رياييلكم متعاونين يا تجمع ابر التفجير

[ام خدود ورديه]

السلام عليكم



بنااااااااااااات قولوولي يمكن بعضكم نفس حالتي

ريايييلكم متعاونين معاكم بسالفة المراجعاات والمحاولات للحمل وايام التبويض؟ ؟ ؟


انا ريلي وااااااااااااااااي شنو يقهرني
انا صارلي 3 اشهر متزوجه
جنه مايبي عيال كلش مو متشفق يقول شتبين باليهال حنه وبجي وصراخ تخيلوو لوول كلامه كلام يهال بس لمن اقوله صج ماتبي يقولي امبله اكيد ابي بس عادي لو تأخرنا
واذا قلتله براجع وبحلل يقولي كيفج ما اوديج انا اسوق بس ودي انه يروح معاي يشجعني يقولي اذا طافو سنتين ولا ثلاث والله لايقول ماحملتي اهني اراجع معاج وبأيام التبويض لمن يحس اني بأيام التبويض يعصب علي ويتنرفز يقول قاعده تظغطين علي
حتى تحاليل مو راضي يسوي
بالغصب اقنعته بعد شهرين الله لايقول اذا ماحملت بيروح اهوا يحلل لاني انا حللت ومافيني شي الحمدالله


الا بسألكم هالتحاليل بس بالخاص يعني يصير الحكومه يسوولي مسحه ومادري شنو لأني انا بس سويت تحاليل دم وسونار داخلي ؟؟



موضوعين ابموضوع :wqedqw:

 

[Winter Q8]

حرام عليج .. تو الناس ..
عطوا نفسكم فرصة عيشوا حياتكم ..
ترا انا عكسج اهو اللي يضغط علي و الصراحة تعباانة ..
اللي مثلنا المفروض يستانسون و يسافرون و يطلعون مو هايلون من عيادة لمستشفى لمختبر ..

 

[عذآب إلـ أنآ]

آنا ملآحظتج وآجد تحآتين وتفكرين ، أتركي هآلقسم وآتركي قسم نسا وولآده ،
وإنسي الحمل وآستغفري ربج علآ طول ، وآتركي كلشي ألحين ونطري شهرين مع زوجج ،
وترى عآدي آنا أروح مع أمي اذا مآكنت حآمل بس انشاءالله إذا حملت رآح يجي معآي ,,
ترى مآلومهم مآلهم خلق يروحون معانا وهآلمعابل بآلدكآتره ،
وشي ثآني تقدرين تسوينهم بآلمستوصف عندكم .. بس في أيآم محدده حق أمرآض نسآ..
واذا تبين يحولونج حق مستشفى الصبآح الحكومي بس معآآآآآآآآآآآآآآآآآآبل
لآزم تحويل من مستوصفكم ووآسطه بعد أحسن ، وزحممممممه والنتآيج تطلع بعد متأخره حيل تآخذها اسبوعين ثلاث وآربع ،
عسى الله لآ يحدج عليهم
ونصيحه إتركي التفكير وعيشي حيآتج بس إنسدحي علا ظهرج عقب مآتخلصون ورفعي رجولج شوي
وعسى يآرب تبشرينآ بحملج يآآآآآآآآآآآآآآآرب

 

[om.saloom]

عااااااااادي حبيبتي عيل اللي سنين شيقولون
حياتي انتي لا تحنين انسي و الله باذن الله بيرزقج
حبيبتي الرياييل مالهم مقاقه
وانا ريلي عكس يحن يبي اليهال وانا ابي بس ما احن

 

[%متفائله%]

وسعي بالج صبري توكم ببدايه حياتكم تمتعي فيها وعسى الله يرزقج يااااارب

ونصيحه انا مرة قاريه ان المرة اذا حددت مع ريلها ايام التبويض وقالتله

الريال تضعف قدرته لا اراديا وجسمه يرسل اجسام مضادة تقتل الحيوانات المنويه

عشان جذي بيوم التبويض تكشخي وتزيني واهو اكيد بيفهم

 

[ام فوااز]

توو الناس لاتفكرين ولاتلعوزينه بتفكييرج اذا طاف سنة والله لايقول وماحملتي بعدين روحي شوفي توج

عسى الله يرزقج ويرزقنا

 

[عــود كمــبودي]

توج عروووووووووووس حراااااام لاتفكرين جذي رح تتعبين شنقول احنا اللي 4 سنين و5 و8 و10 !!

عسا الله يرزقج ويرزقنا

 

[مناوووي]

ام خدووود


لااااااااا



صدمتيني لج ثلاث شهوووور


علبالي صاارلج فتره

حرام عليج تحاتين من الحين وتفكرين ماايصير


والله تتعبين


لاتفكرين تروحين تراجعين الا بعد سنه


نصيحه لاتلعبين بنفسيتج


الله يفرح قلبج

 

[q8sweeta]

تو الناس بعدج عروس خلي روحج عالى الله دام مافيج شي وقولي الله كريم
تو الناس تحطين روحج تحت ضغط

 

[jawhara.77]

تو الناس على روحتج لدكتاره خليها بعد سنه
الحين عيشوا حياتكم ولا تفكرين
اما بالنسبة لريلج اكيد يبي يسنانس اول زواجه وبعدها يفكر بالعيال

 

[لاكوستة]

حرااام عليج ليش تلعبين بعمرج و انتي توج ما صارلج سنة
ترا من صج هالحجي انا قيلي اياه الدكتور ان لازم المرة ما تراجع الا اذا مر على زواجها سنة و لازم يكون الجماع معاهم منتظم يعني مو فترة طويله قاطع مثلا يكون مسافر او شي جذيو بعدين على فكرة ترا الرياييل ما يحبون ينجبرون عالجماع يبونه من كيفهم على قوله ريلي يقول يبيله مزاج
انا جذي لمن كنت احسب ايام التبويض يعاند يقولي ماااابي كيفي حتى لو اهوا يبي يعانديبه خليها على الله و اذا الله لا يقول لا سمح الله عدت سنة من زواجكم و ما صار شي بعدين فكري تراجعين
ترا و الله في وايد دكاترة ما يخافون من الله غرضهم تجاري بحت ترا مو هامتهم صحتج بس هامتهم فلوسج
و بعدين عيشوا حياااااااااتكم استانسوا سافروا قزوا صيعوا ضيعوا
باجر لي حملتي طول فترة حمالج تعبانة و حتى بعد الولادة متوهقة بالبيبي ما تقدرون تطلعون الا بالحسرة ليش يبة شصاير
هذي احلى ايام العمر
انا ريلي يقولي ان في وايد من ربعه يطلبون من حريمهم انهم ما يحملون اول سنة بس عشان يحللون هالسنة بالطلعات و السفرات قبل لا اييبون بيبي
و نصييييييييييحة اخت مدام ريلج مو مستعيل لا تحسسينه ان في مشكله و تخلينه يحاتي
باجر اهوا بحن عليج و بتبتلشين لا تضغطين عليه و خليها على الله اذا ربج كتب الف الحمل الله عالنعمة و اذا صار تأخير الله لا يقول هم الحمد الله يمكن خيرة

 

[حلمي اكون ام Q8]

هههههههههههههههه

حرام عليج

انا يوم تميت السنه قعدنا نفكر ونحوس بالمراجعات

تو الناس عليج الى الحين ماتعرفوون بعض علشان يتشفق باليهال

انا يبت ولدي بعد خمس سنوات زواج

 

[انثى]

رد : رياييلكم متعاونين يا تجمع ابر التفجير

بسم الله مامداكم استااااااااااااااااااااااااااااااااااااااااااااانسو ولا دشين قسم تاخر الانجاب تو الناس عليكم تدرين متى قعدت افتر بالمراجعات عقب سنتين بعد مو سنه بس حللتهم حتى ماحسيت فيهم كله تمشي وافرارة انا وياه والعزايم والدوام التهيت صراحه لا تفكرين اذا فكرتي بتتعبين وتعبين زوجهك

 

[فانتا ستروبري]

البنات ما قصروا ما راح ازيد على كلامهم لان كله صح وتوج عروس لا تفكرين وايد​

 

[حلمي الأمومة]

عيشي حياتج شفيج مستعجلة


بعدين طبيعي انج ماتحمللين ثلاث شهور مو يعني ان في سبب يمنع الحمل

لاتلعبين بنفسج بالابر والادوية

 

[هيراس]

المفروض تحنين عليه في الطلعات والسفرات انا صار لي سنتين وعادي ماهمني العيال اهم شي الوناسه وامون سعيده معاه وانتي تدورين الشقي من الحين لاحقه علي غثاهم بعدين تتمنين انش ماحملتي بدري واستانستي قبل مايجون علي بالش الحمل حلو اذا صار لك سنه روحي وكلام زوجك في محله انا اعرف وحده حملت من الشعر الثاني تتحسف ع عمرها تقول ماستانست ع طول الحمل ولوعه الكبد وعيال ومسئوليه وربطه معاهم ماعرف اروح ولا اجي بسبته حمدي ربك ع النعمه اللي انتي فيها وبعدين دامك تفكرين في الحمل ماراح تحملين حاولي تغيرين جو وتشغلين نفسك وراح تحملين باذن الله اذا انتو سليمين تركي عنش هالوسواس وانبسي مع زوجك

 

[ام خدود ورديه]

لووووووول بناات زفيتووني وايد
بس ادري والله كلامكم على راسي وكلامكم كله صح انا اللي وترني
اني تزوجت و3 معاي تزوجوو بنفس الاسبوع من أهلي ومااشاء الله كلهم حملو من عقب أول دوره الا انا عشان جذي خفت حسيت الكل ناطرني والله ولمن اروح بيت يدتي اتقولي يلا حملي كلهم احملوو مره كبيره ماقدر اقولها شي غير الله كريم