روايه ما هقيت ليله فراقنا طويله لين صارت امس بعيني اطول من شهر .. !!روايتي الثانيه

[Dalal.E]

Aaayyyywaaa

 

[هناء - Hana]

هااي انا متابعه بصمت..شدعوه اريج نزعل منج لاااا وروايتج..نبر وووون..هع رووعه..واصلي..حبي..اب اب اب اب..

 

[Miss MzajeYa]

يا حياتي اريج منو قال بنزعل منج ومسامحينج واكيد اذا تاخرتي عندج ظروف ولا ما تتاخرين عبط مو ؟؟؟

 

[Miss MzajeYa]

امم اتوقع جاسم وروان يردون لبعض
وسريفة تخرب على امنه
ما ادري ليش خالد حاسه فيه ششي

 

[Miss MzajeYa]

مشكورة حبيبتي على البارت

 

[Miss MzajeYa]

وناااطرين البارت الاخخير على نار قلببب

 

[Miss MzajeYa]

اب اب اب اب اب

 

[alm9rg3a]

آنــــــا مـتـابعــة يديــــده وروايتج وااااااااااااااااااااايد حلوه وحياتي اريج ماراح نزعل معذوره بس الله يعافج على هالرواية وااااايد زوووغه

تــوقــعـاتــــــــي ؟

جـاسـم يرد لـ روان عقب مـا عذب نفسه من دونها ويمقن انه يخـطـبها >> يمقن مو اكيد Looooool ;p

امنه ماراح تتزوج حامد >> او يطلقها عقب شهر او شريفه تحرش وتبلى عند ابوها عليها

انشاءلله ريم تولد وتييب لخالد توأم وانشاءلله خالد مايموت يبقى عايش

وبــــــــــــــــــــــــــــثـث ;p

 

[Miss MzajeYa]

متى تنزلين البارت الاخييييييييييييييييييييير ؟؟؟؟؟؟؟؟؟؟؟؟

 

[Miss MzajeYa]

ناااااطريييييييييييييييييينج قلببببببببببببببب

 

[Miss MzajeYa]

نااااطريييييييييييييييينج قلبببببببب !!!!!!!!!!!

 

[Miss MzajeYa]

اب اب اب اب اب

 

[هناء - Hana]

اب اب اب اب اب

 

[RzoOon]

ناطرينج قلب

 

[alm9rg3a]

وويـــــــــــــتتــــنـج

 

[نبع الكون]

حديييييييييييي
تحمست
لا تطولين علينا
ناطرييييج

 

[ارييج الكويت]

البارت الاخير .. الجزء الاول ..


دخلو شريفه و نوف و ريم بيت امنه ناس متوسطين الدخل علي قد حالهم .. كانت امها و خالتها و يدتها قاعدين سولفو شوي

شريفه : الصراحه امنه رفيجتي وخير البنات لابوي .. اتمنى الله يوفقهم مع بعض بعد رضى الطريفين
ام امنه : حياكم الله بس بغيت اسال شلون تخطبين لابوج
شريفه : مافيها شي ابوي متزوج وامي و ام نوف ( وتاشر علي نوف ) كانا الحمدالله مستانسين وما بينه أي خلاف ونعيش باخوه وسلام و امنه بتكون وحده منه ان شاء الله ان انكتب النصيب
ام امنه : الله يكتب اللي فيه الخير
شريفه : ابوي معانا بره يبي يشوف البنيه
ام امنه : ان شاء الله الليحن اناديه
دخلت امنه وقعدت مع البنات و دخل بو جابر و قعد معاها
شريفه : دام الكل اجتمع اللحين انا بوريكم شي يكشف بنتكم اللي تركض ورا الريايل و ريايل كبر ابوها الحشيمه لج يا ام امنه ولا انا كنت بسوي اكثر من جذي
بو جابر : شريفه
شريفه : ان شاء الله يبا بس ثواني .. شريفه تكلم ابوي و من فتره بعد مو بيوم وليله شلون دريت اكيد ؟؟ بطرقي الخاصه وانا ما احب بنات اللي مو شايفين خير مثل بنتكم بنت الفقر ما تستحي القليلت ادب
امنه منصدمه ....
شريفه تشوف امنه و تضحك : ادري ادري بس انا اللي يلعب معاي يضيع يضيع حبيبتي .. المهم انا ما احب اتكم بدون دليل او شي يبين سود ويه بنتكم و اللي يقنع ابوي انه مو كفو هذي تناسب ابوي او اخوي .. كانت تهددني انه تفضحني عند ابوي واخوي ان ما زوجتها واحد من ابوي او اخوي المهم انه تناسبنا .. طبعا هذي ريم زوجت اخوي والي مستحيل يتزوج عليها و هذا ابوي اللي كان ما يشوف الا امي واللحين بيوم ليله بنت بليس قلبت راسه الله يستر علينا و عليها ما ادري شمسويتله و لا شمغبرتله ... ( طلعت تلفونها ) وهذي صورها مع قروبات شباب و حفلات اللي تصير بيتكم وانتو ما تدرون ...
بو جابر يشوف الصور وينصدم :/ صج انخدعت فيج يا جليلت الحيه ( كفخها طراق و طلعه ) يلا بنات مالنه قعده هني
امنه : حامد حامد اسالها من وين يايبتهم اكيد اهي موجوده معاي
شريفه : تفو تفو فتو عليج مو كل الناس مثلج هذي رفيجتج اهي اللي تدزلي صورج على مبلغ 400 دينار مسكينه مو شايفه خير اهي نفسج ..
ريم : عن اذنكم ( و سحبت شريفه )
شريفه تصرخ و اهي تطلع : ربو بنتكم و مسكوها لا اذبحها بيدي و خل توخر عن ابوي فاهمين ..
ريم : بس اوش اوش
شريفه : افف وخري عني مالت عليها ناس حثاله ويع عليهم ناس ما تريح كلش لا و كاشخه بعد مع الويه
ريم : بس سويتي اللي تبين خليها تولي الحين
شريفه : مابردت جبدي ما شفتها واهي تنطق
نوف : الله بيذبحونها
شريفه : دزيت الصور لرقم امها بالوتس اب
نوف : زين تسوين فيها
ريم : حرام شفيكم
نوف : خل تولي
ريم : كييفكم ردوني البيت بس
نوف : انزين برندج وين بنوديج يعني
ريم : ولهت علي بنتي
----------------

محمد : بنام دايخ حدي
نور : والله جني تعيبنه شوي اليوم قلبي مو مطمني
محمد شاف نبضها و فحصها : نبضج سريع شوي هدي مو زين ليج ولاللبيبي
نور : عوار بطني قوي
محمد : ريحي شوي
نور فجاه ياها عوار قوي : ااااااه
محمد وقف قلبه : شفيج
نور زاد النغزات بظهرها : قاعد يزيد العوار مو قادره
محمد : قومي نروح الطبيب
نور : لا اللحين يخف انا توني بشهري السابع
محمد : قومي نروح
نور : مابي خلاص
محمد : ريحي
نور : اه زاد محمد
محمد : قومي قومي خلصيني يلا

0000000000

شريفه : الو هلا
محمد : شلونج شريفه
شريفه : زينه
محمد : وينكم
شريفه : رادين لبيت
محمد : ها بشري شصار
شريفه : تفركش كل شي هههههه
محمد :افا ليش
شريفه : طلعت البنت مو زينه
محمد : الله يستر عليها
شريفه : وين نور
محمد : بالمستشفي قاعد تولد
شريفه : بذمتك
محمد : ههههه والله
شريفه : كانا ياين دزلي الموقع بس
محمد : ان شاء الله يلا لا تاخرون
شريفه : نور قاعده تولد
ريم : حلفي
نوف : وابوي مايدري
شريفه : دربالج تقوليله هاا ماصارلهم 7 اشهر من تزوجو
نوف : شلون عيل
شريفه : قولي مسافرين
نوف : اوكي
شريفه : واااي بصير خاله ههههههه
ريم : اسم الله عليها الله يسهل عليها
نوف : دقي علي ريلج
نوف دزت لعزيز بالمسنجر بلاك بيري : نور ولدت
عزيز : صج
نوف : أي
عزيز توها ما دخلت شهرها
نوف : أي ولدت بشهرها السابع
عزيز : الله يسهل عليها
نوف : امين
عزيز : الفال لنا انتزوج و تحملين و تلودين
نوف : عزيز خلاص :$$$
عزيز : فديتهم الخجولين
نوف : هلاص اخليك اللحين بروح لها المستشفي

-------------------------


بعد 5 ساعات نور يابت توام بنات سمتهم وحده منهم علي اختها المرحومه جوان و الثانيه نورا محمد اختار الاسم ... والحمد الله ولاده طبيعيه ...

--------------------

ريم ردت البيت دخلت غرفه ننوس مالقتها قربت صوب غرفتها سمعت بجي ننوس راحت لها شافت خالد متسند علي القنفه و نايم خذت ننوس
ريم : شفيج يا حبيتبي ليش تزعجين بابا نايم حرام ليش ما تشوفين باباي و تسكتين عيب بابا نايم
ننوس : بابا مايرد علي
ريم : أي نايم
ننوس تطق جتف خالد : مايقوم مايقوم
ريم تمسك ايدها : عيب يا ماما بابا نايم يلا قومي نامي
ننوس تبجي : مابي ابي بابا
ريم شكت بالموضوع معقوله خالد علي هالبجي ما يقوم وقفت تشوفه و تبجي خايفه من ردت الفعل وقفت خمس دقايق طالعه و ننوس تبجي و ريم تبجي قربت ريم صوب خالد مدت ايدها علي صدر خالد و هزته
ريم : خالد حبيبي خالد قوم ننوس تبيك خالد ..



يتبع ...​

 

[هناء - Hana]

كمممملي حبي لااااتوقفييييين بسسسرعه ارؤؤؤج..

 

[الصمت الاناني]

كملي

اتوقع بيصير شي لشريفه

بيرجع الروان بس اذا تزوجه ما رحى يكون واثق فيها

خالد ؟؟؟؟؟؟؟؟؟؟؟؟؟؟؟؟؟

 

[alm9rg3a]

وويـــــــــــــتتــــنـج بليييييييييييييييييييييز نزليه نااااااااااااااو