...
البآرت العشـرين .. والاخير ..
...
عبدالعزيز يطالع الكل واقف وساكت .. التفتت للشاليه الثاني
عبدالعزيز : رغد !!
شاف تاله طلعت ..
تاله : استاز عبدالعزيز وين دلال !
عبدالعزيز : ما ادري جنها راحت صوب البحر !
تاله راحت تركض صوب البحر ..
...
عبدالعزيز دخل الشاليه لقى رغد قاعده عالكرسي ..
عبدالعزيز يطالع برا .. جان يدخل الشاليه و يصكر الباب ..
عبدالعزيز : شلي صار !!
رغد خايفه .. وتطالع عبدالعزيز : مـ ... ماكو ششيء !
عبدالعزيز مسكها من ايدها : تكلمي شقايله حق البنات !! شقايله حق شيماء !!
رغد : اووووووووووووووه اذلف عن ويهي .. اطلع برا .. انت منو عشان تجيسني براااا اطلللللللع لا انادي لك حمد الحين يعلمك التربيه
عبدالعزيز : جب ( و طقها طرااق .. )
دخل حمد ..
حمد مبقق عيونه : عبدالعزيز !!
حمد مسك عبدالعزيز : يا القذرر ..
عبدالعزيز يوخر حمد : اختك القذررره ..
( و بطعا ما يحتاج اتكلم عن اللي صـآر .. لاني لو بقول انها معركه .. شوي عليها .. الصرآخ وصل لي اخر العآلم .. منيره و سعود سمعوا بالصراخ .. و تواجدوا كلهم بالشاليه .. )
...
...
سعود قاعد و محتار ما يبي يزف ولده ولا يزف عبدالعزيز : زين ... فهموني شلي صار بالضبط !!
منيره قاعده جدام سعود و حاطه ايدها على خدها ..
حمد : انا دخلت و لقيت عبدالعزيز ماسك رغد من ايدها ... و رافع ايده عليها
منيره شهقت : !!
عبدالعزيز : اي هذا فعلا صار ..
سعود يطالع عبدالعزيز : و ممكن افهم ليش !
عبدالعزيز مسك رغد من ايدها و حمد كان بيروح له بس سعود اشر حق حمد خله ..
عبدالعزيز مسك ايد رغد و خلاها توقف جدام امها وابوها : شلي سويتيه للبنات !! شلي قلتيه حق شيماء !!
رغد قامت تبجي اكثر من تووه ..
منيره راحت عند رغد و لمتها : خلاص يايمه .. بس قولي شلي قلتيه حق البنات ..
...
..{ ..
و رغد طلعت كل اللي بقلبها لهم .. وقالت اللي صـآر بالحرف الواحد ..
وقتهـآ عبدالعزيز قرر يرجع مع خواته .. و عمته رفضت .. لكـن .. !
لزم عليها و اخذ خواته و طلع ..
و منيره وساره معاهم !
دلال و تاله وفاطمه بعد بيرجعون .. و طلبوا من .. حمد انه يرجعهم الديره ..
سعود عرف بالموضوع .. وقرروا الكل يرجع للبيت ..
.. } ..
...
يوم من الايام قعدت الصبح .. و نزلت لقت امها يايه بيت رغد ..
رغد : اهلا يمه ..ييتي
منيره : آآه .. اي ييت يا يمه .. ييت اعطيج هذي
رغد مسكت الظرف : شنو هذا !!
منيره : بطاقه عرس عبدالعزيز وساره
رغد : !!!!!!!!
منيره : طلبوا مني انا اللي اعطيج اياها .. المهم .. انا بطلع الحين بروح اكمل اغراض حق ساره .. باقي على عرسها اياام ..
رغد قعدت عالدري ..
منيره : يمه يا رغد .. انسي اللي صار .. الريال تزوج ..
رغد : الله يهنيهم ..
منيره : انزين يمه شرايج تطلعين معاي السوق !
رغد : مالي خلق احد ..
منيره : يمه يا رغد .. قومي معااي ., تونسي شوي بالسوق .. واي عندي خبر حلو لج .. انا اليوم كلمت فاطمه ودلال وقالوا خلاص ما بينج و بينهم إلا كل الخير واهما خلاص سامحوج ..
رغد قامت و صعدت الدري شوي شوي .. و مالها خلق احد ..
...
بعد عشر سنين ..
عبدالعزيز لابس دشداشه .. و ماسك ياهل بيده ..
عبدالعزيز : سوووير .. سارووووون ..
ساره ماسكه المبخر : هلا حبيبي ..
عبدالعزيز : مسكي ولدج .. ازعجني بالصلآه .. ماخلانا نستانس اليوم اول يوم العيد ..
ساره : ههههههه .. زين .. انا اليوم بمر امي وباخذها بيت عمتي منيره .. زين
عبدالعزيز : زين .. إلا وين شيوم و رغود ؟
ساره : ماكو .. شيماء توني مكلمتها طلعت مع ريلها بيت عمتي قبلنا .. و رغد كالعاده نايمه فوق ..
عبدالعزيز : زين انا بصعد لها ..
طق طق طق ..
رغد : امممممم .. منووو !!
عبدالعزيز فتح الباب : انا ( وابتسم ) .. شنو ما ادخل !!
رغد : يوووه .. تكفا امسك بنتك ما خلتني البس ملابس العيد ..
( رغد حاليا عمرها تقريبا 15 او 16 سنه ) ..
وعبدالعزيز عمره 30 سنه ..
وساره كبر عبدالعزيز
و شيماء عمرها 28 سنه ..
ومنيره : 40 سنه ..
دلال وفاطمه عمرهم 27 سنه ..
شيماء تزوجت بعد ما صار المشاكل .. و تزوجت مروان صديق عبدالعزيز و عندهم بنت عمرها 9 سنين .. و ولدين واحد عمره 6 سنين والثاني عمره 4 سنين .. والحين اهي حامل
عبدالعزيز وساره .. عندهم ..
ولدين واحد عمره 10 سنين والثاني 5 سنين وبنتين وحده عمرها 8 سنين والثانيه 6 سنين ..
... حمد وفاطمه تزوجوا .. بعد ما اعترفت له عن حبها ..
وعندهم ولد عمره 7 سنين ..
دلال الخبر اللي انصدمت منه واهوا السبب بمساسرها مع شيماء .. ان رجب خطبها .. و وافقت على طول .. حتى ما سألت عنه .. و يابوا عيال ولا بعد عيالها نفسهم .. و نفس شخصيه امهم و ابوهم ووايد شياطين ..
عندهم 5 اعيال ماشـآء الله ..
واكبرهم عمره 7 سنين .. و واحد عمره 5 سنين و واحد عمره 4 سنين و واحد عمره 2 و واحد عمره بالاشهر .. و كلهم صبيان ..
..
آمـآ رغد .. فتحمت بحلم ان عبدالعزيز يرجع لها .. عاشت عند بيت امها بعد ما ابوها قام ينشغل اكثر ..
و كل بالها على شركاتها و اموالها و شراكات امها وبس ..
بس الحب اللي فيها خالد لـ عبدالعزيز اللي ظلمته لمجرد تكبر منهـآ ..
خسرت شخص تمنته لها يوم من الايام ..
مع ان عده محاولات .. ما قدرت تجذب عبدالعزيز لها ..
لان عبدالعزيز خلص لحبه لملكته " سآره " ..
و اخر شيء ودي اقول .. اني انا ادري ما وفيت بالروايه .. و يمكن ما طلعت لكم الشكل اللي كنت ابيه .. و احس اني ما عطيتكم إياها مثل ما تبونهـآ .. بس سامحوني بإذن الله الروايه اللي بعدها راح تكون احلى بواايد (( وعـــدْ والله )) ..
وسامحوني على القصور ..
