روايه الحب الابدي لـ عنود العميري

[ام عثمانو]

السلام عليكم ورحمه الله وبركاته ...






تم بحمد الله صدور اول روايه لي .. وهي مولودي الاول ..
روايه الحب الابدي ..

** قصة عشق من موروثات قلبيه **

هي روايه تحكي عن حب تعجز البشريه عن ادراكها الا لمن صدق في نطقها ومعناها
كــ ساره & جاسم ..


راح تعرض ان شاءالله في معرض الكتاب القادم .. التابع لدار الصحوه ..

وحياكم الله:eh_s(9):

 

[ليلو جبريت]

بالتوفيق لج اختي والله يتمم فرحتج

بس شنو

هي روايه تحكي عن حب تعجز البشريه عن ادراكها الا لمن صدق في نطقها ومعناها
كــ ساره & جاسم ..


يعني مثل روميو وجوليت ؟؟

ومافي حب ابدي كل شي له يوم وينتهي الا الله سبحانه وتعالى

ازين كلمينا اكثر عن الرواية
هي فصحى او عامي

وعن محتواها

 

[ام عثمانو]

الله يسلمج حبيبتي ..

بالضبط مثل روميو وجوليت .. اكيد الحب الابدي لـ الله وحده ورسوله .. ولكن روايتي من نسج الخيال .. من الممكن ان تكون موجوده بالواقع .. وهي بالعاميه .. تحكي عن قصه حب تجمع بين ساره وجاسم .. ومثل مايقولون
" مامن محبه الا من بعد عداوه"
روايه فيها الكثير من الاحداث .. وان شاءالله تنال على اعجابكم ..

 

[ليلو جبريت]

امممم
ما ادري باشوف راي البنات
بس نصيحه لاتكتبين نفس روميو وجوليت ترى الناس ملووو من هالتكرار

ابتكري شي جديد وخلي خيالج محيط

 

[أنثى اليمامة]

كان ودي اشتريها ، بس للأسف ما أقرأ بالعامي .. إلا عربية فصحى ،،،

 

[Q8SeaGull]

السلام عليكم:​

موفقة ان شاءالله ​

 

[كراميلا مرة]

بالتوفيق
وانا بعد افضل الفصحى

 

[M!SS EV!L]

بالتوفيق

وانا عادي اقرأ

عامي أو فصحى



ولكن افضل الفصحى لانه اهني يبين شطارت الكاتب واشلون يلعب بالكلمات وهم يقدر يوصل لشريحة اكبر من الناس

وهذا رأي

تقبلي مروري

 

[بنوتة طموحة]

بالتوفيق حياآآتي

وهذي خطوة بمشوار الألف ميل ،،،

 

[ام عثمانو]

مشكورين حبايبي ماقصرتو لا تنسون ان هذا مولودي الاول .. وان شاءالله بمولودي الثاني راح اطبق كل اراءكم وان شاءالله مولودي الثاني راح يكون بالفصحى من عيوني .. وانا اتقبل كل نقد وكل راي لان يصحح من مساري ويزيد من اصراري ..
في معلومه صغيره مو شرط اذا كان الكتاب بالفصحى يشدالقارئ .. من الممكن يكون بالفصحى ما يشد ومن الممكن يكون بالعامي ويشد من خلال القصه وطريقه الكاتب .. اتمنى تقرونها وتعطوني رايكم ..
ويعطيكم الف عافيه

 

[دلع السلاطين]

موفقه ياارب

 

[سمراء كالخمري]

موووووفقه يالغاليه :*

وانشاءالله الاصدار يكون فال خييييييييييييييييير لج ونشووووف كتاباااتج القادمه ياربي


بالتووووووفيييييييييييييييييج

 

[رورو15]

موووووفقه

 

[ام عثمانو]

بنات روايتي ما راح تكون تبع دار الصحوه ..
الى الان لم يحدد..ولكن الا غلب دارالعروبه ..

 

[ليلو جبريت]

ليش مو دار الصحوة ؟؟

اي دار طبعتها لج ؟

 

[ام عثمانو]

عن طبعتها عن طريق مطبعه الفيصل ..

 

[ام عثمانو]

عن = انا

 

[ليلو جبريت]

اوك ودار الصحوة بعدهم ماردوا عليج حق النشر ؟

شوفي بلاتنيوم او غيرها عندي موضوع في قائمة باسماء دور نشر بالكويت

تبينه

 

[ام عثمانو]

والله ياليت حبيبتي اكون شاكرتلج من كل قلبي ..
دار الصحوه اسلاميه عشان الغلاف بس ..

 

[ليلو جبريت]

شوفي فيرجين
يعطونج طاوله ب 400
على ما اظن

ترى الدور ماراح يوافقون بسرعه
يبيلهم وقت

وكلمي فيصل الجاسم دامج تمونين عليه