البـآرت السابع عشر
...
تمت رغد بغرفتها .. تقريبا قعدت 5 دقايق داخل .. و فتحت الباب شوي شوي .. ما لقت جابر ..
طلعت شوي شوي و تصكر الباب و راحت عند غرفه سـآره ..
و الباب كان نفس ما اهوا كان مفتوح شوي ...
و راحت تطل على الباب ما لقت احد .. وتحاول تصكر عين و تفتح عين عشان تشوف .. و فجآه ..
طلع عيون جدام عيونها ..
جان تصارخ رغد : يماااااااااااااااا ( و اطمرت لي ورا )
....: هههههههههههههههههه .. اخترعتي
رغد مرتكبه : عزوز .. !! شتبي
عبدالعزيز : ههههههههههههههـآآآآي .. شقاعده تسوين ! تطلين على غرفه ساروونه !!
رغد : هآآ .. لا شكو بالله !! بس .. آآ .. اي .. انا كنت ابي اتطمن عليها فقلت خل اطل يمكن تكون نايمه فليش ازعجها ,.. وبس ..
عبدالعزيز : ههههههههه .. زين .. رقعتيها .. بالله الناس اللي تبي تطلع تطلع مرتين !! جان اول ما طليتي و جابر ياج ليش ما دخلتي لها .. ههههههههههه .. عالعموم عيب التجسس على الغير
رغد انقص ويها جان ترفع ويها بشكل تلقائي قالت : كله منك .. انت السبب .. انت لو ما خذيتها جان انا ما قعدت اتجسس عليها طول اليومم
عبدالعزيز قرب يمها : شنو َ!! انا السبب !! ليش !
رغد : هـآ !! مالك شغل .. اوووف ( و نزلت بالدري بسرعه ) ..
وعبدالعزيز يطالعها ويقول بقلبه : ( طول عمرها تبين لي انها ياهل .. حتى اسلوبها بالكلام .. يـــآهل .. )
...
تحت .. برا البيت بالحديقه ..
تاله ماسكه جريده و تهف على الفحم .. و الخيمه وراها .. و فاطمه ودلال و ساره و شيماء و رغوووده الصغيره .. قاعدين بالقاع ( بالارض ) و يلعبون جنجفه .. و منيره و ام جابر و جابر و سعود قاعدين يم البنات .. بس قاعدين يشربون شوربه عدس حاااره .. و الكيف زيـن .. والمزاج عالي لووول ..
دلال : هياااا انا فزت .. رغوده كفج
رغوده الصغيره تطق ايد دلال ..
شيماء : يا الغشاشه يا رغود .. تعلمين دلول هاا انا اعلمكم .. يصير خير
تاله : ههههههههه شوهاد رغد .. انتي بتغشي ..
فاطمه : شفتي شيوم .. ماشيء دلول انا اعلمج يا الغشاشه .. يا الجذابه ..
نزلت رغد .. و نزل عبدالعزيز و بينهم 20 خطوة تقريبا ..
رغد كل ساع تتلفت على عبدالعزيز .. و عبدالعزيز ماسك القيتار و ناوي يغني .. حززين بدال الراب السريع ..
.. و مشت و راحت قعدت يم ابوها ..
سعود لم بنته : ها يبا شلونج اليوم ؟
رغد تطالع الصوب الثاني مو صوب ابوها .. وتطالع عزوز ..
رغد : تمام ( تطالع صوب ابوها ) .. تمام يبا ..
منيره تطالع سعود و رغد .. و تبتسم ..
منيره قامت : زين رغوده يمه قومي معاي .. خلينا نييب الشبس والعصير
سعود : لا يا ام رغد ماله داعي خليكم قاعدين والحين انادي لكم الخدم بنفسهم إييبون الاكل ..
منيره ابتسمت : اي بس انا ما احب احد اييب لي الشيء احب انا من نفسي اييبه .. وياكثر الخدم اللي عندنا .. بس هذا طبعي من وانا صغيره ..
عبدالعزيز وقف جدام منيره : يا الله عاد الحين يبت لكم القيتار .. ( لف ويها صوب البنات ) .. دلوول فطوووم شيوووم تاله يا والله تعالوا خلوني اطرب عليكم شوي من صوتي ههههههههه
دلال قامت بدفاشه و قعدت يم رغد .. : انا بقعد منيه ..
فاطمه بكل ذرابه قعدت يم امها ..
و شيماء و رغد يم دلال .. و عزوز بين خواته وبين فاطمه .. و تاله قعدت ورا رغد بالكرسي ..
و قعد عبدالعزيز و مسك القيتار .. و بدا يغني اغنيه (( على طاري – عبدالله السالم )) ... اللي حابه تسمعهـآ ,,
على طاري اللي بعتيني عشانه اسأل عنه وينه ماعدت اشوفج معاه ولا غيرج ملت علينه
وقتلج انه خاين وباجر بتعرفينه رحتي ماسمعتي كلامي شوفي حالج يا مسكينة
ادري قال انه يحبج وانج ماي عينه ضحك عليج بكلام شوفي وينج و وينه
ما هان علي اشوف دمعج على خدج تذرفينه تذكرت انا حالي يوم خنتيني ورحتيله
تدرين لما خنتيني ورحتي مت بمكاني تركت الدنيا واهلي صرت انسان انا ثاني
لملمت دموعي و صورج حطيتهم في احضاني وانادي اسمج بنومي محد بصدره خذاني
كنت اشوف ايدج بإيدينه و كان قلبي يتألم ألف عيوني وامشي واسوي نفسي ما اهتم
كرهت حالي من دونج وكنت اشتاق لعيونج حفظت العشرة في قلبي ولا فكرت انا اخونج
حرمتيني بكل لحظة حلوة اعيشها انا بحضانج نسيتي من شرب سمج كسرتي قلبي اللي صانج
رجعتي تشتكيني منه لما هانج و خانج ارجوج لاتمسكين ايدي كلميني وانتي بمكانج
كنت قادر انا ابيعج مثل ما انتي بعتيني واسوي نفسي ما انتهي سويتي وخنتيني
عرفت لقيميتي الحين عرفتي الدنيا دوارة انا عندي لج كلمة روحي وامشي يا غدارة
...
الكل يطالع عبدالعزيز ..
سعود يطالع منيره و منيره تطالع سعود ..
و كآن منيره تقول هالكلام حق سعود ..
قامت فجآه منيره من مكانهـآ و راحت بعيد عنهم ..
شيماء قامت و راحت عند منيره ..
شيماء : عمتي ..
منيره تتمشى بعيد عنهم .. : همم ..
شيماء : ليش قمتي ؟
منيره : آآهـ يا شيماء .. عبدالعزيز ذكرني بشيء كنت خاشته بقلبي ..
شيماء مسك ايد عمتها و حطت راسها على كتف عمتها : تحبينه !!
منيره : ابو رغد طول عمره بقلبي .. بس كنت دايم اعاتب قلبي على حبه .. لاني حبيت شخص خان حبي له .. وباعني بأرخص الاثمان ..
شيماء تمت حاطه راسها على كتف عمتهـآ ..
رغد بهاللحظه غارت .. ولفت ويها صوب عبدالعزيز و مبين انها تغار .. ولاحظها عبدالعزيز .. فقام و راح عند شيماء ..
وقف يمها و ساسرها : شيوم .. تدرين ان رغد تغار من كل شيء .. يعني لازم تسوين جذيه !!
شيماء قامت من كتف عمتها و منيره اضحكت ..
شيماء : اووف يعني شسوي لها وويع سخافه ..
منيره : هههههههههه .. شيوم .. هـآآ !! ترى هذي بنتي .. هههههههههه
و عزوز تضحك على شيماء ..
....
وردوا منيره وشيماؤ وعبدالعزيز لهم .. وقاموا يسولفون و يستانسووون .. و سهروا سهره كلها ضحك و وناسه و غشمره و سوالف .. يعني ما خلوا شيء ما يبونه إلا وسوووهـ ...
...
الصبح .. منيره واقفه عند راس دلال ..
فتحت دلال عيونهـآ .. شافت منيره والشمس وراها .. فما قدرت دلال تفتح عينها عدل .. بس سمعت منيره تقول ..
منيره تصفق وتقول : يا الله قوموا ... شنو مو ناوين تتريقون !! ونايمين لي بالشمس !!
دلال تتلفت : احنا وينا !!
دلال قامت وله تشوف نفسها برا الخيمه نايمه على الزوليه اللي كانوا فارشينها امس .. و يمها رغد متلحفه بالكمبل .. و يم رغد فاطمه بس داخل الخيمه مو برا .. وشيماء نايمه يم فاطمه ..
دلال شالت الكمبل عن رغد .. وراحت يم راس رغد و صارخت : رغـــــــــــــــــــــــــــــــــــــــــــــــــــــــــــــد ..
رغد يمها :هـآآآآآآآآآآآآآآآآآآآآآآآآآآآ .. خليني بنااام لا تصارخين وجـعْ
دلال : امج يت قوووومي ..
منيره حطت ايدها على خصرها : سمعوني .. انا بروح اندي تاله و راجعه .. ابي اشوفكم كلكم رايحين و مبدلين ولابسين ملابسكم الرياضيه .. اليوم اول الشهر قبل الجامعه .. و لازم نبدي بالاكل الصحي وبالبدن الصحي .. يا الله عن اذنكم ..
منيره راحت ..
دلال تطالع منيره : رغود امج شكلها تبينا نكون مثلها ضعيفه .. اهي من صجها ! لمده شهر تبي تضعفنا !! امج جسم باربي اما احنا شنو ! انا بروح ( تطالع جسمها ) .. برميــل .. ههههههههه
( دلال مو متينه ولا ضعيفه .. بس جسمها عادي .. متوسط بس في زوايد شوي ) ..
...
قاموا البنات و لبسوا و كلهم لبس موحد منيره شاريه لهم .. و مزهبه كل شيء لهم ..
و نزلوا .. لقوا منيره حاطه الفطور ..
( بيض من دون دهن حاطه بداله زيت زيتون .. و جبن رجيم .. و زيت زيتون اسود و اخضر .. و خبز اسمر .. وحليب .. كورنفلكس ) وبس
دلال : وااي شنو هذا ! هذا ريوقنا !!
فاطمه : قولي الحمدالله .. وبعدين صج كلام خالتي منيره المفروض هالاكل ناكله .. يعطيج العافيه خالتي على الاكل ..
تاله : اي يا دلال .. انا رجيمي هيك .. كآنوا منيره تئرآ افكاري و بتعملها .. شيء كتير جميل ..
منيره : يا الله كل وحده موجود اسمها عالكرسي .. هذا مكانها لي اخر يوم للرياضه .. فاهمين !!
الكل إلا دلال : فاهمين ..
دلال : اووف .. فاهمين ..
...
بعد الريوق .. برا .. بالحديقه ..
..
منيره واقفه صفرت : ( طوووط ) .. يا الله سووا لي صف واحد ..
دلال : خالتي منيره الله يهداج ! احنا بمدرسه !!
رغد تطق راس دلال : انتي سوي و مالج شغل .. ( تطالع امها ) إن شاء الله يمه ..
و صاروا صف واحد ( ..... ) << نفس هذول .. صف واحد يم بعض ..
بالترتيب ( دلال . رغد . فاطمه . شيماء . تاله )
منيره ماسكه الصفاره .. : شفتوا اخر البوابه !! ابيكم تروحون تركضون روحه و رده 3 مرات .. اوكي
دلال : نعم !! شنو شنو !! 3 مرات !!!!!!!!! لا يا معوده .. تكفين تونا قاعدين من الننوم ..
منيره : لا 3 مرات ..
...
وبعد الريـآضه .. قعدوا بالارض عالحشيش اللي بالحديقه من التعب ..
تاله : لا شوبيكوون .. انا الحمدالله متعوده على هيك رياضه
شيماء : وانا بعد .. عمتي معودتنا على الرياضه انا ورغووده و عزوز .. وساعات تيمع صديقاتي معانا .. وكنا نستانس وايد .. والله الرياضه زينه تالي بتعرفون مقدارها .. بس خل تبدي المدارس ..
دلال : وااااااي يماااا تعبت .. امبيه لا .. ماني قادره احرك ريلي امبيه ماني قادره
رغد تصب ماي على ويها : امبيه لا حررررررر .. صج صيف .. اوووف .. ميته حررررررررررررررررررررر ..
فاطمه : رغود عطيني بطل الماي االلي يمج تكفين .. ريجي ناشف ..
...
منيره حاطه ايدها على خصرها و تطالع البنات : شنو ما تيون تكملون الـريـآضه !!
البنات كلهم : بعـــــــــــــــــــد !! ( ركضوا البنات داخل البيت كل وحده راحت غرفتها .. رغد و فاطمه و دلال )
تاله وشيماء و منيره : هههههههههههههه ...
...
حرااام
