رودي للاستشارات الهندسية

[جيجان77]

اخيرا طحت عليكم
سلام
قريت الصفحات من اول وحسيت ان هنا اكييد راح القى الجواب الشافي لاسئلتي
رودي والكيكه
الله يبارك فيكن على هذا الموضوع الناجح والمفيد
انا مسويه كنب لمجلس رجال بالاصح شاريته وهذي صورته



http://up.9ll9.com/view.php?file=dac954c799
http://up.9ll9.com/view.php?file=342b126bbc
وودي اسوي ستاير مدري مين الانسب هذي (طبعا السادة للنازل والمشجر للي من اعلى مثل هالشكل تقريباhttp://up.9ll9.com/view.php?file=51535aee14



http://up.9ll9.com/view.php?file=8b7499e97a
http://up.9ll9.com/view.php?file=293d1f5ec6

والا هذا
http://up.9ll9.com/view.php?file=96a3de5641
http://up.9ll9.com/view.php?file=4295ef2edc

وهذ الستارة لغرفه الطعام
http://up.9ll9.com/view.php?file=9323686149
وهذا قماشها بماان الطاوله بني

http://up.9ll9.com/view.php?file=22a2096056


على فكرة اضغطو على الصورة لتكبيرها
انتظر رايكم:eh_s(6):

 

[جيجان77]

نسيت اقول لكم القماش شانيل
والا وش احسن منه؟؟؟؟؟؟؟؟؟؟؟؟

 

[الكيكة]

اهلين جيجان

ماشالله أثاثج ناعم و حلو .. بس انصحج تشترين غطا نايلون مخصص للأثاث يبيعه عمر بيك بمجمع الرحاب .. تغطين فيه الاثاث بس تشيلينه اذا صار عندج ضيوف .. و بعدين ترجعين تغطينه ....لانه الوانه فاتحه حرام يتوصخ من الجو و الغبار و الخدم

ثاني شي بالنسبة للستاير ...صور الأقمشة مو واضحه .. بس ما انصح تحطين خام مشجر حتى بتاج الستاره ( مو حلو )

شفتي صورة ستارة غرفة الطعام؟ لاحظي الأثاث اللي بالصوره ( الكراسي بيج ) نفس لون أثاثج .. يعني اخذي الوان الستاره اللي بصورة غرفة الطعام و فصلي مثلها لصالتج و أثاثج .

بالنسبة نوع القماش .. حلو الشانيل ناعم نفس اللي بالصور

شوفي الوان الستاير مع الاثاث الفاتح

 

[جيجان77]

مشكوورة الكيكه على ردك
وصدق لازم احط نايلون بس سهل اشيله لا جاضيوف على غفله
ولون ستارة غرفة الطعام بني وذهبي مصفر لان الكراسي ذهبي شفتيها مدري تطلع حلوة مع كنبي لانه بيييج
ورايك اخذ نفس الموديل حق غرفة الطعام والا شلون
وعلى فكرة
جدار غرفة المجلس بيج سكري فاااتح

 

[جيجان77]

الكيكه
خلاص ماراح اتركك حتى تقولين خلاص
الحين المجلس اربع جدران صح عندي جدار واحد جنب مدخل الحمام تكرمين راح احط طاوله رخام احط فوقها اشياء فخمه وشيك
وفوقها في فتحات للكهرب (المفروض احط فيها اضاءات جداريه بس حطيت في جدارين مو حلوة ازيد
شلون اقفل هذي الفتحات والا احط مناضر وفوقها اللمبات القلم اللي تضئ الصورة
والا عندك افكار ثانيه)

لاتنسين في سؤال قبل هذا الرد:tomato2:

 

[جيجان77]

شرايك احط هاللون البني للستارة
وتنصحيني اسوي ديكور من فوق والااخليه سمبل مثل الصور اللي حطيتي
ومااحط فيه شوي لون بيج

 

[الكيكة]

جيجان بالنسبة للستاير اللي بالصور اللي انا حطيتهم موديلهم من فوق امريكي لكن مخفي تحت الديكور ...
سؤالي هل في بيتج الستاير تكون مخفية تحت الديكور؟

بالنسبة للألوان هل غرفة الطعام في بيتج مفتوحه على صالة الضيوف ولا غرفه منفصله؟
اذا كانت مفتوحه على صالة الضيوف لازم تكون الستاير كلها بالصالة و غرفة الاكل نفس القماش و الموديل

أما اذا كانت مفصوله بغرفه ممكن انها تكون مختلفه عن ستاير الصالة


بالنسبة للون البني اللي حطيتيه حلو لصالتج .. احس انه يشابه اللون بأول صوره حطيها لج .. و اذا تين المسكات اللي مثل ذيل الحصان تحصلينهم بمحل بالضجيج اللي ييعون اكسسوارات الستاير الجوز ب 35 دينار اذا ماني غلطانه و حطيله شيفون نفس اللي بالصوره

أما ستارة دار الأكل ممكن تسوينها نفس الموديل اللي بالصوره و لج حرية اختيار الألوان بدرجات البيج و الذهبي اللي تناسب أثاثج

أما سؤالج عن الطاولة الرخام .. انصحج تشترين كونسول فخم جاهز مع منظرته أكشخ من الطاولة الرخام ... المنظره بتغطي فتحات الكهربا ( لا تلغينهم بس غطيهم ) لان يمكن تحبين تغيرين الديكور بعد كم سنه . اذا المنظره ماغطتهم ممكن تعلقين على يمين و يسار المنظره سجاد تباستري ( أنا مسوه جذي ابيتي علشان اغطي باب الكهربا الحديد اللي بالممر )

انا ماحب اللمبات القلم اللي تنحط فوق الصور .

 

[جيجان77]

تسلميييييييييييين الكيكه كلك ذوق
اما عن الستاير اي مخفيه تحت الجبس وحق الستاير قال بسوي الديكور واخلي يبان حتى لو في ديكولر جبس
والمسكات اللي تقولين ممكن صورتها
وغرفة الطعام مفتوحه على صاله ثانيه غير مجلس الرجال
والطاوله الرخام اللي اقولج اهي كونسول سطحه رخام يجي طقم مع طاولات رخام واني احط مرايه صعبه لان المدخل مال الرجال مفتوح بقوس بدون باب على المجلس واكيد اهو اللي بحطله كونسول بمرايا وابليكات جداريه صح
ادري تعبتك معي بس احسه ذوقك مررة حلو ويعجبني:eh_s(17):
شي ثاني ماقلتيلي عن البلاستيك اللي اغلف به الكنب ينشال اذا جا ضيوف والا شلون احسه حار على الظهر وسلمتي يالغاليه

 

[DLOOL]

بناااات سؤال
منو اللي جرب صبغ السيقما او السيكما
للجدران الخارجيه
يعني لوجه البيت
اهو صبغ رش
انا سامعه انه يتقشر من المطر والحراره
صح
انا اقول لكم ليش انا ابيه
لان بيتنا ودنا نرممه بس مالنا خلق انكسر الجيري
عرفتوا فيقولون احسن شيء للبيت السيقما
لانه مساح وبعدين رش فوق الجيري
واللي تعرف شركه زينه للسيقما تعطيني الرقم
وبعد وبعد ؟؟
ايه صحيح ان السيقما اغلا من الموزايك
وشكراااا

 

[القرآن ربيع قلبي]

بنات تكفون فصلت كبت نجارة لكن ريحته صرعتنا كل شي جربته ما خليت بالمطبخ من بصل من خل من بخور زيوت عطرية ومعطرات جو ومرشات يعني كفيت ووفيت بس ما سوت شي تعبت الريحة انتقلت للملابس شسوي نفسيتي تعبت حلو لي مشكلتي الله يحل لكم مشاكلكم ويفرج عليكم لا تطنشون بنات الله يجزاكم خير ويبيض وجهيكم ما فيه شي عند محلات النجارة او الخشب يوخر هالعفنة تكفووووووووووووووووووووووووووووووووون

 

[القرآن ربيع قلبي]

شسالفة بنات ردو على ما نمت من ريحة الكبت لحقو علي جاب لي الهم

 

[ام مياز]

الكيكه ودي ابلط الحوش بجرانيت وابيض تضنين يطلع حلو
وخاطري اسوي شغله تحت الدرج غير زرع وورود احسها قديمه مليناها عندك افكار

 

[جيجان77]

كيكه
وينك يالغاليه

 

[القرآن ربيع قلبي]

شسالفة بنات محد رد على قولو ما نعرف عطوني وجه لله يا محسنين

 

[princesa n3oma]

رودي هذا مو جنه مهندس لبنانى خخخخخخخخخخخ



مشكوره أختى على الفكره أكيد بحتاجلك انا قاعده ابنى بيت المستقبل ....

 

[الكيكة]

السلام عليكم

سامحوني عالتأخير كان عندنا عزا

جيجيان .. النايلون سهل تحطينه و سهل تشيلينه باي وقت ... طبعا النايلون حار بس من قال بتقعدون عليه؟ .... اليوم اللي عندج ظيوف تشيلينه .... و اذا راحوا ضيوفج رجعي غطي اثاثج فيه.... انتي روحي و شوفي بعينج احسن

دام الستاير مخفيه داخل الجبس خلاص فصليهم بدون تاج احلى

و ممكن تحطين أكثر من مرايا بالصاله .. المرايا تعطي اتساع و تعكس الاضاءة بالمكان


دلول .... 95 % من البيوت اللي تشوفينها سيجما ....خصوصا البيوت الجديده ..... السيجما ميزته انه رخيص و ممكن تغيرين اللون اذ مليتي منه عقب جم سنه . .. و اشطر ناس بصبغ السيجما اهم المصريين ... لا تيبين عمال هنود ولا ايرانيين ولا غيرهم.... السيجما للعمال المصريين

و اهو يكلف بحدود ال 2000 الى 3000 دينار اذا مساحه البيت 400 متر واذا كانت أول مره ينصبغ سيجما

أما اذا بغيتي تصبغينه مره ثانيه يكلف تقريبا 1000 الى 1500 دينار ..
اهو مو رش ... اول شي يصبغون بماده بيضا جنها خشنه تشابه الدموع و بعدين يصبغونه باللون اللي تبينه
و يبدا يتقشر خفيف مو وايد عقب 5 او 6 او 7 سنين

ام اشيوخ ... اشفيه الكبت؟ ريحته صبغ؟ ... خليه مفتوح جم يوم لا تسكرينه علشان يطقه الهوا ... و تروح الريحه
و جربي حطي داخله فحم ( فحم اسود بدون نار .. مو تحطين جمر و تقولين الكيكه احرقتنا )

ام مياز شنو نوع الجرانيت؟ الناعم؟ ..... اتصدقين بيت اهلي مركبين بحوشهم جرانيت ابيض ناعم 60 في 60 وايد كشخه ماجنه حوش جنه صاله و قلت لهم انه اكيد يزلق و حطو بالكم .. لكن اتصدقين لا يزلق ولا شي صار له سنين ماتغير وعيالنا ماشالله مشلخينه لعب كره و جواري و سكوترات.

بيت الدرج مكانه بالوي اول ما تدشين صالة الاستقبال ابيتي فسكرته ابارتشن شاريته من هوم سنتر و معلقه فوقه ثريه كريستال نعومه ( يعني الزبده لغيته ) ... ماحب حركات الرسم و الشلالات و الزرع و الحوسه

 

[ام مياز]

عظم الله اجركم
الكيكه وماتشوفون مكروه في غالي
ومدري شالفرق بين الجرانيت الناعم والخشن ومين احسن
يقول في درجه اولى وثانيه
والدرجه الثانيه فيه نقط مخالفه شوي او اكبر
طيب كله لون واحد حوش اهلك والا حاطين لونين حتى يعطي منظر
وخلوه

 

[ahbabi]

الصور روعه فعلا

 

[ahbabi]

يعطيك العفيه على هالمجهود

 

[ahbabi]

الصور ماتطلع . ليش