ريجيم حلو وصحي ومن اخصائية ... 5 كيلو في الاسبوع

[*أميره بكلمتي*]

السلام عليكم

هالريجيم توه فرررررررش طرشته لي بنت خالتي من السعوديه في المسن وحبيت انقله لكم

سوته لمدة 35 يوووم ونزلت 30 كيلوووو مره وحده مع الريااضه

مشي وايروبك .... وتقول انها كانت تحط كريمي بارتنر لوف لشد الجسم والتخسيس

وبعد كانت تشرب اعشاب بنت السلطان >>>> كلهم طايحين عليها مادري شو السر

وربيعتها اللي كانت وياها في النادي سوته ونزلت عليه 25 كيلووو

وتقول ان الريجيم مجرب على اكثر من وحده .... هم قروووب حوالي 8 بنات واوزانهم مختلفه

اكثر وحده ووزنها 115 واقل وحده وزنها 70

اكثر وحده نزلت 30 كيلوووو واقل وحده نزلت 18 كيلووو على الريجيم ...

المهم رمست وااااايد وتكلمت وايد بكتب لكم الريجيم وانتو احكمووو

الريجيم طبعا من اخصائيه تغذيه تعرفها توها متخرجه بعدها مافتحت لها عياده وعطتهم هالرجيم تبا

تشوووف نتايجه

^^ ^^ ^^ ^^ ^^

اولا :- كل يوم الصباح 1 تفاحة ثم 1 كوب ماء دافىء مع عصرة ليمونه



الافطار يوميا ..

-1 كوب حليب منزوع الدسم نصف خبز او 2 توست - 2 ملعقة صغيرة لبنه قليلة الدسم مع ملعقة صغيرة زيت الزيتون

او

-1 كوب حليب منزوع الدسم - نصف خبز او 2 توست - شريحة جبن قليلة الدسم - 2 حبة يوسف افندي

اليوم الأول :

الغداء ..

-1كوب خضار مطبوخة مع صدر دجاج - 1 كوب رز ابيض - سلطة خضراء – تفاحة

العشاء ..

-1 كوب تونه مع السلطة -نصف خبز او 2 توست – برتقالة



اليوم الثاني :

الغداء ..

-1 كوب شوربة خضار مشكلة -دجاج مشوي - نصف خبز - سلطة خضراء

العشاء ..

-ساندويش مارتديلا مع الخيار والخس والطماطم - 1 كوب حليب منزوع الدسم


اليوم الثالث :

الغداء ..

- 1 كوب اي اكلة مختارة مع صدر دجاج مشوي او مسلوق

- 1 كوب شوربة كويكر

-صحن خضار طازج ( يعني سلطة ) ( خيار , خس , جرجير , فجل , رجلة , نعناع( - - 1 كوب لبن قليل الدسم


العشاء ..

-1 كوب سلطة فواكة - جبن قريش قليلة الدسم - 2 توست


اليوم الرابع

الغداء ..

-1 كوب شوربة خضار مشكلة - سمك ( مشوي او فرن - 3/4 (خبز ) - صحن خضار مقطع او غير مقطع ( يعني سلطة - كوب عصير - 1 كيوي

العشاء ..

-سلطة - 1/2 خبز(اسمر) او 1 صمون - جبن قليلة الدسم


اليوم الخامس ..

الغداء ..

-1 كوب سبانخ مطبوخة مع اللحمة المفرومة بدون دهن - كوب رز حسب الرغبة - سلطة - شوربة كويكر او جريش


العشاء ..

-1/2 خبز بر او 1 صمون او 2 توست - فول مع ملعقة زيت زيتون – تفاحة


اليوم السادس ..

الغداء ..

-كوب كبسة مع صدر دجاج - شوربة خضار - كوب عصير – سلطة

العشاء ..

-1/2 خبز او 1 صمون او 2 توست - لبنة فليلة الدسم مع ملعقة صغير زيت زيتون - خيار وطماطم


اليوم السابع :

الغداء ..

-سلطة - سمك بالفرن مع ( بقدونس , بصل , ثوم , طماطم , كرفس , ملح ,كمون ,فلفل اسود , فلفل اخضر - 3/4 (خبز - شوربة خضار

العشاء ..

- 2 توست محمص بالفرن مع قرفه وعسل ( يعني 2 ملعقة عسل اخلطيها مع شوية قرفة ) وبعد ما يتحمص التوست ادهنيها بالعسل والقرفة
- كوب حليب منزوع الدسم


ملاحظات ..

-عند الاحساس بالجوع بين الوجبات يؤكل نوع واحد فقط ( خيار و خس او فاكهة موسمية او بسكويت النخالة ) بالكميات المرغوبة ( طبعا خلال اليوم )

- مقدار الاكل حاولي في الاسبوعين الاولين يكون كوبين وبعدين يصير كوب واحد

-اذا ما تحبين الحليب واللبن ممكن كاس عصير اي نوع وممكن الشاي الأخضر بدون سكر

- يمكن الحذف ولكن لايمكن الاستبدال

- اذا احسيتي بالملل خذي يوم رااحه وكلي فيه قطعه من الكاكاو ويفضل ان يكون اخر الاسبوع

-مكعبات الماجي ممنوعة

- عند الانتهاء من الاسبوع الاول يكرر الريجيم الى ان تصلي الى الوزن المطلوب


وبس وتقول الوزن اللي يروح منه ما يرجع

======================================


انا اطبق الرجيم لي اليوم رابع راح اقول لكم كم نزل وزني عليه

 

[sugar&spice]

ناطرينج حبوبه

 

[^طيوبه^]

وناسه خوش رجيم جني بمشي عليه انشاالله

 

[Miss_Moon]

مشكووره حبيبتي

 

[فـرفـر]

هالرجيم ماتوقع بتنزلين عليه اكثر من 6 كيلو بالشهر


موفقه حبوبه

 

[*أميره بكلمتي*]

مشكووورين ان شالله يارب انزل اكثر 12 كيلوو حاسبه كل اسبووع 3 كيلوو

 

[yoyoo]

الله يجزيكي الخير بجربه انشاء الله انزل 10 كيلو

 

[sorry25]

مشكوره حبيبتي
وانشالله ننزل عليه

 

[SeDuCTive]

ونااااااااااااااااسه.. بس جنه متروس اكل.. انا ايووع روحي وما انزل مادري اهو كيميائي؟
مشكوره وناطرين نتايجج اميره..

 

[كويتيه والماسه]

من باجر بجربه ان شاء الله انزل ادعولي

 

[كويتيه بالرياض]

موفقه
وناطرينج ؟؟
بس بنات جنه متروس اكل

 

[@شمس الضحى@]

رجيمكم يشبع واايد

 

[berry]

اميره قوليلنا شصير معاج

 

[فطيرة]

تصدقون بنات لمن حسبتها بموقع http://www.moh.gov.sa/badana/Calories.htm


تدرون كم سعرة حرارية اذا اكلتى باليوم طبعا انا اكثر شى اخترته الاول تدرون كم يطلع بالنسبة لليوم الاول تقريبا 1209سعرة حرارية

يعنى يعتمد على تخفيف الاكل عرفتووووووووووووووووووا طبعا على حسب كلام البنت فية رياضة يعنى حرق حراق اتوق من دون رياضة والله اعلم مايفيد لازم رياضة

 

[*أميره بكلمتي*]

مشكورين والي تقول متروس اكل اهو الرجيم سعرات حراريه بس الدكتوره حطته لك بجدوول ومترتب

طيب انا حسب كم احتاج من سعره حراريه طلع لي ذا

إحتياجك اليومي من السعرات الحرارية : 1,470 سعرة حرارية

بنات والله رووعه الرجيم يخليك طوول اليوم نشيطه ولا دووخه ولا شي وتقدرين اتسوين رياضه

وش نبي احسن من كذا

 

[*أميره بكلمتي*]

يوم الثلاثاء الصباح راح احط لكم كم نزلت على الرجيم وشنهي الرياضه الي سويت معه:ada:

 

[شيخه***البنات]

مشكووره ياقلبي و ناطرين تجربتج وخووش رجييم بصرااحه ...

 

[أميرة حالمة 33]

اليوم الوعد يااميرة

ناطرينج

 

[قطوة _كيوت]

وناسه بعد اسبوع ابتدي فيه اختمه مطعم بعدين اسويه لوووووووووووووووووووووووووووووووووووول لازم وجبه قبل رجيم

 

[شيخه***البنات]

اميره بكلمتي .. اليوم الثلاثا ماحطيتي لنا اشكثر نزلتي ناطرينج ياعسوله ..