ريحة فروة الراس الكريهة هل لها من حل :(

[قدها وقدوود]

الحل ماكوغيرهم الحنا والسدر الحنا حطيه والسدر غسلي شعرج فيه حطي قفشتين سدر مع ماي خليه رخو وبللي شعرج وصبيه وتمي فركيه راح يرغي وينظف نفس الشامبو ويكثف شعرج وتمي تسبحي وفركي جسمج وغسلي وجهج تالي غسليه ومو يوميا لا مرتين ثلاث بالاسبوع وراح ينشف شعرج ويعالجه

 

[ذات الهمة العالية]

حنة جويرية حيل يمدحونها

 

[barbya_q8]

بسالج جم سوال وجاوبي لا تهملين سوالي ؟؟

تشمين ريحة جنها حرق جنه شعر محروق ؟؟


تحسين بحرارة بفروة راسج ؟؟

 

[أمجاد الكويت]

بعد قلبي والله بنات ما قصرتو الاجماع على الحنة والسدر عسى تتحنون بحنة الجنة يااارب

 

[أمجاد الكويت]

بسالج جم سوال وجاوبي لا تهملين سوالي ؟؟

تشمين ريحة جنها حرق جنه شعر محروق ؟؟


تحسين بحرارة بفروة راسج ؟؟

شوفي بعد قلبي ريحة حرق لا ما اشم انا الريحة الي اشمها ريحة شعر وصخ عرفتي ؟؟
اما بالنسبة للحرارة امبلى في بقمة الراس جنه شي يغلي
لييييش؟؟؟

 

[barbya_q8]

مابي اخوفج بس اشوه ماكو ريحة حرق انا كان فيني جذي وريحة حرق وحرارة بقروة الراس وكله حسبالي من شعري طلع المشكله براسي سمله علكم كلكم بس هم لا تهملين تاكدي وسوي اشعة

 

[omsalooom@hotma]

بعد ما تخلصي من غسيل شعرج حطي كم قفشه من النسكافييه ذوبي بشوي ماي وغسلي شعرج في وبس راح تخف الريحه

 

[kaify q8ya]

جربي قبل السباحه بنص ساعه حطي على فروة راسج روب مع شويه ليمون وفركي فروة راسج شوي شوي وعقب غسلي شعرج عادي بالشامبو راح يطهر فروة راسج ويعقمها واخر شي غسلي شعرج بماي فاتر موحار ولاحتى دافي
وكثر ماتقدير لاتستشورين شعرج ترى بيخلي شعرج يدهن من الحراره واذا لازم تستشورينه لاتخلينه على الحار
والشعر الدهني يبيله يوميا ينغسل بالشامبو هذا رايي وموفقه يارب

 

[sunshine22]

ارجعو للحنا


والله انا ماخليت هاي لايت وبرغندي ولون اسود
وشعري حت وقشره من النص ويوميا سبووح لاعت جبدي ومرات صبح وليل

والحين شعري ماشاف الحياه الا مع الحنا والدهن والله
يوم حنه يوم دهن مره بالاسبوع ما ياخذ من وقتج

 

[حواء الكون]

حبيبتي القهوه خراااافه جربي تغسلين شعرج بالقهوه ( نسكافيه ) وادعي لي .. وحلاته معاها ليمون

 

[حواء الكون]

شوفي دوري بمواضيعي طريقة الحنا والسدر بالقهوه .. للشعر الدهني والله خرافه توخر الريحه اللي بفروة الراس الدهنيه اختي عندها هالمشكله وانحلت

جربيها وادعي لي بالخير

 

[مصممة أزياء]

يبي لك تعالجي ذهنية شعرك لانها هي سبب المشكلة اذا تخلصتي منها بالاول تنفع بعدها المطيبات وغيره

 

[bobo lover]

حنة وسدر ورشوش اخذيه من حريم وتروح الريحة صدقيني عالاقل مرتين اسبوعيا

 

[نعم نعم شنو]

حبيبتي غسلي بصابونه الافريقيه وخليج 5 دقايق تفكرين شعرج من قمة الراس وبعدين غسليه صح ينشفه وايد
بس والله وايد زين وحطي بعدين بلسم و ادعيلي

 

[بـخور الدواسـر]

الحنا رهيب لكل مشاكل الشعر يعني القشره اللي مخسبقه العالم لبخة حنه وحده تطيرها من اساسها
والتكرار خلاص يزيل المشكله من الجذور جربي وحطي لبخه كل اسبوع او كل اسبوعين مره وشوفي بيخف الدهن والريحه
واذا ماتحبين ريحة الحنه عندج الخمريات طبي وتخيري فيهم

 

[مزيونه وشقره]

حنه وسدر و قفشه صغيره ملح وقفشه صغيره ملح وقفشه صغيره شاي ناعم وحطيها مره بالاسبوع

 

[منو انت]

الــحــنـــه

 

[فيروز خانوم]

الحنه

 

[مزيوونة]

اب اب

يمكن غامتة شعرج ؟؟ يعني كلة لامتة خلية يتنفس شوي لما تغسلين شعرج بشامبوج خلية ملموم بالفوطة شوي ليما تحسن اة بدا ينشف ربع ساعة جذي عقبها نشفية وفلية وووبس