين ماله دااعي يحاول يووصلــهااا أصلااا دام مقطوط بالسجــن ومافي أمل يطلع...

ام جيـهان وجيــهان فرحانيــن حيــــل حق ملجة جوى....بس جوى مكبووته ومخنووووقه حيــــــــل وجنى متضايقه لان عارفه ان اختها متضايقه...

عم جـوى اللي اسنين ما يدري عنهم اهوه اللي ماخذ وصايتهاا ووكيل عن أبوهااا..

المغرب يوم ملجة جــوى....

جوى بالصالون مع خواتها قاعده تحضر نفسهااا

جيهاان : هااا شنوو شعووورج؟؟؟ بأي لحظه خلااص راح تعتبرين زوجته

جوى: شعوري عاادي

جيهان: من صجج؟؟!!! انتي الظاهر عشان بعدج ما حبيتيه بس ان شاء الله مع الوقت بس تعرفينه اكثر تحبينه

جوى:..........

جيهان: امبيه جوى شفي ضاايق خلقج جذييي؟؟؟ اليوم ملجتج ماااا يصييررر

جوى: حيل خايفه جيهان

جيهان: عادي طبيعي تخافين لان شي غريب بس والله ايام الملجه اونس شي

دق تلفون جيهان وشالت الخط....

جيهان: هلا عمي....صـــج!!!! اوكي يلااا أقولهااا

جوى لما عرفت ان التلفون من عمهااا قلبها قام يطق حيـــــل وجنها توه تستوعب الموضوع كلـــه!!!

جيهان: مبروووووووك

جوى قامت تتنفس حيــــل وايدها قامت تررجف

جيهان: وييي بعد عمرري شفييج؟؟؟ يلاا مفروض تستانسين...خلاص الحين انتي تعتبرين زوجته

جوى: والله؟؟

جيهان:هههههههههه اي والله

جوى تغورقت عيونهااا بس امسكت نفسها ما تبيي تبجي...

جيهان: وييي حبيبتي شفيج؟؟!

جوى: ولا شي!!!

جيهان: يلا يلا استانسييييييي راح تكون أحلى أربع أشهر بحياتج

>>>> اهمـه كانوا متفقيــن ان يكونون مالجين أربع أشهر وبعدين العرس....

جوى بس ساكته وفي حالة صدمــه.....

خلــصت جـوى من الصالون واهيه بعدها مو مستوعبه شي!!!

الملـجه.....

الملجه في بيتهم وكل الناااس فرحاااانه وترررقص ولما دخلت جوى الكل انبهررر بجمااااااالهاا وشكلهااا كااان ياااحذ العقــــل...كانت داخله واهيه متوتره حيـــل بس محد لاحظ توترها كثر ما كانوا خاقيـن على شكلهاا....

شوي بعديــن جان يدخـــل راشــد وشاااق الحلــــج وموو مصدق.....

راح عندهاا وباس راسهاا وقــعد يمهااا....>>زيــن عرف يسوي شي سنع

اهوه بس بااس راســـهااا بدت تستوووعب الموضوووووع.....وصااار قلبــهااا يطق حيـــل وتتنفس بسرررعه.....

راشد: ها جوى فيج شي؟؟

جوى: لا

وصارت تتلفت يمين ويسار تدور على أمهااا وحاسه بخووف موو طبيــعيييي وودهااا تقووم وتنحااااااش....
ياتها بعدين امهااا

ام جيهان: ها جوى... بغيتي شي؟؟

جوى كان امبين على ويهها انها مرووعبه وفيها شي بعدين جان تدمع عيوونها

ام جيهان: وي حبيبتي لا تبجين عشان لا تبجيني معااج...انا من غير شي ماسكه نفسي غصب

جوى واهيه خانقتها العبره: يمــه

ام جيهان: ها يمه قولي؟؟

جوى تبلع ريجهاا وحست ان لو شنو ما قالت الحين خلااااص فات الاوااان....

يــوسف بالسجــن وبــس بجـــي وقلبه ينغززه لان عااارف ان خلاااص اكيــد ملـجـت وحس ان حياااته انتهت ومصيــره
الموووت وما عاد في شي يبي يعيش عشانه...

جروحي فوق طاقاتي بكيـت وفـي عيونـي دم

رضيت آنا على القسوهـ وضاعت كـل بسماتـي

تعبتْ / وما صِدَقْ حَظي وفوق الهم أشيل الهـم

صغيرٍ في العمر آنـا وكبيـرهـ حيـل مأساتـي

محدْ يدري عن أخباري محد في دنيتـي مهتـم

وحيدْ أمشي مع همِّي وكبيرْ الحزْن فـي ذاتـي

بــعد مــرور أسبوعيـــن.....

........: السلام عليكم

الضابط: وعليكم السلام....من حضرتك؟؟؟

.........: أنا حمود

تــــــــم الجـــزء الســـابع عشـــــر