السلام عليكم بعرض لكم مشكلتي وياؤب تفيدوني فيها لاني بجد محتاسه
بشهل العسل كان ريلي زين بس حسيته ماسك شوي من ناحيه الفلوس
يعني يشتري لنفسه ملابس بملغ وقدره ولما اشتري شي حتى لو سعره رخيص يتضايق ويعصب
لما ردينا الديره طلبت منه مبلغ عشان اطلع الصور وصار يماطل وطلبت منه مبلغ ايام العيد عشان اطلع بدلتي ورفض قالي مالي شغل عندج معاشجج وانتي مسووله عن امورج الخاصه حسيت عينه على راتبي يسالني من اسبوع العرس حم راتبج وجم تستلمسن وكله يقول انا عندي اقساط وانا عندي التزامات اهو راتبه زين لو يرتب نفسه يعني مو ضعيف راتبه ويقول لي انا مسوول عن اغراض البيت والماجله والايجار وبعطيج راتب شهري وماشفت هالراتب الشهري الي قال عنه المهم بنات مو هو الي مفروض يطلع صور العرس وتحسونه بخيل ولا كل الرياييل الي زوجاتهم موضفات جذي
الشي الثاني احنا تزاعلنا اسبوع وكانت بتوصل للطلاق لاسباب تافهه بس اهو عصب حيل وانا بعد كلمته باسلوب مو حلو وكبرت المشكله وبعدين ردينا لبعض بس من ردينا لبعض صار يعاملني باسلوب جاف ويدور علي الزله يعني انا دوام وكراف ومايرحمني ارد اطبخ واغسل وانظف واهو لو يلقى اي شي يقولي هذا وصخ هذا فيه حسيته يفتش وراي
احس اني مرهقهه دوامي طويل وصعب وريلي مايساعدني بشي وفوق هذا يتشره ومو عاجبه شي
السالفه الاكبر الي صدمني فيها يقولي مابي عيال لمده سنه ويبيني اضرب ابره توقف الحمل لمده سنه ووداني طبيبه افحص وتطقني الابره لما ناقشته قال ابي استانس لمده سنه انا بنات بنص الثلاثينات مو صغيره وتزوجت على كبر وابي العيال شلون اقعد سنه ولما رحنا الطبيبه هاوشتنا وقالت االابره مو زينه ويمكن تسبب لج عقم وماتحملين الا بعلاج وانا اهني ارتحت وقالي خلاص بنشوف طبيبه ثانيه قلت له باكل حبوب وانا ناويه اقص عليه وماكلها بس سالته قلت له واذا طلعت الحين حامل او حملت وانا اكل حبوب قال مو مشكله ننزل البيبي انا خفت اهني وانكسر خاطري ليش مايبي مني عيال سالته مره ثانيه قال لاحقين على اليهال ومابي باجر توحمين وتمنعيني من حقوقي الشرعيه
الشي الثاني اهو مطلق وعنده بنت وسبب طلاقه ان زوجته احملت وبعدين توحمت عليه اكرهته وراحت لاهلها واطلبت الطلاق عشان جذي اتوقع تعقد من سالفه الحمل
بنات اهو دايم يطري زوجته الاوليه ويمدحها ويدعي لها بالخير ويقول للحين مادري شنو سبب طلاقي منها انا يعورني قلبي لما يقول جذي واحس بحزن بس مابين له مره بشهر العسل ناداني باسمها مع انه مطلقها من ثلاث سنين
زوجته الاوليه ماكانت تعرف شي بشغل البيت على كلام امه وكلامه هو بعد ماتطبخ ولا حتى تسوي الشاي مع هذا للحين لها معزه بقلبه ولو ماطلبت الطلاق جان ماطلقها واهي راحت زعلانه لاهلها من احملت وماطلقها وصبر عليها وحاول يردها طول فتره الحمل وماطلقها الا بعد مايابت البنت بعد الحاح منها
احنا مثل ماقلت لكم صارت لنا مشكله بسيطه وعلى طول دق علي وقالي بطلق ولولا ماحاجيته باسلوب ولا جان راح المحكمه وطلقني
تهقون ماحبني مثل مرته الاوليه هذا وانا حاطته بعيوني واطبخ له واغسل له واسوي له كل شي والبس واكشخ وهو على كلامه انتي احلى بالشكل من زوجتي الاوليه
الحين اهو رافض اطلع من رفيجاتي او اعزمهم شقتي وودي اغير باثاث شقتي واهز رافض يقول تونا ماكملنا شهرين ليه التغير وكله يقول لاتعورين راسي بطلباتج
بنات شرايكم شلونا اتعامل معاه
تهقون هذي البدايه احنا لنا شهر وشوي متزوجين تتوقعون بس البدايه صعبه وراح يتعدل وشلون اقنعه بسالفه اليهال وشلون اقنعه اني احبه واعزه لانه دايم يقول انتي ماتحنين علي
مدري شنو طالبه منه كل هذا عشان قلت له شرايك نييب خدامه لاني بصراحه مو قادره اوفق بين البيت والشغل وخاصه توني عروس احس اني منهكه قالي شغل البيت غصب عنج تسوينه واذا ماتقدرين ييبي من ينوب عنج قلت شنو قصدك قال ييبي خادمه من راتبج
بشهل العسل كان ريلي زين بس حسيته ماسك شوي من ناحيه الفلوس
يعني يشتري لنفسه ملابس بملغ وقدره ولما اشتري شي حتى لو سعره رخيص يتضايق ويعصب
لما ردينا الديره طلبت منه مبلغ عشان اطلع الصور وصار يماطل وطلبت منه مبلغ ايام العيد عشان اطلع بدلتي ورفض قالي مالي شغل عندج معاشجج وانتي مسووله عن امورج الخاصه حسيت عينه على راتبي يسالني من اسبوع العرس حم راتبج وجم تستلمسن وكله يقول انا عندي اقساط وانا عندي التزامات اهو راتبه زين لو يرتب نفسه يعني مو ضعيف راتبه ويقول لي انا مسوول عن اغراض البيت والماجله والايجار وبعطيج راتب شهري وماشفت هالراتب الشهري الي قال عنه المهم بنات مو هو الي مفروض يطلع صور العرس وتحسونه بخيل ولا كل الرياييل الي زوجاتهم موضفات جذي
الشي الثاني احنا تزاعلنا اسبوع وكانت بتوصل للطلاق لاسباب تافهه بس اهو عصب حيل وانا بعد كلمته باسلوب مو حلو وكبرت المشكله وبعدين ردينا لبعض بس من ردينا لبعض صار يعاملني باسلوب جاف ويدور علي الزله يعني انا دوام وكراف ومايرحمني ارد اطبخ واغسل وانظف واهو لو يلقى اي شي يقولي هذا وصخ هذا فيه حسيته يفتش وراي
احس اني مرهقهه دوامي طويل وصعب وريلي مايساعدني بشي وفوق هذا يتشره ومو عاجبه شي
السالفه الاكبر الي صدمني فيها يقولي مابي عيال لمده سنه ويبيني اضرب ابره توقف الحمل لمده سنه ووداني طبيبه افحص وتطقني الابره لما ناقشته قال ابي استانس لمده سنه انا بنات بنص الثلاثينات مو صغيره وتزوجت على كبر وابي العيال شلون اقعد سنه ولما رحنا الطبيبه هاوشتنا وقالت االابره مو زينه ويمكن تسبب لج عقم وماتحملين الا بعلاج وانا اهني ارتحت وقالي خلاص بنشوف طبيبه ثانيه قلت له باكل حبوب وانا ناويه اقص عليه وماكلها بس سالته قلت له واذا طلعت الحين حامل او حملت وانا اكل حبوب قال مو مشكله ننزل البيبي انا خفت اهني وانكسر خاطري ليش مايبي مني عيال سالته مره ثانيه قال لاحقين على اليهال ومابي باجر توحمين وتمنعيني من حقوقي الشرعيه
الشي الثاني اهو مطلق وعنده بنت وسبب طلاقه ان زوجته احملت وبعدين توحمت عليه اكرهته وراحت لاهلها واطلبت الطلاق عشان جذي اتوقع تعقد من سالفه الحمل
بنات اهو دايم يطري زوجته الاوليه ويمدحها ويدعي لها بالخير ويقول للحين مادري شنو سبب طلاقي منها انا يعورني قلبي لما يقول جذي واحس بحزن بس مابين له مره بشهر العسل ناداني باسمها مع انه مطلقها من ثلاث سنين
زوجته الاوليه ماكانت تعرف شي بشغل البيت على كلام امه وكلامه هو بعد ماتطبخ ولا حتى تسوي الشاي مع هذا للحين لها معزه بقلبه ولو ماطلبت الطلاق جان ماطلقها واهي راحت زعلانه لاهلها من احملت وماطلقها وصبر عليها وحاول يردها طول فتره الحمل وماطلقها الا بعد مايابت البنت بعد الحاح منها
احنا مثل ماقلت لكم صارت لنا مشكله بسيطه وعلى طول دق علي وقالي بطلق ولولا ماحاجيته باسلوب ولا جان راح المحكمه وطلقني
تهقون ماحبني مثل مرته الاوليه هذا وانا حاطته بعيوني واطبخ له واغسل له واسوي له كل شي والبس واكشخ وهو على كلامه انتي احلى بالشكل من زوجتي الاوليه
الحين اهو رافض اطلع من رفيجاتي او اعزمهم شقتي وودي اغير باثاث شقتي واهز رافض يقول تونا ماكملنا شهرين ليه التغير وكله يقول لاتعورين راسي بطلباتج
بنات شرايكم شلونا اتعامل معاه
تهقون هذي البدايه احنا لنا شهر وشوي متزوجين تتوقعون بس البدايه صعبه وراح يتعدل وشلون اقنعه بسالفه اليهال وشلون اقنعه اني احبه واعزه لانه دايم يقول انتي ماتحنين علي
مدري شنو طالبه منه كل هذا عشان قلت له شرايك نييب خدامه لاني بصراحه مو قادره اوفق بين البيت والشغل وخاصه توني عروس احس اني منهكه قالي شغل البيت غصب عنج تسوينه واذا ماتقدرين ييبي من ينوب عنج قلت شنو قصدك قال ييبي خادمه من راتبج
