ريجيم العوضي سنتر ماتيوعين فيه لوشيصير وينزل 3 كيلو بالاسبوع

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

وان شاء الله بعدين اكمل الباقي

 

[@@عيوني@@]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

يا أموره غلط الأسبوع الثالث الوجبات حسب ترتيبهم ما ينقون على كيفهم رقم (1) ريوق تاكل رقم (1) غدا ما يغيرون فهميهم انتي عاد

 

[@@عيوني@@]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

الغدا رقم(1) يا اما خضار مفيوحه أو سلطه وأنا عندي فكره فوحي الدجاج وحطي معاه الخضار وخليها شوربه بدون سلطه

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

اوكي يعني الوجبات يوم تاكلين رقم 1 ويوم رقم 2 ويوم رقم 3 وتعيدين جذي

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

اي واذا كليتي الريوق 1 تاكلين الغدا 1 والعشا 1
اذا كليتي الريوق 2 تاكلين الغدا 2 والعشا 2
جذي
وكل اسبوعين في يوم بريك

 

[Dancing^Queen]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

عيوني شكثر نزلتي لي الحين انا بلشت برجيمج بالاسبوع الاول
وماشرب الشوره
وبعدين ترا يوع ابي شي بالليل مايصير.؟

 

[@@عيوني@@]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

أنا والله لما كنت أتابع معاها نزلت وأنا نوعي ما أحب أتعشى وإذا إنتي من النوع اللي يسهرون مهما تاكلين بالليل تيوعين وبالليل يصير تاكلين سلطة فواكه أو سلطه خضراء أو موزه يعني جذي بس أنا عقب المشي أرد أشرب العصير وأنام

 

[الشرقية]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

ياامورة ياحلوة بسكوت بيتى بور يمتن صح\\\

 

[@@عيوني@@]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

لا يا حلوه يا شرقيه كل دكاترة التغذيه يقولون عنه أربع حبات بس مو الكرتون ديري بالج

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

كوين لاتسهرين عشان لاتيوعين
انا وعيوني امس بدينا بالريجيم ورحنا مشينا بسوق شرق يتروالي لفينا الكرة الارضية بهالمشي
عيوني مع راسها سفطت جدام مركز سلطان وتمشيني لي الجسر جان تقول امشي نخطر الجسر ونطلع برة وركبنا الدري وخطرنا الجسر ومشينا ونمر يم الكافيهات اللي برة واشوف صور الاناناسة اللي فيها برد وفواكة يم يم وهي تسحبني تقولي خطر عليج هالمنطقه خخخخخخ
وصلنا اليزيوم واختي مع بطول الماي اللي ماسكتهم وانا شايلة التلفونات جان تقولي امشي ندش نتطمش
وانا حاسة شكلها مو مال اليزيوم تفشل بس درعمت ولا اللبناني بوبدلة قاعد برة حسيتها اول مادشت طاحت من عينه مستنه كلت الريال تقوله ليش عندكم ال بي جي ب 25 الكويت كلها بعشرين؟؟>>>>انتي شكو اسعارهم وكيفهم
جان يقول لا هو يعتمد على اللي يسوي الجلسه مو اي احد
طبعا ماعجبها كلامه قالتله بندش نشوف
ولا غرفة الاجهزة الله لايوريكم كبر صالتنا وفيها 3 اجهزة مشي يمكن و جم واحد اوربت تراك بس ضخم مالهم وجم جهاز رياضة تقول عيوني موجودين بنادي شيري لين بالجابرية بو 45 دينار خخخخخخ
وحمام السباحة كبير بس برة ومسقفينه بمظلات حديد
وشفنا غرف المساج يعني يلوع الجبد النادي خبه عالفااااااااااضي ماكو شي يسوى
لا وبجم الاشتراكات تتوقعون؟؟ طبعا ماكو شهري بس سنوي
500 وشي اشتراك النادي
وفيه ب 1200 اشتراك النادي مع جلسات مساج وعلاج بشرة وخرابيط
شدعوه وين قاعدين؟ عاد مو من حلاته يلوع الجبد


المهم طلعنا وكملنا جدام شوية جان نرجع والحين انا تعبت مالي خلق ارجع قمت اسحب ريولي مافيني حيل
ودخلنا مركز سلطان وشرينا ميرامية وزعتر ولبنه لو فات وانا خمطت كل الاكواب الحلوة حق قهوتي والشاي وكل شي لان اوبرا قايلة لاسويتي ريجيم اكلي وشربي باكواب وصحون حلوة عشان تفتح نفسج
وطبعا انا مايحتاي خذيت من كل الاشكال وعيوني تزفني تقولي شهالشفاحة الناس ياخذون واحد خخخخخخ

وبس ردينا البيت وسوينا تمارين معدة عالجهاز لايطوفج كوين عجيب AB Revolutionizer يهبل عيزت وانا ادلل عليه

والحين انا ناطرة الريوق شربت الماي وكليت كيويتين والحين حان موعد اذان الظهر
وانا للحين ماتريقت


الشرقية ياحلوة اذا ماتبين بيتي بور اخذي دايجستف لايت بس 2 مو 4 وترى طعمه مو غير نفس العادي انا احبه

 

[@@عيوني@@]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

شلونكم بنات طفتكم أمس بدعت بغرفة أموره

 

[Dancing^Queen]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

عيوني ومطفوقه ادري احن عليكم وايد
بس همن امس فشل الرجيم لضروف العزيمه اللي طحست لها
التفاصيل بالدوانيه
المهم
يصير اكل بسكوت بيتي بور اربع الظهر بعد
والله ايووووووع شسوي معدتي عوده سليحط
اوكي اكنسل العشا عاد زرقولي جم بسكوته
اليوم الصبح شربت كوب ماي دافي علي الريج وييت الدوام
وكليت برتقاله وشربت فنيالين قهوه تركيه


وشربت قهوه عربيه وماتريقت لي الحين بتريق السالعه 11
والغدا نسيت اقولهم بس بسويلي سيخين كباب وباكل نص خبزه لان الخبز ظعفووووووووووووه



شنو الجهاز مال الرياضه اللي قلتو عنه؟
وعلي ايليزوم الله يزيييييييييييييييييييده بس الشي الزين عندهم ان لج بيرسونال ترينينر علي راسج
انا خواتي يشتركونبس علشان هالشي
وطبعا نا خالف تعرف اشترك بتشامبيز الجابريه صج نادي حلو والحين افكر بفلكس بس نتيجه للظوورف القادمه كل الرياضه راح توقف بس شنو جهاز المعده ابي صورته ومواصفاته واهم شي سعره طاقنا فلس عيب عليكم

 

[Dancing^Queen]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

عيوني شنو سويتي؟ عقب رحله ابن بطوطه لايكون خربتي؟

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

كوينووووووووووووووووووووو ترى بطيتي جبدي بدش لج بالشاشة بزنطج

انا امووووووووووووووووررررررررررررررررررررررررةةةةةةةةةةةةةةة مو مشخوطة منقوطة

وبعدين شلون تخربطين بالعزيمة؟؟؟ المفروض تطالعين بعيونج وتسعبلين وبسس كافي عليج جذي
حبيبتي قطعي العزايم هالفترة مو وقته شوفيني انا نزلت كيلو ونص وانا بادية اول امس خمسة وخميسة بعين اللي مايصلي عالنبي وانا مامشيت الا مرة وحدة يوم مع عيوني رحلة ابن بطوطة على قولتج
والله الريجيم مايبيله شي بس انتي شكلج متعودة عالبلعه عشان جذي لاتروحين الجمعية عشان لاتشوفين الاكل والكاكاو ولا عزايم ولا مطاعم ونامي مبجر عشان ماتيوعين

والظهر مايصير بسكوت يصير جزر بس قرمشيها جنج بقز باني خخخخخخخ
وترى تقول عيوني يصير فاكهة مع الغدا بس لاموز ولا عنب ولا بطيخ ولا تمر لانه متروسين شكر

وبسج قهوة موزين وايد حطي معاها حليب ولا شي
ترى امس عيوني المغرب عادي حطت نتيفة كرنيشن بالشاي وشربته مع البسكوت

وتبين نصيحة ماتخليج تيوعين؟؟؟ شربي شاي اعشاب وماي وايد طول الوقت ماتيوعين
انا اسوي طريقة بنت الكويت شاي اخضر مع ميرامية زعتر وضفت عليهم حبة حلوة واكليل الجبل عجييييييب 3 مرات باليوم كل مرة بكوب من اللي شريتهم خخخخخخ

طبعا لاشكر ولاسويت اند لو لانه طعمه يلوع الجبد استغفر الله وانا انطره يبرد وازرطه زراط مرة وحدة
بس لابغيتي تسوين رياضة ولا تمشين لازم قبلها بساعة ولا ساعة ونص ماتشربين ماي ولا سوائل عشان الجسم لما يعرق يحرق الشحم مو بس يطلع الماي اللي توج شاربته
انا اسوي جذي واحس اني اضعف اكثر
حتى اخوي شرح العملية بالضبط حق عيوني مادري شقال حتى مرت اخوي سمعت كلامه وضعفت وايد مع انه قبل تسوي نفس الرياضة بس كانت تشرب ماي ماكو فايدة الحين قام يبين الضعف


والغدا اشتريلج من مطعم وانتي ياية
شوفي اذا بيتكم قريب من الروضة طلبي شيش طاووق من مشويات الروضة وااااااااااااااااي عجيب مستحيل تلقين احلى منه لذيذ لذيذ لذيذ انا مدمنة عليه واليوم ان شاء الله باكله عالغدا
طلبي منهم يوصلون لي البيت
هذا رقمهم 2547395
ماعون شيش طاووق ب دينار وربع
والدياي المشوي عالفحم واااااااااااي ناطع ناطع هم دينار وربع لازم تكملين الطلب دينارين انا اطلب متبل لانه عجيب متبلهم بس الحين ممنوع عشان الريجيم
فطلبي سلطة ولا تبولة
تبولتهم انتي تحطين الزيت والليمون

واذا ماتبين مشويات اكلي تونة العلالي امس انا وعيوني كلينا تونتهم اللي بالفاصوليا البيضا عجيبة ناطعه
قوطي مربع احمر مكتوب عليه سناك جاهز للتقديم تبطلينه ولا حاطينلج شوكة معاه بعد مقطعين التونة وحاطين معاها فاصوليا بيضا وجزر مفيوح شي جذي حلوة وتغث قوطي واحد وماكملته ب 350 فلس جنه شريته من الفيحا


والعشا مايصير يتكنسل اهم شي الفاكهة وعصير الفاكهة والماي اللي عالريج والماي عموما والمشي هالاشياء الدكتورة تشدد عليهم مايصير تلغينهم او تبدلينهم
ماعليه استحملي والله بتستانسين لاشفتي عمرج ضعفتي
وعصير الكيوي صج يقزز البراطم بس عجيب يمشي البطن انا ثاني يوم الصبح الواحد يقول يالله صباح خير وانا بالحمام عزكم الله اهرهر مال امس خخخخخخخ لوعت جبودكم؟؟؟؟

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

اي ونسيت اقولج عن الجهاز AB Revolutionizer تطلبينه من 808808 سعره 22دينار و 750 فلس
عجيب كوينو حق البطن يمسحه مرة وحدة كاهي صورته

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

وي كوينو طافت عيوني امس انا دخلت اتسبح بس وانا بالحمام اسمع صوت شي جذي دووووووف دوووووووف دبي دبي دبي جك جك طاطم طك طم
المهم على بالي بالسكة يوم خلصت ولا عيوني بداري مشغلة ايهاب توفيق ومديتها ردححححححححح تقول لاطلعت اغنية نقازية اناقز وياها ولاطلعت اغنية سلو بس تحرك ايدها

يعني تمارين ذراع خخخخخ
ولافة الخرجة الحمرة مالت الرقص ام الدناديش الذهبية وتقولكم اللي تبي تضعف لازم تستعمل هالخرجة الحمرة ام الدناديش الذهبيه لون ثاني مايصير ماتضعفين خخخخخخخخ
تقول تبي تعوض المشي لانه مامشينا امس قامت تردح بداري ويوم خلصت تمرنت عالجهاز وقامت تسبحت
انا بسوي اشتراكات حق داري كل من ايي يبسط فيها ويتمرنون ويسشورون شعورهم ويتمكيجون كله عندي بقص لهم تذاكر بنص والله اطلع ثروة من وراهم خخخخخخخخ

 

[Dancing^Queen]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

شوفي مطفوقه




























عصبتييييييييييييييي
خخخخخخخخخخخخخخخخخخخخخخخخخخخخ
اموره ياقميله لاتزعلين خلاص كله بقولج ياجميله


سمعي ووعي يا قميله يارشيقه
انا خلاص بتشجع
بس لازم ازرقلي قطعه تشوكليت عنونه خالص مالص الظهاري مالت التقديم لازم شكر والا اتسبهه انا لاحط شكر بالقهوه ولاحاقه ولاحاقه احب الاشياء بطعمها الاصلي
والقوه تسد يووووووووع والله
وتوني مخلصه بريكفاستي وعندي كبسه قاتله مزفوفه
المهم برد اشتغل بس سمعي ووعي
من اليوم انشالله راح التزم (عاد الكاكاوه تزرق تزرق بالطيب بالغصب تزرق)
وبشتري شيش طاووء من فتوش علي دربي وسهالات
والتونه احنا نسويها بليمون وكطاري اتهبل جنج تاكلين دياي مو تونا والزفوره ولاشي ولا اذا حطيتي وياها شويه ذره الذ والذ واجدع نوع امريكانا بالماي وانا ماعندي شي ني سوشي كل شي ينحط عل يالجوله حتا لو جاهز اذبح مايكروباته كلش حتا المرتدلا

وعلي الجهاز بقنع اختي وبقص عليها تشتريه والله يستر
والرياضه محاربتها ماقدر عليها

 

[Dancing^Queen]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

واي ياقميله يا اموره موتيني ضحححححححححححححححححححك علي ياعيوني ابيه
انتي اجري الارضيه وانااجر البسطات وعندي سحوبات علي كريمات تخسيس امس قاعده اصففهم علي حسب الالوان

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

نوووووووو نووووووووووووو كوينووووووووووو
مايصير شكليطة كلها شكر ودهون
عالاقل سوي رياضة عنيفه تحرق السعرات
على سبيل المثال رياضة الخرجة الحمرة ام الدناديش اللي اخترعتها اختي خخخخخخ

لانه ياقلبي كل كميات الشكر مدروسة اذا زادت ماتنزلين وايد
مايصحش ماعليش استحملي
ولا تدرين اكلي ايزي لاكس مالج خل يطلع الاكو والماكو
ذاك اليوم بنت خالتي تقول رايحة الراية ويا رفيجاتها ومتريقة بيض وبان كيك وكلوب ساندويش وبلاوي متلتله وحمص والذي منه وناسية انها ماخذة ايزي لاكس تقول مامداني اخلص الا ركضة الحمام لو متأخرة ثانيتين جان حصلت فاجعة بالراية وفاح الكيماوي وتسببت بقتل وجرح العديدين الذين يحاولون الفرار بارواحهم خخخخخخخخخ
تقول لو تاكلين نتيفووووونة خبزة هم يهرهرها

عاد انتي اكلي كاكاوتج وهرهريها بعدين

والجهاز يبيله تقنعين اختج ويبيله تبوقينه منها لاشرته ويبيله تدينها بالليل تمارين وتنامين
كامكو تييك مقشرة
احم احم دشينا عرض

شوفي عاد عطيناج ويه مايصير جذي نكتب ريجيمات ونتعب اخر شي تخورينه بالزوارة لاتزورين مو لازم
ولا قلتلج اخذي حبوبج معاج واكلي بلعتج يم باب الحمام وهرهريها>>>>>عجبتني هالكلمة خخخخخ

وبالنسبة للمشروع صدقيني نربح انا محد يستغنى عن داري يعني لو اقص تذاكر بنص دينار اصير مليونيرة عقب شهر خخخ
للشركات الراغبة بالاشتراك الرجاء ارسال رساله خاصة احم احم

 

[كويتية أمورة]

مشاركة: ريجيم العوضي سنتر ماتيوعين فيه لوشيصير وينزل 3 كيلو بالاسبوع

تصدقين كوينو توني اتريق؟؟ اهئ اهئ
رحت يبت مطفوقو من الكولج وتوني رادة
بدال مااكل البيضة بروح والجبنه بروح
حطيت توستتين مع جبنه سلايز وقصصت البيضة المفيوحة وفوقهم طماطماية وخياراراية والطعم يمممممممممم عجيب ولا اقدع كلوب ساندويش
وكوفي لاتيه مال تروبيكانا سليم وحتة ساليري اقرمشها عالخفيف