ريلج يخــونج .. تقولين له وتبتلشين..والا تسكتين وتنقهرين!!

[صمت المرافئ]

ما صوتت لأني بصراحة محتاره
يا رب ان شاء الله ما يصير
بس بتخيل لو صار ....
الشي الأكيد ماني طالعة من بيتي ...
وليش أطلع واروح بيت أهلي ... شكو !!!
اهو اللي يطلع من بيتي وبيت عيالي
وباللي ما يحفظه
​

 

[dalo0oa121]

اطقع له واسوي روحي ماعرف لكن اذا تمادى وطلع من البيت تقريبا اسبوعين ومن هالامور
اكيد بفكر بحل بس على حسب شخصية ريلي وانا للحين ماتزوجت لكن حبيت اكتسب خبرة من
تجاربكم

 

[*مطبخ الذواقة*]

up up up​

 

[om sa3d]

اب
اب
قهررر بصراحه

 

[*مطبخ الذواقة*]

مع احترامي لكل وحده قالت ابهذله واتهاوش وياه واطلع واخليه و و و و ..

تهدين بيتج عشان وحدة ما تسوى ماطاج !!!!!! وحدة كل من هب ودب حبها ولعب عليها ومو بعيدة لمسها !!!

تواجهين مشكلة كبيرة هالشكل بالهروووب !! وتظنين نفسج قوية !!! انتي ضعييييفة وهششششة وأي شي يكسرج

حبيتي فتحي عيوووووووووونج شوفي العالم الحين ...

أول شي بأذكرج بحديث أحسن خلق الله محمد صلى الله عليه وسلم

رواه أنس بن مالك رضي الله عنه " يأتي على الناس زمان القابض على دينه كالقابض على الجمر" [رواه الترمذي] .

تعرفين شنو يعني قابض ع الجمر ؟؟ كل المغريات جدامه ف تليفونه كل برامج السكس (( أعتذر بس بأتكلم بعين العقل ))

برامج سكس برامج شات ودردشة صوتية وفيديو وكتابية ..

أدخلي برامج من هالشكل أدخلي السكاي الهوز هير حتى التويتر والفيسبوك ماسللم منهم ..

بتقولين ليش أدور ورا هالاشياء ما أقولج دوري وراها تعلمي منهم لا وألف لا انتي غير انتي أشرف وأنظف وأطهر أنتي أم وزوجة وحبيبة وعشيقة ..

أنتي الي يواجه فيج أمه وأبوه وأهله وربعه ..

واجه فيها أحد !! لا .. لأنه عارف أنها مو كفو نفسج ..

بس أدخلي هالبرامج شوفي الهوايل بايعة نفسها بدينار!!

صور مغرية انا نفسي أنصدم من الجمال والإغراء الي أشوفه ..

والبنات هالأيام ماشاء الله حذف ع الرياييل يدورونهم دوارة ..

ولو تلاحظين كثروا البجريات الي يوافقون على متزوج وأبو عيال لأنها ماتبي ارتباط بحمل وولادة وتربية تبي ريال يدلعها وبس !!!!

وانتي تشوفينها وتاخذين قشج وتنحاشين وتعتقدين انج انتصرتي لا حبيبتي هذا ضعف هذا غبااء هذا قلة حيلة وقلة حكمة ..

أنتي أقوى وأحسن وأفضل ..

المواجهة أكبررررررررررررررررررررررررر غللللللللللللللللللللللللللللللللللللط ..

سكتي جنج ماشفتي شي بسسسسسس ابتعدي تجاهلي حسسيه بأنه مو موجود

لا تقولين بأكشخ وألبس وأنتظره !! لا خلج عزيزة نفس ..

خله يعرف قدرج صج يرد البيت لا تقابلينه بإبتسامة كالعادة وماتكشرين بعد !! عادي عامليه كصديييييييق أو زمييييل أحسن ..

يدش البيت طالعي فيه نظرة عادية سألج ردي عادي حطي له غداه عشاه أي شي وروحي انشغلي بنفسجج

دلعي نفسجج منهو عشان يسلبني حب نفسي وراحتي أحبه بس أحبني أكثر ..

انسيييييييييييييييييييييييييه أرجعي انتي أيام العزوبية البنت الي تهتم وتطلع وتضحك مو تقابل ريلها وبس !!!!!

بحكمة استرجعيه .. مو بغباء اهدمي بيتج !!

الكلام وايد وما أقدر أخلصه بسرعة ...
بس بأختصره ..

اكتشفتي خيانته
تجاهليها
تجاهليه
استعيدي نفسج
حبيها
واعتني بنفسج
تعطري لبسي كشخي بسسس مو على هواه !! على هوااااااااج انتي وماتحبين أنتي
حسسيه بأنك انسانة مشغولة
انسانة مو هو كل شي بحياتج
وانتي نفسج اقتنعي بالهاشي
مارسي هواياتج القديمة الي تركتيها بعد الزواج
خذي عيالج وطلعي وياهم
لعبيهم بالبيت جدامه وشوفي كيف بس بيحاول يشاركج لا تضعفين وتشقين حلجج
لا .. عامليه كــ زميل زي ماقلت لج قبل
شوي شوي اسحبيه من بيت العنكبوت الي نصبت عليه وشوس شوي استرجعيه لقصرج وتحت ملكج
المصارحة اكبر غلط لا يدري هو ولا تدري هي العبي بالطرفين ..
ولا تقولين ما أبي أبحث وراه وأشوووف عشان ما أكرهه أكثر !!!!

لا شووووووووووووووووووووووفي عشان يوصل لج شي واحد .. انج الباقية الوحيدة ف حياتج ومراح ينفعج الا نفسج ..
والا الريال ممكن يتغير بأي لحظة

أرد وأقول الكلام حيل وااااااااااااااااايد بس عندكم الدكتورة ناعمة الهاشمي أقروا القصص الواقعية الي تكتبها وهي للمراجعات عندها وهي استشارية اجتماعية صدقيني راح تتعلميييين واييييييييييييد

آسفة ع الاطالة

ما شأالله عليج كفيتي ووفيتي
وكلامج عدل 100%
ما في انسان معصوم من الخطاء واقرب خطاء ترتكبه الزوجه لما تصارح الزوح
وتنشر خبر خيانته


يصير يلعب على المكشوف والرابحه الوحيده بنت ابليس




شكرا على مرورج الكريم اثريتي الموضوع

 

[خالتي قموش]

الله يكفيكم شر الخيانه
انا مع اوركيدا

 

[كلهم مايعجبوني!]

لا طبعا ماراح اسكت له وامشيها

بواجهه واقلب عليه الدنيا واهدده

لاني اذا سكت بيتمادى

حتى لو تسنعت وجبته بالمسايس

يطلع موقفي ضعيف كأني راضيه عليه واقوله يافلان عادي

لازم يكون لي موقف قوي ييوقفه عند حده

واذا ماوقف عند حده الانفصال افضل من الحياة مع خاين

 

[بنوته ستايل]

اممممم اكيد ماراح اسكت بسس مسأله اتطلق ولالا تتوقف ع العيال اذا عندي عيال منه بسامحه غصبن علي كاسرين ظهري واذا ماعندي عيال منه مسسسستحيل اعيش معاه ف بيت واحد..


بس بالحالتين راح اواجه عشان يعرف قيمه نفسه وينقد ع نفسه ..


الله يبعدنا واياكم عن الخيانه والله لايحط وحده فينا بهالموقف..

 

[((shoOoshoOo))]

موعارفه شسوي !

 

[خالتي قموش]

جبتلكم بعض نصايح ناعمه الهاشمي
وعجبني كلامها احسه مقنع


_زوجك لكى انتى وحدك لا تخلين اى واحده تاخذه منكى ولا تتخلين عنه بسهوله ولا تتنازلين عنه لاى امراه

_اذا يأستى من تغير تصرفات زوجك فابدى بنفسك ان الله لا يغير ما بقوم حتى يغيرو ما بانفسهم

_كونى قويه انتى اهم امراه فى حياتك بعدك وبعد حزنك لازال هناك طفل انتى عالمه ولازالت هناك امراه انتى وانتى فقط عالمها تذكرى ذالك وكونى محور مهم فى حياتك حولى اهتمامك منه الى اهتمامك بنفسك واتركيه دعيه وفكرى فى نفسك فكلما اتجهتى نحو نفسك ذادت جاذبيتك وثقى فى ذالك

_كونى قويه ومهما رايتى لا تتهورى ابدا ان ادنى خطا قد يسبب لكى المتاعب كونى حذره واعلمى ان زوجك شخص جيد فلا تخسريه فانى اريدك قويه

_عندما تقررين ترك رجل تاكدى انكى غير محتاجه لاى رجل اخر مدى حياتك فلا تتصورى ابدا ان تجدى رجل يختلف عن السابق

_على الزوجه ان لا تبدا بمصارحة زوجها بخيانته حتى تكتسب عشقه اولا لو كان يحبها ولكن لا يعشقها فيسبب ذلك مهانه كبيره لها والرجل في هذه الحاله يصبح متهور جدا ويقوم بافعال مؤذيه للزوجه قد يندم عليها فيما بعد لكن الاوان قد فات وسترجح كافة العشيقه وذلك من شدة سيطرة هرمون العشق المرتبط برؤيته لها

_احبى زوجك فإن كان غير جذاب فى نظرك فهو جذاب فى نظر نساء اخريات

_ان كنتى مع زوجك فى مركب وسط البحر تتغازلا وفجاه تلاطمت الامواج واهتز المركب فهل ستستمران فى التغزل بالطبع لا لانكما ممكن تغرقا فانتى مركب زوجك واساس بيته وامانه وراحة باله فان حا معكى بالامان وكنتى خلوقه وامينه وتحبيه فسوف يطمئن ولكن العبيها بذكاء

_المراه تجذب زوجها لها بتفكيرها الايجابى

_كلهم يخطئون لكنك عندما تفكرين بعقل وحكمه وتدبر وتتحدين الشيطان فحتما ستنتصرى

_انتى بدون زوجك تتعبين وتتهاوشين اذ قاومى كل الظروف وحاولى الحفاظ عليه بعقل النساء ولكن غالبية النساء للاسف اغبياء ومتهورات ومندفعات وكاسولات ونائمات وغافلات تريد ان يحبها الرجل رغم عنه احبنى احبنى احبنى يا اختى الحب له دواعى واسباب الحب احساس يفرض نفسه لا تتسوليه من الرجل بل تميزى وتتطورى تلونى ثم ابدعى شخصيتك ودعيه يحبك رغما عنه ولكن ليس تجبريه على ذالك

_ان كان الرجل غبى او متهور او عديم الاحساس او خاين بالوراثه لابد من فرصه لاصلاحه انتى فقط عالجى الامر مع نفسك ولو كنتى تريديه اقبلى الحرب والجهاد ولو لست تريديه اتركيه يفعل ما يشاء

_ابدئى بنفسك وبيتك وتوكلى على الله ولا تكونى جبانه واحكمى زمام حياتك وسيطرى على حياتك ما دمتى تشوفين الصالح لها

_الرجل الذى خلقه الله بحاسة بصر قويه يحتاج دائما الى رؤية البهرجه التى يراها فى النساء الاخريات يحتاج الى رؤية الالوان وشم العطور المثيره وهو بحاجه ليرى زوجته فى هذ الصوره تقريبا كل 3 ايام

_ _اذا خان زوجك لا تواجهيه

 

[*مطبخ الذواقة*]

مشكورة خالتي قموش



وتعجبني مقالات ناعمه الهاشمي

 

[كلي لحبيبي]

لا هذي ولاهذي .. اسمحيلي بس جميع ردود الافعال الي خيرتينا فيها غلط ...!!


اول شيء اقعد جدام نفسي : شلي تغير جد فيني يمكن موخشمي ولا وزني بس اهتماتي قلت سوالفي سطحيه كشختي معتاده او محدوده اسلوبي صرت ماصخه او واحد من الربع .. اقارن بين اجمل ايامي معاه وبين الوضع الحين ..


ثاني شيء : شلي ناقصني عنها يمكن اهيا موجميله لكن دلع ترافه خنينه اغراء تهديه هدايه غير تعطيه كلمات ماقمت اقولها ..

يعني انا اذا واثقه اني حبه الاول اكيد الي يسويه سد فراغ عاطفي او تغيير روتين ممل اوك بنجرح ببچي بفقد الثقه بس مومعناته اهدم بيتي عشان بنت حرام يمكن كل الي تبيه هدايه وفلوس ... ان تكلمت خسرت نفسي وحياتي وكرامتي لان ماتدرين شالضروف !! وان سكت ماسويت شي ومت بحسرتي


الحل اني اقعد قعده صريحه مع نفسي عقب ما اهدا واذكر الله .. وارد انسانه جديده ارد لنفسي عروس واحطه صفر عالشمال واعطيه كل حقوقه وازيد عليهم * بالفراش فقط * وهالشي ضروري لان ماراح يقدسج الا اذا متعتيه ..


وللبنات الجريئات : احاول اجمع صورها ' اسجل مكالمات ' اجيب خبر هالبنت واحطها بفلاش وادزه بظرف للمحروس فالبيت بوقت انا موموجوده .. واكتب ان نسخه من الفلاش بتندز لبيت زوجتك واهل البنت اذا ماطرشت لي مبلغ وقدره واحط حساب فيزا مايدري عنها =)) اما البنت ادزلها واقولها نسخه لج ونسخه لخلق الله ان ماتركتيه =))



هذا غير الدعاء والصلاه عشان الله ايسر الامور طولت عليكم حبيباتي لكن اغلب الكلام استفدت منه من دكتوره نفسيه

 

[Lena]

أعجبني رد (كلي لحبيبي) عبقري جدا مبين انها شيطونه ههههههههههه
خاصه حركه الانتقام تبرررد القلب

بس أنا مع اوركيدا اكثر .. رزين و واقعي ردها

 

[*مطبخ الذواقة*]

حبيبتي كلي حبيبي

في بنات يخونهم الزوج وهم توهم عرايس

وبقمه ااجمال والاناقه
في رياييل ما يترس عيونهم شي ابد

ولو المرة تنشب أصابعها العشرة له وهو مغازلجي وخاين والله ما يبين بعينه


واللي يشوف تجارب البنات يشوف شكثر هم مظلومات


اشكر مرورج الكريم وتواجدج بالموضوع

 

[منيرة@]

اول ي اتاكد انه يخون
ويكونعندي دليل قاااطع ومتاكده ميه بلميه

وبعدين اخوووووووووونه

وليه اوفي لواحد يخون وهو كله عيوب?????

 

[مــســك]

آواجهه طبعآ ... مستحيل آسكت .. والله لا يجيب هاليوم لي ولكم آجمعين ..:/

 

[خالتي قموش]

مشكورة خالتي قموش



وتعجبني مقالات ناعمه الهاشمي

حياج الله ذواقه

 

[! بــدويه وآآيــد !]

،



انا صراحه اول شي ماراح اواجه مو عشان لاهدم بيتي لا عشان العب فيه شوي

احاول اوصل لها واعرف اهي منو ومن بنته وعنوانهم وكل شي واخليها على صوب

اهو ادز له وحده ثقه ثقه ثقه تكلمه وتشبك معاه اخليها تطلب صوره وتقوله انه مغري وتبي صوره مفصخ واجمع اكبر عدد من الصور وبعدين ادزهم على بيتنا وانا طالعه واقوله دزيت لك ومرتك فلانه موموجوده شرايك ادزهم واهي موجوده وادزهم على بيت اهلك ويمكن بيت اهلها
العب فيه لعب اخلي نفسيته ززززفت وبالحضيض اخليه اهو يجي يركض يقولي من كثر الهم والخوف اخلي كل ماطق الباب والا وصل مسج تطقطق ضروسه

وبعدين اشوف شنو اسوي معاه يا صج ادزهم لبيت اهله اخليه حشره مايسوى او اكتفي بشقتي واواجه واروح المحكمه اقعد انا وولدي بشقتي واهو تكتب المحكمه غير مؤهل للتربيه يعني لو يناقز يوصل سابع سما مايشوف ولده

والبنت الي يكلمها اروح لاخوانها واقولهم تراها تكلم زوجي وحيلهم بينهم والله مايمدي قلبي يحتؤق واخاف عليه عساهم يقصون رقبته

 

[رشـا العتيبي]

ههههههههه بدويه وايد ياحلووووج والله عجبتيني
حسيتج بايعتها وبقوووووهـ ,,
لــــا انا اواجه ومستحيل اسكت ان سكت بحتر ,,

 

[سمو النفس]

تم التصوويت


والله لايحطنا بهالموقف