ريجيمي مع اخصائية التغذية ميري

[قمر ضاوي33]

السلام عليكم ...

انا رحت حق اخصائية التغذية ميري يوم الأحد الي طاف ... وكنت اساسا مسوية عندها ربيجيم قبل حملي ... ونزلتني 12 كيلو بشهرين والحين رجعت لها ...

وقلت اعطيكم برنامجي الغذائي للي تحب تمشي عليه

الأسبوع الأول:

كل يوم على الريج ... جلاس ماي دافي

وراه بنص ساعة ... 2 كيوي او 2 أفندي او 1 عرموط او 1 خوخ

الريوق يكون بعد ساعة ... 2 توست اسمر + لبنة او جبنة قليلة الدسم + خيار وطماطم وخس بالتوستة + نسكافيه مع كوفي ميت

الضحى شاي اخضر + حبة فاكهة (تفاحة او برتقالة )

الغداء :

ربع دجاجة أو 2 سيخ كباب او لحم أو 2 همبورجر أو سمكة متوسطة أو تونه

+ سلطة خضرة

+ خضار مسلوق كوب او شوربة الكوب من هونيك (الخضار)

+دايت كولا
بعد الغداء شاي أخضر

المغرب :
نسكافيه مع كوفي ميت + بسكوت ميري 4 قطع

العشاء :
سلطة + 2 مرتدلا أو 2 تركي أو تونة + عصير اناناس كي دي دي


ملاحظات :

شرب ماء لتر باليوم بس مو مع الوجبة قبلها او بعدها بساعة
المشي نص ساعة اربع مرات بالأسبوع

 

[علايه]

نفس النظام اللي عطتني اياه .. الظاهر ما تغيره

 

[قمر ضاوي33]

صج ...

بس انا المرة الي طافت عطتني غير عن جذي...

وكان فيه نخي وفول وبيض وعيش مشخول ومكرونة ... بس الحين لا ما كو شي ...

يمكن الأسبوع الياي ...

انا تشجعت بعد ما شفت وحدة معاي بالدوام تبارك الرحمن من 195 كيلو بسنة صارت ... 60 كيلو من ريجيم ميري بصراحة انجاز الكل يسألها عند منو تروح وشنو سوت ... بس انا كنت اشوفها عند ميري ...


الفال لنا ان شاء الله

 

[xxx]

موفقه حبيبتي

ومشكورة على النظام

 

[قمر ضاوي33]

بنت الكويت شاكرة لك مرورك

ان شاء الله التزم وينزل وزني يا رب

 

[^^دموع الكويت^^]

موفقة

مشكوووووورة خوش نظام:eh_s(15):

 

[jolie_q8]

مشكوره خوش نظام

وميري صج لها شعبيه وايد

وانا شفت عندها ناس وايد نازلين

 

[طوق البنفسج]

النظام حلو و خفيف .. مشكوره

 

[ورود الكويت]

وين عنوانها ميري واليعافيكم

 

[انا كويتية]

روعة انا معاج من باجر

 

[Maneena Manaana]

خووش نظام...موفقة

قبل 10 سنين يمكن(من سنين وانا صديقة الرجيمات) ضعفت ب 4 اشهر 20 كيلو مع ميري

 

[قمر ضاوي33]

دموع الكويت .... مشكورة والله نظامها وايد زين ما تحسين باليوع ... شاكرة مرورك



jolie-q8 ... صج وايد لها شعبية يعني اهي قديمة بموضوع الأنظمة الغذائية طلعت قبل الكل ... واحسن ما فيها عيادتها مو وايد زحمة الدور ايي لك بسرعة واهي بعد صدرها وسيع


طوق البنفسج ... شاكرة مرورك


وردة الكويت ... الدكتورة ميري في شرق شارع أحمد الجابر ... عمارة العوضي كلينك ... تلفون : 2424998 اي استفسار انا حاضرة


أنا كويتية ... يا الله شدي الحزام وباكر الأحد موعدي واكتب لك الأسبوع الثاني


Maneena Manaana .... انا بشهرين نزلت عندها 12 كيلو وأختي بثلاث شهور 20 كيلو وما شاء الله حملت على طول ... والحين ولدت بترجع لها تسوي لها نظام غذائي اثناء الرضاعة .... شاكرة مرورك

 

[روح المسا]

روووعه النظام-- بس حبيبتي حابه اسأل اشكثر ينزل في الاسبوع..

 

[ام الخييير]

حبيبتي
بغيت اسال كل يوم نفس هذا الأكل ولا تغيره حقج
وجم دشتها؟
ويعطيج الصحة والعافية

 

[قمر ضاوي33]

روح المسا .... هذا النظام ينزلك اول اسبوع من كيلو الي 3 كيلو تقول على حسب اكلك اذا انتي كنتي تاكلين وايد ممكن ينزلك بالأسبوع 3 كيلو واذا كان اكلك اساسا قليل وسلطات يعني مثلي ينزلك كيلو اوكيلو ونص ...




ام الخير .... كل اسبوع يتغير النظام انا ان شاء الله باكر موعدي اكتب لكم النظام الجديد للأسبوع الثاني ...
الي انا كاتبته الحين الأسبوع الأول


وبالنسبة حق اسعارها اول مرة تسوي لك فتح ملف وتحليل الأنسولين بالدم علشان تعرف هل شهيتك مفتوحة ولا لأ وهل تشتهين حلويات بإستمرار سعره 15 دينار
25 دينار تحليل مستوى العضل والشحم بالجسم وعلى اساس هذا التحليل تحدد كمية السعرات الحرارية

يعني اول مراجعة مع فتح الملف والتحاليل 40 دينار

وبعدين كل مراجعة كل اسبوع 5 دنانير

 

[قمر ضاوي33]

السلام عليكم من جديد


رحت اليوم موعدي عند الكتورة ونزلت 2.5 كيلو بصراحة تفاجأت يعني مو حاسة اني ضعفت بس احس اني فشيت ...

المهم بعطيكم ريجيم الأسبوع الثاني

على الريق ... كوب ماء دافي
قبل الفطور بنص ساعة 2 كيوي او 2 افندي او 1 عرموط او 1 خوخ

الفطور

اليوم الأول
2 توست اسمر + جبن +خيار وطماط وخس بالتوستة
نسكافيه مع كوفي ميت

اليوم الثاني
ربع خبزة سمرة + 2 بيض مسلوق او تسوينه عجة مع مشروم وبصل وطماط وفلفل + سلطة +نسكافيه مع كوفي ميت

اليوم الثالث
شابورة 3 حبات + 2 ملعقة متوسطة لبنة + سلطة + نسكافيه مع كوفي ميت

الضحى
حبة فاكهة (تفاح برتقال كيوي عرموط او خوخ)
شاي أخضر

الغداء

اليوم الأول
شوربة خضار هونيك + سلطة + ربع دجاجة + دايت كولا

اليوم الثاني
سلطة + روب + 2 كباب دجاج او 2 همبورجر دجاج + خصار مسلوق + دايت كولا

اليوم الثالث
شوربة خضار هونيك + سلطة او سلطة تبولة + سمكة متوسطة مشوية اوعلبة تونا + دايت كولا

بعد الغدا شاي اخضر

المغرب
نسكافيه مع كوفي ميت + حبة فاكهة ( تفاح برتقال كيوي عرموط خوخ او قطعتين رقي)

العشاء

اليوم الأول
روب خالي الدسم + رقي قطعتين

اليوم الثاني
مخفوق عصير اناناس كي دي دي + 1 كي وي
سلطة فتوش عليها ربع خبزة سمرة بالفرن وكسريها على السلطة
أو سلطة عادية وتضيفين عليها نص علبة ذرة

اليوم الثالث
شوربة هونيك خضار + 2 ملعقة شوفان متوسطة الحجم تضيفينهم على الشوربة + 1 حبة فاكهة

ملاحظات :
- تعيدين الأيام الثلاثة بعد مايخلصون
-مشي نص ساعة 4 مرات بالأسبوع
- شرب الكثير من الماء بس مو مع الوجبات
- عطتني نوعين حبوب وحدة ورى الغدا ووحدة ورا العشا
اسم الحبوب الي ورى الغدا ...puritans pride صناعة امريكية
والي ورى العشا اسمه ...slim صناعة مصرية
وكلهم يساعدون على حرق الشحوم ... واهي تقول انهم ما ينباعون بالصيدليات بس بالعيادة عنها

- وجبة واحدة فري هذا الأسبوع

 

[اليمامه الحلوه]

مشكوره حبيبتي وانشالله يارب تنزلين للوزن اللي تبينه والله لايخسر تعبج انشالله

 

[تراجي]

علاية .. توقيعج اينن

 

[قمر ضاوي33]

اليمامة الحلوة

مشكورة يا قلبي ما قصرتي
ان شا ءالله اخسر الوزن الي ابيه يا رب

شاكرتلك مرورك يا الغالية

 

[nandoshia]

والله الرجيم شكله حلو وسهل وكافي التشجيع انج ضعفتي عليه مبروووووووك النزول ومنها انشاالله للأكثر
تشجعت عليه وانشاالله ببدي فيه السبت وابلغج بالنتايج.
ولاتنسينا بتكملة اسابيع الرجيم.
بالتوفيق