ريال كيفي .....

[chcoq8]

لاحول ولاقوه الا بالله

 

[سارووونه22]

الريال يشوف انه من حقة انه يخون بس المراة لا عشان المرة سمعه بس اي سمعة ليش الريال موسمعة استغفرالله تفكير غلط الريال مثل المراة يتحاسب

 

[اطياف الكويت]

الريال لي أخطاء قالولج هالمجتع الخايس
عادي ريال شايل عيبة شنو شايل عيبة شايل عيبة بالدنيا علشانه ريال الله المستعان باجر لي وقف جدام رب العالمين
شلون بيشيل عيبة
ترى حتى الريال سمعته ترى مهمة حاله حال البنت
يعني مو معقولة اوافق ازوج مثلاا اختي حق واحد حرامي ولا خاين ولا كان ظالم زوجته ولا ولا ولا
السمعه وايد مهمة للريال والبنت لي أخطأت قامت عليها القيامة جنها مسوية جريمة
موجنة الريال هو سبب الخطأ اللي سوتة البنت
الله المستعااااااااااااان

 

[>>karamella<<]

والله ياقلبي المجتمع رسخ هالشي ان الريال ما يعيبه شي
ودايم اتناقش مع اخواني وعيال عمومتي عن هالموضوع
لما اقولهم لما يقابل ربه باجر يوم القيامه بيقوله انا ريال ما يعيبني شي؟!!
الخطأ خطأ سواء ريال والا مره لان لو نرد للشرع ان كل شخص يعصي ربه ويقع بالخطأ لازم يعاقب
ولو كنا بعصر الرسول مراح نلقى مثل هالعبارات لان الشرع واضح وماعليه اي غبار

 

[عاشقه القيصر]

الله يهديهم

 

[So MuCh PaIn]

رد : ريال كيفي .....

الله يطق براس كل ريال يغلط ويخون بيته بعذر ولا من غير عذر ويقول كيفي ريال
اصلا ما في ريال ما يخون حتى الدينين والملتزمين يخونون قطع الحيوانات صارت انظف منهم

 

[miss.unique]

رد : ريال كيفي .....

اي للاسف .. الولد لو غلط الاهل ما يعاتبونه وينسون اغلاطه
اما البنية لاء ماي زمزم ما يطهرها ويظلون يتذكرون هالشي طول عمرهم
الريال لو خان عادي
المرة لو خانت لا ما يصير
ما يقولون ان اثنيناتهم ما يصير يخونون
بس شتقولين خليها عالله

 

[brownycake]

الرجولة بهالوقت فاهمينها غلط يعني لما أيي شاب من هالشباب شايف نفسه و يمشي ويخربط ويقول كيفي ريال
هاذي مو رجوله شوفو رياييل قبل هذول إلي ينقال عنهم رياييل و الحين واحد يخربط ويقول أنا ريال يعصب و يقلب الدنيا.. طيب الرجولة مو انت تمشي وتقول أنا ريال
الرجولة بالي تسويه الناس يقولون عنك ريال بالشي الزين
ثاني شي لما الواحد يكلم له وحده يكونون اهما الاثنين غلطانين
اهوا غلطان ان عطاها الرقم واهيا غلطانه ان رضت و لو تطور إلي بينهم وصار الحرام و حملت البنت يحملونها الغلط ان رضت وأهوا يقولون عنه ريال كيفه انزين منو إلي سوا جذي مو اهوا؟ بيقولون ليش سمعت كلامه و رضت.. مثل ما اهوا ريال ترا إهيا بنيه وأكيد بتصدق لأن مثل ما رياييل هالوقت يلعبون ترا بنات هالوقت يصدقون
بس بالنهايه هذا كله يعتمد على التربية و على الأصدقاء