ريلي طيب،،بس انا سي السيد بالبيت واللي أدير الامور باختصار(انا غرنداايزر) :(

[سكوتي بذوقي]

ضعيف الشخصيه اللي يسمع كلام الناس

يسمع كلام أهله ويأذي زوجته هذا ضعيف الشخصيه

أما اللي يستشير زوجته هذا معناه إن رايها مهم عنده

لأن هي شريكة حياته لاتصيرين حساسه اختي

الله يخلي لك زوجك وعيالك يارب

وربي يدوم السعاده عليكم

موفقه

 

[al-musk]

مافي أي مشكلة أصلا وحطي فبالج ان الزوجين يكملون بعض ومافيها شي لو كان يثق فيج .. انتي بنعمه حمدي ربج وكفاية ان يعاملج بما يرضي ربه..
تقبليه مثل ماهو وراح ترتاحين ...

 

[كويتيه مذهله 87]

ما اشوف المشكله فيه

المشكله فيج انتي حبيبتي

راجعي نفسج وتصرفاتج

 

[ام فواازي]

بالعكس شي حلو مافي

 

[PuPa^^SWeeT]

بني ادم ما يقنع بحاله



اللي ريلها معطيها الشور مو عاجبها


واللي ماسك المهام عنها يقولون عنها ضعيفة ولا مستضعفها


بالحالتين الناس ماتقول خير


لاتسولفين عن حياتج جدام احد



و ريلج يحبج و يموت فيج و واثق منج و من اختياراتج

 

[الاهله]

انا مع فوفو

 

[Um Tuki]

الحمدلله يارب
مثل زوجي طيب و يداري خاطري مداراه

بالبداية ماكان عاجبني الوضع و كنت اتضايق و اغلط عليه و اقول حق امي ان هذا ماحس برجولته

بس لأني انا شينة وياهل عرفت مع الايام ان ريلي يحبني و طيب معاي عشان جذي هذي شخصيته

انا بعد ريلي يقول لي كل شي و ياهذ رايي بكل شي

انا علمته عالمسوؤلية كنت اوكله بمهام اول شي كان يسويها شبه غلط مع الايام تعلم و صار مايرضى احد غيره يسويها


انتي بأسلوبج تغيرينه بس حبيت اقول لج شي

حمدي ربج غيرج ينامون و يصحون على طراقات
لا فلوس و لا مكان سنع يعيشون فيه و لا لهم خصوصية

يلعب عليها و يخونها و هي لا ليلها ليل من الريل و لا نهارها نهار

غير اللي ازواجهم يشربون اللهم يا كافي

حمدي ربج اختي

 

[*~|لوٰڤ لندن|~*]

#
قلبن طيب ولاقلبن جاااسي

احمدي ربججج
وكل البنات كلامهم عجبني ححححيل
بالعكس لاضعيف شخصيه ولاشئ
اعرف وحده الله يعين حالها عصبي ومايتناقش
تقول ليتني اخذت واحد حنووووون وطيب يحسسني اني زوجتهه
بوسي ايدج واحمدي ربج

غيرج ريلها مايسفرها ويسافر مع ربعه ولايستشيرها

اي احسن واحد يحن عليج ولا يقسئ عليجج!وماشا الله يستشيرج ومايستشير الناسس'
كل البنات وفوا وكفوا بنصايحهم فديتهم

الله يدوم حالج ب الخير

 

[تبيني آرضى عليك]

حبيبتي مااااااااااااافي مشكله عااااااادي احمدي ربك انه حنووووون وطيب مو قاسي وشرير
الله يوووووفقك ويسعدكم مع بعض

 

[كويتيه شماليه]

انا معاج وانتي الصح توكلي على الله واحمديه على النعمه


وانا اشوف اذا في تفاهم بين الزوجين مايمنع ان يكون في تعاون بينهم

والله يوفقج ..*

 

[Mjnont '3lay]

مع فوووفوو

 

[miss.unique]

أعطيه مهــــــــــــــــــــام يسويها
بس قبلها عطيه ارشادات .. مع الوقت بيتعلم

 

[احلى شبوصة]

احمدي ربج هاذي نعمة من اللة احمدية عليها

 

[latkt7as]

احممدي ربج عالنعمه

وترا عادي الوحده تسوي

مو معناته انه ضعيف شخصيه او غيره

حطي فبالج عكس شخصيه زوجج

بتقدرين تعيشين معاه؟؟

مالج شغل بكلام الناس

لان اغلبهم يتمنووون يكونون مكانج

ارقي نفسسج

ممكن اي وحده تقرا موضوعج

وتتمنى زوجها يكون ربع زوجج

تقبلي مروري

 

[عجميه ذوق]

مع فوفو وام الدرر?

 

[نونه المنكوشه]

انا اعرف وحده جذي وتعبت اهيا كل شي شايلته بعدين اشسوت اتقول قمت اخليه اهوه كل شي يسويه بس اهيا اللي ترشده اتقول اول شي عل قلبي بس مره ع مره قام يعرف والحين ارتاحت شوي يعني تري انتي اللي خربتيه بالعكس خليه اهوه بويه المدفع بس مايمنع اتكونين انتي العقل المدبروتري الريال من ناحية الجسم يتحمل اكثر غير المره يعني انتي اذا بتعبين نفسج مااي عمرج 45 اله مهردقه غير الريال فدللي نفسج وريحي عمرج وموفقه

 

[دانة_ دبي]

تقريبا عانيت من نفس المشكلة​

و بنصحج نصيحة لوجه الله ،،،​

انتي شخصيتج قوية جدا من قبل الزواج و يمكن من تأثير البيت او الشغل
حاولي تخلين زوجج هو اللي يحجز و يكون له راي
ممكن تبدين ف أشياء بسيطة شو رايك باجر يكون المطعم اللي نتعشى فيه ع ذوقك
ليش ما تسوي سيرج ف النت و تحجز لي مطعم مميز​

صدقيني يا اختي الغالية بتتعبين خاصة يوم يكبرون العيال
انا قمت حتى علبة الببسي ما افتحها يوم يكون عندي اخليه يفتحها << طبعا مو دايما ولا بحصل كف
مو عشان ادلع عليه بس عشان يعرف ان عنده حرمة انثى رقيقة

و حتى مثلا مو من النوع اللي يحجز لي فنادق عادي انا احجز و كرد كاردته يكون معاي
بس انا دايما اقول له يالله ابغي اشوف ذوقك ف الفندق ابغيك تفاجاني بمكان رووعه مميز​

​

يمكن زوجك يكون من النوع ورقة بيضاء ما عنده خبرة ولا تجارب ف الحياة
و تقدرين تشكلينه بالطريقة اللي تحبينها _<<< انا ما احب ها الجملة بس المقصد تقدرين تغيرنه تغيير ايجابي
والله ان فيه ايجابيات بس انتي حاولي بالطرق اللي كتبتها فوق
خليه هو رجال البيت و انتي الانثى الناعمة الرقيقة​

 

[om MaRyooM]

عجبني كلام ام فوفو


بس معاج حق الوحدة حلو تحس انها اهي اللي معتمده على زوجها مو العكس

 

[دلوعة بطبعي]

اعطيه يمسك زمام الامور وحاولي تعطيه الثقة كثري مدح ما شاء الله انت ذكي تعرف كيف تتصرف لين يتعود

 

[nutella22]

حاولي تخلينه يبتدئ يعتمد علي نفسه هو الرجال مؤ انتي والله يسعدك