ريجيمي من التغذية 1500 كالوري وايد حلو

[أغلى الناس]

السلام عليكم شلونكم بنات انا صارلي بالضبط اسبوع من سويت رجيم التغذية اللي بالصباح والله يابنات اول مره اسوي ريجيم مافيه يوع ويشبع وتمشين معاه نص ساعه باليوم او رياضة

الافطار:
-كوب حليب خالي الدسم
-اشريحة جبن- 2 ملعقة كبيرة لبنة- 3 ملعقة كبيرة جبن اريش-1 سلفايد -1 بيض / 4 ملاعق كبيرة فول
(ملاحظة : الاجبان واللبنه قليل الدسم)
- 2 شريحة توست او 1 خبزة سمرة خفيفة كاملة (هذا اللي عاجبني بالموضوع الصراحه لوووول)
- 1 ملعقة صغيرة زيت زيتون او 5 حبات زيتون
- شرائح خضار

الضحى :1 حبة فاكهه(تفاحه- برتقاله- 1 كيوي-2 مشمش-3 تمرات)

الغداء :

نص كوب شوربة خضار
سلطة كمية مفتوحه
نص كوب (مرق بامية او دقوس او ملوخية-سوتيه (بدون بطاط)
1 كوب (عيش مشخول او معكرونية مسلوقه- اخبزة خفيفة )
صدر دجاجه او ا سمك كبر كف اليد-تونه-6 حبات شيش طاووق -4 كفته)
لبن خالي الدسم او روب.


المغرب : نفس الضحى


العشاء : نفس الريوق.
بذمتكم موكله اكل ولا فيه يوع انا اول مره بحياتي اسوي ريجيم بدون ما ازرق اكل مني مناك لاني ما احس بيوع كلش
وطبعا شرب الماء من 6 الى 8 اكواب


واي سؤال انا حاضر وموعدي ان شاء الله الاسبوع الياي ان شاء الله اقولكم جم نزلت لاني مابي اوزن الا عندهم احسن

 

[Pretty Amoola]

يعطيج العافية، إي والله خوش رجيم،

بالتوفيق​

 

[nero]

منوع كل شي فيه .. بس وايد 1500 كالوري

وان شاء الله نضعف كلنا بصحه وعافيه

 

[Ma7ad-methly]

موفقه يااااااااارب
وانا ابوي قبل لا يتزوج يعني قبل لا انولد
كان وزنه مشاءالله 115 وسوا بالصباح رجيم
بسنه ونص وصل لمهوزن 65

بمده كبيره ونزل على الراحه ويقول حده يشبع
والحين بعد هالعمر كله وزنه ما يتعدا ال80

اكل صحي+ رياضه ينزل ع البطيء
بس شنو ما ياكل خرابيط ووجبات وحلو

 

[xxx]

مشكوورة على الرجيم

وعسى الله يوفقج

 

[أغلى الناس]

مشكورين حبايبي كلكم اي والله احسن شي جذي انج ماتحسين باليوع لاني اذا يعت اعفس الدنيا لووووول

اي والله اكل واخربط اذا يعت وبعدين ماشوف نتيجه ا

خصائية التغذية تقول راح انزل من 4 الى 5 كيلو بالشهر يعني ممكن انزل 15 كيلو خلال 3 شهور وان مرتاحه ليش اتعب نفسي وانزل بسرعه وامل واتركه بعدين ارد كل اللي نزلته لاني راح انهد بعده على الاكل بسبب اليوع من الريجيم

 

[Aryam30]

أغلى الناس الاكل وايد اخاف اسويه ويزيد وزني ، انا ماني عارفه اذا احتاج 1500 كالوري أو أقل لازم ننتبه حق هالنقطه .

 

[abaliabal]

هههاااااااااااااااااااااااااااااااي

السلام عليكم

انا وحدة من مناصرين ريجيم وزارة الصحة

حدة لذيذ وما تتوهقين بالعزايم ولا بالطلعات والمطاعم

واصلا الاخت زينب الاخصائية التغذية اللي بغرفة رقم سبعة وايد حبوبة وتفهمج
وعطتني بديل حق العشى لي مليناانا والبعل وطلعناو توهقت

قالتلي اكلي سلطة عودة مع ستيك لحم خالي من اي صوص
وبالفعل نزلت

وكل يوم دون رياضة كنت انزل يالغرامات... يعني نص كيلو

بس

لازم تاكلين كل شي بالضبط ومثل ماهو مطلوب ولا تنقصين واحد

لانها حسب ما قالتلي
انه كل نوع يحرق الثاني

وشكرا

وانا معاج مطبقته من اسبوع ونص تقريبا

ونازلة كيلو

 

[dan]

رجيييمج حده عجيييب و انا شخصيا كانت لي تجربه مع الصباح امبي صج كانت خياليه و نزلت حيييييييل و ما رديت الي نزلته امبي من كثر ما نزلت معدتي صغرت و كنت بحزتها توني بالغه يمكن بعد 5 سنين اهني زدت شوي والحين ماخده موعد معاهم موعدي اخر 5

و مشكوووره على نقل تجربتج بحاول امشي برجيمج لما موعدي انا ما يبيلي وايد بس 2-3 كيلو بنزلهم و بحافظ

 

[إمرأة مثالية]

مشكوووووووره ع الرجيم

 

[أغلى الناس]

مشكورين حبايبي حبيت اقولكم اني نازله 5 كيلو بشهر واسبوع

 

[خاشووقه]

عن تجربه شخصيه ريجيم الصباح عجيب
من كل النواحي من
ناحية الأكل
والتنوع وماشالله الأكل كميته وااايد ويشبع
بس يبيله صبر
وصج انه الوزن ينزل بكميه حلووه بس بطيء
بس بصعووبه تردين الوزن اللي فقدتيه


الله يوفقج وشدي حيلج
ولا تقيسين باي ميزان الا عندهم
ومن الأفضل اذا رحتي لا تلبسين جينز

والنتايج مو بس من ناحية الوزن

لاحظي شعرج ===== ما يحت
أظافرج ======= تطوول بطريقه حلووه ولونهم ابيض وقويين
التعب ====== ما تتعبين بسرعه لأنه الأكل صحي وخفيف وينهضم

أدري أقرق وااايد

الله يوفقج

 

[قطوف]

بالتوفيج ان شاء الله

 

[سنابل]

وناسة ما تيوعييييين

بس الغدا ليش نص كوب شوربة !! بالعكس المفروض كوب عشان تشبعين من الشوربة اكثر من العيش و الدياي و غيره

شكلي بطبقه و بشوف

مشكورة يا اغلى الناس

 

[سنابل]

عن تجربه شخصيه ريجيم الصباح عجيب
من كل النواحي من
ناحية الأكل
والتنوع وماشالله الأكل كميته وااايد ويشبع
بس يبيله صبر
وصج انه الوزن ينزل بكميه حلووه بس بطيء
بس بصعووبه تردين الوزن اللي فقدتيه


الله يوفقج وشدي حيلج
ولا تقيسين باي ميزان الا عندهم
ومن الأفضل اذا رحتي لا تلبسين جينز

والنتايج مو بس من ناحية الوزن

لاحظي شعرج ===== ما يحت
أظافرج ======= تطوول بطريقه حلووه ولونهم ابيض وقويين
التعب ====== ما تتعبين بسرعه لأنه الأكل صحي وخفيف وينهضم

أدري أقرق وااايد

الله يوفقج

كلامج يشجع .. بس مادري هل هذا يصلح لي ولا لا !!

لأن الطول و الوزن لهم دور بتحديد الريجيم

شيشتوني .. جني بروح آخذ لي موعد بالصباح :dddds: بس بآخذه و بنسااااااااه لأنه اقل شي ثلاث اسابيع

 

[dr.elzain]

مرحبااااااااا .... شلونكم؟
بس حبيت اقولكم ترى الرجيم زين يعني اهم ايقولون افضل رجيم اللي يكون 2000 كالوريز باليوم و 1500 لتخفيف الوزن هم زين.. بس انا باديه رجيم قاسي 800 كالوريز باليوم والحمدالله مع النادي قاعده اضعف وانشاءالله أكمل بأذن الله..
بصراحه اللي تبي صج تضعف وبسرعة تاخذ رجيم من 1000-1500 كالوريز باليوم ورياضه 2-3 ساعات باليوم مو شرط كل الاسبوع لو 3 ايام بس بالاسبوع يعني اللي بتاكله باليوم بتحرق نصه ولاتقولون خطير لانج بتحرقين الدهن المخزن بجسمج(الشحم والدهون اللي بالبطن والارداف وغيرها) عشان اتحررين حاجة جسمج من المواد الغذائية المخزنه.... لووووول تأثير الدراسة
المهم بالتوفيق حبيبتي وانشاءالله توصلين الوزن اللي تبينه.. اميين

 

[ام عيالها الغاليين]

مشكورة على هالرجيم أنا أول ما أعطل راح امشي عليه لأن أنا مشكلتي لما أقعد بالبيت لازم يزيد وزني وأنا سم الهاري عندي إنه يزيد وزني حتى لو غرام واحد

 

[أغلى الناس]

مشكورين حبايبي وماقصرتو والله حبايبي ماكو يوع لان مايمديج الا يا موعد الوجبه اللي وراها وبحط لكم جدول عطتني اياه الدكتوره احلى واحلى كل شي فيه ماتصدقون بس المهم تمشون على النظام الاول وتبدلون في الانواع اللي راح احطها

وبالتوفيق بنات

صاجه خاشوقه شعري قام مايحت مثل اول وارتحت من عوار المعده اللي كان اييني قبل لما كنت اكل وجبه دسمه

ماقصروا اللي دعولي وان شاء الله كلكم تضعفون بالصحه والعافيه

 

[أغلى الناس]

بدائل الحليب خالي الدسم
حليب خالي الدسم كوب
حليب قليل الدسم كوب
حليب كامل الدسم نص كوب
لبن كامل الدسم نص كوب ونزيده ماي
لبن خاثر نص كوب ونزيده ماي


بدائل الجبن

جبنه مثلثه لايت حبه واحده
شريحة جبن حلوم لايت شريحه واحده بحجم نص كف اليد
شريحه جبن الوفره لايت شريحه بحجم نص كف اليد
شريحة جبنه فرنسيه (ومو لازم لايت لان اصلا مافي) بحجم نص كف اليد
جبن كيري حبه واحده
جبن كرافت قلاص ملعقه واحده طعام

بدائل اللحوم
التونه علبه واحده وسط
القلب الكبده الكلاوي بحجم نص كف اليد مشوي او مسلوق
الربيان الجامبو 4 قطع مشوي او مسلوق
الربيان الوسط او الصغير 8 الى 10
كباب اللحم -كباب الدجاج من 1 الى 2 قطعه مشوية
هامبورجر لحم-هامبورجر دجاج قطعه واحده مشويه
الكفته -الشيش طاووق-التكا من 4 الى 5 قطع مشويه
العرايس 2-3 قطع مشويه
مرتديلا 2 شريحه
نقانق حبه وحده مسلوقه او مشويه

بدائل الخبز


الخبز الايراني نص خبزه بدون الاطراف
الشابوره السمرة 2-3 حبات
البسكوت المالح 3 حبات
الصمون الاسمر الهامبورجر 1 حبه
الهوت دوج الاسمر 2 حبه
البوب كورن-النفيش كوب واحد

بدائل الفاكهه



التفاح -البرتقال-الخوخ -العرموط حبه وسط
البطيخ-الشمام حبه بحجم كف اليد
البلح -الرطب -الخلال-التمر 3-5 حبات
الرمان-الموز-المانجا -الهمبه-الاناناس نص حبه وسط
العصائر الطازجه نص كوب
سلطة فاكهه نص كوب

شتبون بعد اكثر من جذي تنوييع شدو حيلكم واكلو اللي بخاطركم وانا حاضر لاي استفسار

 

[بنت حلوة]

لووووووووووووووووووووووووووول خبري فيهم من 3 سنين والرجيم نفسة ما تغير صج الدكاترة هناك تمام بس رجيمهم واحد ماتغير وانا رايحتلهم الاسبوع الياي اول موعد ...

عند اي دكتور ..تراجعين ..؟