ريلي بيسافر تايلند بنات تكفون ساعدوني بموت من التفكير:(

[وسن^^86]

رد : ريلي بيسافر تايلند بنات تكفون ساعدوني بموت من التفكير

والله ماقصرتو معاي وعساني ماانحرم من ردودكم ونصايحكم الغاليه....
وبحاول ماافكر وبسوي اللي قلتو عليه بكشخله وبلبسله وماراح انفس عليه لان كلامكم صح لازم اخليه يروح وصورتي حلوه بعينه

 

[جذابه بنت ذيابه]

رد : ريلي بيسافر تايلند بنات تكفون ساعدوني بموت من التفكير


حبيبتي ادعي انه مايسافر وصلي استخاره

اذا ربج كاتب له هالسفره ماراح يسافرها لو شنو .. واذا كاتب له
بيسافر لها .. ونصيحه لاتحنين وتزنين قوليله فلان ما ابيك ترروح ..
واذا قال حجزت ومدري شنو قولي بيع التذكره



وعسى ربي يكتب بسفرته خير لج وله يارب

 

[الواضحه]

انا زوجي يسافر لسعوديه لشغاله هناك كنت اطبق مهاه هالكلم الحمدلله خفت روحاته

 

[Vouge]

رد : ريلي بيسافر تايلند بنات تكفون ساعدوني بموت من التفكير

الله يحفظه لج .. و يرده سالم غانم

قولي ليه كل يوم صور صورة و دز لي صورك


و قبل لا يسافر .. دلليه و عطيه اللي يبي و قولي له .. حبيبي أنا أدري إن تايلاند بلد الخراب و سمعتها سابقتها
و مستعدة أتحمل نظرة الناس لي إذا درو إنك مسافر مع شباب تايلاند و بقول عني غبية و شلون خليتيه يسافر و مثل ما في تايلاند بحر بكل مكان أكو بحر


ميخالف .. كل هذا يهون إذا في شي إنت صج بخاطرك فيه و لأني واثقة فيك .. و عارفة إنت شنو .. و عمرك ما راح تفكر تكسر فيني // حسسيه إنج واثقة فيه

و بس


هذا اللي عليج لأن الريال إذا بسافر .. راح يسافر و إذا يبي الخراب .. مو شرط يسافر عندنا بالديرة على آفا من يشيل


و كثري أدعية

 

[وسن^^86]

رد : ريلي بيسافر تايلند بنات تكفون ساعدوني بموت من التفكير

الله يهديه انشالله ويوفقكم يابنات ويسخر لكم رياييلكم وانشالله ماتشوفون الا الخير وتعيشون مرتاحين..
مشكورين يالغاليات عالردووود
بس ماادري اشرايكم بسالفه المسجل اسأله اقوله شهالاغاني ولا اسكت عشان انا مابي ابينله اني هبله ومادري عن شي؟؟؟؟؟
لان اهوا عباله اني ماسمعته الاغاني..؟؟؟

 

[افراحي]

شوفي حبيبتي اذا كنتي واثقة فيه قوليله ماتشوف شر مع السلامة واذا كنتي مو واثقة خليه اذا جا يفحص (( مو المشكله فحص الايدز لاسمح الله مايبين الا بعد ٦ شهور على الاقل )) انا اقول خليه يحلف على القرآن ووكلي امرج لرب العباد..بس اهم شي قوليله دير بالك تسكن بفندق غريس لانه فندق خاااااايس وللاسف اغلب الشباب الخليجين يروحون واذا ماتعرفينه كتبي بقوقل فندق غريس وبتشوفين العجب العجاب..عالعموم انا سبق ورحت تايلند وبالعكس حيييييل استانست والاماكن الحلوة معروفة والاماكن الخايسة ايضا معرووووفة..الله يهديه ويسخره لج يااااارب

 

[فراولــة]

رد : ريلي بيسافر تايلند بنات تكفون ساعدوني بموت من التفكير

سوي استخاره
بعدين اذا الواحد زين وما عنده خرابيط لو وين تحطينه ما يخربط الان انسان فاهم وواعي
عالعموم احتياط حطي ادعيه او قراان فالبيت كل يوم سولفي معاه عن يوم القيامه هل اشياء امور حلال والحرام يعني
وجذبي جذبه بيضه صغيره مو تبالغين قولي ان ريل ارفيجتج سافر راح امارات عشان يبي يسوي مشرووع ولما رد مصار اسبوع وهم يسلفون ولا يزل السانه ان مخرط قولي اهي ما حددت شنو بضبط بس المهم ان درت ليش رايح اهناك والحين المسكينه في بيت اهلها متبي اتردله واهو قاعد يحاول ان يرجعها يبيها وجذي عاد انتي حطي بهارات بعد يعني زيدي بالحجي

بيني ان حبل الجذب قصير مهما سوه راح ينكشف وماتسوه عليه يوم ربي يغضب عليه يعني من هسوالف

 

[بدويه زوووغه]

الله يهديه ويصلحه
ادعي هدعاء وانشالله خير
اللهم اني استودعك بصر وسمع ولسان وفؤاد وفرج ومال زوجي في ودائعك فحفظها يامن لاتضيع ودائعك

اللهم اني استودعك زوجي فحفظه لي من الحرام يامن لاتضيع ودائعك​

 

[zozoوبس]

حياتي انا قاعده اقره المشكله والله العظيم ان نفس مشكلتي واليوم زوجي الصبح سافر راح تايلند وراد 4/11والله ان صايرلي اسبوع انا مو على بعضي احس ان قلبي قارصني واقوله تري انا مو راضيه عن السفر واهو يدري لما انا اقوله مو راضيه يدري ان ما راح يتوفق بس ما ادري شنو اسوي واليوم طيارته الصبح ولو تدرين انا شنو مسويه من الصبح تضحكين على من الساعه 6 وانا احوس بالشوارع ناطرته يطلع من البيت لاني ما ابي اشوفه من كثر ما اني شايله عليه واحس ما ني قادره اشوف ويها حتي امس (( باليل )) حاول ان يلطف الجو بس ما قدرت حقرته وحطيت راسي ونمت لاني ادري الي رايح كعاهم مو شئ وادري ان يبي يروح علشان الغوص اهوا غواص بس هم قلبي ناغزني ما ادري شنو اسوي ماكو الا انا وانتي(( نحط ايدنا على خدنا ونغني احط ايدي على خدي ))
هههههههههههههههههههههههههههههههه

 

[eman12]

الله يهديه

 

[محبوبه25]

رد : رد: ريلي بيسافر تايلند بنات تكفون ساعدوني بموت من التفكير

عقب ماحجز احس صعبه ماتخلينه!
والله مادري شقولج بس معروفه تايلند خراب!
الله واكبر غوص بالخليج مخليه كله وطاق درب تغوص بتايلند!

ريـلي قبل لا اخذه كان مسافر تايلند
واحن احن شسويت وليش رحت وليش؟واهو يقول يابنت الحلال اذكري الله
تايلند كلها عوايل ورياجيل كبار وسوالف ودواوين لوووووووووووووووول
سويت روحي مصدقه
سافر اخوي تايلند جان يقول ريـلي هاه هذا اخوج الديّن اللي خايف ربه بيروح تايلند؟شعنده اخترب؟؟

قلت ليش ياقلبي انت مو تقول تايلند رياجيل ودواوين وعوايل؟!
قال هاه<<توهق لوووووووووووووول

يعني ماكو فكه من تايلند الخراب ياعل الله يزيحها
وع والله قذره وجوها قذر مادري شمحببهم فيها!

وااي اشتياق من صجج
ماااكو مقارنه بين بحر تايلند و بحرناااا
بحرهم ازرق يهبل وحناااااااااا
بحرنا كلش ما يشوق حق غوص

 

[روحي زوجي]

رد : ريلي بيسافر تايلند بنات تكفون ساعدوني بموت من التفكير

من قلتي (( كله قاعد عندي ورايح راد يبوسني ويقولي كلام حلو ))


اعرفي انه رايح خرابيط لانه هذا طبعهم لبغوا الحرام

حبيبتي سوي اي طريقه مايسافر فيها واحسن شي ضيعي جوازه ولا قولي بنتك قطعته ولا كبت عليه ماي


وبلعنته هاوش ولا ماهاوش لايجيب لج الامراض وعقبها ماينفعج الندم

 

[dubai girl]

يا بنت الناس ليش شاكه فيه هالكثر مب زين !!

انا اسير تايلند

واحط اغاني ربشه لان احب هالنوع من الاغاني

بس اسير اتسوق واتمشى والله تايلند وناسه
مب شرط الواحد يسير يخربط والشباب يعرفون انهم لوث

 

[آهات الليل]

رد : ريلي بيسافر تايلند بنات تكفون ساعدوني بموت من التفكير

يبا اللي يروح تايلند يروح يخربط ويرد لو شنو لو يموت على زوجته وووالخ
تايلند ام الخرابيط والفجور وووالخ منو اللي مايتمنا يروح تايلند
ماقول غير الله يصبر قلبج لو انا منج ريلي على ريله يزعل ولا بكيفه اقدر اركب الطياره معاه اهو وربعه بصوب

 

[صغيرة على الحب]

شوفي حبيبتي

اذا الريال ناوي يسوي شي يسويه ما يرده احد

ريلج مبين انه يحبج بس هذا مرض

ما اجذب عليج تايلند محد يروح لها عبط جذي و لا غوص و حداق

تايلند حتى اللي مو خربان يخترب

انتي لازم ما تنفعلين جذي و اتحسسينه انج تشكين و حارة نفسج لان الحين صريح و اقولج بروح تايلند باجر كلشي بالخش و الدس بس
عشان لا تزعلين و تروحين من ايده

قعدي معاه بهدوء طالما قاعد يتقرب منج وايد و عطيه قد ما تقدرين و قوليله ابيك ما تنساني انت و انت 000 و من هالحجي وو ما ادري

ما اقدر ادش بالعميق بس بدعي معاه

لو عطيتيه من قلب و اذا صج يحبج و ما يلف و ادور حتى لو راح اهناك يمكن يشوف بس ما بيعطيه قلبه ما راح يقدر و لو اثرو عليه ربعه بيندم

اذا انتي شاطرة و تعرفين شنو نقطة ضعفه تقدرين

و الاهم من كل هذا ادعي رب العالمين ادعيه انيعمي عينه عن بنات الحرام ادعي من كل قلبج و الله ما بيخذلج خلي دعوتج و انتي ساجدة الفير

قوليله بدعيلك من كل قلبي ان يحفضك و يردك لي سالم ززز خلي قلبه يعوره

يعني الزبدة حسسيه بقيمتج و انج تبينه لج بطريقة غير مباشرة و اكيد بيفهمج

لا تيينه بالشدة لان ما بييب نتيجة نهاااائي

والله ييسر امورج حبيبتي الله يهديه ان شاء الله

 

[Geisha]

في برنامج اسمه skype قوليله اخذ لاب توبك ويومي اشبك وشغل الكاميرا بشوفك انا وولدك نوله عليك نصييييحة لا تشدين على ريلج تره مرات الحكره تخلي الواحد اذا مو صايع يصير صايع ثقي بريلج وقولي يارب احفظلي ريلي وابعد عنه عيال الحرام ... موضوع الاغاني يمكن هذا مزاجه او ربعه طالبين منه وانه بيسافر على الكويتيه هذا شي عادي ... صج اهوا اي منطقة قالج بيروح بتايلند؟؟؟

تايلند اكثر منطقة وصصصصصخه وفيها اهي بتايا حتى عربيات وكل الاشكال دعارة وفيها تجمعات العرب بس منطقة وصخةةةةةة انا رحت يوم وردينا من كثر مالاعت جبدي حتى اوروبا ما شفنا جذي

اما بوكيت تهبببببببببببببل وكلها عوايل وغوص لانها جزيرة

وبانكوك تجارة

انتي ساليه اي منطقة؟

وعلى فكرة كل اللي يحبون الغوص يروحون تايلند

 

[سبيجه الروضان]

بنات اشدعوه تايلند وغير تايلند كل ارض بهالعالم فيه الزين والشين انا ريلي سافر تايلند يوم الاثنين اللي فات وبيقعد 10 ايام والله انا اللي قلت له روح غير جو لانه بالفتره الاخيره كان وايد مضغوط ومكروف بدوامه وحسيت انه نفسيته بدت تتعب وشجعته على السفر وانا وياه عمرنا ماسافرنا ويا بعض احنا تزوجنا من 11 شهر تقريبا وعلى طول صار حمل والحين انا نفاس ولي 29 يوم ودعيتله ان الله يوفجه ويستانس والله ان كل يوم يدق علي ويقولي الله يسامحج خليتيني اروح وانا ماودي ومشتاق للبيبي وايد ومشتاق لج بعد والله باليوم يتصل علي اكثر من 5 مرات وياخذ رايي بالاماكن ويسألني وين اروح ويقولي انا بهالمجمع والا بهالشارع والسبب اني معطيته حريته عالاخر وعلى فكره والله لمن اخذت ريلي كان بقمة الخراب والمشكله يسولفلي عن ماضيه والسبب طريقتي وياه اخذ واعطي ولا اسوي نفسي متضايقه واخليه يحس ان جنه يسولف مع روحه مو ويا انسان واضايقه بردة الفعل الرياييييييييييييييييل والله مسألة رياضيات مومعقده بس الشاطره تعرف تحلها فهمتوا علي

 

[Mazyoona]

رد: رد : ريلي بيسافر تايلند بنات تكفون ساعدوني بموت من التفكير

قطيييعه لو الله يفكنا من تايلند
واييها اعصاار لا حرام مو اعصار
خيسوون منع للخليجيين احنا بخير
ادعي الله يهديه و ان يصير شي و مايروح
والله يسخره لج و لايروح تفكيرج بعيييد
لاحطين بدمتج و لاتصيرين حاسه وايد

ايه و الله
حبيبتي مالج الا ربج
ادعي اذا فيه خير له بهالسفره يروح
و اذا لا ما يروح ادعي و استخيري

 

[عادت ذكرياتي]

حبوبة ليش خايفة إذا إنتي عارفه إنه غواص!!!!
واحد نعرفه يروح هناك بين فترة وفترة لأنه عنده بطولات يلعب فنون قتالية عادي
أهم شي تعرفين إنه مو راعي حريم
وهالشخص من النوع اللي يستحي إذا حاجة مراه فعشان جذي ما ينشك فيه نهائي


بس لا تبينيله عدم رضاج لأنه معروف إذا عرف الريال الوتر الحساس للمراه كل ما يبي يدوس عليه
هذا رايي
الله يوفقج

 

[ريماس77]

رد : ريلي بيسافر تايلند بنات تكفون ساعدوني بموت من التفكير

شوفي بالعقل تايلند ديره وصاخه وخراب بس اذا انتي عارفه ريلج ماعنده خرابيط فليش تخافين صح يمكن بحرهم احلى من بحرنا الا اكيد واكيدين انتي الي عليج ادعيله بالهدايه