ريلج يخــونج .. تقولين له وتبتلشين..والا تسكتين وتنقهرين!!

[*مطبخ الذواقة*]

بسم الله الرجمن الرحيم

لاحظتي تغيرات على تصرفات ريلج ..

فجأة التلفون صارله رقم سري

فجأه تزيد معدلات وينكم فيه .. أمركم بعد شوي .. وين رحتو

وأسلوب المخاطبة الجماعية اللي ما تصلح حق شخص فردي :eh_s(10):

درج السيارة دايم مقفول

تغيير تصرفات

سرحان زايد

فجأة يصير حسيس

وتقل الأوقات اللي يتقرب فيها منج

وفجأة يكتشف أنج متينة حتى لو انتي ضعيفة

وصار ما يعجبه خشمج اللي من تزوجتيه واهو مركب عليج!!

ولا يعجبه طباخج اللي طول عمره يتغزل فيه.

بدت عيوبج تزيد ..

وميزاتج تقل ..

مع انج انتي انتي.. ما تغير شي فيج




وفجأة تكتشفين بالصدفة انه فيه وحده غيرج بالصورة ...

وتكتشفين ألف دليل على خيانته..


هل ,,,

تقولين له هالشي وتواجهينه .. وتنحطين أمام أحد 3 احتمالات ..

الأول:


أنه يقلب الحق عليج ويتهمج بالتجسس وبدل ما تكونين صاحبة حق تصيرين محقوقة !!



الثاني:

يتأسف ويمكن يبجي ويحلف انها نزوة وماراح تنعاد


الثالث:


خلاص انتي عرفتي وعرفتي .. يعني أكبر عاصفة يتحاشاها طول الفترة الماضية خلص هبت .. باختصار .. اللي بالخش يصير ظاهر .. واللي ينخش يصير جدام عينج .. واللي بتسوينه سويه !!








والا تسكتين .. وتطنشين .. وتخلين الأمور تمشي مثل ما تمشي بدال ما تجازفين بنتيجة غير مضمونة ؟؟

وتطبقين مبدأ

إنتي شنو بيكون تصرفج واختيارج ؟؟

 

[BubbLe87]

يمكن ردي ماراح يعجب ناس وايد
لاني مو من مؤيدين سكتي و سويلة جو و كشخي و طبخي و احتويه و فهمي شالسالفة
لا راح اقلب الدنيا عليه و اعفسه عفسه عمرة ما حلم فيها اخلي الي يسوى و الي ما يسوى يتشمت فيه
ابهدل عيشته بكل شي اقدر عليه
تالي راح ابجي بيني و بين نفسي
و يمكن اطلب الانفصال

 

[احلا المزايين]

انا من رايي ان الوحدة مااتعلق بزوجها زيادة ع اللزوم سواء كان وفي. والا خاينواتحب نفسها اكثر
واذا كان خاين فهو يخون نفسه و عنده رب يحاسبه
وذنبه على جنبه ماراح اتحاسب معاه

 

[al-musk]

المواجهة ... ومافي شي اسمه شي سكاتي ويصير ظاهر لان بالمواجهه لازم يكون في حزم
مادري انا هذي طبيعتي ..

 

[ميريام فارسQ8]

انا عن نفسي ماراح اقعد دقيقه بالبيت لان اللي خانك مره يخونك عشره وكرامتي ماتسمحلي اقعد معاه ف بيت واحد وحتى لو سامحته ماراح اثق فيه وبتصير حياتنا كلها مشاكل وشكوك

 

[مشاعر أمرأه]

أنا مع الأخت اللي تقول لا تتعلقين بالزوج وايد لان هذا اللي لازم يصير
لانه بعدين مع الصدمه شراح يصير اتعب وأمرض واهو شايف حياته
ومرتاح لا والف لا او اسكت وانجعم وأموت من القهر وانا اشوفه طالع
وشايف حياته مستحيييييييييييل والف مستحييييييل
لا والله اقلب حياته عليه واهدده بالانفصال لا وقوله خل عيالك عندك
أنا بروح اشوف حياتي وأبدا حياة يديده ادري بتعارضوني بس هذا
مو من قلبي لأني اعرف ريلي مايتحمل مسؤليه وما يقدر يجابل العيال
فكافي اعيشه بهم وغم فتره اطلع حرتي منه .
شريررررره مووووو

 

[pink chiffon]

اكييد اقوله وخل يقول اللي يقوله واخذ قشي وارد بيت ابوي كل شي وله حد واللي يتجرا ويخون مرة ممكن يعيدها فافضل شي اخلي ابوي يتدخل عشان يكسره

 

[ma7rooma]

انا عن نفسي ماسكت اتفاهم معاه

 

[احلا المزايين]

وبعدين بعض الخوات قالوا ناخذ قشنا وانروح لا هلنا هههههههه اهو هاذا اللي يبيه عشان ياخذ راحته اكثراقترح تقعدون ع قلبهم واتعيشون حياتكم بنظري اللي مايمسكه دينه مايمسكه الاخلاص
ويقدرون يحطونلهم موبايلات ثانية عشان ماانحس فيهم والف وسيلة للخيانة اللي صارت سهلة ليش لا والبنات اهم صاروا يقطون نفسهم ع الرجاجيل واهو مهمن كان رجل مو منزه عشان يرفض كل وحدة اتقط نفسها عليه
الزبدة لا اتعيشون الحلم الوردي وتوثقون
كونوا واقعيين
سوي كل اللي عليج كزوجة بس لا اتخلين قلبج وفكيرج لزوج ممكن يبيعج باي لحظة
مارسي هواياتج
عيشي حياتج
ربي اعيالج
واذا جا زوجج سوي كل اللي عليج
واذا طلع من باب البيت انسيه وتذكري بس نفسج
وعيشي لنفسج لان الزوج هم عايش لنفسه
اما احطمم نفسي عشانه واوله عليه وماادري شنو خرابيط مابتاكلها الا راعيتها
لانها اذا انصدمت بخيانته احتمال كبير تصيبها جلطة والاتموت لا سمح الله
احنا معطين هالزوج اكبر من حجمه حتا اعيالنا اهملناهم ماعير انفكر نرضيه وهو ولا درا عننا

 

[غـرامـي أنـت]

أتوووقع اني أذبحه علئ طووول

ههههههه لا امزح بس اكيييد ماراح اسكت

 

[Perfume]

أواجهه طبعاً بعد ما أهدأ
مستحيييييل اطنش او اتصرف انه ماصار شي واني ماعرف شي
وسمعت معلومة من فوزية الدريع انه اكيييد بيقلب الموضوع عليج وبقولج ليش تجسسين علي !
عشان جذي اول ماتفتحين الموضوع قوليله انا اعترف اني غلطانة لما فتشت باغراضك ، راح يستمر باتهماج بقولج انتي تجسستي علي قوليله صح وانا غلطانة
بقولج انتي غير امينة قوليله صح انا غير امينة بس هذا موضوع خله على صوووووب وخل نتناقش في الموضوع الاهم

الله لا يحط وحدة بهالموقف ويسخر لكم ازواجكم

 

[modern]

ما في نفع اني اواجهه،،،، اكيد اجمعله اغراضه و اخليه يترك البيت و اقعد ببيتي انا و عيالي و خلاص

 

[المشاعر تحبك]

يعني الحين يا أفضحه يا أسكت !! لا طبعا

ليش ما أقعد وياه وأقوله يا فلان أنا عرف السالفة وأبي أعرف أنا اشقصرت فيه وشنو اللي كنت تبيه وأنا ما سويته .. ليش تلتفت للحرام وأنا موجودة .. اللي تسويه ضايقني وأحس إنه بدا يهز صورتك الكبيرة بعيني ومن هالكلام

صدقوني الرجل مثل الطفل ما يجي إلا بالمسايس .. تقلبين الدنيا عليه إنتي اللي راح تتعبين نفسيا لأنج إذا عاندتي بيعاند
تسكتين !! هذا مو حل للمشكلة


وهذا الكلام قاله لي ولد خالتي .. قال المره حتى لو صادت زوجها يخونها المفروض تجيه وتكلمه بس بطريقة هادية وصدقيني بيتسنع لأنه راح يتفشل من عمره مهما كان ردي !!

 

[طير الحب]

عن نفسي ماسكت

 

[ناسفه البرقع]

مادري تصدقين دايما اسأل الي راح تنحط بهالموقف شتسوي :eh_s(4):

والله لا يحط احد فيه :eh_s(2):

 

[*مطبخ الذواقة*]

الف شكر على آراءكم المختلفة
وبانتظار المزيد من وجهات النظر

 

[ام فهود وشهود]

اناانحطيت بهالموقف
والله لا يعوووووده
لان سويتت الخيار الاول
واحهته وطلعت انا الغلطانه
بس تالي ياني وقال نزوة وبس

 

[خلطات المذهله]

لازم التطنيش ومايصير يعرف اني مكتشفته مثلا علشان لايتفرعن ويصير الوضع عادي

الوحده فينا مفروض تنبش وراه وتحمي بيتها بدون لايعرف اصلا انها فاهمه السالفه

 

[؛؛حلاوه؛؛]

اذا موقفج قوي واجهي وعطيه درس خليه يندم

ويركض يراضيج

انا اذا بتواجهينه وتقعدين عنده بالبيت وتسامحينه جنه ماسوى شي

تسكتين احسن

 

[الغضى]

كل مره وتعرف شخصية ريلها


1)اذا ينفع معاه الكلام والتفاهم واللوم
وانه راح يندم ويرد لها,,,,اوكي تواجهه


2)اذا تعرف انه مراوغ وجذاب ومنافق
وما منه فايدة,,,خل تسكت وتصبررر.