ريجيمي من التغذية 1500 كالوري وايد حلو

[أغلى الناس]

عند دكتورة منال الفيلكاوي

 

[كنووز]

ممكن الوزن والطول لو سمحتي عشان نعرف اذا يفيدنا او لا

وال مبروك نزول الوزن
الله يوفقج والى الامام

 

[أغلى الناس]

شلونكم بنات

حبيت اقولكم ان وزني وقف المده اللي فاتت تقريبا اسبوعين ولما رحت حق الدكتورة غيرتلي النظام وخلته 1400 والحمدلله وزني رد ينزل وصرت نازله للحين 7 كيلو ما شاء الله

والحين بحط لكم النظام وعلى فكره الدكتوره تقول لازم اتقيد بالوقت يعني مايصير اتغدى متأخر او اتريق متأخر يعني اذا نظمتي وجباتج بالوقت احسن والعشا مايتعدى ال9 بالليل عشان يمديه ينهضم

الافطار
كوب حليب قليل الدسم
1 ملعقة لبنه \شريحة جبنه\2ملعقة طعام بقوليات\ بيضة مسلوقه مره بالاسبوع\ جبه مثلثة (كلها منتجات قليل الدسم)
ربع خبزة سمره سميكه تقول الخفيفة فيها سكر\ شريحة توست\ صمونه صغيره سمره
شرائح خضروات+6حبات زيتون
الضحى : كوب واحد شاي اخضر ويفضل تشربين بعده ماي وايد

الغداء

نص كوب شوربة خضار (انا لغيته لان ماتمثل عندي اي اهميه)
كوب سلطه
ربع خبزةسمره\صمونه صغيرة سمرة\ 3-5 ملاعق عيش مشخول
صدر دجاج او لحم او سمك او علبة تونه صغيرة او 3 ملاعق حمسه
كوب لبن او روب

المغرب

2 حبه فاكهه\1 كوب عصير طازج او كوب سلطة فاكهه محضرة بالمنزل

العشاء

نفس الريوق

او 2 حبة شابورة اسمر المطاحن +حليب+فاكهه

طبعا بالاضافه الى وجبه فري مره بالاسبوع و6 ايام رياضه بالاسبوع وشرب الماء من 6 الي 8 اكواب يوميا

وعندج 2 ملغقه وسط سكر لليوم كله


والله يتمم عليكم النزول بالصحه والعافية واعولي انزل يارب

 

[أغلى الناس]

هلا بنات شلونكم
وانا ادور بالقسم لقيت موضوعي وقلت اقولكم اني نازله ب3 شهور 10 كيلو

هذا مع المده اللي وقف فيها وزني ومع الاسبوع اللي سافرت فيه اللي انهبلت على الاكل والبرد والككاو ومازاد وزني ولا غرام واحد ووايد تشجعت اني اكمل عقب تجربة السفر عرفت اني ماشيه بالطريج الصح والرجيمات السريعه قامت ماتهزني

ومشكورين

 

[bintmishref]

شجعتيني اسوي مثلج..
انا ريوقي ما يتغير من جم شهر وانا على طول اتريق جذي اللي اهوا سندويجه لبنه وخس وخيار وطماط.. مع قلاص عصير برتقال..
الغدا عندي متوتر مو كل يوم اتغدى على حسب دوامي ولا ويك اند.. بس غالبا ماكل غدا..
فتصير مشكلتي بالعشا اني انتفخ واكل..

طريقه كتابتج للرجيم فرت مخي مادري ليش.. بس انا اذا سويت ريوقي اللي اهوا السندويجه اخليها عشا بعد.. والغدا سلطه وايدام و شوربه راح اكون مثل رجيمج صح جذي؟!؟

وراي سفره لازم التزم اكثر

وربي يثبتج وتنزلين بصحه وعافيه

 

[أغلى الناس]

تقريبا حبيبتي صح كلامج وترى انا حاذفه الشوربه مو مهمه عندي اذا نتي حابه كيفج

وان شاء الله موعدي عند الدكتوره يوم الاربعا بقولكم بعد نظامي اليديد

 

[أغلى الناس]

بس السندويشه حاولي تخلينها سمره وانا اكل سندويش الهوت دوج السمره وحده بس

 

[bintmishref]

ايي انا ماحب التوست الابيض كل اكل الاسمر
وساعات اذا بغير العشا يعني اقص على عمري اسوي التوسته بالتوستر واكله بروحه واسوي سلطه فيها جبن ابيض لو فات..

 

[Q8stylle]

يعطيج العافية

 

[miss-one]

ماكو علي رجيم التغذيه صج يطول بس الوزن ما يرجع بسرعه مثل الانظمة الي باجي

انا موعدي نص 8

 

[AL-N7EESAA]

عيل انا شفيني يوم رحت الصباح دكتورتي اعتفست وانتقلت راحت مبارك مادري راحت وين لووووووول بس يحليلها والله خوش دكتورة نسيت اسمها تهبل وصج رجيمهم عجيييب ، واخوي كان عند عبدالله المطوع ماشالله الحين ربع وزنه اللي قبل بس مع المده طبعا والرياضه والله يوفقج :>

 

[اوملييتا]

حبيبتي بسألج انتي جم وزنج او جم طولج ؟

 

[أغلى الناس]

وزني قبل الرجييم 87 الحين 76 ونص وطولي 158