ريحه شقتي اخمووووووووووووره

[ام سعودي]

السلام عليكم
بنات تكفون ساعوني
من ادخل شقتي اشم فيها ريحه شي امخمر وياربي عيزت ادور ما كو شي مسبب الريحه
عندكم حل؟؟؟؟

 

[النوالنو]

يمكن من الملابس الغسيل

 

[pink-rose]

؟؟؟؟؟؟؟؟؟؟؟؟
يمكن اذا كان المطبخ داخل الشقه تصبغ بالشقه ريحة اخموره

شوفي ----> انا حاطه ابشقتي فواحة بدي شوب وبعد الطباخ اشبها واترسها
بالزيت( اخذي الي علي فانيليا او فراوله ريحتهم قويه )

وبخري الشقه علي طووووول ورشي القنفات وحتي قطع السجاد بالعطور الشرقيه
المركزه ( انا استخدم عطر شذي العود من الرصاصي) ريحتهم اطول
وحتي اذا صارت اخموره عالاقل لما تروحين صوب الصاله وتقعدين تشمين ريحه
حلوه بالقنفات

وفي ممرات الشقه ---> حطي من الجهاز الي يحطون دعايته الي فيه معطر وكل 10 دقايق يبخ
( اعتقد من اير وك)

ان شاء الله اكون ساعدتج :eh_s(8):

 

[ام سعودي]

لا واله اعلة خيير مو من الملابس ماني عارفه شنو؟؟؟

بنك روز ماقصرتي والله يرزقج الذريه الصالحه يارب

 

[منورة الكويتية]

اخاف فار ميت ماتدرين يبووو ناس يرشون البيت
او من البيت نفسه

 

[mar_mar]

انا اخاف من فوط الغسيل او الممسحه او فوط التنضيف ساعات اتكون السبب




الي احن قلب الي من فقدتها في حياتي
اللهم اغفر لامي وارحمها وسكنها فسيح جناتك اللهم امين

 

[SILVER ROSE]

يمكن من الزل حايشة ماي ومخمر

 

[وروود]

حبيبتي اكيد في ماى طايح على زوليه
ومو ناشف ويطلع هالريحه

انا مره بغرفة نومي كنت حاطه ثلاجه صغيره
وبعدين طلعت ريحه استمرت يومين
سويييت استنفار ليما اكتشفت ان اثلاجه تخر ماي على الزل
وبعدها نظفت المكان وفتحت الدرايش وبخرت لين راحت الريح

 

[ام فهووودي]

يمكن في مكان قاعد ينزل منه ماي واذا حاش الزل تطلع هالريحه

او ان في سوائل منكبه على الغنفات وانتي ماتدرين عنها على طول غسليها بفرشاة وفيها ديتول وماي

وان شاء الله اتصير ريحه شقتج رووووووووووووووعه

 

[alnoof]

دوري برا الدرايش يمكن في حمامه ميته لان مره صارت لي

 

[حناينq8]

حبيبتي خاف مكبوب على الزوليه لبن او حليب لانه يطلع ريحه كريييهه اذا انكب
او حتى الماي يسبب خموره

غسلي الزل بالماي والديتول

وبطلي الدرايش

 

[*الوهج*]

مثل ما قلو البنات يمكن شي مكتوت على الزل أو الغنفات أو الفوط .على العموم حاولي قبل لا تعطرين البيت عقمي الفرش والزل بفريش لروائح المنزل والأثاث تلقينه بالجمعيات وبعدين عطري وبخري الزل والغنفات سويلج خلطة استكانه من لينور وغرشة عطر اللي تحبين حق الفرش والغرف مثل روح البخور وتولة دهن ورد يعجبج وفركي فيهم الغنفات والزل وبعدها بخري وتعالي شوفي...شقة عرووووس تصير ....وادعيلي

 

[@@@ام حمووودي@@@]

مثل ما قالو مكتوت على الزوليه يا ماي او حليب اولبن ....... غسلي الزوليه وفتحي الدرايش وخلي الشمس تدخل بشقتج
وهالله هالله بالبخووووووووووور ...,,,,,
وموفقه يا قلبي

 

[دندونة]

اتوقع شي منكب عالزولية .......... صارت معاي وطلعت ريحة تلوع الكبد

 

[ام سعودي]

تسلمون وما قصرتي صج افكاركم عجيبة وبدت تروح ريحت الخموره الله يعطيكم مليون عافيه

 

[بحر الرمال]

ترا مرات من التكييف اذا سنترال او عادي و ماتنظف فتره طويله تتيمع عليه البكتيريا و مع الرطوبه ايخمر

 

[**بياض الثلج**]

اتوقع التكييف او ادوات التنظييف ترى اذا مانشفت يخمرون او الغسسييل..... والله يعييينج

 

[ro0o0oni]

حبيبتي شيكي على بلوعات الحمامات(الي في البانيو او المغسل او الارضيه) او بلوعات المطبخ(الي في المغسل او الارضيه) .. (انتو والكرامه)..لانه ممكن متجمع اوصاخ فيها ..ومع الحر تفوح روايح منهم