ريجيم د.محمد ربيع ( للمرضعات )

[مـ..ـ‘َِـيآوَِّ]

بسم الله الرحمن الرحيم

السلام عليكم ورحمة الله وبركاته

اليوم رحت لعيادة الدكتور محمد ربيع وقلت له اني ولدت بتاريخ 26/11 يعني انا نفاس ومرضعه

وابي انزل وزني قالي انتي بس اسمعي كلامي وراح تنزلين طبعا ما راح اقول كم وزني لانه يفشل حيل

بس كل اسبوع بقول لكم كم كيلو نزلت اول شي التعليمات اللي عطاني ياها التسميه فبل الاكل والاكل ببطئ

شرب الماء وقالي لازم تاكلين اكثر شي خضراوات لانها تساعد بالرضاعه وبالوقت الحالي لاني والده قيصريه حركه خفيفه

قالي امشي بالغرفه اللي ابنج فيها

نبدأ بالوجبات :

الافطار :

2 شريحة توست او نص خبزه ( وقالي مو مهم اذا ابيض او اسمر عادي مافي فرق )
+ قطعة جبنه ( قليلة الدسم ) او ملعقة لبنه
+ 5 زيتون
+ كوب حليب ( قليل الدسم )

بين الافطار والغدا :

5 تمرات وحليب ( تقدرين تشربين الحليب مع شاي او قهوه او نسكافيه )

الغداء :

ملاحظه ( انا ما اكل لحم وعلشان جذي الدكتور عطاني دجاج وسمك بس لحم انا للاسف ما احبه )

اليوم الاول : نص دجاجه + سلطه ( خس - فلفل - طماطم - خيار واي شي خضار تقدرين ضيفينه )

اليوم الثاني : علبة تونه كبيره بالزيت + سلطه

اليوم الثالث : 8 قطع شيش طاووق + سلطة روب وخيار ونعناع

اليوم الرابع : 3 شرائح سمك + سلطه

اليوم الخامس : طبق ملوخيه + سلطه

اليوم السادس : يكرر يعني نفس اليوم الاول

واليوم السابع : نفس اليوم الثاني

الدكتور قالي اقدر اكل نص خبزه مع الغداء او صحن رز صغير كبر علبة الروب

بين الغداء والعشاء :

5 تمرات + كوب حليب

العشاء :

2 افندي + 1 كيوي + 1 برتقال ( فواكه ) + كوب لبن او حليب


وبس ادعولي ان شاء الله اضعف

والاسبوع القادم راح اقول لكم شنو صار وياي ان شاء الله

 

[رسَــيــل]

موفقه يااا رب ..

ريجيمه لااا يعلى عليه ..
وان شاااء الله بتضعفيييييين بدوون ما يأثر عالبشرة والشعر ...


ونااطره نتااااااايجج ..

 

[مـ..ـ‘َِـيآوَِّ]

موفقه يااا رب ..

ريجيمه لااا يعلى عليه ..
وان شاااء الله بتضعفيييييين بدوون ما يأثر عالبشرة والشعر ...


ونااطره نتااااااايجج ..

تسلمين يا غاليه

وان شاء الله بكتب شنو راح يصير وياي

 

[راقية بأخلاقي]

الله يوفقج يا حياتي وناطرين النتايج وانا ان شاء الله بعد الولاده بروح اراجع عنده

 

[NODA 2]

رجيمج حلو وسهل بس دربالج من الملوخيه لا تكلينها ما تخليج تنظفين بسرعه يعني نطري شهرين وبلشي فيها والله يسهل عليج

 

[مـ..ـ‘َِـيآوَِّ]

الله يوفقج يا حياتي وناطرين النتايج وانا ان شاء الله بعد الولاده بروح اراجع عنده

تسلمين يا قلبي

وانتي اقرب وحده لي وان شاء الله راح تلاحظين الفرق اللي راح يصير

وتقومين لنا بالسلامه يا رب

 

[مـ..ـ‘َِـيآوَِّ]

رجيمج حلو وسهل بس دربالج من الملوخيه لا تكلينها ما تخليج تنظفين بسرعه يعني نطري شهرين وبلشي فيها والله يسهل عليج

مشكوره اختي الغاليه على مرورج الكريم

وان شاء الله بقول للدكتور على هالملاحظه اللي كتبتيها لي

 

[بدوره 22]

مياو حبيبتي انتي يا بنت تجمهي فديتج والله

الله يقدرج وتضعفين


انا بعد الحين قاعده اسوي ريجيم بس مع الدكتور عبدالله المطوع ويارب نضعف على صحه وعافيه يا حي يا قيووووووووووووم

 

[ام ورود مول]

الله يوفقج
شدي حيلج

 

[مـ..ـ‘َِـيآوَِّ]

مياو حبيبتي انتي يا بنت تجمهي فديتج والله

الله يقدرج وتضعفين


انا بعد الحين قاعده اسوي ريجيم بس مع الدكتور عبدالله المطوع ويارب نضعف على صحه وعافيه يا حي يا قيووووووووووووم

هلا وغلا بدوره

يفداج الكون حبيبتي

وانا كنت ابي اروح عند عبد الله المطوع بس كنت محتاره بينه وبين محمد ربيع واخترت محمد ربيع

على العموم ان شاء الله نضعف من غير تعب ونوصل للوزن المثالي باقرب وقت يا رب

 

[مـ..ـ‘َِـيآوَِّ]

الله يوفقج
شدي حيلج

تسلمين يا الغلا

 

[مـ..ـ‘َِـيآوَِّ]

اليوم كان موعدي الثاني عند الدكتور

المهم طلعت نتيجة تحليل الكمبيوتر ونسبة الدهون بجسمي شي مو طبيعي ان شاء الله انزلهم باقرب وقت

ونزلت هالاسبوع 3 كيلو والحمد لله بدايه حلوه باذن الله

الدكتور علمني بعض الحركات قالي سويها بالبيت عشر دقائق علشان احرق دهون ( رياضه )

وعطاني ريجيم جديد وراح اكتبه لكم

الافطار :

شريحة توست + جبنه او لبنه + نسكافيه حليب او شاي حليب

بين الافطار والغداء :

3 تمرات او عصير

الغداء :

اليوم الاول : سمكه + سلطه

اليوم الثاني : نص دجاج مع ملوخيه او خضار

اليوم الثالث : سمكه + سلطه

اليوم الرابع : 8 قطع شيش طاووق + سلطه

اليوم الخامس : يكرر اليوم الاول

اليوم السادس : يكرر اليوم الثاني

اليوم السابع : يكرر اليوم الثالث

ومع الغداء اقدر اكل ربع خبزه وهالمره مكثر لي السمك لاني انا اصلا ما اكل لحم مثل ما قلت وقالي لازم هالاسبوع اني اكثر سمك

ولازم اكثر من شرب الماي لانه يبي ينزلني خلال شهرين 25 كيلو باذن الله

بين الغداء والعشاء :

3 تمرات او عصير

العشاء :

عندي خيارين بالعشاء

(1) كيوي + (1) برتقال + ربع اناناس + خس

او 2 شريحة توست + جبنه او لبنه + سلطه

وبس ان شاء الله اضعف هالاسبوع مثل الاسبوع اللي طاف واكثر

 

[شيخه***البنات]

ماشاء الله خوش رجييييم الله يوفقج ان شاء الله ..

 

[مـ..ـ‘َِـيآوَِّ]

ماشاء الله خوش رجييييم الله يوفقج ان شاء الله ..

تسلمين يا غاليه

 

[راقية بأخلاقي]

ناطرين موعدج القادم وبالتوفيق يا بعد عمري ويا ربي تنزلين للوزن اللي تبينه

وان شاء الله انا بكون معاج وبتابعج

 

[مـ..ـ‘َِـيآوَِّ]

ناطرين موعدج القادم وبالتوفيق يا بعد عمري ويا ربي تنزلين للوزن اللي تبينه

وان شاء الله انا بكون معاج وبتابعج

فديتج يا قلبي انتي

ومشكوره على المتابعه

وان شاء الله انزل هالاسبوع

 

[راقية بأخلاقي]

اليوم موعدج لا يكون عبالج نسينا وكلها كم ساعة وتبشريننا كم نزلتي

صرنا ننطر يوم الميزان مثل الرابح الاكبر لووووووووووووووول

الله يوفقج

 

[مـ..ـ‘َِـيآوَِّ]

اليوم موعدج لا يكون عبالج نسينا وكلها كم ساعة وتبشريننا كم نزلتي

صرنا ننطر يوم الميزان مثل الرابح الاكبر لووووووووووووووول

الله يوفقج

لووووووووووووووووووول يا عمري انتي متابعه انا قلت خلاص مافي تشجيع ولا ردود فما عاد اكتب شي

بس لعيونج بكتب حبيبتي والله

 

[مـ..ـ‘َِـيآوَِّ]

لعيون راقية بأخلاقي

رحت للعياده يوم الاحد وكنت نازله 3 كيلو يعني للحين نازله 6 كيلو باسبوعين والحمد لله

عطاني ريجيم جديد

الافطار :

(1) كيوي + (1) برتقال

بين الافطار والغداء :

2 شريحة توست + جبنه او لبنه + نسكافيه او شاي

الغداء :

اليوم الاول : نص دجاج + طبق خضار مشكل ( كوسه - زهره - فصوليه خضراء - بصل - طماطم )

اليوم الثاني : سمكه + خضار

اليوم الثالث : نص دجاج + سلطه او تبوله

اليوم الرابع : نص دجاج + سلطه او ملوخيه

اليوم الخامس : يكرر اليوم الاول

اليوم السادس : يكرر اليوم الثاني

اليوم السابع : يكرر اليوم الثالث

ومع الغداء اقدر اكل ربع خبزه

بين الغداء والعشاء :

فواكه مجففه (1) تين + (2) مشمش

العشاء :

2 شريحة توست + 5 ملاعق فول او جبنه اوطبق فاصوليه حمراء او بيضاء + عصير اناناس

وبس ان شاء الله موعدي يوم الاحد وان شاء الله يكون وزني نازل

 

[الولو]

الله يوفقج حبيبتي