روضة

[العمر]

شلونكم كويتيات

بنت اختي ان شاء الله تبي تروح أول روضة فمتي يكون دوامها و شنو الطلبات الروضة وشلون انشجعها عشان تروح الروضة

 

[nero]

دوامها راح يكون 27\9

واول يوم ابلتها راح تقول لهم الطلبات وفي خيارين
يا اما تدفعون حق الابله واهي تشتري
او تاخذون لست الطلبات وتشترونها

بالنسبه حق التشجيع المفروض من الحين تشوقونها على الروضة انها بتشوف يهاال وايد بيصيرون اصدقائها
وانه في العاب حلوه ومعلومات مفيده
ومروو على روضتها اذا رحتو اي مشوار عشان تتشوق للمكان وتستانس
واول يوم لا تداوم وايد بالكثير ساعه وتاخذونها عشان اول شي تتعود على المكان وما تمله ومن باجر تكون متحمسه له

 

[Q8Buying]

ابله نيرو ما قصرت - كل الحجي اللي كنت بقوله

 

[:: عائشه بقلبي ::]

ابله نيرو ما قصرت - كل الحجي اللي كنت بقوله

 

[*أم*خالد*]

ماشالله عليج يانيرو ماقصرتي

وموفقه ان شاء الله بينتكم وعقبال الجامعه يارب

 

[miamy]

لازم من الحين تسولفون معاها انها كبرت مثل فلانه وفلانه اللي يروحون المدرسه بنت خالتها وبنت عمتها وبنت الجيراان و ..و..

تشتريلها اغراض حلوه تاج حلو، شباصه حلوه ملابس تشوق، مطاره ولا تشترين جنطه لانه ممنوع

لي داومت بالروضه خل امها تقعد معاها اول يوم وثاني يوم خل تتعود على الروضه، وتعرفها على اطفال معاها بالروضه وتتعرف على اسماء البنات اللي معاها، وفي البيت تسولف لها عن اصدقائها وعن الروضه وجمال الروضه هههه وياحلات اصدقائج وياحلاة ابلتج ..

خل امها تتمشى معاها بالروضه، وتشوف ساحة الالعاب .. والباجي على الابله راح تعطيها هديه او نجمه او حلاوه، راح تتعرف عليها وتعرفها على الربع وتشجعها انها بتشوفها كل يوم، وراح تلعب في بداية الدوام وايد وراح تستانس بس انتي شجعيها انها ما تبجي , اهممم شي