روايـتي الـثانـيـة:- ^^ صـر ((نـفـس)) خـة^^ واقـعيـة 100%

[<..غيوم..>]

​

اخذي راحتج أم جسوم ماعليه نتحمل الصبر ولا يهمج

 

[سارووونه22]

اب اب اب اب

 

[*احلام*الدجى*]

للرفع

 

[الشيف نانا]

اب اب اب اب

 

[*احلام*الدجى*]

للرفع

 

[rayona]

امبييييييييييييييييييييييييييييييييه:eh_s(12): انصدمت من مشعل و قرى ..!!!!!!

مشعل الي صار مدمن .. زين ليش ما يتعالج عشان مرته !!!!! اذا يحبها يتعالج .. الله يهديه انشاءالله و يبعد عنه عيال السوء ..!!

و قرى شفيهاااا نفسيه مع اختها !! شمسويتلها شيووخ الي تعملها جذي !!!!

يا حلااااات الدكتوور جمال فديته والله الله يهنيه اهوا و شيوخ و انشاءالله يسعدها ..

مشكوووووووووووووووووووووووورة بعد عمري على البارتااات الي كل وااحد احلى من الثاني ..

ناطرينج

 

[جمال رباني]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

ويتنق

 

[بنوتة عراد]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

ام جاسم وينج حبيبتي تاخرتي ناطرينج ع نار
فديتج لا تاخرين علينه
واخذي راحتج

 

[غــلآهاا غير]

اهلين أم جسوم حبيبتي اخذي راحتج ننطرج متى مافضيتي نزلي معذووره ياحبي تيك يور تايم واكيد مقدرين ضروفج وماينزعل منج بعد قلبي
اب اب اب اب اب اب اب اب لعيووون أم جسوووم

 

[امـ جاسـم]

بـسم الله الـرحمن الـرحيـم ..
البـارت الـثـاني عـشـر :-
بعد اسبوعين صارت التجهيزات بسرعه وبيوم العرس شيخه كانت متوترة وخايفه ومتردده .. بس جمال كان طاير من الوناسه واخيرا بياخذ شيخه الي يحلم فيها بس ما ندري شبيصير وشيخه شلون بتعيش مع غير فارس ؟؟
المهم شيخه بالصالون ويا امها ..
شيخه:يماا
ام شيخه:ها يمه قولي ؟؟
شيخه:انا وايد خايفه ..
ام شيخه:فديتج يا يمه هذا شي طبيعي .. كل بنت تخاف بليلة عرسها لا تخافين يايمه ..
شيخه:لا يما انا وايد خايفه ..
ام شيخه تغير الموضوع:الله شيووخه شوفي هالتسريحه تينن شرايج تسوينها ..
شيخه:لا يما ابي شي ناعم مابي خبه ..
ام شيخه:اي صح انتي لايق عليج الاشياء الناعمه ..
شيخه سرحت بفارس تذكر الفرق بين ملجتها على فارس وعرسها لجمال .. كانت طايرة شيخه مستانسه مستانسه بهذاك اليوم .. مو مصدقه انها خلاص واخيرا بتاخذ فارس ..
شيخه تكلم فارس بالتليفون ..
شيخه:هههههههه شفيك فروسي ينييت خوو بليل بتشوفني !!
فارس:لالا مابي الحين الحين بشوفج محد يشوفج قبليي ..
شيخه:ههههههههه امبيه ينيييت اقولك بليل بتشوفني
فارس:لا يعني لا انا اشوفج اول واحد ..
شيخه:خلاص اصور ودزلك ياهم
فارس:لا حبيبتي اصور ودزلك ياهم قبل ما تصيرين حلالي الحين انتي مرتي يعني فيس تو فيس يالله طلعي انا تحت الصالون ..
شيخه:فااااااااااااارس والله لو امي درت يا ويييلنا وبعدين لويه مع شعري والمكياج تبيني انزل لالا حبيبي انته يالله رووح
فارس:وانا واقف يالله خنشوف كلمتج ولاكلمتي الي تمشي
شيخه:فرووسي حبيبي كلمتك تاج على راسي بس والله ماقدر خلاص خو بتشوفني بليل عفيا فروسي عشان خاطري ولا انا مالي خاطر عندك ..
فارس:اوووووووووف
شيخه:فديت الوف انا يالله حبيبي روح تزهب اليوم ملجتنا
فارس:شلون يعني ماراح اشوفج ..
شيخه:بتشوفني حبيبي بس بليل ليش تبي تحرق على رووحك ..
فارس:انزين انزين
شيخه:فديتك انا قاعده اقول حبيبي ريلي يسمع الكلام
فارس:لما تطلعين تلبسين حجاب وبوشيه فاهمه ..
شيخه:ههههههههه انشالله
قطعت افكارها صوت قرى تناديها ..
قرى:شيييخه شيييخه
شيخه:هاه!!
قرى:شفييج صارلي سنه قاعده اناديج ..
شيخه:مادري ما سمعتج !
قرى:انزين يالله عشان يسوون شعرج ..
شيخه:يالله ..
بليل الكل كان زاهب في بيت شيخه كانت الملجه كل الحبايب متيمعين .. اهل شيخه واهل جمال وربعهم .. وكان البيت وسيع ويكفي .. المعازيم وصلو عالساعه 8 والبيت نترس والديجي شتغل والبنات قامو يرقصون .. وبعدها بساعه دخلت شيخه على الكلمات الحلوه والموسيقى .. واليباب شال البيت .. (نفنوف شيخه كان اوفوايت وكوكتيل بدون طرحه .. ناعم ومرتب وطالعه مشالله وايد حلوة )كانت ترجف ودموعها شوي وتنط من عينها امها ما تحملت قامت تبجي لسببين .. لانه الله شافه شيخه و انها شافتها عرووسه مرة ثانيه ..
قعدت شيخه وبعدين سولها اليلوه وصورو ورقصو الساعه 11 ونص دخل جمال بكل رجولتا وشهامته والبنات يانين عليه قامو يحسدون شيخه عليه .. وصل جمال وقعد يتامل شيخه وبرائتها وجمالها ومومصدق ليلحين انها مرته على سنة الله ورسوله كان طول المده شاق الحلج صور معاها ولبسها الشبكه .. وشوي وقاموو ركبو اللومزين .. شيخه كانت ترجف ودموعها بس اطيح ترد تمسحهم بسرعه .. بالسيارة كان وايد هدووووووء جمال خلا الحجي حق الفندق وشيخه طول المده راسها بالارض ليمن وصلو فندق المرينا .. ونزلو وام شيخه كانت وراهم ويا اختها سميرة عشان يبدلون شيخه وياخذون النفنوف .. وصلو وصعدو بلو شيخه وشيخه بطتها بجيا ..
ام شيخه:لا يا يماا لا حبيبتي ليش هالبجي ..
شيخه:يما ابي ارد مابي اقعد خلاص غيرت رايي مابي مابي ..
ام شيخه:شهالحجي يالله يمه شوفي روحج بالمنظرة تبارك الرحمن قمر نازل على الارض مو جذي سميرة ..
سميرة:اي يالغاليه والله مشالله عليها شيوخه قمر مشالله يالله يا خلينا نمشي الريال ناطر بره ..
ام شيخه لمت شيخه:يالله يا يمه مع السلامه ..
شيخه:يماا تكفيييييين ..
ام شيخه:هههههههههه يالله باي يا حلوة ..
شيخه مسحت دموعها وقعدت على السرير .. دخل جمال وحط البشت على الغنفه .. وقف جدامها وقومها من ايدها شيخه منزلا راسها وترجف .. جمال لاحظ هالشي رفع ويها بايدا ..
جمال:اخيييييييييه واخيرا يا شيخه ..
شيخه:.......
جمال:والله لا اعيشج ملكه قبل لا تطلبين تلاقين الي تبينا بين ايدج ..
نزلت دموع شيخه ..
جمال يمسحهم بيده:ليش يا قلبي هالدموع والله والله يا شيخه اني ماراح اخليج تشوفين هالدمعه راح اخليج تنسينهم راح تقوليلي شلون صايرة شكل الدموع .. انا ما صدقت على الله اني اشوفج جداامي وحلالي .. والله اني اكوت فيج اعشقج ..
شيخه زادت بجي ..
جمال قعد شيخه على السرير:لا شيوختي لا .. انا الحين يمج تبجين افا والله .. ليش يا قلبي هالدموع انتي خايفه مني ؟؟؟ اذا خايفه ترا والله مو مستعيل على شي انا كفايه اشوفج جذي جدامي وانتي حلالي ..
شيخه قامت تبجي:بليز دكتور بلييييز وخر عني لا تلمسني انا خايف خايفه ..
جمال خاف على شيخه وخر عنها:خلاص خلاص انا ماراح اقرب صوبج حبيبتي خلاص بس لا تبجين تكفين الا دموعج عفيا شيخه عفيا ..
شيخه تبجي:تكفا دكتور تعامل وياي جني المريضه الي كانت وياك بس غير جذي لا والله مو مستحمله مو مستوعبه شلون وافقت شلون صار هذا كله عفيا عفيا لا تقرب صوبي مابي مابي ...
جمال ما كان منصدم من ردت فعل شيخه وكان حاط في باله هذا الي راح يصير:انشالله بس هذا الي تبينا انشالله وحاضر من عيوني الثنتين ماراح اقرب صوبج .. بس لا تبجين تكفين ..
شيخه هدت شوي .. جمال مسك ايدها:بس هم انا عندي طلب ..
شيخه طالعتا بنظرة يعني شنو ؟؟؟
جمال:ناديني جمال (وابتسم)
شيخه واااايد ارتاحت من هالابتسامه وقامت من على السرير عشان تلبس بجامه .. دشت غسلت ويها وبدلت وطلعت لقت جمال بالصاله ..
جمال:ها خلصتي ..
شيخه بهدوووووووووووووء:اي
جمال:يالله روحي نامي .. ولا اقولج نطريني عشان انومج
شيخه ابتسمت ..
جمال راح بدل وطلع حق شيخه ..
جمال:يالله عالسرييير يا شاطره ..
شيخه:هههههههه
جمال:دوم انشالله هالضحكه ..
شيخه وايد كانت مرتاحه من جمال وتصرفاته ..
جمال غطه شيخه وقعد صوب راسها:يالله بقولج قصة الحطاب والحليب ..
شيخه ابتسمت ..
قعد جمال يقول القصه ليمن نامت شيخه باس راسها و وخر الشعر من على عيونها وقعد يطالعها ابتسم وقام .. نام على الغنفه قبل لا يصكر عيونه قال (شكلك يا جمال وراك مشوار طويييييييييييييييييييييييييييييييييييييييييييل)
الصبح قعدت شيخه راحت غسلت وطلعت الصاله لقت جمال نايم والغنفه ضيجه ريوله وحده على الطوفه و وحده طايحه عالارض كسر خاطرها راحتلا ..
شيخه بصوت هادي وحنون:دكتووور آآآه اقصد جمال .. جمال
جمال بطل عيونه ولقا شيخه ببتسامه:يا الله حلم حلوو ..
شيخه:ههههه
جمال قام عدل قعدته وفرك عينه:لالا مو حلم صج .. اشوه عبالي حلم ..
شيخه:صباح الخير ..
جمال:صباح العسل
شيخه مبتسمه ..
جمال:من متى قاعده
شيخه:توني
جمال:انزين يالله قومي بدلي عشان نروح بيتنا نتريق ويا امي وابوي وفطوم اختي ..
شيخه:انشالله ..
بدلو وطلعو من الفندق وراحو بيتهم ..
ام جمال:كللللللللللللللللللللللللللللليييييييييش هلا هلا بالمعاريس هلا
جمال:هلا والله يالغاليه(وباس راسها)
ام جمال:هلا بمرت ولدي هلا بجنتي الحلوه هلا (تبوسها)
شيخه:هلا فيج خالتي ..
ام جمال:دشو يما دشو ..
دخلو وسلم جمل وشيخه على ابو ..
بو جمال:هلا بالمعاريس ..
جمال:هلا فيك يبا شلونك ؟؟
بو جمال:بخير انت شلوونك
جمال:الحمدالله ..
ام جمال:يما شيووخه ترا شقتج زاهبه روحي يا يمه خو انتي مو غريبه بيتج هذا وامج حطتلج كل اغراضج فيها ..
شيخه:ما عليه خالتي انطر دك(بغت تقول دكتور)آآه جمال..
ام جمال:اي يالله جمال قوم روح شقتك على ما ازهبلكم الريوق وصعده ويا الخدم..
جمال:انشالله .. يالله شيوخه امشي ..
صعدو شقتهم كانت زينه حقهم غرفتين وصاله صغيرة ومطبخ وحمامين ..
جمال:ها شيووخ شرايج بذوقي (يغمزلها)
شيخه:حلوو ..
جمال:ما شفتي غرفت النوم عيل ..
دخلو غرفت النووم ..
شيخه:آآآه جمال ..
جمال:امري حبيبتي ؟؟
شيخه بتردد:آآآ وين بتنام ..
جمال:بالغرفه الثانيه انا يايبلي مطرح ..
شيخه نزلت راسها ..
جمال يغير الموضوع:انزين شيووخ ترا معزومين بيت يدي غدا هاا زهبي نفسج ماشي ..
شيخه:اوكي
طلع جمال من الغرفه سكرت الباب شيخه وقعدت تبجي بدون صوت .. بعد شنو بيصير يا ربي ؟؟؟

قرى تكلم وليد ..
قرى:وليد ..
وليد:امري يا عييوووني
قرى:تسلم عيونك .. اممم
وليد:قولي حبيبتي شفيج ؟
قرى:مادري احس مالا داعي العرس مو
وليد:مووووووووو من قلب ..
قرى:هههههههههههه
وليد:والله قرووتي انا من زمان اقولج ماله داعي ..
قرى:اممم بس شنقول حق اهلنا ..
وليد:اي شي نقولهم ما نبي عرس سوي انتي ويا اهلي عشى وخلصناا
قرى:اي صح
وليد:يالله الشقه تناديج تقولج يالله قرى تعالي حتن غرفت ولدي قاعد ازهبها ..
قرى:اي ولد ؟؟
وليد:شنو اي ولد ولدي بعد اي ولد ..
قرى:بالله بنيه انته اي لون صبغتها
وليد:ازرق
قرى:شكووووو بالله بنيه
وليد:اذا بنيه نصبغها وردي شالمشكله
قرى:والله انته عليك سوالف
وليد:ما علييينا يالله اقول حق امي
قرى:اي وانا بروح اقول حق امي ..
وليد:ماشي ياالحب شوي ودق عليج ..
قرى:اوكي باي ..
نزلت قرى الصاله وشافت امها قاعده
قرى:يما ابي اكلمج فموضوع
ام شيخه:ها شنو ؟
قرى:يما انا و وليد قلنا مانبي عرس بنسوي حفله وبروح بيتي وخلاص
ام شيخه:هاا ليش
قرى:بس يما على ما ايي العرس الا كرشتي طلعت
ام شيخه:ما بقى شي
قرى:يما عادي خلاص كنسلي كل شي بعدين سويت ملجه شنو ابي ومالي خلق عرس و ولوويه يمه ..
ام شيخه:والله مادري كيفج قلتي حق خالتج
قرى:وليد الحين بيقولها
ام شيخه:زين
قرى:يماااا
ام شيخه:وصماا شتبين
قرى:مشتهيا فراوله
ام شيخه:وييي قمنا انتنسى
قرى:ههههههه يماااا
ام شيخه:والله وكبرتي وبتصيرين ام
قرى:شفتي شلون
ام شيخه:انزين الحين اييبلج فراوله بعد امري
قرى:مايامر عليج عدو حبيبتي تسلمين يا قلبي وااااي يما احبج
ام شيخه:وخرررررري فقصتيني
قرى:شسوي يما احبج احبج
ام شيخه:زييييييين حبتج العافيه وخري فقصتي الي فبطنج
قرى:اي وي نسيت
رن تليفون قرى..
قرى:هذا وليد ..هلا وليد
وليد:يالله زهبي اغراضج بيي اخذج
قرى:هههههههههههه طاع هذا يبيلي يومين على ما الم اغراضي وبعدين انطر نتفق على العشا متى بعدين ايي الشقه
وليد:ولييييييييي مطوله شكلج
قرى:لا اسبوع بس
وليد:والله حبيبتي 3 ايام ماكو غيرهم يالله باي
قرى:الوووووووو الووووووو طاع هذا صكا بويهي يقولي 3 ايام ماكو غيرهم
ام شيخه:ههههههههههه انزين عيل نبدي نعزم حق العشاا
قرى:اووف مالي خلق اشيل اغراضي
ام شيخه:الخدم يساعدونج يالله قومي على ما ادق على شيووخه وييي اساعدج
قرى:اوكيي
ام شيخه دقت على شيخه ..
شيخه:هلا يما
ام شيخه:كللللللللللللللييييييش هلا بالعروسه الحلوة يا قلب امج
شيخه:هلا يمااا
ام شيخه:ها يما شلونج شخبارج
شيخه:الحمدالله يما زينه انتي شلوونج وشلون ابوي وقرى
ام شيخه:الحمدالله يما كلنا بخير وقروو هههه غارت منج ما تبي عرس انشالله كلها 3 ايام وتروح بيت ريلها
شيخه:الله يوفقها
ام شيخه:عاد يما عزمي بيت اهل ريلج ماشي العشا في بيتنا هني يوم الثلاثه
شيخه:انشالله يما
ام شيخه:ها يما مرتاحه مع جمال
شيخه اطالع جمال وتبتسم:وايد يمه
ام شيخه:زين الحمدالله وينكم انتو
شيخه:بشقتي قاعدين نتريق
ام شيخه:زين حبيبتي سلمي على خالتج وعلى جمال واي شي تبينا دقي علي انا هاليومين بنشغل مع اختج زين امي
شيخه:انشالله يمه وانتي بعد سلمي على امي وقرى وعلى الاء ..
ام شيخه:على طاري الاء امس شفتيها ويها تعبان وااايد وضايق خلقها صايرة مو الاء الي نعرفها ..
شيخه:اي صح لاحظتها يمكن الحمال متعبها ؟
ام شيخه:اي اكيد يالله حبيبتي اخليج مع ريلج مع السلامه
شيخه:مع السلامه
جمال:خالتي ؟
شيخه:اي وتسلم عليك
جمال:الله يسلمها

الاء ومشعل حياتهم منقلبه فوق تحت مشعل ما يرد البيت الا الساعه 4 5 الفير والاء الصبح بالكليه ترد الساعه 1 تاخذ حسين من المدرسه وترد توكلا وتدرسا يقوم مشعل لا كلام لا سلام يطلع وادي وش الضيف على قولت اخوانه المصريين مايرجع الا الفير وهذي حالتهم كل يوم ..
الاء:هذي مو حاله انا و ولدك لانه حق عليك بعد
مشعل بصراخ:زخررري عن ويهييييي
الاء:ملييييت زهقت من هالعيييشه والله تعبت شنو هذاااا انته تدمن وانا ابتلش
مشعل دز الاء حييل ..
الاء تصرخ:واااااااااي بطنيييييييييييييييييييي
مشعل خترع:شفيج شفييييج
الاء:يمااا ولدييييي لا يصير في شي عفياااا
مشعل شال الاء وطلع ركض وداها المستشفى ..
الدكتور:الحمدالله النزيف وقف بس مو زين عليها الحركه الزايده
مشعل:الله يطمنك اقدر ادشلها
الدكتور:اي طبعا تفضل ..
مشعل دخل عند الاء..
مشعل:حمدالله على السلامه ..
الاء لفت ويها عنا..
مشعل مسك ايدها وباسها:عساني اموت ولا اشوفج بهالحاله
الاء تتكلم بقهر:موت وفكنااا
مشعل نزل راسه وقعد يبجي جنا ياهل ..
الاء تلت ايدها:انا برد بيت امي وباخذ حسين وياي انته انسان مجرم وحش ماقدر اعيش وياك باجر تذبح واحد فينا عشان السم الي تاخذه مشعل لازم تختار يا انا والي فبطني يا السم هذا
مشعل رفع راسه:لا تكفييين الاء ولي يخليج لا تهديني انا ماقدر اعيش بدونج ..
الاء:بس بس بس من متى وانا اسمع منك هالحجي انته بغيت تذبحني وتذبح ولدك بس الله ستر .. قتلك لمن تتعالج من هالادمان ذيك الساعه افكر اردلك ..
مشعل قام وطلع وهوا يبجي ويلوم نفسا ..
الاء دقت على امها وراحت بيتها خذت حسين وخذتلهم هدوم وراحت بيت امها ..
ام خالد:اي شصااير تالتلي هالصبي ويايه .؟؟
الاء:حبيبي حسون روح فوق وانا الحين ايي اوكي ماما
حسين:انشالله ..
الاء:يما مو صاير شي خلاص انا بغير جو
ام خالد:و ولدا شيايبه ؟؟
الاء:يما شفيج ولدا ولدي واناوحسوون خلاص صرنا بروح وحده ماقدر استغنا عناا وبعدين مشعل وايد مشغول هالايام الياهل يقعد عند منو ؟
ام خالد:والله انتي مادري شوراج
الاء:ولا شي يما انا بروح ارتاح
ام خالد:روحي يما روحي

في بيت يد جمال الكل كان مستانس على شيخه وحسوها حبوبه وايد محد يدري ان شيخه كانت مريضه .. الا ام جمال وابوه ..
شيخه ستانست على البنات وايد تغدو وخلصو وردو بالسيارة ..
جمال:شيووختي ما ودج نسافرلنا جم يوم ؟
شيخه:وين نروح ؟
جمال:مادري اي دوله قريبه وحليوة
شيخه:اممم
جمال:اذا ما تبين كييفج
شيخه:ميخالف جمال وقت ثاني
جمال:ماشي الي يريحج ..
شيخه تبتسم بالغصب
وصلو الشقه نزلت شيخه وهيا كلش مو بالعه جمال .. حالتها النفسيه قاعده تتازم تحس تبي تقعد بروحها وبس ..
جمال:ماتبين نروح بليل سينما
شيخه بالغصب تكلمه:لا انا بدش انام
جمال استغرب بس قال يمكن تعبانه من الوويه قعد اهوا بالصاله يطالع تلفزيون .. بعد نص ساعه سمع صوت صراخ بغرفة شيخه ركض .. وقعد يطق الباب ..
جمال بصراخ:شيييييييييييييييخه شييييييييييييييييييييخه بطططططططلي شفييييييييييييييييييييج
شيخه تبجي وتصرخ:ماااااااااااااااااابي مااااااااااااااااابي وخخخخخخخر عنييي ماااابيك ماااااااابيكم
جمال مات من الخرعه وقام وكسر الباب ودخل لقا شيخه على الارض ترافس بريلها وحاطه ايدها على اذونها بسرعه شالها وحطها على السرير .. وياب الابرة وعطاها ياها وهدت ونامت ..
جمال نزلت دموعا خاف ان ردت الحاله حق شيخه بس شصارلها الي سوا فيها جذي .. قعد عند راسها ليمن غفا يمها ..
الساعه 1 بليل شيخه كانت تون وهيا نايمه قام جمال على صوت ونتها ..
جمال شوي شوي عشان مايخرعها:شيخه شيوووخه حبيبتي
قامت شيخه مفزوعه:هاااا
جمال:سمالله عليج (ياب ماي وشربها)
جمال:بالعافيه
شيخه اطالع يمين ويسار:شصار
جمال يبتسم:ولا شي
شيخه:ليش انا نايمه فملابسي
جمال:شسما امم اي كنت حدج دايخه الظاهر من الدوخه مو متذكره شي
شيخه رجعت راسها على السرير وردت شعرها ورا:مادري
جمال:انزين يالله قومي بدلي حبيبتي وغسلي وردي نامي
شيخه:وانته ؟
جمال:انا كاني برة بس تخلصين ناديني
شيخه:جمال
جمال:يا عيوون جمال
شيخه:ادري تعبت مني
جمال:شهالحجي شيخو انتي زوجتي وانا ماخذج وادري شنو فيج خلاص عاد ماحب اسمع منج هالحجي انا مستانس ومرتاح اكثر من ما تتوقعين
شيخه ابتسمت ..
جمال قرص خدودها:يالله قومي
شيخه قامت بدلت و غسلت ونادت جمال يا بابا جمال كالعاده قالها قصه ونامت .. : )

الاء الفير كانت تبجي على حالتها والي وصلت لاا .. قامت غسلت ويها ودعت الله يهدي مشعل ويردا مثل اول واحسن ..

بعد 3 ايام وبعد العشا .. قرى راحت شقتها ويا وليد وكانو حدهم مستانسين ..
قرى:وليييداني
وليد:يا عيييييووونه
قرى:مستانس وياييي؟؟
وليد:والله يا قلبي وايد وايد!!
قرى:صج؟
وليد:صجييين
قرى:تحبني؟؟
وليد:شهالسؤال والله يا قرى انتي الحب الي كنت اتمنى ودور عليه ..
قرى:بعد عمري ..

مشعل كان قاعد بالبيت ويبجي .. مل من هالحاله الاء ماترد على ولا مكالمه ولا مسج وماقامت تروح الجامعه عشان ما تشوفه بس تخلي حسين يدق عليه والصبح ام خالد تودي المدرسه وتييبه ومشعل يوقف بعيد ما يبي احد يشوفه .. والعصر في بيت الاء ..
ام خالد:ادخل ادخل (تقول حق حسين) مو حاله هذي بعد يا اودي يا اييب من المدرسه
الاء:تعال حبيبي شلونك (تبوسه)
حسين:ماما وديني انتي المدرسه
الاء:ليش حبيبي ؟؟
حسين:بس انا ماحب خالتي توديني كلا تزفني ..
الاء اطالع امها:خلاص حبيبي ولا يهمك انا اودييك ,, يالله اصعد فوق على ما احطلك الغدا ..
حسين:انشالله ..
الاء:يما ترا هذا ياهل لا تقعدين تقوليلا جذي واذا انتي مو متحملتنا قوليلي عشان ارد ..
ام خالد:والله انا ما قلت مو متحملا احد بس لاهو ولدج ولا شي ليش حاطته على قلبج تعالي يبي و ودي وشيلي و حطي هذي مهي حاله ..
الاء:والله يمه انا عاجبني وخلاص من يوم ورايح انا راح اوديه .. ميييري ميييري (تنادي الخدامه) صعدي الغدا فووق ..
صعدت الاء فوق ودمعتها على خدها .. بعد ما كانت مدلله في بيت ابوها الحين صارت ثقيله على قلوبهم .. (بس طبعا هذا في تفكيرها والعكس تماما بس ماكو ام تحب تشوف بنتها راده بيتها وماتدري شصاير) ,,

بـعد اسبـوعين ..
شيخه كل جم يوم تيلها هالحاله الهلاوس .. وجمال قام يخاف تردلها الحاله وكل الي يقدر يسوي قاعد يسوي ,, بس شيخه مو مساعدتا كانت كلا كايبه وخايفه وتبجي بدون اي سبب لما يطلعها تكش من الناس تبي ترد .. جمال حس ان بيفقد شيخه وهوا وايد مرتاح وياها صج ان يتعذب من يشوفها جدامه ومايقدر ياخذ منها حقوقه الزوجيه .. بس هم مستحمل لانه يحبها ويعشقها بينون .. بس شيخه موجرد مرتاحتلا ما تحس باي شعور ثاني .. (واي يكسر خاااطري :"( داشه عرض انا )

قرى و وليد عايشين حياتهم صح .. وليد قايم بقرى عدل كل يوم طلعه ومطعن وسينما وضحك وسوالف و قرى تتنسى وهوا اييب كانو وايد مستانسين .. بس قرى صارلها جم يوم ايلها رقم غريب يدق عليها ويصكه بويها .. بس اهيا طوفت هالسالفه وما قالت حق وليد ..

الاء صادفت مرة مشعل بالجمعيه وشكله كان تعباااااان وايد وايد وايد السواد صاير بشكل مو طبيعي تحت عينه ودشداشته معفسه وشعرا معفس وطالعتلا لحيه .. الاء وايد تاثرت بهالموقف بس لازم تسوي جذي عشان يتعالج بس اهوا ما هد هالسم .. وام خالد كل يومين تقط نغزه على حسين الاء ملت منها ما قامت تنزل الصاله يا بغرفتها يا تودي حسين شوي بيت ام شيخه وهذي حالتهم راحت وقفت قيدها ليمن بعد الولاده .. الحين اهيا بالشهر الرابع بدش بالخامس .. اهيا ويا قرى ..

مـع تحـياتي ,,
امـ جاسـم : )

انشالله اذا قدرت بعد شوي انزل بارت قصير شوي ..

 

[امـ جاسـم]

خخخخخخخخ .. بدلـياتي مـو صـج

 

[جمال رباني]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

Waiting

 

[عاشقه رويشد]

كسر خاطري مشعل

ناطرينج

 

[bnt-elghali]

مشكوووره وناطرين البارت الياي

 

[so_what]

يسلموو على البارت ناطرينج

 

[أم@الحلوين]

يسلموو على البارت

 

[P!NKia]

ميرسي عالبارتات

 

[6amni bs]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

اتوقع الي يدق على قرىىىى سعد
واي الاء حدها تكسر الخاطر اهيا و شيخه
يعطيج الف عافيه
ناطرين

 

[*احلام*الدجى*]

شكله سعد متسلط على قرى وهالهدوء اهو اللي يسبق العاصفه
جمال الله يعينه الصراحه وشيخه ما تنلام مرضها مو بيدها
مشعل مادري ليش يسوي بعمره جذي تعلاج و خلص السالفه

يالله حبوبه ناطرين البارت الياي

 

[سارووونه22]

مشكوووووووووورة على بارت