ريجيم اللوفات

[كويتيه دوم]

والعصير مع الغدا سن ست

 

[كويتيه دوم]

اليوم الثاني

الفطور قهوه فرنسيه

الغدا

باستا لنجويني بستو معكرونة اللنجويني الطازجة واللذيذة مع بستو الريحان و رشَة خفيفة من زيت الزيتون الصحي , الطعم المثالي للباستا الخفيفة دك 1.750

مع كفتة لحم مع الروب
كفتة لحم متبلة و لذيذة مشوية على اللهب تقدم مع صلصة لاذعة من الروب قليل الدسم دك 1.500

وعصير ليمون مع نعناع


العشا

راح يكون راب الدجاج المشوي بالخس صدر دجاج متبل و مشوي مع جبنة التشيدر قليلة الدسم , بصل و صلصة لوفات اللذيذة ملفوفة بالخس الطازج دك 1.350

 

[حيادر]

عاشت عاااااااااااشت دوووووووووووووووووومة

تصدقين عاد

انا اهم شي عندي الريوق
لو ماتريقت احس اني يوعانة طول اليوم مهما اكل بعدين
ودي اسوي مثلج وما اتريق
بس ماقدر ادوخ


جم السعرات الحرارية حق وجباتج بهاليومين ؟؟

تدرين شلون
بنزل موضوع الحين علشان نسوي تجمع حق اللي بيبدون بهالريجيم على شهر 12
نشوف احنا جم وحدة نصير علشان لما نبدي نبدي كلنا بوقت واحد ونكمل عليج

 

[بنت بن فهد]

والله يا حيادر حبيبتى فكرتج حلوه
بس انا مشتركه الحين بدايت كير بصراحه اكلهم روووووووعه
ومشكوره على الاقتراح حبوبه

 

[سمسميه]

بنات اذا سمحتوا التجمعات ممنوعه لفتره مؤقته فلا تغيرون مسار الموضوع وتحولونه ليوميات علشان ما يتسكر!!

اعلان بخصوص مواضيع التجمعات واليوميات!!!!!!

 

[كويتيه دوم]

لا لا ان شاء الله مايتسكر

 

[كويتيه دوم]

هلا حيادر انا اهم شي عندي الريوق بعد بس ريوق الدوام يمتن كله فطاير وسانويشات عشان جذي استغنيت عنه لان احس هو اللي متني وبالنسبه للدوخه والله انا بعد عندي فقر دم هالايام واحس بالدوخه بس مو عشان ما اتريق لا من زمان

 

[حيادر]

حبوبة سمسمية
علم

اشنالله ماراح نحوله يوميات خلاص بنلتزم

****

بنت بن فهد
يارب تضعفين على خير

مشكورة على مرورج حبيبتي

****

كويتية دوم

احسنلج
اول امس اختي رايحة عند طالب الشمري
قالها مادامج تحبين تاكلين شي يمتن فالاحسن انج تقطعينه
يعني ما ينفع تاكلين قطعة قطعتين فطاير لان وحدة تير الثانية


شكلي بسوي نفسج تصدقين وبقطع الريوق
لان فعلا حاسة ان وزني مو قاعد ينزل كلش مع اني مو قاعدة اكل وايد
اخربط شوي بس وايد اخف عن قبل

 

[dan]

حلو نظامج حيادر و لو فات اكلهم لذييذ

بنات بالنسبة لوجبة الريوق ترى حيل ضرورية و مو شرط ناكلون مع بنات الدوام فطاير و سندوشات تتفخ المعده من الصبح انا بعطيكم خيارات:

1. كورن فلكس علبة صغيرة مع حليب قليل الدسم
2. شريحتين توست يفضا اسمر مع لبنه او جبن و خيار و زعتر (الخلطة الي تحبينها) +شاي
3. نسكافية + مافين
4. شابورة مع جبن قليل الدسم + شاي
5. 5-7 حبات تمر +لبن او حليب
6. بسكوت ماري 4 حبات مع شاي او حليب
7. سلطة فواكهة

هذي الاشياء الي طرت على بالي و سهل تاخذينها معاج الدوام

بنات نصيحهكل وحده تسوي رجيم ضروري تشرب شاي اخضر مع اعشاب وايد بتحس بفرق بجسمها

و موفقين

 

[malgoofah]

واااي شوقتيني عاد انا كنت ناويه هالاسبوع اشترك اب دايت سنتر بس شوقتيني على لو فات و يازتلي الفكره انزين وين افرعهم و يوصلون قرطبه والا لا و جم ياخذون عالتوصيل؟

 

[سمسميه]

حيادر كويتيه دوم
ما قصرتوا على التعاون وروحكم الطيبه
ورجيمكم وايد حلو

 

[كويتيه دوم]

هاي بنات الحمدالله انا ملتزمه كل يوم امرهم الافنيوز على ما يحطون توصلين طلبات للمنطقه اللي انا فيها

كل يوم بعد الدوام اروح لهم وبدال لا اوفر سعر الوجبات تلقيني اطلب الطلب مثلا ب 5 دنانير ويقول عشر دقايق ويخلص الطلب وبهالعشر دقايق افر الافنيوز وارجع للمطعم واكون قاشه لي من هالعطور والملابس لوووووووول فوق ال30 دينار
والله مشكله السوق كل شي فيه حلوووو متى يفكوني ويحطون خدمه توصيل للبيت

ودان حبيبتي صج معاج حق وجبه الريوق ضروريه بس شسوي ان اكلت لقمه اكل الصحن كله وراها والله شكلي باخد لي بسكوت ميري مع القهوه


انا اليوم ريوقي كان قهوه فرنسيه مع قطعه اروو صغيرونه ؛)

والغدا مريت لو فات واخذت وجبه تتكون من طبقين يعني ياخذون لج نص وجبه وطبق جانبي وسعرهم يصير سعره اقل لو تطلبين كل شغله بروحها والحلو فيهم ان الطبق راهي

انا اخذت
بي يو
ساندويش الستيك المشوي بطاطس غير مقلية بس بدال الستيك المشوي حطيت


راب دجاج التورتيلا دجاج متبل و مشوي يقدم مع تشكيلة الخضار الطازجة و صلصة لوفات السرية - يلف بخبز التورتيلا الأسمر

مع عصيري المفضل سن ست

والعشا ان شاء الله ابيه يكون روب قليل الدسم لان يقولون يذوب دهون البطن بشكل خيالي

وبالنسبه للشاي الاخضر اي انا جاي اخضر مو حبا فيه بس عشان اضعف

 

[سمراء حضرموت]

الموضوع يهبل انا متابعة

 

[غلاي غير]

موفقين

 

[dan]

كويتية دوووم عليج بألف عافيه ممكن تنزلين لنا صور الاكل عشان اعرف شطلب المره الياية

 

[أعترفلك]

موفقين

 

[كويتيه دوم]

حبيبتي دان البلوتوث عطلان اللي بلاب توبي ولا جان صورت لكم الوجبات

بس ترا لما تروحين لهم المطعم تلقين عندهم كتيب للمنيو وفيه صور بعض الوجبات بس مو كلهم

بالنسبه لليوم شربت كابتشينو و تغديت سلطه فتوش من البيت

العشا اخذت وجبة بي يو تتكون من دجاج مشوي ملفوف بخس + بطاطس غير مقلية


مع عصير سن ست

واخذت تيراميسو مخفضة الدسم

 

[كويتيه دوم]

ان شاء الله بنات لي نفع هالرجيم فيني لوووووول

احط لكم موضوع كامل برجيم لو فات مع السعرات الحراريه والصور

بس انا ترا ساعات انا اخووره بس مو حيل حيل يعني اكل قطعه حلا صغيروه عن خاطري

وواي خاطري اشتري من ستار بكس بس شكلي بسوي يوم مفتوح مره بالاسبوع لان انا من النوع اللي ما احب احرم نفسي باكل احبه بالرجيم

 

[كويتيه دوم]

اليوم

تغديت سلطه

وتعشيت من لو فات

رافيولي جكن + سلطه بطاط + عصير ليمون مع نعناع

 

[كويتيه دوم]

امبيه حبطتوني وين راحوو البنات حيادر وين رحتي؟؟؟؟؟

على العموم

اليوم تغديت لبنه وخبزه لووووووووول ماقدرت اروح الافنيوز

بس بليل طلبت وجبة بي يو مع عصير سي بلاس