روايـتي الـثانـيـة:- ^^ صـر ((نـفـس)) خـة^^ واقـعيـة 100%

[Miss.blue berry]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

ايوا ايوا عاشششت ام جسوووم
ناطرينج حبيبتي

 

[غــلآهاا غير]

حيااتي والله ناطرينج

 

[امـ جاسـم]

بـسم الله الـرحمن الـرحيـم ..
البـارت الـخامـس عـشـر:-
شيخه حاطه راسها بحظن امها و ام شيخه تلعب بشعرها ..
شيخه:يماا ..
ام شيخه:هلا !!
شيخه:بنام هني اليوم
ام شيخه:ليش حبيبتي ؟؟ فيكم شي ..
شيخه عدلت قعدتها:لا
ام شيخه:عيل شفيج ؟؟ ليش تبين تنامين هني ؟
شيخه:مادري !! احس مشتاقتلكم مشتاقه حق غرفتي ..
ام شيخه:ههههههههه يا حليلج يا حلوج والله ..
شيخه:انزين يماا بنام هني ..
ام شيخه:لا حبيبتي ما يصير تطلعين برا بيتج وتهدين ريلج ..
شيخه بقلبها:الي يقول الحين كلش انا وريلي
ام شيخه:انتي متضايقه من جمال .. مزعلج مسويلج شي ؟
شيخه:لا
ام شيخه:عيل شفيج ؟
شيخه:خلاص يما ولا شي ..
ام شيخه:الحين شيووخه انتي مرة ومسؤوله عن ريلج يا حبيبتي لا تهملينا ما يصير .. الي يقولج يا لازم تقوليلا انشالله وحاضر لا ترديلا ولا طلب ترا يا يمه يا حبيبتي الله يحاسبج بعدين ..
شيخه سرحت بكلام امها .. (انا لي متى راح اظل جذي ودي اتغير .. )
ام شيخه:وبعدين يا حبيبتي بقولج شي بس مابيج تاخذينا بحساسيه زياده عن اللزوم انا لمصلحتج بقولج هالحجي ..
شيخه:قولي يما ..
ام شيخه:يعني بنيه حلوة مثلج ومتزوجه لازم تهتم بروحها حطي مكياج لبسي كشخي نفس ايام اول يا قلبي ..
شيخه:ليش يما انا لبسي مو حلوو ؟
ام شيخه:مو سالفت حلو ولا مو حلو .. يعني شوفي قرى سمالله عليها كلا كاشخه ومتزهلقا .. يمه الريال يحب المرة الي تهتم بعمرها .. روحي الصالون غيري قصتج صبغي شعرج .. شرايج نروح الصالون والسوق ؟
شيخه:ليش؟
ام شيخه:نتشرى ونسوي نيو لوك على قولتهم
شيخه:ههههههههه يمه شعرفج بهالسوالف
ام شيخه:وييي عبالج ما اعرف ..
شيخه:هههههههههههه
ام شيخه:يالله خل البس ونروح ..
شيخه:اوكي !


الاء راحت حق مشعل المستشفى ..
الاء:شلونك مشعل
مشعل منزل راسه ويها اصفر والاسود تارس عينه ..
الاء:شد حيلك عشان تطلع وترد لنا ..
مشعل:.............
الاء:تدري ان فيني بنيه ..
مشعل:..........
الاء نزلت دموعها ومسكت ايد مشعل:تكفا قول اي كلمه .. شتقت حق صوتك ..
مشعل رفع راسه وعينه متروسه دموع..
الاء:حبيبي تكفه محتاجيلك .. حسون كل يوم يسال عنك وانا مو قادرة اعيش بدون حسك لا تحرمنا منك وانته عايش ..
مشعل بصوت تعبان:الاء
الاء مسحت دموعها:عيووووني
مشعل:لا توقفين حياتج عشاني..
الاء:انا اوقف عمري عشانك انته ما تدري شكثر شتقتلك ناطرتك ,, ما راح اسوي اي شي الا لمن تطلع بالسلامه .. شد حيلك ساعد الدكاتره حياتي عشان بسرعه تتعالج وتطلع بالسلامه ..
مشعل:واذا ما طلعت ؟
الاء:لا تقول جذي حبيبي انشالله بتطلع وبترد مثل اول واحسن .. كلنا ناطرينك انا وحسين وبنتك ..
مشعل ابتسم ابتسامه صفرا ونزل راسه .. الاء مسحت على راسه وقرت قرآن ليمن نام وبعدين طلعت ..

شيخه بالصالون قصت شعرها وصبغتا شكلها طلع غير وايد احلى من اول .. بعدها راحت السوق وشرت ملابس يديده وردت البيت ..
ردت البيت ولبست بجامه حلوة نفنوف قصير فيها وايد الوان .. وفلت شعرها وحطت حمرة ومسكره .. بتجرب تبدي من يديد وتترك حياتها القديمه ..
جمال دخل البيت .. ودش غرفتا .. شيخه ستغربت ان ما دش وتطمن عليها مثل عادته ..
طلعت شيخه وطقت الباب عليه بعد تردد ..
جمال:منو ؟
شيخه فيها ضحكه:في جم شخص بهالبيت..
جمال:مادري يمكن بس انا وساعات وحده ..
شيخه:ساعات ..
جمال:اي ساعات ..
شيخه:انزين بطل الباب ..
جمال:ما تخافين مني انتي ؟
شيخه مستغربه:ليش اخاف وحش..
جمال بطل الباب:يمممممممم ك ن (بطل حلجا اول ما شاف شيخه)
شيخه خترعت بس بتحاول:شفيك؟
جمال:ها ؟
شيخه:آآآه شرايك بالنيو لوك ..
جمال:عفوا اختي منو معاي؟
شيخه:ههههههههههههههههه
جمال:شيوووخ ؟؟
شيخه:هلا
جمال:شمسويا انتي شنو هذا حرام عليج رحمي حالي يعني لا ويايه و واقفه جدامي جذي؟
شيخه:اوكي خلاص بروح
جمال مسك ايدها:لا تكفين شيووخ ..
شيخه وخرت ايدها بس جمال مسكها حيل:وخر عني
جمال:شيخه عطيني فرصه جربي ..
شيخه:.......
جمال سحب شيخه الغرفه ..
بعد ساعه .. شيخه وخرت عن جمال تبجي ..
جمال:لا تبجين عفيا دموعج غاليه حبيبتي ..
شيخه:جمال لا تزعل مني والله مو بيدي..
جمال:لا تخافين حبيبتي انا فاهمج المهم انج تحاولين ..
شيخه:يعني مو زعلان؟
جمال باس شيخه على خدها:لا مو زعلان
شيخه مسحت دموعها ..
جمال:من يوم ورايح ماكو شي اسمه تنامين بروحج فاهمه ..
شيخه تهز راسها يعني اي ..
جمال:يوعان حدي ..
شيخه:وانا بعد !!
جمال:يالله امشي نطلب
شيخه:يالله ..


قرى قاعد تطالع تلفزيون بالصاله .. رن التليفون !!
قرى:الو
سعد:شلون يعني الحين ؟
قرى بصوت واطي:لا دق على هالتليفون مرة ثانيه و وخر عني ..
سعد:انا بعد ما لقيتج مستحيل اخليج
قرى صكت التليفون بويها ..
وليد:منو دق ؟
قرى:آآ هاذي امي
وليد:ايي
قرى:تبي اسويلك عشى
وليد:لا مشكورة انا بدش انام تعبان
قرى:اوكي حبيبي تصبح على خير انا شوي ولحقك
وليد:ماشي ..
دخل وليد الغرفه .. قرى قعدت اطالع التليفون وتفكر .. شلون توقفا عن حدا ؟؟
قامت بتروح الغرفه .. رن النليفون مرة ثانيه ما ردت .. شالت الفيشه وراحت الغرفه ..
وليد:منو الي داق ؟
قرى:انته ما نمت ؟
وليد:التليفون قومني
قرى:اي ناس فاضيه
وليد:شسالفتهم كل شوي داقين
قرى:مادري .. انا بدش اخذ دش


الصبح قامت شيخه وهيا كانت على صدر جمال .. ابتسمت وقامت خذت دش ولبست ..
جمال:صباح الورد ..
شيخه:صباح النور ..
جمال:ها لابسه بتروحين مكان ؟
شيخه:لا بروح اقعد ويا خالتي تحت ..
جمال:ايييي زين تسوين
شيخه:انته الساعه جم راح ترد البيت ..
جمال:ماني مطول ..
شيخه:ودي اروح اتغدى برا
جمال:بسس
شيخه:اييي هههههههههههه
جمال:ابشري اليوم غدانا برة ..
شيخه:اوكي
جمال:يالله حبيبتي انا البس ونزل صبقيني
شيخه:انشالله ..
نزلت شيخه .. وجمال تسبح ولبس ونزل ..
ام جمال:اي مشالله احلى جذي ..
شيخه:مشكوورة خالتي
ام جمال:يالله عاد شيووخه شدي حيلج نبي ياهل ..
شيخه ستحت:انشالله ..
جمال:صباح الخير !!
ام جمال:صباح النور
جمال:شلونها امي الغاليه ؟؟
ام جمال:تمام حبيبي
جمال:يما ديري بالج على شيوختي انا ماراح اطول ..
ام جمال:بعييوني
جمال:يالله مع السلامه
ام جمال+شيخه:مع السلامه ..



طلع وليد من البيت ولاحظ سيارة سوده واقفه بعيد ..استغرب ومشى ..
طلعت قرى بعد نص ساعه
مشى سعد ورا قرى ليمن دوامها .. نزل وتلها من ايدها ودخلها السيارة ..
قرى صرخت:وخررررررررررررررررر
سعد:اوش اوش ,, بكلمج
قرى:يالمينووون وخر عني وخر
سعد:قرى فهميني سمعيني احبج والله ..
قرى:وانا اكرهك مابيك انا متزوجه وفبطني بيبي .. شفيك انته مينوووون
سعد:انا راح اصير ابو بس انتي تطلقي منا وشوفي شيصير ..
قرى:انته مرييييييييض انا احب ريلي ومابي غيرة شفيك اصحى سعد لا تخرب حياتي تكفه ..
سعد:بس انا ييت هني عشانج انتي
قرى:وانا ما قتلك تعالي ولا ابيك تيي خلاص رووح انا مو لك ولا انته لي انا يييتلك وترجيتك بس انته الي خسرتني وانا مو مسترعدا اضحى بحياتي عشانك انته الي بعتني ...
سعد:بس انا تحسفت ومستعد اصلح كل شي ..
قرى:ماكو شي تصلحا خلاص كل شي انتهى .. وخر عني وهدني ولا تاذيني انا عشان معزتك الي فقلبي مابي اسويلك مشاكل خلاص سعد روح ..

الله حسيبك ... الله حسيبك
اجرح قريبك ... اجرح قريبك
وخط بيدك خط النهايه
نهايه احلى واصدق بدايه
واجرحني اجرح وبجرحي افرح
سو ما بدالك وابدأ مغيبك
روح روح روح الله حسيبك

ياللي خذيت من عندي راحتي
انسى خلاص وخلني لوحدتي
روح منته اول حب يروح
روح منته اخر حب يروح
والضي يروح ... والليل يروح
حتى الجروح تجي وتروح
وخط بيدك خط النهايه
نهايه احلى واصدق بدايه
واجرحني اجرح وبجرحي افرح
سو ما بدالك وابدأ مغيبك
روح روح روح الله حسيبك

نزلت قرى وركبت سيارتها وقعدت تبجي خايفه من الي راح يصير بعد .. شنو بيصير ؟؟

انشالله بليل البارت الطويل لانه ما مداني اخلص هذا والحين بطلع .. قراءة ممتعه ونطروني انشالله بليل..
مـع تحـياتي ,,
امـ جاسم : )

 

[FinDi]

تسلميييييييييييييييييييين ام جاسم خووووووش بارت
وناطرين البارت الياي اسلووبج مو صج ماشالله عليج :$

waiting
\
وناسة أول وحدة قرته هههههههه

 

[✿¸3ώẪṧĤ»]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

روووووووووووووووووعه يسسلمو

 

[عاشقه رويشد]

البارت حده عجيب عجيب ناطرينج

 

[Miss_Habla]

مشكوووووووووووووووره ام جسووووووووووووم وناااااطرينج واخيرا شيخه حست شوي لووووووووول

 

[6amni bs]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

يعطيج العافيه ام جسوم
ناطرينج

 

[امـ جاسـم]

بـسم الله الـرحـمن الـرحيم..
البـارت السادس عـشـر:-

شيخه وام جمال قاعدين بالصاله وشيخه قاعده تقرا بكتب الطبخ ..
شيخه:خالتي ممكن تعلميني شلون تسوين هالكيكه ..
ام جمال:اي حبيبتي امشي المطبخ معاي وانا اعلمج ياها
راحو المطبخ وقعدت شيخه على الطاوله وام جمال بدت تطلع الاغراض ..
شيخه:خالتي انتي تحبين تطبخين ؟
ام جمال:والله يا حبيبتي انا مو وايد مع المطبخ بس انا واعوذ بالله من كلمت انا فنانه بس بالحلو امن الباجي ويييه ولا اعرف شي ..
شيخه:هههههه انا ولا شي الحمدالله
ام جمال:عيل شتوكلين ولدي ؟
شيخه:هههههههههه يا مطعم يا باسته يا عندكم (مبتسمه)
ام جمال:لا يماا لا تصيرين مثل خالتج تعلمي وانا خالتج الطبخ
شيخه:اي انشالله خالتي ..
ام جمال:ما عليج امر يما بس صخنيلي الماي الحار ..
شيخه:انشالله ..
قامت شيخه وهيا تفكر بجمال (انا شفيني وايد قمت افكر في .. معقوله احبه ؟؟ اي وليش ما احبه ماكو شي مو مسويلي يا زين منا مستحملني .. ابتسمت وقالت : الله يخلي لي انشالله )
ام جمال:ييبي يما صبي ..
قامت تصب شيخه الماي وطاح الكيتلي كلا على ريلها ..
شيخه:اااااااااااااااااااااااااااااااااااااي
ام جمال:وي وي وي وي سمالله عليج الرحمن الرحيم ..
شيخه:خاااااااااالتي رييلي ريييلي ..
ام جمال:سوووووووووزااان بسسسرعه ييبي عباااتي بسرعه وقولي حق السايق ينطرني بسررررررعه
سوزان:انشالله مدام ..
شيخه:خااااااالتي يعوووور حيييييييييل
ام جمال:انشالله الحين يا قلبي الحين
لبست ام جمال عباتها وقامت شيخه شويشوي وهيا تبجي وتتالم وراحو الطبيب ..
الدكتور:لا مافيش حاقه حرأ بسيط لازم تداوم على المرهم 3 مرات باليوم لمدة اسبوع وما تتحركش كتير على رقلها ..
ام جمال:انشالله يا دكتور ..
راحو لفو رييل شيخه وبعدها ردو البيت ..
ام جمال وهيا تغطي شيخه:ها حبيبتي تبين شي ثاني ؟
شيخه:لا خالتي سوري تعبتج وياي ..
ام جمال:لا شدعوة بنتي انتي لا تعب ولا شي اي شي تبينا بس دقي علي ماشي ..
شيخه:انشالله ..
ام جمال:يالله مع السلامه

قرى ردت البيت وحطت راسها ونامت .. العصر دخل وليد
قرى توها قاعده:متى رجعت ؟
وليد وهوا يفصخ دشداشته:توني
قرى:ما سويت شي تبي اطلبلك ؟
وليد:لا مابي كليت بالدوام ..
قرى حست ان وليد مو طبيعي:فيك شي ؟
وليد:شفيني مثلا ؟
قرى:مادري احسك مو على بعضك ..
وليد وهوا ينسدح:مافيني شي (عطاها ظهرا)
قرى ما رتاحت حق تصرفاته:وليد قاعده اكلمك من متى وانته نايم تعطيني ظهرك ..
وليد:..........
قرى:ولييد قاعده اكلمك ؟؟
وليد:اووووووووه الواحد ما يعرف ينام عندج يعني ؟؟؟؟
قرى منصدمه من كلامه اول مرة يكلمها بهالاسلوب:انا اسفه(قامت)
وليد:لا حول لله .. صكري الباب ومابي ازعاج واذا صارت 7 وماقمت قوميني ..
قرى:انشالله ..
قرى طلعت برا الغرفه وخانقتها العبرة وتقول بنفسها:لايكون قاله شي ؟؟ لالا ما اعتقد من وين بيقوله ؟ اخاف بس تعبان من الدوام ؟ الله يستر ..


دخل جمال وهوا ماسك بوكيه ورد حلوووو ..
جمال:هذا احلى بوكيه حق احلى شيووووخه بالعالم ..
شيخه مستحيه:مشكوور
جمال:اشوف رييلج .. (شال الكفر ومسك ريلها) تعورج ؟؟
شيخه مبرطمه:وااايد ..
جمال يبوس اللفاف:بعد عمري .. (راح قعد يم راسها)
شيخه مبتسمه ..
جمال:احبج ..
شيخه نزلت راسها
جمال:مابيج تتحركين مثل ما قال الدكتور فاهمه ..
شيخه:انشالله ..
جمال:انا اسويلج كل شي
شيخه:ههههههههههه انشالله
جمال:اي والله كلش عاد ولا شيخه ..
شيخه:الله لا يحرمني منك
جمال:هلا ؟
شيخه نزلت راسها
جمال:شيوووختي عيدي الي قلتي !!
شيخه بحيا:الله لا يحرمني منك
جمال لمها:ولا منج يا قلبي انتي ..
شيخه:جمال لا تزعل مني بيوم ولا تتضايق وانا اسفه على الي سويتا ..
جمال:ولا يهمج حبيبتي اصلا مستحيل ازعل منج مينون انا ؟
شيخه:هههههههههههه
جمال:فديت هالضحكه عسى الله لا يحرمني منها
شيخه:ولا يحرمني منك ..

الاء قاعد بالصاله توكل حسين وتحس بعوار ..
حسين:ماما شفيج ؟
الاء:ماكو شي حبيبي اكل ..
حسين:انادي ماما وسميه
الاء:لا حبيبي ماكو شي عادي بس اختك اذتني وايد تتحرك ..
حسين:اهيا متى تيي يالله ابي العب معاها ..
الاء:ههههههه انشالله ما بقى شي بس شهرين ..
حسين:وبابا متى ايي ..
الاء:قول انشالله يرد لنا بالسلامه ..
حسين:انشالله ..
الاء:يالله حبيبي كمل اكلك عشان ادرسك وبعدين تروح تلعب
حسين:اوكي
خلصت وصعدت فووق رن تليفونها ..
ام شيخه:شلونج حبيبتي
الاء:هلا خالتي
ام شيخه:هلا يمه ,, اقول الوءه انتي زرتي مشعل
الاء:اي خالتي
ام شيخه:وشلونه ؟
الاء:والله يا خالتي مادري شقوولج تعبان وايد
ام شيخه:يا ربي قومه بالسلامه
الاء:انا وايد خايفه عليه (قعدت تبجي)
ام شيخه:لا تبجين حبيبتي مو زين عليج انتي حامل ذكري الله ودعي الله يقومه بالسلامه ويعافي من هالسم ادعيلا حبيبتي بكل صلاة الله يقومه بالسلامه انشالله ..
الاء:انشالله
ام شيخه:وشلون حسين ؟
الاء:الحمدالله
ام شيخه:حطي بعيونج ولو انج انتي مو مقصره سمالله عليج على سنج الصغير بس مشالله عليج فاهمه وعاقله
الاء:ولو خالتي توصيني على ولدي
ام شيخه:بعد عمري يالله حبيبتي اخليج الحين ..
الاء:مع السلامه
ام شيخه:مع السلامه


بليل الساعه 10 قرى منسدحه بالصاله و وليد قاعد يشتغل على الاب .. رن التليفون
وليد خز قرى ورد ..
وليد:الو .. هلا .. الحمدالله .. اي موجوده .. لحظه (لف على قرى) اختج
قرى مخترعه:الو هلا روان ,, انا الحمدالله ,, اي انشالله ,, متى ؟ اوكي باجر اييبا .. مع السلامه ..
وليد:شنو تبي؟
قرى:تبي نفنوفي مال عرس عندها عرس ومالها خلق تفتر ..
وليد:اها
قرى:وليد !
وليد:نعم
قرى رحت يما:شفيك اليوم منفس علي ؟؟
وليد:مو منفس شكو
قرى:امبلا العاده ما تنام الا وانا على صدرك اليوم معطيني ظهرك وزفيتني والحين تكلمني من طرف خشمك انته زعلان مني ؟
وليد:وليش ازعل ؟ مسويه شي يزعلني؟
قرى رتبكت:لا
وليد:عيل ليش ازعل مثلا ؟؟
قرى:مادريي
وليد:ماكو شي ومو زعلان ومو منفس بس راسي مصدع ومالي خلق
قرى:تبي اييبلك بندول
وليد مسك ايدها وحطها على راسه:بس جذي اصير زين
قرى:هههههههههه اي جذي مو توه مالك خلقي
وليد:شلون مالي خلق قرى حبيبتي
قرى:بعد عمري
وليد:يالله اليوم مو متغدي ما تبيني اتعشى بعد ؟؟
قرى:لالا الحين اسويلك احلى عشى
وليد:يالله خنشوف ..




الصبح ..
شيخه:جمال لا تروح عفيا مادري شفيني اليوم مخترعه من اول ما قعدت ..
جمال:سمالله عليج حبيبتي شفيج ؟؟
شيخه:مادري
جمال:خلاص ماني رايح بقعد وياج بعد شتبين؟؟
شيخه:ابي سلامتك
جمال:شلونها ريولج الحين ؟!
شيخه:زينه الحمدالله
جمال:الحمدالله

قرى ويا وليد بالسيارة ..
وليد:يعني دشيتي باقي شهرين وتولدين
قرى:اييي
وليد:عيل من الحين خنزهب الغرفه
قرى:اي انشالله قاعده افكر بالغرفه
وليد:بتروحين بيت امج اول ماتولدين ؟
قرى:اي طبعا
وليد:الله يعييني اشلون بهدج كل ساعه انا عندكم
قرى:هههههههههه ادري حبيبي انته ما تقدر على فراقي ..
وليد:اي والله ماقدر يالغاليه يا ام الغالي يا ام خالد ..
قرى:هههههههههههه
وليد:اليوم بليل خنروح نتعشى برا
قرى:اوكي
وليد:الساعه 8 بمر اخذج لا تتاخرين باللبس
قرى:انشالله بس انتي عطني الو قبلها بساعه
وليد:اوكي يالله تيكير باباتي
قرى:وانته بعد
وليد:باي
قرى:باي


شيخه وجمال قاعدين يلعبون اونو ..
شيخه:لا تغش ترا قاعده شاوفك
جمال:انا ما اعرف اغش اصلا
شيخه:اي وايد
جمال:شيووخ
شيخه:هلا
جمال:ممكن اسالج سؤال
شيخه:اسال
جمال:تحبيني
شيخه رتبكت وايد وماعرفت شتقول..
جمال:قولي لا تخافين انا ادري انج ما تحبيني الحب المينوون الي انا احبج يا بس يعني ما ستلطفتيني ما بلعتيني شي جذي مني مناك ؟
شيخه:الصراحه جمال انته تخلي الواحد غصب يحبك بطيبتك وحنيتك علي .. انته غيرت كل حياتي خليتني من انسانه ميته الى انسانه بدت تحس بالحياة وتتغير .. انا ما اقول اني احبك مثل حبك .. بس وايد ارتاحلك احبك دوم يمي ما تهدني .. اتضايق لما تطلب مني شي وما اسوي قاعده احاول كثر ما اقدر اني اتغير وتعدل بس عشانك ..
جمال كان حدا متشقق:والله شيوووخه مابي منج شي بس ابيج تحبيني وتثقين فيني ونعيش انا وياج مثل اي اثنين متزوجين ونييب عيال ابي ايب منج درزن بنات ودرزن صبيان ابي اعيش كل عمري وياج احبج وتحبيني ومايفرقنا الا الموت ..
شيخه:تكفه جمال لا تييب هالطاري كلش ماحب اسمعاا
جمال:انشالله .. يالله كملي كملي خل اكسر راسج
شيخه:هههههههههههه ما تقدر



بليل راحو قرى و وليد المرينا كرسنت يتعشون ..
قرى:حياتي انا بروح الحمام ..
وليد:ناطرج
طلعت قرى من المطعم بتروح الحمام صعدت الدري ولقت سعد جدامها ..
سعد:وين بتروحين مني يعني؟؟
قرى:انته شتبي خلاص اذييتني وخر عني
سعد:ههاااااااي والله ما عرفتيني عدل يا مدام قرى
قرى:والله ترا الحين اناديلك الامن
سعد:لا والله خرعتيني يعني
قرى دزتا ومشت .. تلها من ايدها حيل طاحت قرى من على السلم كلا ..
قرى:آآآآآآآآآآآآآآآآآآآآآآآآآآآآآآه
التمو الناس كلها على قرى وسعد على طووول انحاش ..
قرى:اممممممممممم
واحد:اختي تسمعيني؟؟
قرى كانت تحرك عيونها يمين ويسار ومو حاسه بروحها ولا اهيا وين في ..
الريال:طلبتو الاسعاف
واحد:اي يايين بالطريج ..
وليد ستغرب وقام يدور عليها صعد لقى حووسه ولويه .. قرب لقى قرى على الارض ..
وليد:قرررررررررررررررررى.. حبيبتي تسمعيني شفييك ..
شال وليد قرى وطيران على اقرب مستشفى ..
وليد واقف برا يحاتي .. طلع الدكتور
الدكتور:عمليه قيصريه ضروووري
وليد اخترع:شنو يعني
الدكتور:لازم نولدها فتح بطن
وليد:ليش؟؟؟؟ لي هالدرجه حالتها خطره
الدكتور:ما اخش عنك اي وايد ..
وليد قعد عالارض يبجي جنا ياهل ..
بعد نص ساعه يت ام شيخه وبو شيخه ..
ام شيخه:وين بنتي طمني عليها شصار لها شفيها ؟؟؟
وليد:بيسولها عمليه قيصريه
ام شيخه شهقت وقعدت تبجي:ويي يما بنتي حبيبتي شصارلها ؟؟؟؟
وليد:والله مادري يا خالتي كنا طالعين قالت بروح الحمام راحت طولت لما رحت ادورها لقيتها طايحه على الارض
ام شيخه:ياربي قومها بالسلامه يا ربي

مـع تحيـاتي ,,
امـ جاسم : ) تصبحون على خير ..

 

[غــلآهاا غير]

وانتي من اهل الخير ياقلبي ?تطولين علينا الله يسستر على قرى ويقومها بالسلامه والله ياخذ سعد يقهر ياعل حوبتها ماتتعدااه لووول حدي اندمجت ناطرينج

 

[آلريـم]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

yslmoooooo om jsoom

 

[سارووونه22]

مشكوووووووووووورة ويعطيج العافية

 

[P!NKia]

لالالالالالالالالا كلش مو صاحى سعد صج مو رجال عمى بعينه
وياعينى على جمال وشيوخته يهبلون

 

[DALLY]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

توني خالصه من كل البارتات

وااااي القصه تشوووق

يعطيج العافيه ام جسووومي


ناطرينج

 

[اوراد العشق]

مشكوره
بس نبي بارتات بعد تعووووويض على ايام الاسبووووع عشان ماننسي القصه

 

[6amni bs]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

ويييييييي الله يستررررررررر
يعطيج العاافيه
ناطرينج

 

[الجرح الدفين]

ناااااطريييينج روااايه عجيبه

 

[✿¸3ώẪṧĤ»]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

يسسسسسسلمووو ناطرينج

 

[جمال رباني]

ويتنق

 

[سارووونه22]

اب اب اب اب اب اب اب